{॥ শ্রীবিনাযকবিনতিঃ ॥}
শ্রীগণেশায নমঃ ।
হেরম্বমম্বামবলম্বমানং লম্বোদরং লম্ব-বিতুণ্ড-শুণ্ডম্ ।
উত্সঙ্গমারোপযিতুং হ্যপর্ণাং হসন্তমন্তর্হরিরূপমীডে ॥ ১॥

মিলিন্দ-বৃন্দ-গুঞ্জনোল্লসত্কপোল-মণ্ডলং
শ্রুতি-প্রচালন-স্ফুরত্সমীরবীজিতাননম্ ।
বিতুণ্ড-শুণ্ডমণ্ডল-প্রসার-শোভিবিগ্রহং
নিবারিতাঘ-বিঘ্নরাশিমঙ্কলালপং ভজে ॥ ২॥

গজেন্দ্র-মৌক্তিকালি-লগ্ন-কম্বুকণ্ঠ-পীঠকং
সুবর্ণবল্লি-মণ্ডলী-বিধানবদ্ধ-দন্তকম্ ।
প্রমোদি-মোদকাঞ্চিতং করণ্ডকং করাম্বুজে
দধানমম্বিকামনো বিনোদ-মোদদাযকম্ ॥ ৩॥

গভীর-নাভি-তুন্দিলং সুপীত-পাট-ধৌতকং
প্রতপ্ত-হাটকোপবীত-শোভিতাঙ্গ-সঙ্গ্রহম্ ।
সুরা-ঽসুরার্চিতাংঘ্রিকং শুভক্রিযা সহাযকং
মহেশচিত্ত-চাযকং বিনাযকং নমাম্যহম্ ॥ ৪॥

গজাননং গণেশ্বরং গিরীশজা-কুমারকং
মহেশ্বরাত্মজং মুনীন্দ্র-মানসাধি-ধাবকম্ ।
মতিপ্রকর্ষ-মণ্ডিতং সুভক্ত-চিত্ত-মোদকং
ভজজ্জনালিঘোর-বিঘ্নঘাতকং ভজাম্যহম্ ॥ ৫॥

লসল্ললাট-চন্দ্রকং ক্রিযাকৃতেঽস্ততন্দ্রকং
মহেন্দ্রবন্দ্য-পাদুকং ষডাননাগ্রজানুজম্ ।
অহিং নিবার্য মূষকাধিরক্ষকং মযূরকং
বিলোক্য সুপ্রসন্নমানসং গণাধিপং ভজে ॥

হরিং নিরীক্ষ্য ভীতিচঞ্চলাক্ষমেত্য মাতরং
নিজাবনায পার্শ্বমাগতাং বিলোক্য সত্বরম্ ।
তদীয-বক্ষসি প্রবিশ্য সুস্থিরং পরে বরে
নমামি সেবকালিশোক-শোষকং নিরন্তরম্ ॥ ৭॥

নিলিম্প-লোকমণ্ডলো-প্রপূর্ণ-পূজনীযকং
সুভক্ত ভক্তিভাবনা বিভাবিতাখিলপ্রদম্ ।
প্রভূত ভূতি ভাবকং দুরূহ দুঃখ পাবকং
ব্রজেশ্বরাংশ-সম্ভবং বিদ্যুপ্রভাসিতালিকম্ ॥ ৮॥

গিরীন্দ্র-নন্দিনী-করাম্বুজ-প্রসাধিতাঽলকম্
বিলোল-শুণ্ড-চুম্বিতোগ্র-ভালচন্দ্র-বালকম্ ।
নিজাখু-খেলনাপরং কখন্তমস্তচাপলং
নমামি সিদ্ধি-বুদ্ধি-হস্ত-চালি-পঞ্চচামরম্ ॥ ৯॥

বিনাযকস্য বিনতিং পঠতাং শ্রৃণ্বতাং সতাম্ ।
সিদ্ধি-বুদ্ধি-প্রদাং সন্তি মঙ্গলানি পদে পদে ॥ ১০॥

॥ ইতি পণ্ডিত-শ্রীশিবপ্রসাদদ্বিবেদি-বিরচিতা বিনাযক-বিনতিঃ সমাপ্তঃ ॥

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ত্oday
http://sanskritdocuments.org

Vinayaka Vinati Lyrics in Bengali PDF
% File name : vinaayakavinati.itx
% Location : doc\_ganesha
% Author : shivaprasAdadvivedi
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com
% Latest update : September 02, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website