% Text title            : sundarakANDarAmAyaNanirNaya
% File name             : sundarakANDarAmAyaNanirNaya.itx
% Location              : doc\_hanumaana
% Author                : madAnandatIrtha
% Language              : Sanskrit
% Subject               : philosophy/hinduism/religion
% Transliterated by     : Processed by Sowmya Ramkumar
% Proofread by          : PSA Easwaran psaeaswaran at gmail
% Description-comments  : From Hanumatstutimanjari, Mahaperiaval Publication
% Latest update         : September 18, 2014
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sundarakandaramayananirnaya ..}##
\itxtitle{.. sundarakANDarAmAyaNanirNayaH ..}##\endtitles ##
\section{.. sundarakANDarAmAyaNanirNayaH ..}

rAmAya shAshvatasuvistRRitaShaDguNAya
sarveshvarAya balavIryamahArNavAya |
natvA lila~NghayiShurarNavamutpapAta
niShpIDya taM girivaraM pavanasya sUnuH || 1||
chukShobha vAridhiranuprayayau cha shIghraM
yAdogaNaiH saha tadIyabalAbhikRRiShTaH |
vRRikShAshcha parvatagatAH pavanena pUrvaM
kShipto.arNave girirudAgamadasya hetoH || 2||
shailo harasya giripakShavinAshakAle
kShipto.arNave sa marutorvaritAtmapakShaH |
haimo giriH pavanajasya tu vikramArtha\-
mudbhidya vAridhimavardhadanekasAnuH || 3||
naivAtra vikramaNamaichChadavishramo.asau
niHsImapauruShabalasya kutaH shramo.asya |
AshliShya parvatavaraM sa dadarsha gachChan
devaistu nAgajananIM prahitAM vareNa || 4||
jij~nAsubhirnijabalaM tava bhakShametu
yadyattvamichChasi tadityamaroditAyAH |
AsyaM pravishya sapadi praviniHsRRito.asmAt
devAnanandayaduta svakameShu rakShan || 5||
dRRiShTvA surapraNayitAM balamasya chograM
devAH pratuShTuvuramuM sumano.abhivRRiShTyA |
tairAdRRitaH punarasau viyataiva gachChan
ChAyAgrahaM pratidadarsha cha siMhikAkhyam || 6||
la~NkAvanAya sakalasya cha nigrahe.asyAH
sAmarthyamapratihataM pradadau vidhAtA |
ChAyAmavAkShipadasau pavanAtmajasya
so.asyAH sharIramanuvishya bibheda chAshu || 7||
niHsImamAtmabalamityasudarshayAno
hatvaiva tAmapi vidhAtRRivarAbhiguptAm |
lambe sa lambashikhare nipapAta la~NkA\-
prAkArarUpakagirAtha cha sa~nchukoche || 8||
bhUtvA biDAlasamito nishi tAM purIM cha
prApsyan dadarsha nijarUpavatIM sa la~NkAm |
ruddho.anayA.a.ashvatha vijitya cha tAM svamuShTi\-
piShTAM tayAnumata eva vivesha la~NkAm || 9||
mArgamANo bahishchAntaH so.ashokavanikAtale |
dadarsha shiMshapAvRRikShamUlasthitaramAkRRitim || 10||
naralokaviDambasya jAnan rAmasya hRRidgatam |
tasya cheShTAnusAreNa kRRitvA cheShTAshcha saMvidam || 11||
tAdRRikcheShTAsametAyA a~NgulIyamadAttataH |
sItAyA yAni chaivAsannAkRRitestAni sarvashaH || 12||
bhUShaNAni dvidhA bhUtvA tAnyevAsan tathaiva cha |
atha chUDAmaNiM divyaM dAtuM rAmAya sA dadau || 13||
yadyapyetanna pashyanti nishAcharagaNAstu te |
dyulokachAriNaH sarve pashyantyRRiShaya eva cha || 14||
teShAM viDambanAyaiva daityAnAM va~nchanAya cha |
pashyatAM kalimukhyAnAM viDambo.ayaM kRRito bhavet || 15||
kRRitvA kAryamidaM sarvaM visha~NkaH pavanAtmajaH |
AtmAviShkaraNe chittaM chakre matimatAM varaH || 16||
atha vanamakhilaM tadrAvaNasyAvalambya
kShitiruhamimamekaM varjayitvA.a.ashu vIraH |
rajanicharavinAshaM kAMkShamANo.ativelaM
muhuratiravanAdI toraNaM chAruroha || 17||
athAshRRiNoddashAnanaH kapIndracheShTitaM param |
didesha ki~NkarAn bahUn kapirnigRRihyatAmiti || 18||
samastasho vimRRityavo varAddharasya ki~NkarAH |
samAsadanmahAbalaM surAntarAtmano.a~Ngajam || 19||
ashItikoTiyUthapaM puraHsarAShTakAyutam |
anekahetisa~NkulaM kapIndramAvRRiNodbalam || 20||
samAvRRitastathA.a.ayudhaiH sa tADitashcha tairbhRRisham |
chakAra tAn samastashastalaprahArachUrNitAn || 21||
punashcha mantriputrakAn sa rAvaNaprachoditAn |
mamarda saptaparvataprabhAn varAbhirakShitAn || 22||
balAgragAminastathA sa sharvavAksugarvitAn |
nihatya sarvarakShasAM tRRitIyabhAgamakShiNot || 23||
anaupamaM harerbalaM nishamya rAkShasAdhipaH |
kumAramakShamAtmanaH samaM sutaM nyayojayat || 24||
sa sarvalokasAkShiNaH sutaM sharairvavarSha ha |
shitairvarAstramantritairna chainamabhyachAlayat || 25||
sa maNDamadhyagAsutaM samIkShya rAvaNopamam |
tRRitIya eSha bhAMshako balasya hItyachintayat || 26||
nidhArya eva rAvaNo rAghavasya nAnyathA |
yudhIndrajinmayA hato na chAsya shaktirIkShyate || 27||
atastayoH samo mayA tRRitIya eSha hanyate |
vichArya chaivamAshu taM padoH pragRRihya pupluve || 28||
sa chakravadbhramAturaM vidhAya rAvaNAtmajam |
apothayaddharAtale kShaNena mArutItanuH || 29||
vichUrNite dharAtale nije sute sa rAvaNaH |
nishamya shokatApitastadagrajaM samAdishat || 30||
athendrajinmahAsharairvarAstrasamprayojitaiH |
tatashcha vAnarottamaM na chAshakadvichAlane || 31||
athAstramuttamaM vidhermumocha sarvaduHsaham |
sa tena tADito harirvyachintayannirAkulaH || 32||
mayA varA vila~NghitA hyanekashaH svayambhuvaH |
sa mAnanIya eva me tato.atra mAnayAmyaham || 33||
ime cha kuryuratra kiM prahRRiShTarakShasAM gaNAH |
itIha lakShyameva me sa rAvaNashcha dRRishyate || 34||
idaM samIkShya baddhavat sthitaM kapIndramAshu te |
babandhuranyapAshakairjagAma chAstramasya tat || 35||
atha pragRRihya taM kapiM samIpamAnayaMshcha te |
nishAchareshvarasya taM sa pRRiShTavAMshcha rAvaNaH || 36||
kape kuto.asi kasya vA kimarthamIdRRishaM kRRitam |
itIritaH sa chAvadat praNamya rAmamIshvaram || 37||
avehi dUtamAgataM durantavikramasya mAm |
raghUttamasya mArutiM kulakShaye taveshvaram || 38||
na chet pradAsyasi tvaran raghUttamapriyAM tadA |
saputramitrabAndhavo vinAshamAshu yAsyasi || 39||
na rAmabANadhAraNe kShamAH sureshvarA api |
viri~nchasharvapUrvakAH kimu tvamalpasArakaH || 40||
prakopitasya tasya kaH puraH sthitau kShamo bhavet |
surAsuroragAdike jagatyachintyakarmaNaH || 41||
itIrite vadhodyataM nyavArayadvibhIShaNaH |
sa puchChadAhakarmaNe nyayojayannishAcharAn || 42||
athAsya vastrasa~nchayaiH pidhAya puchChamagnaye |
dadurdadAha nAsya tanmarutsakho hutAshanaH || 43||
mamarSha sarvacheShTitaM sa rakShasAM nirAmayaH |
baloddhatashcha kautukAt pradagdhumeva tAM purIm || 44||
dadAha chAkhilAM purIM svapuchChagena vahninA |
kRRitistu vishvakarmaNo.apyadahyatAsya tejasA || 45||
suvarNaratnakAritAM sa rAkShasottamaiH saha |
pradahya sarvashaH purIM mudAnvito jagarja vai || 46||
sa rAvaNaM saputrakaM tRRiNopamaM vidhAya vai |
tayoH prapashyatoH purIM vidhAya bhasmasAdyayau || 47||
vila~Nghya chArNavaM punaH svajAtibhiH prapUjitaH |
prabhakShya vAnareshiturmadhu prabhuM sameyivAn || 48||
rAmaM sureshvaramagaNyaguNAbhirAmaM
         samprApya sarvakapivIravaraiH sametaH |
chUDAmaNiM pavanajaH padayornidhAya
         sarvA~NgakaiH praNatimasya chakAra bhaktyA || 49||
rAmo.api nAnyadanudAtumamuShya yogyam\-
         atyantabhaktibharitasya vilakShya ki~nchit |
svAtmapradAnamadhikaM pavanAtmajasya
         kurvan samAshliShadamuM paramAbhituShTaH || 50||

iti shrImadAnandatIrthIyamahAbhAratatAtparyanirNaye rAmacharite
hanumatpratiyAnaM sundarakANDakathAnirNayaH ||

##
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}