% Text title : dattalahari % File name : dattalahari.itx % Category : lahari % Location : doc\_deities\_misc % Language : Sanskrit % Subject : philosophy/hinduism/religion % Transliterated by : Madhavi Upadrasta mupadrasta at gmail.com % Proofread by : Madhavi Upadrasta mupadrasta at gmail.com % Latest update : May 25, 2015 % Send corrections to : Sanskrit@cheerful.com % Site access : http://sanskritdocuments.org % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Dattalahari ..}## \itxtitle{.. dattalaharI ..}##\endtitles ## \section{.. dattalaharI ..} shrIgaNeshAya namaH dalAdana R^iShiruvAcha | vibhurnityAnandaH shrutigaNashirovedyamahimA yato janmAdyasya prabhavati sa mAyAguNavataH | sadAdhAraH satyo jayati puruShArthaikaphaladaH sadA dattAtreyo viharati mudA j~nAnalahariH || 1|| harIshabrAhmANaH padakamalapUjAM vidadhate jagadrakShAshikShAjananakaraNe te hyadhikR^itAH | abhUvannindrAdyA haridadhipatAM devamunayaH paraM tattvaM prApuH shashidinakarau jyotiramalam || 2|| paraM jyotirmUrte tava ruchiratejaH kalaravAj\- jagadhvyApyedAnIM tapanashashitArAhutabhujaH | mahAtejaHpu~njAH sakalajagadArAdhyacharitAsh\- charantyevaM lokAnnatajanamanobhIShTaphaladAH || 3|| bhavanmAyArUpaM jagadakhilajIvAtmakamidaM bhavadrUpaM prAhurnikhilanigamAntashrutichayAH | tvayA sR^iShTaM chAdau hR^itamavitametattadadhunA prabhAvaM te vettuM prabhavati janaH ko.avanitale || 4|| kR^ipAsindho tAvajjanurajananasthApyakathite jagadrakShAdIkShA bhavati khalu no chetkathamidam | anihasyA.akartustava jagati karmopakR^itaye pramANIkartuM vA svakR^itanigamArthAniti matiH || 5|| mahAvidyArUpe bhagavati nibaddhatvamuchitaM hR^idA vAchAgamye paramapi vimuhyanti kavayaH | avidyAtItaH kiM yadi guNavihInopi guNavAn\- avidyAyuktoyaM tviti vadati mAyAmuShitadhIH || 6|| bhavAnAdau yAdonaramR^igamukhashvAdikatanUr\- vidhatte lokAnAmavanakR^itihetoranuyugam | vishuddhastvaM lIlAnaravapuridAnImaTasi gAM pavitrIkartuM vA parijananivAsA~NgaNatalam || 7|| jagadrakShArthaM vA vicharasi jagatyAtmajanatA\- paritrANAyAdyaH paramapuruSho.agamyacharitaH | mR^iShAloko loko vadati manujatvaM tadadhunA yayA shrIkR^iShNatvaM yadavabruvate mUDhamatayaH || 8|| mahAyogAdhIshairaviditamahAyogachaturaM kathaM jAnanti tvAM kuTilamatayo mAdhshajanAH | tathApi tvAM jane tava padayugAmbhojabhajanAnna chettvatpAdA smR^itiviShayavANI kathamabhUt || 9|| apAre saMsAre sutahitakalatrAdibharaNA \- dyupAdhau mannAstattaraNakaraNopAyarahitAH | patanti tvatpAdAmbujayugalasevAsu vimukhA narAH pApAtmAnaH pravaranarake shokanilaye || 10|| sudhAsindhau dvIpe kanakalatike kalpakavane vitAnairmuktADhyairnavamaNimaye maNDapavare | asheShairmANikyaiH khachitaharipIThe.an kuhare hutAshAre dhyAyettava paramamUrtiM nikhiladAm || 11|| dharAdhArAdhAre hutavahapuredhIshagaNapaM vidhiM shrIsheShau vAnalapavanavyomAni hR^idaye | yutau jIvAtmAnAvadhikamavamatyA pravishate vidhatte jAyAtvaM parakalitavAmena vapuShA || 12|| sahastrAre nIreruhi sakalashItAMshulalite sahase haMsaM yaH sphuTamapi bhavantaM kalayate | suShumnAvartinyAM tava charaNapIThendusudhayA \- pluto bhittvA granthitrayamamR^itarUpo vicharati || 13|| tavAdhAre shaktisthitakamalakarmAdyabhivR^ite mahApIThe vaishvAnarapuramarudgehanilaye | dharAvyomAkalpe suramunimahendrAdyabhinutaM mahAtejorAshiM nigamanilayaM naumi hR^idaye || 14|| bhavatpAdAmbhojaM bhavajaladhipotaM bhajati yo mahAsaMsArAbdhiM tanaNitaratItyeva nigamaH | ihAmutra trAtuM tava charaNamevAtmasharaNaM bhavedghIro vAha~NkR^itiparamanaskoyamadhunA || 15|| yathA dAruShvagnirnivasati tathA dehanikare pravishya tvaM chaiko bahuvidha ivAbhAsi ti tathA | chalannIre chandraH shatavidha ivAbhAti guNato na chaitachchandre syAnna shatavidhatA nApi chapalam || 16|| daridro vA mUDhaH kaThinahR^idayo vApi bhavatAM dayApAtraM syAchchyedbhajati mahatAmapyadhikatAm | na vidyA rUpaM vA na kulamapi vA kAraNamabhUn \- mahattve sevaikA tava padayugAmbhojakalanA || 17|| na te kAruNyaM syAtsakalaguNavAnapyaguNavAn bhavatkAruNyaM syAdaguNagaNapo voruguNavAn | yathA patyau rakte yadapi cha virakte cha yuvatau vR^ithA saundaryaM syAtsakalamapi te.anugrahavashAt || 18|| anAthe dIne mayyadhigatabhavatpAdasharaNe sharaNyabrahmaNyaprathitaguNasindho kuru dayAm | mahAtejovArdhe svasukR^itamahimnaiva satataM purA puNyairhInaM puruShamupakurvanti kR^itinaH || 19|| mahAshvetadvIpe.amarutarugaNAtyantaruchire maNeH pIThAmbhoje.analashashikhagAntarnivasitam | gadAchakrAjAsiprasR^itakarapadmaM muraripuM sa dhanyastvAM dhyAyetparatarachidAnandavapuSham || 20|| lasanmeroH shR^i~Nge suramaNimaye kalpakataru \- prakIrNe vAkpIThe ravishashi~NkarAkIrNajalaje sthitaM vAchAdhIshairnutamanudinaM tvAM bhajati yo bhavedvANIshAnAmapi gururajeyo.avanitale || 21|| samudyadbAlArkAyutanibhasharIraM munivaraM sthitaM bIje mAre tridashapatigopAtiruchire | hR^idi tvAM yaH pashyan sukhakaramiti dhyAyati sadA sa evAhaM nUnaM sa bhavati jaganmohanakaraH || 22|| nidhirvishveShAM tvaM nijacharaNapadmadvayavatAM sharaNyashchArkAnAM chakitahR^idayAnAmabhayadaH | vareNyaH sAdhUnAM varada iti vA kAmitadhiyAM bhavatsevA jantoH suratarusamAnA na phalati || 23|| yathA vai pA~nchAlI naTati kuhakechChAnusharaNaM kulAlena bhrAntaM bhramati cha sakR^ichChakramanisham | tathA vishvaM sarvaM viyati manavashchAnuguNitAH svatantraH ko vAste vada parasureshastribhuvane || 24|| tvayAj~napto dhAtA sR^ijati jagadIsho.api harate hariH puShNAtIdaM tapati tapano yAti pavanaH | dharAM sAdridvIpAM vahati bhujagAnAmadhipatiH surAH sarve yuShmadbhayaparavashAdbibhrati balim || 25|| svayaM mukteH pUrvaM svakR^itasukR^itaM mAM nayati chet bhavAsatvaM kA vA tava charaNapa~NkeruharatiH | haretpApaudhaM naH shubhamapi dadAtIti cha sadA bhavantyAshAbaddhvAH sakalamapi dhAturvashamaho || 26|| pradhAnaM vA karma sthitivilayasargelamiti chet jaDatvAtkShINatvAtkathamuchitametannigaditum | tayorIsho.anIshe bhavati jagadutpattivilayA \- vanAnyAsan brahmAstviti vadati shAstraM shrutirapi || 27|| bhavatsevA jantorbhavadavahutAshAmbudanibhA mahAmohadhvAntapratihatamaterdIpakalikA | sudhAvarShiNyeShA vihitamanasAM nirmalanR^iNA \- mupAdhyAye brahmapravachanavidhAne.atichaturA || 28|| avaj~nAyai loke bahuparichitiH prAkR^itamatiH nirasyApo gA~NgAH prasarati yathA nAlpataTinIm | vishuddhyarthaM tattvaM sakalapuruShArthaikaphaladaM bhavantaM hitvAnyaM bhajati gurumAshAparavashaH || 29|| nimIlyAkShidvandvaM nigamanirato nishchalamanAH prakAshantaM dR^iShTyA tribhuvanamudaM j~nAnaparayA | lalATedhomukhyA rasajanitadivyA~njanadharaM smaredyastvAM yogI bhavati nidhisiddheradhipatiH || 30|| mahAmAyAmantrAkSharakamalapadmAsanayutaM mahAnIlachChAyaM madhumuditayoginyabhivR^itam | dadhAnaM sadbodhAsitakanakagokShIratilakaM mune yastvAM pashyedbhavati sakalAdR^ishyakatanuH || 31|| sudhAdhAre hetau sakalajagatAM svarNakalite sitAmbhoje tejodhikatapanabimbhe shrutitanau | maNiprote pIThe nikhilasuravR^indaiH parivR^ite sthitaM tvAmArogyaM smarati hR^idi tasyAmR^itamayam || 32|| paratrAdAtA chedbhavati na dadAtyaihikasukhaM dadAtyetatsaukhyaM na vitarati chAmuShmikasukham | bhavatsevA jantoriha parasukhaprAbhayakarI surANAmanyeShAmanusharaNamAtmaivamakarot || 33|| jaTI valkI kkApi kkachidapi subhUShAmbarabhR^itI kkachidbhUtyAliptaH kkachidapi sugandhA~NkitatanuH | kkachidyogI bhogI kkachidapi virAgI viharase bahuj~nAnI j~nAtuM tava gatimashaktAshcha munayaH || 34|| vishuddhaM chaitanyaM kkachana jaDavatkkApi sakalA \- gamaj~no.apyaj~nasyAdviharasi kadAchidbahuvidhaH | R^iShibhyastvaM tattvaM paramamupadeShTAsi vitataM charitraM te vettuM chaturadhikavaktrA na chaturAH || 35|| maNirvA mantro vA vividhavimalaishvaryamapi vA mahAyogoShTA~NgAbhyasanavihito vA tribhuvanam | samarthaM chaikaikaM prabhavati vishIkartumadhikaM sthitaM tvayyevedaM tava kimuta lokaikavashatA || 36|| sarasvatyAdhArasthitamarudatipreritaparAM nR^ipo dhArAM bhittvA rasakamalavAsAdhipapurI | paraM tejorUpaM sakalabhuvanAlokanirato bhavaM te saMyogAtparamasamavetaM munipatiH || 37|| apAM tattvaM haMsaM sakalabhavadeve jalaruhe taDidbhAsvaddIptiprakaTadalaShaTke sulalite | paraM svAdhiShThAne ruchiratararUpaM nirupamaM sthitaM dhyAyettvAM yo madanasamarUpo vijayate || 38|| parItaM tvAM viShNo hutavahanamAyAvilasite saroje nIlAbhe maNirachitapIThe maNigR^ihe | mahAsiddheH kalpadrumavaratale svarNanichayAm \- pravarShadbhiH sasyAtparamatanubhUtiH smarati yaH || 39|| marunttArAprAbhe kanakaruchipadme shR^itimayaM prabhuM lokAtItaM nikhilanigamAvedyacharitam | bhajante ye tvAM te sudR^iDhataratAdAtmyakadR^ishA chidAnandaM mAyAguNavirahitaM yAnti paramam || 40|| sudhAshuddhe vyobhni druhiNaramaNIbIjalasite vishuddhAmbhojAnte suranarakhagAdyantarahitam | bhavantaM bhAvotthaiH kusumamukhapUjopakaraNaiH samarhalloke nA dvitayaparamaM brahmabhajate || 41|| taDillekhAshochirdvidalakamale bhAsi paramo mahAyuktAna~NgonalashashibhR^itokShINi bhavataH | asheShasrota su prasR^itachitirUpoDgakanakaH shrutiprANoShTADgapraguNitakalApITha nilayaH || 42|| ##???## kvachidguhyaM jihvA kvacha gudakamanyatra kavitA kvachidvAganyatra shrutiraparato lochanayugam | samAkArShantyAtmAnamiva bahubhAryAH pralubhitA \- stato dhyAtuM sthAtuM kathamapi na shaktastava padam || 43|| ashaktohaM snAtuM kShaNamapi japaM kartumapi vau \- danAbhAvAdevAtithijanasaparyA cha na kR^itA | kuto j~nAnaM dhyAnaM tvakR^itagurudevasya mama bho bhavedevaikAshA vasati tava bhaktAtvajanitA || 44|| amande mandAradrumacharasamIpe maNimaye sukhAsInaM pIThe suravaramunIndrAdivinutam | svahR^itpadme vApi sthitamanudinaM tvAM bhajati yaH sa chehAmuShminvA sakalajanapUjyashcha bhavati || 45|| tR^iNaM meruM kuryAtsuravaragiriM vApi cha tR^iNaM bhavatsAmarthyaM vA.aghaTitaghaTanAprauDhimatano || idaM jAne tasmai punarapi na jAnanti kavayo.a \- .apyaho yuShmanmAyA sakalajanamohonmadakarI || 46|| naTo bhUyo veShairbahuvidha ivAbhAti suguNo yathaiko vAkAsho ghaTamaThaguhAsvantaragataH | yathaikaM gA~NgeyaM kaTakamukuTAdhyAkR^itivashAt \- tathA dattAtreya tvamapi bahurUpastribhuvanam || 47|| sahastrAMshuprAbhe suratarusamADhyedhikatare vimAne haMsAkhye sthitamamR^itanIhAravapuSham | parItaM tvAM dhyAyedyadarajasamArUDhamanilaiH asheShairAj~nAyAM bhavati khacharo vyomagamanaiH || 48|| sthitaM mUlAdhAre kanakaruchirA~NgaM hutabhujaH shikhAbhiH prakhyAbhirvR^itamakhilatejorasaghaTam | dharantaM bhrUmadhye prasR^itanayanaH pashyati cha yaH paraM tvAM satyaM syAdakhilarasavidyAtinipuNaH || 49|| shiraHprAntabhrAntAyatakuTilabAlArkamatulaM pradIptasvarNADhyAruNashatalasatkuNDaladharam | marutputraM la~NkAdhipatanujanAshodyatakaraM smaredyastvAM yantAtsakalabhayabhUtApaharaNe || 50|| garutmantaM cha~nchachchalakanakapakShadvayayutaM sudhAkumbhodbhAsvatkaramakhilalokAbhigamanam | achintyaM vedaistvAM paramamuninAthaM smarati yaH sa dakSho.asau vAdI kapaTaviShajantupraharaNe || 51|| smR^itiM nandantaM yo manujamupatiShThantyatibalAt kR^itAshAmithyAdyAtpraNatajanamandAra bhavatA | adatte dattatvAdamalatarachidgabhyavibhavAH sadA dattAtreyo bhajasi bhajatAmiShTaphaladaH || 52|| vidhiM viShNuM mAyAM shR^iNimadanayoniM dinakaraM militvAna~NgenAnalayuvatiyuktAM japati yaH | tvadAkhyAmAkhyeyAM nikhilanigamADhyAmakhiladAM sa smpadbhirdevAdhipavibhavayukto viharati || 53|| parAmAyAvANImadanakamalAbIjasahitaM manuM pratyekaM te japati satataM nishchaladhiyA | tato.abhyetyaishvaryashrutasakalavidyAnipuNatAM vashitvaM brahmaikyaM sapadi yadi yAyAtparamune || 54|| avij~nAtaM ki~nchittava jagati nAsti prabhavituH tadAvij~nAto.ahaM yadapi sakalaj~nena bhavatA | adR^iShTaM manye.ahaM pratibhaTamavij~nAnakaraNe mune dattAtreya prakuru mayi kAruNyamatulam || 55|| bhavatpAdAmbhojadvaya shubharasAsvAda chatura \- bhramadbhR^i~NgIsa~NghAyita hR^idaya vR^ittiM kalayamAm | anAdhArAdhArAshritasurataro tAvakajane mune kAruNyAbdhe prakurumayi sampatprakaTanam || 56|| vadantyeke.apArthAM tava gatimanekArtha kariNI ajAnantoj~ne.ayAmanadhigata tattvArtha matayaH | mahAyogiM lloke jaDamatikR^ite tvaM dhR^itavapuH tathA nochebhdakta svajana parirakShA kathamaho || 57|| smR^itastvachChiShyo vA jagati kR^itavIryasya tanayo \- .arjuno rAjA chorAdbhayamahibhayaM vR^ishchikabhayam | hinastyAjau shatrUditamapi bhayaM cheti gaditaM bhaveyustvachChiShyAH kimutahR^ita chorAdika bhayAH || 58|| padAnAM sevyo vA na bhavasi yadA.aki~nchana nR^iNAM priyaH sAdhUnAM tvaM tava cha suhR^idaste.api sujanAH | mayitvArte dIne jananamaraNAdyaiH kurudayAM dayAvAnko vA me bhramanigaDanirmochanavidhau || 59|| yathA mAtA putraM sakalaguNahInaM cha kuTilaM prapuShNAtyannAdyairanudinamatIvAdarayutA | tathA tvaM lokAnAM mama cha pitarAvityabhimataM tatastrAtuM dAtuM phalamabhimataM chArhasi vibho || 60|| jaDaM vAchAdhIshaM sudhiyamapi mUikaM cha kuruShe ravervA shItatvaM yadi cha kurupe dR^iShTivasateH | akartuM kartuM vA.anyadapi parikartuM cha manuShe tadA sarvaM kuryAH kvachana kimasAdhyaM tribhuvane || 61|| pumAnyo vai yuShmachcharaNaparicharyAkR^itiparaH mahAlApAsthAnAshanashayanapAnAni kurute | savai dhanyo loke sakalajagadArAdhyagarimA aho bhAgyaM tasyAgaNitayashasaH ko.api na bhajet || 62|| prasAdAtte yasminprabalataradAridryavibhavaH sa yAyAdindratvaM sakala suranArIparivR^itaH | tavopekShA yasminbhavati sa surANAmadhipatiH paratrahyatyantaM pravihatamahaishcharyavibhavaH || 63|| sadA mantrairjApyaH punarapi manUneva japasi svayaM tantradhyeyo yadapi kurute tantranichayam | sadA brahmAnandAmR^itajaladhikelIkalitadhIH sa bhUterbhUyasyA bhavatu bhagavannaH kurudayAm || 64|| tarIyAgnishvetadyutidinakR^idarkairmunipateH mahAvidyAkhaNDaiH pariyutamahAnuShTubhamanoH | chaturbhishchakrAbjA~DkushaguNadharaM sAmiyuvatiM nR^isiMhaM tvadrUpaM bhavati sapumarthaika nilayaH || 65|| mune te mANikyapravarakhachite hemamukuTe purAkalpadhvaMse parikalitasUryApararuchaH | vasantyasminnUnaM nahi yadi tadA bhUtamunayo na vidyante lokAH prakharatimirAntaikachaturAH || 66|| aho yoginnAnAmaNikhachitabhAvatkamakuTaH shikhAgrAlambinyAstrika talamasau ratnashikharAt | mahomerorlIlAM kalayati sadA yAmakalitAM sharatsaudAminyAH kaTakavaratejomayatanoH || 67|| suvij~nAtaM lokairanavadhisadAdeshanaparaiH sudhAbhAnoH khaNDaM tava nibiDabhAvAndhakaraNam | dvitIyaM somendusphuTamukuTataH kAntamanaghaM mahAmUrtijyotsnA harati natadAridryatimiram || 68|| dhR^itaM puNDraM mAtrAtritayaruchiraM sAkSharamidaM sahasrAre haMsaH sthitaparamahaMsAjigamiShoH | vahantI pAdAbjadvayasaralalAkShArasapadaM parAshakteshchandropalarachitasopAnapadavI || 69|| shrayete haimante taruvimalapatre madhukarau shubhaM garbhAmbhoje sthitamiti suchitraM shamanidhe | kaThorenduprAMshupravaranikarIbhUtatimiraM sudhAmshurbhAvatko mukulayati vidyutkuvalayam || 70|| tamobhirmUkAlIgR^ihamidamanujjR^imbhitamiti tvadIye netrAbje kamalasadanA jR^imbhitavatI | sadA suj~nAnenAvishati sadayAkShi prasarati prabho yasminsyAtte dhruvamatidhano.ayaM munipate || 71|| yadA yoginnIShadvaliravilasatko.apyasadR^isho \- rupAnte nIlAlI udarayugalI ka~njadalayoH | varaM kArAyete kanakamakarIkuNDalayuge kaTAkShau chAmpeyastabakavicharantAviva varau || 72|| trayIvidyArUpastritanurahimAMshuH pratidinaM shrutI bhAvatkechidvividhamakarIkuNDalapade | militvAtmAyaM te ghanataramupAdhidvayamiti vyanakti shrIkAraM nikhilajagadUddIpakamune || 73|| kapolau yauShmAkau sphuTamukurabimbapratibhaTau bhR^ishaM sa~NgharShitvAtpratidinasamAropitarUchau | nijAkAntirnityA kanakanikaSho.atyantamahimA tvadIyA nIchaiva prachuratarakAntistavamune || 74|| mukhenduM dR^iShTvA te yadi vishati rAhuM prati bhayAchChashI vaktraM prApyadviguNitakalAnAM nidhirabhUt | dvijAnAM rAjyatvaM prakaTitamato dattasharaNaM balenAho svAmin kathamapi cha labhyo hi mahimA || 75|| tavAyaM bimboShThashchibukasahito vidrumalatA samAkShiptA tiryagyadi bahupadaM syAtphalayugam | vraje tatsAmyaM tannihitamuta vA pallavapadaM yadi syAtte nAlaM tulayitumaho saMyamipate || 76|| bhavadvANIshreNIM shravaNapuTasaukhyaprakaraNIM vijetuM vAk shrutvA svayamuta viditvA.ahamiti bhAk | ashaktA te.atyantaM phaNilalitajihvAgramiShataH praviShTA vaktrAntaM sitamaNilasadvidrumagR^iham || 77|| tavAvR^ittA rekhAtrayavilasitA kamburabhavat \- chChirANAmAdhAraH kathamabhavadetanna yadi chet | athemAmUhe.ahaM tviti kaviharAdyAkR^itidharAM tathA no chedvedatritayakalitAM vApi gaNaye || 78|| mahAnantashchAsIdviShadharavaro vAsukirasau nibarhantau martyAdhikabhayakaratvaM gaNayatAm | bhujAkArau svIyau tava tu bhujasattvaM vidadhatAM mune bhUtau snigdhau sapadi varadau chAbhayakarau || 79|| mune ga~DgAsroto.amaravaragiriprasthaphalake prasAde svarNADhyaM prabhavadabhavadbhAgalulitam | trisUtraM susnigdhaM dhavalamupavItaM kalayate mahAyoginmUrtitrayamapi vilInaM tadabhavA || 80|| prasiddhaH svarNAdrirdivi vibudhavAchAvitaraNAt \- prashastau te hastAbakhila puruShArtha prakaraNAt | janAnAM pAdAbjadvitayamadhikaM prema bhajatAM munIndra trailokyadbhutagaNamaNikShIrajaladhe || 81|| iyaM romNAM rAjirvilasati mahAnAbhisarasaH pravR^ittA kulyeva pratipatitabha~DgyastrivalayaH | navAlekhAlokatrayavibhajanArthe virachitA mune dattAtreya tvadudaravilagnA vilasitAH || 82|| dhruvaM shampA maujjItritayavalirekhAvaratano rurukShoH prAsAdaM khashaya hR^idayAkhyaM tava hare | mahAlakShmyAshcha~nchatkanakamayasopAnapadavI na chennAbhIkuNDopari chidupalabdhA suparikhA || 83|| pravR^ittAvUrU te lasadudaralokavrajadhR^iteH dhR^itau tAvadIndrasphuTapaTukaTau samprakaTitau | kaTau vistArau yatkaTakaphalakau tAviva mune mahAyoginvishvambhara iti cha nUnaM tvamadhisUH || 84|| kR^ipAlo vishvesha tribhuvanatale te pramitito divArAtrau sthAnaM milati vapuSho jAnuyugalam | abhaktAnityetatkathitamabhiyuktauH samatanoH prapuShTaM tvaM sampratyapi tvadidamarthaM hi sudR^iDham || 85|| jaganmUlaM sraShTA sakalajagatAM sargakushalo bhavajjaDghe lakShmIkR^idasamasharasya prakurute | prakR^iShTe te vIkShya bhramavadavilakShyo.alpaguNavAn mune tenAna~Dgastava tu vimukho lakShaNavataH || 86|| narANAM nAnArthapradarasaguTitvaM cha dadhatau mune gulphau gUDhau tava charaNapuShTyA prakaTitau | ghaTAvR^ittI nAryA iva sakalakau vR^ittaruchirau virAjete tejonikarakalitAyAH suvapuShaH || 87|| madAdhAraM yuShmatprapadamatipUjyaM suruchiraM dhruvAtmAnaM matvA jitamiti sadA kachChapapatiH | viveshAdho bhUmeryadi tadidamekaM smayakaraM tvidAnIM tajjAtirmukulitashirAshchAbhavadaho || 88|| mayA dattaM ki~nchinna yadi kalitaM vAsavamahaM tadA rochirjAtaM jananamapi pa~NkaprakaTitam | pravishyetyAyojyaM na chalati ha yattatpadadhiyA padaM te tu shrIdaM sakalasamaye shrInilayanam || 89|| mune te pAdAbjaM navamamR^itapAdodbhavamaho shritastat sodaryaM pashupatishirobjaM himakaraH | nivR^ittaM svasyA~NkaM bhavati bhavadekAtmavapuShaH kathaM brahmAgAre paramapuruShA nA~NghribhajanAH || 90|| na chitraM te pAdau vitarata iti prArthitaphalaM vidhiM shrIshaM rakShAkaluShavipadaM dR^ishyamatulam | smarAmtashrIga~NgAdharacharaNasha~NkhAmbuja \- suradrumAMshcha tvadbhAvAnatajanasadAnandakalanAt || 91|| trikhaNDaiH shrIvidyAmanuvarabhavairbhAvakaripo vivR^iddhaste mantro viShavadati yo jyotiramalam | ShaDarNaM chandrArkaprakararuchi tanme prabhavatAM sadA j~nAnAnandaM yuvatinR^imayaM lochanapadam || 92|| samunmIladbhAnuprakararuchi vAgbIjamamalaM marutvadgopAbhAM madanalipimAdhArakamale | hR^idabje shaktyAkhyaM sitakarakarAbhaM shirasije saroje tvAM dhyAyetsakalapuruShArthAn sa labhate || 93|| chidaMshastvadUpaM kimapi saviturmaNDalagataM vareNyaM bhargo vai trividhatanudevasya vapuShi | mune dhImahyAsIrharirapi dhiyo yo na itaratprachodAyAstatvaM sthitilayasR^ijastvaM munipate || 94|| harittantuprotasadasi shikhare shubhrakapaTo jaganmUlasthANustvamiti shubhamaspandamunibhiH | jharIbhiH svarNADhyaiH pavanahatavArbindunikarairjaTA \- saktAbjAhIruchiramabhiShiktaH sthita iva || 95|| durAchAro jArashchapalamatirAjaH paravashaH paradravyAkAMkShI bahujanavirodhI cha satatam | tathA chAhaM pUtastava padayugasparshavashato hyayaH khaNDaH svarNaM bhavati hi yadA siddhasuratiH || 96|| parikrAntA deshA bahutaradhanasyArjanadhiyA kulAchAraM hitvA kumatinR^ipasevApi cha kR^itA | vidhAyAhaM shrAntaH kimapi na cha tu vapuShA shritaM tvatpAdAbjaM shritamanujamandAramadhunA || 97|| tvadIyo me dehastvamapi pitarau bhrAtR^isuhR^i \- dastvameva brahmanme sutahitagR^ihakShetranivahAH | tvameva prANo me dhanamapi mama tvaM tava padaM na jAne mayyeva sthitamapi mahanmeyamadhunA || 98|| namaste tArAyAmR^itajaladhidhAmne.adhimahase namaste brahmAdyaiH munisuravararaiH klR^iptamahase | namastubhyaM nArAyaNamunivilAsAya bhavate manUnAM koTInAmachalagaNitAnAM cha pataye || 99|| namaste devairapyaviditamahimne.atiyashase namaste dikpAlaprakaTamukuTAla~NakR^itapade | namaste tejasvinnatamanujamandAravapuShe namo dattAtreyAkR^itihariharAjAya mahate || 100|| namaste pApaughAchalavitatisaMhArapavaye namaste dAridryavyathitajanadaivAntavidhaye | namaste rogArtAnata manujadivyauShadhidR^iashe namaste daivaM me nahi jagatyAM tava padam || 101|| asau dattAtreyastutiyutakR^itirj~nAnalaharI sudhAdhArApUrAkhilanigamasArAnupaThatAm | shrutashrIvidyAyurvibhavadhanadhAnyAmR^itachayaM dadAtyevAtyantaM jayati sakalAhlAdajanikA || 102|| iti dalAdanamunivirachitA shrIdattapadaprApikA shrIdattAtreyaj~nAnalahariH sampUrNA || ## Encoded and proofread by Madhavi Upadrasta mupadrasta at gmail.com \medskip\hrule\obeylines Please send corrections to sanskrit@cheerful.com Last updated \today http://sanskritdocuments.org \end{document}