{॥ శ్రీకాలభైరవాష్టకం ॥}
దేవరాజసేవ్యమానపావనాంఘ్రిపఙ్కజం
వ్యాలయజ్ఞసూత్రమిన్దుశేఖరం కృపాకరమ్ । var బిన్దు
నారదాదియోగివృన్దవన్దితం దిగంబరం
కాశికాపురాధినాథకాలభైరవం భజే ॥ ౧॥

భానుకోటిభాస్వరం భవాబ్ధితారకం పరం
నీలకణ్ఠమీప్సితార్థదాయకం త్రిలోచనమ్ ।
కాలకాలమంబుజాక్షమక్షశూలమక్షరం
కాశికాపురాధినాథకాలభైరవం భజే ॥ ౨॥

శూలటంకపాశదణ్డపాణిమాదికారణం
శ్యామకాయమాదిదేవమక్షరం నిరామయమ్ ।
భీమవిక్రమం ప్రభుం విచిత్రతాణ్డవప్రియం
కాశికాపురాధినాథకాలభైరవం భజే ॥ ౩॥

భుక్తిముక్తిదాయకం ప్రశస్తచారువిగ్రహం
భక్తవత్సలం స్థితం సమస్తలోకవిగ్రహమ్ । var స్థిరమ్
వినిక్వణన్మనోజ్ఞహేమకిఙ్కిణీలసత్కటిం var నిక్వణన్
కాశికాపురాధినాథకాలభైరవం భజే ॥ ౪॥

ధర్మసేతుపాలకం త్వధర్మమార్గనాశనం var నాశకం
కర్మపాశమోచకం సుశర్మధాయకం విభుమ్ । var దాయకం
స్వర్ణవర్ణశేషపాశశోభితాంగమణ్డలం var కేశపాశ, నిర్మలం
కాశికాపురాధినాథకాలభైరవం భజే ॥ ౫॥

రత్నపాదుకాప్రభాభిరామపాదయుగ్మకం
నిత్యమద్వితీయమిష్టదైవతం నిరంజనమ్ ।
మృత్యుదర్పనాశనం కరాలదంష్ట్రమోక్షణం var భూషణం
కాశికాపురాధినాథకాలభైరవం భజే ॥ ౬॥

అట్టహాసభిన్నపద్మజాణ్డకోశసంతతిం
దృష్టిపాతనష్టపాపజాలముగ్రశాసనమ్ ।
అష్టసిద్ధిదాయకం కపాలమాలికాధరం
కాశికాపురాధినాథకాలభైరవం భజే ॥ ౭॥

భూతసంఘనాయకం విశాలకీర్తిదాయకం
కాశివాసలోకపుణ్యపాపశోధకం విభుమ్ । var కాశివాసి
నీతిమార్గకోవిదం పురాతనం జగత్పతిం
కాశికాపురాధినాథకాలభైరవం భజే ॥ ౮॥

॥ ఫల శ్రుతి ॥
కాలభైరవాష్టకం పఠంతి యే మనోహరం
జ్ఞానముక్తిసాధనం విచిత్రపుణ్యవర్ధనమ్ ।
శోకమోహదైన్యలోభకోపతాపనాశనం var లోభదైన్య
ప్రయాన్తి కాలభైరవాంఘ్రిసన్నిధిం నరా ధ్రువమ్ ॥

var తే ప్రయాన్తి కాలభైరవాంఘ్రిసన్నిధిం ధ్రువమ్ ॥

॥ ఇతి శ్రీమత్పరమహంసపరివ్రాజకాచర్యస్య

శ్రీగోవిన్దభగవత్పూజ్యపాదశిష్యస్య
శ్రీమచ్ఛఙ్కరభగవతః కృతౌ
శ్రీ కాలభైరవాష్టకం సమ్పూర్ణమ్ ॥


Encoded by Narayanaswami Pallasena at swami@math.mun.ca
Proofread by Narayanaswami Pallasena and Sunder Hattangadi sunderh@hotmail.com

Please send corrections to sanskrit@cheerful.com
Last updated త్oday
http://sanskritdocuments.org

Kalabhairava Ashtakam Lyrics in Telugu PDF
% File name : kaalabhairava.itx
% Category : aShTaka
% Location : doc\_shiva
% Author : Shankaracharya
% Language : Sanskrit
% Subject : religion
% Transliterated by : Narayanaswami Pallasena at swami at math.mun.ca
% Proofread by : Narayanaswami Pallasena, Sunder Hattangadi
% Latest update : August 10, 2002, August 26, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website