{॥ ശ്രീലലിതാഹൃദയസ്തോത്രമ് ॥}
അഥശ്രീലലിതാഹൃദയസ്തോത്രം ॥

ശ്രീലലിതാംബികായൈ നമഃ ।
ദേവ്യുവാച ।
ദേവദേവ മഹാദേവ സച്ചിദാനന്ദവിഗ്രഹാ ।
സുന്ദര്യാഹൃദയം സ്തോത്രം പരം കൌതൂഹലം വിഭോ ॥ ൧॥

ഈശ്വരൌവാച ।
സാധു സാധുത്വയാ പ്രാജ്ഞേ ലോകാനുഗ്രഹകാരകം ।
രഹസ്യമപിവക്ഷ്യാമി സാവധാനമനാഃശൃണു ॥ ൨॥

ശ്രീവിദ്യാം ജഗതാം ധാത്രീം സര്ഗ്ഗസ്ഥിതിലയേശ്വരീം ।
നമാമിലലിതാം നിത്യാം ഭക്താനാമിഷ്ടദായിനീം ॥ ൩॥

ബിന്ദുത്രികോണസമ്യുക്തം വസുകോണസമന്വിതം ।
ദശകോണദ്വയോപേതം ചതുര്ദ്ദശ സമന്വിതം ॥ ൪॥

ദലാഷ്ടകേസരോപേതം ദലഷോഡശകാന്വിതം ।
വൃത്തത്രയയാന്വിതംഭൂമിസദനത്രയഭൂഷിതം ॥ ൫॥

നമാമി ലലിതാചക്രം ഭക്താനാമിഷ്ടദായകം ।
അമൃതാംഭോനിധിംതത്ര രത്നദ്വീപം നമാമ്യഹം ॥ ൬॥

നാനാവൃക്ഷമഹോദ്യാനം വന്ദേഹം കല്പവാടികാം ।
സന്താനവാടികാംവന്ദേ ഹരിചന്ദനവാടികാം ॥ ൭॥

മന്ദാരവാടികാം പാരിജാതവാടീം മുദാ ഭജേ ।
നമാമിതവ ദേവേശി കദംബവനവാടികാം ॥ ൮॥

പുഷ്യരാഗമഹാരത്നപ്രാകാരം പ്രണമാമ്യഹം ।
പത്മരാഗാദിമണിഭിഃപ്രാകാരം സര്വ്വദാ ഭജേ ॥ ൯॥

ഗോമേദരത്നപ്രാകാരം വജ്രപ്രാകാരമാശ്രയേ ।
വൈഡൂര്യരത്നപ്രാകാരംപ്രണമാമി കുലേശ്വരീ ॥ ൧൦॥

ഇന്ദ്രനീലാഖ്യരത്നാനാം പ്രാകാരം പ്രണമാമ്യഹം ।
മുക്താഫലമഹാരത്നപ്രാകാരംപ്രണമാമ്യഹം ॥ ൧൧॥

മരതാഖ്യമഹാരത്നപ്രാകാരായ നമോനമഃ ।
വിദ്രുമാഖ്യമഹാരത്നപ്രാകാരംപ്രണമാമ്യഹം ॥ ൧൨॥

മാണിക്യമണ്ഡപം രത്നസഹസ്രസ്തംഭമണ്ഡപം ।
ലലിതേ!തവദേവേശി ഭജാമ്യമൃതവാപികാം ॥ ൧൩॥

ആനന്ദവാപികാം വന്ദേവിമര്ശവാപികാം ഭജേ ।
ഭജേബാലാതപോല്ഗാരം ചന്ദ്രികോഗാരികാം ഭജേ ॥ ൧൪॥

മഹാശൃംഗാരപരിഖാം മഹാപത്മാടവീം ഭജേ ।
ചിന്താമണിമഹാരത്നഗൃഹരാജം നമാമ്യഹം ॥ ൧൫॥

പൂര്വാംനായമയം പൂര്വ്വദ്വാരം ദേവി നമാമ്യഹം ।
ദക്ഷിണാംനായരൂപംതേദക്ഷിണദ്വാരമാശ്രയേ ॥ ൧൬॥

നമാമി പശ്ചിമദ്വാരം പശ്ചിമാമ്നായ രൂപകം ।
വന്ദേഹമുത്തരദ്വാരമുത്തരാമ്നായരൂപകം ॥ ൧൭॥

ഊര്ദ്ധ്വാമ്നായമയം വന്ദേ ഹ്യൂര്ദ്ധദ്വാരം കുലേശ്വരി ।
ലലിതേതവ ദേവേശി മഹാസിംഹാസനം ഭജേ ॥ ൧൮॥

ബ്രഹ്മാത്മകം മഞ്ചപാദമേകം തവ നമാമ്യഹം ।
ഏകംവിഷ്ണുമയം മഞ്ചപാദമന്യം നമാമ്യഹം ॥ ൧൯॥

ഏകം രുദ്രമയം മഞ്ചപാദമന്യം നമാമ്യഹം ।
മഞ്ചപാദംമമാമ്യേകം തവ ദേവീശ്വരാത്മകം ॥ ൨൦॥

മഞ്ചൈകഫലകം വന്ദേ സദാശിവമയം ശുഭം ।
നമാമിതേഹംസതൂലതല്പകം പരമേശ്വരീ! ॥ ൨൧॥

നമാമിതേ ഹംസതൂലമഹോപാധാനമുത്തമം ।
കൌസ്തുഭാസ്തരണംവന്ദേ തവ നിത്യം കുലേശ്വരീ ॥ ൨൨॥

മഹാവിതാനികാം വന്ദേ മഹായവിനികാം ഭജേ ।
ഏവംപൂജാഗൃഹം ധ്യാത്വാ ശ്രീചക്രേ ശ്രീശിവാം ഭജേ ॥ ൨൩॥

സ്വദക്ഷിണേ സ്ഥാപയാമി ഭാഗേ പുഷ്പാക്ഷതാദികാന് ।
അമിതാംസ്തേമഹാദേവി ദീപാന് സന്ദര്ശയാമ്യഹം ॥ ൨൪॥

മൂലേന ത്രിപുരാചക്രം തവ സമ്പൂജ്യയാമ്യഹം ।
ത്രിഭിഃഖണ്ഡൈസ്തവഖ്യാതൈഃ പൂജയാമി മഹേശ്വരി! ॥ ൨൫॥

വായ്വഗ്നി ജലസമ്യുക്തം പ്രാണായാമൈരഹം ശിവൈ ।
ശോഷാണാംദാഹനം ചൈവ കരോമി പ്ലാവനം തഥാ ॥ ൨൬॥

ത്രിവാരം മൂലമന്ത്രേണ പ്രാണായാമം കരോമ്യഹം ।
പാഷണ്ഡകാരിണോഭൂതാ ഭൂമൌയേ ചാന്തരിക്ഷകേ ॥ ൨൭॥

കരോമ്യനേന മന്ത്രേണ താലത്രയമഹം ശിവേ ।
നാരായണോഹംബ്രഹ്മാഹം ഭൈരവോഹം ശിവോസ്മ്യഹം ॥ ൨൮॥

ദേവോഹം പരമാനന്ദോസ്മ്യഹം ത്രിപുരസുന്ദരി ।
ധ്യാത്വാവൈ വജ്രകവചം ന്യാസം തവ കരോമ്യഹം ॥ ൨൯॥

കുമാരീബീജസമ്യുക്തം മഹാത്രിപുരസുന്ദരി! ।
മാംരക്ഷരക്ഷേതി ഹൃദി കരോമ്യജ്ഞലിമീശ്വരി! ॥ ൩൦॥

മഹാദേവ്യാസനായേതി പ്രകരോമ്യാസനം ശിവേ ।
ചക്രാസനംനമസ്യാമി സര്വ്വമന്ത്രാസനം ശിവേ ॥ ൩൧॥

സാദ്ധ്യസിദ്ധാസനം മന്ത്രൈരേഭിര്യുക്തം മഹേശ്വരി ।
കരോമ്യസ്മിന്ചക്രമന്ത്രൈര്ദേവതാസനമുത്തമം ॥ ൩൨॥

കരോമ്യഥ ഷഡംഗാഖ്യം മാതൃകാം ച കലാം ന്യസേ ।
ശ്രീകണ്ടംകേശവം ചൈവ പ്രപഞ്ചം യോഗമാതൃകാം ॥ ൩൩॥

തത്വന്യാസം തതഃ കൂര്വ്വേ ചതുഷ്പീടം യഥാചരേ ।
ലഘുഷോഢാംതതഃ കൂര്വ്വേ ശക്തിന്യാസം മഹോത്തമം ॥ ൩൪॥

പീടന്യാസം തതഃ കുര്വേ ദേവതാവാഹനം പ്രിയേ ।
കുംകുമന്യാസകംചൈവ ചക്രന്യാസമഥാചരേ ॥ ൩൫॥

ചക്രന്യാസം തതഃ കുര്വ്വേ ന്യാസം കാമകലാദ്വയം ।
ഷോഡശാര്ണ്ണമഹാമന്ത്രൈരംഗന്യാസംകരോമ്യഹം ॥ ൩൬॥

മഹാഷോഢാം തതഃ കുര്വ്വേ ശാംഭവം ച മഹാപ്രിയേ ।
തതോമൂലംപ്രജപ്ത്വാഥ പാദുകാഞ്ച തതഃ പരം ॥ ൩൭॥

ഗുരവേ സമ്യഗര്ച്യാഥ ദേവതാം ഹൃദിസംഭജേ ।
കരോമിമണ്ഡലം വൃത്തം ചതുരശ്രം ശിവപ്രിയേ ॥ ൩൮॥

പുഷ്പൈരഭ്യര്ച്ച്യസാധാരം ശംഖം സമ്പൂജയാമഹം ।
അര്ച്ചയാമിഷഡംഗേന ജലമാപൂരയാമ്യഹം ॥ ൩൯॥

ദദാമി ചാദിമം ബിന്ദും കുര്വേ മൂലാഭിമന്ത്രിതം ।
തജജലേനജഗന്മാതസ്ത്രികോണം വൃത്തസമ്യുതം ॥ ൪൦॥

ഷല്കോണം ചതുരശ്രഞ്ച മണ്ഡലം പ്രണമാമ്യഹം ।
വിദ്യയാപൂജയാമീഹ ത്രിഖണ്ഡേന തു പൂജനം ॥ ൪൧॥

ബീജേനവൃത്തഷല്കോണം പൂജയാമി തവപ്രിയേ ।
തസ്മിന്ദേവീകലാത്മാനാം മണിമണ്ഡലമാശ്രയേ ॥ ൪൨॥

ധൂമ്രാര്ച്ചിഷം നമസ്യാമി ഊഷ്മാം ച ജ്വലനീം തഥാ ।
ജ്വാലിനീംച നമസ്യാമി വന്ദേഹം വിസ്പുലിംഗിനീം ॥ ൪൩॥

സുശ്രിയം ച സുരൂപാഞ്ചകംപിലാം പ്രണമാമ്യഹം ।
നൌമിഹവ്യവഹാം നിത്യാം ഭജേ കവ്യവഹാം കലാം ॥ ൪൪॥

സൂര്യാഗ്നിമണ്ഡലാം തത്ര സകലാദ്വാദശാത്മകം ।
അര്ഘ്യപാദ്യമഹംതത്ര തപിനീം താപിനീം ഭജേ ॥ ൪൫॥

ധൂമ്രാം മരീചീം വന്ദേഹം ജ്വാലിനീം മരുഹം ഭജേ ।
സുഷുമ്നാംഭോഗദാം വന്ദേ ഭജേ വിശ്വാം ച ബോധിനീം ॥ ൪൬॥

ധാരിണീം ച ക്ഷമാം വന്ദേ സൌരീരേതാഃ കലാഭജേ ।
ആശ്രയേമണ്മലം ചാന്ദ്രം തല്കലാഷോഡശാത്മകം ॥ ൪൭॥

അമൃതാം മാനദാം വന്ദേ പൂഷാം തുഷ്ടീം ഭജാമ്യഹം ।
പുഷ്ടിംഭജേ മഹാദേവി ഭജേഹം ച രതിം ധൃതിം ॥ ൪൮॥

രശനിം ചന്ദ്രികാം വന്ദേ കാന്തീം ജോത്സനാ ശ്രിയം ഭജേ ।
നേഔമിപ്രീതിഞ്ചാഗതദാഞ്ചപൂര്ണ്ണിമാമമൃതാംഭജേ ॥ ൪൯॥

ത്രികോണലേഖനം കുര്വ്വേ ആകാരാദിസുരേഖകം ।
ഹലക്ഷവര്ണ്ണസമ്യുക്തംസ്പീതം തം ഹംസഭാസ്കരം ॥ ൫൦॥

വാക്കാമശക്തി സംയുക്തം ഹംസമാരാധയാമ്യഹം ।
വൃത്താദ്ബഹിഃഷഡശ്രസ്യലേഖനം പ്രകരോമ്യഹം ॥ ൫൧॥

പുരതോഗ്ന്യാദിഷല്ോണം കഖഗേനാര്ച്ചയാമ്യഹം ।
ശ്രീവിദ്യയാസപ്തവാരം കരോമ്യത്രാഭി മന്ത്രിതം ॥ ൫൨॥

സമര്പ്പയാമി ദേവേശി തസ്മാത് ഗന്ധാക്ഷതാദികം ।
ധ്യായാമിപൂജാദ്രവ്യേഷു തത് സര്വ്വം വിദ്യയായുതം ॥ ൫൩॥

ചതുര്ന്നവതിസന്മന്ത്രാന് സ്പൃഷ്ട്വാ തത് പ്രജപാമ്യഹം ।
വഹ്നേര്ദ്ദശകലാഃസൂര്യകലാദ്വാദശകം ഭജേ ॥ ൫൪॥

ആശ്രയേ ശോഡഷകലാസ്തത്ര ചന്ദ്രമസസ്തദാ ।
സൃഷ്ടിമ്വൃദ്ധിമ് സ്മൃതിമ് വന്ദേ മേധാമ് കാന്തീമ് തഥൈവ ച ॥ ൫൫॥

ലക്ഷ്മീമ് ദ്യുഥിമ് സ്ഥിതാമ് വന്ദേ സ്ഥിതിമ് സിദ്ധിമ് ഭജാമ്യഹമ് ।
ഏതാബ്രഹ്മകലാവന്ദേ ജരാന്ഥാമ് പാലിനീമ് ഭജേ ॥ ൫൬॥

ശാന്തിം നമാമീശ്വരീം ച രതീം വന്ദേ ച കാരികാം ।
വരദാംഹ്ലാദിനീം വന്ദേ പ്രീതിം ദീര്ഘാം ഭജാഭമ്യഹം ॥ ൫൭॥

ഏതാ വിഷ്ണുഅകലാവന്ദേ തീക്ഷണാം രൌദ്രിം ഭയാം ഭജേ ।
നിദ്രാംതന്ദ്രീം ക്ഷുധാം വന്ദേ നമാമി ക്രോധിനീം ക്രിയാം ॥ ൫൮॥

ഉല്കാരീം മൃത്യുരൂപാം ച ഏതാ രുദ്രകലാ ഭജേ ।
നീലാംപീതാം ഭജേ ശ്വേതാം വന്ദേഹമരുണാം കലാം ॥ ൫൯॥

അനന്തഖ്യാം കലാഞ്ചേതി ഈശ്വരസ്യ കലാഭജേ ।
നിവൃത്തിഞ്ചപ്രതിഷ്ഠാഞ്ചവിദ്യാംശാന്തിം ഭജാമ്യഹം ॥ ൬൦॥

രോധികാം ദീപികാം വന്ദേ രേചികാം മോചികാം ഭജേ ।
പരാംസൂക്ഷാമൃതാം സൂക്ഷാം പ്രണാമി കുലേശ്വരി! ॥ ൬൧॥

ജ്ഞാനാഖ്യാഞ്ചനമസ്യാമി നൌമിജ്ഞാനാമൃതാം കലാം ।
ആപ്യായിനീംവ്യാപിനീം ച മോദിനീം പ്രണമാമ്യഹം ॥ ൬൨॥

കലാഃ സദാശിവസ്യൈതാഃ ഷോഡശ പ്രണമാമ്യഹം ।
വിഷ്ണുയോനിംനമസ്യാമി മൂലവിദ്യാം നമാമ്യഹം ॥ ൬൩॥

ത്രൈയംബകമ് നമസ്യാമി തദ്വിഷ്ണുമ് പ്രണമാമ്യഹമ് ।
വിഷ്ണുയോനിമ്നമസ്യാമി മൂലവിദ്യാമ് നമാമ്യഹമ് ॥ ൬൪॥

അമൃതം മന്ത്രിതം വന്ദേ ചതുര്ന്നവതിഭിസ്തഥാ ।
അഖണ്ഡൈകരസാനന്ദകരേപരസുധാത്മനി ॥ ൬൫॥

സ്വച്ഛന്ദസ്പപുരണം മന്ത്രം നീധേഹി കുലരൂപിണി ।
അകുലസ്ഥാമൃതാകാരേസിദ്ധിജ്ഞാനകരേപരേ ॥ ൬൬॥

അമൃതം നിധേഹ്യസ്മിന് വസ്തുനിക്ലിന്നരൂപിണി ।
തദ്രൂപാണേകരസ്യത്വംകൃത്വാഹ്യേതത് സ്വരൂപിണി ॥ ൬൭॥

ഭൂത്വാ പരാമൃതാകാരമയി ചിത് സ്പുരണം കുരു ।
ഏഭിര്മ്മനൂത്തമൈര്വന്ദേമന്ത്രിതം പരമാമൃതം ॥ ൬൮॥

ജോതിമ്മയമിദം വന്ദേ പരമര്ഘ്യഞ്ച സുന്ദരി ।
തദ്വിന്ദുഭിര്മേശിരസി ഗുരും സന്തര്പ്പയാമ്യഹം ॥ ൬൯॥

ബ്രഹ്മാസ്മിന് തദ്വിന്ദും കുണ്ഡലിന്യാം ജുഹോമ്യഹം ।
ഹൃച്ചക്രസ്താം-മഹാദേവീംമഹാത്രിപുരസുന്ദരീം ॥ ൭൦॥

നിരസ്തമോഹതിമിരാം സാക്ഷാത് സംവിത് സ്വരൂപിണീം ।
നാസാപുടാത്പരകലാമഥനിര്ഗ്ഗമയാമ്യഹം ॥ ൭൧॥

നമാമിയോനിമദ്ധ്യാസ്ഥാം ത്രിഖണ്ഡകുസുമാംഞ്ജലിം ।
ജഗന്മാതര്മഹാദേവിയന്ത്രേത്വാം സ്ഥാപയാമ്യഹം ॥ ൭൨॥

സുധാചൈതന്യമൂര്ത്തീം തേ കല്പയാമിമനും തവ ।
അനേനദേവിമന്ത്രയന്ത്രേത്വാം സ്ഥാപയാമ്യഹം ॥ ൭൩॥

മഹാപത്മവനാന്തസ്ഥേ കാരണാനന്തവിഗ്രഹേ ।
സര്വഭൂതഹിതേമാതരേഹ്യപി പരമേശ്വരി ॥ ൭൪॥

ദേവേശീ ഭകതസുലഭേ സര്വ്വാഭരണഭൂഷിതേ ।
യാവത്വംപൂജയാമീഹതാവത്ത്വം സുസ്ഥിരാഭവ ॥ ൭൫॥

അനേന മന്ത്രയുഗ്മേന ത്വാമത്രാവാഹയാമ്യഹം ।
കല്പയാമിനമഃ പാദമര്ഘ്യം തേ കല്പയാമ്യഹം ॥ ൭൬॥

ഗന്ധതൈലാഭ്യഞ്ജനഞ്ചമജ്ജശാലാപ്രവേശം ।
കല്പയാമിനമസ്തസ്മൈ മണിപീഠോപ്രവേശനം ॥ ൭൭॥

ദിവ്യസ്നാനീയമീശാനി ഗൃഹാണോദ്വര്ത്തനം ശുഭേ ।
ഗൃഹാണോഷ്ണാദകസ്നാനംകല്പയാമ്യഭിഷേചനം ॥ ൭൮॥

ഹേമകുംഭായുതൈഃ സ്നിഗ്ദ്ധൈഃ കല്പയാമ്യഭിഷേചനം ।
കല്പയാമിനമസ്തുഭ്യം ധഏഔതേന പരിമാര്ജ്ജനം ॥ ൭൯॥

ബാലഭാനു പ്രതീകാശം ദുകൂലം പരിധാനകം ।
അരുണേനദുകുലേനോത്തരീയം കല്പയാമ്യഹം ॥ ൮൦॥

പ്രവേശനം കല്പയാമി സര്വാംഗാനി വിലേപനം ।
നമസ്തേകല്പയാമ്യത്ര മണിപീഠോപവേശനം ॥ ൮൧॥

അഷ്ടഗന്ധൈഃ കല്പയാമി തവലേഖനമംബികേ ।
കാലാഗരുമഹാധൂപംകല്പയാമി നമശ്ശിവേ ॥ ൮൨॥

മല്ലികാമാലാതീജാതി ചംപകാദി മനോരമൈഃ ।
അര്ച്ചിതാംകുസുമൈര്മ്മാലാം കല്പയാമി നമശ്ശിവേ ॥ ൮൩॥

പ്രവേശനം കല്പയാമി നമോ ഭൂഷണമണ്ഡപേ ।
ഉപവേശ്യംരത്നപീഠേ തത്രതേ കല്പയാമ്യഹം ॥ ൮൪॥

നവമാണിക്യമകുടം തത്രതേ കല്പയാമ്യഹം ।
ശരച്ചന്ദ്രനിഭംയുക്തം തച്ചന്ദ്രശകലം തവ ॥ ൮൫॥

തത സീമന്തസിന്ദൂരം കസ്തൂരീതിലകം തവ ।
കാലാജ്ഞനംകല്പയാമി പാലീയുഗലമുത്തമം ॥ ൮൬॥

മണികുണ്ഡലയുഗ്മഞ്ച നാസാഭരണമീശ്വരീ! ।
താടങ്കയുഗലംദേവി ലലിതേ ധാരയാമ്യഹം ॥ ൮൭॥

അഥാദ്യാം ഭൂഷണം കണ്ഠേ മഹാചിന്താകമുത്തമം ।
പദകംതേ കല്പയാമി മഹാപദകമുത്തമം ॥ ൮൮॥

മുക്താവലീം കല്പയാമി ചൈകാവലി സമന്വിതാം ।
ഛന്നവീരഞ്ചകേയൂരയുഗലാനാം ചതുഷ്ടയം ॥ ൮൯॥

വലയാവലിമാലാനീം ചോര്മികാവലിമീശ്വരി ।
കാഞ്ചീദാമകടീസൂത്രംസൌഭഗ്യാഭരണം ച തേ ॥ ൯൦॥

ത്രിപുരേ പാദകടകം കല്പയേ രത്നനൂപുരം ।
പാദാംഗുലീയകംതുഭ്യം പാശമേകം കരേതവ ॥ ൯൧॥

അന്യേ കരേങ്കുശം ദേവി പൂണ്ഡ്രേക്ഷുധനുഷം തവ ।
അപരേപുഷ്പബാണഞ്ച ശ്രീമന്മാണിക്യപാദുകേ ॥ ൯൨॥

തദാവരണ ദേവേശി മഹാമഞ്ചാദിരോഹണം ।
കാമേശ്വരാങ്കപര്യങ്കമുപവേശനമുത്തമം ॥ ൯൩॥

സുധയാ പൂര്ണ്ണചഷകം തതസ്തത് പാനമുത്തമം ।
കര്പ്പൂരവീടികാംതുഭ്യം കല്പയാമി നമഃ ശിവേ ॥ ൯൪॥

ആനന്ദോല്ലാസവിലസദ്ധംസം തേ കല്പയാമ്യഹം ।
മംഗലാരാത്രികംവന്ദേ ഛത്രം തേ കല്പയാമ്യഹം ॥ ൯൫॥

ചാമരം യൂഗലം ദേവിദര്പ്പണം കല്പയാമ്യഹം ।
താലവ്രിന്തംകല്പയാമിഗന്ധപുഷ്പാക്ഷതൈരപി ॥ ൯൬॥

ധൂപം ദീപശ്ചനൈവേദ്യം കല്പയാമി ശിവപ്രിയേ ।
അഥാഹംബൈന്ദവേ ചക്രേ സര്വാനന്ദമയാത്മകേ ॥ ൯൭॥

രത്നസിംഹാസനേ രമ്യേ സമാസീനാം ശിവപ്രിയാം ।
ഉദ്യദ്ഭാനുസഹസ്രാഭാംജപാപുഷ്പസമപ്രഭാം ॥ ൯൮॥

നവരത്നപ്രഭായുക്തമകുടേന വിരാജിതാം ।
ചന്ദ്രരേഖാസമോപേതാംകസ്തൂരിതിലകാങ്കിതാം ॥ ൯൯॥

കാമകോദണ്ഡസൌന്ദര്യനിര്ജ്ജിതഭ്രഊലതായുതാം ।
അഞ്ജനാഞ്ചിതനേത്രാന്തുപത്മപത്രനിഭേഷണാം ॥ ൧൦൦॥

മണികുണ്ഡലസമ്യുക്ത കര്ണ്ണദ്വയവിരാജിതാം ।
താംബൂലപൂരിതമുഖീംസുസ്മിതാസ്യവിരാജിതാം ॥ ൧൦൧॥

ആദ്യഭൂഷണസമ്യുക്താം ഹേമചിന്താകസംയുതാം ।
പദകേനസമോപേതാം മഹാപദകസംയുതാം ॥ ൧൦൨॥

മുക്താഫലസമോപേതാമേകാവലിസമന്വിതാം ।
കൌസുഭാംഗദസംയുക്തചതുര്Bആഹുസമന്വിതാം ॥ ൧൦൩॥

അഷ്ടഗന്ധസമോപേതാം ശ്രീചന്ദനവിരാജിതാം ।
ഹേമകുംഭോപമപ്രഖ്യസ്തനദ്വന്ദവിരാജിതാം ॥ ൧൦൪॥

രക്തവസ്ത്രപരീധാനാം രക്തകഞ്ചുകസംയുതാം ।
സൂക്ഷ്മരോമാവലിയുക്തതനുമദ്ധ്യവിരാജിതാമ് ॥ ൧൦൫॥

മുക്താമാണിക്യഖചിത കാഞ്ചീയുതനിതംബനീം ।
സദാശിവാങകസ്ഥബൃഹന്മഹാജഘനമണ്ഡലാമ് ॥ ൧൦൬॥

കദലിസ്തംഭസംരാജദൂരുദ്വയവിരാജിതാം ।
കപാലീകാന്തിസംകാശജംഘായുഗലശോഭിതാമ് ॥ ൧൦൭॥

ഗ്രൂഢഗുല്ഫദ്വേയോപേതാം രക്തപാദസമന്വിതാം ।
ബ്രഹ്മവിഷ്ണുമഹേശാദികിരീടസ്ഫൂര്ജ്ജിതാംഘ്രികാമ് ॥ ൧൦൮॥

കാന്ത്യാ വിരാജിതപദാം ഭക്തത്രാണ പരായണാം ।
ഇക്ഷുകാര്മുകപുഷ്പേഷുപാശാങ്കുശധരാംശുഭാം ॥ ൧൦൯॥

സംവിത് സ്വരൂപിണീം വന്ദേ ധ്യായാമി പരമേശ്വരീം ।
പ്രദര്ശയാമ്യഥശിവേദശാമുദ്രാഃ ഫലപ്രദാഃ ॥ ൧൧൦॥

ത്വാം തര്പ്പയാമി ത്രിപുരേ ത്രിധനാ പാര്വ്വതി ।
അഗ്നഏഔമഹേശദിഗ്ഭാഗേ നൈരൃത്ര്യാം മാരുതേ തഥാ ॥ ൧൧൧॥

ഇന്ദ്രാശാവാരുണീ ഭാഗേ ഷഡംഗാന്യര്ച്ചയേ ക്രമാത് ।
ആദ്യാംകാമേശ്വരീം വന്ദേ നമാമി ഭഗമാലിനീം ॥ ൧൧൨॥

നിത്യക്ലിന്നാം നമസ്യാമി ഭേരുണ്ഡാം പ്രണമാമ്യഹം ।
വഹ്നിവാസാംനമസ്യാമി മഹാവിദ്യേശ്വരീം ഭജേ ॥ ൧൧൩॥

ശിവദൂതിം നമസ്യാമി ത്വരിതാം കുല സുന്ദരീം ।
നിത്യാംനീലപതാകാഞ്ച വിജയാം സര്വ്വമംഗലാം ॥ ൧൧൪॥

ജ്വാലാമാലാഞ്ച ചിത്രാഞ്ച മഹാനിത്യാം ച സംസ്തുവേ ।
പ്രകാശാനന്ദനാഥാഖ്യാംപരാശക്തിനമാമ്യഹം ॥ ൧൧൫॥

ശുക്ലദേവീം നമസ്യാമി പ്രണമാമി കുലേശ്വരീം ।
പരശിവാനന്ദനാഥാഖ്യാംപരാശക്തി നമാമ്യഹം ॥ ൧൧൬॥

കൌലേശ്വരാനന്ദനാഥം നൌമി കാമേശ്വരീം സദാ ।
ഭോഗാനന്ദംനമസ്യാമി സിദ്ധൌഘഞ്ച വരാനനേ ॥ ൧൧൭॥

ക്ലിന്നാനന്ദം നമസ്യാമി സമയാനന്ദമേവച ।
സഹജാനന്ദനാഥഞ്ചപ്രണമാമി മുര്മ്മുഹു ॥ ൧൧൮॥

മാനവൌഘം നമസ്യാമി ഗഗനാനന്ദഗപ്യഹം ।
വിശ്വാനന്ദംനമസ്യാമി വിമലാനന്ദമേവച ॥ ൧൧൯॥

മദനാനന്ദനാഥഞ്ച ഭുവനാനന്ദരൂപിണീം ।
ലീലാനന്ദംനമസ്യാമി സ്വാത്മാനന്ദം മഹേശ്വരി ॥ ൧൨൦॥

പ്രണമാമിപ്രിയാനന്ദം സര്വ്വകാമഫലപ്രദം ।
പരമേഷ്ടിഗുരുംവന്ദേ പരമംഗുരുമാശ്രയേ ॥ ൧൨൧॥

ശ്രീഗുരും പ്രണമസ്യാമി മൂര്ദ്ധ്നി ബ്രഹ്മബിലേശ്വരീം ।
ശ്രീമദാനന്ദനാഥാഖ്യശ്രിഗുരോപാദുകാം തഥാ ॥ ൧൨൨॥

അഥ പ്രാഥമികേ ദേവി ചതുരശ്രേ കുലേശ്വരി ।
അണിമാംലഖിമാം വന്ദേ മഹിമാം പ്രണമാമ്യഹം ॥ ൧൨൩॥

ഈശിത്വസിദ്ധിം കലയേ വശിത്വം പ്രണമാമ്യഹം ।
പ്രാകാമ്യസിദ്ധിംഭുക്തിഞ്ച ഇച്ഛാപ്രാപ്ര്തിമഹം ഭജേ ॥ ൧൨൪॥

സര്വ്വകാമപ്രദാം സര്വ്വകാമസിദ്ധിമഹം ഭജേ ।
മദ്ധ്യമേചതുരശ്രേഹം ബ്രാഹ്മീം മാഹേശ്വരീം ഭജേ ॥ ൧൨൫॥

കൌമാരീം വൈഷ്ണവീം വന്ദേ വാരാഹീം പ്രണമാമ്യഹം ।
മാഹേന്ദ്രീമപിചാമുണ്ഡാംമഹാലക്ഷ്മീമഹം ഭജേ ॥ ൧൨൬॥

തൃതീയേ ചതുരശ്രേ തു സര്വ്വസംക്ഷോഭിണീം ഭജേ ।
സര്വ്വവിദ്രാപിണീംമുദ്രാം സര്വ്വാകര്ഷിണികാം ഭജേ ॥ ൧൨൭॥

മുദ്രാം വശങ്കരീം വന്ദേ സര്വ്വോന്മാദിനികാം ഭജേ ।
ഭജേമഹാങ്കുശാം മുദ്രാം ഖേചരീം പ്രണമാമ്യഹം ॥ ൧൨൮॥

ബീജാമുദ്രാം യോനിമുദ്രാം ഭജേ സര്വ്വത്രിഖണ്ഡിനീം ।
ത്രൈലോക്യമോഹനംചക്രം നമാമി ലലിതേ തവ ॥ ൧൨൯॥

നമാമി യോഗിനീം തത്ര പ്രഖടാഖ്യാമഭീഷ്ടദാം ।
സുധാര്ണ്ണവാസനംവന്ദേ തത്ര തേ പരമേശ്വരി ॥ ൧൩൦॥

ചക്രേശ്വരി മഹം വന്ദേ ത്രിപുരാം പ്രണമാമ്യഹം ।
സര്വ്വസംക്ഷോഭിണീംമുദ്രാം തതോഹം കലയേ ശിവേ ॥ ൧൩൧॥

അഥാഹം ഷോഡശദലേ കാമാകര്ഷിണികാം ഭജേ ।
ബുദ്ധ്യാകര്ഷിണികാംവന്ദേഹങ്കാരാകര്ഷിണികാം ഭജേ ॥ ൧൩൨॥

ശബ്ദാകര്ഷിണികാം വന്ദേ സ്പര്ശാകര്ഷിണികാം ഭജേ ।
രൂപാകര്ഷിണികാംവന്ദേ രസാകര്ഷിണികാം ഭജേ ॥ ൧൩൩॥

ഗന്ധാകര്ഷിണികാം വന്ദേ ചിത്താകര്ഷിണികാം ഭജേ ।
ധൈര്യാകര്ഷിണികാംവന്ദേ സ്മൃത്യാകര്ഷിണികാം ഭജേ ॥ ൧൩൪॥

നാമാകര്ഷിണികാം വന്ദേ ബീജാകര്ഷിണികാം ഭജേ ।
ആത്മാകര്ഷിണികാംവന്ദേ അമൃതാകര്ഷിണികാം ഭജേ ॥ ൧൩൫॥

ശരീരാകര്ഷിണികാം വന്ദേ നിത്യാം ശ്രീപരമേശ്വരി ।
സര്വ്വാശാപൂരകംവന്ദേ കല്പയേഹം തവേശ്വരി ॥ ൧൩൬॥

ഗുപ്താഖ്യാം യോഗിനീം വന്ദേ മാതരം ഗുപ്തപൂജ്യതാം ।
പോതാംബുജാസനംതത്ര നമാമി ലലിതേ തവ ॥ ൧൩൭॥

ത്രിപുരേശീം നമസ്യാമി ഭജാമിഷ്ടാര്ത്ഥസിദ്ധിദാം ।
സര്വ്വവിദ്രാവിണിമുദ്രാംതത്രാഹം തേ വിചന്തയേ ॥ ൧൩൮॥

സിവേ തവാഷ്ടപത്രേഹമനംഗകുസുമാം ഭജേ ।
അനംഗമേഖലാംവന്ദേ അനംഗമദനാം ഭജേ ॥ ൧൩൯॥

നമോഹം പ്രണസ്യാമി അനംഗമദനാതുരാം ।
അനംഗരേഖാംകലയേ ഭജേനംഗാം ച വേഗിനീം ॥ ൧൪൦॥

അനംഗാകുശാം വന്ദേഹ മനംഗമാലിനീം ഭജേ ।
തത്രാഹംപ്രണസ്യാമി ദേവ്യാ ആസനമുത്തമം ॥ ൧൪൧॥

നമാമി ജഗതീശാനീം തത്ര ത്രിപുരസുന്ദരീം ।
സര്വ്വാകര്ഷിണികാംമുദ്രാം തത്രാഹ കലപയാമിതേ ॥ ൧൪൨॥

ഭുവനാശ്രയേ തവ ശിവേ സര്വ്വസംക്ഷോഭിണീം ഭജേ ।
സര്വ്വവിദ്രാവിണീംവന്ദേ സര്വ്വകര്ഷിണികാം ഭജേ ॥ ൧൪൩॥

സര്വ്വഹ്ലാദിനീം വന്ദേ സര്വ്വസമ്മോഹിനീം ഭജേ ।
സകലസ്തംഭിനീം വന്ദേ കലയേ സര്വ്വജൃംഭിണീം ॥ ൧൪൪॥

വശങ്കരീം നമസ്യാമി സര്വ്വരജ്ഞിനികാം ഭജേ ।
സകലോന്മദിനീംവന്ദേ ഭജേ സര്വ്വാര്ത്ഥസാധകേ ॥ ൧൪൫॥

സമ്പത്തിപുരികാം വന്ദേ സര്വ്വമന്ത്രമയീം ഭജേ ।
ഭജാമ്യേവതതശ്ശക്തിം സര്വ്വദ്വന്ദ്വക്ഷ്യങ്കരീം ॥ ൧൪൬॥

തത്രാഹം കലയേ ചക്രം സര്വ്വസൌഭാഗ്യദായകം ।
നമാമിജഗതാം ധാത്രീം സമ്പ്രദായാഖ്യയോഗിനിം ॥ ൧൪൭॥

നമാമി പരമേശാനീം മഹാത്രിപുരവാസിനിം ।
കലയേഹംതവ ശിവേ മുദ്രാം സര്വ്വശങ്കരീം ॥ ൧൪൮॥

ബഹിര്ദ്ദശാരേ തേ ദേവി സര്വ്വസിദ്ധിപ്രദാം ഭജേ ।
സര്വ്വസമ്പത്പ്രദാം വന്ദേ സര്വ്വപ്രിയംകരീം ഭജേ ॥ ൧൪൯॥

നമാമ്യഹം തതോ ദേവീം സര്വ്വമംഗലകാരിണീം ।
സര്വ്വകാമപ്രദാംവന്ദേ സര്വ്വദുഃഖവിമോചിനിം ॥ ൧൫൦॥

സര്വ്വമൃത്യുപ്രശമനീം സര്വ്വവിഘ്നനിവാരിണീം ।
സര്വ്വാംഗസുന്ദരീംവന്ദേ സര്വ്വസൌഭാഗ്യദായിനീം ॥ ൧൫൧॥

സര്വ്വാര്ത്ഥസാധകം ചക്രം തത്രാഹം നേ വിചിന്തയേ ।
തത്രാഹംതേ നമസ്യാമി കുലോത്തീര്ണാഖ്യ യോഗിനീം ॥ ൧൫൨॥

സര്വ്വമന്ത്രസനം വന്ദേ ത്രിപുരാശ്രിയമാശ്രയേ ।
കലയാമിതതോ മുദ്രാം സര്വ്വോന്മാദന കാരിണീം ॥ ൧൫൩॥

അന്തര്ദ്ദശാരേ തേ ദേവി സര്വജ്ഞാം പ്രണമാമ്യഹം ।
സര്വ്വശക്തിംനമസ്യാമി സര്വ്വൈശ്വര്യപ്രദാം ഭജേ ॥ ൧൫൪॥

സര്വ്വജ്ഞാനമയീം വന്ദേ സര്വ്വവ്യാധിവിനാശിനീം ।
സര്വ്വാധാരസ്വരൂപാഞ്ചസര്വ്വപാപഹരാംഭജേ ॥ ൧൫൫॥

സര്വാനന്ദമയിം വന്ദേ സര്വ്വരക്ഷാസ്വരൂപിണീം ।
പ്രണമാമിമഹാദേവീം സര്വേപ്സിത ഫലപ്രദാം ॥ ൧൫൬॥

സര്വ്വരക്ഷാകരം ചക്രം സുന്ദരീം കലയേ സദാ ।
നിഗര്ഭയോനീംവന്ദേ തത്രാഹം പ്രണമാമ്യഹം ॥ ൧൫൭॥

സാദ്ധ്യസിദ്ധാസനം വന്ദേ ഭജേ ത്രിപുരമാലിനീം ।
കലയാമിതതോ ദേവീം മുദ്രാം സര്വ്വമഹാങ്കുശാം ॥ ൧൫൮॥

അഷ്ടാരേ വശിനീം വന്ദേ മഹാ കാമേശ്വരീം ഭജേ ।
മോദിനീംവിമലാംവന്ദേ അരുണാജയിനീം ഭജേ ॥ ൧൫൯॥

സര്വേശ്വരീം നമസ്യാമി കൌലിനീം പ്രണമാമ്യഹം ।
സര്വരോഗഹരംചക്രം തത്രാഹം കലയേ സദാ ॥ ൧൬൦॥

നമാമി ത്രിപുരാ സിദ്ധിം ഭജേ മുദ്രാം ച ഖേചരീം ।
മഹാത്രികോണവത്ബാഹുചതുരശ്രേ കുലേശ്വരി ॥ ൧൬൧॥

നമാമി ജൃംഭണാബാണം സര്വ്വസംമോഹിനീം ഭജേ ।
പാശംചാപം ഭജേ നിത്യം ഭജേ സ്തംഭനമങ്കുശം ॥ ൧൬൨॥

ത്രികോണേഹം ജഗദ്ധാത്രീം മഹാകാമേശ്വരീം ഭജേ ।
മഹാവജ്രേശ്വരീംവന്ദേ മഹാശ്രീഭഗമാലിനീം ॥ ൧൬൩॥

മഹാശ്രീസുന്ദരീം വന്ദേ സര്വ്വകാമഫലപ്രദാം ।
സര്വ്വസിദ്ധിപ്രദംചക്രം തവദേവി നമാമ്യഹം ॥ ൧൬൪॥

നമാമ്യതിരഹസ്യാഖ്യാം യോഗിനീം തവകാമദാം ।
ത്രിപുരാംബാംനമസ്യാമി ബീജാമുദ്രാമഹാംഭജേ ॥ ൧൬൫॥

മൂലമന്ത്രേണ ലലിതേ തല്ബിന്ദൌ പൂജയാമ്യഹം ।
സര്വാനന്ദമയംചക്രം തവദേവി ഭജാമ്യഹം ॥ ൧൬൬॥

പരാം പരരഹസ്യാഖ്യാം യോഗിനീം തത്രകാമദാം ।
മഹാചക്രേശ്വരീംവന്ദേ യോനിമുദ്രാമഹം ഭജേ ॥ ൧൬൭॥

ധൂപദീപാദികം സര്വമര്പ്പിതം കല്പയാമ്യഹം ।
ത്വല്പ്രീതയേമഹാമുദ്രാം ദര്ശയാമി തതശ്ശിവേ ॥ ൧൬൮॥

ശാല്യന്നം മധുസമ്യുക്തം പായസാപൂപ സമ്യുക്തം ।
ഘൃതസൂപസമായുക്തംദധിക്ഷീരസമന്വിതം ॥ ൧൬൯॥

സര്വ്വഭക്ഷ്യസമായുക്തം ബഹുശാകസമന്വിതം ।
നിക്ഷിപ്യകാഞ്ചനേ പാത്രേ നൈവേദ്യം കല്പയാമി തേ ॥ ൧൭൦॥

സങ്കല്പബിന്ദുനാ ചക്രം കുചൌ ബിന്ദുദ്വയേന ച ।
യോനിശ്ചസപരാര്ദ്ധേന കൃത്വാ ശ്രീലലിതേ തവ ॥ ൧൭൧॥

ഏതത് കാമകലാ രൂപം ഭക്താനാം സര്വ്വകാമദം ।
സര്വ്വസൌഭാഗ്യദംവന്ദേ തത്ര ത്രിപുരസുന്ദരീം ॥ ൧൭൨॥

വാമഭാഗേ മഹേശാനി വൃത്തം ച ചതുശ്രകം ।
കൃത്വാഗന്ധാക്ഷതാദ്യൈശ്ചാപ്യര്ച്ചയാമി മഹേശ്വരീം ॥ ൧൭൩॥

വാഗ്ദവാദ്യം നമസ്യാമി തത്ര വ്യാപകമണ്ഡലം ।
ജലയുക്തേനപാണൌ ച ശുദ്ധമുദ്രാ സമന്വിതം ॥ ൧൭൪॥

തത്ര മന്ത്രേണ ദാസ്യാമി ദേവി തേ ബലിമുത്തമം ।
നമസ്തേദേവദേവേശി നമ സ്ത്രൈലോക്യവന്ദിതേ ॥ ൧൭൫॥

നമശ്ശിവവരാങ്കസ്ഥേ നമസ്ത്രീപുരസുന്ദരി ।
പ്രദക്ഷിണനമസ്കാരമനേനാഹം കരോമി തേ ॥ ൧൭൬॥

തത സങ്കല്പമന്ത്രാണാം സമാജം പരമേശ്വരി ।
പ്രജപാമിമഹാവിദ്യാം ത്വത് പ്രീത്യര്ത്ഥമഹം ശിവേ ॥ ൧൭൭॥

തവ വിദ്യാം പ്രജപ്ത്വാഥ നൌമി ത്വാം പരമേശ്വരി ।
മഹാദേവിമഹേശാനി മഹാശിവമയേ പ്രിയേ ॥ ൧൭൮॥

മഹാനിത്യേ മഹാസിദ്ധേ ത്വാമഹം ശരണം ശിവേ ।
ജയത്വംത്രിപുരേ ദേവി ലലിതേ പരമേശ്വരി ॥ ൧൭൯॥

സദാശിവ പ്രിയങ്കരി പാഹിമാം കരുണാനിധേ ।
ജഗന്മാതര്ജ്ജഗദ്രൂപേജഗദീശ്വരവല്ലഭേ ॥ ൧൮൦॥

ജഗന്മയി ജഗത് സ്തുത്യേ ഗൌരി ത്വാമഹമാശ്രയേ ।
അനാദ്യേസര്വ്വലോകാനാമാദ്യേ ഭക്തേഷ്ടദായിനി ॥ ൧൮൧॥

ഗിരിരാജേന്ദ്രതനയേ നമസ്തീപുരസുന്ദരി ।
ജയാരീഞ്ജയദേവേശിബ്രഹ്മമാതര്മഹേശ്വരി ॥ ൧൮൨॥

വിഷ്ണുമാതരമാദ്യന്തേ ഹരമാതസ്സുരേശ്വരി ।
ബ്രഹ്മ്യാദിമാതൃസംസ്തുത്യേ സര്വ്വാഭരണ സമ്യുക്തേ ॥ ൧൮൩॥

ജ്യോതിര്മയി മഹാരൂപേ പാഹിമാം ത്രിപുരേ സദാ ।
ലക്ഷ്മീവാണ്യാദിസം പൂജ്യേ ബ്രഹ്മവിഷ്ണുശിവപ്രിയ ॥ ൧൮൪॥

ഭജാമി തവ പാദാബ്ജം ദേവി ത്രിപുരസുന്ദരി ।
ത്വല്പ്രീത്യര്ത്ഥംയതഃ കാഞ്ചീച്ഛക്തിം വൈപൂജയാമ്യഹം ॥ ൧൮൫॥

തതശ്ച കേതനാം ശക്തിം തര്പയാമി മഹേശ്വരി ।
തഥാപിത്വാം ഭജംസ്തോഷം ചിദഗ്നൌ ച ദദാമ്യഹം ॥ ൧൮൬॥

ത്വല്പ്രീത്യര്ത്ഥയം മഹാദേവി മമാഭീഷ്ടാര്ത്ഥ സിദ്ധയേ ।
ബദ്ധ്വാത്വാം ഖൈചരീമുദ്രാം ക്ഷമസ്വോദ്വാസയാമ്യഹം ॥ ൧൮൭॥

തിഷ്തമേ ഹൃദയേനിത്യം ത്രിപുരേ പരമേശ്വരി ।
ജഗദംമഹാരാജ്ഞി മഹാശക്തി ശിവപ്രിയേ ॥ ൧൮൮॥

ഹൃച്ചക്രേ തിഷ്തമേ നിത്യം മഹാത്രിപുരസുന്ദരി ।
ഏതത്ത്രിപുരസുന്ദര്യാ ഹൃദയം സര്വകാമദം ॥ ൧൮൯॥

മഹാരഹസ്യം സതതം ദുര്ല്ലഭം ദൈവതൈരപി ।
സാക്ഷാത്സദാശിവേനോക്തം ഗുഹ്യാത് ഗുഹ്യമനുത്തമം ॥ ൧൯൦॥

യഃ പതേത് ശ്രദ്ധയാ നിത്യം ശൃണുയാദ്വാ സമാഹിതഃ ।
നിത്യപൂജാഫലംദേവ്യാസ്സലഭേന്നാത്ര സംശയഃ ॥ ൧൯൧॥

പാപൈഃ സമുച്യതേ സദ്യഃ കായവാക്ക് സിത്തസംഭവൈഃ ।
പൂര്വജന്മസമുത് ഭ്രദതൈര്ജ്ഞാനാജ്ഞകൃതൈരപി ॥ ൧൯൨॥

സര്വക്രതുഷുയത് പുണ്യം സര്വതീര്ത്ഥേഷു യര്ഫലം ।
തത്പുണ്യം ലഭതേ നിത്യം മാനവോ നാത്ര സംശയഃ ॥ ൧൯൩॥

അചലാം ലഭതേ ലക്ഷ്മീം ത്രൈലോക്യേനാതി ദുര്ലഭാം ।
സാക്ഷാദ്വിഷ്ണുര്മഹാലക്ഷ്യാശീഘ്രമേവ ഭവിഷ്യതി ॥ ൧൯൪॥

അഷ്ടൈശ്വര്യ മവാപ്നോതി സ ശീഘ്രം മാനവോത്തമഃ ।
ഘണ്ഡികാപാദുകാസിദ്ധ്യാദിഷ്ടകംശീഘ്രമശ്നുതേ ॥ ൧൯൫॥

ശ്രീമത്ത്രിപുരാംബികായൈ നമഃ ।
॥ ശ്രീലലിതാഹൃദയസ്തോത്രം സമ്പൂര്ണം ॥
ഓംതത് സത് ॥


Encodedand proofread by Adwaith Menon adwaithmenon at gmail.com

Please send corrections to sanskrit@cheerful.com
Last updated ത്oday
http://sanskritdocuments.org

Lalita Hrudaya Stotram Lyrics in Malayalam PDF
% File name : shrIlalitAhRidayastotram.itx
% Category : hRidaya
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Adwaith Menon adwaithmenon at gmail.com
% Proofread by : Adwaith Menon
% Latest update : June 15, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website