ଶନୈଶ୍ଚରସ୍ତୋତ୍ରମ୍
{॥ ଶନୈଶ୍ଚରସ୍ତୋତ୍ରମ୍ ॥}
ଅଥ ଶନୈଶ୍ଚରସ୍ତୋତ୍ରପ୍ରାରମ୍ଭଃ ।
ଅସ୍ଯ ଶ୍ରୀଶନୈଶ୍ଚରସ୍ତୋତ୍ରମହାମନ୍ତ୍ରସ୍ଯ କାଶ୍ଯପ ଋଷିଃ ।
ଅନୁଷ୍ଟ୍ପ୍ଛନ୍ଦଃ ।ଶନୈଶ୍ଚରୋ ଦେଵତା ।
ଶଂ ବୀଜମ୍ । ନଂ ଶକ୍ତିଃ ।
ମଂ କୀଲକମ୍ । ଶନୈଶ୍ଚରପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।
ଶନୈଶ୍ଚରାଯ ଅଙ୍ଗୁଷ୍ଠାଭ୍ଯାଂ ନମଃ ।
ମନ୍ଦଗତଯେ ତର୍ଜନୀଭ୍ଯାଂ ନମଃ ।
ସୌରାଯ ଅନାମିକାଭ୍ଯାଂ ନମଃ ।
ଶୁଷ୍କୋଦରାଯ କନିଷ୍ଠିକାଭ୍ଯାଂ ନମଃ ।
ଛାଯାତ୍ମଜାଯ କରତଲକରପୃଷ୍ଠାଭ୍ଯାଂ ନମଃ ।
ଶନୈଶ୍ଚରାଯ ହୃଦଯାଯ ନମଃ ।
ମନ୍ଦଗତଯେ ଶିରସେ ସ୍ଵାହା ।
ଅଧୋକ୍ଷଜାଯ ଶିଖାଯୈ ଵଷଟ୍ ।
ସୌରାଯ କଵଚାଯ ହୁମ୍ ।
ଶୁଷ୍କୋଦରାଯ ନେତ୍ରତ୍ରଯାଯ ଵୌଷଟ୍ ।
ଛାଯାତ୍ମଜାଯ ଅସ୍ତ୍ରାଯ ଫଟ୍ ।
ଭୂର୍ଭୁଵଃସୁଵରୋମିତି ଦିଗ୍ବନ୍ଧଃ ।
ଧ୍ଯାନମ୍ ।
ଚାପାସନୋ ଗୃଧ୍ରରଥସ୍ତୁ ନୀଲଃ ପ୍ରତ୍ଯଙ୍ମୁଖଃ କାଶ୍ଯପଗୋତ୍ରଜାତଃ ।
ସଶୂଲଚାପେଷୁଗଦାଧରୋଽଵ୍ଯାତ୍ ସୌରାଷ୍ଟ୍ରଦେଶପ୍ରଭଵଶ୍ଚ ସୌରିଃ ॥ ୧॥
ନୀଲାମ୍ବରୋ ନୀଲଵପୁଃ କିରୀଟୀ ଗୃଧ୍ରାସନସ୍ଥୋ ଵିକୃତାନନଶ୍ଚ ।
କେଯୂରହାରାଦିଵିଭୂଷିତାଙ୍ଗଃ ସଦାସ୍ତୁ ମେ ମନ୍ଦଗତିଃ ପ୍ରସନ୍ନଃ ॥ ୨॥
ଶନୈଶ୍ଚରାଯ ଶାନ୍ତାଯ ସର୍ଵାଭୀଷ୍ଟପ୍ରଦାଯିନେ ।
ନମଃ ସର୍ଵାତ୍ମନେ ତୁଭ୍ଯଂ ନମୋ ନୀଲାମ୍ବରାଯ ଚ ॥ ୩॥
ଦ୍ଵାଦଶାଷ୍ଟମଜନ୍ମାନି ଦ୍ଵିତୀଯାନ୍ତେଷୁ ରାଶିଷୁ ।
ଯେ ଯେ ମେ ସଙ୍ଗତା ଦୋଷାଃ ସର୍ଵେ ନଶ୍ଯନ୍ତୁ ଵୈ ପ୍ରଭୋ ॥ ୪॥
ସୂତ ଉଵାଚ ।
ଶୃଣୁଧ୍ଵଂ ମୁନଯଃ ସର୍ଵେ ଶନିପୀଡାହରଂ ଶୁଭମ୍ ।
ଶନିପ୍ରୀତିକରଂ ସ୍ତୋତ୍ରଂ ସର୍ଵାଭୀଷ୍ଟଫଲପ୍ରଦମ୍ ॥ ୫॥
ପୁରା କୈଲାସଶିଖରେ ପାର୍ଵତ୍ଯୈ ଶଙ୍କରେଣ ଚ ।
ଉପଦିଷ୍ଟଂ ଶନିସ୍ତୋତ୍ରଂ ପ୍ରଵକ୍ଷ୍ଯାମି ତପୋଧନାଃ ॥ ୬॥
ରଘୁଵଂଶେଽତିଵିଖ୍ଯାତୋ ରାଜା ଦଶରଥଃ ପ୍ରଭୁଃ ।
ବଭୂଵ ଚକ୍ରଵର୍ତୀ ଚ ସପ୍ତଦ୍ଵୀପାଧିପୋ ବଲୀ ॥ ୭॥
କୃତ୍ତିକାନ୍ତେ ଶନୌ ଯାତେ ଦୈଵଜ୍ଞୈର୍ଜ୍ଞାପିତୋ ହି ସଃ ।
ରୋହିଣୀଶକଟଂ ଭିତ୍ଵା ଶନିର୍ଯାସ୍ଯତି ସାମ୍ପ୍ରତମ୍ ॥ ୮॥
ଇତ୍ଥଂ ଶକଟଭେଦେନ ସୁରାସୁରଭଯଙ୍କରମ୍ ।
ଦ୍ଵାଦଶାବ୍ଦଂ ତୁ ଦୁର୍ଭିକ୍ଷଂ ଭଵିଷ୍ଯତି ସୁଦାରୁଣମ୍ ॥ ୯॥
ଦେଶାଶ୍ଚ ନଗରଗ୍ରାମାଃ ଭଯଭୀତାଃ ସମନ୍ତତଃ ।
ବ୍ରୁଵନ୍ତି ସର୍ଵଲୋକାନାଂ ଭଯମେତତ୍ସମାଗମମ୍ ॥ ୧୦॥
ଏଵମୁକ୍ତସ୍ତତୋ ଵାକ୍ଯଂ ମନ୍ତ୍ରିଭିଃ ସହ ପାର୍ଥିଵଃ ।
ଵ୍ଯାକୁଲଂ ତୁ ଜଗଦ୍ଦୃଷ୍ଟ୍ଵା ପୌରଜାନପଦାଦିକମ୍ ॥ ୧୧॥
ପପ୍ରଚ୍ଛ ପ୍ରଯତୋ ରାଜା ଵସିଷ୍ଠପ୍ରମୁଖାନ୍ ଋଷୀନ୍ ।
ସମାଧାନଂ କିମସ୍ଯାସ୍ତି ବ୍ରୂତ ମେ ମୁନିସତ୍ତମାଃ ॥ ୧୨॥
ପ୍ରଜାନାଂ ପରିରକ୍ଷାଯୈ ସର୍ଵଜ୍ଞାଃ ସର୍ଵଦର୍ଶିନଃ ।
ତଚ୍ଛ୍ରୁଵା ମୁନଯଃ ସର୍ଵେ ପ୍ରୋଚୁରସ୍ଯ ବଲଂ ମହତ୍ ॥ ୧୩॥
ଶନୈଶ୍ଚରେଣ ଶକଟେ ତସ୍ମିନ୍ ଭିନ୍ନେ କୁତଃ ପ୍ରଜାଃ ।
ଅଯଂ ଯୋଗୋ ହ୍ଯସାଧ୍ଯଂ ତୁ ଶକ୍ରବ୍ରହ୍ମାଦିଭିସ୍ତଥା ॥ ୧୪!!
ସ ତୁ ସଞ୍ଚିନ୍ତ୍ଯ ମନସା ସହସା ପୁରୁଷର୍ଷଭଃ ।
ସମାଦାଯ ଧନୁର୍ଦିଵ୍ଯଂ ଦିଵ୍ଯାଯୁଧସମନ୍ଵିତମ୍ ॥ ୧୫॥
ରଥମାରୁହ୍ଯ ଵେଗେନ ଗତୋ ନକ୍ଷତ୍ରମଣ୍ଡଲମ୍ ।
ସପାଦଯୋଜନଂ ଲକ୍ଷଂ ସୂର୍ଯସ୍ଯୋପରି ସଂସ୍ଥିତମ୍ ॥ ୧୬॥
ରୋହିଣୀଂ ପୄଷ୍ଠ୍ତଃ ସ୍ଥାପ୍ଯ ରାଜା ଦଶରଥସ୍ତଦା ।
ରଥେ ତୁ କାଞ୍ଚନେ ଦିଵ୍ଯେ ସର୍ଵରତ୍ନଵିଭୂଷିତେ ॥ ୧୭॥
ହଂସଵର୍ଣହଯୈର୍ଯୁକ୍ତେ ମହାକେତୁସମୁଚ୍ଛ୍ରିତେ ॥
ଦୀପ୍ଯମାନୋ ମହାରକ୍ତକିରୀଟକଟକାଦିଭିଃ ॥ ୧୮॥
ବଭ୍ରାଜ ସ ତଦାକାଶେ ଦ୍ଵିତୀଯ ଇଵ ଭାସ୍କରଃ ।
ଆକର୍ଣପୂର୍ଣଚାପେନ ସଂହାରାସ୍ତ୍ରଂ ନ୍ଯଯୋଜଯତ୍ ॥ ୧୯॥
ସଂହାରାସ୍ତ୍ରଂ ଶନିର୍ଦୃଷ୍ଟ୍ଵା ସୁରାସୁରଭଯଙ୍କରମ୍ ।
କୃତ୍ତିକାନ୍ତେ ତଦା ସ୍ଥିତ୍ଵା ପ୍ରଵିଶନ୍ କିଲ ରୋହିଣୀମ୍ ॥ ୨୦॥
ଦୄଷ୍ଟ୍ଵା ଦଶରଥଂ ଚାଗ୍ରେ ତସ୍ଥୌ ସ ଭ୍ରୁକୁଟୀମୁଖଃ ।
ହସିତ୍ଵା ତଦ୍ଭଯାତ୍ସୌରିରିଦଂ ଵଚନମବ୍ରଵୀତ୍ ॥ ୨୧॥
ପୌରୁଷଂ ତଵ ରାଜେନ୍ଦ୍ର ସୁରାସୁରଭଯଙ୍କରମ୍ ।
ଦେଵାସୁରମନୁଷ୍ଯାଶ୍ଚ ସିଦ୍ଧଵିଦ୍ଯାଧରୋରଗାଃ ॥ ୨୨॥
ମଯାଵଲୋକିତାଃ ସର୍ଵେ ଦୈନ୍ଯମାଶୁ ଵ୍ରଜନ୍ତି ତେ ।
ତୁଷ୍ଟୋଽହଂ ତଵ ରାଜେନ୍ଦ୍ର ତପସା ପୌରୁଷେଣ ଚ ॥ ୨୩॥
ଵରଂ ବ୍ରୂହି ପ୍ରଦାସ୍ଯାମି ମନସା ଯଦଭୀପ୍ସିତମ୍ ।
ଦଶରଥ ଉଵାଚ ।
(ପ୍ରସାଦଂ କୁରୁ ମେ ସୌରେ ଵରଦୋ ଯଦି ମେ ସ୍ଥିତଃ ।)
ଅଦ୍ଯ ପ୍ରଭୃତି ମେ ରାଷ୍ଟ୍ରେ ପୀଡା କାର୍ଯା ନ କସ୍ଯଚିତ୍ ॥ ୨୪॥
ରୋହିଣୀଂ ଭେଦଯିତ୍ଵା ତୁ ନ ଗନ୍ତଵ୍ଯଂ ତ୍ଵଯା ଶନେ ।
ସରିତଃ ସାଗରାଃ ସର୍ଵେ ଯାଵଚ୍ଚନ୍ଦ୍ରାର୍କମେଦିନୀ ॥ ୨୫॥
ଦ୍ଵାଦଶାବ୍ଦଂ ତୁ ଦୁର୍ଭିକ୍ଷଂ ନ କଦାଚିଦ୍ଭଵିଷ୍ଯତି ।
ଯାଚିତଂ ତୁ ମଯା ସୌରେ ନାନ୍ଯମିଚ୍ଛାମ୍ଯହଂ ଵରମ୍ ॥ ୨୬॥
ଏଵମସ୍ତ୍ଵିତି ସୁପ୍ରୀତୋ ଵରଂ ପ୍ରାଦାତ୍ତୁ ଶାଶ୍ଵତମ୍ ।
କୀର୍ତିରେଷା ତ୍ଵଦୀଯା ଚ ତ୍ରୈଲୋକ୍ଯେ ସମ୍ଭଵିଷ୍ଯତି ॥ ୨୭॥
ପ୍ରାପ୍ଯ ଚୈନଂ ଵରଂ ରାଜା କୃତକୃତ୍ଯୋଽଭଵତ୍ତଦା ।
ଏଵଂ ଵରଂ ତୁ ସମ୍ପ୍ରାପ୍ଯ ହୃଷ୍ଟରୋମା ସ ପାର୍ଥିଵଃ ॥ ୨୮॥
ରଥୋପସ୍ଥେ ଧନୁଃ ସ୍ଥାପ୍ଯ ଭୂତ୍ଵା ଚୈଵ କୃତାଞ୍ଜଲିଃ ।
ଧ୍ଯାତ୍ଵା ସରସ୍ଵତୀଂ ଦେଵୀଂ ଗଣନାଥଂ ଵିନାଯକମ୍ ॥ ୨୯॥
ରାଜା ଦଶରଥଃ ସ୍ତୋତ୍ରଂ ସୌରେରିଦମଥାକରୋତ୍ ।
ଦଶରଥ ଉଵାଚ ।
ନମଃ କୃଷ୍ଣାଯ ନୀଲାଯ ଶିଖିକଣ୍ଠନିଭାଯ ଚ ॥ ୩୦॥
ନମୋ ନୀଲମୁଖାବ୍ଜାଯ ନୀଲୋତ୍ପଲନିଭାଯ ଚ ।
ନମୋ ନିର୍ମାଂସଦେହାଯ ଦୀର୍ଘଶ୍ମଶ୍ରୁଜଟାଯ ଚ ॥ ୩୧॥
ନମୋ ଵିଶାଲନେତ୍ରାଯ ଶୁଷ୍କୋଦର ଭଯାନକ ।
ନମଃ ପରୁଷନେତ୍ରାଯ ସ୍ଥୂଲରୋଂଣେ ନମୋ ନମଃ ॥ ୩୨॥
ନମୋ ନିତ୍ଯଂ କ୍ଷୁଧାର୍ତାଯ ଅତୃପ୍ତାଯ ନମୋ ନମଃ ।
ନମୋ ଦୀର୍ଘାଯ ଶୁଷ୍କାଯ କାଲଦଂଷ୍ଟ୍ରାଯ ତେ ନମଃ ॥ ୩୩॥
ନମସ୍ତେ ଘୋରରୂପାଯ ଦୁର୍ନିରୀକ୍ଷ୍ଯାଯ ତେ ନମଃ ।
ନମୋ ଘୋରାଯ ରୌଦ୍ରାଯ ଭୀଷଣାଯ କରାଳିନେ॥ ୩୪॥
ନମସ୍ତେ ସର୍ଵଭକ୍ଷାଯ ଵଲୀମୁଖ ନମୋ।ସ୍ତୁ ତେ ।
ସୂର୍ଯପୁତ୍ର ନମସ୍ତେସ୍ତୁ ଭାସ୍କରୋଽଭଯଦାଯିନେ ॥ ୩୫॥
ଅଧୋଦୃଷ୍ଟେ ନମସ୍ତେଽସ୍ତୁ ସଂଵର୍ତକ ନମୋ ନମଃ ।
ନମୋ ମନ୍ଦଗତେ ତୁଭ୍ଯଂ ନିସ୍ତ୍ରିଂଶାଯ ନମୋ ନମଃ ॥ ୩୬॥
ନମୋ ଦୁଃସହଦେହାଯ ନିତ୍ଯଯୋଗରତାଯ ଚ ।
ଜ୍ଞାନଦୃଷ୍ଟେ ନମସ୍ତେଽସ୍ତୁ କଶ୍ଯପାତ୍ମଜସୂନଵେ ॥ ୩୭॥
ତୁଷ୍ଟୋ ଦଦାସି ତ୍ଵଂ ରାଜ୍ଯଂ କ୍ରୁଦ୍ଧୋ ହରସି ତତ୍କ୍ଷଣାତ୍ ।
ଦେଵାସୁରମନୁଷ୍ଯାଶ୍ଚ ସିଦ୍ଧଵିଦ୍ଯାଧରୋରଗାଃ ॥ ୩୮॥
ତ୍ଵଯାଵଲୋକିତାଃ ସର୍ଵେ ଦୈନ୍ଯମାଶୁ ଵ୍ରଜନ୍ତି ତେ ।
ବ୍ରହ୍ମା ଶକ୍ରୋ ଯମଶ୍ଚୈଵ ଋଷଯଃ ସପ୍ତ ସାଗରାଃ ॥ ୩୯॥
ରାଜ୍ଯଭ୍ରଷ୍ଟା ଭଵନ୍ତୀହ ତଵ ଦୃଷ୍ଟ୍ଯାଵଲୋକିତାଃ ।
ଦେଶାଶ୍ଚ ନଗରଗ୍ରାମାଃ ଦ୍ଵୀପାଶ୍ଚ ଗିରଯସ୍ତଥା ॥ ୪୦॥
ସରିତଃ ସାଗରାଃ ସର୍ଵେ ନାଶଂ ଯାନ୍ତି ସମୂଲତଃ ।
ପ୍ରସାଦଂ କୁରୁ ମେ ସୌରେ ଵରଦୋଽସି ମହାବଲ ॥ ୪୧॥
ଏଵମୁକ୍ତସ୍ତଦା ସୌରିଃ ଗ୍ରହରାଜୋ ମହାବଲଃ ।
ଅବ୍ରଵୀଚ୍ଚ ଶନିର୍ଵାକ୍ଯଂ ହୃଷ୍ଟରୋମା ସ ଭାସ୍କରିଃ ॥ ୪୨॥
ଶନିରୁଵାଚ।
ତୁଷ୍ଟୋଽହଂ ତଵ ରାଜେନ୍ଦ୍ର ସ୍ତୋତ୍ରେଣାନେନ ସୁଵ୍ରତ ।
ଵରଂ ବ୍ରୂହି ପ୍ରଦାସ୍ଯାମି ମନସା ଯଦଭୀପ୍ସିତମ୍ ॥ ୪୩॥
ଦଶରଥ ଉଵାଚ ।
ପ୍ରସନ୍ନୋ ଯଦି ମେ ସୌରେ ପୀଡାଂ କୁରୁ ନ କସ୍ଯଚିତ୍ ।
ଦେଵାସୁରମନୁଷ୍ଯାଣାଂ ପଶୁପନ୍ନଗପକ୍ଷିଣାମ୍ ॥ ।୪୪॥
ଶନିରୁଵାଚ ।
ଗ୍ରହଣାଚ୍ଚ ଗ୍ରହାଜ୍ଞେଯାଃ ଗ୍ରହାଃ ପୀଡାକରାଃ ସ୍ମୄତାଃ ।
ଅଦେଯୋଽପି ଵରୋଽସ୍ମାଭିଃ ତୁଷ୍ଟୋଽହଂ ତୁ ଦଦାମି ତେ ॥ ୪୫॥
ଦେଵାସୁରମନୁଷ୍ଯାଶ୍ଚ ସିଦ୍ଧଵିଦ୍ଯାଧରୋରଗାଃ ।
ପଶୁପକ୍ଷିମୃଗା ଵୃକ୍ଷାଃ ପୀଡାଂ ମୁଞ୍ଚନ୍ତୁ ସର୍ଵଦା ॥ ୪୬॥
ତ୍ଵଯା ପ୍ରୋକ୍ତମିଦଂ ସ୍ତୋତ୍ରଂ ଯଃ ପଠେଦିହ ମାନଵଃ ।
ଏକକାଲଂ କ୍ଵଚିତ୍କାଲଂ ପୀଡାଂ ମୁଞ୍ଚାମି ତସ୍ଯ ଵୈ ॥ ୪୭॥
ମୃତ୍ଯୁସ୍ଥାନଗତୋ ଵାପି ଜନ୍ମଵ୍ଯଯଗତୋଽପି ଵା ।
ପଠତି ଶ୍ରଦ୍ଧଯା ଯୁକ୍ତଃ ଶୁଚିଃ ସ୍ନାତ୍ଵା ସମାହିତଃ ॥ ୪୮॥
ଶମୀପତ୍ରୈଃ ସମଭ୍ଯର୍ଚ୍ଯ ପ୍ରତିମାଂ ଲୋହଜାଂ ମମ ।
ମାଷୌଦନଂ ତିଲୈର୍ମିଶ୍ରଂ ଦଦ୍ଯାଲ୍ଲୋହଂ ତୁ ଦକ୍ଷିଣାମ୍ ॥ ୪୯॥
କୃଷ୍ଣାଙ୍ଗାଂ ମହିଷୀଂ ଵସ୍ତ୍ରଂ ମାମୁଦ୍ଦିଶ୍ଯ ଦ୍ଵିଜାତଯେ ।
ମଦ୍ଦିନେ ତୁ ଵିଶେଷେଣ ସ୍ତୋତ୍ରେଣାନେନ ପୂଜଯେତ୍ ॥ ୫୦॥
ପୂଜଯିତ୍ଵା ଜପେତ୍ସ୍ତୋତ୍ରଂ ଭୁକ୍ତ୍ଵା ଚୈଵ କୃତାଞ୍ଜଲିଃ ।
ତସ୍ଯ ପୀଡାଂ ନ ଚୈଵାହଂ କରିଷ୍ଯାମି କଦାଚନ ॥ ୫୧॥
ଗୋଚରେ ଜନ୍ମଲଗ୍ନେ ଵା ଦଶାସ୍ଵନ୍ତର୍ଦଶାସୁ ଚ ।
ରକ୍ଷାମି ସତତଂ ତସ୍ଯ ପୀଡାସ୍ଵନ୍ଯଗ୍ରହସ୍ଯ ଚ ॥ ୫୨॥
ଅନେନୈଵ ପ୍ରକାରେଣ ପୀଡାମୁକ୍ତଂ ଜଗଦ୍ଭଵେତ୍ ।
ସୂତ ଉଵାଚ ।
ଵରଦ୍ଵଯଂ ତୁ ସମ୍ପ୍ରାପ୍ଯ ରାଜା ଦଶରଥସ୍ତଦା ॥ ୫୩॥
ମେନେ କୃତାର୍ଥମାତ୍ମାନଂ ନମସ୍କୃତ୍ଯ ଶନୈଶ୍ଚରମ୍ ।
ଶନିନା ଚାଭ୍ଯନୁଜ୍ଞାତଃ ସ୍ଵସ୍ଥାନମଗମତ୍ ନୃପଃ ॥ ୫୪॥
ସ୍ଵସ୍ଥାନଂ ଚ ତତୋ ଗତ୍ଵା ପ୍ରାପ୍ତକାମୋଽଭଵତ୍ତଦା ।
କୋଣଃ ଶନୈଶ୍ଚରୋ ମନ୍ଦଃ ଛାଯାହୃଦଯନନ୍ଦନଃ ॥ ୫୫॥
ମାର୍ତାଣ୍ଡଜସ୍ତଥା ସୌରିଃ ପାତଙ୍ଗିର୍ଗ୍ରହନାଯକଃ ।
ବ୍ରହ୍ମଣ୍ଯଃ କ୍ରୂରକର୍ମା ଚ ନୀଲଵସ୍ତ୍ରୋଽଞ୍ଜନଦ୍ଯୁତିଃ ॥ ୫୬॥
ଦ୍ଵାଦଶୈତାନି ନାମାନି ଯଃ ପଠେଚ୍ଚ ଦିନେ ଦିନେ ।
ଵିଷମସ୍ଥୋଽପି ଭଗଵାନ୍ ସୁପ୍ରୀତସ୍ତସ୍ଯ ଜାଯତେ ॥ ୫୭॥
ମନ୍ଦଵାରେ ଶୁଚିଃ ସ୍ନାତ୍ଵା ମିତାହାରୋ ଜିତେନ୍ଦ୍ରିଯଃ ।
ତଦ୍ଵର୍ଣକୁସୁମୈର୍ଯୁକ୍ତଂ ସର୍ଵାଙ୍ଗଂ ଦ୍ଵିଜସତ୍ତମାଃ ॥ ୫୮॥
ପୂରଯିତ୍ଵାନ୍ନପାନାଦ୍ଯୈଃ ସ୍ତୋତ୍ରଂ ଯଃ ପ୍ରଯତଃ ପଠେତ୍ ।
ପୁତ୍ରକାମୋ ଲଭେତ୍ପୁତ୍ରଂ ଧନକାମୋ ଲଭେଦ୍ଧନମ୍ ॥ ୫୯॥
ରାଜ୍ଯକାମୋ ଲଭେଦ୍ରାଜ୍ଯଂ ଜଯାର୍ଥୀ ଵିଜଯୀ ଭଵେତ୍ ।
ଆଯୁଷ୍କାମୋ ଲଭେଦାଯୁଃ ଶ୍ରୀକାମଃ ଶ୍ରିଯମାପ୍ନୁଯାତ୍ ॥ ୬୦॥
ଯଦ୍ଯଦିଚ୍ଛତି ତତ୍ସର୍ଵଂ ଭଗଵାନ୍ ଭକ୍ତଵତ୍ସଲଃ ।
ଚିନ୍ତିତାନି ଚ ସର୍ଵାଣି ଦଦାତି ଚ ନ ସଂଶଯଃ ॥ ୬୧॥
ଇତି ଶ୍ରୀ ଦଶରଥମହାରାଜକୃତଂ ଶନୈଶ୍ଚରସ୍ତୋତ୍ରଂ ସମ୍ପୂର୍ଣମ୍ ।
Encoded and proofread by KSR Ramachandran ramachandran\_ksr at yahoo.ca
Please send corrections to sanskrit@cheerful.com
Last updated ତ୍oday
http://sanskritdocuments.org
ଅଥ ଶନୈଶ୍ଚରସ୍ତୋତ୍ରପ୍ରାରମ୍ଭଃ ।
ଅସ୍ଯ ଶ୍ରୀଶନୈଶ୍ଚରସ୍ତୋତ୍ରମହାମନ୍ତ୍ରସ୍ଯ କାଶ୍ଯପ ଋଷିଃ ।
ଅନୁଷ୍ଟ୍ପ୍ଛନ୍ଦଃ ।ଶନୈଶ୍ଚରୋ ଦେଵତା ।
ଶଂ ବୀଜମ୍ । ନଂ ଶକ୍ତିଃ ।
ମଂ କୀଲକମ୍ । ଶନୈଶ୍ଚରପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।
ଶନୈଶ୍ଚରାଯ ଅଙ୍ଗୁଷ୍ଠାଭ୍ଯାଂ ନମଃ ।
ମନ୍ଦଗତଯେ ତର୍ଜନୀଭ୍ଯାଂ ନମଃ ।
ସୌରାଯ ଅନାମିକାଭ୍ଯାଂ ନମଃ ।
ଶୁଷ୍କୋଦରାଯ କନିଷ୍ଠିକାଭ୍ଯାଂ ନମଃ ।
ଛାଯାତ୍ମଜାଯ କରତଲକରପୃଷ୍ଠାଭ୍ଯାଂ ନମଃ ।
ଶନୈଶ୍ଚରାଯ ହୃଦଯାଯ ନମଃ ।
ମନ୍ଦଗତଯେ ଶିରସେ ସ୍ଵାହା ।
ଅଧୋକ୍ଷଜାଯ ଶିଖାଯୈ ଵଷଟ୍ ।
ସୌରାଯ କଵଚାଯ ହୁମ୍ ।
ଶୁଷ୍କୋଦରାଯ ନେତ୍ରତ୍ରଯାଯ ଵୌଷଟ୍ ।
ଛାଯାତ୍ମଜାଯ ଅସ୍ତ୍ରାଯ ଫଟ୍ ।
ଭୂର୍ଭୁଵଃସୁଵରୋମିତି ଦିଗ୍ବନ୍ଧଃ ।
ଧ୍ଯାନମ୍ ।
ଚାପାସନୋ ଗୃଧ୍ରରଥସ୍ତୁ ନୀଲଃ ପ୍ରତ୍ଯଙ୍ମୁଖଃ କାଶ୍ଯପଗୋତ୍ରଜାତଃ ।
ସଶୂଲଚାପେଷୁଗଦାଧରୋଽଵ୍ଯାତ୍ ସୌରାଷ୍ଟ୍ରଦେଶପ୍ରଭଵଶ୍ଚ ସୌରିଃ ॥ ୧॥
ନୀଲାମ୍ବରୋ ନୀଲଵପୁଃ କିରୀଟୀ ଗୃଧ୍ରାସନସ୍ଥୋ ଵିକୃତାନନଶ୍ଚ ।
କେଯୂରହାରାଦିଵିଭୂଷିତାଙ୍ଗଃ ସଦାସ୍ତୁ ମେ ମନ୍ଦଗତିଃ ପ୍ରସନ୍ନଃ ॥ ୨॥
ଶନୈଶ୍ଚରାଯ ଶାନ୍ତାଯ ସର୍ଵାଭୀଷ୍ଟପ୍ରଦାଯିନେ ।
ନମଃ ସର୍ଵାତ୍ମନେ ତୁଭ୍ଯଂ ନମୋ ନୀଲାମ୍ବରାଯ ଚ ॥ ୩॥
ଦ୍ଵାଦଶାଷ୍ଟମଜନ୍ମାନି ଦ୍ଵିତୀଯାନ୍ତେଷୁ ରାଶିଷୁ ।
ଯେ ଯେ ମେ ସଙ୍ଗତା ଦୋଷାଃ ସର୍ଵେ ନଶ୍ଯନ୍ତୁ ଵୈ ପ୍ରଭୋ ॥ ୪॥
ସୂତ ଉଵାଚ ।
ଶୃଣୁଧ୍ଵଂ ମୁନଯଃ ସର୍ଵେ ଶନିପୀଡାହରଂ ଶୁଭମ୍ ।
ଶନିପ୍ରୀତିକରଂ ସ୍ତୋତ୍ରଂ ସର୍ଵାଭୀଷ୍ଟଫଲପ୍ରଦମ୍ ॥ ୫॥
ପୁରା କୈଲାସଶିଖରେ ପାର୍ଵତ୍ଯୈ ଶଙ୍କରେଣ ଚ ।
ଉପଦିଷ୍ଟଂ ଶନିସ୍ତୋତ୍ରଂ ପ୍ରଵକ୍ଷ୍ଯାମି ତପୋଧନାଃ ॥ ୬॥
ରଘୁଵଂଶେଽତିଵିଖ୍ଯାତୋ ରାଜା ଦଶରଥଃ ପ୍ରଭୁଃ ।
ବଭୂଵ ଚକ୍ରଵର୍ତୀ ଚ ସପ୍ତଦ୍ଵୀପାଧିପୋ ବଲୀ ॥ ୭॥
କୃତ୍ତିକାନ୍ତେ ଶନୌ ଯାତେ ଦୈଵଜ୍ଞୈର୍ଜ୍ଞାପିତୋ ହି ସଃ ।
ରୋହିଣୀଶକଟଂ ଭିତ୍ଵା ଶନିର୍ଯାସ୍ଯତି ସାମ୍ପ୍ରତମ୍ ॥ ୮॥
ଇତ୍ଥଂ ଶକଟଭେଦେନ ସୁରାସୁରଭଯଙ୍କରମ୍ ।
ଦ୍ଵାଦଶାବ୍ଦଂ ତୁ ଦୁର୍ଭିକ୍ଷଂ ଭଵିଷ୍ଯତି ସୁଦାରୁଣମ୍ ॥ ୯॥
ଦେଶାଶ୍ଚ ନଗରଗ୍ରାମାଃ ଭଯଭୀତାଃ ସମନ୍ତତଃ ।
ବ୍ରୁଵନ୍ତି ସର୍ଵଲୋକାନାଂ ଭଯମେତତ୍ସମାଗମମ୍ ॥ ୧୦॥
ଏଵମୁକ୍ତସ୍ତତୋ ଵାକ୍ଯଂ ମନ୍ତ୍ରିଭିଃ ସହ ପାର୍ଥିଵଃ ।
ଵ୍ଯାକୁଲଂ ତୁ ଜଗଦ୍ଦୃଷ୍ଟ୍ଵା ପୌରଜାନପଦାଦିକମ୍ ॥ ୧୧॥
ପପ୍ରଚ୍ଛ ପ୍ରଯତୋ ରାଜା ଵସିଷ୍ଠପ୍ରମୁଖାନ୍ ଋଷୀନ୍ ।
ସମାଧାନଂ କିମସ୍ଯାସ୍ତି ବ୍ରୂତ ମେ ମୁନିସତ୍ତମାଃ ॥ ୧୨॥
ପ୍ରଜାନାଂ ପରିରକ୍ଷାଯୈ ସର୍ଵଜ୍ଞାଃ ସର୍ଵଦର୍ଶିନଃ ।
ତଚ୍ଛ୍ରୁଵା ମୁନଯଃ ସର୍ଵେ ପ୍ରୋଚୁରସ୍ଯ ବଲଂ ମହତ୍ ॥ ୧୩॥
ଶନୈଶ୍ଚରେଣ ଶକଟେ ତସ୍ମିନ୍ ଭିନ୍ନେ କୁତଃ ପ୍ରଜାଃ ।
ଅଯଂ ଯୋଗୋ ହ୍ଯସାଧ୍ଯଂ ତୁ ଶକ୍ରବ୍ରହ୍ମାଦିଭିସ୍ତଥା ॥ ୧୪!!
ସ ତୁ ସଞ୍ଚିନ୍ତ୍ଯ ମନସା ସହସା ପୁରୁଷର୍ଷଭଃ ।
ସମାଦାଯ ଧନୁର୍ଦିଵ୍ଯଂ ଦିଵ୍ଯାଯୁଧସମନ୍ଵିତମ୍ ॥ ୧୫॥
ରଥମାରୁହ୍ଯ ଵେଗେନ ଗତୋ ନକ୍ଷତ୍ରମଣ୍ଡଲମ୍ ।
ସପାଦଯୋଜନଂ ଲକ୍ଷଂ ସୂର୍ଯସ୍ଯୋପରି ସଂସ୍ଥିତମ୍ ॥ ୧୬॥
ରୋହିଣୀଂ ପୄଷ୍ଠ୍ତଃ ସ୍ଥାପ୍ଯ ରାଜା ଦଶରଥସ୍ତଦା ।
ରଥେ ତୁ କାଞ୍ଚନେ ଦିଵ୍ଯେ ସର୍ଵରତ୍ନଵିଭୂଷିତେ ॥ ୧୭॥
ହଂସଵର୍ଣହଯୈର୍ଯୁକ୍ତେ ମହାକେତୁସମୁଚ୍ଛ୍ରିତେ ॥
ଦୀପ୍ଯମାନୋ ମହାରକ୍ତକିରୀଟକଟକାଦିଭିଃ ॥ ୧୮॥
ବଭ୍ରାଜ ସ ତଦାକାଶେ ଦ୍ଵିତୀଯ ଇଵ ଭାସ୍କରଃ ।
ଆକର୍ଣପୂର୍ଣଚାପେନ ସଂହାରାସ୍ତ୍ରଂ ନ୍ଯଯୋଜଯତ୍ ॥ ୧୯॥
ସଂହାରାସ୍ତ୍ରଂ ଶନିର୍ଦୃଷ୍ଟ୍ଵା ସୁରାସୁରଭଯଙ୍କରମ୍ ।
କୃତ୍ତିକାନ୍ତେ ତଦା ସ୍ଥିତ୍ଵା ପ୍ରଵିଶନ୍ କିଲ ରୋହିଣୀମ୍ ॥ ୨୦॥
ଦୄଷ୍ଟ୍ଵା ଦଶରଥଂ ଚାଗ୍ରେ ତସ୍ଥୌ ସ ଭ୍ରୁକୁଟୀମୁଖଃ ।
ହସିତ୍ଵା ତଦ୍ଭଯାତ୍ସୌରିରିଦଂ ଵଚନମବ୍ରଵୀତ୍ ॥ ୨୧॥
ପୌରୁଷଂ ତଵ ରାଜେନ୍ଦ୍ର ସୁରାସୁରଭଯଙ୍କରମ୍ ।
ଦେଵାସୁରମନୁଷ୍ଯାଶ୍ଚ ସିଦ୍ଧଵିଦ୍ଯାଧରୋରଗାଃ ॥ ୨୨॥
ମଯାଵଲୋକିତାଃ ସର୍ଵେ ଦୈନ୍ଯମାଶୁ ଵ୍ରଜନ୍ତି ତେ ।
ତୁଷ୍ଟୋଽହଂ ତଵ ରାଜେନ୍ଦ୍ର ତପସା ପୌରୁଷେଣ ଚ ॥ ୨୩॥
ଵରଂ ବ୍ରୂହି ପ୍ରଦାସ୍ଯାମି ମନସା ଯଦଭୀପ୍ସିତମ୍ ।
ଦଶରଥ ଉଵାଚ ।
(ପ୍ରସାଦଂ କୁରୁ ମେ ସୌରେ ଵରଦୋ ଯଦି ମେ ସ୍ଥିତଃ ।)
ଅଦ୍ଯ ପ୍ରଭୃତି ମେ ରାଷ୍ଟ୍ରେ ପୀଡା କାର୍ଯା ନ କସ୍ଯଚିତ୍ ॥ ୨୪॥
ରୋହିଣୀଂ ଭେଦଯିତ୍ଵା ତୁ ନ ଗନ୍ତଵ୍ଯଂ ତ୍ଵଯା ଶନେ ।
ସରିତଃ ସାଗରାଃ ସର୍ଵେ ଯାଵଚ୍ଚନ୍ଦ୍ରାର୍କମେଦିନୀ ॥ ୨୫॥
ଦ୍ଵାଦଶାବ୍ଦଂ ତୁ ଦୁର୍ଭିକ୍ଷଂ ନ କଦାଚିଦ୍ଭଵିଷ୍ଯତି ।
ଯାଚିତଂ ତୁ ମଯା ସୌରେ ନାନ୍ଯମିଚ୍ଛାମ୍ଯହଂ ଵରମ୍ ॥ ୨୬॥
ଏଵମସ୍ତ୍ଵିତି ସୁପ୍ରୀତୋ ଵରଂ ପ୍ରାଦାତ୍ତୁ ଶାଶ୍ଵତମ୍ ।
କୀର୍ତିରେଷା ତ୍ଵଦୀଯା ଚ ତ୍ରୈଲୋକ୍ଯେ ସମ୍ଭଵିଷ୍ଯତି ॥ ୨୭॥
ପ୍ରାପ୍ଯ ଚୈନଂ ଵରଂ ରାଜା କୃତକୃତ୍ଯୋଽଭଵତ୍ତଦା ।
ଏଵଂ ଵରଂ ତୁ ସମ୍ପ୍ରାପ୍ଯ ହୃଷ୍ଟରୋମା ସ ପାର୍ଥିଵଃ ॥ ୨୮॥
ରଥୋପସ୍ଥେ ଧନୁଃ ସ୍ଥାପ୍ଯ ଭୂତ୍ଵା ଚୈଵ କୃତାଞ୍ଜଲିଃ ।
ଧ୍ଯାତ୍ଵା ସରସ୍ଵତୀଂ ଦେଵୀଂ ଗଣନାଥଂ ଵିନାଯକମ୍ ॥ ୨୯॥
ରାଜା ଦଶରଥଃ ସ୍ତୋତ୍ରଂ ସୌରେରିଦମଥାକରୋତ୍ ।
ଦଶରଥ ଉଵାଚ ।
ନମଃ କୃଷ୍ଣାଯ ନୀଲାଯ ଶିଖିକଣ୍ଠନିଭାଯ ଚ ॥ ୩୦॥
ନମୋ ନୀଲମୁଖାବ୍ଜାଯ ନୀଲୋତ୍ପଲନିଭାଯ ଚ ।
ନମୋ ନିର୍ମାଂସଦେହାଯ ଦୀର୍ଘଶ୍ମଶ୍ରୁଜଟାଯ ଚ ॥ ୩୧॥
ନମୋ ଵିଶାଲନେତ୍ରାଯ ଶୁଷ୍କୋଦର ଭଯାନକ ।
ନମଃ ପରୁଷନେତ୍ରାଯ ସ୍ଥୂଲରୋଂଣେ ନମୋ ନମଃ ॥ ୩୨॥
ନମୋ ନିତ୍ଯଂ କ୍ଷୁଧାର୍ତାଯ ଅତୃପ୍ତାଯ ନମୋ ନମଃ ।
ନମୋ ଦୀର୍ଘାଯ ଶୁଷ୍କାଯ କାଲଦଂଷ୍ଟ୍ରାଯ ତେ ନମଃ ॥ ୩୩॥
ନମସ୍ତେ ଘୋରରୂପାଯ ଦୁର୍ନିରୀକ୍ଷ୍ଯାଯ ତେ ନମଃ ।
ନମୋ ଘୋରାଯ ରୌଦ୍ରାଯ ଭୀଷଣାଯ କରାଳିନେ॥ ୩୪॥
ନମସ୍ତେ ସର୍ଵଭକ୍ଷାଯ ଵଲୀମୁଖ ନମୋ।ସ୍ତୁ ତେ ।
ସୂର୍ଯପୁତ୍ର ନମସ୍ତେସ୍ତୁ ଭାସ୍କରୋଽଭଯଦାଯିନେ ॥ ୩୫॥
ଅଧୋଦୃଷ୍ଟେ ନମସ୍ତେଽସ୍ତୁ ସଂଵର୍ତକ ନମୋ ନମଃ ।
ନମୋ ମନ୍ଦଗତେ ତୁଭ୍ଯଂ ନିସ୍ତ୍ରିଂଶାଯ ନମୋ ନମଃ ॥ ୩୬॥
ନମୋ ଦୁଃସହଦେହାଯ ନିତ୍ଯଯୋଗରତାଯ ଚ ।
ଜ୍ଞାନଦୃଷ୍ଟେ ନମସ୍ତେଽସ୍ତୁ କଶ୍ଯପାତ୍ମଜସୂନଵେ ॥ ୩୭॥
ତୁଷ୍ଟୋ ଦଦାସି ତ୍ଵଂ ରାଜ୍ଯଂ କ୍ରୁଦ୍ଧୋ ହରସି ତତ୍କ୍ଷଣାତ୍ ।
ଦେଵାସୁରମନୁଷ୍ଯାଶ୍ଚ ସିଦ୍ଧଵିଦ୍ଯାଧରୋରଗାଃ ॥ ୩୮॥
ତ୍ଵଯାଵଲୋକିତାଃ ସର୍ଵେ ଦୈନ୍ଯମାଶୁ ଵ୍ରଜନ୍ତି ତେ ।
ବ୍ରହ୍ମା ଶକ୍ରୋ ଯମଶ୍ଚୈଵ ଋଷଯଃ ସପ୍ତ ସାଗରାଃ ॥ ୩୯॥
ରାଜ୍ଯଭ୍ରଷ୍ଟା ଭଵନ୍ତୀହ ତଵ ଦୃଷ୍ଟ୍ଯାଵଲୋକିତାଃ ।
ଦେଶାଶ୍ଚ ନଗରଗ୍ରାମାଃ ଦ୍ଵୀପାଶ୍ଚ ଗିରଯସ୍ତଥା ॥ ୪୦॥
ସରିତଃ ସାଗରାଃ ସର୍ଵେ ନାଶଂ ଯାନ୍ତି ସମୂଲତଃ ।
ପ୍ରସାଦଂ କୁରୁ ମେ ସୌରେ ଵରଦୋଽସି ମହାବଲ ॥ ୪୧॥
ଏଵମୁକ୍ତସ୍ତଦା ସୌରିଃ ଗ୍ରହରାଜୋ ମହାବଲଃ ।
ଅବ୍ରଵୀଚ୍ଚ ଶନିର୍ଵାକ୍ଯଂ ହୃଷ୍ଟରୋମା ସ ଭାସ୍କରିଃ ॥ ୪୨॥
ଶନିରୁଵାଚ।
ତୁଷ୍ଟୋଽହଂ ତଵ ରାଜେନ୍ଦ୍ର ସ୍ତୋତ୍ରେଣାନେନ ସୁଵ୍ରତ ।
ଵରଂ ବ୍ରୂହି ପ୍ରଦାସ୍ଯାମି ମନସା ଯଦଭୀପ୍ସିତମ୍ ॥ ୪୩॥
ଦଶରଥ ଉଵାଚ ।
ପ୍ରସନ୍ନୋ ଯଦି ମେ ସୌରେ ପୀଡାଂ କୁରୁ ନ କସ୍ଯଚିତ୍ ।
ଦେଵାସୁରମନୁଷ୍ଯାଣାଂ ପଶୁପନ୍ନଗପକ୍ଷିଣାମ୍ ॥ ।୪୪॥
ଶନିରୁଵାଚ ।
ଗ୍ରହଣାଚ୍ଚ ଗ୍ରହାଜ୍ଞେଯାଃ ଗ୍ରହାଃ ପୀଡାକରାଃ ସ୍ମୄତାଃ ।
ଅଦେଯୋଽପି ଵରୋଽସ୍ମାଭିଃ ତୁଷ୍ଟୋଽହଂ ତୁ ଦଦାମି ତେ ॥ ୪୫॥
ଦେଵାସୁରମନୁଷ୍ଯାଶ୍ଚ ସିଦ୍ଧଵିଦ୍ଯାଧରୋରଗାଃ ।
ପଶୁପକ୍ଷିମୃଗା ଵୃକ୍ଷାଃ ପୀଡାଂ ମୁଞ୍ଚନ୍ତୁ ସର୍ଵଦା ॥ ୪୬॥
ତ୍ଵଯା ପ୍ରୋକ୍ତମିଦଂ ସ୍ତୋତ୍ରଂ ଯଃ ପଠେଦିହ ମାନଵଃ ।
ଏକକାଲଂ କ୍ଵଚିତ୍କାଲଂ ପୀଡାଂ ମୁଞ୍ଚାମି ତସ୍ଯ ଵୈ ॥ ୪୭॥
ମୃତ୍ଯୁସ୍ଥାନଗତୋ ଵାପି ଜନ୍ମଵ୍ଯଯଗତୋଽପି ଵା ।
ପଠତି ଶ୍ରଦ୍ଧଯା ଯୁକ୍ତଃ ଶୁଚିଃ ସ୍ନାତ୍ଵା ସମାହିତଃ ॥ ୪୮॥
ଶମୀପତ୍ରୈଃ ସମଭ୍ଯର୍ଚ୍ଯ ପ୍ରତିମାଂ ଲୋହଜାଂ ମମ ।
ମାଷୌଦନଂ ତିଲୈର୍ମିଶ୍ରଂ ଦଦ୍ଯାଲ୍ଲୋହଂ ତୁ ଦକ୍ଷିଣାମ୍ ॥ ୪୯॥
କୃଷ୍ଣାଙ୍ଗାଂ ମହିଷୀଂ ଵସ୍ତ୍ରଂ ମାମୁଦ୍ଦିଶ୍ଯ ଦ୍ଵିଜାତଯେ ।
ମଦ୍ଦିନେ ତୁ ଵିଶେଷେଣ ସ୍ତୋତ୍ରେଣାନେନ ପୂଜଯେତ୍ ॥ ୫୦॥
ପୂଜଯିତ୍ଵା ଜପେତ୍ସ୍ତୋତ୍ରଂ ଭୁକ୍ତ୍ଵା ଚୈଵ କୃତାଞ୍ଜଲିଃ ।
ତସ୍ଯ ପୀଡାଂ ନ ଚୈଵାହଂ କରିଷ୍ଯାମି କଦାଚନ ॥ ୫୧॥
ଗୋଚରେ ଜନ୍ମଲଗ୍ନେ ଵା ଦଶାସ୍ଵନ୍ତର୍ଦଶାସୁ ଚ ।
ରକ୍ଷାମି ସତତଂ ତସ୍ଯ ପୀଡାସ୍ଵନ୍ଯଗ୍ରହସ୍ଯ ଚ ॥ ୫୨॥
ଅନେନୈଵ ପ୍ରକାରେଣ ପୀଡାମୁକ୍ତଂ ଜଗଦ୍ଭଵେତ୍ ।
ସୂତ ଉଵାଚ ।
ଵରଦ୍ଵଯଂ ତୁ ସମ୍ପ୍ରାପ୍ଯ ରାଜା ଦଶରଥସ୍ତଦା ॥ ୫୩॥
ମେନେ କୃତାର୍ଥମାତ୍ମାନଂ ନମସ୍କୃତ୍ଯ ଶନୈଶ୍ଚରମ୍ ।
ଶନିନା ଚାଭ୍ଯନୁଜ୍ଞାତଃ ସ୍ଵସ୍ଥାନମଗମତ୍ ନୃପଃ ॥ ୫୪॥
ସ୍ଵସ୍ଥାନଂ ଚ ତତୋ ଗତ୍ଵା ପ୍ରାପ୍ତକାମୋଽଭଵତ୍ତଦା ।
କୋଣଃ ଶନୈଶ୍ଚରୋ ମନ୍ଦଃ ଛାଯାହୃଦଯନନ୍ଦନଃ ॥ ୫୫॥
ମାର୍ତାଣ୍ଡଜସ୍ତଥା ସୌରିଃ ପାତଙ୍ଗିର୍ଗ୍ରହନାଯକଃ ।
ବ୍ରହ୍ମଣ୍ଯଃ କ୍ରୂରକର୍ମା ଚ ନୀଲଵସ୍ତ୍ରୋଽଞ୍ଜନଦ୍ଯୁତିଃ ॥ ୫୬॥
ଦ୍ଵାଦଶୈତାନି ନାମାନି ଯଃ ପଠେଚ୍ଚ ଦିନେ ଦିନେ ।
ଵିଷମସ୍ଥୋଽପି ଭଗଵାନ୍ ସୁପ୍ରୀତସ୍ତସ୍ଯ ଜାଯତେ ॥ ୫୭॥
ମନ୍ଦଵାରେ ଶୁଚିଃ ସ୍ନାତ୍ଵା ମିତାହାରୋ ଜିତେନ୍ଦ୍ରିଯଃ ।
ତଦ୍ଵର୍ଣକୁସୁମୈର୍ଯୁକ୍ତଂ ସର୍ଵାଙ୍ଗଂ ଦ୍ଵିଜସତ୍ତମାଃ ॥ ୫୮॥
ପୂରଯିତ୍ଵାନ୍ନପାନାଦ୍ଯୈଃ ସ୍ତୋତ୍ରଂ ଯଃ ପ୍ରଯତଃ ପଠେତ୍ ।
ପୁତ୍ରକାମୋ ଲଭେତ୍ପୁତ୍ରଂ ଧନକାମୋ ଲଭେଦ୍ଧନମ୍ ॥ ୫୯॥
ରାଜ୍ଯକାମୋ ଲଭେଦ୍ରାଜ୍ଯଂ ଜଯାର୍ଥୀ ଵିଜଯୀ ଭଵେତ୍ ।
ଆଯୁଷ୍କାମୋ ଲଭେଦାଯୁଃ ଶ୍ରୀକାମଃ ଶ୍ରିଯମାପ୍ନୁଯାତ୍ ॥ ୬୦॥
ଯଦ୍ଯଦିଚ୍ଛତି ତତ୍ସର୍ଵଂ ଭଗଵାନ୍ ଭକ୍ତଵତ୍ସଲଃ ।
ଚିନ୍ତିତାନି ଚ ସର୍ଵାଣି ଦଦାତି ଚ ନ ସଂଶଯଃ ॥ ୬୧॥
ଇତି ଶ୍ରୀ ଦଶରଥମହାରାଜକୃତଂ ଶନୈଶ୍ଚରସ୍ତୋତ୍ରଂ ସମ୍ପୂର୍ଣମ୍ ।
Encoded and proofread by KSR Ramachandran ramachandran\_ksr at yahoo.ca
Please send corrections to sanskrit@cheerful.com
Last updated ତ୍oday
http://sanskritdocuments.org
Shanaishchara Stotram 2 Lyrics in Oriya PDF
% File name : shanaishcharastotram.itx
% Location : doc\_z\_misc\_navagraha
% Language : Sanskrit
% Subject : philosophy/hinduism/religion
% Transliterated by : KSR Ramachandran ramachandran\_ksr at yahoo.ca
% Proofread by : KSR Ramachandran ramachandran\_ksr at yahoo.ca
% Description-comments : From Grantha/Tamil book Adityadi Navagraha Stotra
% Latest update : June 28, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : shanaishcharastotram.itx
% Location : doc\_z\_misc\_navagraha
% Language : Sanskrit
% Subject : philosophy/hinduism/religion
% Transliterated by : KSR Ramachandran ramachandran\_ksr at yahoo.ca
% Proofread by : KSR Ramachandran ramachandran\_ksr at yahoo.ca
% Description-comments : From Grantha/Tamil book Adityadi Navagraha Stotra
% Latest update : June 28, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website