% Text title            : gaNeshamAnasapUjA
% File name             : gaNeshamAnasapUjA.itx
% Category              : pUjA
% Location              : doc\_ganesha
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : http://www.webdunia.com
% Proofread by          : Karthik Chandan.P : Amith K Nagaraj(amithkn at rediffmail.com)
% Description-comments  : mudgalapurANa
% Latest update         : March 9, 2004
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgaNeshamAnasapUjA ..}##
\itxtitle{.. shrIgaNeshamAnasapUjA ..}##\endtitles ##
\section{.. shrIgaNeshamAnasapUjA ..}

shrI gaNeshAya namaH ||
gR^itsamada uvAcha ||
vighneshavIryANi vichitrakANi ba.ndIjanairmAgadhakaiH smR^itAni |
shrutvA samuttiShTha gajAnana tvaM brAhme jaganma.ngalakaM kuruShva || 1||
evaM mayA prArthito vighnarAjashchittena chotthAya bahirgaNeshaH |
taM nirgataM vIkShya namanti devAH shaMbhvAdayo yogimukhAstathA.aham || 2||
shauchAdikaM te parikalpayAmi heramba vai dantavishuddhimevam |
vastreNa samprokShya mukhAravindaM devaM sabhAyAM viniveshayAmi || 3||
dvijAdisarverabhivanditaM cha shukAdibhirmoda\-sumodakAdyaiH |
saMbhAShya chAlokya samutthitaM taM sumaNDapaM kalpya niveshayAmi || 4||
ratnaiH sudIptaiH pratibimbitaM taM pashyAmi chittena vinAyakaM cha |
tatrAsanaM ratnasuvarNayuk{}taM sa.nkalpya devaM viniveshayAmi || 5||
siddhyA cha buddhyA saha vighnarAja! pAdyaM kuru premabhareNa sarvaiH |
suvAsitaM nIramatho gR^ihANa chittena dattaM cha sukhoShNabhAvam || 6||
tataH suvastreNa gaNeshamAdau samprokShya dUrvAdibhirarchayAmi |
chittena bhAvapriya dInabandho mano vilInaM kuru te padAb{}je || 7||
karpUrakailAdi\-suvAsitaM tu sukalpitaM toyamatho gR^ihANa |
Achamya tenaiva gajAnana! tvaM kR^ipAkaTAkSheNa vilokayAshu || 8||
pravAla\-muk{}tAphala\-hArakAdyaiH susa.nskR^itaM hyantarabhAvakena |
anarghyamarghyaM saphalaM kuruShva mayA pradattaM gaNarAja DhuNDhe || 9||
saugaMdhyayuk{}taM madhuparkamAdyaM sa.nkalpitaM bhAvayutaM gR^ihANa |
punastathA.a.achamya vinAyaka tvaM bhak{}tA.nshcha bhak{}tesha surakShayAshu || 10||
suvAsitaM chaMpaka jAtikAdyaistailaM mayA kalpitameva DhuNDhe |
gR^ihANa tena pravimardayAmi sarvA.ngamevaM tava sevanAya || 11||
tataH sukhoShNena jalena chAhamanekatIrthAhR^itakena DhuNDhe |
chittena shuddhena cha snApayAmi snAnaM mayA dattamatho gR^ihANa || 12||
tataH payaHsnAnamachintyabhAva gR^ihANa toyasya tathA gaNesha |
punardadhisnAnamanAmayatvaM chittena dattaM cha jalasya chaiva || 13||
tato ghR^itasnAnamapAravandya sutIrthajaM vighnahara prasIda |
gR^ihANa chittena sukalpitaM tu tato madhusnAnamatho jalasya || 14||
susharkarAyuk{}tamatho gR^ihANa snAnaM mayA kalpitameva DhuNDhe |
tato jalasnAnamaghApahaMtR^i vighnesha mAyAbhramaM hinivArayAshu || 15||
suyaxapaMkaM stamatho gR^ihANa snAnaM pareshAdhipate tatashcha |
kaumaNDalIsaMbhavajaM kuruShva vishuddhamevaM parikalpitaM tu || 16||
tatastu sUk{}tairmanasA gaNeshaM sampUjya dUrvAdibhiralpabhAvaiH |
apArakairmaNDalabhUtabrahmaNaspatyAdikaistaM hyabhiShechayAmi || 17||
tataH suvastreNa tu pro.nChanaM vai gR^ihANa chittena mayA sukalpitam |
tato vishuddhena jalena DhuNDhe hyAchAntamevaM kuru vighnarAja || 18||
agnau vishuddhe tu gR^ihANa vastre hyanarghyamaulye manasA mayA te |
datte parichChAdya nijAtmadehaM tAbhyAM mayUresha janAMshcha pAlaya || 19||
Achamya vighnesha punastathaiva chittena dattaM sukhamuttarIyam |
gR^ihANa bhak{}tapratipAlaka tvaM namo.atha tArakasa.nyutaM tu || 20||
yaj~nopavItaM triguNasvarUpaM sauvarNamevaM hyahinAthabhUtam |
bhAvena dattaM gaNanAtha tatvaM gR^ihANa bhak{}toddhR^itikAraNAya || 21||
AchAntamevaM manasA pradattaM kuruShva shuddhena jalena DhuNDhe |
punashcha kaumaNDalakena pAhi vishvaM prabho khelakaraM sadA te || 22||
udyaddineshAbhamatho gR^ihANa sindUrakaM te manasA pradattam |
sarvA.ngasa.nlepanamAdarAdvai kuruShva heramba cha tena pUrNam || 23||
sahasrashIrShaM manasA mayA tvaM dattaM kirITaM tu suvarNajaM vai |
anekaratnaiH khachitaM gR^ihANa brahmesha te mastakashobhanAya || 24||
vichitraratnaiH kanakena DhuNDhe yutAni chittena mayA paresha |
dattAni nAnApadakuNDalAni gR^ihANa shUrpashrutibhUShaNAya || 25||
shuNDAvibhUShArthamanantakhelin suvarNajaM ka.nchukamAgR^ihANa |
ratnaishcha yuk{}taM manasA mayA, yaddattaM prabho
tatsaphalaMkuruShva || 26||
suvarNaratnaishcha yutAni DhuNDhe sadaikadantAbharaNAni kalpya |
gR^ihANa chUDAkR^itaye paresha dattAni dantasya cha shobhanArtham || 27||
ratnaiH suvarNena kR^itAni tAni gR^ihANa chatvAri mayA prakalpya |
sambhUShaya tvaM kaTakAni nAtha chaturbhujeShu hyaja vighnahArin || 28||
vichitraratnaiH khachitaM suvarNasaMbhUtakaM gR^ihya mayA pradattam |
tathA.ngulIShvA.ngulikaM gaNesha chitten sa.nshobhaya tatparesha || 29||
vichitraratnaiH khachitAni DhuNDhe keyUrakANi hyatha kalpitAni |
suvarNajAni prathamAdhinAtha gR^ihANa dattAni tu bAhuShu tvam || 30||
pravAla\-muk{}tAphala\-ratnajaistvaM suvarNasUtraishcha gR^ihANa kaNThe |
chittena dattA vividhAshcha mAlA UrUdare sobhaya vighnarAja || 31||
chandraM lalATe gaNanAtha pUrNaM vR^iddhikShayAbhyAM tu vihInamAdyam |
sa.nshobhaya tvaM varasa.nyutaM te bhak{}tipriyatvaM prakaTIkuruShva || 32||
chi.ntAmaNiM chi.ntitadaM paresha hR^iddeshagaM jyotirmayaM kuruShva |
maNiM sadAnandasukhapradaM cha vighnesha dInArthada pAlayasva || 33||
nAbhau phaNIshaM cha sahasrashIrShaM sa.nveShTanenaiva gaNAdhinAtha |
bhak{}taM subhUShaM kuru bhUShaNena varapradAnaM saphalaM paresha || 34||
kaTItaTe ratnasuvarNayuk{}tAM kA.nchIM suchittena cha dhArayAmi |
vighnesha jyotirgaNadIpanIM te prasIda bhak{}taM kuru mAM dayAbdhe || 35||
heramba te ratnasuvarNayuk{}te sunUpure ma.njirake tathaiva |
suki.nkiNInAdayute subuddhyA supAdayoH shobhaya me pradatte || 36||
ityAdi\-nAnAvidha\-bhUShaNAni tavechChayA mAnasakalpitAni |
sambhUShayAmyeva tvada.nkeShu vichitradhAtuprabhavANi DhuNDhe || 37||
suchandanaM rak{}tamamoghavIryaM sugharShitaM hyaShTakagandhamukhyaiH |
yuk{}taM mayA kalpitamekadanta gR^ihANa te tva.ngavilepanArtham || 38||
lipteShu vaichitryamathAShTagandhaira.ngeShu te.ahaM prakaromi chitram |
prasIda chittena vinAyaka tvaM tataH surak{}taM ravimeva bhAle || 39||
ghR^itena vai ku.nkumakena rak{}tAn sutaMDulA.nste parikalpayAmi |
bhAle gaNAdhyakSha gR^ihANa pAhi bhak{}tAn subhak{}tipriya dInabandho || 40||
gR^ihANa bho champakamAlatIni jalapa.nkajAni sthalapa.nkajAni |
chittena dattAni cha mallikAdi puShpANi nAnAvidhavR^ikShajAni || 41||
puShpopari tvaM manasA gR^ihANa heramba mandArashamIdalAni |
mayA suchittena cha kalpitAni hyapArakANi praNavAkR^ite tu || 42||
dUrvA.nkurAn vai manasA pradattA.nstripa.nchapatrairyutakA.nshcha snigdhAna |
gR^ihANa vighneshvara sa.nkhyayA tvaM hInAshcha sarvopari vakratuNDa || 43||
dashA.ngabhUtaM manasA mayA te dhUpaM pradattaM gaNarAja DhuNDhe |
gR^ihANa saurabhyakaraM paresha siddhyA cha buddhyA saha bhak{}tapAla || 44||
dIpaM suvartyA yutamAdarAtte dattaM mayA mAnasakaM gaNesha |
gR^ihANa nAnAvidhajaM ghR^itAdi\-tailAdi\-saMbhUtamamoghadR^iShTe || 45||
bhojyaM cha lehyaM gaNarAja peyaM choShyaM cha nAnAvidha\-ShaDrasADhyam |
gR^ihANa naivedyamatho mayA te sukalpitaM puShTipate mahAtman || 46||
suvAsitaM bhojanamadhyabhAge jalaM mayA dattamatho gR^ihANa |
kamaNDalusthaM manasA gaNesha pibasva vishvAdikatR^iptikArin || 47||
tataH karodvartanakaM gR^ihANa saugandhyuk{}taM mukhamArjanAya |
suvAsitenaiva sutIrthajena sukalpitaM nAtha gR^ihANa DhuNDhe || 48||
punastathAchamya suvAsitaM cha dattaM mayA tIrthajalaM pibasva |
prakalpya vighnesha tataH paraM te sampro.nChanaM hastamukhekaromi || 49||
drAkShAdi\-rambhAphala\-chUtakAni khArjUra\-kArkandhuka\-dADimAni |
susvAdayuk{}tAni mayA prakalpya gR^ihANa dattAni phalAni DhuNDhe || 50||
punarjalenaiva karAdikaM te saMxAlaye.ahaM manasA gaNesha |
suvAsitaM toyamatho pibasva mayA pradattaM manasA paresha || 51||
aShTA.ngayuk{}taM gaNanAtha dattaM tAmbUlakaM te manasA mayA vai |
gR^ihANa vighneshvara bhAvayuk{}taM sadAsakR^ittuNDavishodhanArtham || 52||
tato mayA kalpitake gaNesha mahAsane ratnasuvarNayuk{}te |
mandArakUrpAsakayuk{}ta\-vastrairanarghya\-sa.nChAditake prasIda || 53||
tatastvadIyAvaraNaM paresha sampUjaye.ahaM manasA yathAvat |
nAnopachAraiH paramapriyaistu tvatprItikAmArthamanAthabandho || 54||
gR^ihANa lambodara dakShiNAM te hyasa.nkhyabhUtAM manasA pradattAm |
sauvarNa\-mudrAdika\-mukhyabhAvAM, pAhi prabho vishvamidaM gaNesha ||| 55||
rAjopachArAn vividhAn gR^ihANa hastyashva\-ChatrAdikamAdarAdvai |
chittena dattAn gaNanAtha DhuNDhe hyapArasakhyAn sthiraja.ngamA.nste || 56||
dAnAya nAnAvidharUpakA.nste gR^ihANa dattAn manasA mayA vai |
padArthabhUtAn sthira\-ja.ngamA.nshcha heramba mAM tAraya mohabhAvAt || 57||
mandArapuShpANi shamIdalAni dUrvA.nkurA.nste manasA dadAmi |
heramba lambodara dInapAla gR^ihANa bhak{}taM kuru mAM pade te || 58||
tato haridrAmabiraM gulAlaM siMdUrakaM te parikalpayAmi |
suvAsitaM vastusuvAsabhUtairgR^ihANa brahmeshvara\-shobhanArtham || 59||
tataH shukAdyAH shiva\-viShNumukhyA indrAdayaH sheShamukhAstathA.anye |
munIndrakAH sevakabhAvayuk{}tAH sabhAsanasthaM praNamanti DhuNDhim || 60||
vAmA.ngake shak{}tiyutA gaNeshaM siddhistu nAnAvidhasiddhi bhistam |
atyantabhAvena susevate tu mAyAsvarUpA paramArthabhUtA || 61||
gaNeshvara dakShiNabhAgasa.nsthA buddhiH kalAbhishcha subodhikAbhiH |
vidyAbhirevaM bhajate pareshA mAyAsu sA.nkhyapradachittarUpA || 62||
pramodamodAdayaH pR^iShThabhAge gaNeshvaraM bhAvayutA bhajante |
bhak{}teshvarA mudgalashambhumukhyAH shukAdayastaM sma puro bhajante || 63||
gandharvamukhyA madhuraM jagushcha gaNeshagItaM vividhasvarUpam |
nR^itya.nkalAyuk{}tamatho purastAchchakrustathA hyasaraso vichitram || 64||
ityAdi\-nAnAvidha\-bhAvayuk{}taiH sa.nsevitaM vighnapatiM bhajAmi |
chittena dhyAtvA tu nira.njanaM vai karomi nAnAvidhadIpayuk{}tam || 65||
chaturbhujaM pAshadharaM gaNeshaM tathA.nkushaM dantayutaM tamevam |
trinetrayuk{}taM tvabhaya.nkaraM taM mahodaraM chaikaradaM gajAsyam || 66||
sarpopavItaM gajakarNadhAraM vibhUtibhiH sevitapAdapadyam |
dhyAye gaNeshaM vividhaprakAraiH supUjitaM shak{}tiyutaM paresham || 67||
tato japaM vai manasA karomi svamUlamantrasya vidhAnayuk{}tam |
asa.nkhyabhUtaM gaNarAjahaste samarpayAmyeva gR^ihANa DhuNDhe || 68||
ArArtikA karpurakAdibhUtAmapAradIpAM prakaromi pUrNAm |
chittena lambodara tAM gR^ihANa hyaj~nAnadhvAntaughaharAM nijAnAm || 69||
vedeShu vaighnaishvarakaiH sumantraiH sumantritaM puShpadalaM prabhUtam |
gR^ihANa chitteena mayA pradattamapAravR^ittyA tvatha mantrapuShpam || 70||
apAravR^ityA stutimekadantaM gR^ihANa chittena kR^itAM gaNesha |
yuk{}tAM shrutismArtabhavaiH purANaiH sarvaiH pareshAdhipate mayA te || 71||
pradakShiNA mAnasakalpitAstA gR^ihANa lambodara bhAvayuk{}tAH |
saMkhyAvihInA vividhasvarUpA bhak{}tAn sadA rakSha bhavArNavAdvai || 72||
natiM tato vighnapate gR^ihANa sAShTA.ngakAdyAM vividhasvarUpAm |
sa.nkhyAvihInAM manasA kR^itAM te siddhyA cha buddhyA paripAlayAshu || 73||
nyUnAtirik{}taM tu mayA kR^itaM chettadarthamante manasA gR^ihANa |
dUrvAMkurAna vighnapate pradattAn sampUrNamevaM kuru pUjanaM me || 74||
kShamasva vighnAdhipate madIyAn sadAparAdhAn vividhasvarUpAn |
bhak{}tiM madIyAM saphalAM kuruShva samprArthaye.ahaM manasA gaNesha || 75||
tataH prasannena gajAnena dattaM prasAdaM shirasA.abhivandya |
svamastake taM paridhArayAmi chittena vighneshvaramAnato.asmi || 76||
utthAya vighneshvara eva tasmAdgatastatastvantaradhAnashak{}tyA |
shivAdayastaM praNipatya sarve gatAH suchittena cha chintayAmi || 77||
sarvAnnamaskR^itya tato.ahameva bhajAmi chittena gaNAdhipaM tam |
svasthAnamAgatya mahAnubhAvairbhak{}tairgaNeshasya cha khelayAmi || 78||
evaM trikAleShu gaNAdhipaM taM chittena nityaM paripUjayAmi |
tenaiva tuShTaH pradadAtu bhAvaM vighneshvaro bhak{}timayaM tu mahyam || 79||
gaNeshapAdodakapAnakaM cha uchChiShTagaMdhasya sulepana tu |
nirmAlya\-sandhAraNakaM subhojyaM lambodarasyAstu hi bhuk{}tasheSham || 80||
yaM yaM karomyeva tadeva dIkShA gaNeshvarasyAstu sadA gaNesha |
prasIda nityaM tavapAdabhak{}taM kuruShva mAM brahmapate dayAlo || 81||
tatastu shayyAM parikalpayAmi mandAra\-kUrpAsaka\-vastrayuk{}tAm |
suvAsa\-puShpAdibhirarchitAM te gR^ihANa nidrAM kuru vighnarAja || 82||
siddhyA cha buddhyA sahitaM gaNesha sunidritaM vIkShya tathA.ahameva |
gatvA svavAsaM cha karomi nidrAM dhyAtvA hR^idi brahmapatiM tadIyaH || 83||
etAdR^ishaM saukhyamamoghashak{}te dehi prabho mAnasajaM gaNesha |
mahyaM cha tenaiva kR^itArtharUpo bhavAmi bhak{}tyamR^italAlaso.aham || 84||
gArgya uvAcha ||
evaM nityaM mahArAja gR^itsamAdo mahAyashAH |
chakAra mAnasIM pUjAM yogIndrANAM guruH svayam || 85||
ya etAM mAnasIM pUjAM kariShyati narottamaH |
paThiShyati sadA so.api gANapatyo bhaviShyati || 86||
shrAvayiShyati yo martyaH shroShyate bhAvasa.nyutaH |
sa krameNa mahIpAla brahmabhUto bhaviShyati || 87||
yadyadichChati tattadvai saphalaM tasya jAyate |
ante svAnandagaH so.api yogivandyo bhaviShyati || 88||
iti shrImadAntye mudgalapurANe gaNeshamAnasapUjA samAptA ||
##
proofread by Karthik Chandan.P (kardan5380@yahoo.com)
Amith K Nagaraj (amithkn@rediffmail.com)

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}