{॥ ശ്രീഗണേശാഷ്ടകമ് ॥}
ശ്രീഗണേശായ നമഃ ।
ഗണപതി-പരിവാരം ചാരുകേയൂരഹാരം
ഗിരിധരവരസാരം യോഗിനീചക്രചാരമ് ।
ഭവ-ഭയ-പരിഹാരം ദുഃഖ-ദാരിദ്രയ-ദൂരം
ഗണപതിമഭിവന്ദേ വക്രതുണ്ഡാവതാരമ് ॥ ൧॥

അഖിലമലവിനാശം പാണിനാ ധ്വസ്തപാശം var ഹസ്തപാശം
കനകഗിരിനികാശം സൂര്യകോടിപ്രകാശമ് ।
ഭവഭവഗിരിനാശം മാലതീതീരവാസം
ഗണപതിമഭിവന്ദേ മാനസേ രാജഹംസമ് ॥ ൨॥

വിവിധ-മണി-മയൂഖൈഃ ശോഭമാനം വിദൂരൈഃ
കനക-രചിത-ചിത്രം കണ്ഠദേശേവിചിത്രം ।
ദധതി വിമലഹാരം സര്വദാ യത്നസാരം
ഗണപതിമഭിവന്ദേ വക്രതുണ്ഡാവതാരമ് ॥ ൩॥

ദുരിതഗജമമന്ദം വാരണീം ചൈവ വേദം
വിദിതമഖിലനാദം നൃത്യമാനന്ദകന്ദമ് ।
ദധതി ശശിസുവക്ത്രം ചാഽങ്കുശം യോ വിശേഷം
ഗണപതിമഭിവന്ദേ സര്വദാഽഽനന്ദകന്ദമ് ॥ ൪॥

ത്രിനയനയുതഭാലേ ശോഭമാനേ വിശാലേ
മുകുട-മണി-സുഢാലേ മൌക്തികാനാം ച ജാലേ ।
ധവലകുസുമമാലേ യസ്യ ശീര്ഷ്ണഃ സതാലേ
ഗണപതിമഭിവന്ദേ സര്വദാ ചക്രപാണിമ് ॥ ൫॥

വപുഷി മഹതി രൂപം പീഠമാദൌ സുദീപം
തദുപരി രസകോണം യസ്യ ചോര്ധ്വം ത്രികോണമ് ।
ഗജമിതദലപദ്മം സംസ്ഥിതം ചാരുഛദ്മം
ഗണപതിമഭിവന്ദേ കല്പവൃക്ഷസ്യ വൃന്ദേ ॥ ൬॥

വരദവിശദശസ്തം ദക്ഷിണം യസ്യ ഹസ്തം
സദയമഭയദം തം ചിന്തയേ ചിത്തസംസ്ഥമ് ।
ശബലകുടിലശുണ്ഡം ചൈകതുണ്ഡം ദ്വിതുണ്ഡം
ഗണപതിമഭിവന്ദേ സര്വദാ വക്രതുണ്ഡമ് ॥ ൭॥

കല്പദ്രുമാധഃസ്ഥിത-കാമധേനും
ചിന്താമണിം ദക്ഷിണപാണിശുണ്ഡമ് ।
ബിഭ്രാണമത്യദ്ഭുതചിത്തരൂപം യഃ
പൂജയേത് തസ്യ സമസ്തസിദ്ധിഃ ॥ ൮॥

വ്യാസാഷ്ടകമിദം പുണ്യം ഗണേശസ്തവനം നൃണാമ് ।
പഠതാം ദുഃഖനാശായ വിദ്യാം സംശ്രിയമശ്നുതേ ॥ ൯॥

॥ ഇതി ശ്രീപദ്മപുരാണേ ഉത്തരഖണ്ഡേ വ്യാസവിരചിതം ഗണേശാഷ്ടകം സമ്പൂര്ണമ് ॥

Proofread by Ravin Bhalekar ravibhalekar@hotmail.com, Ajit Krishnan

Please send corrections to sanskrit@cheerful.com
Last updated ത്oday
http://sanskritdocuments.org

Ganesha Ashtakam ( By Vyasa Rishi ) Lyrics in Malayalam PDF
% File name : gaNeshAShTakaMvyAsarachitam.itx
% Category : aShTaka
% Location : doc\_ganesha
% Author : Vyasa
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com, Ajit Krishnan
% Description-comments : padmapurANe\_uttarakhaNDa
% Latest update : September 02, 2004, July 13, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website