ಶ್ರೀಗಣೇಶಮಾನಸಪೂಜಾ
{॥ ಶ್ರೀಗಣೇಶಮಾನಸಪೂಜಾ ॥}
ಶ್ರೀ ಗಣೇಶಾಯ ನಮಃ ॥
ಗೃತ್ಸಮದ ಉವಾಚ ॥
ವಿಘ್ನೇಶವೀರ್ಯಾಣಿ ವಿಚಿತ್ರಕಾಣಿ ಬಂದೀಜನೈರ್ಮಾಗಧಕೈಃ ಸ್ಮೃತಾನಿ ।
ಶ್ರುತ್ವಾ ಸಮುತ್ತಿಷ್ಠ ಗಜಾನನ ತ್ವಂ ಬ್ರಾಹ್ಮೇ ಜಗನ್ಮಂಗಲಕಂ ಕುರುಷ್ವ ॥ ೧॥
ಏವಂ ಮಯಾ ಪ್ರಾರ್ಥಿತೋ ವಿಘ್ನರಾಜಶ್ಚಿತ್ತೇನ ಚೋತ್ಥಾಯ ಬಹಿರ್ಗಣೇಶಃ ।
ತಂ ನಿರ್ಗತಂ ವೀಕ್ಷ್ಯ ನಮನ್ತಿ ದೇವಾಃ ಶಂಭ್ವಾದಯೋ ಯೋಗಿಮುಖಾಸ್ತಥಾಽಹಮ್ ॥ ೨॥
ಶೌಚಾದಿಕಂ ತೇ ಪರಿಕಲ್ಪಯಾಮಿ ಹೇರಮ್ಬ ವೈ ದನ್ತವಿಶುದ್ಧಿಮೇವಮ್ ।
ವಸ್ತ್ರೇಣ ಸಮ್ಪ್ರೋಕ್ಷ್ಯ ಮುಖಾರವಿನ್ದಂ ದೇವಂ ಸಭಾಯಾಂ ವಿನಿವೇಶಯಾಮಿ ॥ ೩॥
ದ್ವಿಜಾದಿಸರ್ವೇರಭಿವನ್ದಿತಂ ಚ ಶುಕಾದಿಭಿರ್ಮೋದ-ಸುಮೋದಕಾದ್ಯೈಃ ।
ಸಂಭಾಷ್ಯ ಚಾಲೋಕ್ಯ ಸಮುತ್ಥಿತಂ ತಂ ಸುಮಣ್ಡಪಂ ಕಲ್ಪ್ಯ ನಿವೇಶಯಾಮಿ ॥ ೪॥
ರತ್ನೈಃ ಸುದೀಪ್ತೈಃ ಪ್ರತಿಬಿಮ್ಬಿತಂ ತಂ ಪಶ್ಯಾಮಿ ಚಿತ್ತೇನ ವಿನಾಯಕಂ ಚ ।
ತತ್ರಾಸನಂ ರತ್ನಸುವರ್ಣಯುಕ್ತಂ ಸಂಕಲ್ಪ್ಯ ದೇವಂ ವಿನಿವೇಶಯಾಮಿ ॥ ೫॥
ಸಿದ್ಧ್ಯಾ ಚ ಬುದ್ಧ್ಯಾ ಸಹ ವಿಘ್ನರಾಜ! ಪಾದ್ಯಂ ಕುರು ಪ್ರೇಮಭರೇಣ ಸರ್ವೈಃ ।
ಸುವಾಸಿತಂ ನೀರಮಥೋ ಗೃಹಾಣ ಚಿತ್ತೇನ ದತ್ತಂ ಚ ಸುಖೋಷ್ಣಭಾವಮ್ ॥ ೬॥
ತತಃ ಸುವಸ್ತ್ರೇಣ ಗಣೇಶಮಾದೌ ಸಮ್ಪ್ರೋಕ್ಷ್ಯ ದೂರ್ವಾದಿಭಿರರ್ಚಯಾಮಿ ।
ಚಿತ್ತೇನ ಭಾವಪ್ರಿಯ ದೀನಬನ್ಧೋ ಮನೋ ವಿಲೀನಂ ಕುರು ತೇ ಪದಾಬ್ಜೇ ॥ ೭॥
ಕರ್ಪೂರಕೈಲಾದಿ-ಸುವಾಸಿತಂ ತು ಸುಕಲ್ಪಿತಂ ತೋಯಮಥೋ ಗೃಹಾಣ ।
ಆಚಮ್ಯ ತೇನೈವ ಗಜಾನನ! ತ್ವಂ ಕೃಪಾಕಟಾಕ್ಷೇಣ ವಿಲೋಕಯಾಶು ॥ ೮॥
ಪ್ರವಾಲ-ಮುಕ್ತಾಫಲ-ಹಾರಕಾದ್ಯೈಃ ಸುಸಂಸ್ಕೃತಂ ಹ್ಯನ್ತರಭಾವಕೇನ ।
ಅನರ್ಘ್ಯಮರ್ಘ್ಯಂ ಸಫಲಂ ಕುರುಷ್ವ ಮಯಾ ಪ್ರದತ್ತಂ ಗಣರಾಜ ಢುಣ್ಢೇ ॥ ೯॥
ಸೌಗಂಧ್ಯಯುಕ್ತಂ ಮಧುಪರ್ಕಮಾದ್ಯಂ ಸಂಕಲ್ಪಿತಂ ಭಾವಯುತಂ ಗೃಹಾಣ ।
ಪುನಸ್ತಥಾಽಽಚಮ್ಯ ವಿನಾಯಕ ತ್ವಂ ಭಕ್ತಾಂಶ್ಚ ಭಕ್ತೇಶ ಸುರಕ್ಷಯಾಶು ॥ ೧೦॥
ಸುವಾಸಿತಂ ಚಂಪಕ ಜಾತಿಕಾದ್ಯೈಸ್ತೈಲಂ ಮಯಾ ಕಲ್ಪಿತಮೇವ ಢುಣ್ಢೇ ।
ಗೃಹಾಣ ತೇನ ಪ್ರವಿಮರ್ದಯಾಮಿ ಸರ್ವಾಂಗಮೇವಂ ತವ ಸೇವನಾಯ ॥ ೧೧॥
ತತಃ ಸುಖೋಷ್ಣೇನ ಜಲೇನ ಚಾಹಮನೇಕತೀರ್ಥಾಹೃತಕೇನ ಢುಣ್ಢೇ ।
ಚಿತ್ತೇನ ಶುದ್ಧೇನ ಚ ಸ್ನಾಪಯಾಮಿ ಸ್ನಾನಂ ಮಯಾ ದತ್ತಮಥೋ ಗೃಹಾಣ ॥ ೧೨॥
ತತಃ ಪಯಃಸ್ನಾನಮಚಿನ್ತ್ಯಭಾವ ಗೃಹಾಣ ತೋಯಸ್ಯ ತಥಾ ಗಣೇಶ ।
ಪುನರ್ದಧಿಸ್ನಾನಮನಾಮಯತ್ವಂ ಚಿತ್ತೇನ ದತ್ತಂ ಚ ಜಲಸ್ಯ ಚೈವ ॥ ೧೩॥
ತತೋ ಘೃತಸ್ನಾನಮಪಾರವನ್ದ್ಯ ಸುತೀರ್ಥಜಂ ವಿಘ್ನಹರ ಪ್ರಸೀದ ।
ಗೃಹಾಣ ಚಿತ್ತೇನ ಸುಕಲ್ಪಿತಂ ತು ತತೋ ಮಧುಸ್ನಾನಮಥೋ ಜಲಸ್ಯ ॥ ೧೪॥
ಸುಶರ್ಕರಾಯುಕ್ತಮಥೋ ಗೃಹಾಣ ಸ್ನಾನಂ ಮಯಾ ಕಲ್ಪಿತಮೇವ ಢುಣ್ಢೇ ।
ತತೋ ಜಲಸ್ನಾನಮಘಾಪಹಂತೃ ವಿಘ್ನೇಶ ಮಾಯಾಭ್ರಮಂ ಹಿನಿವಾರಯಾಶು ॥ ೧೫॥
ಸುಯಕ್ಷಪಂಕಂ ಸ್ತಮಥೋ ಗೃಹಾಣ ಸ್ನಾನಂ ಪರೇಶಾಧಿಪತೇ ತತಶ್ಚ ।
ಕೌಮಣ್ಡಲೀಸಂಭವಜಂ ಕುರುಷ್ವ ವಿಶುದ್ಧಮೇವಂ ಪರಿಕಲ್ಪಿತಂ ತು ॥ ೧೬॥
ತತಸ್ತು ಸೂಕ್ತೈರ್ಮನಸಾ ಗಣೇಶಂ ಸಮ್ಪೂಜ್ಯ ದೂರ್ವಾದಿಭಿರಲ್ಪಭಾವೈಃ ।
ಅಪಾರಕೈರ್ಮಣ್ಡಲಭೂತಬ್ರಹ್ಮಣಸ್ಪತ್ಯಾದಿಕೈಸ್ತಂ ಹ್ಯಭಿಷೇಚಯಾಮಿ ॥ ೧೭॥
ತತಃ ಸುವಸ್ತ್ರೇಣ ತು ಪ್ರೋಂಛನಂ ವೈ ಗೃಹಾಣ ಚಿತ್ತೇನ ಮಯಾ ಸುಕಲ್ಪಿತಮ್ ।
ತತೋ ವಿಶುದ್ಧೇನ ಜಲೇನ ಢುಣ್ಢೇ ಹ್ಯಾಚಾನ್ತಮೇವಂ ಕುರು ವಿಘ್ನರಾಜ ॥ ೧೮॥
ಅಗ್ನೌ ವಿಶುದ್ಧೇ ತು ಗೃಹಾಣ ವಸ್ತ್ರೇ ಹ್ಯನರ್ಘ್ಯಮೌಲ್ಯೇ ಮನಸಾ ಮಯಾ ತೇ ।
ದತ್ತೇ ಪರಿಚ್ಛಾದ್ಯ ನಿಜಾತ್ಮದೇಹಂ ತಾಭ್ಯಾಂ ಮಯೂರೇಶ ಜನಾಂಶ್ಚ ಪಾಲಯ ॥ ೧೯॥
ಆಚಮ್ಯ ವಿಘ್ನೇಶ ಪುನಸ್ತಥೈವ ಚಿತ್ತೇನ ದತ್ತಂ ಸುಖಮುತ್ತರೀಯಮ್ ।
ಗೃಹಾಣ ಭಕ್ತಪ್ರತಿಪಾಲಕ ತ್ವಂ ನಮೋಽಥ ತಾರಕಸಂಯುತಂ ತು ॥ ೨೦॥
ಯಜ್ಞೋಪವೀತಂ ತ್ರಿಗುಣಸ್ವರೂಪಂ ಸೌವರ್ಣಮೇವಂ ಹ್ಯಹಿನಾಥಭೂತಮ್ ।
ಭಾವೇನ ದತ್ತಂ ಗಣನಾಥ ತತ್ವಂ ಗೃಹಾಣ ಭಕ್ತೋದ್ಧೃತಿಕಾರಣಾಯ ॥ ೨೧॥
ಆಚಾನ್ತಮೇವಂ ಮನಸಾ ಪ್ರದತ್ತಂ ಕುರುಷ್ವ ಶುದ್ಧೇನ ಜಲೇನ ಢುಣ್ಢೇ ।
ಪುನಶ್ಚ ಕೌಮಣ್ಡಲಕೇನ ಪಾಹಿ ವಿಶ್ವಂ ಪ್ರಭೋ ಖೇಲಕರಂ ಸದಾ ತೇ ॥ ೨೨॥
ಉದ್ಯದ್ದಿನೇಶಾಭಮಥೋ ಗೃಹಾಣ ಸಿನ್ದೂರಕಂ ತೇ ಮನಸಾ ಪ್ರದತ್ತಮ್ ।
ಸರ್ವಾಂಗಸಂಲೇಪನಮಾದರಾದ್ವೈ ಕುರುಷ್ವ ಹೇರಮ್ಬ ಚ ತೇನ ಪೂರ್ಣಮ್ ॥ ೨೩॥
ಸಹಸ್ರಶೀರ್ಷಂ ಮನಸಾ ಮಯಾ ತ್ವಂ ದತ್ತಂ ಕಿರೀಟಂ ತು ಸುವರ್ಣಜಂ ವೈ ।
ಅನೇಕರತ್ನೈಃ ಖಚಿತಂ ಗೃಹಾಣ ಬ್ರಹ್ಮೇಶ ತೇ ಮಸ್ತಕಶೋಭನಾಯ ॥ ೨೪॥
ವಿಚಿತ್ರರತ್ನೈಃ ಕನಕೇನ ಢುಣ್ಢೇ ಯುತಾನಿ ಚಿತ್ತೇನ ಮಯಾ ಪರೇಶ ।
ದತ್ತಾನಿ ನಾನಾಪದಕುಣ್ಡಲಾನಿ ಗೃಹಾಣ ಶೂರ್ಪಶ್ರುತಿಭೂಷಣಾಯ ॥ ೨೫॥
ಶುಣ್ಡಾವಿಭೂಷಾರ್ಥಮನನ್ತಖೇಲಿನ್ ಸುವರ್ಣಜಂ ಕಂಚುಕಮಾಗೃಹಾಣ ।
ರತ್ನೈಶ್ಚ ಯುಕ್ತಂ ಮನಸಾ ಮಯಾ, ಯದ್ದತ್ತಂ ಪ್ರಭೋ
ತತ್ಸಫಲಂಕುರುಷ್ವ ॥ ೨೬॥
ಸುವರ್ಣರತ್ನೈಶ್ಚ ಯುತಾನಿ ಢುಣ್ಢೇ ಸದೈಕದನ್ತಾಭರಣಾನಿ ಕಲ್ಪ್ಯ ।
ಗೃಹಾಣ ಚೂಡಾಕೃತಯೇ ಪರೇಶ ದತ್ತಾನಿ ದನ್ತಸ್ಯ ಚ ಶೋಭನಾರ್ಥಮ್ ॥ ೨೭॥
ರತ್ನೈಃ ಸುವರ್ಣೇನ ಕೃತಾನಿ ತಾನಿ ಗೃಹಾಣ ಚತ್ವಾರಿ ಮಯಾ ಪ್ರಕಲ್ಪ್ಯ ।
ಸಮ್ಭೂಷಯ ತ್ವಂ ಕಟಕಾನಿ ನಾಥ ಚತುರ್ಭುಜೇಷು ಹ್ಯಜ ವಿಘ್ನಹಾರಿನ್ ॥ ೨೮॥
ವಿಚಿತ್ರರತ್ನೈಃ ಖಚಿತಂ ಸುವರ್ಣಸಂಭೂತಕಂ ಗೃಹ್ಯ ಮಯಾ ಪ್ರದತ್ತಮ್ ।
ತಥಾಂಗುಲೀಷ್ವಾಂಗುಲಿಕಂ ಗಣೇಶ ಚಿತ್ತೇನ್ ಸಂಶೋಭಯ ತತ್ಪರೇಶ ॥ ೨೯॥
ವಿಚಿತ್ರರತ್ನೈಃ ಖಚಿತಾನಿ ಢುಣ್ಢೇ ಕೇಯೂರಕಾಣಿ ಹ್ಯಥ ಕಲ್ಪಿತಾನಿ ।
ಸುವರ್ಣಜಾನಿ ಪ್ರಥಮಾಧಿನಾಥ ಗೃಹಾಣ ದತ್ತಾನಿ ತು ಬಾಹುಷು ತ್ವಮ್ ॥ ೩೦॥
ಪ್ರವಾಲ-ಮುಕ್ತಾಫಲ-ರತ್ನಜೈಸ್ತ್ವಂ ಸುವರ್ಣಸೂತ್ರೈಶ್ಚ ಗೃಹಾಣ ಕಣ್ಠೇ ।
ಚಿತ್ತೇನ ದತ್ತಾ ವಿವಿಧಾಶ್ಚ ಮಾಲಾ ಊರೂದರೇ ಸೋಭಯ ವಿಘ್ನರಾಜ ॥ ೩೧॥
ಚನ್ದ್ರಂ ಲಲಾಟೇ ಗಣನಾಥ ಪೂರ್ಣಂ ವೃದ್ಧಿಕ್ಷಯಾಭ್ಯಾಂ ತು ವಿಹೀನಮಾದ್ಯಮ್ ।
ಸಂಶೋಭಯ ತ್ವಂ ವರಸಂಯುತಂ ತೇ ಭಕ್ತಿಪ್ರಿಯತ್ವಂ ಪ್ರಕಟೀಕುರುಷ್ವ ॥ ೩೨॥
ಚಿಂತಾಮಣಿಂ ಚಿಂತಿತದಂ ಪರೇಶ ಹೃದ್ದೇಶಗಂ ಜ್ಯೋತಿರ್ಮಯಂ ಕುರುಷ್ವ ।
ಮಣಿಂ ಸದಾನನ್ದಸುಖಪ್ರದಂ ಚ ವಿಘ್ನೇಶ ದೀನಾರ್ಥದ ಪಾಲಯಸ್ವ ॥ ೩೩॥
ನಾಭೌ ಫಣೀಶಂ ಚ ಸಹಸ್ರಶೀರ್ಷಂ ಸಂವೇಷ್ಟನೇನೈವ ಗಣಾಧಿನಾಥ ।
ಭಕ್ತಂ ಸುಭೂಷಂ ಕುರು ಭೂಷಣೇನ ವರಪ್ರದಾನಂ ಸಫಲಂ ಪರೇಶ ॥ ೩೪॥
ಕಟೀತಟೇ ರತ್ನಸುವರ್ಣಯುಕ್ತಾಂ ಕಾಂಚೀಂ ಸುಚಿತ್ತೇನ ಚ ಧಾರಯಾಮಿ ।
ವಿಘ್ನೇಶ ಜ್ಯೋತಿರ್ಗಣದೀಪನೀಂ ತೇ ಪ್ರಸೀದ ಭಕ್ತಂ ಕುರು ಮಾಂ ದಯಾಬ್ಧೇ ॥ ೩೫॥
ಹೇರಮ್ಬ ತೇ ರತ್ನಸುವರ್ಣಯುಕ್ತೇ ಸುನೂಪುರೇ ಮಂಜಿರಕೇ ತಥೈವ ।
ಸುಕಿಂಕಿಣೀನಾದಯುತೇ ಸುಬುದ್ಧ್ಯಾ ಸುಪಾದಯೋಃ ಶೋಭಯ ಮೇ ಪ್ರದತ್ತೇ ॥ ೩೬॥
ಇತ್ಯಾದಿ-ನಾನಾವಿಧ-ಭೂಷಣಾನಿ ತವೇಚ್ಛಯಾ ಮಾನಸಕಲ್ಪಿತಾನಿ ।
ಸಮ್ಭೂಷಯಾಮ್ಯೇವ ತ್ವದಂಕೇಷು ವಿಚಿತ್ರಧಾತುಪ್ರಭವಾಣಿ ಢುಣ್ಢೇ ॥ ೩೭॥
ಸುಚನ್ದನಂ ರಕ್ತಮಮೋಘವೀರ್ಯಂ ಸುಘರ್ಷಿತಂ ಹ್ಯಷ್ಟಕಗನ್ಧಮುಖ್ಯೈಃ ।
ಯುಕ್ತಂ ಮಯಾ ಕಲ್ಪಿತಮೇಕದನ್ತ ಗೃಹಾಣ ತೇ ತ್ವಂಗವಿಲೇಪನಾರ್ಥಮ್ ॥ ೩೮॥
ಲಿಪ್ತೇಷು ವೈಚಿತ್ರ್ಯಮಥಾಷ್ಟಗನ್ಧೈರಂಗೇಷು ತೇಽಹಂ ಪ್ರಕರೋಮಿ ಚಿತ್ರಮ್ ।
ಪ್ರಸೀದ ಚಿತ್ತೇನ ವಿನಾಯಕ ತ್ವಂ ತತಃ ಸುರಕ್ತಂ ರವಿಮೇವ ಭಾಲೇ ॥ ೩೯॥
ಘೃತೇನ ವೈ ಕುಂಕುಮಕೇನ ರಕ್ತಾನ್ ಸುತಂಡುಲಾಂಸ್ತೇ ಪರಿಕಲ್ಪಯಾಮಿ ।
ಭಾಲೇ ಗಣಾಧ್ಯಕ್ಷ ಗೃಹಾಣ ಪಾಹಿ ಭಕ್ತಾನ್ ಸುಭಕ್ತಿಪ್ರಿಯ ದೀನಬನ್ಧೋ ॥ ೪೦॥
ಗೃಹಾಣ ಭೋ ಚಮ್ಪಕಮಾಲತೀನಿ ಜಲಪಂಕಜಾನಿ ಸ್ಥಲಪಂಕಜಾನಿ ।
ಚಿತ್ತೇನ ದತ್ತಾನಿ ಚ ಮಲ್ಲಿಕಾದಿ ಪುಷ್ಪಾಣಿ ನಾನಾವಿಧವೃಕ್ಷಜಾನಿ ॥ ೪೧॥
ಪುಷ್ಪೋಪರಿ ತ್ವಂ ಮನಸಾ ಗೃಹಾಣ ಹೇರಮ್ಬ ಮನ್ದಾರಶಮೀದಲಾನಿ ।
ಮಯಾ ಸುಚಿತ್ತೇನ ಚ ಕಲ್ಪಿತಾನಿ ಹ್ಯಪಾರಕಾಣಿ ಪ್ರಣವಾಕೃತೇ ತು ॥ ೪೨॥
ದೂರ್ವಾಂಕುರಾನ್ ವೈ ಮನಸಾ ಪ್ರದತ್ತಾಂಸ್ತ್ರಿಪಂಚಪತ್ರೈರ್ಯುತಕಾಂಶ್ಚ ಸ್ನಿಗ್ಧಾನ ।
ಗೃಹಾಣ ವಿಘ್ನೇಶ್ವರ ಸಂಖ್ಯಯಾ ತ್ವಂ ಹೀನಾಶ್ಚ ಸರ್ವೋಪರಿ ವಕ್ರತುಣ್ಡ ॥ ೪೩॥
ದಶಾಂಗಭೂತಂ ಮನಸಾ ಮಯಾ ತೇ ಧೂಪಂ ಪ್ರದತ್ತಂ ಗಣರಾಜ ಢುಣ್ಢೇ ।
ಗೃಹಾಣ ಸೌರಭ್ಯಕರಂ ಪರೇಶ ಸಿದ್ಧ್ಯಾ ಚ ಬುದ್ಧ್ಯಾ ಸಹ ಭಕ್ತಪಾಲ ॥ ೪೪॥
ದೀಪಂ ಸುವರ್ತ್ಯಾ ಯುತಮಾದರಾತ್ತೇ ದತ್ತಂ ಮಯಾ ಮಾನಸಕಂ ಗಣೇಶ ।
ಗೃಹಾಣ ನಾನಾವಿಧಜಂ ಘೃತಾದಿ-ತೈಲಾದಿ-ಸಂಭೂತಮಮೋಘದೃಷ್ಟೇ ॥ ೪೫॥
ಭೋಜ್ಯಂ ಚ ಲೇಹ್ಯಂ ಗಣರಾಜ ಪೇಯಂ ಚೋಷ್ಯಂ ಚ ನಾನಾವಿಧ-ಷಡ್ರಸಾಢ್ಯಮ್ ।
ಗೃಹಾಣ ನೈವೇದ್ಯಮಥೋ ಮಯಾ ತೇ ಸುಕಲ್ಪಿತಂ ಪುಷ್ಟಿಪತೇ ಮಹಾತ್ಮನ್ ॥ ೪೬॥
ಸುವಾಸಿತಂ ಭೋಜನಮಧ್ಯಭಾಗೇ ಜಲಂ ಮಯಾ ದತ್ತಮಥೋ ಗೃಹಾಣ ।
ಕಮಣ್ಡಲುಸ್ಥಂ ಮನಸಾ ಗಣೇಶ ಪಿಬಸ್ವ ವಿಶ್ವಾದಿಕತೃಪ್ತಿಕಾರಿನ್ ॥ ೪೭॥
ತತಃ ಕರೋದ್ವರ್ತನಕಂ ಗೃಹಾಣ ಸೌಗನ್ಧ್ಯುಕ್ತಂ ಮುಖಮಾರ್ಜನಾಯ ।
ಸುವಾಸಿತೇನೈವ ಸುತೀರ್ಥಜೇನ ಸುಕಲ್ಪಿತಂ ನಾಥ ಗೃಹಾಣ ಢುಣ್ಢೇ ॥ ೪೮॥
ಪುನಸ್ತಥಾಚಮ್ಯ ಸುವಾಸಿತಂ ಚ ದತ್ತಂ ಮಯಾ ತೀರ್ಥಜಲಂ ಪಿಬಸ್ವ ।
ಪ್ರಕಲ್ಪ್ಯ ವಿಘ್ನೇಶ ತತಃ ಪರಂ ತೇ ಸಮ್ಪ್ರೋಂಛನಂ ಹಸ್ತಮುಖೇಕರೋಮಿ ॥ ೪೯॥
ದ್ರಾಕ್ಷಾದಿ-ರಮ್ಭಾಫಲ-ಚೂತಕಾನಿ ಖಾರ್ಜೂರ-ಕಾರ್ಕನ್ಧುಕ-ದಾಡಿಮಾನಿ ।
ಸುಸ್ವಾದಯುಕ್ತಾನಿ ಮಯಾ ಪ್ರಕಲ್ಪ್ಯ ಗೃಹಾಣ ದತ್ತಾನಿ ಫಲಾನಿ ಢುಣ್ಢೇ ॥ ೫೦॥
ಪುನರ್ಜಲೇನೈವ ಕರಾದಿಕಂ ತೇ ಸಂಕ್ಷಾಲಯೇಽಹಂ ಮನಸಾ ಗಣೇಶ ।
ಸುವಾಸಿತಂ ತೋಯಮಥೋ ಪಿಬಸ್ವ ಮಯಾ ಪ್ರದತ್ತಂ ಮನಸಾ ಪರೇಶ ॥ ೫೧॥
ಅಷ್ಟಾಂಗಯುಕ್ತಂ ಗಣನಾಥ ದತ್ತಂ ತಾಮ್ಬೂಲಕಂ ತೇ ಮನಸಾ ಮಯಾ ವೈ ।
ಗೃಹಾಣ ವಿಘ್ನೇಶ್ವರ ಭಾವಯುಕ್ತಂ ಸದಾಸಕೃತ್ತುಣ್ಡವಿಶೋಧನಾರ್ಥಮ್ ॥ ೫೨॥
ತತೋ ಮಯಾ ಕಲ್ಪಿತಕೇ ಗಣೇಶ ಮಹಾಸನೇ ರತ್ನಸುವರ್ಣಯುಕ್ತೇ ।
ಮನ್ದಾರಕೂರ್ಪಾಸಕಯುಕ್ತ-ವಸ್ತ್ರೈರನರ್ಘ್ಯ-ಸಂಛಾದಿತಕೇ ಪ್ರಸೀದ ॥ ೫೩॥
ತತಸ್ತ್ವದೀಯಾವರಣಂ ಪರೇಶ ಸಮ್ಪೂಜಯೇಽಹಂ ಮನಸಾ ಯಥಾವತ್ ।
ನಾನೋಪಚಾರೈಃ ಪರಮಪ್ರಿಯೈಸ್ತು ತ್ವತ್ಪ್ರೀತಿಕಾಮಾರ್ಥಮನಾಥಬನ್ಧೋ ॥ ೫೪॥
ಗೃಹಾಣ ಲಮ್ಬೋದರ ದಕ್ಷಿಣಾಂ ತೇ ಹ್ಯಸಂಖ್ಯಭೂತಾಂ ಮನಸಾ ಪ್ರದತ್ತಾಮ್ ।
ಸೌವರ್ಣ-ಮುದ್ರಾದಿಕ-ಮುಖ್ಯಭಾವಾಂ, ಪಾಹಿ ಪ್ರಭೋ ವಿಶ್ವಮಿದಂ ಗಣೇಶ ॥। ೫೫॥
ರಾಜೋಪಚಾರಾನ್ ವಿವಿಧಾನ್ ಗೃಹಾಣ ಹಸ್ತ್ಯಶ್ವ-ಛತ್ರಾದಿಕಮಾದರಾದ್ವೈ ।
ಚಿತ್ತೇನ ದತ್ತಾನ್ ಗಣನಾಥ ಢುಣ್ಢೇ ಹ್ಯಪಾರಸಖ್ಯಾನ್ ಸ್ಥಿರಜಂಗಮಾಂಸ್ತೇ ॥ ೫೬॥
ದಾನಾಯ ನಾನಾವಿಧರೂಪಕಾಂಸ್ತೇ ಗೃಹಾಣ ದತ್ತಾನ್ ಮನಸಾ ಮಯಾ ವೈ ।
ಪದಾರ್ಥಭೂತಾನ್ ಸ್ಥಿರ-ಜಂಗಮಾಂಶ್ಚ ಹೇರಮ್ಬ ಮಾಂ ತಾರಯ ಮೋಹಭಾವಾತ್ ॥ ೫೭॥
ಮನ್ದಾರಪುಷ್ಪಾಣಿ ಶಮೀದಲಾನಿ ದೂರ್ವಾಂಕುರಾಂಸ್ತೇ ಮನಸಾ ದದಾಮಿ ।
ಹೇರಮ್ಬ ಲಮ್ಬೋದರ ದೀನಪಾಲ ಗೃಹಾಣ ಭಕ್ತಂ ಕುರು ಮಾಂ ಪದೇ ತೇ ॥ ೫೮॥
ತತೋ ಹರಿದ್ರಾಮಬಿರಂ ಗುಲಾಲಂ ಸಿಂದೂರಕಂ ತೇ ಪರಿಕಲ್ಪಯಾಮಿ ।
ಸುವಾಸಿತಂ ವಸ್ತುಸುವಾಸಭೂತೈರ್ಗೃಹಾಣ ಬ್ರಹ್ಮೇಶ್ವರ-ಶೋಭನಾರ್ಥಮ್ ॥ ೫೯॥
ತತಃ ಶುಕಾದ್ಯಾಃ ಶಿವ-ವಿಷ್ಣುಮುಖ್ಯಾ ಇನ್ದ್ರಾದಯಃ ಶೇಷಮುಖಾಸ್ತಥಾಽನ್ಯೇ ।
ಮುನೀನ್ದ್ರಕಾಃ ಸೇವಕಭಾವಯುಕ್ತಾಃ ಸಭಾಸನಸ್ಥಂ ಪ್ರಣಮನ್ತಿ ಢುಣ್ಢಿಮ್ ॥ ೬೦॥
ವಾಮಾಂಗಕೇ ಶಕ್ತಿಯುತಾ ಗಣೇಶಂ ಸಿದ್ಧಿಸ್ತು ನಾನಾವಿಧಸಿದ್ಧಿ ಭಿಸ್ತಮ್ ।
ಅತ್ಯನ್ತಭಾವೇನ ಸುಸೇವತೇ ತು ಮಾಯಾಸ್ವರೂಪಾ ಪರಮಾರ್ಥಭೂತಾ ॥ ೬೧॥
ಗಣೇಶ್ವರ ದಕ್ಷಿಣಭಾಗಸಂಸ್ಥಾ ಬುದ್ಧಿಃ ಕಲಾಭಿಶ್ಚ ಸುಬೋಧಿಕಾಭಿಃ ।
ವಿದ್ಯಾಭಿರೇವಂ ಭಜತೇ ಪರೇಶಾ ಮಾಯಾಸು ಸಾಂಖ್ಯಪ್ರದಚಿತ್ತರೂಪಾ ॥ ೬೨॥
ಪ್ರಮೋದಮೋದಾದಯಃ ಪೃಷ್ಠಭಾಗೇ ಗಣೇಶ್ವರಂ ಭಾವಯುತಾ ಭಜನ್ತೇ ।
ಭಕ್ತೇಶ್ವರಾ ಮುದ್ಗಲಶಮ್ಭುಮುಖ್ಯಾಃ ಶುಕಾದಯಸ್ತಂ ಸ್ಮ ಪುರೋ ಭಜನ್ತೇ ॥ ೬೩॥
ಗನ್ಧರ್ವಮುಖ್ಯಾ ಮಧುರಂ ಜಗುಶ್ಚ ಗಣೇಶಗೀತಂ ವಿವಿಧಸ್ವರೂಪಮ್ ।
ನೃತ್ಯಂಕಲಾಯುಕ್ತಮಥೋ ಪುರಸ್ತಾಚ್ಚಕ್ರುಸ್ತಥಾ ಹ್ಯಸರಸೋ ವಿಚಿತ್ರಮ್ ॥ ೬೪॥
ಇತ್ಯಾದಿ-ನಾನಾವಿಧ-ಭಾವಯುಕ್ತೈಃ ಸಂಸೇವಿತಂ ವಿಘ್ನಪತಿಂ ಭಜಾಮಿ ।
ಚಿತ್ತೇನ ಧ್ಯಾತ್ವಾ ತು ನಿರಂಜನಂ ವೈ ಕರೋಮಿ ನಾನಾವಿಧದೀಪಯುಕ್ತಮ್ ॥ ೬೫॥
ಚತುರ್ಭುಜಂ ಪಾಶಧರಂ ಗಣೇಶಂ ತಥಾಂಕುಶಂ ದನ್ತಯುತಂ ತಮೇವಮ್ ।
ತ್ರಿನೇತ್ರಯುಕ್ತಂ ತ್ವಭಯಂಕರಂ ತಂ ಮಹೋದರಂ ಚೈಕರದಂ ಗಜಾಸ್ಯಮ್ ॥ ೬೬॥
ಸರ್ಪೋಪವೀತಂ ಗಜಕರ್ಣಧಾರಂ ವಿಭೂತಿಭಿಃ ಸೇವಿತಪಾದಪದ್ಯಮ್ ।
ಧ್ಯಾಯೇ ಗಣೇಶಂ ವಿವಿಧಪ್ರಕಾರೈಃ ಸುಪೂಜಿತಂ ಶಕ್ತಿಯುತಂ ಪರೇಶಮ್ ॥ ೬೭॥
ತತೋ ಜಪಂ ವೈ ಮನಸಾ ಕರೋಮಿ ಸ್ವಮೂಲಮನ್ತ್ರಸ್ಯ ವಿಧಾನಯುಕ್ತಮ್ ।
ಅಸಂಖ್ಯಭೂತಂ ಗಣರಾಜಹಸ್ತೇ ಸಮರ್ಪಯಾಮ್ಯೇವ ಗೃಹಾಣ ಢುಣ್ಢೇ ॥ ೬೮॥
ಆರಾರ್ತಿಕಾ ಕರ್ಪುರಕಾದಿಭೂತಾಮಪಾರದೀಪಾಂ ಪ್ರಕರೋಮಿ ಪೂರ್ಣಾಮ್ ।
ಚಿತ್ತೇನ ಲಮ್ಬೋದರ ತಾಂ ಗೃಹಾಣ ಹ್ಯಜ್ಞಾನಧ್ವಾನ್ತೌಘಹರಾಂ ನಿಜಾನಾಮ್ ॥ ೬೯॥
ವೇದೇಷು ವೈಘ್ನೈಶ್ವರಕೈಃ ಸುಮನ್ತ್ರೈಃ ಸುಮನ್ತ್ರಿತಂ ಪುಷ್ಪದಲಂ ಪ್ರಭೂತಮ್ ।
ಗೃಹಾಣ ಚಿತ್ತೀನ ಮಯಾ ಪ್ರದತ್ತಮಪಾರವೃತ್ತ್ಯಾ ತ್ವಥ ಮನ್ತ್ರಪುಷ್ಪಮ್ ॥ ೭೦॥
ಅಪಾರವೃತ್ಯಾ ಸ್ತುತಿಮೇಕದನ್ತಂ ಗೃಹಾಣ ಚಿತ್ತೇನ ಕೃತಾಂ ಗಣೇಶ ।
ಯುಕ್ತಾಂ ಶ್ರುತಿಸ್ಮಾರ್ತಭವೈಃ ಪುರಾಣೈಃ ಸರ್ವೈಃ ಪರೇಶಾಧಿಪತೇ ಮಯಾ ತೇ ॥ ೭೧॥
ಪ್ರದಕ್ಷಿಣಾ ಮಾನಸಕಲ್ಪಿತಾಸ್ತಾ ಗೃಹಾಣ ಲಮ್ಬೋದರ ಭಾವಯುಕ್ತಾಃ ।
ಸಂಖ್ಯಾವಿಹೀನಾ ವಿವಿಧಸ್ವರೂಪಾ ಭಕ್ತಾನ್ ಸದಾ ರಕ್ಷ ಭವಾರ್ಣವಾದ್ವೈ ॥ ೭೨॥
ನತಿಂ ತತೋ ವಿಘ್ನಪತೇ ಗೃಹಾಣ ಸಾಷ್ಟಾಂಗಕಾದ್ಯಾಂ ವಿವಿಧಸ್ವರೂಪಾಮ್ ।
ಸಂಖ್ಯಾವಿಹೀನಾಂ ಮನಸಾ ಕೃತಾಂ ತೇ ಸಿದ್ಧ್ಯಾ ಚ ಬುದ್ಧ್ಯಾ ಪರಿಪಾಲಯಾಶು ॥ ೭೩॥
ನ್ಯೂನಾತಿರಿಕ್ತಂ ತು ಮಯಾ ಕೃತಂ ಚೇತ್ತದರ್ಥಮನ್ತೇ ಮನಸಾ ಗೃಹಾಣ ।
ದೂರ್ವಾಂಕುರಾನ ವಿಘ್ನಪತೇ ಪ್ರದತ್ತಾನ್ ಸಮ್ಪೂರ್ಣಮೇವಂ ಕುರು ಪೂಜನಂ ಮೇ ॥ ೭೪॥
ಕ್ಷಮಸ್ವ ವಿಘ್ನಾಧಿಪತೇ ಮದೀಯಾನ್ ಸದಾಪರಾಧಾನ್ ವಿವಿಧಸ್ವರೂಪಾನ್ ।
ಭಕ್ತಿಂ ಮದೀಯಾಂ ಸಫಲಾಂ ಕುರುಷ್ವ ಸಮ್ಪ್ರಾರ್ಥಯೇಽಹಂ ಮನಸಾ ಗಣೇಶ ॥ ೭೫॥
ತತಃ ಪ್ರಸನ್ನೇನ ಗಜಾನೇನ ದತ್ತಂ ಪ್ರಸಾದಂ ಶಿರಸಾಽಭಿವನ್ದ್ಯ ।
ಸ್ವಮಸ್ತಕೇ ತಂ ಪರಿಧಾರಯಾಮಿ ಚಿತ್ತೇನ ವಿಘ್ನೇಶ್ವರಮಾನತೋಽಸ್ಮಿ ॥ ೭೬॥
ಉತ್ಥಾಯ ವಿಘ್ನೇಶ್ವರ ಏವ ತಸ್ಮಾದ್ಗತಸ್ತತಸ್ತ್ವನ್ತರಧಾನಶಕ್ತ್ಯಾ ।
ಶಿವಾದಯಸ್ತಂ ಪ್ರಣಿಪತ್ಯ ಸರ್ವೇ ಗತಾಃ ಸುಚಿತ್ತೇನ ಚ ಚಿನ್ತಯಾಮಿ ॥ ೭೭॥
ಸರ್ವಾನ್ನಮಸ್ಕೃತ್ಯ ತತೋಽಹಮೇವ ಭಜಾಮಿ ಚಿತ್ತೇನ ಗಣಾಧಿಪಂ ತಮ್ ।
ಸ್ವಸ್ಥಾನಮಾಗತ್ಯ ಮಹಾನುಭಾವೈರ್ಭಕ್ತೈರ್ಗಣೇಶಸ್ಯ ಚ ಖೇಲಯಾಮಿ ॥ ೭೮॥
ಏವಂ ತ್ರಿಕಾಲೇಷು ಗಣಾಧಿಪಂ ತಂ ಚಿತ್ತೇನ ನಿತ್ಯಂ ಪರಿಪೂಜಯಾಮಿ ।
ತೇನೈವ ತುಷ್ಟಃ ಪ್ರದದಾತು ಭಾವಂ ವಿಘ್ನೇಶ್ವರೋ ಭಕ್ತಿಮಯಂ ತು ಮಹ್ಯಮ್ ॥ ೭೯॥
ಗಣೇಶಪಾದೋದಕಪಾನಕಂ ಚ ಉಚ್ಛಿಷ್ಟಗಂಧಸ್ಯ ಸುಲೇಪನ ತು ।
ನಿರ್ಮಾಲ್ಯ-ಸನ್ಧಾರಣಕಂ ಸುಭೋಜ್ಯಂ ಲಮ್ಬೋದರಸ್ಯಾಸ್ತು ಹಿ ಭುಕ್ತಶೇಷಮ್ ॥ ೮೦॥
ಯಂ ಯಂ ಕರೋಮ್ಯೇವ ತದೇವ ದೀಕ್ಷಾ ಗಣೇಶ್ವರಸ್ಯಾಸ್ತು ಸದಾ ಗಣೇಶ ।
ಪ್ರಸೀದ ನಿತ್ಯಂ ತವಪಾದಭಕ್ತಂ ಕುರುಷ್ವ ಮಾಂ ಬ್ರಹ್ಮಪತೇ ದಯಾಲೋ ॥ ೮೧॥
ತತಸ್ತು ಶಯ್ಯಾಂ ಪರಿಕಲ್ಪಯಾಮಿ ಮನ್ದಾರ-ಕೂರ್ಪಾಸಕ-ವಸ್ತ್ರಯುಕ್ತಾಮ್ ।
ಸುವಾಸ-ಪುಷ್ಪಾದಿಭಿರರ್ಚಿತಾಂ ತೇ ಗೃಹಾಣ ನಿದ್ರಾಂ ಕುರು ವಿಘ್ನರಾಜ ॥ ೮೨॥
ಸಿದ್ಧ್ಯಾ ಚ ಬುದ್ಧ್ಯಾ ಸಹಿತಂ ಗಣೇಶ ಸುನಿದ್ರಿತಂ ವೀಕ್ಷ್ಯ ತಥಾಽಹಮೇವ ।
ಗತ್ವಾ ಸ್ವವಾಸಂ ಚ ಕರೋಮಿ ನಿದ್ರಾಂ ಧ್ಯಾತ್ವಾ ಹೃದಿ ಬ್ರಹ್ಮಪತಿಂ ತದೀಯಃ ॥ ೮೩॥
ಏತಾದೃಶಂ ಸೌಖ್ಯಮಮೋಘಶಕ್ತೇ ದೇಹಿ ಪ್ರಭೋ ಮಾನಸಜಂ ಗಣೇಶ ।
ಮಹ್ಯಂ ಚ ತೇನೈವ ಕೃತಾರ್ಥರೂಪೋ ಭವಾಮಿ ಭಕ್ತ್ಯಮೃತಲಾಲಸೋಽಹಮ್ ॥ ೮೪॥
ಗಾರ್ಗ್ಯ ಉವಾಚ ॥
ಏವಂ ನಿತ್ಯಂ ಮಹಾರಾಜ ಗೃತ್ಸಮಾದೋ ಮಹಾಯಶಾಃ ।
ಚಕಾರ ಮಾನಸೀಂ ಪೂಜಾಂ ಯೋಗೀನ್ದ್ರಾಣಾಂ ಗುರುಃ ಸ್ವಯಮ್ ॥ ೮೫॥
ಯ ಏತಾಂ ಮಾನಸೀಂ ಪೂಜಾಂ ಕರಿಷ್ಯತಿ ನರೋತ್ತಮಃ ।
ಪಠಿಷ್ಯತಿ ಸದಾ ಸೋಽಪಿ ಗಾಣಪತ್ಯೋ ಭವಿಷ್ಯತಿ ॥ ೮೬॥
ಶ್ರಾವಯಿಷ್ಯತಿ ಯೋ ಮರ್ತ್ಯಃ ಶ್ರೋಷ್ಯತೇ ಭಾವಸಂಯುತಃ ।
ಸ ಕ್ರಮೇಣ ಮಹೀಪಾಲ ಬ್ರಹ್ಮಭೂತೋ ಭವಿಷ್ಯತಿ ॥ ೮೭॥
ಯದ್ಯದಿಚ್ಛತಿ ತತ್ತದ್ವೈ ಸಫಲಂ ತಸ್ಯ ಜಾಯತೇ ।
ಅನ್ತೇ ಸ್ವಾನನ್ದಗಃ ಸೋಽಪಿ ಯೋಗಿವನ್ದ್ಯೋ ಭವಿಷ್ಯತಿ ॥ ೮೮॥
ಇತಿ ಶ್ರೀಮದಾನ್ತ್ಯೇ ಮುದ್ಗಲಪುರಾಣೇ ಗಣೇಶಮಾನಸಪೂಜಾ ಸಮಾಪ್ತಾ ॥
proofread by Karthik Chandan.P (kardan5380@yahoo.com)
Amith K Nagaraj (amithkn@rediffmail.com)
Please send corrections to sanskrit@cheerful.com
Last updated ತ್oday
http://sanskritdocuments.org
ಶ್ರೀ ಗಣೇಶಾಯ ನಮಃ ॥
ಗೃತ್ಸಮದ ಉವಾಚ ॥
ವಿಘ್ನೇಶವೀರ್ಯಾಣಿ ವಿಚಿತ್ರಕಾಣಿ ಬಂದೀಜನೈರ್ಮಾಗಧಕೈಃ ಸ್ಮೃತಾನಿ ।
ಶ್ರುತ್ವಾ ಸಮುತ್ತಿಷ್ಠ ಗಜಾನನ ತ್ವಂ ಬ್ರಾಹ್ಮೇ ಜಗನ್ಮಂಗಲಕಂ ಕುರುಷ್ವ ॥ ೧॥
ಏವಂ ಮಯಾ ಪ್ರಾರ್ಥಿತೋ ವಿಘ್ನರಾಜಶ್ಚಿತ್ತೇನ ಚೋತ್ಥಾಯ ಬಹಿರ್ಗಣೇಶಃ ।
ತಂ ನಿರ್ಗತಂ ವೀಕ್ಷ್ಯ ನಮನ್ತಿ ದೇವಾಃ ಶಂಭ್ವಾದಯೋ ಯೋಗಿಮುಖಾಸ್ತಥಾಽಹಮ್ ॥ ೨॥
ಶೌಚಾದಿಕಂ ತೇ ಪರಿಕಲ್ಪಯಾಮಿ ಹೇರಮ್ಬ ವೈ ದನ್ತವಿಶುದ್ಧಿಮೇವಮ್ ।
ವಸ್ತ್ರೇಣ ಸಮ್ಪ್ರೋಕ್ಷ್ಯ ಮುಖಾರವಿನ್ದಂ ದೇವಂ ಸಭಾಯಾಂ ವಿನಿವೇಶಯಾಮಿ ॥ ೩॥
ದ್ವಿಜಾದಿಸರ್ವೇರಭಿವನ್ದಿತಂ ಚ ಶುಕಾದಿಭಿರ್ಮೋದ-ಸುಮೋದಕಾದ್ಯೈಃ ।
ಸಂಭಾಷ್ಯ ಚಾಲೋಕ್ಯ ಸಮುತ್ಥಿತಂ ತಂ ಸುಮಣ್ಡಪಂ ಕಲ್ಪ್ಯ ನಿವೇಶಯಾಮಿ ॥ ೪॥
ರತ್ನೈಃ ಸುದೀಪ್ತೈಃ ಪ್ರತಿಬಿಮ್ಬಿತಂ ತಂ ಪಶ್ಯಾಮಿ ಚಿತ್ತೇನ ವಿನಾಯಕಂ ಚ ।
ತತ್ರಾಸನಂ ರತ್ನಸುವರ್ಣಯುಕ್ತಂ ಸಂಕಲ್ಪ್ಯ ದೇವಂ ವಿನಿವೇಶಯಾಮಿ ॥ ೫॥
ಸಿದ್ಧ್ಯಾ ಚ ಬುದ್ಧ್ಯಾ ಸಹ ವಿಘ್ನರಾಜ! ಪಾದ್ಯಂ ಕುರು ಪ್ರೇಮಭರೇಣ ಸರ್ವೈಃ ।
ಸುವಾಸಿತಂ ನೀರಮಥೋ ಗೃಹಾಣ ಚಿತ್ತೇನ ದತ್ತಂ ಚ ಸುಖೋಷ್ಣಭಾವಮ್ ॥ ೬॥
ತತಃ ಸುವಸ್ತ್ರೇಣ ಗಣೇಶಮಾದೌ ಸಮ್ಪ್ರೋಕ್ಷ್ಯ ದೂರ್ವಾದಿಭಿರರ್ಚಯಾಮಿ ।
ಚಿತ್ತೇನ ಭಾವಪ್ರಿಯ ದೀನಬನ್ಧೋ ಮನೋ ವಿಲೀನಂ ಕುರು ತೇ ಪದಾಬ್ಜೇ ॥ ೭॥
ಕರ್ಪೂರಕೈಲಾದಿ-ಸುವಾಸಿತಂ ತು ಸುಕಲ್ಪಿತಂ ತೋಯಮಥೋ ಗೃಹಾಣ ।
ಆಚಮ್ಯ ತೇನೈವ ಗಜಾನನ! ತ್ವಂ ಕೃಪಾಕಟಾಕ್ಷೇಣ ವಿಲೋಕಯಾಶು ॥ ೮॥
ಪ್ರವಾಲ-ಮುಕ್ತಾಫಲ-ಹಾರಕಾದ್ಯೈಃ ಸುಸಂಸ್ಕೃತಂ ಹ್ಯನ್ತರಭಾವಕೇನ ।
ಅನರ್ಘ್ಯಮರ್ಘ್ಯಂ ಸಫಲಂ ಕುರುಷ್ವ ಮಯಾ ಪ್ರದತ್ತಂ ಗಣರಾಜ ಢುಣ್ಢೇ ॥ ೯॥
ಸೌಗಂಧ್ಯಯುಕ್ತಂ ಮಧುಪರ್ಕಮಾದ್ಯಂ ಸಂಕಲ್ಪಿತಂ ಭಾವಯುತಂ ಗೃಹಾಣ ।
ಪುನಸ್ತಥಾಽಽಚಮ್ಯ ವಿನಾಯಕ ತ್ವಂ ಭಕ್ತಾಂಶ್ಚ ಭಕ್ತೇಶ ಸುರಕ್ಷಯಾಶು ॥ ೧೦॥
ಸುವಾಸಿತಂ ಚಂಪಕ ಜಾತಿಕಾದ್ಯೈಸ್ತೈಲಂ ಮಯಾ ಕಲ್ಪಿತಮೇವ ಢುಣ್ಢೇ ।
ಗೃಹಾಣ ತೇನ ಪ್ರವಿಮರ್ದಯಾಮಿ ಸರ್ವಾಂಗಮೇವಂ ತವ ಸೇವನಾಯ ॥ ೧೧॥
ತತಃ ಸುಖೋಷ್ಣೇನ ಜಲೇನ ಚಾಹಮನೇಕತೀರ್ಥಾಹೃತಕೇನ ಢುಣ್ಢೇ ।
ಚಿತ್ತೇನ ಶುದ್ಧೇನ ಚ ಸ್ನಾಪಯಾಮಿ ಸ್ನಾನಂ ಮಯಾ ದತ್ತಮಥೋ ಗೃಹಾಣ ॥ ೧೨॥
ತತಃ ಪಯಃಸ್ನಾನಮಚಿನ್ತ್ಯಭಾವ ಗೃಹಾಣ ತೋಯಸ್ಯ ತಥಾ ಗಣೇಶ ।
ಪುನರ್ದಧಿಸ್ನಾನಮನಾಮಯತ್ವಂ ಚಿತ್ತೇನ ದತ್ತಂ ಚ ಜಲಸ್ಯ ಚೈವ ॥ ೧೩॥
ತತೋ ಘೃತಸ್ನಾನಮಪಾರವನ್ದ್ಯ ಸುತೀರ್ಥಜಂ ವಿಘ್ನಹರ ಪ್ರಸೀದ ।
ಗೃಹಾಣ ಚಿತ್ತೇನ ಸುಕಲ್ಪಿತಂ ತು ತತೋ ಮಧುಸ್ನಾನಮಥೋ ಜಲಸ್ಯ ॥ ೧೪॥
ಸುಶರ್ಕರಾಯುಕ್ತಮಥೋ ಗೃಹಾಣ ಸ್ನಾನಂ ಮಯಾ ಕಲ್ಪಿತಮೇವ ಢುಣ್ಢೇ ।
ತತೋ ಜಲಸ್ನಾನಮಘಾಪಹಂತೃ ವಿಘ್ನೇಶ ಮಾಯಾಭ್ರಮಂ ಹಿನಿವಾರಯಾಶು ॥ ೧೫॥
ಸುಯಕ್ಷಪಂಕಂ ಸ್ತಮಥೋ ಗೃಹಾಣ ಸ್ನಾನಂ ಪರೇಶಾಧಿಪತೇ ತತಶ್ಚ ।
ಕೌಮಣ್ಡಲೀಸಂಭವಜಂ ಕುರುಷ್ವ ವಿಶುದ್ಧಮೇವಂ ಪರಿಕಲ್ಪಿತಂ ತು ॥ ೧೬॥
ತತಸ್ತು ಸೂಕ್ತೈರ್ಮನಸಾ ಗಣೇಶಂ ಸಮ್ಪೂಜ್ಯ ದೂರ್ವಾದಿಭಿರಲ್ಪಭಾವೈಃ ।
ಅಪಾರಕೈರ್ಮಣ್ಡಲಭೂತಬ್ರಹ್ಮಣಸ್ಪತ್ಯಾದಿಕೈಸ್ತಂ ಹ್ಯಭಿಷೇಚಯಾಮಿ ॥ ೧೭॥
ತತಃ ಸುವಸ್ತ್ರೇಣ ತು ಪ್ರೋಂಛನಂ ವೈ ಗೃಹಾಣ ಚಿತ್ತೇನ ಮಯಾ ಸುಕಲ್ಪಿತಮ್ ।
ತತೋ ವಿಶುದ್ಧೇನ ಜಲೇನ ಢುಣ್ಢೇ ಹ್ಯಾಚಾನ್ತಮೇವಂ ಕುರು ವಿಘ್ನರಾಜ ॥ ೧೮॥
ಅಗ್ನೌ ವಿಶುದ್ಧೇ ತು ಗೃಹಾಣ ವಸ್ತ್ರೇ ಹ್ಯನರ್ಘ್ಯಮೌಲ್ಯೇ ಮನಸಾ ಮಯಾ ತೇ ।
ದತ್ತೇ ಪರಿಚ್ಛಾದ್ಯ ನಿಜಾತ್ಮದೇಹಂ ತಾಭ್ಯಾಂ ಮಯೂರೇಶ ಜನಾಂಶ್ಚ ಪಾಲಯ ॥ ೧೯॥
ಆಚಮ್ಯ ವಿಘ್ನೇಶ ಪುನಸ್ತಥೈವ ಚಿತ್ತೇನ ದತ್ತಂ ಸುಖಮುತ್ತರೀಯಮ್ ।
ಗೃಹಾಣ ಭಕ್ತಪ್ರತಿಪಾಲಕ ತ್ವಂ ನಮೋಽಥ ತಾರಕಸಂಯುತಂ ತು ॥ ೨೦॥
ಯಜ್ಞೋಪವೀತಂ ತ್ರಿಗುಣಸ್ವರೂಪಂ ಸೌವರ್ಣಮೇವಂ ಹ್ಯಹಿನಾಥಭೂತಮ್ ।
ಭಾವೇನ ದತ್ತಂ ಗಣನಾಥ ತತ್ವಂ ಗೃಹಾಣ ಭಕ್ತೋದ್ಧೃತಿಕಾರಣಾಯ ॥ ೨೧॥
ಆಚಾನ್ತಮೇವಂ ಮನಸಾ ಪ್ರದತ್ತಂ ಕುರುಷ್ವ ಶುದ್ಧೇನ ಜಲೇನ ಢುಣ್ಢೇ ।
ಪುನಶ್ಚ ಕೌಮಣ್ಡಲಕೇನ ಪಾಹಿ ವಿಶ್ವಂ ಪ್ರಭೋ ಖೇಲಕರಂ ಸದಾ ತೇ ॥ ೨೨॥
ಉದ್ಯದ್ದಿನೇಶಾಭಮಥೋ ಗೃಹಾಣ ಸಿನ್ದೂರಕಂ ತೇ ಮನಸಾ ಪ್ರದತ್ತಮ್ ।
ಸರ್ವಾಂಗಸಂಲೇಪನಮಾದರಾದ್ವೈ ಕುರುಷ್ವ ಹೇರಮ್ಬ ಚ ತೇನ ಪೂರ್ಣಮ್ ॥ ೨೩॥
ಸಹಸ್ರಶೀರ್ಷಂ ಮನಸಾ ಮಯಾ ತ್ವಂ ದತ್ತಂ ಕಿರೀಟಂ ತು ಸುವರ್ಣಜಂ ವೈ ।
ಅನೇಕರತ್ನೈಃ ಖಚಿತಂ ಗೃಹಾಣ ಬ್ರಹ್ಮೇಶ ತೇ ಮಸ್ತಕಶೋಭನಾಯ ॥ ೨೪॥
ವಿಚಿತ್ರರತ್ನೈಃ ಕನಕೇನ ಢುಣ್ಢೇ ಯುತಾನಿ ಚಿತ್ತೇನ ಮಯಾ ಪರೇಶ ।
ದತ್ತಾನಿ ನಾನಾಪದಕುಣ್ಡಲಾನಿ ಗೃಹಾಣ ಶೂರ್ಪಶ್ರುತಿಭೂಷಣಾಯ ॥ ೨೫॥
ಶುಣ್ಡಾವಿಭೂಷಾರ್ಥಮನನ್ತಖೇಲಿನ್ ಸುವರ್ಣಜಂ ಕಂಚುಕಮಾಗೃಹಾಣ ।
ರತ್ನೈಶ್ಚ ಯುಕ್ತಂ ಮನಸಾ ಮಯಾ, ಯದ್ದತ್ತಂ ಪ್ರಭೋ
ತತ್ಸಫಲಂಕುರುಷ್ವ ॥ ೨೬॥
ಸುವರ್ಣರತ್ನೈಶ್ಚ ಯುತಾನಿ ಢುಣ್ಢೇ ಸದೈಕದನ್ತಾಭರಣಾನಿ ಕಲ್ಪ್ಯ ।
ಗೃಹಾಣ ಚೂಡಾಕೃತಯೇ ಪರೇಶ ದತ್ತಾನಿ ದನ್ತಸ್ಯ ಚ ಶೋಭನಾರ್ಥಮ್ ॥ ೨೭॥
ರತ್ನೈಃ ಸುವರ್ಣೇನ ಕೃತಾನಿ ತಾನಿ ಗೃಹಾಣ ಚತ್ವಾರಿ ಮಯಾ ಪ್ರಕಲ್ಪ್ಯ ।
ಸಮ್ಭೂಷಯ ತ್ವಂ ಕಟಕಾನಿ ನಾಥ ಚತುರ್ಭುಜೇಷು ಹ್ಯಜ ವಿಘ್ನಹಾರಿನ್ ॥ ೨೮॥
ವಿಚಿತ್ರರತ್ನೈಃ ಖಚಿತಂ ಸುವರ್ಣಸಂಭೂತಕಂ ಗೃಹ್ಯ ಮಯಾ ಪ್ರದತ್ತಮ್ ।
ತಥಾಂಗುಲೀಷ್ವಾಂಗುಲಿಕಂ ಗಣೇಶ ಚಿತ್ತೇನ್ ಸಂಶೋಭಯ ತತ್ಪರೇಶ ॥ ೨೯॥
ವಿಚಿತ್ರರತ್ನೈಃ ಖಚಿತಾನಿ ಢುಣ್ಢೇ ಕೇಯೂರಕಾಣಿ ಹ್ಯಥ ಕಲ್ಪಿತಾನಿ ।
ಸುವರ್ಣಜಾನಿ ಪ್ರಥಮಾಧಿನಾಥ ಗೃಹಾಣ ದತ್ತಾನಿ ತು ಬಾಹುಷು ತ್ವಮ್ ॥ ೩೦॥
ಪ್ರವಾಲ-ಮುಕ್ತಾಫಲ-ರತ್ನಜೈಸ್ತ್ವಂ ಸುವರ್ಣಸೂತ್ರೈಶ್ಚ ಗೃಹಾಣ ಕಣ್ಠೇ ।
ಚಿತ್ತೇನ ದತ್ತಾ ವಿವಿಧಾಶ್ಚ ಮಾಲಾ ಊರೂದರೇ ಸೋಭಯ ವಿಘ್ನರಾಜ ॥ ೩೧॥
ಚನ್ದ್ರಂ ಲಲಾಟೇ ಗಣನಾಥ ಪೂರ್ಣಂ ವೃದ್ಧಿಕ್ಷಯಾಭ್ಯಾಂ ತು ವಿಹೀನಮಾದ್ಯಮ್ ।
ಸಂಶೋಭಯ ತ್ವಂ ವರಸಂಯುತಂ ತೇ ಭಕ್ತಿಪ್ರಿಯತ್ವಂ ಪ್ರಕಟೀಕುರುಷ್ವ ॥ ೩೨॥
ಚಿಂತಾಮಣಿಂ ಚಿಂತಿತದಂ ಪರೇಶ ಹೃದ್ದೇಶಗಂ ಜ್ಯೋತಿರ್ಮಯಂ ಕುರುಷ್ವ ।
ಮಣಿಂ ಸದಾನನ್ದಸುಖಪ್ರದಂ ಚ ವಿಘ್ನೇಶ ದೀನಾರ್ಥದ ಪಾಲಯಸ್ವ ॥ ೩೩॥
ನಾಭೌ ಫಣೀಶಂ ಚ ಸಹಸ್ರಶೀರ್ಷಂ ಸಂವೇಷ್ಟನೇನೈವ ಗಣಾಧಿನಾಥ ।
ಭಕ್ತಂ ಸುಭೂಷಂ ಕುರು ಭೂಷಣೇನ ವರಪ್ರದಾನಂ ಸಫಲಂ ಪರೇಶ ॥ ೩೪॥
ಕಟೀತಟೇ ರತ್ನಸುವರ್ಣಯುಕ್ತಾಂ ಕಾಂಚೀಂ ಸುಚಿತ್ತೇನ ಚ ಧಾರಯಾಮಿ ।
ವಿಘ್ನೇಶ ಜ್ಯೋತಿರ್ಗಣದೀಪನೀಂ ತೇ ಪ್ರಸೀದ ಭಕ್ತಂ ಕುರು ಮಾಂ ದಯಾಬ್ಧೇ ॥ ೩೫॥
ಹೇರಮ್ಬ ತೇ ರತ್ನಸುವರ್ಣಯುಕ್ತೇ ಸುನೂಪುರೇ ಮಂಜಿರಕೇ ತಥೈವ ।
ಸುಕಿಂಕಿಣೀನಾದಯುತೇ ಸುಬುದ್ಧ್ಯಾ ಸುಪಾದಯೋಃ ಶೋಭಯ ಮೇ ಪ್ರದತ್ತೇ ॥ ೩೬॥
ಇತ್ಯಾದಿ-ನಾನಾವಿಧ-ಭೂಷಣಾನಿ ತವೇಚ್ಛಯಾ ಮಾನಸಕಲ್ಪಿತಾನಿ ।
ಸಮ್ಭೂಷಯಾಮ್ಯೇವ ತ್ವದಂಕೇಷು ವಿಚಿತ್ರಧಾತುಪ್ರಭವಾಣಿ ಢುಣ್ಢೇ ॥ ೩೭॥
ಸುಚನ್ದನಂ ರಕ್ತಮಮೋಘವೀರ್ಯಂ ಸುಘರ್ಷಿತಂ ಹ್ಯಷ್ಟಕಗನ್ಧಮುಖ್ಯೈಃ ।
ಯುಕ್ತಂ ಮಯಾ ಕಲ್ಪಿತಮೇಕದನ್ತ ಗೃಹಾಣ ತೇ ತ್ವಂಗವಿಲೇಪನಾರ್ಥಮ್ ॥ ೩೮॥
ಲಿಪ್ತೇಷು ವೈಚಿತ್ರ್ಯಮಥಾಷ್ಟಗನ್ಧೈರಂಗೇಷು ತೇಽಹಂ ಪ್ರಕರೋಮಿ ಚಿತ್ರಮ್ ।
ಪ್ರಸೀದ ಚಿತ್ತೇನ ವಿನಾಯಕ ತ್ವಂ ತತಃ ಸುರಕ್ತಂ ರವಿಮೇವ ಭಾಲೇ ॥ ೩೯॥
ಘೃತೇನ ವೈ ಕುಂಕುಮಕೇನ ರಕ್ತಾನ್ ಸುತಂಡುಲಾಂಸ್ತೇ ಪರಿಕಲ್ಪಯಾಮಿ ।
ಭಾಲೇ ಗಣಾಧ್ಯಕ್ಷ ಗೃಹಾಣ ಪಾಹಿ ಭಕ್ತಾನ್ ಸುಭಕ್ತಿಪ್ರಿಯ ದೀನಬನ್ಧೋ ॥ ೪೦॥
ಗೃಹಾಣ ಭೋ ಚಮ್ಪಕಮಾಲತೀನಿ ಜಲಪಂಕಜಾನಿ ಸ್ಥಲಪಂಕಜಾನಿ ।
ಚಿತ್ತೇನ ದತ್ತಾನಿ ಚ ಮಲ್ಲಿಕಾದಿ ಪುಷ್ಪಾಣಿ ನಾನಾವಿಧವೃಕ್ಷಜಾನಿ ॥ ೪೧॥
ಪುಷ್ಪೋಪರಿ ತ್ವಂ ಮನಸಾ ಗೃಹಾಣ ಹೇರಮ್ಬ ಮನ್ದಾರಶಮೀದಲಾನಿ ।
ಮಯಾ ಸುಚಿತ್ತೇನ ಚ ಕಲ್ಪಿತಾನಿ ಹ್ಯಪಾರಕಾಣಿ ಪ್ರಣವಾಕೃತೇ ತು ॥ ೪೨॥
ದೂರ್ವಾಂಕುರಾನ್ ವೈ ಮನಸಾ ಪ್ರದತ್ತಾಂಸ್ತ್ರಿಪಂಚಪತ್ರೈರ್ಯುತಕಾಂಶ್ಚ ಸ್ನಿಗ್ಧಾನ ।
ಗೃಹಾಣ ವಿಘ್ನೇಶ್ವರ ಸಂಖ್ಯಯಾ ತ್ವಂ ಹೀನಾಶ್ಚ ಸರ್ವೋಪರಿ ವಕ್ರತುಣ್ಡ ॥ ೪೩॥
ದಶಾಂಗಭೂತಂ ಮನಸಾ ಮಯಾ ತೇ ಧೂಪಂ ಪ್ರದತ್ತಂ ಗಣರಾಜ ಢುಣ್ಢೇ ।
ಗೃಹಾಣ ಸೌರಭ್ಯಕರಂ ಪರೇಶ ಸಿದ್ಧ್ಯಾ ಚ ಬುದ್ಧ್ಯಾ ಸಹ ಭಕ್ತಪಾಲ ॥ ೪೪॥
ದೀಪಂ ಸುವರ್ತ್ಯಾ ಯುತಮಾದರಾತ್ತೇ ದತ್ತಂ ಮಯಾ ಮಾನಸಕಂ ಗಣೇಶ ।
ಗೃಹಾಣ ನಾನಾವಿಧಜಂ ಘೃತಾದಿ-ತೈಲಾದಿ-ಸಂಭೂತಮಮೋಘದೃಷ್ಟೇ ॥ ೪೫॥
ಭೋಜ್ಯಂ ಚ ಲೇಹ್ಯಂ ಗಣರಾಜ ಪೇಯಂ ಚೋಷ್ಯಂ ಚ ನಾನಾವಿಧ-ಷಡ್ರಸಾಢ್ಯಮ್ ।
ಗೃಹಾಣ ನೈವೇದ್ಯಮಥೋ ಮಯಾ ತೇ ಸುಕಲ್ಪಿತಂ ಪುಷ್ಟಿಪತೇ ಮಹಾತ್ಮನ್ ॥ ೪೬॥
ಸುವಾಸಿತಂ ಭೋಜನಮಧ್ಯಭಾಗೇ ಜಲಂ ಮಯಾ ದತ್ತಮಥೋ ಗೃಹಾಣ ।
ಕಮಣ್ಡಲುಸ್ಥಂ ಮನಸಾ ಗಣೇಶ ಪಿಬಸ್ವ ವಿಶ್ವಾದಿಕತೃಪ್ತಿಕಾರಿನ್ ॥ ೪೭॥
ತತಃ ಕರೋದ್ವರ್ತನಕಂ ಗೃಹಾಣ ಸೌಗನ್ಧ್ಯುಕ್ತಂ ಮುಖಮಾರ್ಜನಾಯ ।
ಸುವಾಸಿತೇನೈವ ಸುತೀರ್ಥಜೇನ ಸುಕಲ್ಪಿತಂ ನಾಥ ಗೃಹಾಣ ಢುಣ್ಢೇ ॥ ೪೮॥
ಪುನಸ್ತಥಾಚಮ್ಯ ಸುವಾಸಿತಂ ಚ ದತ್ತಂ ಮಯಾ ತೀರ್ಥಜಲಂ ಪಿಬಸ್ವ ।
ಪ್ರಕಲ್ಪ್ಯ ವಿಘ್ನೇಶ ತತಃ ಪರಂ ತೇ ಸಮ್ಪ್ರೋಂಛನಂ ಹಸ್ತಮುಖೇಕರೋಮಿ ॥ ೪೯॥
ದ್ರಾಕ್ಷಾದಿ-ರಮ್ಭಾಫಲ-ಚೂತಕಾನಿ ಖಾರ್ಜೂರ-ಕಾರ್ಕನ್ಧುಕ-ದಾಡಿಮಾನಿ ।
ಸುಸ್ವಾದಯುಕ್ತಾನಿ ಮಯಾ ಪ್ರಕಲ್ಪ್ಯ ಗೃಹಾಣ ದತ್ತಾನಿ ಫಲಾನಿ ಢುಣ್ಢೇ ॥ ೫೦॥
ಪುನರ್ಜಲೇನೈವ ಕರಾದಿಕಂ ತೇ ಸಂಕ್ಷಾಲಯೇಽಹಂ ಮನಸಾ ಗಣೇಶ ।
ಸುವಾಸಿತಂ ತೋಯಮಥೋ ಪಿಬಸ್ವ ಮಯಾ ಪ್ರದತ್ತಂ ಮನಸಾ ಪರೇಶ ॥ ೫೧॥
ಅಷ್ಟಾಂಗಯುಕ್ತಂ ಗಣನಾಥ ದತ್ತಂ ತಾಮ್ಬೂಲಕಂ ತೇ ಮನಸಾ ಮಯಾ ವೈ ।
ಗೃಹಾಣ ವಿಘ್ನೇಶ್ವರ ಭಾವಯುಕ್ತಂ ಸದಾಸಕೃತ್ತುಣ್ಡವಿಶೋಧನಾರ್ಥಮ್ ॥ ೫೨॥
ತತೋ ಮಯಾ ಕಲ್ಪಿತಕೇ ಗಣೇಶ ಮಹಾಸನೇ ರತ್ನಸುವರ್ಣಯುಕ್ತೇ ।
ಮನ್ದಾರಕೂರ್ಪಾಸಕಯುಕ್ತ-ವಸ್ತ್ರೈರನರ್ಘ್ಯ-ಸಂಛಾದಿತಕೇ ಪ್ರಸೀದ ॥ ೫೩॥
ತತಸ್ತ್ವದೀಯಾವರಣಂ ಪರೇಶ ಸಮ್ಪೂಜಯೇಽಹಂ ಮನಸಾ ಯಥಾವತ್ ।
ನಾನೋಪಚಾರೈಃ ಪರಮಪ್ರಿಯೈಸ್ತು ತ್ವತ್ಪ್ರೀತಿಕಾಮಾರ್ಥಮನಾಥಬನ್ಧೋ ॥ ೫೪॥
ಗೃಹಾಣ ಲಮ್ಬೋದರ ದಕ್ಷಿಣಾಂ ತೇ ಹ್ಯಸಂಖ್ಯಭೂತಾಂ ಮನಸಾ ಪ್ರದತ್ತಾಮ್ ।
ಸೌವರ್ಣ-ಮುದ್ರಾದಿಕ-ಮುಖ್ಯಭಾವಾಂ, ಪಾಹಿ ಪ್ರಭೋ ವಿಶ್ವಮಿದಂ ಗಣೇಶ ॥। ೫೫॥
ರಾಜೋಪಚಾರಾನ್ ವಿವಿಧಾನ್ ಗೃಹಾಣ ಹಸ್ತ್ಯಶ್ವ-ಛತ್ರಾದಿಕಮಾದರಾದ್ವೈ ।
ಚಿತ್ತೇನ ದತ್ತಾನ್ ಗಣನಾಥ ಢುಣ್ಢೇ ಹ್ಯಪಾರಸಖ್ಯಾನ್ ಸ್ಥಿರಜಂಗಮಾಂಸ್ತೇ ॥ ೫೬॥
ದಾನಾಯ ನಾನಾವಿಧರೂಪಕಾಂಸ್ತೇ ಗೃಹಾಣ ದತ್ತಾನ್ ಮನಸಾ ಮಯಾ ವೈ ।
ಪದಾರ್ಥಭೂತಾನ್ ಸ್ಥಿರ-ಜಂಗಮಾಂಶ್ಚ ಹೇರಮ್ಬ ಮಾಂ ತಾರಯ ಮೋಹಭಾವಾತ್ ॥ ೫೭॥
ಮನ್ದಾರಪುಷ್ಪಾಣಿ ಶಮೀದಲಾನಿ ದೂರ್ವಾಂಕುರಾಂಸ್ತೇ ಮನಸಾ ದದಾಮಿ ।
ಹೇರಮ್ಬ ಲಮ್ಬೋದರ ದೀನಪಾಲ ಗೃಹಾಣ ಭಕ್ತಂ ಕುರು ಮಾಂ ಪದೇ ತೇ ॥ ೫೮॥
ತತೋ ಹರಿದ್ರಾಮಬಿರಂ ಗುಲಾಲಂ ಸಿಂದೂರಕಂ ತೇ ಪರಿಕಲ್ಪಯಾಮಿ ।
ಸುವಾಸಿತಂ ವಸ್ತುಸುವಾಸಭೂತೈರ್ಗೃಹಾಣ ಬ್ರಹ್ಮೇಶ್ವರ-ಶೋಭನಾರ್ಥಮ್ ॥ ೫೯॥
ತತಃ ಶುಕಾದ್ಯಾಃ ಶಿವ-ವಿಷ್ಣುಮುಖ್ಯಾ ಇನ್ದ್ರಾದಯಃ ಶೇಷಮುಖಾಸ್ತಥಾಽನ್ಯೇ ।
ಮುನೀನ್ದ್ರಕಾಃ ಸೇವಕಭಾವಯುಕ್ತಾಃ ಸಭಾಸನಸ್ಥಂ ಪ್ರಣಮನ್ತಿ ಢುಣ್ಢಿಮ್ ॥ ೬೦॥
ವಾಮಾಂಗಕೇ ಶಕ್ತಿಯುತಾ ಗಣೇಶಂ ಸಿದ್ಧಿಸ್ತು ನಾನಾವಿಧಸಿದ್ಧಿ ಭಿಸ್ತಮ್ ।
ಅತ್ಯನ್ತಭಾವೇನ ಸುಸೇವತೇ ತು ಮಾಯಾಸ್ವರೂಪಾ ಪರಮಾರ್ಥಭೂತಾ ॥ ೬೧॥
ಗಣೇಶ್ವರ ದಕ್ಷಿಣಭಾಗಸಂಸ್ಥಾ ಬುದ್ಧಿಃ ಕಲಾಭಿಶ್ಚ ಸುಬೋಧಿಕಾಭಿಃ ।
ವಿದ್ಯಾಭಿರೇವಂ ಭಜತೇ ಪರೇಶಾ ಮಾಯಾಸು ಸಾಂಖ್ಯಪ್ರದಚಿತ್ತರೂಪಾ ॥ ೬೨॥
ಪ್ರಮೋದಮೋದಾದಯಃ ಪೃಷ್ಠಭಾಗೇ ಗಣೇಶ್ವರಂ ಭಾವಯುತಾ ಭಜನ್ತೇ ।
ಭಕ್ತೇಶ್ವರಾ ಮುದ್ಗಲಶಮ್ಭುಮುಖ್ಯಾಃ ಶುಕಾದಯಸ್ತಂ ಸ್ಮ ಪುರೋ ಭಜನ್ತೇ ॥ ೬೩॥
ಗನ್ಧರ್ವಮುಖ್ಯಾ ಮಧುರಂ ಜಗುಶ್ಚ ಗಣೇಶಗೀತಂ ವಿವಿಧಸ್ವರೂಪಮ್ ।
ನೃತ್ಯಂಕಲಾಯುಕ್ತಮಥೋ ಪುರಸ್ತಾಚ್ಚಕ್ರುಸ್ತಥಾ ಹ್ಯಸರಸೋ ವಿಚಿತ್ರಮ್ ॥ ೬೪॥
ಇತ್ಯಾದಿ-ನಾನಾವಿಧ-ಭಾವಯುಕ್ತೈಃ ಸಂಸೇವಿತಂ ವಿಘ್ನಪತಿಂ ಭಜಾಮಿ ।
ಚಿತ್ತೇನ ಧ್ಯಾತ್ವಾ ತು ನಿರಂಜನಂ ವೈ ಕರೋಮಿ ನಾನಾವಿಧದೀಪಯುಕ್ತಮ್ ॥ ೬೫॥
ಚತುರ್ಭುಜಂ ಪಾಶಧರಂ ಗಣೇಶಂ ತಥಾಂಕುಶಂ ದನ್ತಯುತಂ ತಮೇವಮ್ ।
ತ್ರಿನೇತ್ರಯುಕ್ತಂ ತ್ವಭಯಂಕರಂ ತಂ ಮಹೋದರಂ ಚೈಕರದಂ ಗಜಾಸ್ಯಮ್ ॥ ೬೬॥
ಸರ್ಪೋಪವೀತಂ ಗಜಕರ್ಣಧಾರಂ ವಿಭೂತಿಭಿಃ ಸೇವಿತಪಾದಪದ್ಯಮ್ ।
ಧ್ಯಾಯೇ ಗಣೇಶಂ ವಿವಿಧಪ್ರಕಾರೈಃ ಸುಪೂಜಿತಂ ಶಕ್ತಿಯುತಂ ಪರೇಶಮ್ ॥ ೬೭॥
ತತೋ ಜಪಂ ವೈ ಮನಸಾ ಕರೋಮಿ ಸ್ವಮೂಲಮನ್ತ್ರಸ್ಯ ವಿಧಾನಯುಕ್ತಮ್ ।
ಅಸಂಖ್ಯಭೂತಂ ಗಣರಾಜಹಸ್ತೇ ಸಮರ್ಪಯಾಮ್ಯೇವ ಗೃಹಾಣ ಢುಣ್ಢೇ ॥ ೬೮॥
ಆರಾರ್ತಿಕಾ ಕರ್ಪುರಕಾದಿಭೂತಾಮಪಾರದೀಪಾಂ ಪ್ರಕರೋಮಿ ಪೂರ್ಣಾಮ್ ।
ಚಿತ್ತೇನ ಲಮ್ಬೋದರ ತಾಂ ಗೃಹಾಣ ಹ್ಯಜ್ಞಾನಧ್ವಾನ್ತೌಘಹರಾಂ ನಿಜಾನಾಮ್ ॥ ೬೯॥
ವೇದೇಷು ವೈಘ್ನೈಶ್ವರಕೈಃ ಸುಮನ್ತ್ರೈಃ ಸುಮನ್ತ್ರಿತಂ ಪುಷ್ಪದಲಂ ಪ್ರಭೂತಮ್ ।
ಗೃಹಾಣ ಚಿತ್ತೀನ ಮಯಾ ಪ್ರದತ್ತಮಪಾರವೃತ್ತ್ಯಾ ತ್ವಥ ಮನ್ತ್ರಪುಷ್ಪಮ್ ॥ ೭೦॥
ಅಪಾರವೃತ್ಯಾ ಸ್ತುತಿಮೇಕದನ್ತಂ ಗೃಹಾಣ ಚಿತ್ತೇನ ಕೃತಾಂ ಗಣೇಶ ।
ಯುಕ್ತಾಂ ಶ್ರುತಿಸ್ಮಾರ್ತಭವೈಃ ಪುರಾಣೈಃ ಸರ್ವೈಃ ಪರೇಶಾಧಿಪತೇ ಮಯಾ ತೇ ॥ ೭೧॥
ಪ್ರದಕ್ಷಿಣಾ ಮಾನಸಕಲ್ಪಿತಾಸ್ತಾ ಗೃಹಾಣ ಲಮ್ಬೋದರ ಭಾವಯುಕ್ತಾಃ ।
ಸಂಖ್ಯಾವಿಹೀನಾ ವಿವಿಧಸ್ವರೂಪಾ ಭಕ್ತಾನ್ ಸದಾ ರಕ್ಷ ಭವಾರ್ಣವಾದ್ವೈ ॥ ೭೨॥
ನತಿಂ ತತೋ ವಿಘ್ನಪತೇ ಗೃಹಾಣ ಸಾಷ್ಟಾಂಗಕಾದ್ಯಾಂ ವಿವಿಧಸ್ವರೂಪಾಮ್ ।
ಸಂಖ್ಯಾವಿಹೀನಾಂ ಮನಸಾ ಕೃತಾಂ ತೇ ಸಿದ್ಧ್ಯಾ ಚ ಬುದ್ಧ್ಯಾ ಪರಿಪಾಲಯಾಶು ॥ ೭೩॥
ನ್ಯೂನಾತಿರಿಕ್ತಂ ತು ಮಯಾ ಕೃತಂ ಚೇತ್ತದರ್ಥಮನ್ತೇ ಮನಸಾ ಗೃಹಾಣ ।
ದೂರ್ವಾಂಕುರಾನ ವಿಘ್ನಪತೇ ಪ್ರದತ್ತಾನ್ ಸಮ್ಪೂರ್ಣಮೇವಂ ಕುರು ಪೂಜನಂ ಮೇ ॥ ೭೪॥
ಕ್ಷಮಸ್ವ ವಿಘ್ನಾಧಿಪತೇ ಮದೀಯಾನ್ ಸದಾಪರಾಧಾನ್ ವಿವಿಧಸ್ವರೂಪಾನ್ ।
ಭಕ್ತಿಂ ಮದೀಯಾಂ ಸಫಲಾಂ ಕುರುಷ್ವ ಸಮ್ಪ್ರಾರ್ಥಯೇಽಹಂ ಮನಸಾ ಗಣೇಶ ॥ ೭೫॥
ತತಃ ಪ್ರಸನ್ನೇನ ಗಜಾನೇನ ದತ್ತಂ ಪ್ರಸಾದಂ ಶಿರಸಾಽಭಿವನ್ದ್ಯ ।
ಸ್ವಮಸ್ತಕೇ ತಂ ಪರಿಧಾರಯಾಮಿ ಚಿತ್ತೇನ ವಿಘ್ನೇಶ್ವರಮಾನತೋಽಸ್ಮಿ ॥ ೭೬॥
ಉತ್ಥಾಯ ವಿಘ್ನೇಶ್ವರ ಏವ ತಸ್ಮಾದ್ಗತಸ್ತತಸ್ತ್ವನ್ತರಧಾನಶಕ್ತ್ಯಾ ।
ಶಿವಾದಯಸ್ತಂ ಪ್ರಣಿಪತ್ಯ ಸರ್ವೇ ಗತಾಃ ಸುಚಿತ್ತೇನ ಚ ಚಿನ್ತಯಾಮಿ ॥ ೭೭॥
ಸರ್ವಾನ್ನಮಸ್ಕೃತ್ಯ ತತೋಽಹಮೇವ ಭಜಾಮಿ ಚಿತ್ತೇನ ಗಣಾಧಿಪಂ ತಮ್ ।
ಸ್ವಸ್ಥಾನಮಾಗತ್ಯ ಮಹಾನುಭಾವೈರ್ಭಕ್ತೈರ್ಗಣೇಶಸ್ಯ ಚ ಖೇಲಯಾಮಿ ॥ ೭೮॥
ಏವಂ ತ್ರಿಕಾಲೇಷು ಗಣಾಧಿಪಂ ತಂ ಚಿತ್ತೇನ ನಿತ್ಯಂ ಪರಿಪೂಜಯಾಮಿ ।
ತೇನೈವ ತುಷ್ಟಃ ಪ್ರದದಾತು ಭಾವಂ ವಿಘ್ನೇಶ್ವರೋ ಭಕ್ತಿಮಯಂ ತು ಮಹ್ಯಮ್ ॥ ೭೯॥
ಗಣೇಶಪಾದೋದಕಪಾನಕಂ ಚ ಉಚ್ಛಿಷ್ಟಗಂಧಸ್ಯ ಸುಲೇಪನ ತು ।
ನಿರ್ಮಾಲ್ಯ-ಸನ್ಧಾರಣಕಂ ಸುಭೋಜ್ಯಂ ಲಮ್ಬೋದರಸ್ಯಾಸ್ತು ಹಿ ಭುಕ್ತಶೇಷಮ್ ॥ ೮೦॥
ಯಂ ಯಂ ಕರೋಮ್ಯೇವ ತದೇವ ದೀಕ್ಷಾ ಗಣೇಶ್ವರಸ್ಯಾಸ್ತು ಸದಾ ಗಣೇಶ ।
ಪ್ರಸೀದ ನಿತ್ಯಂ ತವಪಾದಭಕ್ತಂ ಕುರುಷ್ವ ಮಾಂ ಬ್ರಹ್ಮಪತೇ ದಯಾಲೋ ॥ ೮೧॥
ತತಸ್ತು ಶಯ್ಯಾಂ ಪರಿಕಲ್ಪಯಾಮಿ ಮನ್ದಾರ-ಕೂರ್ಪಾಸಕ-ವಸ್ತ್ರಯುಕ್ತಾಮ್ ।
ಸುವಾಸ-ಪುಷ್ಪಾದಿಭಿರರ್ಚಿತಾಂ ತೇ ಗೃಹಾಣ ನಿದ್ರಾಂ ಕುರು ವಿಘ್ನರಾಜ ॥ ೮೨॥
ಸಿದ್ಧ್ಯಾ ಚ ಬುದ್ಧ್ಯಾ ಸಹಿತಂ ಗಣೇಶ ಸುನಿದ್ರಿತಂ ವೀಕ್ಷ್ಯ ತಥಾಽಹಮೇವ ।
ಗತ್ವಾ ಸ್ವವಾಸಂ ಚ ಕರೋಮಿ ನಿದ್ರಾಂ ಧ್ಯಾತ್ವಾ ಹೃದಿ ಬ್ರಹ್ಮಪತಿಂ ತದೀಯಃ ॥ ೮೩॥
ಏತಾದೃಶಂ ಸೌಖ್ಯಮಮೋಘಶಕ್ತೇ ದೇಹಿ ಪ್ರಭೋ ಮಾನಸಜಂ ಗಣೇಶ ।
ಮಹ್ಯಂ ಚ ತೇನೈವ ಕೃತಾರ್ಥರೂಪೋ ಭವಾಮಿ ಭಕ್ತ್ಯಮೃತಲಾಲಸೋಽಹಮ್ ॥ ೮೪॥
ಗಾರ್ಗ್ಯ ಉವಾಚ ॥
ಏವಂ ನಿತ್ಯಂ ಮಹಾರಾಜ ಗೃತ್ಸಮಾದೋ ಮಹಾಯಶಾಃ ।
ಚಕಾರ ಮಾನಸೀಂ ಪೂಜಾಂ ಯೋಗೀನ್ದ್ರಾಣಾಂ ಗುರುಃ ಸ್ವಯಮ್ ॥ ೮೫॥
ಯ ಏತಾಂ ಮಾನಸೀಂ ಪೂಜಾಂ ಕರಿಷ್ಯತಿ ನರೋತ್ತಮಃ ।
ಪಠಿಷ್ಯತಿ ಸದಾ ಸೋಽಪಿ ಗಾಣಪತ್ಯೋ ಭವಿಷ್ಯತಿ ॥ ೮೬॥
ಶ್ರಾವಯಿಷ್ಯತಿ ಯೋ ಮರ್ತ್ಯಃ ಶ್ರೋಷ್ಯತೇ ಭಾವಸಂಯುತಃ ।
ಸ ಕ್ರಮೇಣ ಮಹೀಪಾಲ ಬ್ರಹ್ಮಭೂತೋ ಭವಿಷ್ಯತಿ ॥ ೮೭॥
ಯದ್ಯದಿಚ್ಛತಿ ತತ್ತದ್ವೈ ಸಫಲಂ ತಸ್ಯ ಜಾಯತೇ ।
ಅನ್ತೇ ಸ್ವಾನನ್ದಗಃ ಸೋಽಪಿ ಯೋಗಿವನ್ದ್ಯೋ ಭವಿಷ್ಯತಿ ॥ ೮೮॥
ಇತಿ ಶ್ರೀಮದಾನ್ತ್ಯೇ ಮುದ್ಗಲಪುರಾಣೇ ಗಣೇಶಮಾನಸಪೂಜಾ ಸಮಾಪ್ತಾ ॥
proofread by Karthik Chandan.P (kardan5380@yahoo.com)
Amith K Nagaraj (amithkn@rediffmail.com)
Please send corrections to sanskrit@cheerful.com
Last updated ತ್oday
http://sanskritdocuments.org
Ganesha Manasa Puja Lyrics in Kannada PDF
% File name : gaNeshamAnasapUjA.itx
% Category : pUjA
% Location : doc\_ganesha
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Karthik Chandan.P : Amith K Nagaraj(amithkn at rediffmail.com)
% Description-comments : mudgalapurANa
% Latest update : March 9, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gaNeshamAnasapUjA.itx
% Category : pUjA
% Location : doc\_ganesha
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Karthik Chandan.P : Amith K Nagaraj(amithkn at rediffmail.com)
% Description-comments : mudgalapurANa
% Latest update : March 9, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website