సున్దరకాణ్డరామాయణనిర్ణయః
{॥ సున్దరకాణ్డరామాయణనిర్ణయః ॥}
రామాయ శాశ్వతసువిస్తృతషడ్గుణాయ
సర్వేశ్వరాయ బలవీర్యమహార్ణవాయ ।
నత్వా లిలఙ్ఘయిషురర్ణవముత్పపాత
నిష్పీడ్య తం గిరివరం పవనస్య సూనుః ॥ ౧॥
చుక్షోభ వారిధిరనుప్రయయౌ చ శీఘ్రం
యాదోగణైః సహ తదీయబలాభికృష్టః ।
వృక్షాశ్చ పర్వతగతాః పవనేన పూర్వం
క్షిప్తోఽర్ణవే గిరిరుదాగమదస్య హేతోః ॥ ౨॥
శైలో హరస్య గిరిపక్షవినాశకాలే
క్షిప్తోఽర్ణవే స మరుతోర్వరితాత్మపక్షః ।
హైమో గిరిః పవనజస్య తు విక్రమార్థ-
ముద్భిద్య వారిధిమవర్ధదనేకసానుః ॥ ౩॥
నైవాత్ర విక్రమణమైచ్ఛదవిశ్రమోఽసౌ
నిఃసీమపౌరుషబలస్య కుతః శ్రమోఽస్య ।
ఆశ్లిష్య పర్వతవరం స దదర్శ గచ్ఛన్
దేవైస్తు నాగజననీం ప్రహితాం వరేణ ॥ ౪॥
జిజ్ఞాసుభిర్నిజబలం తవ భక్షమేతు
యద్యత్త్వమిచ్ఛసి తదిత్యమరోదితాయాః ।
ఆస్యం ప్రవిశ్య సపది ప్రవినిఃసృతోఽస్మాత్
దేవాననన్దయదుత స్వకమేషు రక్షన్ ॥ ౫॥
దృష్ట్వా సురప్రణయితాం బలమస్య చోగ్రం
దేవాః ప్రతుష్టువురముం సుమనోఽభివృష్ట్యా ।
తైరాదృతః పునరసౌ వియతైవ గచ్ఛన్
ఛాయాగ్రహం ప్రతిదదర్శ చ సింహికాఖ్యమ్ ॥ ౬॥
లఙ్కావనాయ సకలస్య చ నిగ్రహేఽస్యాః
సామర్థ్యమప్రతిహతం ప్రదదౌ విధాతా ।
ఛాయామవాక్షిపదసౌ పవనాత్మజస్య
సోఽస్యాః శరీరమనువిశ్య బిభేద చాశు ॥ ౭॥
నిఃసీమమాత్మబలమిత్యసుదర్శయానో
హత్వైవ తామపి విధాతృవరాభిగుప్తామ్ ।
లమ్బే స లమ్బశిఖరే నిపపాత లఙ్కా-
ప్రాకారరూపకగిరాథ చ సఞ్చుకోచే ॥ ౮॥
భూత్వా బిడాలసమితో నిశి తాం పురీం చ
ప్రాప్స్యన్ దదర్శ నిజరూపవతీం స లఙ్కామ్ ।
రుద్ధోఽనయాఽఽశ్వథ విజిత్య చ తాం స్వముష్టి-
పిష్టాం తయానుమత ఏవ వివేశ లఙ్కామ్ ॥ ౯॥
మార్గమాణో బహిశ్చాన్తః సోఽశోకవనికాతలే ।
దదర్శ శింశపావృక్షమూలస్థితరమాకృతిమ్ ॥ ౧౦॥
నరలోకవిడమ్బస్య జానన్ రామస్య హృద్గతమ్ ।
తస్య చేష్టానుసారేణ కృత్వా చేష్టాశ్చ సంవిదమ్ ॥ ౧౧॥
తాదృక్చేష్టాసమేతాయా అఙ్గులీయమదాత్తతః ।
సీతాయా యాని చైవాసన్నాకృతేస్తాని సర్వశః ॥ ౧౨॥
భూషణాని ద్విధా భూత్వా తాన్యేవాసన్ తథైవ చ ।
అథ చూడామణిం దివ్యం దాతుం రామాయ సా దదౌ ॥ ౧౩॥
యద్యప్యేతన్న పశ్యన్తి నిశాచరగణాస్తు తే ।
ద్యులోకచారిణః సర్వే పశ్యన్త్యృషయ ఏవ చ ॥ ౧౪॥
తేషాం విడమ్బనాయైవ దైత్యానాం వఞ్చనాయ చ ।
పశ్యతాం కలిముఖ్యానాం విడమ్బోఽయం కృతో భవేత్ ॥ ౧౫॥
కృత్వా కార్యమిదం సర్వం విశఙ్కః పవనాత్మజః ।
ఆత్మావిష్కరణే చిత్తం చక్రే మతిమతాం వరః ॥ ౧౬॥
అథ వనమఖిలం తద్రావణస్యావలమ్బ్య
క్షితిరుహమిమమేకం వర్జయిత్వాఽఽశు వీరః ।
రజనిచరవినాశం కాంక్షమాణోఽతివేలం
ముహురతిరవనాదీ తోరణం చారురోహ ॥ ౧౭॥
అథాశృణోద్దశాననః కపీన్ద్రచేష్టితం పరమ్ ।
దిదేశ కిఙ్కరాన్ బహూన్ కపిర్నిగృహ్యతామితి ॥ ౧౮॥
సమస్తశో విమృత్యవో వరాద్ధరస్య కిఙ్కరాః ।
సమాసదన్మహాబలం సురాన్తరాత్మనోఽఙ్గజమ్ ॥ ౧౯॥
అశీతికోటియూథపం పురఃసరాష్టకాయుతమ్ ।
అనేకహేతిసఙ్కులం కపీన్ద్రమావృణోద్బలమ్ ॥ ౨౦॥
సమావృతస్తథాఽఽయుధైః స తాడితశ్చ తైర్భృశమ్ ।
చకార తాన్ సమస్తశస్తలప్రహారచూర్ణితాన్ ॥ ౨౧॥
పునశ్చ మన్త్రిపుత్రకాన్ స రావణప్రచోదితాన్ ।
మమర్ద సప్తపర్వతప్రభాన్ వరాభిరక్షితాన్ ॥ ౨౨॥
బలాగ్రగామినస్తథా స శర్వవాక్సుగర్వితాన్ ।
నిహత్య సర్వరక్షసాం తృతీయభాగమక్షిణోత్ ॥ ౨౩॥
అనౌపమం హరేర్బలం నిశమ్య రాక్షసాధిపః ।
కుమారమక్షమాత్మనః సమం సుతం న్యయోజయత్ ॥ ౨౪॥
స సర్వలోకసాక్షిణః సుతం శరైర్వవర్ష హ ।
శితైర్వరాస్త్రమన్త్రితైర్న చైనమభ్యచాలయత్ ॥ ౨౫॥
స మణ్డమధ్యగాసుతం సమీక్ష్య రావణోపమమ్ ।
తృతీయ ఏష భాంశకో బలస్య హీత్యచిన్తయత్ ॥ ౨౬॥
నిధార్య ఏవ రావణో రాఘవస్య నాన్యథా ।
యుధీన్ద్రజిన్మయా హతో న చాస్య శక్తిరీక్ష్యతే ॥ ౨౭॥
అతస్తయోః సమో మయా తృతీయ ఏష హన్యతే ।
విచార్య చైవమాశు తం పదోః ప్రగృహ్య పుప్లువే ॥ ౨౮॥
స చక్రవద్భ్రమాతురం విధాయ రావణాత్మజమ్ ।
అపోథయద్ధరాతలే క్షణేన మారుతీతనుః ॥ ౨౯॥
విచూర్ణితే ధరాతలే నిజే సుతే స రావణః ।
నిశమ్య శోకతాపితస్తదగ్రజం సమాదిశత్ ॥ ౩౦॥
అథేన్ద్రజిన్మహాశరైర్వరాస్త్రసమ్ప్రయోజితైః ।
తతశ్చ వానరోత్తమం న చాశకద్విచాలనే ॥ ౩౧॥
అథాస్త్రముత్తమం విధేర్ముమోచ సర్వదుఃసహమ్ ।
స తేన తాడితో హరిర్వ్యచిన్తయన్నిరాకులః ॥ ౩౨॥
మయా వరా విలఙ్ఘితా హ్యనేకశః స్వయమ్భువః ।
స మాననీయ ఏవ మే తతోఽత్ర మానయామ్యహమ్ ॥ ౩౩॥
ఇమే చ కుర్యురత్ర కిం ప్రహృష్టరక్షసాం గణాః ।
ఇతీహ లక్ష్యమేవ మే స రావణశ్చ దృశ్యతే ॥ ౩౪॥
ఇదం సమీక్ష్య బద్ధవత్ స్థితం కపీన్ద్రమాశు తే ।
బబన్ధురన్యపాశకైర్జగామ చాస్త్రమస్య తత్ ॥ ౩౫॥
అథ ప్రగృహ్య తం కపిం సమీపమానయంశ్చ తే ।
నిశాచరేశ్వరస్య తం స పృష్టవాంశ్చ రావణః ॥ ౩౬॥
కపే కుతోఽసి కస్య వా కిమర్థమీదృశం కృతమ్ ।
ఇతీరితః స చావదత్ ప్రణమ్య రామమీశ్వరమ్ ॥ ౩౭॥
అవేహి దూతమాగతం దురన్తవిక్రమస్య మామ్ ।
రఘూత్తమస్య మారుతిం కులక్షయే తవేశ్వరమ్ ॥ ౩౮॥
న చేత్ ప్రదాస్యసి త్వరన్ రఘూత్తమప్రియాం తదా ।
సపుత్రమిత్రబాన్ధవో వినాశమాశు యాస్యసి ॥ ౩౯॥
న రామబాణధారణే క్షమాః సురేశ్వరా అపి ।
విరిఞ్చశర్వపూర్వకాః కిము త్వమల్పసారకః ॥ ౪౦॥
ప్రకోపితస్య తస్య కః పురః స్థితౌ క్షమో భవేత్ ।
సురాసురోరగాదికే జగత్యచిన్త్యకర్మణః ॥ ౪౧॥
ఇతీరితే వధోద్యతం న్యవారయద్విభీషణః ।
స పుచ్ఛదాహకర్మణే న్యయోజయన్నిశాచరాన్ ॥ ౪౨॥
అథాస్య వస్త్రసఞ్చయైః పిధాయ పుచ్ఛమగ్నయే ।
దదుర్దదాహ నాస్య తన్మరుత్సఖో హుతాశనః ॥ ౪౩॥
మమర్ష సర్వచేష్టితం స రక్షసాం నిరామయః ।
బలోద్ధతశ్చ కౌతుకాత్ ప్రదగ్ధుమేవ తాం పురీమ్ ॥ ౪౪॥
దదాహ చాఖిలాం పురీం స్వపుచ్ఛగేన వహ్నినా ।
కృతిస్తు విశ్వకర్మణోఽప్యదహ్యతాస్య తేజసా ॥ ౪౫॥
సువర్ణరత్నకారితాం స రాక్షసోత్తమైః సహ ।
ప్రదహ్య సర్వశః పురీం ముదాన్వితో జగర్జ వై ॥ ౪౬॥
స రావణం సపుత్రకం తృణోపమం విధాయ వై ।
తయోః ప్రపశ్యతోః పురీం విధాయ భస్మసాద్యయౌ ॥ ౪౭॥
విలఙ్ఘ్య చార్ణవం పునః స్వజాతిభిః ప్రపూజితః ।
ప్రభక్ష్య వానరేశితుర్మధు ప్రభుం సమేయివాన్ ॥ ౪౮॥
రామం సురేశ్వరమగణ్యగుణాభిరామం
సమ్ప్రాప్య సర్వకపివీరవరైః సమేతః ।
చూడామణిం పవనజః పదయోర్నిధాయ
సర్వాఙ్గకైః ప్రణతిమస్య చకార భక్త్యా ॥ ౪౯॥
రామోఽపి నాన్యదనుదాతుమముష్య యోగ్యమ్-
అత్యన్తభక్తిభరితస్య విలక్ష్య కిఞ్చిత్ ।
స్వాత్మప్రదానమధికం పవనాత్మజస్య
కుర్వన్ సమాశ్లిషదముం పరమాభితుష్టః ॥ ౫౦॥
ఇతి శ్రీమదానన్దతీర్థీయమహాభారతతాత్పర్యనిర్ణయే రామచరితే
హనుమత్ప్రతియానం సున్దరకాణ్డకథానిర్ణయః ॥
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated త్oday
http://sanskritdocuments.org
రామాయ శాశ్వతసువిస్తృతషడ్గుణాయ
సర్వేశ్వరాయ బలవీర్యమహార్ణవాయ ।
నత్వా లిలఙ్ఘయిషురర్ణవముత్పపాత
నిష్పీడ్య తం గిరివరం పవనస్య సూనుః ॥ ౧॥
చుక్షోభ వారిధిరనుప్రయయౌ చ శీఘ్రం
యాదోగణైః సహ తదీయబలాభికృష్టః ।
వృక్షాశ్చ పర్వతగతాః పవనేన పూర్వం
క్షిప్తోఽర్ణవే గిరిరుదాగమదస్య హేతోః ॥ ౨॥
శైలో హరస్య గిరిపక్షవినాశకాలే
క్షిప్తోఽర్ణవే స మరుతోర్వరితాత్మపక్షః ।
హైమో గిరిః పవనజస్య తు విక్రమార్థ-
ముద్భిద్య వారిధిమవర్ధదనేకసానుః ॥ ౩॥
నైవాత్ర విక్రమణమైచ్ఛదవిశ్రమోఽసౌ
నిఃసీమపౌరుషబలస్య కుతః శ్రమోఽస్య ।
ఆశ్లిష్య పర్వతవరం స దదర్శ గచ్ఛన్
దేవైస్తు నాగజననీం ప్రహితాం వరేణ ॥ ౪॥
జిజ్ఞాసుభిర్నిజబలం తవ భక్షమేతు
యద్యత్త్వమిచ్ఛసి తదిత్యమరోదితాయాః ।
ఆస్యం ప్రవిశ్య సపది ప్రవినిఃసృతోఽస్మాత్
దేవాననన్దయదుత స్వకమేషు రక్షన్ ॥ ౫॥
దృష్ట్వా సురప్రణయితాం బలమస్య చోగ్రం
దేవాః ప్రతుష్టువురముం సుమనోఽభివృష్ట్యా ।
తైరాదృతః పునరసౌ వియతైవ గచ్ఛన్
ఛాయాగ్రహం ప్రతిదదర్శ చ సింహికాఖ్యమ్ ॥ ౬॥
లఙ్కావనాయ సకలస్య చ నిగ్రహేఽస్యాః
సామర్థ్యమప్రతిహతం ప్రదదౌ విధాతా ।
ఛాయామవాక్షిపదసౌ పవనాత్మజస్య
సోఽస్యాః శరీరమనువిశ్య బిభేద చాశు ॥ ౭॥
నిఃసీమమాత్మబలమిత్యసుదర్శయానో
హత్వైవ తామపి విధాతృవరాభిగుప్తామ్ ।
లమ్బే స లమ్బశిఖరే నిపపాత లఙ్కా-
ప్రాకారరూపకగిరాథ చ సఞ్చుకోచే ॥ ౮॥
భూత్వా బిడాలసమితో నిశి తాం పురీం చ
ప్రాప్స్యన్ దదర్శ నిజరూపవతీం స లఙ్కామ్ ।
రుద్ధోఽనయాఽఽశ్వథ విజిత్య చ తాం స్వముష్టి-
పిష్టాం తయానుమత ఏవ వివేశ లఙ్కామ్ ॥ ౯॥
మార్గమాణో బహిశ్చాన్తః సోఽశోకవనికాతలే ।
దదర్శ శింశపావృక్షమూలస్థితరమాకృతిమ్ ॥ ౧౦॥
నరలోకవిడమ్బస్య జానన్ రామస్య హృద్గతమ్ ।
తస్య చేష్టానుసారేణ కృత్వా చేష్టాశ్చ సంవిదమ్ ॥ ౧౧॥
తాదృక్చేష్టాసమేతాయా అఙ్గులీయమదాత్తతః ।
సీతాయా యాని చైవాసన్నాకృతేస్తాని సర్వశః ॥ ౧౨॥
భూషణాని ద్విధా భూత్వా తాన్యేవాసన్ తథైవ చ ।
అథ చూడామణిం దివ్యం దాతుం రామాయ సా దదౌ ॥ ౧౩॥
యద్యప్యేతన్న పశ్యన్తి నిశాచరగణాస్తు తే ।
ద్యులోకచారిణః సర్వే పశ్యన్త్యృషయ ఏవ చ ॥ ౧౪॥
తేషాం విడమ్బనాయైవ దైత్యానాం వఞ్చనాయ చ ।
పశ్యతాం కలిముఖ్యానాం విడమ్బోఽయం కృతో భవేత్ ॥ ౧౫॥
కృత్వా కార్యమిదం సర్వం విశఙ్కః పవనాత్మజః ।
ఆత్మావిష్కరణే చిత్తం చక్రే మతిమతాం వరః ॥ ౧౬॥
అథ వనమఖిలం తద్రావణస్యావలమ్బ్య
క్షితిరుహమిమమేకం వర్జయిత్వాఽఽశు వీరః ।
రజనిచరవినాశం కాంక్షమాణోఽతివేలం
ముహురతిరవనాదీ తోరణం చారురోహ ॥ ౧౭॥
అథాశృణోద్దశాననః కపీన్ద్రచేష్టితం పరమ్ ।
దిదేశ కిఙ్కరాన్ బహూన్ కపిర్నిగృహ్యతామితి ॥ ౧౮॥
సమస్తశో విమృత్యవో వరాద్ధరస్య కిఙ్కరాః ।
సమాసదన్మహాబలం సురాన్తరాత్మనోఽఙ్గజమ్ ॥ ౧౯॥
అశీతికోటియూథపం పురఃసరాష్టకాయుతమ్ ।
అనేకహేతిసఙ్కులం కపీన్ద్రమావృణోద్బలమ్ ॥ ౨౦॥
సమావృతస్తథాఽఽయుధైః స తాడితశ్చ తైర్భృశమ్ ।
చకార తాన్ సమస్తశస్తలప్రహారచూర్ణితాన్ ॥ ౨౧॥
పునశ్చ మన్త్రిపుత్రకాన్ స రావణప్రచోదితాన్ ।
మమర్ద సప్తపర్వతప్రభాన్ వరాభిరక్షితాన్ ॥ ౨౨॥
బలాగ్రగామినస్తథా స శర్వవాక్సుగర్వితాన్ ।
నిహత్య సర్వరక్షసాం తృతీయభాగమక్షిణోత్ ॥ ౨౩॥
అనౌపమం హరేర్బలం నిశమ్య రాక్షసాధిపః ।
కుమారమక్షమాత్మనః సమం సుతం న్యయోజయత్ ॥ ౨౪॥
స సర్వలోకసాక్షిణః సుతం శరైర్వవర్ష హ ।
శితైర్వరాస్త్రమన్త్రితైర్న చైనమభ్యచాలయత్ ॥ ౨౫॥
స మణ్డమధ్యగాసుతం సమీక్ష్య రావణోపమమ్ ।
తృతీయ ఏష భాంశకో బలస్య హీత్యచిన్తయత్ ॥ ౨౬॥
నిధార్య ఏవ రావణో రాఘవస్య నాన్యథా ।
యుధీన్ద్రజిన్మయా హతో న చాస్య శక్తిరీక్ష్యతే ॥ ౨౭॥
అతస్తయోః సమో మయా తృతీయ ఏష హన్యతే ।
విచార్య చైవమాశు తం పదోః ప్రగృహ్య పుప్లువే ॥ ౨౮॥
స చక్రవద్భ్రమాతురం విధాయ రావణాత్మజమ్ ।
అపోథయద్ధరాతలే క్షణేన మారుతీతనుః ॥ ౨౯॥
విచూర్ణితే ధరాతలే నిజే సుతే స రావణః ।
నిశమ్య శోకతాపితస్తదగ్రజం సమాదిశత్ ॥ ౩౦॥
అథేన్ద్రజిన్మహాశరైర్వరాస్త్రసమ్ప్రయోజితైః ।
తతశ్చ వానరోత్తమం న చాశకద్విచాలనే ॥ ౩౧॥
అథాస్త్రముత్తమం విధేర్ముమోచ సర్వదుఃసహమ్ ।
స తేన తాడితో హరిర్వ్యచిన్తయన్నిరాకులః ॥ ౩౨॥
మయా వరా విలఙ్ఘితా హ్యనేకశః స్వయమ్భువః ।
స మాననీయ ఏవ మే తతోఽత్ర మానయామ్యహమ్ ॥ ౩౩॥
ఇమే చ కుర్యురత్ర కిం ప్రహృష్టరక్షసాం గణాః ।
ఇతీహ లక్ష్యమేవ మే స రావణశ్చ దృశ్యతే ॥ ౩౪॥
ఇదం సమీక్ష్య బద్ధవత్ స్థితం కపీన్ద్రమాశు తే ।
బబన్ధురన్యపాశకైర్జగామ చాస్త్రమస్య తత్ ॥ ౩౫॥
అథ ప్రగృహ్య తం కపిం సమీపమానయంశ్చ తే ।
నిశాచరేశ్వరస్య తం స పృష్టవాంశ్చ రావణః ॥ ౩౬॥
కపే కుతోఽసి కస్య వా కిమర్థమీదృశం కృతమ్ ।
ఇతీరితః స చావదత్ ప్రణమ్య రామమీశ్వరమ్ ॥ ౩౭॥
అవేహి దూతమాగతం దురన్తవిక్రమస్య మామ్ ।
రఘూత్తమస్య మారుతిం కులక్షయే తవేశ్వరమ్ ॥ ౩౮॥
న చేత్ ప్రదాస్యసి త్వరన్ రఘూత్తమప్రియాం తదా ।
సపుత్రమిత్రబాన్ధవో వినాశమాశు యాస్యసి ॥ ౩౯॥
న రామబాణధారణే క్షమాః సురేశ్వరా అపి ।
విరిఞ్చశర్వపూర్వకాః కిము త్వమల్పసారకః ॥ ౪౦॥
ప్రకోపితస్య తస్య కః పురః స్థితౌ క్షమో భవేత్ ।
సురాసురోరగాదికే జగత్యచిన్త్యకర్మణః ॥ ౪౧॥
ఇతీరితే వధోద్యతం న్యవారయద్విభీషణః ।
స పుచ్ఛదాహకర్మణే న్యయోజయన్నిశాచరాన్ ॥ ౪౨॥
అథాస్య వస్త్రసఞ్చయైః పిధాయ పుచ్ఛమగ్నయే ।
దదుర్దదాహ నాస్య తన్మరుత్సఖో హుతాశనః ॥ ౪౩॥
మమర్ష సర్వచేష్టితం స రక్షసాం నిరామయః ।
బలోద్ధతశ్చ కౌతుకాత్ ప్రదగ్ధుమేవ తాం పురీమ్ ॥ ౪౪॥
దదాహ చాఖిలాం పురీం స్వపుచ్ఛగేన వహ్నినా ।
కృతిస్తు విశ్వకర్మణోఽప్యదహ్యతాస్య తేజసా ॥ ౪౫॥
సువర్ణరత్నకారితాం స రాక్షసోత్తమైః సహ ।
ప్రదహ్య సర్వశః పురీం ముదాన్వితో జగర్జ వై ॥ ౪౬॥
స రావణం సపుత్రకం తృణోపమం విధాయ వై ।
తయోః ప్రపశ్యతోః పురీం విధాయ భస్మసాద్యయౌ ॥ ౪౭॥
విలఙ్ఘ్య చార్ణవం పునః స్వజాతిభిః ప్రపూజితః ।
ప్రభక్ష్య వానరేశితుర్మధు ప్రభుం సమేయివాన్ ॥ ౪౮॥
రామం సురేశ్వరమగణ్యగుణాభిరామం
సమ్ప్రాప్య సర్వకపివీరవరైః సమేతః ।
చూడామణిం పవనజః పదయోర్నిధాయ
సర్వాఙ్గకైః ప్రణతిమస్య చకార భక్త్యా ॥ ౪౯॥
రామోఽపి నాన్యదనుదాతుమముష్య యోగ్యమ్-
అత్యన్తభక్తిభరితస్య విలక్ష్య కిఞ్చిత్ ।
స్వాత్మప్రదానమధికం పవనాత్మజస్య
కుర్వన్ సమాశ్లిషదముం పరమాభితుష్టః ॥ ౫౦॥
ఇతి శ్రీమదానన్దతీర్థీయమహాభారతతాత్పర్యనిర్ణయే రామచరితే
హనుమత్ప్రతియానం సున్దరకాణ్డకథానిర్ణయః ॥
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated త్oday
http://sanskritdocuments.org
Sundarakanda Ramayana Nirnaya Lyrics in Telugu PDF
% File name : sundarakANDarAmAyaNanirNaya.itx
% Location : doc\_hanumaana
% Author : madAnandatIrtha
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : sundarakANDarAmAyaNanirNaya.itx
% Location : doc\_hanumaana
% Author : madAnandatIrtha
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website