সুন্দরকাণ্ডরামাযণনির্ণযঃ
{॥ সুন্দরকাণ্ডরামাযণনির্ণযঃ ॥}
রামায শাশ্বতসুবিস্তৃতষড্গুণায
সর্বেশ্বরায বলবীর্যমহার্ণবায ।
নত্বা লিলঙ্ঘযিষুরর্ণবমুত্পপাত
নিষ্পীড্য তং গিরিবরং পবনস্য সূনুঃ ॥ ১॥
চুক্ষোভ বারিধিরনুপ্রযযৌ চ শীঘ্রং
যাদোগণৈঃ সহ তদীযবলাভিকৃষ্টঃ ।
বৃক্ষাশ্চ পর্বতগতাঃ পবনেন পূর্বং
ক্ষিপ্তোঽর্ণবে গিরিরুদাগমদস্য হেতোঃ ॥ ২॥
শৈলো হরস্য গিরিপক্ষবিনাশকালে
ক্ষিপ্তোঽর্ণবে স মরুতোর্বরিতাত্মপক্ষঃ ।
হৈমো গিরিঃ পবনজস্য তু বিক্রমার্থ-
মুদ্ভিদ্য বারিধিমবর্ধদনেকসানুঃ ॥ ৩॥
নৈবাত্র বিক্রমণমৈচ্ছদবিশ্রমোঽসৌ
নিঃসীমপৌরুষবলস্য কুতঃ শ্রমোঽস্য ।
আশ্লিষ্য পর্বতবরং স দদর্শ গচ্ছন্
দেবৈস্তু নাগজননীং প্রহিতাং বরেণ ॥ ৪॥
জিজ্ঞাসুভির্নিজবলং তব ভক্ষমেতু
যদ্যত্ত্বমিচ্ছসি তদিত্যমরোদিতাযাঃ ।
আস্যং প্রবিশ্য সপদি প্রবিনিঃসৃতোঽস্মাত্
দেবাননন্দযদুত স্বকমেষু রক্ষন্ ॥ ৫॥
দৃষ্ট্বা সুরপ্রণযিতাং বলমস্য চোগ্রং
দেবাঃ প্রতুষ্টুবুরমুং সুমনোঽভিবৃষ্ট্যা ।
তৈরাদৃতঃ পুনরসৌ বিযতৈব গচ্ছন্
ছাযাগ্রহং প্রতিদদর্শ চ সিংহিকাখ্যম্ ॥ ৬॥
লঙ্কাবনায সকলস্য চ নিগ্রহেঽস্যাঃ
সামর্থ্যমপ্রতিহতং প্রদদৌ বিধাতা ।
ছাযামবাক্ষিপদসৌ পবনাত্মজস্য
সোঽস্যাঃ শরীরমনুবিশ্য বিভেদ চাশু ॥ ৭॥
নিঃসীমমাত্মবলমিত্যসুদর্শযানো
হত্বৈব তামপি বিধাতৃবরাভিগুপ্তাম্ ।
লম্বে স লম্বশিখরে নিপপাত লঙ্কা-
প্রাকাররূপকগিরাথ চ সঞ্চুকোচে ॥ ৮॥
ভূত্বা বিডালসমিতো নিশি তাং পুরীং চ
প্রাপ্স্যন্ দদর্শ নিজরূপবতীং স লঙ্কাম্ ।
রুদ্ধোঽনযাঽঽশ্বথ বিজিত্য চ তাং স্বমুষ্টি-
পিষ্টাং তযানুমত এব বিবেশ লঙ্কাম্ ॥ ৯॥
মার্গমাণো বহিশ্চান্তঃ সোঽশোকবনিকাতলে ।
দদর্শ শিংশপাবৃক্ষমূলস্থিতরমাকৃতিম্ ॥ ১০॥
নরলোকবিডম্বস্য জানন্ রামস্য হৃদ্গতম্ ।
তস্য চেষ্টানুসারেণ কৃত্বা চেষ্টাশ্চ সংবিদম্ ॥ ১১॥
তাদৃক্চেষ্টাসমেতাযা অঙ্গুলীযমদাত্ততঃ ।
সীতাযা যানি চৈবাসন্নাকৃতেস্তানি সর্বশঃ ॥ ১২॥
ভূষণানি দ্বিধা ভূত্বা তান্যেবাসন্ তথৈব চ ।
অথ চূডামণিং দিব্যং দাতুং রামায সা দদৌ ॥ ১৩॥
যদ্যপ্যেতন্ন পশ্যন্তি নিশাচরগণাস্তু তে ।
দ্যুলোকচারিণঃ সর্বে পশ্যন্ত্যৃষয এব চ ॥ ১৪॥
তেষাং বিডম্বনাযৈব দৈত্যানাং বঞ্চনায চ ।
পশ্যতাং কলিমুখ্যানাং বিডম্বোঽযং কৃতো ভবেত্ ॥ ১৫॥
কৃত্বা কার্যমিদং সর্বং বিশঙ্কঃ পবনাত্মজঃ ।
আত্মাবিষ্করণে চিত্তং চক্রে মতিমতাং বরঃ ॥ ১৬॥
অথ বনমখিলং তদ্রাবণস্যাবলম্ব্য
ক্ষিতিরুহমিমমেকং বর্জযিত্বাঽঽশু বীরঃ ।
রজনিচরবিনাশং কাংক্ষমাণোঽতিবেলং
মুহুরতিরবনাদী তোরণং চারুরোহ ॥ ১৭॥
অথাশৃণোদ্দশাননঃ কপীন্দ্রচেষ্টিতং পরম্ ।
দিদেশ কিঙ্করান্ বহূন্ কপির্নিগৃহ্যতামিতি ॥ ১৮॥
সমস্তশো বিমৃত্যবো বরাদ্ধরস্য কিঙ্করাঃ ।
সমাসদন্মহাবলং সুরান্তরাত্মনোঽঙ্গজম্ ॥ ১৯॥
অশীতিকোটিযূথপং পুরঃসরাষ্টকাযুতম্ ।
অনেকহেতিসঙ্কুলং কপীন্দ্রমাবৃণোদ্বলম্ ॥ ২০॥
সমাবৃতস্তথাঽঽযুধৈঃ স তাডিতশ্চ তৈর্ভৃশম্ ।
চকার তান্ সমস্তশস্তলপ্রহারচূর্ণিতান্ ॥ ২১॥
পুনশ্চ মন্ত্রিপুত্রকান্ স রাবণপ্রচোদিতান্ ।
মমর্দ সপ্তপর্বতপ্রভান্ বরাভিরক্ষিতান্ ॥ ২২॥
বলাগ্রগামিনস্তথা স শর্ববাক্সুগর্বিতান্ ।
নিহত্য সর্বরক্ষসাং তৃতীযভাগমক্ষিণোত্ ॥ ২৩॥
অনৌপমং হরের্বলং নিশম্য রাক্ষসাধিপঃ ।
কুমারমক্ষমাত্মনঃ সমং সুতং ন্যযোজযত্ ॥ ২৪॥
স সর্বলোকসাক্ষিণঃ সুতং শরৈর্ববর্ষ হ ।
শিতৈর্বরাস্ত্রমন্ত্রিতৈর্ন চৈনমভ্যচালযত্ ॥ ২৫॥
স মণ্ডমধ্যগাসুতং সমীক্ষ্য রাবণোপমম্ ।
তৃতীয এষ ভাংশকো বলস্য হীত্যচিন্তযত্ ॥ ২৬॥
নিধার্য এব রাবণো রাঘবস্য নান্যথা ।
যুধীন্দ্রজিন্মযা হতো ন চাস্য শক্তিরীক্ষ্যতে ॥ ২৭॥
অতস্তযোঃ সমো মযা তৃতীয এষ হন্যতে ।
বিচার্য চৈবমাশু তং পদোঃ প্রগৃহ্য পুপ্লুবে ॥ ২৮॥
স চক্রবদ্ভ্রমাতুরং বিধায রাবণাত্মজম্ ।
অপোথযদ্ধরাতলে ক্ষণেন মারুতীতনুঃ ॥ ২৯॥
বিচূর্ণিতে ধরাতলে নিজে সুতে স রাবণঃ ।
নিশম্য শোকতাপিতস্তদগ্রজং সমাদিশত্ ॥ ৩০॥
অথেন্দ্রজিন্মহাশরৈর্বরাস্ত্রসম্প্রযোজিতৈঃ ।
ততশ্চ বানরোত্তমং ন চাশকদ্বিচালনে ॥ ৩১॥
অথাস্ত্রমুত্তমং বিধের্মুমোচ সর্বদুঃসহম্ ।
স তেন তাডিতো হরির্ব্যচিন্তযন্নিরাকুলঃ ॥ ৩২॥
মযা বরা বিলঙ্ঘিতা হ্যনেকশঃ স্বযম্ভুবঃ ।
স মাননীয এব মে ততোঽত্র মানযাম্যহম্ ॥ ৩৩॥
ইমে চ কুর্যুরত্র কিং প্রহৃষ্টরক্ষসাং গণাঃ ।
ইতীহ লক্ষ্যমেব মে স রাবণশ্চ দৃশ্যতে ॥ ৩৪॥
ইদং সমীক্ষ্য বদ্ধবত্ স্থিতং কপীন্দ্রমাশু তে ।
ববন্ধুরন্যপাশকৈর্জগাম চাস্ত্রমস্য তত্ ॥ ৩৫॥
অথ প্রগৃহ্য তং কপিং সমীপমানযংশ্চ তে ।
নিশাচরেশ্বরস্য তং স পৃষ্টবাংশ্চ রাবণঃ ॥ ৩৬॥
কপে কুতোঽসি কস্য বা কিমর্থমীদৃশং কৃতম্ ।
ইতীরিতঃ স চাবদত্ প্রণম্য রামমীশ্বরম্ ॥ ৩৭॥
অবেহি দূতমাগতং দুরন্তবিক্রমস্য মাম্ ।
রঘূত্তমস্য মারুতিং কুলক্ষযে তবেশ্বরম্ ॥ ৩৮॥
ন চেত্ প্রদাস্যসি ত্বরন্ রঘূত্তমপ্রিযাং তদা ।
সপুত্রমিত্রবান্ধবো বিনাশমাশু যাস্যসি ॥ ৩৯॥
ন রামবাণধারণে ক্ষমাঃ সুরেশ্বরা অপি ।
বিরিঞ্চশর্বপূর্বকাঃ কিমু ত্বমল্পসারকঃ ॥ ৪০॥
প্রকোপিতস্য তস্য কঃ পুরঃ স্থিতৌ ক্ষমো ভবেত্ ।
সুরাসুরোরগাদিকে জগত্যচিন্ত্যকর্মণঃ ॥ ৪১॥
ইতীরিতে বধোদ্যতং ন্যবারযদ্বিভীষণঃ ।
স পুচ্ছদাহকর্মণে ন্যযোজযন্নিশাচরান্ ॥ ৪২॥
অথাস্য বস্ত্রসঞ্চযৈঃ পিধায পুচ্ছমগ্নযে ।
দদুর্দদাহ নাস্য তন্মরুত্সখো হুতাশনঃ ॥ ৪৩॥
মমর্ষ সর্বচেষ্টিতং স রক্ষসাং নিরামযঃ ।
বলোদ্ধতশ্চ কৌতুকাত্ প্রদগ্ধুমেব তাং পুরীম্ ॥ ৪৪॥
দদাহ চাখিলাং পুরীং স্বপুচ্ছগেন বহ্নিনা ।
কৃতিস্তু বিশ্বকর্মণোঽপ্যদহ্যতাস্য তেজসা ॥ ৪৫॥
সুবর্ণরত্নকারিতাং স রাক্ষসোত্তমৈঃ সহ ।
প্রদহ্য সর্বশঃ পুরীং মুদান্বিতো জগর্জ বৈ ॥ ৪৬॥
স রাবণং সপুত্রকং তৃণোপমং বিধায বৈ ।
তযোঃ প্রপশ্যতোঃ পুরীং বিধায ভস্মসাদ্যযৌ ॥ ৪৭॥
বিলঙ্ঘ্য চার্ণবং পুনঃ স্বজাতিভিঃ প্রপূজিতঃ ।
প্রভক্ষ্য বানরেশিতুর্মধু প্রভুং সমেযিবান্ ॥ ৪৮॥
রামং সুরেশ্বরমগণ্যগুণাভিরামং
সম্প্রাপ্য সর্বকপিবীরবরৈঃ সমেতঃ ।
চূডামণিং পবনজঃ পদযোর্নিধায
সর্বাঙ্গকৈঃ প্রণতিমস্য চকার ভক্ত্যা ॥ ৪৯॥
রামোঽপি নান্যদনুদাতুমমুষ্য যোগ্যম্-
অত্যন্তভক্তিভরিতস্য বিলক্ষ্য কিঞ্চিত্ ।
স্বাত্মপ্রদানমধিকং পবনাত্মজস্য
কুর্বন্ সমাশ্লিষদমুং পরমাভিতুষ্টঃ ॥ ৫০॥
ইতি শ্রীমদানন্দতীর্থীযমহাভারততাত্পর্যনির্ণযে রামচরিতে
হনুমত্প্রতিযানং সুন্দরকাণ্ডকথানির্ণযঃ ॥
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated ত্oday
http://sanskritdocuments.org
রামায শাশ্বতসুবিস্তৃতষড্গুণায
সর্বেশ্বরায বলবীর্যমহার্ণবায ।
নত্বা লিলঙ্ঘযিষুরর্ণবমুত্পপাত
নিষ্পীড্য তং গিরিবরং পবনস্য সূনুঃ ॥ ১॥
চুক্ষোভ বারিধিরনুপ্রযযৌ চ শীঘ্রং
যাদোগণৈঃ সহ তদীযবলাভিকৃষ্টঃ ।
বৃক্ষাশ্চ পর্বতগতাঃ পবনেন পূর্বং
ক্ষিপ্তোঽর্ণবে গিরিরুদাগমদস্য হেতোঃ ॥ ২॥
শৈলো হরস্য গিরিপক্ষবিনাশকালে
ক্ষিপ্তোঽর্ণবে স মরুতোর্বরিতাত্মপক্ষঃ ।
হৈমো গিরিঃ পবনজস্য তু বিক্রমার্থ-
মুদ্ভিদ্য বারিধিমবর্ধদনেকসানুঃ ॥ ৩॥
নৈবাত্র বিক্রমণমৈচ্ছদবিশ্রমোঽসৌ
নিঃসীমপৌরুষবলস্য কুতঃ শ্রমোঽস্য ।
আশ্লিষ্য পর্বতবরং স দদর্শ গচ্ছন্
দেবৈস্তু নাগজননীং প্রহিতাং বরেণ ॥ ৪॥
জিজ্ঞাসুভির্নিজবলং তব ভক্ষমেতু
যদ্যত্ত্বমিচ্ছসি তদিত্যমরোদিতাযাঃ ।
আস্যং প্রবিশ্য সপদি প্রবিনিঃসৃতোঽস্মাত্
দেবাননন্দযদুত স্বকমেষু রক্ষন্ ॥ ৫॥
দৃষ্ট্বা সুরপ্রণযিতাং বলমস্য চোগ্রং
দেবাঃ প্রতুষ্টুবুরমুং সুমনোঽভিবৃষ্ট্যা ।
তৈরাদৃতঃ পুনরসৌ বিযতৈব গচ্ছন্
ছাযাগ্রহং প্রতিদদর্শ চ সিংহিকাখ্যম্ ॥ ৬॥
লঙ্কাবনায সকলস্য চ নিগ্রহেঽস্যাঃ
সামর্থ্যমপ্রতিহতং প্রদদৌ বিধাতা ।
ছাযামবাক্ষিপদসৌ পবনাত্মজস্য
সোঽস্যাঃ শরীরমনুবিশ্য বিভেদ চাশু ॥ ৭॥
নিঃসীমমাত্মবলমিত্যসুদর্শযানো
হত্বৈব তামপি বিধাতৃবরাভিগুপ্তাম্ ।
লম্বে স লম্বশিখরে নিপপাত লঙ্কা-
প্রাকাররূপকগিরাথ চ সঞ্চুকোচে ॥ ৮॥
ভূত্বা বিডালসমিতো নিশি তাং পুরীং চ
প্রাপ্স্যন্ দদর্শ নিজরূপবতীং স লঙ্কাম্ ।
রুদ্ধোঽনযাঽঽশ্বথ বিজিত্য চ তাং স্বমুষ্টি-
পিষ্টাং তযানুমত এব বিবেশ লঙ্কাম্ ॥ ৯॥
মার্গমাণো বহিশ্চান্তঃ সোঽশোকবনিকাতলে ।
দদর্শ শিংশপাবৃক্ষমূলস্থিতরমাকৃতিম্ ॥ ১০॥
নরলোকবিডম্বস্য জানন্ রামস্য হৃদ্গতম্ ।
তস্য চেষ্টানুসারেণ কৃত্বা চেষ্টাশ্চ সংবিদম্ ॥ ১১॥
তাদৃক্চেষ্টাসমেতাযা অঙ্গুলীযমদাত্ততঃ ।
সীতাযা যানি চৈবাসন্নাকৃতেস্তানি সর্বশঃ ॥ ১২॥
ভূষণানি দ্বিধা ভূত্বা তান্যেবাসন্ তথৈব চ ।
অথ চূডামণিং দিব্যং দাতুং রামায সা দদৌ ॥ ১৩॥
যদ্যপ্যেতন্ন পশ্যন্তি নিশাচরগণাস্তু তে ।
দ্যুলোকচারিণঃ সর্বে পশ্যন্ত্যৃষয এব চ ॥ ১৪॥
তেষাং বিডম্বনাযৈব দৈত্যানাং বঞ্চনায চ ।
পশ্যতাং কলিমুখ্যানাং বিডম্বোঽযং কৃতো ভবেত্ ॥ ১৫॥
কৃত্বা কার্যমিদং সর্বং বিশঙ্কঃ পবনাত্মজঃ ।
আত্মাবিষ্করণে চিত্তং চক্রে মতিমতাং বরঃ ॥ ১৬॥
অথ বনমখিলং তদ্রাবণস্যাবলম্ব্য
ক্ষিতিরুহমিমমেকং বর্জযিত্বাঽঽশু বীরঃ ।
রজনিচরবিনাশং কাংক্ষমাণোঽতিবেলং
মুহুরতিরবনাদী তোরণং চারুরোহ ॥ ১৭॥
অথাশৃণোদ্দশাননঃ কপীন্দ্রচেষ্টিতং পরম্ ।
দিদেশ কিঙ্করান্ বহূন্ কপির্নিগৃহ্যতামিতি ॥ ১৮॥
সমস্তশো বিমৃত্যবো বরাদ্ধরস্য কিঙ্করাঃ ।
সমাসদন্মহাবলং সুরান্তরাত্মনোঽঙ্গজম্ ॥ ১৯॥
অশীতিকোটিযূথপং পুরঃসরাষ্টকাযুতম্ ।
অনেকহেতিসঙ্কুলং কপীন্দ্রমাবৃণোদ্বলম্ ॥ ২০॥
সমাবৃতস্তথাঽঽযুধৈঃ স তাডিতশ্চ তৈর্ভৃশম্ ।
চকার তান্ সমস্তশস্তলপ্রহারচূর্ণিতান্ ॥ ২১॥
পুনশ্চ মন্ত্রিপুত্রকান্ স রাবণপ্রচোদিতান্ ।
মমর্দ সপ্তপর্বতপ্রভান্ বরাভিরক্ষিতান্ ॥ ২২॥
বলাগ্রগামিনস্তথা স শর্ববাক্সুগর্বিতান্ ।
নিহত্য সর্বরক্ষসাং তৃতীযভাগমক্ষিণোত্ ॥ ২৩॥
অনৌপমং হরের্বলং নিশম্য রাক্ষসাধিপঃ ।
কুমারমক্ষমাত্মনঃ সমং সুতং ন্যযোজযত্ ॥ ২৪॥
স সর্বলোকসাক্ষিণঃ সুতং শরৈর্ববর্ষ হ ।
শিতৈর্বরাস্ত্রমন্ত্রিতৈর্ন চৈনমভ্যচালযত্ ॥ ২৫॥
স মণ্ডমধ্যগাসুতং সমীক্ষ্য রাবণোপমম্ ।
তৃতীয এষ ভাংশকো বলস্য হীত্যচিন্তযত্ ॥ ২৬॥
নিধার্য এব রাবণো রাঘবস্য নান্যথা ।
যুধীন্দ্রজিন্মযা হতো ন চাস্য শক্তিরীক্ষ্যতে ॥ ২৭॥
অতস্তযোঃ সমো মযা তৃতীয এষ হন্যতে ।
বিচার্য চৈবমাশু তং পদোঃ প্রগৃহ্য পুপ্লুবে ॥ ২৮॥
স চক্রবদ্ভ্রমাতুরং বিধায রাবণাত্মজম্ ।
অপোথযদ্ধরাতলে ক্ষণেন মারুতীতনুঃ ॥ ২৯॥
বিচূর্ণিতে ধরাতলে নিজে সুতে স রাবণঃ ।
নিশম্য শোকতাপিতস্তদগ্রজং সমাদিশত্ ॥ ৩০॥
অথেন্দ্রজিন্মহাশরৈর্বরাস্ত্রসম্প্রযোজিতৈঃ ।
ততশ্চ বানরোত্তমং ন চাশকদ্বিচালনে ॥ ৩১॥
অথাস্ত্রমুত্তমং বিধের্মুমোচ সর্বদুঃসহম্ ।
স তেন তাডিতো হরির্ব্যচিন্তযন্নিরাকুলঃ ॥ ৩২॥
মযা বরা বিলঙ্ঘিতা হ্যনেকশঃ স্বযম্ভুবঃ ।
স মাননীয এব মে ততোঽত্র মানযাম্যহম্ ॥ ৩৩॥
ইমে চ কুর্যুরত্র কিং প্রহৃষ্টরক্ষসাং গণাঃ ।
ইতীহ লক্ষ্যমেব মে স রাবণশ্চ দৃশ্যতে ॥ ৩৪॥
ইদং সমীক্ষ্য বদ্ধবত্ স্থিতং কপীন্দ্রমাশু তে ।
ববন্ধুরন্যপাশকৈর্জগাম চাস্ত্রমস্য তত্ ॥ ৩৫॥
অথ প্রগৃহ্য তং কপিং সমীপমানযংশ্চ তে ।
নিশাচরেশ্বরস্য তং স পৃষ্টবাংশ্চ রাবণঃ ॥ ৩৬॥
কপে কুতোঽসি কস্য বা কিমর্থমীদৃশং কৃতম্ ।
ইতীরিতঃ স চাবদত্ প্রণম্য রামমীশ্বরম্ ॥ ৩৭॥
অবেহি দূতমাগতং দুরন্তবিক্রমস্য মাম্ ।
রঘূত্তমস্য মারুতিং কুলক্ষযে তবেশ্বরম্ ॥ ৩৮॥
ন চেত্ প্রদাস্যসি ত্বরন্ রঘূত্তমপ্রিযাং তদা ।
সপুত্রমিত্রবান্ধবো বিনাশমাশু যাস্যসি ॥ ৩৯॥
ন রামবাণধারণে ক্ষমাঃ সুরেশ্বরা অপি ।
বিরিঞ্চশর্বপূর্বকাঃ কিমু ত্বমল্পসারকঃ ॥ ৪০॥
প্রকোপিতস্য তস্য কঃ পুরঃ স্থিতৌ ক্ষমো ভবেত্ ।
সুরাসুরোরগাদিকে জগত্যচিন্ত্যকর্মণঃ ॥ ৪১॥
ইতীরিতে বধোদ্যতং ন্যবারযদ্বিভীষণঃ ।
স পুচ্ছদাহকর্মণে ন্যযোজযন্নিশাচরান্ ॥ ৪২॥
অথাস্য বস্ত্রসঞ্চযৈঃ পিধায পুচ্ছমগ্নযে ।
দদুর্দদাহ নাস্য তন্মরুত্সখো হুতাশনঃ ॥ ৪৩॥
মমর্ষ সর্বচেষ্টিতং স রক্ষসাং নিরামযঃ ।
বলোদ্ধতশ্চ কৌতুকাত্ প্রদগ্ধুমেব তাং পুরীম্ ॥ ৪৪॥
দদাহ চাখিলাং পুরীং স্বপুচ্ছগেন বহ্নিনা ।
কৃতিস্তু বিশ্বকর্মণোঽপ্যদহ্যতাস্য তেজসা ॥ ৪৫॥
সুবর্ণরত্নকারিতাং স রাক্ষসোত্তমৈঃ সহ ।
প্রদহ্য সর্বশঃ পুরীং মুদান্বিতো জগর্জ বৈ ॥ ৪৬॥
স রাবণং সপুত্রকং তৃণোপমং বিধায বৈ ।
তযোঃ প্রপশ্যতোঃ পুরীং বিধায ভস্মসাদ্যযৌ ॥ ৪৭॥
বিলঙ্ঘ্য চার্ণবং পুনঃ স্বজাতিভিঃ প্রপূজিতঃ ।
প্রভক্ষ্য বানরেশিতুর্মধু প্রভুং সমেযিবান্ ॥ ৪৮॥
রামং সুরেশ্বরমগণ্যগুণাভিরামং
সম্প্রাপ্য সর্বকপিবীরবরৈঃ সমেতঃ ।
চূডামণিং পবনজঃ পদযোর্নিধায
সর্বাঙ্গকৈঃ প্রণতিমস্য চকার ভক্ত্যা ॥ ৪৯॥
রামোঽপি নান্যদনুদাতুমমুষ্য যোগ্যম্-
অত্যন্তভক্তিভরিতস্য বিলক্ষ্য কিঞ্চিত্ ।
স্বাত্মপ্রদানমধিকং পবনাত্মজস্য
কুর্বন্ সমাশ্লিষদমুং পরমাভিতুষ্টঃ ॥ ৫০॥
ইতি শ্রীমদানন্দতীর্থীযমহাভারততাত্পর্যনির্ণযে রামচরিতে
হনুমত্প্রতিযানং সুন্দরকাণ্ডকথানির্ণযঃ ॥
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated ত্oday
http://sanskritdocuments.org
Sundarakanda Ramayana Nirnaya Lyrics in Bengali PDF
% File name : sundarakANDarAmAyaNanirNaya.itx
% Location : doc\_hanumaana
% Author : madAnandatIrtha
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : sundarakANDarAmAyaNanirNaya.itx
% Location : doc\_hanumaana
% Author : madAnandatIrtha
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website