{॥ ದತ್ತಲಹರೀ ॥}
ಶ್ರೀಗಣೇಶಾಯ ನಮಃ
ದಲಾದನ ಋಷಿರುವಾಚ ।
ವಿಭುರ್ನಿತ್ಯಾನನ್ದಃ ಶ್ರುತಿಗಣಶಿರೋವೇದ್ಯಮಹಿಮಾ
ಯತೋ ಜನ್ಮಾದ್ಯಸ್ಯ ಪ್ರಭವತಿ ಸ ಮಾಯಾಗುಣವತಃ ।
ಸದಾಧಾರಃ ಸತ್ಯೋ ಜಯತಿ ಪುರುಷಾರ್ಥೈಕಫಲದಃ
ಸದಾ ದತ್ತಾತ್ರೇಯೋ ವಿಹರತಿ ಮುದಾ ಜ್ಞಾನಲಹರಿಃ ॥ ೧॥

ಹರೀಶಬ್ರಾಹ್ಮಾಣಃ ಪದಕಮಲಪೂಜಾಂ ವಿದಧತೇ
ಜಗದ್ರಕ್ಷಾಶಿಕ್ಷಾಜನನಕರಣೇ ತೇ ಹ್ಯಧಿಕೃತಾಃ ।
ಅಭೂವನ್ನಿನ್ದ್ರಾದ್ಯಾ ಹರಿದಧಿಪತಾಂ ದೇವಮುನಯಃ
ಪರಂ ತತ್ತ್ವಂ ಪ್ರಾಪುಃ ಶಶಿದಿನಕರೌ ಜ್ಯೋತಿರಮಲಮ್ ॥ ೨॥

ಪರಂ ಜ್ಯೋತಿರ್ಮೂರ್ತೇ ತವ ರುಚಿರತೇಜಃ ಕಲರವಾಜ್-
ಜಗಧ್ವ್ಯಾಪ್ಯೇದಾನೀಂ ತಪನಶಶಿತಾರಾಹುತಭುಜಃ ।
ಮಹಾತೇಜಃಪುಞ್ಜಾಃ ಸಕಲಜಗದಾರಾಧ್ಯಚರಿತಾಶ್-
ಚರನ್ತ್ಯೇವಂ ಲೋಕಾನ್ನತಜನಮನೋಭೀಷ್ಟಫಲದಾಃ ॥ ೩॥

ಭವನ್ಮಾಯಾರೂಪಂ ಜಗದಖಿಲಜೀವಾತ್ಮಕಮಿದಂ
ಭವದ್ರೂಪಂ ಪ್ರಾಹುರ್ನಿಖಿಲನಿಗಮಾನ್ತಶ್ರುತಿಚಯಾಃ ।
ತ್ವಯಾ ಸೃಷ್ಟಂ ಚಾದೌ ಹೃತಮವಿತಮೇತತ್ತದಧುನಾ
ಪ್ರಭಾವಂ ತೇ ವೇತ್ತುಂ ಪ್ರಭವತಿ ಜನಃ ಕೋಽವನಿತಲೇ ॥ ೪॥

ಕೃಪಾಸಿನ್ಧೋ ತಾವಜ್ಜನುರಜನನಸ್ಥಾಪ್ಯಕಥಿತೇ
ಜಗದ್ರಕ್ಷಾದೀಕ್ಷಾ ಭವತಿ ಖಲು ನೋ ಚೇತ್ಕಥಮಿದಮ್ ।
ಅನಿಹಸ್ಯಾಽಕರ್ತುಸ್ತವ ಜಗತಿ ಕರ್ಮೋಪಕೃತಯೇ
ಪ್ರಮಾಣೀಕರ್ತುಂ ವಾ ಸ್ವಕೃತನಿಗಮಾರ್ಥಾನಿತಿ ಮತಿಃ ॥ ೫॥

ಮಹಾವಿದ್ಯಾರೂಪೇ ಭಗವತಿ ನಿಬದ್ಧತ್ವಮುಚಿತಂ
ಹೃದಾ ವಾಚಾಗಮ್ಯೇ ಪರಮಪಿ ವಿಮುಹ್ಯನ್ತಿ ಕವಯಃ ।
ಅವಿದ್ಯಾತೀತಃ ಕಿಂ ಯದಿ ಗುಣವಿಹೀನೋಪಿ ಗುಣವಾನ್-
ಅವಿದ್ಯಾಯುಕ್ತೋಯಂ ತ್ವಿತಿ ವದತಿ ಮಾಯಾಮುಷಿತಧೀಃ ॥ ೬॥

ಭವಾನಾದೌ ಯಾದೋನರಮೃಗಮುಖಶ್ವಾದಿಕತನೂರ್-
ವಿಧತ್ತೇ ಲೋಕಾನಾಮವನಕೃತಿಹೇತೋರನುಯುಗಮ್ ।
ವಿಶುದ್ಧಸ್ತ್ವಂ ಲೀಲಾನರವಪುರಿದಾನೀಮಟಸಿ ಗಾಂ
ಪವಿತ್ರೀಕರ್ತುಂ ವಾ ಪರಿಜನನಿವಾಸಾಙ್ಗಣತಲಮ್ ॥ ೭॥

ಜಗದ್ರಕ್ಷಾರ್ಥಂ ವಾ ವಿಚರಸಿ ಜಗತ್ಯಾತ್ಮಜನತಾ-
ಪರಿತ್ರಾಣಾಯಾದ್ಯಃ ಪರಮಪುರುಷೋಽಗಮ್ಯಚರಿತಃ ।
ಮೃಷಾಲೋಕೋ ಲೋಕೋ ವದತಿ ಮನುಜತ್ವಂ ತದಧುನಾ
ಯಯಾ ಶ್ರೀಕೃಷ್ಣತ್ವಂ ಯದವಬ್ರುವತೇ ಮೂಢಮತಯಃ ॥ ೮॥

ಮಹಾಯೋಗಾಧೀಶೈರವಿದಿತಮಹಾಯೋಗಚತುರಂ
ಕಥಂ ಜಾನನ್ತಿ ತ್ವಾಂ ಕುಟಿಲಮತಯೋ ಮಾಧ್ಶಜನಾಃ ।
ತಥಾಪಿ ತ್ವಾಂ ಜನೇ ತವ ಪದಯುಗಾಮ್ಭೋಜಭಜನಾನ್ನ
ಚೇತ್ತ್ವತ್ಪಾದಾ ಸ್ಮೃತಿವಿಷಯವಾಣೀ ಕಥಮಭೂತ್ ॥ ೯॥

ಅಪಾರೇ ಸಂಸಾರೇ ಸುತಹಿತಕಲತ್ರಾದಿಭರಣಾ -
ದ್ಯುಪಾಧೌ ಮನ್ನಾಸ್ತತ್ತರಣಕರಣೋಪಾಯರಹಿತಾಃ ।
ಪತನ್ತಿ ತ್ವತ್ಪಾದಾಮ್ಬುಜಯುಗಲಸೇವಾಸು ವಿಮುಖಾ
ನರಾಃ ಪಾಪಾತ್ಮಾನಃ ಪ್ರವರನರಕೇ ಶೋಕನಿಲಯೇ ॥ ೧೦॥

ಸುಧಾಸಿನ್ಧೌ ದ್ವೀಪೇ ಕನಕಲತಿಕೇ ಕಲ್ಪಕವನೇ
ವಿತಾನೈರ್ಮುಕ್ತಾಢ್ಯೈರ್ನವಮಣಿಮಯೇ ಮಣ್ಡಪವರೇ ।
ಅಶೇಷೈರ್ಮಾಣಿಕ್ಯೈಃ ಖಚಿತಹರಿಪೀಠೇಽನ್ ಕುಹರೇ
ಹುತಾಶಾರೇ ಧ್ಯಾಯೇತ್ತವ ಪರಮಮೂರ್ತಿಂ ನಿಖಿಲದಾಮ್ ॥ ೧೧॥

ಧರಾಧಾರಾಧಾರೇ ಹುತವಹಪುರೇಧೀಶಗಣಪಂ
ವಿಧಿಂ ಶ್ರೀಶೇಷೌ ವಾನಲಪವನವ್ಯೋಮಾನಿ ಹೃದಯೇ ।
ಯುತೌ ಜೀವಾತ್ಮಾನಾವಧಿಕಮವಮತ್ಯಾ ಪ್ರವಿಶತೇ
ವಿಧತ್ತೇ ಜಾಯಾತ್ವಂ ಪರಕಲಿತವಾಮೇನ ವಪುಷಾ ॥ ೧೨॥

ಸಹಸ್ತ್ರಾರೇ ನೀರೇರುಹಿ ಸಕಲಶೀತಾಂಶುಲಲಿತೇ
ಸಹಸೇ ಹಂಸಂ ಯಃ ಸ್ಫುಟಮಪಿ ಭವನ್ತಂ ಕಲಯತೇ ।
ಸುಷುಮ್ನಾವರ್ತಿನ್ಯಾಂ ತವ ಚರಣಪೀಠೇನ್ದುಸುಧಯಾ -
ಪ್ಲುತೋ ಭಿತ್ತ್ವಾ ಗ್ರನ್ಥಿತ್ರಯಮಮೃತರೂಪೋ ವಿಚರತಿ ॥ ೧೩॥

ತವಾಧಾರೇ ಶಕ್ತಿಸ್ಥಿತಕಮಲಕರ್ಮಾದ್ಯಭಿವೃತೇ
ಮಹಾಪೀಠೇ ವೈಶ್ವಾನರಪುರಮರುದ್ಗೇಹನಿಲಯೇ ।
ಧರಾವ್ಯೋಮಾಕಲ್ಪೇ ಸುರಮುನಿಮಹೇನ್ದ್ರಾದ್ಯಭಿನುತಂ
ಮಹಾತೇಜೋರಾಶಿಂ ನಿಗಮನಿಲಯಂ ನೌಮಿ ಹೃದಯೇ ॥ ೧೪॥

ಭವತ್ಪಾದಾಮ್ಭೋಜಂ ಭವಜಲಧಿಪೋತಂ ಭಜತಿ ಯೋ
ಮಹಾಸಂಸಾರಾಬ್ಧಿಂ ತನಣಿತರತೀತ್ಯೇವ ನಿಗಮಃ ।
ಇಹಾಮುತ್ರ ತ್ರಾತುಂ ತವ ಚರಣಮೇವಾತ್ಮಶರಣಂ
ಭವೇದ್ಘೀರೋ ವಾಹಙ್ಕೃತಿಪರಮನಸ್ಕೋಯಮಧುನಾ ॥ ೧೫॥

ಯಥಾ ದಾರುಷ್ವಗ್ನಿರ್ನಿವಸತಿ ತಥಾ ದೇಹನಿಕರೇ
ಪ್ರವಿಶ್ಯ ತ್ವಂ ಚೈಕೋ ಬಹುವಿಧ ಇವಾಭಾಸಿ ತಿ ತಥಾ ।
ಚಲನ್ನೀರೇ ಚನ್ದ್ರಃ ಶತವಿಧ ಇವಾಭಾತಿ ಗುಣತೋ
ನ ಚೈತಚ್ಚನ್ದ್ರೇ ಸ್ಯಾನ್ನ ಶತವಿಧತಾ ನಾಪಿ ಚಪಲಮ್ ॥ ೧೬॥

ದರಿದ್ರೋ ವಾ ಮೂಢಃ ಕಠಿನಹೃದಯೋ ವಾಪಿ ಭವತಾಂ
ದಯಾಪಾತ್ರಂ ಸ್ಯಾಚ್ಚ್ಯೇದ್ಭಜತಿ ಮಹತಾಮಪ್ಯಧಿಕತಾಮ್ ।
ನ ವಿದ್ಯಾ ರೂಪಂ ವಾ ನ ಕುಲಮಪಿ ವಾ ಕಾರಣಮಭೂನ್ -
ಮಹತ್ತ್ವೇ ಸೇವೈಕಾ ತವ ಪದಯುಗಾಮ್ಭೋಜಕಲನಾ ॥ ೧೭॥

ನ ತೇ ಕಾರುಣ್ಯಂ ಸ್ಯಾತ್ಸಕಲಗುಣವಾನಪ್ಯಗುಣವಾನ್
ಭವತ್ಕಾರುಣ್ಯಂ ಸ್ಯಾದಗುಣಗಣಪೋ ವೋರುಗುಣವಾನ್ ।
ಯಥಾ ಪತ್ಯೌ ರಕ್ತೇ ಯದಪಿ ಚ ವಿರಕ್ತೇ ಚ ಯುವತೌ
ವೃಥಾ ಸೌನ್ದರ್ಯಂ ಸ್ಯಾತ್ಸಕಲಮಪಿ ತೇಽನುಗ್ರಹವಶಾತ್ ॥ ೧೮॥

ಅನಾಥೇ ದೀನೇ ಮಯ್ಯಧಿಗತಭವತ್ಪಾದಶರಣೇ
ಶರಣ್ಯಬ್ರಹ್ಮಣ್ಯಪ್ರಥಿತಗುಣಸಿನ್ಧೋ ಕುರು ದಯಾಮ್ ।
ಮಹಾತೇಜೋವಾರ್ಧೇ ಸ್ವಸುಕೃತಮಹಿಮ್ನೈವ ಸತತಂ
ಪುರಾ ಪುಣ್ಯೈರ್ಹೀನಂ ಪುರುಷಮುಪಕುರ್ವನ್ತಿ ಕೃತಿನಃ ॥ ೧೯॥

ಮಹಾಶ್ವೇತದ್ವೀಪೇಽಮರುತರುಗಣಾತ್ಯನ್ತರುಚಿರೇ
ಮಣೇಃ ಪೀಠಾಮ್ಭೋಜೇಽನಲಶಶಿಖಗಾನ್ತರ್ನಿವಸಿತಮ್ ।
ಗದಾಚಕ್ರಾಜಾಸಿಪ್ರಸೃತಕರಪದ್ಮಂ ಮುರರಿಪುಂ
ಸ ಧನ್ಯಸ್ತ್ವಾಂ ಧ್ಯಾಯೇತ್ಪರತರಚಿದಾನನ್ದವಪುಷಮ್ ॥ ೨೦॥

ಲಸನ್ಮೇರೋಃ ಶೃಙ್ಗೇ ಸುರಮಣಿಮಯೇ ಕಲ್ಪಕತರು -
ಪ್ರಕೀರ್ಣೇ ವಾಕ್ಪೀಠೇ ರವಿಶಶಿಙ್ಕರಾಕೀರ್ಣಜಲಜೇ
ಸ್ಥಿತಂ ವಾಚಾಧೀಶೈರ್ನುತಮನುದಿನಂ ತ್ವಾಂ ಭಜತಿ ಯೋ
ಭವೇದ್ವಾಣೀಶಾನಾಮಪಿ ಗುರುರಜೇಯೋಽವನಿತಲೇ ॥ ೨೧॥

ಸಮುದ್ಯದ್ಬಾಲಾರ್ಕಾಯುತನಿಭಶರೀರಂ ಮುನಿವರಂ
ಸ್ಥಿತಂ ಬೀಜೇ ಮಾರೇ ತ್ರಿದಶಪತಿಗೋಪಾತಿರುಚಿರೇ ।
ಹೃದಿ ತ್ವಾಂ ಯಃ ಪಶ್ಯನ್ ಸುಖಕರಮಿತಿ ಧ್ಯಾಯತಿ ಸದಾ
ಸ ಏವಾಹಂ ನೂನಂ ಸ ಭವತಿ ಜಗನ್ಮೋಹನಕರಃ ॥ ೨೨॥

ನಿಧಿರ್ವಿಶ್ವೇಷಾಂ ತ್ವಂ ನಿಜಚರಣಪದ್ಮದ್ವಯವತಾಂ
ಶರಣ್ಯಶ್ಚಾರ್ಕಾನಾಂ ಚಕಿತಹೃದಯಾನಾಮಭಯದಃ ।
ವರೇಣ್ಯಃ ಸಾಧೂನಾಂ ವರದ ಇತಿ ವಾ ಕಾಮಿತಧಿಯಾಂ
ಭವತ್ಸೇವಾ ಜನ್ತೋಃ ಸುರತರುಸಮಾನಾ ನ ಫಲತಿ ॥ ೨೩॥

ಯಥಾ ವೈ ಪಾಞ್ಚಾಲೀ ನಟತಿ ಕುಹಕೇಚ್ಛಾನುಶರಣಂ
ಕುಲಾಲೇನ ಭ್ರಾನ್ತಂ ಭ್ರಮತಿ ಚ ಸಕೃಚ್ಛಕ್ರಮನಿಶಮ್ ।
ತಥಾ ವಿಶ್ವಂ ಸರ್ವಂ ವಿಯತಿ ಮನವಶ್ಚಾನುಗುಣಿತಾಃ
ಸ್ವತನ್ತ್ರಃ ಕೋ ವಾಸ್ತೇ ವದ ಪರಸುರೇಶಸ್ತ್ರಿಭುವನೇ ॥ ೨೪॥

ತ್ವಯಾಜ್ಞಪ್ತೋ ಧಾತಾ ಸೃಜತಿ ಜಗದೀಶೋಽಪಿ ಹರತೇ
ಹರಿಃ ಪುಷ್ಣಾತೀದಂ ತಪತಿ ತಪನೋ ಯಾತಿ ಪವನಃ ।
ಧರಾಂ ಸಾದ್ರಿದ್ವೀಪಾಂ ವಹತಿ ಭುಜಗಾನಾಮಧಿಪತಿಃ
ಸುರಾಃ ಸರ್ವೇ ಯುಷ್ಮದ್ಭಯಪರವಶಾದ್ಬಿಭ್ರತಿ ಬಲಿಮ್ ॥ ೨೫॥

ಸ್ವಯಂ ಮುಕ್ತೇಃ ಪೂರ್ವಂ ಸ್ವಕೃತಸುಕೃತಂ ಮಾಂ ನಯತಿ ಚೇತ್
ಭವಾಸತ್ವಂ ಕಾ ವಾ ತವ ಚರಣಪಙ್ಕೇರುಹರತಿಃ ।
ಹರೇತ್ಪಾಪೌಧಂ ನಃ ಶುಭಮಪಿ ದದಾತೀತಿ ಚ ಸದಾ
ಭವನ್ತ್ಯಾಶಾಬದ್ಧ್ವಾಃ ಸಕಲಮಪಿ ಧಾತುರ್ವಶಮಹೋ ॥ ೨೬॥

ಪ್ರಧಾನಂ ವಾ ಕರ್ಮ ಸ್ಥಿತಿವಿಲಯಸರ್ಗೇಲಮಿತಿ ಚೇತ್
ಜಡತ್ವಾತ್ಕ್ಷೀಣತ್ವಾತ್ಕಥಮುಚಿತಮೇತನ್ನಿಗದಿತುಮ್ ।
ತಯೋರೀಶೋಽನೀಶೇ ಭವತಿ ಜಗದುತ್ಪತ್ತಿವಿಲಯಾ -
ವನಾನ್ಯಾಸನ್ ಬ್ರಹ್ಮಾಸ್ತ್ವಿತಿ ವದತಿ ಶಾಸ್ತ್ರಂ ಶ್ರುತಿರಪಿ ॥ ೨೭॥

ಭವತ್ಸೇವಾ ಜನ್ತೋರ್ಭವದವಹುತಾಶಾಮ್ಬುದನಿಭಾ
ಮಹಾಮೋಹಧ್ವಾನ್ತಪ್ರತಿಹತಮತೇರ್ದೀಪಕಲಿಕಾ ।
ಸುಧಾವರ್ಷಿಣ್ಯೇಷಾ ವಿಹಿತಮನಸಾಂ ನಿರ್ಮಲನೃಣಾ -
ಮುಪಾಧ್ಯಾಯೇ ಬ್ರಹ್ಮಪ್ರವಚನವಿಧಾನೇಽತಿಚತುರಾ ॥ ೨೮॥

ಅವಜ್ಞಾಯೈ ಲೋಕೇ ಬಹುಪರಿಚಿತಿಃ ಪ್ರಾಕೃತಮತಿಃ
ನಿರಸ್ಯಾಪೋ ಗಾಙ್ಗಾಃ ಪ್ರಸರತಿ ಯಥಾ ನಾಲ್ಪತಟಿನೀಮ್ ।
ವಿಶುದ್ಧ್ಯರ್ಥಂ ತತ್ತ್ವಂ ಸಕಲಪುರುಷಾರ್ಥೈಕಫಲದಂ
ಭವನ್ತಂ ಹಿತ್ವಾನ್ಯಂ ಭಜತಿ ಗುರುಮಾಶಾಪರವಶಃ ॥ ೨೯॥

ನಿಮೀಲ್ಯಾಕ್ಷಿದ್ವನ್ದ್ವಂ ನಿಗಮನಿರತೋ ನಿಶ್ಚಲಮನಾಃ
ಪ್ರಕಾಶನ್ತಂ ದೃಷ್ಟ್ಯಾ ತ್ರಿಭುವನಮುದಂ ಜ್ಞಾನಪರಯಾ ।
ಲಲಾಟೇಧೋಮುಖ್ಯಾ ರಸಜನಿತದಿವ್ಯಾಞ್ಜನಧರಂ
ಸ್ಮರೇದ್ಯಸ್ತ್ವಾಂ ಯೋಗೀ ಭವತಿ ನಿಧಿಸಿದ್ಧೇರಧಿಪತಿಃ ॥ ೩೦॥

ಮಹಾಮಾಯಾಮನ್ತ್ರಾಕ್ಷರಕಮಲಪದ್ಮಾಸನಯುತಂ
ಮಹಾನೀಲಚ್ಛಾಯಂ ಮಧುಮುದಿತಯೋಗಿನ್ಯಭಿವೃತಮ್ ।
ದಧಾನಂ ಸದ್ಬೋಧಾಸಿತಕನಕಗೋಕ್ಷೀರತಿಲಕಂ
ಮುನೇ ಯಸ್ತ್ವಾಂ ಪಶ್ಯೇದ್ಭವತಿ ಸಕಲಾದೃಶ್ಯಕತನುಃ ॥ ೩೧॥

ಸುಧಾಧಾರೇ ಹೇತೌ ಸಕಲಜಗತಾಂ ಸ್ವರ್ಣಕಲಿತೇ
ಸಿತಾಮ್ಭೋಜೇ ತೇಜೋಧಿಕತಪನಬಿಮ್ಭೇ ಶ್ರುತಿತನೌ ।
ಮಣಿಪ್ರೋತೇ ಪೀಠೇ ನಿಖಿಲಸುರವೃನ್ದೈಃ ಪರಿವೃತೇ
ಸ್ಥಿತಂ ತ್ವಾಮಾರೋಗ್ಯಂ ಸ್ಮರತಿ ಹೃದಿ ತಸ್ಯಾಮೃತಮಯಮ್ ॥ ೩೨॥

ಪರತ್ರಾದಾತಾ ಚೇದ್ಭವತಿ ನ ದದಾತ್ಯೈಹಿಕಸುಖಂ
ದದಾತ್ಯೇತತ್ಸೌಖ್ಯಂ ನ ವಿತರತಿ ಚಾಮುಷ್ಮಿಕಸುಖಮ್ ।
ಭವತ್ಸೇವಾ ಜನ್ತೋರಿಹ ಪರಸುಖಪ್ರಾಭಯಕರೀ
ಸುರಾಣಾಮನ್ಯೇಷಾಮನುಶರಣಮಾತ್ಮೈವಮಕರೋತ್ ॥ ೩೩॥

ಜಟೀ ವಲ್ಕೀ ಕ್ಕಾಪಿ ಕ್ಕಚಿದಪಿ ಸುಭೂಷಾಮ್ಬರಭೃತೀ
ಕ್ಕಚಿದ್ಭೂತ್ಯಾಲಿಪ್ತಃ ಕ್ಕಚಿದಪಿ ಸುಗನ್ಧಾಙ್ಕಿತತನುಃ ।
ಕ್ಕಚಿದ್ಯೋಗೀ ಭೋಗೀ ಕ್ಕಚಿದಪಿ ವಿರಾಗೀ ವಿಹರಸೇ
ಬಹುಜ್ಞಾನೀ ಜ್ಞಾತುಂ ತವ ಗತಿಮಶಕ್ತಾಶ್ಚ ಮುನಯಃ ॥ ೩೪॥

ವಿಶುದ್ಧಂ ಚೈತನ್ಯಂ ಕ್ಕಚನ ಜಡವತ್ಕ್ಕಾಪಿ ಸಕಲಾ -
ಗಮಜ್ಞೋಽಪ್ಯಜ್ಞಸ್ಯಾದ್ವಿಹರಸಿ ಕದಾಚಿದ್ಬಹುವಿಧಃ ।
ಋಷಿಭ್ಯಸ್ತ್ವಂ ತತ್ತ್ವಂ ಪರಮಮುಪದೇಷ್ಟಾಸಿ ವಿತತಂ
ಚರಿತ್ರಂ ತೇ ವೇತ್ತುಂ ಚತುರಧಿಕವಕ್ತ್ರಾ ನ ಚತುರಾಃ ॥ ೩೫॥

ಮಣಿರ್ವಾ ಮನ್ತ್ರೋ ವಾ ವಿವಿಧವಿಮಲೈಶ್ವರ್ಯಮಪಿ ವಾ
ಮಹಾಯೋಗೋಷ್ಟಾಙ್ಗಾಭ್ಯಸನವಿಹಿತೋ ವಾ ತ್ರಿಭುವನಮ್ ।
ಸಮರ್ಥಂ ಚೈಕೈಕಂ ಪ್ರಭವತಿ ವಿಶೀಕರ್ತುಮಧಿಕಂ
ಸ್ಥಿತಂ ತ್ವಯ್ಯೇವೇದಂ ತವ ಕಿಮುತ ಲೋಕೈಕವಶತಾ ॥ ೩೬॥

ಸರಸ್ವತ್ಯಾಧಾರಸ್ಥಿತಮರುದತಿಪ್ರೇರಿತಪರಾಂ
ನೃಪೋ ಧಾರಾಂ ಭಿತ್ತ್ವಾ ರಸಕಮಲವಾಸಾಧಿಪಪುರೀ ।
ಪರಂ ತೇಜೋರೂಪಂ ಸಕಲಭುವನಾಲೋಕನಿರತೋ
ಭವಂ ತೇ ಸಂಯೋಗಾತ್ಪರಮಸಮವೇತಂ ಮುನಿಪತಿಃ ॥ ೩೭॥

ಅಪಾಂ ತತ್ತ್ವಂ ಹಂಸಂ ಸಕಲಭವದೇವೇ ಜಲರುಹೇ
ತಡಿದ್ಭಾಸ್ವದ್ದೀಪ್ತಿಪ್ರಕಟದಲಷಟ್ಕೇ ಸುಲಲಿತೇ ।
ಪರಂ ಸ್ವಾಧಿಷ್ಠಾನೇ ರುಚಿರತರರೂಪಂ ನಿರುಪಮಂ
ಸ್ಥಿತಂ ಧ್ಯಾಯೇತ್ತ್ವಾಂ ಯೋ ಮದನಸಮರೂಪೋ ವಿಜಯತೇ ॥ ೩೮॥

ಪರೀತಂ ತ್ವಾಂ ವಿಷ್ಣೋ ಹುತವಹನಮಾಯಾವಿಲಸಿತೇ
ಸರೋಜೇ ನೀಲಾಭೇ ಮಣಿರಚಿತಪೀಠೇ ಮಣಿಗೃಹೇ ।
ಮಹಾಸಿದ್ಧೇಃ ಕಲ್ಪದ್ರುಮವರತಲೇ ಸ್ವರ್ಣನಿಚಯಾಮ್ -
ಪ್ರವರ್ಷದ್ಭಿಃ ಸಸ್ಯಾತ್ಪರಮತನುಭೂತಿಃ ಸ್ಮರತಿ ಯಃ ॥ ೩೯॥

ಮರುನ್ತ್ತಾರಾಪ್ರಾಭೇ ಕನಕರುಚಿಪದ್ಮೇ ಶೃತಿಮಯಂ
ಪ್ರಭುಂ ಲೋಕಾತೀತಂ ನಿಖಿಲನಿಗಮಾವೇದ್ಯಚರಿತಮ್ ।
ಭಜನ್ತೇ ಯೇ ತ್ವಾಂ ತೇ ಸುದೃಢತರತಾದಾತ್ಮ್ಯಕದೃಶಾ
ಚಿದಾನನ್ದಂ ಮಾಯಾಗುಣವಿರಹಿತಂ ಯಾನ್ತಿ ಪರಮಮ್ ॥ ೪೦॥

ಸುಧಾಶುದ್ಧೇ ವ್ಯೋಭ್ನಿ ದ್ರುಹಿಣರಮಣೀಬೀಜಲಸಿತೇ
ವಿಶುದ್ಧಾಮ್ಭೋಜಾನ್ತೇ ಸುರನರಖಗಾದ್ಯನ್ತರಹಿತಮ್ ।
ಭವನ್ತಂ ಭಾವೋತ್ಥೈಃ ಕುಸುಮಮುಖಪೂಜೋಪಕರಣೈಃ
ಸಮರ್ಹಲ್ಲೋಕೇ ನಾ ದ್ವಿತಯಪರಮಂ ಬ್ರಹ್ಮಭಜತೇ ॥ ೪೧॥

ತಡಿಲ್ಲೇಖಾಶೋಚಿರ್ದ್ವಿದಲಕಮಲೇ ಭಾಸಿ ಪರಮೋ
ಮಹಾಯುಕ್ತಾನಙ್ಗೋನಲಶಶಿಭೃತೋಕ್ಷೀಣಿ ಭವತಃ ।
ಅಶೇಷಸ್ರೋತ ಸು ಪ್ರಸೃತಚಿತಿರೂಪೋಡ್ಗಕನಕಃ
ಶ್ರುತಿಪ್ರಾಣೋಷ್ಟಾಡ್ಗಪ್ರಗುಣಿತಕಲಾಪೀಠ ನಿಲಯಃ ॥ ೪೨॥ ???

ಕ್ವಚಿದ್ಗುಹ್ಯಂ ಜಿಹ್ವಾ ಕ್ವಚ ಗುದಕಮನ್ಯತ್ರ ಕವಿತಾ
ಕ್ವಚಿದ್ವಾಗನ್ಯತ್ರ ಶ್ರುತಿರಪರತೋ ಲೋಚನಯುಗಮ್ ।
ಸಮಾಕಾರ್ಷನ್ತ್ಯಾತ್ಮಾನಮಿವ ಬಹುಭಾರ್ಯಾಃ ಪ್ರಲುಭಿತಾ -
ಸ್ತತೋ ಧ್ಯಾತುಂ ಸ್ಥಾತುಂ ಕಥಮಪಿ ನ ಶಕ್ತಸ್ತವ ಪದಮ್ ॥ ೪೩॥

ಅಶಕ್ತೋಹಂ ಸ್ನಾತುಂ ಕ್ಷಣಮಪಿ ಜಪಂ ಕರ್ತುಮಪಿ ವೌ -
ದನಾಭಾವಾದೇವಾತಿಥಿಜನಸಪರ್ಯಾ ಚ ನ ಕೃತಾ ।
ಕುತೋ ಜ್ಞಾನಂ ಧ್ಯಾನಂ ತ್ವಕೃತಗುರುದೇವಸ್ಯ ಮಮ ಭೋ
ಭವೇದೇವೈಕಾಶಾ ವಸತಿ ತವ ಭಕ್ತಾತ್ವಜನಿತಾ ॥ ೪೪॥

ಅಮನ್ದೇ ಮನ್ದಾರದ್ರುಮಚರಸಮೀಪೇ ಮಣಿಮಯೇ
ಸುಖಾಸೀನಂ ಪೀಠೇ ಸುರವರಮುನೀನ್ದ್ರಾದಿವಿನುತಮ್ ।
ಸ್ವಹೃತ್ಪದ್ಮೇ ವಾಪಿ ಸ್ಥಿತಮನುದಿನಂ ತ್ವಾಂ ಭಜತಿ ಯಃ
ಸ ಚೇಹಾಮುಷ್ಮಿನ್ವಾ ಸಕಲಜನಪೂಜ್ಯಶ್ಚ ಭವತಿ ॥ ೪೫॥

ತೃಣಂ ಮೇರುಂ ಕುರ್ಯಾತ್ಸುರವರಗಿರಿಂ ವಾಪಿ ಚ ತೃಣಂ
ಭವತ್ಸಾಮರ್ಥ್ಯಂ ವಾಽಘಟಿತಘಟನಾಪ್ರೌಢಿಮತನೋ ॥

ಇದಂ ಜಾನೇ ತಸ್ಮೈ ಪುನರಪಿ ನ ಜಾನನ್ತಿ ಕವಯೋಽ -
ಽಪ್ಯಹೋ ಯುಷ್ಮನ್ಮಾಯಾ ಸಕಲಜನಮೋಹೋನ್ಮದಕರೀ ॥ ೪೬॥

ನಟೋ ಭೂಯೋ ವೇಷೈರ್ಬಹುವಿಧ ಇವಾಭಾತಿ ಸುಗುಣೋ
ಯಥೈಕೋ ವಾಕಾಶೋ ಘಟಮಠಗುಹಾಸ್ವನ್ತರಗತಃ ।
ಯಥೈಕಂ ಗಾಙ್ಗೇಯಂ ಕಟಕಮುಕುಟಾಧ್ಯಾಕೃತಿವಶಾತ್ -
ತಥಾ ದತ್ತಾತ್ರೇಯ ತ್ವಮಪಿ ಬಹುರೂಪಸ್ತ್ರಿಭುವನಮ್ ॥ ೪೭॥

ಸಹಸ್ತ್ರಾಂಶುಪ್ರಾಭೇ ಸುರತರುಸಮಾಢ್ಯೇಧಿಕತರೇ
ವಿಮಾನೇ ಹಂಸಾಖ್ಯೇ ಸ್ಥಿತಮಮೃತನೀಹಾರವಪುಷಮ್ ।
ಪರೀತಂ ತ್ವಾಂ ಧ್ಯಾಯೇದ್ಯದರಜಸಮಾರೂಢಮನಿಲೈಃ
ಅಶೇಷೈರಾಜ್ಞಾಯಾಂ ಭವತಿ ಖಚರೋ ವ್ಯೋಮಗಮನೈಃ ॥ ೪೮॥

ಸ್ಥಿತಂ ಮೂಲಾಧಾರೇ ಕನಕರುಚಿರಾಙ್ಗಂ ಹುತಭುಜಃ
ಶಿಖಾಭಿಃ ಪ್ರಖ್ಯಾಭಿರ್ವೃತಮಖಿಲತೇಜೋರಸಘಟಮ್ ।
ಧರನ್ತಂ ಭ್ರೂಮಧ್ಯೇ ಪ್ರಸೃತನಯನಃ ಪಶ್ಯತಿ ಚ ಯಃ
ಪರಂ ತ್ವಾಂ ಸತ್ಯಂ ಸ್ಯಾದಖಿಲರಸವಿದ್ಯಾತಿನಿಪುಣಃ ॥ ೪೯॥

ಶಿರಃಪ್ರಾನ್ತಭ್ರಾನ್ತಾಯತಕುಟಿಲಬಾಲಾರ್ಕಮತುಲಂ
ಪ್ರದೀಪ್ತಸ್ವರ್ಣಾಢ್ಯಾರುಣಶತಲಸತ್ಕುಣ್ಡಲಧರಮ್ ।
ಮರುತ್ಪುತ್ರಂ ಲಙ್ಕಾಧಿಪತನುಜನಾಶೋದ್ಯತಕರಂ
ಸ್ಮರೇದ್ಯಸ್ತ್ವಾಂ ಯನ್ತಾತ್ಸಕಲಭಯಭೂತಾಪಹರಣೇ ॥ ೫೦॥

ಗರುತ್ಮನ್ತಂ ಚಞ್ಚಚ್ಚಲಕನಕಪಕ್ಷದ್ವಯಯುತಂ
ಸುಧಾಕುಮ್ಭೋದ್ಭಾಸ್ವತ್ಕರಮಖಿಲಲೋಕಾಭಿಗಮನಮ್ ।
ಅಚಿನ್ತ್ಯಂ ವೇದೈಸ್ತ್ವಾಂ ಪರಮಮುನಿನಾಥಂ ಸ್ಮರತಿ ಯಃ
ಸ ದಕ್ಷೋಽಸೌ ವಾದೀ ಕಪಟವಿಷಜನ್ತುಪ್ರಹರಣೇ ॥ ೫೧॥

ಸ್ಮೃತಿಂ ನನ್ದನ್ತಂ ಯೋ ಮನುಜಮುಪತಿಷ್ಠನ್ತ್ಯತಿಬಲಾತ್
ಕೃತಾಶಾಮಿಥ್ಯಾದ್ಯಾತ್ಪ್ರಣತಜನಮನ್ದಾರ ಭವತಾ ।
ಅದತ್ತೇ ದತ್ತತ್ವಾದಮಲತರಚಿದ್ಗಭ್ಯವಿಭವಾಃ
ಸದಾ ದತ್ತಾತ್ರೇಯೋ ಭಜಸಿ ಭಜತಾಮಿಷ್ಟಫಲದಃ ॥ ೫೨॥

ವಿಧಿಂ ವಿಷ್ಣುಂ ಮಾಯಾಂ ಶೃಣಿಮದನಯೋನಿಂ ದಿನಕರಂ
ಮಿಲಿತ್ವಾನಙ್ಗೇನಾನಲಯುವತಿಯುಕ್ತಾಂ ಜಪತಿ ಯಃ ।
ತ್ವದಾಖ್ಯಾಮಾಖ್ಯೇಯಾಂ ನಿಖಿಲನಿಗಮಾಢ್ಯಾಮಖಿಲದಾಂ
ಸ ಸ್ಮ್ಪದ್ಭಿರ್ದೇವಾಧಿಪವಿಭವಯುಕ್ತೋ ವಿಹರತಿ ॥ ೫೩॥

ಪರಾಮಾಯಾವಾಣೀಮದನಕಮಲಾಬೀಜಸಹಿತಂ
ಮನುಂ ಪ್ರತ್ಯೇಕಂ ತೇ ಜಪತಿ ಸತತಂ ನಿಶ್ಚಲಧಿಯಾ ।
ತತೋಽಭ್ಯೇತ್ಯೈಶ್ವರ್ಯಶ್ರುತಸಕಲವಿದ್ಯಾನಿಪುಣತಾಂ
ವಶಿತ್ವಂ ಬ್ರಹ್ಮೈಕ್ಯಂ ಸಪದಿ ಯದಿ ಯಾಯಾತ್ಪರಮುನೇ ॥ ೫೪॥

ಅವಿಜ್ಞಾತಂ ಕಿಞ್ಚಿತ್ತವ ಜಗತಿ ನಾಸ್ತಿ ಪ್ರಭವಿತುಃ
ತದಾವಿಜ್ಞಾತೋಽಹಂ ಯದಪಿ ಸಕಲಜ್ಞೇನ ಭವತಾ ।
ಅದೃಷ್ಟಂ ಮನ್ಯೇಽಹಂ ಪ್ರತಿಭಟಮವಿಜ್ಞಾನಕರಣೇ
ಮುನೇ ದತ್ತಾತ್ರೇಯ ಪ್ರಕುರು ಮಯಿ ಕಾರುಣ್ಯಮತುಲಮ್ ॥ ೫೫॥

ಭವತ್ಪಾದಾಮ್ಭೋಜದ್ವಯ ಶುಭರಸಾಸ್ವಾದ ಚತುರ -
ಭ್ರಮದ್ಭೃಙ್ಗೀಸಙ್ಘಾಯಿತ ಹೃದಯ ವೃತ್ತಿಂ ಕಲಯಮಾಮ್ ।
ಅನಾಧಾರಾಧಾರಾಶ್ರಿತಸುರತರೋ ತಾವಕಜನೇ
ಮುನೇ ಕಾರುಣ್ಯಾಬ್ಧೇ ಪ್ರಕುರುಮಯಿ ಸಮ್ಪತ್ಪ್ರಕಟನಮ್ ॥ ೫೬॥

ವದನ್ತ್ಯೇಕೇಽಪಾರ್ಥಾಂ ತವ ಗತಿಮನೇಕಾರ್ಥ ಕರಿಣೀ
ಅಜಾನನ್ತೋಜ್ಞೇಽಯಾಮನಧಿಗತ ತತ್ತ್ವಾರ್ಥ ಮತಯಃ ।
ಮಹಾಯೋಗಿಂ ಲ್ಲೋಕೇ ಜಡಮತಿಕೃತೇ ತ್ವಂ ಧೃತವಪುಃ
ತಥಾ ನೋಚೇಭ್ದಕ್ತ ಸ್ವಜನ ಪರಿರಕ್ಷಾ ಕಥಮಹೋ ॥ ೫೭॥

ಸ್ಮೃತಸ್ತ್ವಚ್ಛಿಷ್ಯೋ ವಾ ಜಗತಿ ಕೃತವೀರ್ಯಸ್ಯ ತನಯೋ -
ಽರ್ಜುನೋ ರಾಜಾ ಚೋರಾದ್ಭಯಮಹಿಭಯಂ ವೃಶ್ಚಿಕಭಯಮ್ ।
ಹಿನಸ್ತ್ಯಾಜೌ ಶತ್ರೂದಿತಮಪಿ ಭಯಂ ಚೇತಿ ಗದಿತಂ
ಭವೇಯುಸ್ತ್ವಚ್ಛಿಷ್ಯಾಃ ಕಿಮುತಹೃತ ಚೋರಾದಿಕ ಭಯಾಃ ॥ ೫೮॥

ಪದಾನಾಂ ಸೇವ್ಯೋ ವಾ ನ ಭವಸಿ ಯದಾಽಕಿಞ್ಚನ ನೃಣಾಂ
ಪ್ರಿಯಃ ಸಾಧೂನಾಂ ತ್ವಂ ತವ ಚ ಸುಹೃದಸ್ತೇಽಪಿ ಸುಜನಾಃ ।
ಮಯಿತ್ವಾರ್ತೇ ದೀನೇ ಜನನಮರಣಾದ್ಯೈಃ ಕುರುದಯಾಂ
ದಯಾವಾನ್ಕೋ ವಾ ಮೇ ಭ್ರಮನಿಗಡನಿರ್ಮೋಚನವಿಧೌ ॥ ೫೯॥

ಯಥಾ ಮಾತಾ ಪುತ್ರಂ ಸಕಲಗುಣಹೀನಂ ಚ ಕುಟಿಲಂ
ಪ್ರಪುಷ್ಣಾತ್ಯನ್ನಾದ್ಯೈರನುದಿನಮತೀವಾದರಯುತಾ ।
ತಥಾ ತ್ವಂ ಲೋಕಾನಾಂ ಮಮ ಚ ಪಿತರಾವಿತ್ಯಭಿಮತಂ
ತತಸ್ತ್ರಾತುಂ ದಾತುಂ ಫಲಮಭಿಮತಂ ಚಾರ್ಹಸಿ ವಿಭೋ ॥ ೬೦॥

ಜಡಂ ವಾಚಾಧೀಶಂ ಸುಧಿಯಮಪಿ ಮೂಇಕಂ ಚ ಕುರುಷೇ
ರವೇರ್ವಾ ಶೀತತ್ವಂ ಯದಿ ಚ ಕುರುಪೇ ದೃಷ್ಟಿವಸತೇಃ ।
ಅಕರ್ತುಂ ಕರ್ತುಂ ವಾಽನ್ಯದಪಿ ಪರಿಕರ್ತುಂ ಚ ಮನುಷೇ
ತದಾ ಸರ್ವಂ ಕುರ್ಯಾಃ ಕ್ವಚನ ಕಿಮಸಾಧ್ಯಂ ತ್ರಿಭುವನೇ ॥ ೬೧॥

ಪುಮಾನ್ಯೋ ವೈ ಯುಷ್ಮಚ್ಚರಣಪರಿಚರ್ಯಾಕೃತಿಪರಃ
ಮಹಾಲಾಪಾಸ್ಥಾನಾಶನಶಯನಪಾನಾನಿ ಕುರುತೇ ।
ಸವೈ ಧನ್ಯೋ ಲೋಕೇ ಸಕಲಜಗದಾರಾಧ್ಯಗರಿಮಾ
ಅಹೋ ಭಾಗ್ಯಂ ತಸ್ಯಾಗಣಿತಯಶಸಃ ಕೋಽಪಿ ನ ಭಜೇತ್ ॥ ೬೨॥

ಪ್ರಸಾದಾತ್ತೇ ಯಸ್ಮಿನ್ಪ್ರಬಲತರದಾರಿದ್ರ್ಯವಿಭವಃ
ಸ ಯಾಯಾದಿನ್ದ್ರತ್ವಂ ಸಕಲ ಸುರನಾರೀಪರಿವೃತಃ ।
ತವೋಪೇಕ್ಷಾ ಯಸ್ಮಿನ್ಭವತಿ ಸ ಸುರಾಣಾಮಧಿಪತಿಃ
ಪರತ್ರಹ್ಯತ್ಯನ್ತಂ ಪ್ರವಿಹತಮಹೈಶ್ಚರ್ಯವಿಭವಃ ॥ ೬೩॥

ಸದಾ ಮನ್ತ್ರೈರ್ಜಾಪ್ಯಃ ಪುನರಪಿ ಮನೂನೇವ ಜಪಸಿ
ಸ್ವಯಂ ತನ್ತ್ರಧ್ಯೇಯೋ ಯದಪಿ ಕುರುತೇ ತನ್ತ್ರನಿಚಯಮ್ ।
ಸದಾ ಬ್ರಹ್ಮಾನನ್ದಾಮೃತಜಲಧಿಕೇಲೀಕಲಿತಧೀಃ
ಸ ಭೂತೇರ್ಭೂಯಸ್ಯಾ ಭವತು ಭಗವನ್ನಃ ಕುರುದಯಾಮ್ ॥ ೬೪॥

ತರೀಯಾಗ್ನಿಶ್ವೇತದ್ಯುತಿದಿನಕೃದರ್ಕೈರ್ಮುನಿಪತೇಃ
ಮಹಾವಿದ್ಯಾಖಣ್ಡೈಃ ಪರಿಯುತಮಹಾನುಷ್ಟುಭಮನೋಃ ।
ಚತುರ್ಭಿಶ್ಚಕ್ರಾಬ್ಜಾಽಡ್ಕುಶಗುಣಧರಂ ಸಾಮಿಯುವತಿಂ
ನೃಸಿಂಹಂ ತ್ವದ್ರೂಪಂ ಭವತಿ ಸಪುಮರ್ಥೈಕ ನಿಲಯಃ ॥ ೬೫॥

ಮುನೇ ತೇ ಮಾಣಿಕ್ಯಪ್ರವರಖಚಿತೇ ಹೇಮಮುಕುಟೇ
ಪುರಾಕಲ್ಪಧ್ವಂಸೇ ಪರಿಕಲಿತಸೂರ್ಯಾಪರರುಚಃ ।
ವಸನ್ತ್ಯಸ್ಮಿನ್ನೂನಂ ನಹಿ ಯದಿ ತದಾ ಭೂತಮುನಯೋ
ನ ವಿದ್ಯನ್ತೇ ಲೋಕಾಃ ಪ್ರಖರತಿಮಿರಾನ್ತೈಕಚತುರಾಃ ॥ ೬೬॥

ಅಹೋ ಯೋಗಿನ್ನಾನಾಮಣಿಖಚಿತಭಾವತ್ಕಮಕುಟಃ
ಶಿಖಾಗ್ರಾಲಮ್ಬಿನ್ಯಾಸ್ತ್ರಿಕ ತಲಮಸೌ ರತ್ನಶಿಖರಾತ್ ।
ಮಹೋಮೇರೋರ್ಲೀಲಾಂ ಕಲಯತಿ ಸದಾ ಯಾಮಕಲಿತಾಂ
ಶರತ್ಸೌದಾಮಿನ್ಯಾಃ ಕಟಕವರತೇಜೋಮಯತನೋಃ ॥ ೬೭॥

ಸುವಿಜ್ಞಾತಂ ಲೋಕೈರನವಧಿಸದಾದೇಶನಪರೈಃ
ಸುಧಾಭಾನೋಃ ಖಣ್ಡಂ ತವ ನಿಬಿಡಭಾವಾನ್ಧಕರಣಮ್ ।
ದ್ವಿತೀಯಂ ಸೋಮೇನ್ದುಸ್ಫುಟಮುಕುಟತಃ ಕಾನ್ತಮನಘಂ
ಮಹಾಮೂರ್ತಿಜ್ಯೋತ್ಸ್ನಾ ಹರತಿ ನತದಾರಿದ್ರ್ಯತಿಮಿರಮ್ ॥ ೬೮॥

ಧೃತಂ ಪುಣ್ಡ್ರಂ ಮಾತ್ರಾತ್ರಿತಯರುಚಿರಂ ಸಾಕ್ಷರಮಿದಂ
ಸಹಸ್ರಾರೇ ಹಂಸಃ ಸ್ಥಿತಪರಮಹಂಸಾಜಿಗಮಿಷೋಃ ।
ವಹನ್ತೀ ಪಾದಾಬ್ಜದ್ವಯಸರಲಲಾಕ್ಷಾರಸಪದಂ
ಪರಾಶಕ್ತೇಶ್ಚನ್ದ್ರೋಪಲರಚಿತಸೋಪಾನಪದವೀ ॥ ೬೯॥

ಶ್ರಯೇತೇ ಹೈಮನ್ತೇ ತರುವಿಮಲಪತ್ರೇ ಮಧುಕರೌ
ಶುಭಂ ಗರ್ಭಾಮ್ಭೋಜೇ ಸ್ಥಿತಮಿತಿ ಸುಚಿತ್ರಂ ಶಮನಿಧೇ ।
ಕಠೋರೇನ್ದುಪ್ರಾಂಶುಪ್ರವರನಿಕರೀಭೂತತಿಮಿರಂ
ಸುಧಾಮ್ಶುರ್ಭಾವತ್ಕೋ ಮುಕುಲಯತಿ ವಿದ್ಯುತ್ಕುವಲಯಮ್ ॥ ೭೦॥

ತಮೋಭಿರ್ಮೂಕಾಲೀಗೃಹಮಿದಮನುಜ್ಜೃಮ್ಭಿತಮಿತಿ
ತ್ವದೀಯೇ ನೇತ್ರಾಬ್ಜೇ ಕಮಲಸದನಾ ಜೃಮ್ಭಿತವತೀ ।
ಸದಾ ಸುಜ್ಞಾನೇನಾವಿಶತಿ ಸದಯಾಕ್ಷಿ ಪ್ರಸರತಿ
ಪ್ರಭೋ ಯಸ್ಮಿನ್ಸ್ಯಾತ್ತೇ ಧ್ರುವಮತಿಧನೋಽಯಂ ಮುನಿಪತೇ ॥ ೭೧॥

ಯದಾ ಯೋಗಿನ್ನೀಷದ್ವಲಿರವಿಲಸತ್ಕೋಽಪ್ಯಸದೃಶೋ -
ರುಪಾನ್ತೇ ನೀಲಾಲೀ ಉದರಯುಗಲೀ ಕಞ್ಜದಲಯೋಃ ।
ವರಂ ಕಾರಾಯೇತೇ ಕನಕಮಕರೀಕುಣ್ಡಲಯುಗೇ
ಕಟಾಕ್ಷೌ ಚಾಮ್ಪೇಯಸ್ತಬಕವಿಚರನ್ತಾವಿವ ವರೌ ॥ ೭೨॥

ತ್ರಯೀವಿದ್ಯಾರೂಪಸ್ತ್ರಿತನುರಹಿಮಾಂಶುಃ ಪ್ರತಿದಿನಂ
ಶ್ರುತೀ ಭಾವತ್ಕೇಚಿದ್ವಿವಿಧಮಕರೀಕುಣ್ಡಲಪದೇ ।
ಮಿಲಿತ್ವಾತ್ಮಾಯಂ ತೇ ಘನತರಮುಪಾಧಿದ್ವಯಮಿತಿ
ವ್ಯನಕ್ತಿ ಶ್ರೀಕಾರಂ ನಿಖಿಲಜಗದೂದ್ದೀಪಕಮುನೇ ॥ ೭೩॥

ಕಪೋಲೌ ಯೌಷ್ಮಾಕೌ ಸ್ಫುಟಮುಕುರಬಿಮ್ಬಪ್ರತಿಭಟೌ
ಭೃಶಂ ಸಙ್ಘರ್ಷಿತ್ವಾತ್ಪ್ರತಿದಿನಸಮಾರೋಪಿತರೂಚೌ ।
ನಿಜಾಕಾನ್ತಿರ್ನಿತ್ಯಾ ಕನಕನಿಕಷೋಽತ್ಯನ್ತಮಹಿಮಾ
ತ್ವದೀಯಾ ನೀಚೈವ ಪ್ರಚುರತರಕಾನ್ತಿಸ್ತವಮುನೇ ॥ ೭೪॥

ಮುಖೇನ್ದುಂ ದೃಷ್ಟ್ವಾ ತೇ ಯದಿ ವಿಶತಿ ರಾಹುಂ ಪ್ರತಿ
ಭಯಾಚ್ಛಶೀ ವಕ್ತ್ರಂ ಪ್ರಾಪ್ಯದ್ವಿಗುಣಿತಕಲಾನಾಂ ನಿಧಿರಭೂತ್ ।
ದ್ವಿಜಾನಾಂ ರಾಜ್ಯತ್ವಂ ಪ್ರಕಟಿತಮತೋ ದತ್ತಶರಣಂ
ಬಲೇನಾಹೋ ಸ್ವಾಮಿನ್ ಕಥಮಪಿ ಚ ಲಭ್ಯೋ ಹಿ ಮಹಿಮಾ ॥ ೭೫॥

ತವಾಯಂ ಬಿಮ್ಬೋಷ್ಠಶ್ಚಿಬುಕಸಹಿತೋ ವಿದ್ರುಮಲತಾ
ಸಮಾಕ್ಷಿಪ್ತಾ ತಿರ್ಯಗ್ಯದಿ ಬಹುಪದಂ ಸ್ಯಾತ್ಫಲಯುಗಮ್ ।
ವ್ರಜೇ ತತ್ಸಾಮ್ಯಂ ತನ್ನಿಹಿತಮುತ ವಾ ಪಲ್ಲವಪದಂ
ಯದಿ ಸ್ಯಾತ್ತೇ ನಾಲಂ ತುಲಯಿತುಮಹೋ ಸಂಯಮಿಪತೇ ॥ ೭೬॥

ಭವದ್ವಾಣೀಶ್ರೇಣೀಂ ಶ್ರವಣಪುಟಸೌಖ್ಯಪ್ರಕರಣೀಂ
ವಿಜೇತುಂ ವಾಕ್ ಶ್ರುತ್ವಾ ಸ್ವಯಮುತ ವಿದಿತ್ವಾಽಹಮಿತಿ ಭಾಕ್ ।
ಅಶಕ್ತಾ ತೇಽತ್ಯನ್ತಂ ಫಣಿಲಲಿತಜಿಹ್ವಾಗ್ರಮಿಷತಃ
ಪ್ರವಿಷ್ಟಾ ವಕ್ತ್ರಾನ್ತಂ ಸಿತಮಣಿಲಸದ್ವಿದ್ರುಮಗೃಹಮ್ ॥ ೭೭॥

ತವಾವೃತ್ತಾ ರೇಖಾತ್ರಯವಿಲಸಿತಾ ಕಮ್ಬುರಭವತ್ -
ಚ್ಛಿರಾಣಾಮಾಧಾರಃ ಕಥಮಭವದೇತನ್ನ ಯದಿ ಚೇತ್ ।
ಅಥೇಮಾಮೂಹೇಽಹಂ ತ್ವಿತಿ ಕವಿಹರಾದ್ಯಾಕೃತಿಧರಾಂ
ತಥಾ ನೋ ಚೇದ್ವೇದತ್ರಿತಯಕಲಿತಾಂ ವಾಪಿ ಗಣಯೇ ॥ ೭೮॥

ಮಹಾನನ್ತಶ್ಚಾಸೀದ್ವಿಷಧರವರೋ ವಾಸುಕಿರಸೌ
ನಿಬರ್ಹನ್ತೌ ಮರ್ತ್ಯಾಧಿಕಭಯಕರತ್ವಂ ಗಣಯತಾಮ್ ।
ಭುಜಾಕಾರೌ ಸ್ವೀಯೌ ತವ ತು ಭುಜಸತ್ತ್ವಂ ವಿದಧತಾಂ
ಮುನೇ ಭೂತೌ ಸ್ನಿಗ್ಧೌ ಸಪದಿ ವರದೌ ಚಾಭಯಕರೌ ॥ ೭೯॥

ಮುನೇ ಗಽಡ್ಗಾಸ್ರೋತೋಽಮರವರಗಿರಿಪ್ರಸ್ಥಫಲಕೇ
ಪ್ರಸಾದೇ ಸ್ವರ್ಣಾಢ್ಯಂ ಪ್ರಭವದಭವದ್ಭಾಗಲುಲಿತಮ್ ।
ತ್ರಿಸೂತ್ರಂ ಸುಸ್ನಿಗ್ಧಂ ಧವಲಮುಪವೀತಂ ಕಲಯತೇ
ಮಹಾಯೋಗಿನ್ಮೂರ್ತಿತ್ರಯಮಪಿ ವಿಲೀನಂ ತದಭವಾ ॥ ೮೦॥

ಪ್ರಸಿದ್ಧಃ ಸ್ವರ್ಣಾದ್ರಿರ್ದಿವಿ ವಿಬುಧವಾಚಾವಿತರಣಾತ್ -
ಪ್ರಶಸ್ತೌ ತೇ ಹಸ್ತಾಬಖಿಲ ಪುರುಷಾರ್ಥ ಪ್ರಕರಣಾತ್ ।
ಜನಾನಾಂ ಪಾದಾಬ್ಜದ್ವಿತಯಮಧಿಕಂ ಪ್ರೇಮ ಭಜತಾಂ
ಮುನೀನ್ದ್ರ ತ್ರೈಲೋಕ್ಯದ್ಭುತಗಣಮಣಿಕ್ಷೀರಜಲಧೇ ॥ ೮೧॥

ಇಯಂ ರೋಮ್ಣಾಂ ರಾಜಿರ್ವಿಲಸತಿ ಮಹಾನಾಭಿಸರಸಃ
ಪ್ರವೃತ್ತಾ ಕುಲ್ಯೇವ ಪ್ರತಿಪತಿತಭಽಡ್ಗ್ಯಸ್ತ್ರಿವಲಯಃ ।
ನವಾಲೇಖಾಲೋಕತ್ರಯವಿಭಜನಾರ್ಥೇ ವಿರಚಿತಾ
ಮುನೇ ದತ್ತಾತ್ರೇಯ ತ್ವದುದರವಿಲಗ್ನಾ ವಿಲಸಿತಾಃ ॥ ೮೨॥

ಧ್ರುವಂ ಶಮ್ಪಾ ಮೌಜ್ಜೀತ್ರಿತಯವಲಿರೇಖಾವರತನೋ
ರುರುಕ್ಷೋಃ ಪ್ರಾಸಾದಂ ಖಶಯ ಹೃದಯಾಖ್ಯಂ ತವ ಹರೇ ।
ಮಹಾಲಕ್ಷ್ಮ್ಯಾಶ್ಚಞ್ಚತ್ಕನಕಮಯಸೋಪಾನಪದವೀ
ನ ಚೇನ್ನಾಭೀಕುಣ್ಡೋಪರಿ ಚಿದುಪಲಬ್ಧಾ ಸುಪರಿಖಾ ॥ ೮೩॥

ಪ್ರವೃತ್ತಾವೂರೂ ತೇ ಲಸದುದರಲೋಕವ್ರಜಧೃತೇಃ
ಧೃತೌ ತಾವದೀನ್ದ್ರಸ್ಫುಟಪಟುಕಟೌ ಸಮ್ಪ್ರಕಟಿತೌ ।
ಕಟೌ ವಿಸ್ತಾರೌ ಯತ್ಕಟಕಫಲಕೌ ತಾವಿವ ಮುನೇ
ಮಹಾಯೋಗಿನ್ವಿಶ್ವಮ್ಭರ ಇತಿ ಚ ನೂನಂ ತ್ವಮಧಿಸೂಃ ॥ ೮೪॥

ಕೃಪಾಲೋ ವಿಶ್ವೇಶ ತ್ರಿಭುವನತಲೇ ತೇ ಪ್ರಮಿತಿತೋ
ದಿವಾರಾತ್ರೌ ಸ್ಥಾನಂ ಮಿಲತಿ ವಪುಷೋ ಜಾನುಯುಗಲಮ್ ।
ಅಭಕ್ತಾನಿತ್ಯೇತತ್ಕಥಿತಮಭಿಯುಕ್ತೌಃ ಸಮತನೋಃ
ಪ್ರಪುಷ್ಟಂ ತ್ವಂ ಸಮ್ಪ್ರತ್ಯಪಿ ತ್ವದಿದಮರ್ಥಂ ಹಿ ಸುದೃಢಮ್ ॥ ೮೫॥

ಜಗನ್ಮೂಲಂ ಸ್ರಷ್ಟಾ ಸಕಲಜಗತಾಂ ಸರ್ಗಕುಶಲೋ
ಭವಜ್ಜಡ್ಘೇ ಲಕ್ಷ್ಮೀಕೃದಸಮಶರಸ್ಯ ಪ್ರಕುರುತೇ ।
ಪ್ರಕೃಷ್ಟೇ ತೇ ವೀಕ್ಷ್ಯ ಭ್ರಮವದವಿಲಕ್ಷ್ಯೋಽಲ್ಪಗುಣವಾನ್
ಮುನೇ ತೇನಾನಽಡ್ಗಸ್ತವ ತು ವಿಮುಖೋ ಲಕ್ಷಣವತಃ ॥ ೮೬॥

ನರಾಣಾಂ ನಾನಾರ್ಥಪ್ರದರಸಗುಟಿತ್ವಂ ಚ ದಧತೌ
ಮುನೇ ಗುಲ್ಫೌ ಗೂಢೌ ತವ ಚರಣಪುಷ್ಟ್ಯಾ ಪ್ರಕಟಿತೌ ।
ಘಟಾವೃತ್ತೀ ನಾರ್ಯಾ ಇವ ಸಕಲಕೌ ವೃತ್ತರುಚಿರೌ
ವಿರಾಜೇತೇ ತೇಜೋನಿಕರಕಲಿತಾಯಾಃ ಸುವಪುಷಃ ॥ ೮೭॥

ಮದಾಧಾರಂ ಯುಷ್ಮತ್ಪ್ರಪದಮತಿಪೂಜ್ಯಂ ಸುರುಚಿರಂ
ಧ್ರುವಾತ್ಮಾನಂ ಮತ್ವಾ ಜಿತಮಿತಿ ಸದಾ ಕಚ್ಛಪಪತಿಃ ।
ವಿವೇಶಾಧೋ ಭೂಮೇರ್ಯದಿ ತದಿದಮೇಕಂ ಸ್ಮಯಕರಂ
ತ್ವಿದಾನೀಂ ತಜ್ಜಾತಿರ್ಮುಕುಲಿತಶಿರಾಶ್ಚಾಭವದಹೋ ॥ ೮೮॥

ಮಯಾ ದತ್ತಂ ಕಿಞ್ಚಿನ್ನ ಯದಿ ಕಲಿತಂ ವಾಸವಮಹಂ
ತದಾ ರೋಚಿರ್ಜಾತಂ ಜನನಮಪಿ ಪಙ್ಕಪ್ರಕಟಿತಮ್ ।
ಪ್ರವಿಶ್ಯೇತ್ಯಾಯೋಜ್ಯಂ ನ ಚಲತಿ ಹ ಯತ್ತತ್ಪದಧಿಯಾ
ಪದಂ ತೇ ತು ಶ್ರೀದಂ ಸಕಲಸಮಯೇ ಶ್ರೀನಿಲಯನಮ್ ॥ ೮೯॥

ಮುನೇ ತೇ ಪಾದಾಬ್ಜಂ ನವಮಮೃತಪಾದೋದ್ಭವಮಹೋ
ಶ್ರಿತಸ್ತತ್ ಸೋದರ್ಯಂ ಪಶುಪತಿಶಿರೋಬ್ಜಂ ಹಿಮಕರಃ ।
ನಿವೃತ್ತಂ ಸ್ವಸ್ಯಾಙ್ಕಂ ಭವತಿ ಭವದೇಕಾತ್ಮವಪುಷಃ
ಕಥಂ ಬ್ರಹ್ಮಾಗಾರೇ ಪರಮಪುರುಷಾ ನಾಙ್ಘ್ರಿಭಜನಾಃ ॥ ೯೦॥

ನ ಚಿತ್ರಂ ತೇ ಪಾದೌ ವಿತರತ ಇತಿ ಪ್ರಾರ್ಥಿತಫಲಂ
ವಿಧಿಂ ಶ್ರೀಶಂ ರಕ್ಷಾಕಲುಷವಿಪದಂ ದೃಶ್ಯಮತುಲಮ್ ।
ಸ್ಮರಾಮ್ತಶ್ರೀಗಙ್ಗಾಧರಚರಣಶಙ್ಖಾಮ್ಬುಜ -
ಸುರದ್ರುಮಾಂಶ್ಚ ತ್ವದ್ಭಾವಾನತಜನಸದಾನನ್ದಕಲನಾತ್ ॥ ೯೧॥

ತ್ರಿಖಣ್ಡೈಃ ಶ್ರೀವಿದ್ಯಾಮನುವರಭವೈರ್ಭಾವಕರಿಪೋ
ವಿವೃದ್ಧಸ್ತೇ ಮನ್ತ್ರೋ ವಿಷವದತಿ ಯೋ ಜ್ಯೋತಿರಮಲಮ್ ।
ಷಡರ್ಣಂ ಚನ್ದ್ರಾರ್ಕಪ್ರಕರರುಚಿ ತನ್ಮೇ ಪ್ರಭವತಾಂ
ಸದಾ ಜ್ಞಾನಾನನ್ದಂ ಯುವತಿನೃಮಯಂ ಲೋಚನಪದಮ್ ॥ ೯೨॥

ಸಮುನ್ಮೀಲದ್ಭಾನುಪ್ರಕರರುಚಿ ವಾಗ್ಬೀಜಮಮಲಂ
ಮರುತ್ವದ್ಗೋಪಾಭಾಂ ಮದನಲಿಪಿಮಾಧಾರಕಮಲೇ ।
ಹೃದಬ್ಜೇ ಶಕ್ತ್ಯಾಖ್ಯಂ ಸಿತಕರಕರಾಭಂ ಶಿರಸಿಜೇ
ಸರೋಜೇ ತ್ವಾಂ ಧ್ಯಾಯೇತ್ಸಕಲಪುರುಷಾರ್ಥಾನ್ ಸ ಲಭತೇ ॥ ೯೩॥

ಚಿದಂಶಸ್ತ್ವದೂಪಂ ಕಿಮಪಿ ಸವಿತುರ್ಮಣ್ಡಲಗತಂ
ವರೇಣ್ಯಂ ಭರ್ಗೋ ವೈ ತ್ರಿವಿಧತನುದೇವಸ್ಯ ವಪುಷಿ ।
ಮುನೇ ಧೀಮಹ್ಯಾಸೀರ್ಹರಿರಪಿ ಧಿಯೋ ಯೋ ನ
ಇತರತ್ಪ್ರಚೋದಾಯಾಸ್ತತ್ವಂ ಸ್ಥಿತಿಲಯಸೃಜಸ್ತ್ವಂ ಮುನಿಪತೇ ॥ ೯೪॥

ಹರಿತ್ತನ್ತುಪ್ರೋತಸದಸಿ ಶಿಖರೇ ಶುಭ್ರಕಪಟೋ
ಜಗನ್ಮೂಲಸ್ಥಾಣುಸ್ತ್ವಮಿತಿ ಶುಭಮಸ್ಪನ್ದಮುನಿಭಿಃ ।
ಝರೀಭಿಃ ಸ್ವರ್ಣಾಢ್ಯೈಃ ಪವನಹತವಾರ್ಬಿನ್ದುನಿಕರೈರ್ಜಟಾ -
ಸಕ್ತಾಬ್ಜಾಹೀರುಚಿರಮಭಿಷಿಕ್ತಃ ಸ್ಥಿತ ಇವ ॥ ೯೫॥

ದುರಾಚಾರೋ ಜಾರಶ್ಚಪಲಮತಿರಾಜಃ ಪರವಶಃ
ಪರದ್ರವ್ಯಾಕಾಂಕ್ಷೀ ಬಹುಜನವಿರೋಧೀ ಚ ಸತತಮ್ ।
ತಥಾ ಚಾಹಂ ಪೂತಸ್ತವ ಪದಯುಗಸ್ಪರ್ಶವಶತೋ ಹ್ಯಯಃ
ಖಣ್ಡಃ ಸ್ವರ್ಣಂ ಭವತಿ ಹಿ ಯದಾ ಸಿದ್ಧಸುರತಿಃ ॥ ೯೬॥

ಪರಿಕ್ರಾನ್ತಾ ದೇಶಾ ಬಹುತರಧನಸ್ಯಾರ್ಜನಧಿಯಾ
ಕುಲಾಚಾರಂ ಹಿತ್ವಾ ಕುಮತಿನೃಪಸೇವಾಪಿ ಚ ಕೃತಾ ।
ವಿಧಾಯಾಹಂ ಶ್ರಾನ್ತಃ ಕಿಮಪಿ ನ ಚ ತು ವಪುಷಾ
ಶ್ರಿತಂ ತ್ವತ್ಪಾದಾಬ್ಜಂ ಶ್ರಿತಮನುಜಮನ್ದಾರಮಧುನಾ ॥ ೯೭॥

ತ್ವದೀಯೋ ಮೇ ದೇಹಸ್ತ್ವಮಪಿ ಪಿತರೌ ಭ್ರಾತೃಸುಹೃ -
ದಸ್ತ್ವಮೇವ ಬ್ರಹ್ಮನ್ಮೇ ಸುತಹಿತಗೃಹಕ್ಷೇತ್ರನಿವಹಾಃ ।
ತ್ವಮೇವ ಪ್ರಾಣೋ ಮೇ ಧನಮಪಿ ಮಮ ತ್ವಂ ತವ ಪದಂ
ನ ಜಾನೇ ಮಯ್ಯೇವ ಸ್ಥಿತಮಪಿ ಮಹನ್ಮೇಯಮಧುನಾ ॥ ೯೮॥

ನಮಸ್ತೇ ತಾರಾಯಾಮೃತಜಲಧಿಧಾಮ್ನೇಽಧಿಮಹಸೇ
ನಮಸ್ತೇ ಬ್ರಹ್ಮಾದ್ಯೈಃ ಮುನಿಸುರವರರೈಃ ಕ್ಲೃಪ್ತಮಹಸೇ ।
ನಮಸ್ತುಭ್ಯಂ ನಾರಾಯಣಮುನಿವಿಲಾಸಾಯ ಭವತೇ
ಮನೂನಾಂ ಕೋಟೀನಾಮಚಲಗಣಿತಾನಾಂ ಚ ಪತಯೇ ॥ ೯೯॥

ನಮಸ್ತೇ ದೇವೈರಪ್ಯವಿದಿತಮಹಿಮ್ನೇಽತಿಯಶಸೇ
ನಮಸ್ತೇ ದಿಕ್ಪಾಲಪ್ರಕಟಮುಕುಟಾಲಙಕೃತಪದೇ ।
ನಮಸ್ತೇ ತೇಜಸ್ವಿನ್ನತಮನುಜಮನ್ದಾರವಪುಷೇ
ನಮೋ ದತ್ತಾತ್ರೇಯಾಕೃತಿಹರಿಹರಾಜಾಯ ಮಹತೇ ॥ ೧೦೦॥

ನಮಸ್ತೇ ಪಾಪೌಘಾಚಲವಿತತಿಸಂಹಾರಪವಯೇ
ನಮಸ್ತೇ ದಾರಿದ್ರ್ಯವ್ಯಥಿತಜನದೈವಾನ್ತವಿಧಯೇ ।
ನಮಸ್ತೇ ರೋಗಾರ್ತಾನತ ಮನುಜದಿವ್ಯೌಷಧಿದೃಅಶೇ
ನಮಸ್ತೇ ದೈವಂ ಮೇ ನಹಿ ಜಗತ್ಯಾಂ ತವ ಪದಮ್ ॥ ೧೦೧॥

ಅಸೌ ದತ್ತಾತ್ರೇಯಸ್ತುತಿಯುತಕೃತಿರ್ಜ್ಞಾನಲಹರೀ
ಸುಧಾಧಾರಾಪೂರಾಖಿಲನಿಗಮಸಾರಾನುಪಠತಾಮ್ ।
ಶ್ರುತಶ್ರೀವಿದ್ಯಾಯುರ್ವಿಭವಧನಧಾನ್ಯಾಮೃತಚಯಂ
ದದಾತ್ಯೇವಾತ್ಯನ್ತಂ ಜಯತಿ ಸಕಲಾಹ್ಲಾದಜನಿಕಾ ॥ ೧೦೨॥

ಇತಿ ದಲಾದನಮುನಿವಿರಚಿತಾ ಶ್ರೀದತ್ತಪದಪ್ರಾಪಿಕಾ
ಶ್ರೀದತ್ತಾತ್ರೇಯಜ್ಞಾನಲಹರಿಃ ಸಮ್ಪೂರ್ಣಾ ॥


Encoded and proofread by Madhavi Upadrasta mupadrasta at gmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Datta Lahari Lyrics in Kannada PDF
% File name : dattalahari.itx
% Category : lahari
% Location : doc\_deities\_misc
% Language : Sanskrit
% Subject : philosophy/hinduism/religion
% Transliterated by : Madhavi Upadrasta mupadrasta at gmail.com
% Proofread by : Madhavi Upadrasta mupadrasta at gmail.com
% Latest update : May 25, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website