{॥ ଡାକିନୀସ୍ତୋତ୍ରମ୍ ॥}
ଆନନ୍ଦଭୈରଵୀ ଉଵାଚ
ଅଥ ଵକ୍ଷ୍ଯେ ମହାକାଲ ମୂଲପଦ୍ମଵିଵେଚନମ୍ ।
ଯତ୍ କୃତ୍ଵା ଅମରୋ ଭୂତ୍ଵା ଵସେତ୍ କାଲଚତୁଷ୍ଟଯମ୍ ॥ ୧॥

ଅଥ ଷଟ୍ଚକ୍ରଭେଦାର୍ଥେ ଭେଦିନୀଶକ୍ତିମାଶ୍ରଯେତ୍ ।
ଛେଦିନୀଂ ସର୍ଵଗ୍ରନ୍ଥୀନାଂ ଯୋଗିନୀଂ ସମୁପାଶ୍ରଯେତ୍ ॥ ୨॥

ତସ୍ଯା ମନ୍ତ୍ରାନ୍ ପ୍ରଵକ୍ଷ୍ଯାମି ଯେନ ସିଦ୍ଧୋ ଭଵେନ୍ନରଃ ।
ଆଦୌ ଶୃଣୁ ମହାମନ୍ତ୍ରଂ ଭେଦିନ୍ଯାଃ ପରଂ ମନୁମ୍ ॥ ୩॥

ଆଦୌ କାଲୀଂସମୁତ୍କୃତ୍ଯ ବ୍ରହ୍ମମନ୍ତ୍ରଂ ତତଃ ପରମ୍ ।
ଦେଵ୍ଯାଃ ପ୍ରଣଵମୁଦ୍ଧୃତ୍ଯ ଭେଦନୀ ତଦନନ୍ତରମ୍ ॥ ୪॥

ତତୋ ହି ମମ ଗୃହ୍ଣୀଯାତ୍ ପ୍ରାପଯ ଦ୍ଵଯମେଵ ଚ ।
ଚିତ୍ତଚଞ୍ଚୀଶବ୍ଦାନ୍ତେ ମାଂ ରକ୍ଷ ଯୁଗ୍ମମେଵ ଚ ॥ ୫॥

ଭେଦିନୀ ମମ ଶବ୍ଦାନ୍ତେ ଅକାଲମରଣଂ ହର ।
ହର ଯୁଗ୍ମଂ ସ୍ଵଂ ମହାପାପଂ ନମୋ ନମୋଽଗ୍ନିଜାଯଯା ॥ ୬॥

ଏତନ୍ମନ୍ତ୍ରଂ ଜପେତ୍ତତ୍ର ଡାକିନୀରକ୍ଷସି ପ୍ରଭୋ ।
ଆଦୌ ପ୍ରଣଵମୁଦ୍ଧୃତ୍ଯ ବ୍ରହ୍ମମନ୍ତ୍ରଂ ତତଃ ପରମ୍ ॥ ୭॥

ଶାମ୍ଭଵୀତି ତତଶ୍ଚୋକ୍ତ୍ଵା ବ୍ରାହ୍ମଣୀତି ପଦଂ ତତଃ ।
ମନୋନିଵେଶଂ କୁରୁତେ ତାରଯେତି ଦ୍ଵିଧାପଦମ୍ ॥ ୮॥

ଛେଦିନୀପଦମୁଦ୍ଧୃତ୍ଯ ମମ ମାନସଶବ୍ଦତଃ ।
ମହାନ୍ଧକାରମୁଦ୍ଧୃତ୍ଯ ଛେଦଯେତି ଦ୍ଵିଧାପଦମ୍ ॥ ୯॥

ସ୍ଵାହାନ୍ତଂ ମନୁମୁଦ୍ଧୃତ୍ଯ ଜପେନ୍ମୂଲାମ୍ବୁଜେ ସୁଧୀଃ ।
ଏତନ୍ମନ୍ତ୍ରପ୍ରସାଦେନ ଜୀଵନ୍ମୁକ୍ତୋ ଭଵେନ୍ନରଃ ॥ ୧୦॥

ତଥା ସ୍ତ୍ରୀଯୋଗିନୀମନ୍ତ୍ରଂ ଜପେତ୍ତତ୍ରୈଵ ଶଙ୍କର ।
ଓଂ ଘୋରରୂପିଣିପଦଂ ସର୍ଵଵ୍ଯାପିନି ଶଙ୍କର ॥ ୧୧॥

ମହାଯୋଗିନି ମେ ପାପଂ ଶୋକଂ ରୋଗଂ ହରେତି ଚ ।
ଵିପକ୍ଷଂ ଛେଦଯେତ୍ଯୁକ୍ତ୍ଵା ଯୋଗଂ ମଯ୍ଯର୍ପଯ ଦ୍ଵଯମ୍ ॥ ୧୨॥

ସ୍ଵାହାନ୍ତଂ ମନୁମୁଦ୍ଧୃତ୍ଯ ଜପାଦ୍ଯୋଗୀ ଭଵେନ୍ନରଃ ।
ଖେଚରତ୍ଵଂ ସମାପ୍ନୋତି ଯୋଗାଭ୍ଯାସେନ ଯୋଗିରାଟ୍ ॥ ୧୩॥

ଡାକିନୀଂ ବ୍ରହ୍ମଣା ଯୁକ୍ତାଂ ମୂଲେ ଧ୍ଯାତ୍ଵା ପୁନଃ ପୁନଃ ।
ଜପେନ୍ମନ୍ତ୍ରଂ ସଦାଯୋଗୀ ବ୍ରହ୍ମମନ୍ତ୍ରେଣ ଯୋଗଵିତ୍ ॥ ୧୪॥

ବ୍ରହ୍ମମନ୍ତ୍ରଂ ପ୍ରଵକ୍ଷ୍ଯାମି ତଜ୍ଜାପେନାପି ଯୋଗିରାଟ୍ ।
ବ୍ରହ୍ମମନ୍ତ୍ରପ୍ରସାଦେନ ଜଡୋ ଯୋଗୀ ନ ସଂଶଯଃ ॥ ୧୫॥

ପ୍ରଣଵତ୍ରଯମୁଦ୍ଧୃତ୍ଯ ଦୀର୍ଘପ୍ରଣଵଯୁଗ୍ମକମ୍ ।
ତଦନ୍ତେ ପ୍ରଣଵତ୍ରୀଣି ବ୍ରହ୍ମ ବ୍ରହ୍ମ ତ୍ରଯଂ ତ୍ରଯମ୍ ॥ ୧୬॥

ସର୍ଵସିଦ୍ଧିପଦସ୍ଯାନ୍ତେ ପାଲଯେତି ଚ ମାଂ ପଦମ୍ ।
ସତ୍ତ୍ଵଂ ଗୁଣୋ ରକ୍ଷ ରକ୍ଷ ମାଯାସ୍ଵାହାପଦଂ ଜପେତ୍ ॥ ୧୭॥

ଡାକିନୀମନ୍ତ୍ରରାଜଞ୍ଚ ଶୃଣୁଷ୍ଵ ପରମେଶ୍ଵର ।
ଯଜ୍ଜପ୍ତ୍ଵା ଡାକିନୀ ଵଶ୍ଯା ତ୍ରୈଲୋକ୍ଯସ୍ଥିତିପାଲକାଃ ॥ ୧୮॥

ଯୋ ଜପେତ୍ ଡାକିନୀମନ୍ତ୍ରଂ ଚୈତନ୍ଯା କୁଣ୍ଡଲୀ ଝଟିତ୍ ।
ଅନାଯାସେନ ସିଦ୍ଧିଃ ସ୍ଯାତ୍ ପରମାତ୍ମପ୍ରଦର୍ଶନମ୍ ॥ ୧୯॥

ମାଯାତ୍ରଯଂ ସମୁଦ୍ଧୃତ୍ଯ ପ୍ରଣଵୈକଂ ତତଃ ପରମ୍ ।
ଡାକିନ୍ଯନ୍ତେ ମହାଶବ୍ଦଂ ଡାକିନ୍ଯମ୍ବପଦଂ ତତଃ ॥ ୨୦॥

ପୁନଃ ପ୍ରଣଵମୁଦ୍ଧୃତ୍ଯ ମାଯାତ୍ରଯଂ ତତଃ ପରମ୍ ।
ମମ ଯୋଗସିଦ୍ଧିମନ୍ତେ ସାଧଯେତି ଦ୍ଵିଧାପଦମ୍ ॥ ୨୧॥

ମନୁମୁଦ୍ଧୃତ୍ଯ ଦେଵେଶି ଜପାଦ୍ଯୋଗୀ ଭଵେଜ୍ଜଡଃ ।
ଜପ୍ତ୍ଵା ସମ୍ପୂଜଯେନ୍ମନ୍ତ୍ରୀ ପୁରଶ୍ଚରଣସିଦ୍ଧଯେ ॥ ୨୨॥

ସର୍ଵତ୍ର ଚିତ୍ତସାମ୍ଯେନ ଦ୍ରଵ୍ଯାଦିଵିଵିଧାନି ଚ ।
ପୂଜଯିତ୍ଵା ମୂଲପଦ୍ମେ ଚିତ୍ତୋପକରଣେନ ଚ ॥ ୨୩॥

ତତୋ ମାନସଜାପଞ୍ଚ ସ୍ତୋତ୍ରଞ୍ଚ କାଲିପାଵନମ୍ ।
ପଠିତ୍ଵା ଯୋଗିରାଟ୍ ଭୂତ୍ତ୍ଵା ଵସେତ୍ ଷଟ୍ଚକ୍ରଵେଶ୍ମନି ॥ ୨୪॥

ଶକ୍ତିଯୁକ୍ତଂ ଵିଧିଂ ଯସ୍ତୁ ସ୍ତୌତି ନିତ୍ଯଂ ମହେଶ୍ଵର ।
ତସ୍ଯୈଵ ପାଲନାର୍ଥାଯ ମମ ଯନ୍ତ୍ରଂ ମହୀତଲେ ॥ ୨୫॥

ତତ୍ ସ୍ତୋତ୍ରଂ ଶୃଣୁ ଯୋଗାର୍ଥଂ ସାଵଧାନାଵଧାରଯ ।
ଏତତ୍ସ୍ତୋତ୍ରପ୍ରସାଦେନ ମହାଲଯଵଶୋ ଭଵେତ୍ ॥ ୨୬॥

ବ୍ରହ୍ମାଣଂ ହଂସସଙ୍ଘାଯୁତଶରଣଵଦାଵାହନଂ ଦେଵଵକ୍ତ୍ର।
ଵିଦ୍ଯାଦାନୈକହେତୁଂ ତିମିଚରନଯନାଗ୍ନୀନ୍ଦୁଫୁଲ୍ଲାରଵିନ୍ଦମ୍
ଵାଗୀଶଂ ଵାଗ୍ଗତିସ୍ଥଂ ମତିମତଵିମଲଂ ବାଲାର୍କଂ ଚାରୁଵର୍ଣମ୍ ।
ଡାକିନ୍ଯାଲିଙ୍ଗିତଂ ତଂ ସୁରନରଵରଦଂ ଭାଵଯେନ୍ମୂଲପଦ୍ମେ ॥ ୨୭॥

ନିତ୍ଯାଂ ବ୍ରହ୍ମପରାଯଣାଂ ସୁଖମଯୀଂ ଧ୍ଯାଯେନ୍ମୁଦା ଡାକିନୀ।
ରକ୍ତାଂ ଗଚ୍ଛଵିମୋହିନୀଂ କୁଲପଥେ ଜ୍ଞାନାକୁଲଜ୍ଞାନିନୀମ୍ ।
ମୂଲାମ୍ଭୋରୁହମଧ୍ଯଦେଶନିକଟେ ଭୂଵିମ୍ବମଧ୍ଯେ ପ୍ରଭା।
ହେତୁସ୍ଥାଂ ଗତିମୋହିନୀଂ ଶ୍ରୁତିଭୁଜାଂ ଵିଦ୍ଯାଂ ଭଵାହ୍ଲାଦିନୀମ୍ ॥ ୨୮॥

ଵିଦ୍ଯାଵାସ୍ତଵମାଲଯା ଗଲତଲପ୍ରାଲମ୍ବଶୋଭାକରା।
ଧ୍ଯାତ୍ଵା ମୂଲନିକେତନେ ନିଜକୁଲେ ଯଃ ସ୍ତୌତି ଭକ୍ତ୍ଯା ସୁଧୀଃ ।
ନାନାକାରଵିକାରସାରକିରଣାଂ କର୍ତ୍ରୀ ଵିଧୋ ଯୋଗିନା।
ମୁଖ୍ଯାଂ ମୁଖ୍ଯଜନସ୍ଥିତାଂ ସ୍ଥିତିମତିଂ ସତ୍ତ୍ଵାଶ୍ରିତାମାଶ୍ରଯେ ॥ ୨୯॥

ଯା ଦେଵୀ ନଵଡାକିନୀ ସ୍ଵରମଣୀ ଵିଜ୍ଞାନିନୀ ମୋହିନୀ ।
ମାଂ ପାତୁ ପିରଯକାମିନୀ ଭଵଵିଧେରାନନ୍ଦସିନ୍ଧୂଦ୍ଭଵା ।
ମେ ମୂଲଂ ଗୁଣଭାସିନୀ ପ୍ରଚଯତୁ ଶ୍ରୀଃ କୀତୀଚକ୍ରଂ ହି ମା।
ନିତ୍ଯା ସିଦ୍ଧିଗୁଣୋଦଯା ସୁରଦଯା ଶ୍ରୀସଂଜ୍ଞଯା ମୋହିତା ॥ ୩୦॥

ତନ୍ମଧ୍ଯେ ପରମାକଲା କୁଲଫଲା ବାଣପ୍ରକାଣ୍ଡାକରା
ରାକା ରାଶଷସାଦଶା ଶଶିଘଟା ଲୋଲାମଲା କୋମଲା ।
ସା ମାତା ନଵମାଲିନୀ ମମ କୁଲଂ ମୂଲାମ୍ବୁଜଂ ସର୍ଵଦା ।
ସା ଦେଵୀ ଲଵରାକିଣୀ କଲିଫଲୋଲ୍ଲାସୈକବୀଜାନ୍ତରା ॥ ୩୧॥

ଧାତ୍ରୀ ଧୈର୍ଯଵତୀ ସତୀ ମଧୁମତୀ ଵିଦ୍ଯାଵତୀ ଭାରତୀ ।
କଲ୍ଯାଣୀ କୁଲକନ୍ଯକାଧରନରାରୂପା ହି ସୂକ୍ଷ୍ମାସ୍ପଦା ।
ମୋକ୍ଷସ୍ଥା ସ୍ଥିତିପୂଜିତା ସ୍ଥିତିଗତା ମାତା ଶୁଭା ଯୋଗିନା।
ନୌମି ଶ୍ରୀଭଵିକାଶଯାଂ ଶମନଗାଂ ଗୀତୋଦ୍ଗତାଂ ଗୋପନାମ୍ ॥ ୩୨॥

କଲ୍କେଶୀଂ କୁଲପଣ୍ଡିତାଂ କୁଲପଥଗ୍ରନ୍ଥିକ୍ରିଯାଚ୍ଛେଦିନୀ।
ନିତ୍ଯାଂ ତାଂ ଗୁଣପଣ୍ଡିତାଂ ପ୍ରଚପଲାଂ ମାଲାଶତାର୍କାରୁଣାମ୍ ।
ଵିଦ୍ଯାଂ ଚଣ୍ଡଗୁଣୋଦଯାଂ ସମୁଦଯାଂ ତ୍ରୈଲୋକ୍ଯରକ୍ଷାକ୍ଷରା।
ବ୍ରହ୍ମଜ୍ଞାନନିଵାସିନୀଂ ସିତଶୁଭାନନ୍ଦୈକବୀଜୋଦ୍ଗତାମ୍ ॥ ୩୩॥

ଗୀତାର୍ଥାନୁଭଵପିରଯାଂ ସକଲଯା ସିଦ୍ଧପ୍ରଭାପାଟଲାମ୍ ।
କାମାଖ୍ଯାଂ ପ୍ରଭଜାମି ଜନ୍ମନିଲଯାଂ ହେତୁପିରଯାଂ ସତ୍କ୍ରିଯାମ୍ ।
ସିଦ୍ଧୌ ସାଧନତତ୍ପରଂ ପରତରଂ ସାକାରରୂପାଯିତାମ୍ ॥ ୩୪॥

ବ୍ରହ୍ମଜ୍ଞାନଂ ନିଦାନଂ ଗୁଣନିଧିନଯନଂ କାରଣାନନ୍ଦଯାନମ୍ ।
ବ୍ରହ୍ମାଣଂ ବ୍ରହ୍ମବୀଜଂ ରଜନିଜଯଜନଂ ଯାଗକାର୍ଯାନୁରାଗମ୍ ॥ ୩୫॥

ଶୋକାତୀତଂ ଵିନୀତଂ ନରଜଲଵଚନଂ ସର୍ଵଵିଦ୍ଯାଵିଧିଜ୍ଞମ୍ ।
ସାରାତ୍ ସାରଂ ତରୁଂ ତଂ ସକଲତିମିରହଂ ହଂସଗଂ ପୂଜଯାମି ॥ ୩୬॥

ଏତତ୍ସମ୍ବନ୍ଧମାର୍ଗଂ ନଵନଵଦଲଗଂ ଵେଦଵେଦାଙ୍ଗଵିଜ୍ଞମ୍ ।
ମୂଲାମ୍ଭୋଜପ୍ରକାଶଂ ତରୁଣରଵିଶଶିପ୍ରୋନ୍ନତାକାରସାରମ୍ ॥ ୩୭॥

ଭାଵାଖ୍ଯଂ ଭାଵସିଦ୍ଧଂ ଜଯଜଯଦଵିଧିଂ ଧ୍ଯାନଗମ୍ଯଂ ପୁରାଣମ୍
ପାରାଖ୍ଯଂ ପାରଣାଯଂ ପରଜନଜନିତଂ ବ୍ରହ୍ମରୂପଂ ଭଜାମି ॥ ୩୮॥

ଡାକିନୀସହିତଂ ବ୍ରହ୍ମଧ୍ଯାନଂ କୃତ୍ଵା ପଠେତ୍ ସ୍ତଵମ୍ ।
ପଠନାଦ୍ ଧାରଣାନ୍ମନ୍ତ୍ରୀ ଯୋଗିନାଂ ସଙ୍ଗତିର୍ଭଵେତ୍ ॥ ୩୯॥

ଏତତ୍ପଠନମାତ୍ରେଣ ମହାପାତକନାଶନମ୍ ।
ଏକରୂପଂ ଜଗନ୍ନାଥଂ ଵିଶାଲନଯନାମ୍ବୁଜମ୍ ॥ ୪୦॥

ଏଵଂ ଧ୍ଯାତ୍ଵା ପଠେତ୍ ସ୍ତୋତ୍ରଂ ପଠିତ୍ଵା ଯୋଗିରାଡ୍ ଭଵେତ୍ ॥ ୪୧॥

ଇତି ଶ୍ରୀରୁଦ୍ରଯାମଲେ ଉତ୍ତରତନ୍ତ୍ରେ ମହାତନ୍ତ୍ରୋଦ୍ଦୀପନେ
ସିଦ୍ଧମନ୍ତ୍ରପ୍ରକରଣେ ଷଟ୍ଚକ୍ରସିଦ୍ଧିସାଧନେ
ଭୈରଵଭୈରଵୀସଂଵାଦେ ଡାକିନୀ ସ୍ତୋତ୍ରଂ ସମ୍ପୂର୍ଣମ୍ ॥ ପଟଲଃ ୩୦॥

From Digital Library at http://muktalib5.org

Please send corrections to sanskrit@cheerful.com
Last updated ତ୍oday
http://sanskritdocuments.org

Dakini Stotram Lyrics in Oriya PDF
% File name : DAkinIstotrarudrayAmalatantra.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : http://muktalib5.org
% Proofread by : http://muktalib5.org, Daksha
% Description-comments : shrIrudrayAmale uttaratantre siddhamantraprakaraNe
% Latest update : March 29, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website