{॥ ಶ್ರೀನಟರಾಜಕುನ್ಚಿತಪಾದಸಹಸ್ರನಾಮಸ್ತೋತ್ರಮ್ ॥}
॥ ಶ್ರೀಗುರುಭ್ಯೋ ನಮಃ ॥
॥ ಶ್ರೀಶಿವಕಾಮಸುನ್ದರೀಸಮೇತ ಶ್ರೀನಟರಾಜಃ ಶರಣಮ್ ॥
ಯಸ್ಮಾತ್ಸರ್ವಂ ಸಮುತ್ಪನ್ನಂ ಚರಾಚರಮಿದಂ ಜಗತ್ ।
ಇದಂ ನಮೋನಟೇಶಾಯ ತಸ್ಮೈ ಕಾರುಪಯರ್ದ್ಧ್ವಯೇ ॥ ೧॥

ಕೈಲಾಸಶಿಖರೇ ರಮ್ಯೇ ರತ್ನಸಿಂಹಾಸನೇ ಸ್ಥಿತಮ್ ।
ಶಙ್ಕರಂ ಕರುಣಾಮೂರ್ತಿಂ ಪ್ರಣಮ್ಯ ಪರಯಾ ಮುದಾ ॥ ೨॥

ವಿನಯಾವನತಾ ಭೂತ್ವಾ ಪಪ್ರಚ್ಛ ಪರಮೇಶ್ವರೀ ।
ಭಗವನ್! ಭವ! ಸರ್ವಜ್ಞ! ಭವತಾಪಹರಾವ್ಯಯ ॥ ೩॥

ತ್ವತ್ತಃ ಶ್ರುತಂ ಮಯಾ ದೇವ! ಸರ್ವಂ ನಾಮಸಹಸ್ರಕಮ್ ।
ನಟೇಶಸ್ಯಾಪಿ ನಾಮಾನಿ ಸುಶ್ರುತಾನಿ ಮಯಾ ಪ್ರಭೋ! ॥ ೪॥

ತ್ವತ್ತಃ ಶ್ರೇಷ್ಠತಮಃ ಪಾದಃ ಕುಞ್ಚಿತಃ ಪದ್ಮಸನ್ನಿಭಃ ।
ತಸ್ಮಾತ್ತನ್ನಾಮ ಸಾಹಸ್ರಂ ಶ್ರೋತುಮಿಚ್ಛಾಮಿ ಶಙ್ಕರ! ॥ ೫॥

ಅಸಕೃತ್ಪ್ರಾರ್ಥಿತೋಽಪಿ ತ್ವಂ ನ ತತ್ಕಥಿತವಾನಸಿ ।
ಇದಾನೀಂ ಕೃಪಯಾ ಶಮ್ಭೋ! ವದ ವಾಞ್ಛಾಭಿಪೂರ್ತಯೇ ॥ ೬॥

ಶ್ರೀಶಿವ ಉವಾಚ
ಸಾಧು ಸಾಧು ಮಹಾದೇವಿ! ಪೃಷ್ಟಂ ಸರ್ವಜಗದ್ಧಿತಮ್ ।
ಪುರಾ ನಾರಾಯಣಃ ಶ್ರೀಮಾನ್ ಲೋಕರಕ್ಷಾಪರಾಯಣಃ ॥ ೭॥

ಕ್ಷೀರಾಬ್ಧೌ ಸುಚಿರಂ ಕಾಲಂ ಸಾಮ್ಬಮೂರ್ತಿಧರಂ ಶಿವಮ್ ।
ಮಾಮೇಕಾಗ್ರೇಣ ಚಿತ್ತೇನ ಧ್ಯಾಯನ್ ನ್ಯವಸದಚ್ಯುತಃ ॥ ೮॥

ತಪಸಾ ತಸ್ಯ ಸನ್ತುಷ್ಟಃ ಪ್ರಸನ್ನೋಽಹಂ ಕೃಪಾವಶಾತ್ ।
ಧ್ಯಾನಾತ್ಸಮುತ್ಥಿತೋ ವಿಷ್ಣುರ್ಲಕ್ಷ್ಮ್ಯಾ ಮಾಂ ಪರ್ಯಪೂಜಯತ್ ॥ ೯॥

ತುಷ್ಟಾವ ವಿವಿಧೈಸ್ತ್ವತೋತ್ರೈರ್ವೇದವೇದಾನ್ತಸಮ್ಮಿತೈಃ ।
ವರಂ ವರಯ ಹೇ ವತ್ಸ! ಯದಿಷ್ಟಂ ಮನಸಿ ಸ್ಥಿತಮ್ ॥ ೧೦॥

ತತ್ತೇ ದಾಸ್ಯಾಮಿ ನ ಚಿರಾದಿತ್ಯುಕ್ತಃ ಕಮಲೇಕ್ಷಣಃ ।
ಪ್ರಾಹ ಮಾಂ ಪರಯಾ ಭಕ್ತ್ಯಾ ವರಂ ದಾಸ್ಯಸಿ ಚೇತ್ಪ್ರಭೋ ೧೧॥

ರಕ್ಷಾರ್ಥಂ ಸರ್ವಜಗತಾಮಸುರಾಣಾ ಕ್ಷಯಾಯ ಚ ।
ಸಾರ್ವಾತ್ಮ್ಯಯೋಗಸಿದ್ಧ್ಯರ್ಥಂ ಮನ್ತ್ರಮೇಕಂ ಮಮಾದಿಶ ॥ ೧೨॥

ಇತಿ ಸಮ್ಪ್ರಾರ್ಥಿತಸ್ತೇನ ಮಾಧವೇನಾಹಮಮ್ಬಿಕೇ ।
ಸಞ್ಚಿನ್ತ್ಯಾನುತ್ತಮ ಸ್ತೋತ್ರಂ ಸರ್ವೇಷಾಂ ಸರ್ವಸಿದ್ಧಿದಮ್ ॥ ೧೩॥

ನಟೇಶಕುಞ್ಚಿತಾಙ್ಘ್ರೇಸ್ತು ನಾಮಸಾಹಸ್ರಮುತ್ತಮಮ್ ।
ಲಕ್ಷಮೀಕಾನ್ತಾಯ ಭಕ್ತಾಯ ಉಕ್ತವಾನಸ್ಮಿ ಶಙ್ಕರಿ! ॥ ೧೪॥

ತೇನ ಜಿತ್ವಾಽಸುರಾನ್ ಸರ್ವಾನ್ ರರಕ್ಷ ಸಕಲಂ ಜಗತ್ ।
ಸಾರ್ವಾತ್ಮ್ಯಯೋಗಸಿದ್ಧಿಂ ಚ ಪ್ರಾಪ್ತವಾನಮ್ಬುಜೇಕ್ಷಣಃ ॥ ೧೫॥

ತದೇವ ಪ್ರಾರ್ಥಯಸ್ಯದ್ಯ ನಾಮಸಾಹಸ್ರಮಮ್ಬಿಕೇ ।
ಪಠನಾನ್ಮನನಾದ್ಯಸ್ಯ ನೃತ್ತಂ ದರ್ಶಯತಿ ಪ್ರಭುಃ ॥ ೧೬॥

ಸರ್ವಪಾಪಹರಂ ಪುಣ್ಯಂ ಸರ್ವರಕ್ಷಾಕರಂ ನೃಣಾಮ್ ।
ಸರ್ವೈಶ್ವರ್ಯಪ್ರದಂ ಸರ್ವಸಿದ್ಧಿದಂ ಮುಕ್ತಿದಂ ಪರಮ್ ॥ ೧೭॥

ವಕ್ಷ್ಯಾಮಿ ಶೃಣು ಹೇ ದೇವಿ! ನಾಮಸಾಹಸ್ರಮುತ್ತಮಮ್ ॥

ಅಸ್ಯ ಶ್ರೀ ಶಿವಕಾಮಸುನ್ದರೀಸಮೇತ ಶ್ರೀ ನಟರಾಜರಾಜಕುಞ್ಚಿತಪಾದಸಹಸ್ರನಾಮಸ್ತೋತ್ರ
ಮಹಾಮನ್ತ್ರಸ್ಯ ಸದಾಶಿವ ಋಷಿಃ, ಮಹಾವಿರಾಟ್ ಛನ್ದಃ,
ಶ್ರೀಶಿವಕಾಮಸುನ್ದರೀಸಮೇತಶ್ರೀನಟರಾಜರಾಜೋ ದೇವತಾ । ಬೀಜಂ, ಶಕ್ತಿಃ,ಕಲಿಕಂ,
ಅಙ್ಗನ್ಯಾಸಕರನ್ಯಾಸೌ ಚ ಚಿನ್ತಾಮಣಿ ಮನ್ತ್ರವತ್ ॥

ಓಂ ಶ್ರೀಶಿವಾಯ ನಮಃ ಇತಿ ಬೀಜಮ್ । ಓಂ ಅನನ್ತಶಕ್ತಯೇ ನಮಃ ಇತಿ ಶಕ್ತಿಃ ।
ಮಹೇಶ್ವರಾಯ ನಮಃ ಇತಿ ಕೀಲಕಮ್ । ಶ್ರೀನಟೇಶ್ವರಪ್ರಸಾದಸಿದ್ಧ್ಯರ್ಥೇ ನಾಮಪರಾಯಣೇ
ಅರ್ಚನೇ ವಿನಿಯೋಗಃ ।
ಓಂ ನಮ್ಯಾಯ ನಮಃ ಅಙ್ಗುಷ್ಠಾಭ್ಯಾಂ ನಮಃ । ಸ್ವಾಹಾ ನಮಃ -ತರ್ಜನೀಭ್ಯಾಂ ಸ್ವಾಹಾ
(ನಮಃ) ಓಂ ವಷಟ್ಕಾರಾಯ ನಮಃ -ಮಧ್ಯಮಾಭ್ಯಾಂ ವಷಟ್ (ನಮಃ) । ಓಂ ಹುಙ್ಕಾರಾಯ
ನಮಃ -ಅನಾಮಿಕಾಭ್ಯಾಂ ಹುಂ (ನಮಃ) ಓಂ ವೌಷಟ್ಕಾರಾಯ ನಮಃ । ಕನಿಷ್ಠಿಕಷ್ಠಯಾ
ವೌಷಟ್ (ನಮಃ) ಓಂ ಫಟ್ಕಾರಾಯ ನಮಃ - ಕರತಲಕರಪೃಷ್ಠಾಭ್ಯಾಂ ಫಟ್ (ನಮಃ)
। ಓಂ ನಮ್ಯಾಯ ನಮಃ - ಹೃದಯಾಯ ನಮಃ । ಓಂ ಸ್ವಾಹಾ ನಮಃ ಶಿರಸೇ ಸ್ವಾಹಾ ।
ಓಂ ವಷಟ್ಕಾರಾಯ ನಮಃ - ಶಿಖಾಯೈ ವಷಟ್ । ಓಂ ಹುಙ್ಕಾರಾಯ ನಮಃ - ಕವಚಾಯ
ಹುಮ್ । ಓಂ ವೌಷಟ್ಕಾರಾಯ ನಮಃ - ನೇತ್ರತ್ರಯಾಯ ವೌಷಟ್ । ಓಂ ಫಟ್ಕರಾಯ ನಮಃ -
ಅಸ್ತ್ರಾಯ ಫಟ್ । ಓಂ ಭೃರ್ಭುವಸ್ಸುವರೋಂ ಇತಿ ದಿಗ್ಬನ್ಧಃ ।
ಧ್ಯಾನಮ್
ಧ್ಯಾಯೇತ್ಕೋಟಿರವಿಪ್ರಭಂ ತ್ರಿನಯನಂ ಶೀತಾಂಶುಗಙ್ಗಾಧರಂ
ದಕ್ಷಾಙ್ಘ್ರಿಸ್ಥಿತವಾಮಕುಞ್ಚಿತಪದಂ ಶಾರ್ದೂಲಚರ್ಮಾಮ್ಬರಮ್ ।
ವಹ್ನಿಂ ಡೋಲಕರಾಭಯಂ ಡಮರುಕಂ ವಾಮೇ ಶಿವಾಂ ಶ್ಯಾಮಲಾಂ
ಕಲ್ಹಾರಾಂ ಜಪಸ್ರಕ್ಷುಕಾಂ ಕಟಿಕರಾಂ ದೇವೀಂ ಸಭೇಶಂ ಭಣೇ ॥ ೧॥

ಫಾಲೇ ರತ್ನತ್ರಿಪುಣ್ಡ್ರಂ ಫಣಿನಮಪಿ ಗಲೇ ಪಾದಪೀಠೇ ಚ ಭೂತಂ
ಬಾಹ್ವೋರ್ವಹ್ನಿಂ ಚ ಢಕ್ಕಂ ವದನಸರಸಿಜೇ ಸೂರ್ಯಚನ್ದ್ರೌ ಶಿಖೀನ್ದ್ರಮ್ ।
ಓಙ್ಕಾರಾಖ್ಯಪ್ರಭಾಯಾಂ ಸುರಭುವನಗಣಂ ಪಾರ್ಶ್ವಯೋರ್ವಾದ್ಯಕಾರೌ ಯಃ
ಕೃತ್ವಾಽಽನನ್ದನೃತ್ತಂ ಸ್ವಸದಸಿ ಕುರುತೇ ಕುಞ್ಚಿತಾಙ್ಘ್ರಿಂ ಭಜೇಽಹಮ್ ॥ ೨॥

ಊರುನ್ಯಾಸಸುಡೋಲ - ವಹ್ರಿ - ಶುಕಭೃದ್ವಾಮಂ ಕರಾಮ್ಭೋರುಹಂ
ಢಕ್ಕಾಚ್ಛಾಕ್ಷಸ್ರಗುತ್ಪಲಾಭಯಕರಂ ವಾಮಂ ಪದಂ ಕುಞ್ಚಿತಮ್ ।
ಉದ್ಧೃತ್ಯಾಧರಭೂತ ಪೃಷ್ಠವಿಲಸದ್ದಕ್ಷಾಙ್ಘ್ರಿಮರ್ಧಾಮ್ಬಿಕಂ
ಸಾಮೀವಸ್ತ್ರಸುವೇಣಿದೃಕ್ಕುಚಭರಂ ಧ್ಯಾಯೇನ್ನಟಂ ಮೇಲನಮ್ ॥ ೩॥

ಧ್ಯಾಯೇದಾತ್ಮವಿಮೋಹಸಂಸ್ಥಿತಪದಂ ರಕ್ತಾಂಶುಕಂ ಶಙ್ಕರಂ
ಕಿಞ್ಚಿತ್ಕುಞ್ಚಿತವಾಮಪಾದಮತುಲಂ ವ್ಯಾಲಮ್ಬಬಾಹುಂ ತ್ರಿಭಿಃ ।
ವಾಮೇ ಪೌಣ್ಡ್ರ ಧನುಶ್ಚ ಪಾಶದಹನೌ ದಕ್ಷೇ ಕರೇ ಚಾಭಯಂ
ಪೌಷ್ಪಂ ಮಾರ್ಗಣಮಙ್ಕುಶಂ ಡಮರುಕಂ ಬಿಭ್ರಾಣಮಚ್ಛಚ್ಛವಿಮ್ ॥ ೪॥

॥ ಅಥ ಸಹಸ್ರನಾಮಸ್ತೋತ್ರಮ್ ॥
ಅಖಣ್ಡಬೋಧೋಽಖಣ್ಡಾತ್ಮಾ ಘಣ್ಟಾಮಣ್ಡಲಮಣ್ಡಿತಃ ।
ಅಖಣ್ಡಾನನ್ದಚಿದ್ರೂಪಃ ಪರಮಾನನ್ದತಾಣ್ಡವಃ ॥ ೧॥

ಅಗಮ್ಯಮಹಿಮಾಮ್ಭೋಧಿಃ ಅನೌಪಮ್ಯಯಶೋನಿಧಿಃ ।
ಅಗ್ರೇವಧೋಽಗ್ರೇಸಮ್ಪೂಜ್ಯೋ ಹನ್ತಾ ತಾರೋ ಮಯೋಭವಃ ॥ ೨॥

ಅಘೋರೋಽದ್ಬುತಚಾರಿತ್ರ ಆನನ್ದವಪುರಗ್ರಣೀಃ ।
ಅಜೀರ್ಣಸ್ಸುಕುಮಾರೋಽನ್ಯಃ ಪಾರದರ್ಶೀ ಪುರನ್ದರಃ ॥ ೩॥

ಅತರ್ಕ್ಯಸ್ಸುಕರಸ್ಸಾರಃ ಸತ್ತಾಮಾತ್ರಸ್ಸದಾಶಿವಃ ।
ಅನನ್ತರೂಪ ಏಕಾತ್ಮಾ ಸ್ವಸ್ತರುರ್ವ್ಯಾಹೃತಿಃ ಸ್ವಧಾ ॥

ಅನನ್ತಶಕ್ತಿರಾಚಾರ್ಯಃ ಪುಷ್ಕಲಸ್ಸರ್ವಪೂರಣಃ ।
ಅನರ್ಘರತ್ನಖಚಿತಕಿರೀಟೋ ನಿಕಟೇಸ್ಥಿತಃ ॥ ೫॥

ಅನಹಙ್ಕೃತಿರಚ್ಛೇದ್ಯಸ್ಸ್ವಾನನ್ದೈಕಘನಾಕೃತಿಃ ।
ಅನಾವರಣವಿಜ್ಞಾನೋ ನಿರ್ವಿಭಾಗೋ ವಿಭಾವಸುಃ ॥ ೬॥

ಅನಿರ್ದೇಶ್ಯೋಽನಿಲೋಽಗಮ್ಯೋಽವಿಕ್ರಿಯೋಽಮೋಘವೈಭವಃ ।
ಅನುತ್ತಮಃ ಪರೋದಾಸೋ ಮುಕ್ತಿದೋ ಮುದಿತಾನನಃ ॥ ೭॥

ಅನ್ನಾನಾಂ ಪತಿರತ್ಯುಗ್ರೋ ಹರಿಧ್ಯೇಯೋಽದ್ವಯಾಕೃತಿಃ ।
ಅಪರೋಕ್ಷೋಽವ್ರಣೋಽಲಿಙ್ಗೋಽಪ್ಯದ್ವೇಷ್ಟಾ ಪ್ರೇಮಸಾಗರಃ ॥ ೮॥

ಅಪರ್ಯನ್ತೋಽಪರಿಚ್ಛೇದ್ಯೋಽಗೋಚರೋ ರುಗ್ವಿಮೋಚಕಃ ।
ಅಪಸ್ಮೃತಿನ್ಯಸ್ತಪಾದಃ ಕೃತ್ತಿವಾಸಾಃ ಕೃಪಾಕರಃ ॥ ೯॥

ಅಪ್ರಮೇಯೋಽಪ್ರತಿರಥಃ ಪ್ರದ್ಯುಮ್ನಃ ಪ್ರಮಥೇಶ್ವರಃ ।
ಅಮಾನೀ ಮದನೋಽಮನ್ಯುರಮಾನೋ ಮಾನದೋ ಮನುಃ ॥ ೧೦॥

ಅಮೂಲ್ಯಮಣಿಸಭಾಸ್ವತ್ಫಣೀನ್ದ್ರಕರಕಙ್ಕಣಃ ।
ಅರುಣಃ ಶರಣಃ ಶರ್ವಃ ಶರಣ್ಯ ಶರ್ಮದಃ ಶಿವಃ । ೧೧।
ಅವಶಸ್ಸ್ವವಶಸ್ಸ್ಥಾಸ್ನುರನ್ತರ್ಯಾಮೀ ಶತಕ್ರತುಃ ।
ಅಶುಭಕ್ಷಯಕೃಜ್ಜ್ಯೋತಿರನಾಕಾಶಸ್ತ್ವಲೇಪಕಃ ॥ ೧೨॥

ಅಸ್ನೇಹಸ್ಸಙ್ಗನಿರ್ಮುಕ್ತೋಽಹ್ರಸ್ವೋಽದೀರ್ಘೋಽವಿಶೇಷಕಃ
ಅಕ್ಷರಸ್ತ್ರ್ಯಕ್ಷರಸ್ತ್ರಯಕ್ಷಃ ಪಕ್ಷಪಾತವಿವರ್ಜಿತಃ ॥ ೧೩॥

ಆತತಾವೀ ಮಹಾರುದ್ರಃ ಕ್ಷೇತ್ರಾಣಾಮಧಿಪೋಽಕ್ಷದಃ ।
ಆತನ್ವಾನಶ್ಶತಾನನ್ದೋ ಗೃತ್ಸೋ ಗೃತ್ಸಪತಿಸ್ಮೃರಃ ॥ ೧೪॥

ಆದಿತ್ಯವರ್ಣಸ್ಸಞ್ಜ್ಯೋತಿಸ್ಸಮ್ಯಗ್ದರ್ಶನತತ್ಪರಃ ।
ಆದಿಭೂತೋ ಮಹಾಭೂತಸ್ಸ್ವೇಚ್ಛಾಕಲಿತವಿಗ್ರಹಃ ॥ ೧೫॥

ಆಪ್ತಕಾಮೋಽನುಮನ್ತಾಽಽತ್ಮಕಾಮೋಽಭಿನ್ನೋಽನಣುರ್ಹರಃ ।
ಆಭಾಸ್ವರಃ ಪರನ್ತತ್ವಮಾದಿಮಃ ಪೇಶಲಃ ಪವಿಃ ॥ ೧೬॥

ಆವ್ಯಾಧಿಪತಿರಾದಿತ್ಯಃ ಕಕುಭಃ ಕಾಲಕೋವಿದಃ ।
ಇಚ್ಛಾನಿಚ್ಛಾವಿರಹಿತೋ ವಿಹಾರೀ ವೀರ್ಯವರ್ಧನಃ ॥ ೧೭॥

ಉದ್ದಣ್ಡತಾಣ್ಡವಶ್ಚಣ್ಡ ಊರ್ಧ್ವತಾಣ್ಡವಪಣ್ಡಿತಃ ।
ಉದಾಸೀನೌಪದ್ರಷ್ಟಾ ಮೌನಗಮ್ಯೋ ಮುನೀಶ್ವರಃ ॥ ೧೮॥

ಊರ್ಧ್ವಪಾದೂರ್ಧ್ವರೇತಾಶ್ಚ ಪ್ರೌಢನರ್ತನಲಮ್ಪಟಃ ।
ಓಷಧೀಶಸ್ಸತಾಮೀಶೌಚ್ಚೈರ್ಘೋಷೋ ವಿಭೀಷಣಃ ॥ ೧೯॥

ಕನ್ದರ್ಪ ಕೋಟಿಸದೃಶಃ ಕಪರ್ದೀ ಕಮಲಾನನಃ ।
ಕಪಾಲಮಾಲಾಭರಣಾಃ ಕಙ್ಕಾಲಃ ಕಲಿನಾಶನಃ ॥ ೨೦॥

ಕಪಾಲಮಾಲಾಲಙ್ಕಾರಃ ಕಾಲಾನ್ತಕವಪುರ್ಧರಃ ।
ಕಮನೀಯಃ ಕಲಾನಾಥಶೇಖರಃ ಕಮ್ಬುಕನ್ಧರಃ ॥ ೨೧॥

ಕಮನೀಯನಿಜಾನನ್ದಮುದ್ರಾಞ್ಚಿತಕರಾಮ್ಬುಜಃ ।
ಕರಾಬ್ಜಧೃತಕಾಲಾಗ್ನಿಃ ಕದಮ್ಬಕುಸುಮಾರುಣಃ ॥ ೨೨॥

ಕರಿಚರ್ಮಾಮ್ಬರಧರಃ ಕಪಾಲೀ ಕಲುಷಾಪಹಃ ।
ಕಲ್ಯಾಣಮೂರ್ತಿಃ ಕಲ್ಯಾಣೀರಮಣಃ ಕಮಲೇಕ್ಷಣಃ ॥ ೨೩॥

ಕಕ್ಷಪಶ್ಚ ಭುವನ್ತಿಶ್ಚ ಭವಾಖ್ಯೋ ವಾರಿವಸ್ಕೃತಃ ।
ಕಾಲಕಣ್ಠಃ ಕಾಲಕಾಲಃ ಕಾಲಕೂಟವಿಷಾಶನಃ ॥ ೨೪॥

ಕಾಲನೇತಾ ಕಾಲಹನ್ತಾ ಕಾಲಚಕ್ರಪ್ರವರ್ತಕಃ ।
ಕಾಲಜ್ಞಃ ಕಾಮದಃ ಕಾನ್ತಃ ಕಾಮಾರಿಃ ಕಾಮಪಾಲಕಃ ॥ ೨೫॥

ಕಾಲಾತ್ಮಾ ಕಾಲಿಕಾನಾಥಃ ಕಾರ್ಕೋಟಕವಿಭೂಷಣಃ ।
ಕಾಲಿಕಾನಾಟ್ಯರಸಿಕೋ ನಿಶಾನಟನನಿಶ್ಚಲಃ ॥ ೨೬॥

ಕಾಲೀವಾದಪ್ರಿಯಃ ಕಾಲಃ ಕಾಲಾತೀತಃ ಕಲಾಧರಃ ।
ಕುಠಾರಭೃತ್ಕುಲಾದ್ರೀಶಃ ಕುಞ್ಚಿತೈಕಪದಾಮ್ಬುಜಃ ॥ ೨೭॥

ಕುಲುಞ್ಚಾನಾಂ ಪತಿಃ ಕೂಪ್ಯೋ ಧನ್ವಾವೀ ಧನದಾಧಿಪಃ ।
ಕೂಟಸ್ಥಃ ಕೂರ್ಮಪೀಠಸ್ಥಃ ಕೂಶ್ಮಾಣ್ಡಗ್ರಹಮೋಚಕಃ ॥ ೨೮॥

ಕೂಲಙ್ಕಷಕೃಪಾಸಿನ್ಧುಃ ಕುಶಲೀ ಕುಙ್ಕುಮೇಶ್ವರಃ ।
ಕೃತಜ್ಞಃ ಕೃತಿಸಾರಜ್ಞಃ ಕೃಶಾನುಃ ಕೃಷ್ಣಪಿಙ್ಗಲಃ ॥ ೨೯॥

ಕೃತಾಕೃತಃ ಕೃಶಃ ಕೃಷ್ಣಾಃ ಶಾನ್ತಿದಃ ಶರಭಾಕೃತಿಃ ।
ಕೃತಾನ್ತಕೃತ್ಕ್ರಿಯಾಧಾರಃ ಕೃತೀ ಕೃಪಣರಕ್ಷಕಃ ॥ ೩೦॥

ಕೇವಲಃ ಕೇಶವಃ ಕೇಲೀಕರಃ ಕೇವಲನಾಯಕಃ ।
ಕೈಲಾಸವಾಸೀ ಕಾಮೇಶಃ ಕವಿಃ ಕಪಟವರ್ಜಿತಃ ॥ ೩೧॥

ಕೋಟಿಕನ್ದರ್ಪಸೌಭಾಗ್ಯಸುನ್ದರೋ ಮಧುರಸ್ಮಿತಃ ।
ಗದಾಧರೋ ಗಣಸ್ವಾಮೀ ಗರಿಷ್ಠಸ್ತೋಮರಾಯುಧಃ ॥ ೩೨॥

ಗರ್ವಿತೋ ಗಗನಾವಾಸೋ ಗ್ರನ್ಥಿತ್ರಯ ವಿಭೇದನಃ ।
ಗಹ್ವರೇಷ್ಠೋ ಗಣಾಧೀಶೋ ಗಣೇಶೋ ಗತಿವರ್ಜಿತಃ ॥ ೩೩॥

ಗಾಯಕೋ ಗರುಡಾರೂಢೋ ಗಜಾಸುರವಿಮರ್ದನಃ ।
ಗಾಯತ್ರೀವಲ್ಲಭೋ ಗಾರ್ಗ್ಯೋ ಗಾಯಕಾನುಗ್ರಹೋನ್ಮುಖಃ ॥ ೩೪॥

ಗುಹಾಶಯೋ ಗುಣಾತೀತೋ ಗುರುಮೂರ್ತಿರ್ಗುಹಪ್ರಿಯಃ ।
ಗೂಢೋ ಗುಹ್ಯತರೋ ಗೋಪ್ಯೋ ಗೋರಕ್ಷೀ ಗಣಸೇವಿತಃ ॥ ೩೫॥

ಚತುರ್ಭುಜಶ್ಶತತನುಃ ಶಮಿತಾಖಿಲ ಕೌತುಕಃ ।
ಚತುರ್ವಕ್ತ್ರಶ್ಚಕ್ರಧರಃ ಪಞ್ಚವಕ್ತ್ರಃ ಪರನ್ತಪ ॥ ೩೬॥

ಚಿಚ್ಛಕ್ತಿಲೋಚನಾನನ್ದಕನ್ದಲಃ ಕುನ್ದಪಾಣ್ಡರಃ ।
ಚಿದಾನನ್ದನಟಾಧೀಶಃ ಚಿತ್ಕೇವಲವಪುರ್ಧರಃ ॥ ೩೭॥

ಚಿದೇಕರಸಸಮ್ಪೂರ್ಣಃ ಹ್ರೀಂ ಶಿವಶ್ಶ್ರೀಮಹೇಶ್ವರಃ ।
ಚೈತನ್ಯಂ ಚಿಚ್ಛಿದ್ವೈತಶ್ಚಿನ್ಮಾತ್ರಶ್ಚಿತ್ಸಭಾಧಿಪಃ ॥ ೩೮॥

ಜಟಾಧರೋಽಮೃತಾಧಾರೋಽಮೃತಾಂಶುರಮೃತೋದ್ಭವಃ ।
ಜಟಿಲಶ್ಚಟುಲಾಪಾಙ್ಗೋ ಮಹಾನಟನಲಮ್ಪಟಃ ॥ ೩೯॥

ಜನಾರ್ದನೋ ಜಗತ್ಸ್ವಾಮೀ ಜನ್ಮಕರ್ಮನಿವಾರಕಃ ।
ಜವನೋ ಜಗದಾಧಾರೋ ಜಮದಗ್ನಿರ್ಜರಾಹರಃ ॥ ೪೦॥

ಜಹ್ನುಕನ್ಯಾಧರೋ ಜನ್ಮಜರಾಮೃತ್ಯುನಿವಾರಕಃ ।
ಣಾನ್ತನಾದಿನಾಮಯುಕ್ತವಿಷ್ಣುನಮ್ಯಪದಾಮ್ಬುಜಃ ॥ ೪೧॥

ತತ್ವಾವಬೋಧಸ್ತತ್ವೇಶಸ್ತತ್ವಭಾವಸ್ತಪೋನಿಧಿಃ ॥

ತರುಣಸ್ತಾರಕಸ್ತಾಮ್ರಸ್ತರಿಷ್ಣುಸ್ತತ್ವಬೋಧಕಃ ।
ತ್ರಿಧಾಮಾ ತ್ರಿಜ್ಜಗದ್ಧೇತುಃ ತ್ರಿಮೂರ್ತಿಸ್ತಿರ್ಯಗೂರ್ಧ್ವಗಃ ॥ ೪೨॥

ತ್ರಿಮಾತೃಕಸ್ತ್ರಿವೃದ್ರೂಪಃ ತೃತೀಯಸ್ತ್ರಿಗುಣಾಧಿಕಃ ।
ದಕ್ಷಾಧ್ವರಹರೋ ದಕ್ಷೋ ದಹರಸ್ಥೋ ದಯಾನಿಧಿಃ ॥ ೪೩॥

ದಕ್ಷಿಣಾಗ್ನಿರ್ಗಾರ್ಹಪತ್ಯೋ ದಮನೋ ದಾನವಾನ್ತಕಃ ।
ದೀರ್ಘಪಿಙ್ಗಜಟಾಜೂಟೋ ದೀರ್ಘಬಾಹುರ್ದಿಗಮ್ಬರಃ ॥ ೪೪॥

ದುರಾರಾಧ್ಯೋ ದುರಾಧರ್ಷೋ ದುಷ್ಟದೂರೋ ದುರಾಸದಃ ।
ದುರ್ವಿಜ್ಞೇಯೋ ದುರಾಚಾರನಾಶನೋ ದುರ್ಮದಾನ್ತಕಃ ॥ ೪೫॥

ದೈವ್ಯೋ ಭಿಷಕ್ ಪ್ರಮಾಣಜ್ಞೋ ಬ್ರಹ್ಮಣ್ಯೋ ಬ್ರಾಹ್ಮಣಾತ್ಮಕಃ ।
ದ್ರಷ್ಟಾ ದರ್ಶಯಿತಾ ದಾನ್ತೋ ದಕ್ಷಿಣಾಮೂರ್ತಿರೂಪಭೃತ್ ॥ ೪೬॥

ಧನ್ವೀ ಧನಾಧಿಪೋ ಧನ್ಯೋ ಧರ್ಮಗೋಪ್ತಾ ಧರಾಧಿಪಃ ।
ಧೂಷ್ಣುರ್ದೂತಸ್ತೀಕ್ಷ್ಣದಮ್ಷ್ಟ್ರಸ್ಸುಧನ್ವಾ ಸುತದಃ ಸುಖೀ ॥ ೪೭॥

ಧ್ಯಾನಗಮ್ಯೋ ಧ್ಯಾತೃರೂಪೋ ಧ್ಯೇಯೋ ಧರ್ಮವಿದಾಂ ವರಃ ।
ನಕ್ತಞ್ಚರಃ ಪ್ರಕೃನ್ತಾನಾಂ ಪತಿರ್ಗಿರಿಚರೋ ಗುರುಃ ॥ ೪೮॥

ನನ್ದಿನಾಟ್ಯಪ್ರಿಯೋ ನನ್ದೀ ನಟೇಶೋ ನಟವೇಷಭೃತ್ ।
ನಮದಾನನ್ದದೋ ನಮ್ಯೋ ನಗರಾಜನಿಕೇತನಃ ॥ ೪೯॥

ನಾರಸಿಂಹೋ ನಗಾಧ್ಯಕ್ಷೋ ನಾದಾನ್ತೋ ನಾದವರ್ಜಿತಃ ।
ನಿಚೇರುಕಃ ಪರಿಚರೋಽರಣ್ಯಾನಾಂ ಪತಿರದ್ಭುತಃ ॥ ೫೦॥

ನಿರಙ್ಕುಶೋ ನಿರಾಧಾರೋ ನಿರಪಾಯೋ ನಿರತ್ಯಯಃ ।
ನಿರಞ್ಜನೋ ನಿತ್ಯಶುದ್ಧೋ ನಿತ್ಯಬುದ್ಧೋ ನಿರಾಶ್ರಯಃ ॥ ೫೧॥

ನಿರಂಶೋ ನಿಗಮಾನನ್ದೋ ನಿರಾನನ್ದೋ ನಿದಾನಭೂಃ ।
ನಿರ್ವಾಣದೋ ನಿರ್ವೃತಿಸ್ಥೋ ನಿರ್ವೈರೋ ನಿರುಪಾಧಿಕಃ ॥ ೫೨॥

ನಿರ್ವಿಕಲ್ಪೋ ನಿರಾಲಮ್ಬೋ ನಿರ್ವಿಕಾರೋ ನಿರಾಮಯಃ ।
ನಿಷಙ್ಗೀಷುಧಿಮಾನಿನ್ದ್ರಸ್ತಸ್ಕರಾಣಾಮಧೀಶ್ವರಃ ॥ ೫೩॥

ನಿಸ್ಪನ್ದಃ ಪ್ರತ್ಯಯಾನನ್ದೋ ನಿರ್ನಿಮೇಷೋ ನಿರನ್ತರಃ ।
ನೈಷ್ಕರ್ಮ್ಯದೋ ನವರಸಃ ತ್ರಿಸ್ಥಸ್ತ್ರಿಪುರಭೈರವಃ ॥ ೫೪॥

ಪಞ್ಚಭೂತಪ್ರಭುಃ ಪಞ್ಚಪೂಜಾಸನ್ತುಷ್ಟಮಾನಸಃ ।
ಪಞ್ಚಯಜ್ಞಪ್ರಿಯಃ ಪಞ್ಚಪ್ರಾಣಾಧಿಪತಿರವ್ಯಯಃ ॥ ೫೫॥

ಪತಞ್ಜಲಿಪ್ರಾಣನಾಶ್ಚ ಪರಾಪರವಿವರ್ಜಿತಃ ।
ಪತಿಃ ಪಞ್ಚತ್ವನಿರ್ಮುಕ್ತಃ ಪಞ್ಚಕೃತ್ಯಪರಾಯಣಃ ॥ ೫೬॥

ಪತ್ತೀನಾಮಧಿಪಃ ಕೃತ್ಸ್ನವೀತೋ ಧಾವಂಶ್ಚ ಸತ್ತ್ವಪಃ ।
ಪರಮಾತ್ಮಾ ಪರಂ ಜ್ಯೋತಿಃ ಪರಮೇಷ್ಠೀ ಪರಾತ್ಪರಃ ॥ ೫೭॥

ಪರ್ಣಶದ್ಯಃ ಪ್ರತ್ಯಗಾತ್ಮಾ ಪ್ರಸನ್ನಃ ಪರಮೋನ್ನತಃ ।
ಪವಿತ್ರಃ ಪಾರ್ವತೀದಾರಃ ಪರಮಾಪನ್ನಿವಾರಕಃ ॥ ೫೮॥

ಪಾಟಲಾಮ್ಶುಃ ಪಟುತರಃ ಪಾರಿಜಾತದ್ರುಮೂಲಗಃ ।
ಪಾಪಾಟವೀಬೃಹದ್ಭಾನುಃ ಭಾನುಮತ್ಕೋಟಿಕೋಟಿಭಃ ॥ ೫೯॥

ಪಾಶೀ ಪಾತಕಸಂಹರ್ತಾ ತೀಕ್ಷ್ಣೇಷುಸ್ತಿಮಿರಾಪಹಃ ।
ಪುಣ್ಯಃ ಪುಮಾನ್ಪುರಿಶಯಃ ಪೂಷಾ ಪೂರ್ಣಃ ಪುರಾತನಃ ॥ ೬೦॥

ಪುರಜಿತ್ಪೂರ್ವಜಃ ಪುಷ್ಪಹಾಸಃ ಪುಣ್ಯಫಲಪ್ರದಃ ।
ಪುರುಹೂತಃ ಪುರದ್ವೇಷೀ ಪುರತ್ರಯವಿಹಾರವಾನ್ ॥ ೬೧॥

ಪುಲಸ್ತ್ಯಃ ಕ್ಷಯಣೋ ಗೃಹ್ಯೋ ಗೋಷ್ಠ್ಯೋ ಗೋಪರಿಪಾಲಕಃ ।
ಪುಷ್ಟಾನಾಂ ಪತಿರವ್ಯಗ್ರೋ ಭವಹೇತಿರ್ಜಗತ್ಪತಿಃ ॥ ೬೨॥

ಪ್ರಕೃತೀಶಃ ಪ್ರತಿಷ್ಠಾತಾ ಪ್ರಭವಃ ಪ್ರಮಥಃ ಪ್ರಥೀ ।
ಪ್ರಪಞ್ಚೋಪಶಮೋ ನಾಮರೂಪದ್ವಯವಿವರ್ಜಿತಃ ॥ ೬೩॥

ಪ್ರಪಞ್ಚೋಲ್ಲಾಸನಿರ್ಮುಕ್ತಃ ಪ್ರತ್ಯಕ್ಷಃ ಪ್ರತಿಭಾತ್ಮಕಃ
ಪ್ರಬುದ್ಧಃ ಪರಮೋದಾರಃ ಪರಮಾನನ್ದಸಾಗರಃ ॥ ೬೪॥

ಪ್ರಮಾಣಃ ಪ್ರಣವಃ ಪ್ರಾಜ್ಞಃ ಪ್ರಾಣದಃ ಪ್ರಾಣನಾಯಕಃ ।
ಪ್ರವೇಗಃ ಪ್ರಮದಾರ್ಧಾಙ್ಗಃ ಪ್ರನರ್ತನಪರಾಯಣಃ ॥ ೬೫॥

ಬಭ್ರುರ್ಬಹುವಿಧಾಕಾರೋ ಬಲಪ್ರಮಥನೋ ಬಲೀ ।
ಬಭ್ರುಶೋ ಭಗವಾನ್ಭಾವ್ಯೋ ವಿವ್ಯಾಧೀ ವಿಗತಜ್ವರಃ ॥ ೬೬॥

ಬಿಲ್ಮೀ ವರೂಥೀ ದುನ್ದುಭ್ಯಾಹನನ್ಯೌ ಪ್ರಮೃಶಾಭಿಧಃ ।
ಬ್ರಹ್ಮವಿದ್ಯಾಗುರುರ್ಗುಹ್ಯೋ ಗುಹ್ಯಕೈಸ್ಸಮಭಿಷ್ಟುತಃ ॥ ೬೭॥

ಬ್ರಹ್ಮವಿದ್ಯಾಪ್ರದೋ ಬ್ರಹ್ಮ ಬೃಹದ್ಗರ್ಭೋ ಬೃಹಸ್ಪತಿಃ ।
ಬ್ರಹ್ಮಾಣ್ಡಕಾಣ್ಡವಿಸ್ಫೋಟಮಹಾಪ್ರಲಯತಾಣ್ಡವಃ ॥ ೬೮॥

ಬ್ರಹ್ಮಿಷ್ಠೋ ಬ್ರಹ್ಮಸೂತ್ರಾರ್ಥೋ ಬ್ರಹ್ಮಣ್ಯೋ ಬ್ರಹ್ಮಚೇತನಃ ।
ಭಗನೇತ್ರಹರೋ ಭರ್ಗೋ ಭವಘ್ನೋ ಭಕ್ತಿಮನ್ನಿಧಿಃ ॥ ೬೯॥

ಭದ್ರೋ ಭದ್ರಪ್ರದೋ ಭದ್ರವಾಹನೋ ಭಕ್ತವತ್ಸಲಃ ।
ಭಾವಜ್ಞೋ ಬನ್ಧವಿಚ್ಛೇತ್ತಾ ಭಾವಾತೀತೋಽಭಯಙ್ಕರಃ ॥ ೭೦॥

ಭಾವಾಭಾವವಿನಿರ್ಮುಕ್ತೋ ಭಾರೂಪೋ ಭಾವಿತೋ ಭರಃ ।
ಭೂತಮುಕ್ತಾವಲೀತನ್ತುಃ ಭೂತಪೂರ್ವೋ ಭುಜಙ್ಗಭೃತ್ ॥ ೭೧॥

ಭೂಮಾ ಭೂತಪತಿರ್ಭವ್ಯೋ ಭೂರ್ಭುವೋವ್ಯಾಹೃತಿಪ್ರಿಯಃ ।
ಭೃಙ್ಗಿನಾಟ್ಯಪ್ರಮಾಣಜ್ಞೋ ಭ್ರಮರಾಯಿತನಾಟ್ಯಕೃತ್ ॥ ೭೨॥

ಭ್ರಾಜಿಷ್ಣುರ್ಭಾವನಾಗಮ್ಯೋ ಭ್ರಾನ್ತಿಜ್ಞಾನವಿನಾಶನಃ ।
ಮನೀಷೀ ಮನುಜಾಧೀಶೋ ಮಿಥ್ಯಾಪ್ರತ್ಯಯನಾಶನಃ ॥ ೭೩॥

ಮನೋಭರ್ತಾ ಮನೋಗಮ್ಯೋ ಮನನೈಕಪರಾಯಣಃ ।
ಮನೋವಚೋಭಿರಗ್ರಾಹ್ಯೋ ಮಹಾಬಿಲಕೃತಾಲಯಃ ॥ ೭೪॥

ಮಯಸ್ಕರೋ ಮಹಾತಿರ್ಥ್ಯಃ ಕೂಲ್ಯಃ ಪಾರ್ಯಃ ಪದಾತ್ಮಕಃ ।
ಮಹರ್ದ್ಧಿರ್ಮಹಿಮಾಧಾರೋ ಮಹಾಸೇನಗುರುರ್ಮಹಃ ॥ ೭೫॥

ಮಹಾಕರ್ತಾ ಮಹಾಭೋಕ್ತಾ ಮಹಾಸಂವಿನ್ಮಯೋ ಮಧುಃ ।
ಮಹಾತಾತ್ಪರ್ಯನಿಲಯಃ ಪ್ರತ್ಯಗ್ಬ್ರಹ್ಮೈಕ್ಯನಿಶ್ಚಯಃ ॥ ೭೬॥

ಮಹಾನನ್ದೋ ಮಹಾಸ್ಕನ್ದೋ ಮಹೇನ್ದ್ರೋ ಮಹಸಾನ್ನಿಧಿಃ ।
ಮಹಾಮಾಯೋ ಮಹಾಗ್ರಾಸೋ ಮಹಾವೀರ್ಯೋ ಮಹಾಭುಜಃ ॥ ೭೭॥

ಮಹೋಗ್ರತಾಣ್ಡವಾಭಿಜ್ಞಃ ಪರಿಭ್ರಮಣತಾಣ್ಡವಃ ।
ಮಾಣಿಭದ್ರಾರ್ಚಿತೋ ಮಾನ್ಯೋ ಮಾಯಾವೀ ಮಾನ್ತ್ರಿಕೋ ಮಹಾನ್ ॥ ೭೮॥

ಮಾಯಾನಾಟಕಕೃನ್ಮಾಯೀ ಮಾಯಾಯನ್ತ್ರವಿಮೋಚಕಃ ।
ಮಾಯಾನಾಟ್ಯವಿನೋದಜ್ಞೋ ಮಾಯಾನಟನಶಿಕ್ಷಕಃ ॥ ೭೯॥

ಮೀಢುಷ್ಟಮೋ ಮೃಗಧರೋ ಮೃಕಣ್ಡುತನಯಪ್ರಿಯಃ ।
ಮುನಿರಾತಾರ್ಯ ಆಲಾದ್ಯಃ ಸಿಕತ್ಯಶ್ಚ ಕಿँಶಿಲಃ ॥ ೮೦॥

ಮೋಚಕೋ ಮೋಹವಿಚ್ಛೇತ್ತಾ ಮೋದನೀಯೋ ಮಹಾಪ್ರಭುಃ ।
ಯಶಸ್ವೀ ಯಜಮಾನಾತ್ಮಾ ಯಜ್ಞಭುಗ್ಯಜನಪ್ರಿಯಃ ॥ ೮೧॥

ಯಕ್ಷರಾಡ್ಯಜ್ಞಫಲದೋ ಯಜ್ಞಮೂರ್ತಿರ್ಯಶಸ್ಕರಃ ।
ಯೋಗಗಮ್ಯೋ ಯೋಗನಿಷ್ಠೋ ಯೋಗಾನನ್ದೋ ಯುಧಿಷ್ಠಿರಃ ॥ ೮೨॥

ಯೋಗಯೋನಿರ್ಯಥಾಭೂತೋ ಯಕ್ಷಗನ್ಧರ್ವವನ್ದಿತಃ ।
ರವಿಮಣ್ಡಲಮಧ್ಯಸ್ಥೋ ರಜೋಗುಣವಿವರ್ಜಿತಃ ॥ ೮೩॥

ರಾಜರಾಜೇಶ್ವರೋ ರಮ್ಯೋ ರಾತ್ರಿಞ್ಚರ ವಿನಾಶನಃ ।
ರಾತಿರ್ದಾತಿಶ್ಚತುಷ್ಪಾದಃ ಸ್ವಾತ್ಮಬನ್ಧಹರಃ ಸ್ವಭೂಃ ॥ ೮೪॥

ರುದ್ರಾಕ್ಷಸ್ರಙ್ಮಯಾಕಲ್ಪಃ ಕಹ್ಲಾರಕಿರಣದ್ಯುತಿಃ ।
ರೋಹಿತಸ್ಸ್ಥಪತಿರ್ವೃಕ್ಷಪತಿರ್ಮನ್ತ್ರೀ ಚ ವಾಣಿಜಃ ॥ ೮೫॥

ಲಾಸ್ಯಾಮೃತಾಬ್ಧಿಲಹರೀಪೂರ್ಣೇನ್ದುಃ ಪುಣ್ಯಗೋಚರಃ ।
ವರದೋ ವಾಮನೋ ವನ್ದ್ಯೋ ವರಿಷ್ಠೋ ವಜ್ರವರ್ಮಭೃತ್ ॥ ೮೬॥

ವರಾಭಯಪ್ರದೋ ಬ್ರಹ್ಮಪುಚ್ಛೋ ಬ್ರಹ್ಮವಿದಾಂ ವರಃ ।
ವಶೀ ವರೇಣ್ಯೋ ವಿತತೋ ವಜ್ರಭೃದ್ವರುಣಾತ್ಮಕಃ ॥ ೮೭॥

ವಹ್ನಿಮಣ್ಡಲಮಧ್ಯಸ್ಥೋ ವರ್ಷೀಯಾನ್ ವರುಣೇಶ್ವರಃ ।
ವಾಚ್ಯವಾಚಕನಿರ್ಮುಕ್ತೋ ವಾಗೀಶೋ ವಾಗಗೋಚರಃ ॥ ೮೮॥

ವಿಕಾರರಹಿತೋ ವಿಷ್ಣುರ್ವಿರಾಡೀಶೋ ವಿರಾಣ್ಮಯಃ ।
ವಿಘ್ನೇಶ್ವರೋ ವಿಘ್ನನೇತಾ ಶಕ್ತಿಪಾಣಿಃ ಶರೋದ್ಭವಃ ॥ ೮೯॥

ವಿಜಿಘತ್ಸೋ ವಿಗತಭೀರ್ವಿಪಿಪಾಸೋ ವಿಭಾವನಾ ।
ವಿದಗ್ಧಮುಗ್ಧವೇಷಾಡ್ಯೋ ವಿಶ್ವಾತೀತೋ ವಿಶೋಕದಃ ॥ ೯೦॥

ವಿದ್ಯಾನಿಧಿರ್ವಿರೂಪಾಕ್ಷೋ ವಿಶ್ವಯೋನಿರ್ವೃಷಧ್ವಜಃ ।
ವಿದ್ಯುತ್ಯೋ ವಿವಹೋ ಮೇಧ್ಯೋ ರೇಷ್ಮಿಯೋ ವಾಸ್ತುಪೋ ವಾಸಃ ॥ ೯೧॥

ವಿದ್ವತ್ತಮೋ ವಿದೂರಸ್ಥೋ ವಿಶ್ರಮೋ ವೇದನಾಮಯಃ ।
ವಿಯದಾದಿಜಗತ್ಸ್ರಷ್ಟಾ ವಿವಿಧಾನನ್ದದಾಯಕಃ ॥ ೯೨॥

ವಿರಾಠೃದಯಪದ್ಮಸ್ಥೋ ವಿಧಿರ್ವಿಶ್ವಾಧಿಕೋ ವಿಭುಃ ।
ವಿರೂಪೋ ವಿಶ್ವದಿಗ್ವ್ಯಾಪೀ ವೀತಶೋಕೋ ವಿರೋಚನಃ ॥ ೯೩॥

ವಿಶ್ರಾನ್ತಿಭೂರ್ವಿವಸನೋ ವಿಘ್ನಹನ್ತಾ ವಿನೋದಕಃ ।
ವಿಶೃಙ್ಖಲೋ ವಿಯದ್ಧೇತುರ್ವಿಷಮೋ ವಿದ್ರುಮಪ್ರಭಃ ॥ ೯೪॥

ವಿಶ್ವಸ್ಯಾಯತನೋ ವರ್ಯೋ ವನ್ದಾರುಜನವತ್ಸಲ ।
ವಿಜ್ಞಾನಮಾತ್ರೋ ವಿರಜಾ ವಿರಾಮೋ ವಿಬುಧಾಶ್ರಯ ॥ ೯೫॥

ವೀರಪ್ರಿಯೋ ವೀತಭಯೋ ವಿನ್ಧ್ಯದರ್ಪವಿನಾಶನ ।
ವೀರಭದ್ರೋ ವಿಶಾಲಾಕ್ಷೋ ವಿಷ್ಣುಬಾಣೋ ವಿಶಾಂ ಪತಿಃ ॥ ೯೬॥

ವೃದ್ಧಿಕ್ಷಯವಿನಿರ್ಮುಕ್ತೋ ವಿದ್ಯೋತೋ ವಿಶ್ವವಞ್ಚಕಃ ।
ವೇತಾಲನಟನಪ್ರೀತೋ ವೇತಣ್ಡತ್ವಕ್ಕೃತಾಮ್ಬರಃ ॥ ೯೭॥

ವೇದವೇದ್ಯೋ ವೇದರೂಪೋ ವೇದವೇದಾನ್ತವಿತ್ತಮಃ ।
ವೇದಾನ್ತಕೃತ್ತುರ್ಯಪಾದೋ ವೈದ್ಯುತಃ ಸುಕೃತೋದ್ ಭವಃ ॥ ೯೮॥

ವೇದಾರ್ಥವಿದ್ವೇದಯೋನಿಃ ವೇದಾಙ್ಗೋ ವೇದಸಂಸ್ತುತಃ ।
ವೇಲಾತಿಲಙ್ಘಿಕರುಣೋ ವಿಲಾಸೀ ವಿಕ್ರಮೋನ್ನತಃ ॥ ೯೯॥

ವೈಕುಣ್ಠವಲ್ಲಭೋಽವರ್ಷ್ಯೋ ವೈಶ್ವಾನರವಿಲೋಚನಃ ।
ವೈರಾಗ್ಯಶೇವಧಿರ್ವಿಶ್ವಭೋಕ್ತಾ ಸರ್ವೋರ್ಧ್ವಸಂಸ್ಥಿತಃ ॥ ೧೦೦॥

ವೌಷಟ್ಕಾರೋ ವಷಟ್ಕಾರೋ ಹುಙ್ಕಾರಃ ಫಟ್ಕರಃ ಪಟುಃ ।
ವ್ಯಾಕೃತೋ ವ್ಯಾಪೃತೋ ವ್ಯಾಪೀ ವ್ಯಾಪ್ಯಸಾಕ್ಷೀ ವಿಶಾರದಃ ॥ ೧೦೧॥

ವ್ಯಾಘ್ರಪಾದಪ್ರಿಯೋ ವ್ಯಾಘ್ರಚರ್ಮಧೃದ್ವಯಾಧಿನಾಶನಃ ।
ವ್ಯಾಮೋಹನಾಶನೋ ವ್ಯಾಸೋ ವ್ಯಾಖ್ಯಾಮುದ್ರಾಲಸತ್ಕರಃ ॥ ೧೦೨॥

ವ್ಯುಪ್ತಕೇಶೋಽಥ ವಿಶದೋ ವಿಷ್ವಕ್ಸೇನೋ ವಿಶೋಧಕಃ ।
ವ್ಯೋಮಕೇಶೋ ವ್ಯೋಮಮೂರ್ತಿರ್ವ್ಯೋಮಾಕಾರೋಽವ್ಯಯಾಕೃತಿಃ ॥ ೧೦೩॥

ವ್ರಾತೋ ವ್ರಾತಪತಿರ್ವಿಪ್ರೋ ವರೀಯಾನ್ ಕ್ಷುಲ್ಲಕಃ ಕ್ಷಮೀ ।
ಶಕ್ತಿಪಾತಕರಃ ಶಕ್ತಃ ಶಾಶ್ವತಃ ಶ್ರೇಯಸಾಂ ನಿಧಿಃ ॥ ೧೦೪॥

ಶಯಾನಃ ಶನ್ತಮಃ ಶಾನ್ತಃ ಶಾಸಕಃ ಶ್ಯಾಮಲಾಪ್ರಿಯಃ ।
ಶಿವಙ್ಕರಃ ಶಿವತರಃ ಶಿಷ್ಟಹೃಷ್ಟಃ ಶಿವಾಗಮಃ ॥ ೧೦೫॥

ಶೀಘ್ರಿಯಶ್ಶೀಭ್ಯ ಆನನ್ದಃ ಕ್ಷಯದ್ವೀರಶ್ಶರೋಽಕ್ಷರಃ ।
ಶುದ್ಧಸ್ಫಟಿಕಸಙ್ಕಾಶಃ ಶ್ರುತಿಪ್ರಸ್ತುತವೈಭವಃ ॥ ೧೦೬॥

ಶುಷ್ಕ್ಯೋ ಹರಿತ್ಯೋ ಲೋಪ್ಯಶ್ಚ ಸೂರ್ಮ್ಯಃ ಪರ್ಣ್ಯೋಽಣಿಮಾದಿಭೂಃ ।
ಶೂರಸೇನಃ ಶುಭಾಕಾರಃ ಶುಭ್ರಮೂರ್ತಿಃ ಶುಚಿಸ್ಮಿತಃ ॥ ೧೦೭॥

ಶಙ್ಗಃ ಪ್ರತರಣೋಽವಾರ್ಯಃ ಫೇನ್ಯಃ ಶಷ್ಪ್ಯಃ ಪ್ರವಾಹಜಃ ।
ಶ್ರಾವ್ಯಃ ಶತ್ರುಹರಃ ಶೂಲೀ ಶ್ರುತಿಸ್ಮೃತಿವಿಧಾಯಕಃ ॥ ೧೦೮॥

ಶ್ರೀಶಿವಃ ಶ್ರೀಶಿವಾನಾಥಃ ಶ್ರೀಮಾನ್ ಶ್ರೀಪತಿಪೂಜಿತಃ ।
ಶ್ರುತ್ಯಃ ಪಥ್ಯಸ್ಸ್ವತನ್ತ್ರಸ್ಥಃ ಕಾಟ್ಯೋ ನೀಪ್ಯಃ ಕರೋಟಿಭೃತ್ ॥ ೧೦೯॥

ಷಡಾಧಾರಗತಃ ಸಾಙ್ಖ್ಯಃ ಷಡಕ್ಷರಸಮಾಶ್ರಯಃ ।
ಷಡೂರ್ಮಿರಹಿತಃ ಸ್ತವ್ಯಃ ಷಡ್ಗುಣೈಶ್ವರ್ಯದಾಯಕಃ ॥ ೧೧೦॥

ಸಕೃದ್ವಿಭಾತಃ ಸಂವೇತ್ತಾ ಸದಸತ್ಕೋಟಿವರ್ಜಿತಃ ।
ಸತ್ತ್ವಸಂಸ್ಥಃ ಸುಷುಪ್ತಿಸ್ಥಃ ಸುತಲ್ಪಃ ಸತ್ಸ್ವರೂಪಗಃ ॥ ೧೧೧॥

ಸದ್ಯೋಜಾತಃ ಸದಾರಾಧ್ಯಃ ಸಾಮಗಃ ಸಾಮಸಂಸ್ತುತಃ ।
ಸನಾತನಃ ಸಮಃ ಸತ್ಯಃ ಸತ್ಯವಾದೀ ಸಮೃದ್ಧಿದಃ ॥ ೧೧೨॥

ಸಮದೃಷ್ಟಿಃ ಸತ್ಯಕಾಮಃ ಸನಕಾದಿಮುನಿಸ್ತುತಃ ।
ಸಮಸ್ತಭುವನವ್ಯಾಪೀ ಸಮೃದ್ಧಃ ಸತತೋದಿತಃ ॥ ೧೧೩॥

ಸರ್ವಕೃತ್ಸರ್ವಜಿತ್ಸರ್ವಮಯಃ ಸತ್ವಾವಲಮ್ಬಕಃ ।
ಸರ್ವದ್ವನ್ದ್ವಕ್ಷಯಕರಃ ಸರ್ವಾಪದ್ವಿನಿವಾರಕಃ ॥ ೧೧೪॥

ಸರ್ವದೃಕ್ ಸರ್ವಭೃತ್ಸರ್ಗಃ ಸರ್ವಹೃತ್ಕೋಶಸಂಸ್ಥಿತಃ ।
ಸರ್ವಪ್ರಿಯತಮಃ ಸರ್ವದಾರಿದ್ರ್ಯಕ್ಲೇಶನಾಶನಃ ॥ ೧೧೫॥

ಸರ್ವವಿದ್ಯಾನಾಮೀಶಾನ ಈಶ್ವರಾಣಾಮಧೀಶ್ವರಃ ।
ಸರ್ವಜ್ಞಃ ಸರ್ವದಃ ಸ್ಥಾಣುಃ ಸರ್ವೇಶಃ ಸಮರಪ್ರಿಯಃ ॥ ೧೧೬॥

ಸರ್ವಾತೀತಃ ಸಾರತರಃ ಸಾಮ್ಬಃ ಸಾರಸ್ವತಪ್ರದಃ ।
ಸರ್ವಾರ್ಥಃ ಸರ್ವದಾ ತುಷ್ಟಃ ಸರ್ವಶಾಸ್ತ್ರಾರ್ಥಸಮ್ಮತಃ ॥ ೧೧೭॥

ಸರ್ವೇಶ್ವರಃ ಸರ್ವಸಾಕ್ಷೀ ಸರ್ವಾತ್ಮಾ ಸಾಕ್ಷಿವರ್ಜಿತಃ ।
ಸವ್ಯತಾಣ್ಡವಸಮ್ಪನ್ನೋ ಮಹಾತಾಣ್ಡವವೈಭವಃ ॥ ೧೧೮॥

ಸಸ್ಪಿಞ್ಜರಃ ಪಶುಪತಿಸ್ತ್ವಿಷೀಮಾನಧ್ವನಾಂ ಪತಿಃ ।
ಸಹಮಾನಸ್ಸತ್ಯಧರ್ಮಾ ನಿವ್ಯಾಧೀ ನಿಯಮೋ ಯಮಃ ॥ ೧೧೯॥

ಸಹಸ್ರಾಕ್ಷಃ ಸಹಸ್ರಾಙ್ಘ್ರಿಃ ಸಹಸ್ರವದನಾಮ್ಬುಜಃ ।
ಸಹಸ್ರಾಕ್ಷಾರ್ಚಿತಃ ಸಮ್ರಾಟ್ ಸನ್ಧಾತಾ ಸಮ್ಪದಾಲಯಃ ॥ ೧೨೦॥

ಸಿದ್ಧೇಶಃ ಸಿದ್ಧಿಜನಕಃ ಸಿದ್ಧಾನ್ತಃ ಸಿದ್ಧವೈಭವಃ ।
ಸುಧಾರೂಪಃ ಸುರಾಧ್ಯಕ್ಷಃ ಸುಭ್ರೂಃ ಸುಖಘನಃ ಸುಧೀಃ ॥ ೧೨೧॥

ಸುನಿಶ್ಚಿತಾರ್ಥೋ ರಾದ್ಧಾನ್ತಃ ತತ್ವಮರ್ಥಸ್ತಪೋಮಯಃ ।
ಸುವ್ರತಃ ಸತ್ಯಸಙ್ಕಲ್ಪಃ ಸ್ವಸಂವೇದ್ಯಃ ಸುಖಾವಹಃ ॥ ೧೨೨॥

ಸೂತಃ ಸದಸ್ಪತಿಃ ಸೂರಿರಹನ್ತ್ಯೋ ವನಪೋ ವರಃ ।
ಸೂತ್ರಭೂತಃ ಸ್ವಪ್ರಕಾಶಃ ಸಮಶೀಲಃ ಸದಾದಯಃ ॥ ೧೨೩॥

ಸೂತ್ರಾತ್ಮಾ ಸುಲಭಃ ಸ್ವಚ್ಛಃ ಸೂದರಃ ಸುನ್ದರಾನನಃ ।
ಸೂದ್ಯಸ್ಸರಸ್ಯೋ ವೈಶನ್ತೋ ನಾದ್ಯೋಽವಟ್ಯೋಟಚೋಽಥ ವರ್ಷಕಃ ॥ ೧೨೪॥

ಸೂಕ್ಷ್ಮಾತ್ಸೂಕ್ಷ್ಮತರಃ ಸೂರ್ಯಃ ಸೂಕ್ಷ್ಮಸ್ಥೂಲತ್ವವರ್ಜಿತಃ ।
ಸೃಕಾವೀ ಮುಷ್ಣತಾಂ ನಾಥಃ ಪಞ್ಚಾಶದ್ವರ್ಣರೂಪಭೃತ್ ॥ ೧೨೫॥

ಸೋಮಮಣ್ಡಲಮಧ್ಯಸ್ಥಃ ಸೋಮಃ ಸೌಮ್ಯಃ ಸುಹೃದ್ವರಃ ।
ಸಙ್ಕಲ್ಪೋಲ್ಲಾಸನಿರ್ಮುಕ್ತಃ ಸಮನೀರಾಗಚೇತನಃ ॥ ೧೨೬॥

ಸಮ್ಪನ್ನಃ ಸಙ್ಕ್ರಮಃ ಸತ್ರೀ ಸನ್ದಾತಾ ಸಕಲೋರ್ಜಿತಃ ।
ಸಮ್ಪ್ರವೃದ್ಧಃ ಸನ್ನಿಕೃಷ್ಟಃ ಸಂವಿಮೃಷ್ಟಃ ಸಮಗ್ರದೃಕ್ ॥ ೧೨೭॥

ಸಮ್ಪ್ರಹೃಷ್ಟಃ ಸನ್ನಿವಿಷ್ಟಃ ಸಂಸ್ಪಷ್ಟಃ ಸಮ್ಪ್ರಮರ್ದನಃ ।
ಸಂಯದ್ವಾಮಃ ಸಂಯಮೀನ್ದ್ರಃ ಸಂಶಯಚ್ಛಿತ್ ಸಹಸ್ರದೃಕ್ ॥ ೧೨೮॥

ಸಂಯಮಸ್ಥಃ ಸಂಹೃದಿಸ್ಥಃ ಸಮ್ಪ್ರವಿಷ್ಟಃ ಸಮುತ್ಸುಕಃ ।
ಸಂವತ್ಸರಃ ಕಲಾಪೂರ್ಣಸ್ಸುರಾಸುರನಮಸ್ಕೃತಃ ॥ ೧೨೯॥

ಸಂವರ್ತಾಗ್ನ್ಯುದರಃ ಸರ್ವಾನ್ತರಸ್ಥಸ್ಸರ್ವದುರ್ಗ್ರಹಃ ।
ಸಂಶಾನ್ತಸರ್ವಸಙ್ಕಲ್ಪಃ ಸಂಸದೀಶಃ ಸದೋದಿತಃ ॥ ೧೩೦॥

ಸ್ಫುರಙ್ಡಮರುನಿಧ್ವಾನನಿರ್ಜಿತಾಮ್ಭೋಧಿನಿಸ್ವನಃ ।
ಸ್ವಚ್ಛನ್ದಃ ಸ್ವಚ್ಛಸಂವಿತ್ತಿರನ್ವೇಷ್ಟವ್ಯೋಽಶ್ರುತೋಽಮತಃ ॥ ೧೩೧॥

ಸ್ವಾತ್ಮಸ್ಥಃ ಸ್ವಾಯುಧಃ ಸ್ವಾಮೀ ಸ್ವಾನನ್ಯಃ ಸ್ವಾಂಶಿತಾಖಿಲಃ ।
ಸ್ವಾಹಾರೂಪೋ ವಸುಮನಾಃ ವಟುಕಃ ಕ್ಷೇತ್ರಪಾಲಕಃ ॥ ೧೩೨॥

ಹಿತಃ ಪ್ರಮಾತಾ ಪ್ರಾಗ್ವರ್ತೀ ಸರ್ವೋಪನಿಷದಾಶಯಃ ।
ಹಿರಣ್ಯಬಾಹುಸ್ಸೇನಾನೀರ್ಹರಿಕೇಶೋ ದಿಶಾಮ್ಪತಿಃ ॥ ೧೩೩॥

ಹೇತುದೃಷ್ಟಾನ್ತನಿರ್ಮುಕ್ತೋ ಹೇತುರ್ಹೇರಮ್ಬಜನ್ಮಭೂಃ ।
ಹೇಯಾದೇಯವಿನಿರ್ಮುಕ್ತೋ ಹೇಲಾಕಲಿತತಾಣ್ಡವಃ ॥ ೧೩೪॥

ಹೇಲಾವಿನಿರ್ಮಿತಜಗದ್ಧೇಮಶ್ಮಶ್ರುರ್ಹಿರಣ್ಮಯಃ ।
ಜ್ಞಾನಲಿಙ್ಗೋ ಗತಿರ್ಜ್ಞಾನೀ ಜ್ಞಾನಗಮ್ಯೋಽಭಾಸಕಃ ॥ ೧೩೫॥

॥ ಉತ್ತರ ಪೀಠಿಕಾ ॥
ಇತಿ ಕುಞ್ಚಿತಪಾದಸ್ಯ ನಟರಾಜಸ್ಯ ಸುನ್ದರಮ್ ।
ನಾಮ್ನಾಂ ಸಹಸ್ರಂ ಸಮ್ಪ್ರೋಕ್ತಂ ಮಯಾ ದೇವಿ ತ್ವದಾದರಾತ್ ॥ ೧॥

ಸರ್ವಮನ್ತ್ರಮಯಂ ಹ್ಯೇತತ್ ನ ಪ್ರಕಾಶ್ಯಂ ಕದಾಚನ ।
ಸಚ್ಛಿಷ್ಯಾಯ ವಿನೀತಾಯ ಭಕ್ತಾಯ ನಟನಾಯಕೇ ॥ ೨॥

ಕರಾಙ್ಗನ್ಯಾಸಸಂಯುಕ್ತಂ ಪ್ರೋಕ್ತವ್ಯಂ ಧ್ಯಾನಸಂಯುತಮ್ ।
ಕನ್ಯಾರ್ಥೀ ಲಭತೇ ಕನ್ಯಾಂ ಧನಾರ್ಥೀ ಧನಮಾಪ್ನುಯಾತ್ ॥ ೩॥

ವಿದ್ಯಾರ್ಥೀ ಲಭತೇ ವಿದ್ಯಾಂ ಪುತ್ರಾರ್ಥೀ ಪುತ್ರಮಾಪ್ನುಯಾತ್ ।
ಯದ್ಯತ್ ಪ್ರಾರ್ಥಯತೇ ಮರ್ತ್ಯಃ ತತ್ಸರ್ವಂ ಲಭತೇ ಧುವಮ್ ॥ ೪॥

ಸರ್ವಸಿದ್ಧಿಕರಂ ಪುಣ್ಯಂ ಸರ್ವವಿದ್ಯಾವಿವರ್ದ್ಧನಮ್ ।
ಸರ್ವಸಮ್ಪತ್ಪ್ರದಮಿದಂ ಸರ್ವಾಪದ್ಘ್ನಮಘಾಪಹಮ್ ॥ ೫॥

ಆಭಿಚಾರಪ್ರಯೋಗಾದಿಮಹಾಕೃತ್ಯಾನಿವಾರಣಮ್ ।
ಅಪಸ್ಮಾರಮಹಾವ್ಯಾಧಿಜ್ವರಕುಷ್ಠಾದಿನಾಶನಮ್ ॥ ೬॥

ಅತ್ಯುತ್ಪಾತಭಯಕ್ಷೋಭಕ್ಷುದ್ರವಾರಣಕಾರಣಮ್ ।
ಕೂಶ್ಮಾಣ್ಡರುದ್ರವೇತಾಲಶಾಕಿನ್ಯಾದಿಭಯಾಪಹಮ್ ॥ ೭॥

ಸ್ಮರಣಾದೇವ ಜನ್ತೂನಾಂ ಬ್ರಹ್ಮಹತ್ಯಾದಿನಾಶನಮ್ ।
ಅಸ್ಮಾತ್ಪರತರಂ ಸ್ತೋತ್ರಂ ನಾಸ್ತಿ ಲೋಕತ್ರಯೇಽಮ್ಬಿಕೇ ॥ ೮॥

ಏತನ್ನಾಮಸಹಸ್ರಸ್ಯ ಪಠನಾತ್ಸಕೃದೇವ ಹಿ ।
ಮಹಾಪಾತಕಯುಕ್ತೋಽಪಿ ಶಿವಸಾಯುಜ್ಯಮಾಪ್ನುಯಾತ್ ॥ ೯॥

ಪ್ರಯೋಗಲಕ್ಷಣಂ ವಕ್ಷ್ಯೇ ಶೃಣು ಶೈಲಸುತೇಽಧುನಾ ।
ಪಞ್ಚಮ್ಯಾಮಥವಾಷ್ಟಮ್ಯಾಂ ದಶಮ್ಯಾಂ ವಾ ವಿಶೇಷತಃ ॥ ೧೦॥

ಸ್ನಾತ್ವಾ ಶುಭಾಸನೇ ಸ್ಥಿತ್ವಾ ಧ್ಯಾಯನ್ ಶ್ರೀನಟನಾಯಕಮ್ ।
ಪ್ರಜಪೇತ್ದ್ವಾದಶಾವೃತ್ಯಾ ಸರ್ವಾನ್ಕಾಮಾನವಾಪ್ನುಯಾತ್ ॥ ೧೧॥

ಆರ್ದ್ರಾಯಾಂ ಪ್ರಾತರಾರಭ್ಯ ನಟನಾಥಸ್ಯ ಸನ್ನಿಧೌ ।
ಆಸಾಯಂ ಪ್ರಜಪೇದೇತತ್ ಏವಂ ಸಂವತ್ಸರತ್ರಯಮ್ ॥ ೧೨॥

ತಸ್ಯ ಭಕ್ತಸ್ಯ ದೇವೇಶಃ ನಟನಂ ದರ್ಶಯೇತ್ಪ್ರಭುಃ ।
ಬಿಲ್ವವೃಕ್ಷಸ್ಯ ನಿಕಟೇ ಪ್ರದೋಷೇ ಪ್ರಜಪೇದಿದಮ್ ॥ ೧೩॥

ಷಡ್ಭಿರ್ಮಾಸೈಮಹೈಶ್ವರ್ಯಂ ಲಭತೇ ನಚಿರಾನ್ನರಃ ।
ಅನೇನ ಸ್ತೋತ್ರರಾಜೇನ ಮನ್ತ್ರಿತಂ ಭಸ್ಮ ಧಾರಯೇತ್ ॥ ೧೪॥

ಭಸ್ಮಾವಲೋಕನಾನ್ಮೃತ್ಯುರ್ವಶ್ಯೋ ಭವತಿ ತತ್ಕ್ಷಣಾತ್ ।
ಸಲಿಲಂ ಪ್ರಾಶಯೇದ್ಧೀಮಾನ್ಮನ್ತ್ರೇಣಾನೇನ ಮನ್ತ್ರಿತಮ್ ॥ ೧೫॥

ಸರ್ವವಿದ್ಯಾಮಯೋ ಭೂತ್ವಾ ವ್ಯಾಕರೋತ್ಯಶ್ರುತಾದಿಕಮ್ ।
ನಾಟಕಾದಿಮಹಾಗ್ರನ್ಥಂ ಕುರುತೇ ನಾತ್ರ ಸಂಶಯಃ ॥ ೧೬॥

ಚತುರ್ಥ್ಯನ್ತಂ ಸಮುಚ್ಚಾರ್ಯ ನಾಮೈಕಂ ತು ತತೋ ಜಪೇತ್ ।
ಪಞ್ಚಾಕ್ಷರಂ ತಥಾ ನಾಮ್ರಾ ಸಹಸ್ರಂ ಪ್ರಜಪೇತ್ಕ್ರಮಾತ್ ॥ ೧೭॥

ಏವಂ ತ್ರಿವಾರಂ ಮಾಸಾನಾಂ ಅಷ್ಟಾವಿಂಶತಿಕೇ ಗತೇ ।
ನಿಗ್ರಹಾನುಗ್ರಹೌ ಕರ್ತುಂ ಶಕ್ತಿರಸ್ಯೋಪಜಾಯತೇ ॥ ೧೮॥

ನಾಮ್ನಾಮಾದೌ ತಥಾನ್ತೇ ಚ ಪಞ್ಚಾಕ್ಷರಮಹಾಮನುಮ್ ।
ಜಪ್ತ್ವಾ ಮಧ್ಯಸ್ಥಿತಂ ನಾಮ ನಿರ್ನಮೋನ್ತಂ ಸದಾಽಸಕೃತ್ ॥ ೧೯॥

ಚತುರ್ಥ್ಯನ್ತಂ ಜಪೇದ್ಧೀಮಾನ್ ತ್ರಿವರ್ಷಂ ಚ ತ್ರಿವಾರಕೈಃ ।
ಅಣಿಮಾದಿಮಹಾಸಿದ್ಧಿಮಚಿರಾತ್ಪ್ರಾಪ್ನುಯಾದ್ಧ್ರುವಮ್ ॥ ೨೦॥

ಸರ್ವೇಷ್ವಪಿ ಚ ಲೋಕೇಷು ಸಿದ್ಧಸ್ಸನ್ನಾಚರೇನ್ನರಃ ।
ಲಕ್ಷ್ಮೀಬೀಜದ್ವಯಕ್ಷಿಪ್ತಮಾದ್ಯನ್ತೇ ನಾಮ ಯಶ್ಶಿವೇ ॥ ೨೧॥

ವಾಞ್ಛಿತಾಂ ಶ್ರಿಯಮಾಪ್ನೋತಿ ಸತ್ಯಮುಕ್ತಂ ವರಾನನೇ ।
ಹೃಲ್ಲೇಖಾಮನ್ತ್ರಸಂಯುಕ್ತಂ ಪೂರ್ವವತ್ಸಂಯುತಂ ಜಪೇತ್ ॥ ೨೨॥

ಯೋಗಸಿದ್ಧಿರ್ಭವೇತ್ತಸ್ಯ ತ್ರಿಚತುಃ ಪಞ್ಚವತ್ಸರೈಃ ।
ಕಿಮತ್ರ ಬಹುನೋಕ್ತೇನ ಯಾ ಯಾ ಸಿದ್ಧಿರಭೀಪ್ಸಿತಾ ॥ ೨೩॥

ಸಾ ಸಾ ಸಿದ್ಧಿರ್ಭವೇದಸ್ಯ ಸತ್ಯಮೇವ ಮಯೋದಿತಮ್ ।
ಕಣ್ಠದಘ್ನಜಲೇ ಸ್ಥಿತ್ವಾ ತ್ರಿವಾರಂ ಪ್ರಜಪೇದಿದಮ್ ॥ ೨೪॥

ರಿಪೂನುಚ್ಚಾಟಯೇಚ್ಛೀಘ್ರಮೇಕೇನೈವ ದಿನೇನ ಸಃ ।
ದಕ್ಷಿಣಾಭಿಮುಖೋ ಭೂತ್ವಾ ಧೃತ್ವಾರ್ದ್ರವಸನಂ ಶುಚಿಃ ॥ ೨೫॥

ಶತ್ರುನಾಮ ಸಮುಚ್ಚಾರ್ಯ ಮಾರಯೇತಿ ಪದಾಙ್ಕಿತಮ್ ।
ಪಠೇದಿಮಂ ಸ್ತವಂ ಕ್ರೋಧಾತ್ಸಪ್ತಕೃತ್ವಃ ತ್ರಿಭಿರ್ದಿನೈಃ ॥ ೨೬॥

ಸ ರಿಪುರ್ಮೃತ್ಯುಗೇಹಸ್ಯ ಧುವಮಾತಿಥ್ಯಭಾಗ್ಭವೇತ್ ।
ಹರಿದ್ರಯಾ ನಟಾಧೀಶಂ ಕೃತ್ವಾ ಪ್ರಾಣಾನ್ಪ್ರತಿಷ್ಠಿಪೇತ್ ॥ ೨೭॥

ಪೀತಪುಷ್ಪೈಸ್ಸಮಭ್ಯರ್ಚ್ಯ ಸ್ತೋತ್ರಮೇತಜ್ಜಪೇನ್ನರಃ ।
ಸ್ತಮ್ಭಯೇತ್ಸಕಲಾನ್ ಲೋಕಾನ್ ಕಿಮಿಹ ಕ್ಷುದ್ರಮಾನುಷಾನ್ ॥ ೨೮॥

ಆಕರ್ಷಣಾಯ ಸರ್ವೇಷಾಮುತ್ತರಾಭಿಮುಖೋ ಜಪೇತ್ ।
ವಾಞ್ಛಿತಾಃ ಯೋಷಿತಸ್ಸರ್ವಾಸ್ತಥಾ ಲೋಕಾನ್ತರಸ್ಥಿತಾಃ ॥ ೨೯॥

ಯಕ್ಷಾಶ್ಚ ಕಿನ್ನರಾಶ್ಚಾಪಿ ರಾಜಾನೋ ವಶಮಾಪ್ನುಯುಃ ।
ಕುಮ್ಭಸ್ಥಿತಂ ಜಲಂ ಸ್ಪೃಷ್ಟ್ವಾ ತ್ರಿವಾರಂ ಪ್ರಜಪೇದಿದಮ್ ॥ ೩೦॥

ಮಹಾಗ್ರಹಗಣಗ್ರಸ್ತಾನಭಿಷೇಕಂ ತು ಕಾರಯೇತ್ ।
ಜಲದರ್ಶನಮಾತ್ರೇಣ ಮುಚ್ಯತೇ ಚ ಗ್ರಹಾದಿಭಿಃ ॥ ೩೧॥

ಅಕಾರಾದಿಜ್ಞಕಾರಾನ್ತನಾಮಗ್ರಥಿತಮುತ್ತಮಮ್ ।
ಸ್ತೋತ್ರಮೇತಜ್ಜಪಿತ್ವಾ ಚ ಪಠಿತ್ವಾ ಶ್ರಿಯಮಾಪ್ನುಯಾತ್ ॥ ೩೨॥

ಪೂಜಯಿತ್ವಾ ನಾಮಭಿಶ್ಚ ನಟೇಶಪ್ರೀತಿಭಾಗ್ಭವೇತ್ ।
ಕಿಮತ್ರ ಬಹುನೋಕ್ತೇನ ಸಿದ್ಧ್ಯನ್ತ್ಯಖಿಲಸಿದ್ಧಯಃ ॥ ೩೩॥

ಸಾಕ್ಷಾನ್ನಟೇಶ್ವರೋ ದೇವೋ ವಶ್ಯೋ ಭವತಿ ಶೈಲಜೇ ।
ಅಸ್ಮಾತ್ಪರತರಾ ಸಿದ್ಧಿಃ ಕಾ ವಾಸ್ತಿ ಕಥಯ ಪ್ರಿಯೇ ॥ ೩೪॥

ನಿಷ್ಕಾಮಸ್ತ್ವಚಿರಾದೇವ ಬ್ರಹ್ಮಜ್ಞಾನಮವಾಪ್ನುಯಾತ್ ।
ತಸ್ಮಾತ್ಸರ್ವಪ್ರಯತ್ನೇನ ಯತಿಭಿರ್ಬ್ರಹ್ಮಚಾರಿಭಿಃ ॥ ೩೫॥

ವನಸ್ಥೈಶ್ಚ ಗೃಹಸ್ಥೈಶ್ಚ ಸರ್ವೈರ್ಜಪ್ಯಂ ಪ್ರಯತ್ನತಃ ।
ನಿತ್ಯಕರ್ಮವದೇವೇದಂ ಸ್ತೋತ್ರಂ ಜಪ್ಯಂ ಸದಾದರಾತ್ ॥ ೩೬॥

ಬ್ರಹ್ಮಾದಯೋಽಪಿ ಯನ್ನಾಮಪಾಠಸ್ಯೈವ ಪ್ರಸಾದತಃ ।
ಸೃಷ್ಟಿಸ್ಥಿತ್ಯನ್ತಕರ್ತಾರೋ ಜಗತಾಂ ಚಿರಜೀವಿನಃ ॥ ೩೭॥

ಅನ್ಯೇ ಚ ಮುನಯಸ್ಸರ್ವೇ ಹಯಗ್ರೀವಾದಯಃ ಪುರಾ ।
ಪಠಿತ್ವಾ ಪರಮಾಂ ಸಿದ್ಧಿಂ ಪುನರಾವೃತ್ತಿವರ್ಜಿತಾಮ್ ॥ ೩೮॥

ಲೇಭಿರೇ ತದಿದಂ ಸ್ತೋತ್ರಂ ಪಠ ತ್ವಮಪಿ ಶೈಲಜೇ ।
ಅಸ್ಮಾತ್ಪರತರಂ ವೇದ್ಯಂ ನಾಸ್ತಿ ಸತ್ಯಂ ಮಯೋದಿತಮ್ ॥ ೩೯॥

॥ ಶ್ರೀಭೃಙ್ಗಿರಿಟಿ ಸಂಹಿತಾಯಾಂ ಶ್ರೀಶಿವಕಾಮಸುನ್ದರೀಸಮೇತ ಶ್ರೀ

ನಟರಾಜರಾಜ ಕುಞ್ಚಿತಪಾದಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥

॥ ಶಿವಮ್ ॥
ತತಃ ಚಿನ್ತಾಮಣಿಮನ್ತ್ರೇಣ ಅಙ್ಗನ್ಯಾಸಂ, ಧ್ಯಾಯೇತ್ಕೋಟಿ ರವಿಪ್ರಭಮಿತಿ
ಫಾಲೇರತ್ನತ್ರಿಪುಣ್ಡ್ರಂ ಇತಿ ಧ್ಯಾನಂ ಲಂ ಪೃಥಿವ್ಯಾತ್ಮನ
ಇತಿ ಪಞ್ಚ ಪೂಜಾಂ ಚ ಕುರ್ಯಾತ್ ।
ಭೂರ್ಭುವಸ್ಸುವರೋಮಿತಿ ದಿಕ್ವಿಮೋಕಃ ಇತಿ ತು ವಿಶೇಷಃ ।
ಚಿನ್ತಾಮಣಿ ಮನ್ತ್ರಃ ಸನಿಯಮಂ ಗುರೂಪದೇಶಾತ್ ಜ್ಞೇಯಃ ॥

ಯಃ ಶಿವೋ ನಾಮರೂಪಾಭ್ಯಾಂ ಯಾ ದೇವೀ ಸರ್ವಮಙ್ಗಲಾ ।
ತಯೋಃ ಸಂಸ್ಮರಣಾನ್ನಿತ್ಯಂ ಸರ್ವತೋ ಜಯಮಙ್ಗಲಮ್ ॥

॥ ಮಹೋತ್ಸವಯಾತ್ರಾಕ್ರಮಃ ॥
ಮಞ್ಚೇ ಚನ್ದ್ರಾರ್ಕಭೂತೇಷ್ವಪಿ ವೃಷಗಜರಾಡ್ರಾಜತಾದ್ರಿಷ್ವಥಾಶ್ವೈಃ
ಸೋಮಾಸ್ಕನ್ದಸ್ವರೂಪಸ್ಸ್ವಯಮುರುನಯನೇ ಗೋರಥೇ ಮಾರ್ಗಣೋ ಯಃ ।
ಸ್ಥಿತ್ವಾ ಬ್ರಹ್ಮೋತ್ಸವೇಷು ತ್ರಿಷು ಚ ನಟಪತಿಃ ಪ್ರತ್ಯಹಂ ವೀಥಿಯಾತ್ರಾಂ
ಕೃತ್ವಾ ಸ್ನಾತ್ವಾ ಸಹ ಸ್ವಂ ಪ್ರವಿಶತಿ ಶಿವಯಾ ಕುಞ್ಚಿತಾಙ್ಘ್ರಿಂ ಭಜ್ಯೇಽಹಮ್ ॥

ಮಙ್ಗಲಂ ಚಿತ್ಸಭೇಶಾಯ ಮಹನೀಯಗುಣಾತ್ಮನೇ ।
ಚಕ್ರವರ್ತಿನುತಾಯ ಶ್ರೀನಟರಾಜಾಯ ಮಙ್ಗಲಮ್ ॥

॥ ನಟರಾಜರಾಜಃ ಶುಭಮಾತನೋತು ॥

Proofread by DPD

Please send corrections to sanskrit@cheerful.com
Last updated ತ್oday
http://sanskritdocuments.org

Nataraja Kunchitapada Sahasranama Stotram Lyrics in Kannada PDF
% File name : naTarAjakunchitapAdasahasranAmastotra.itx
% Category : sahasranAma
% Location : doc\_shiva
% Language : Sanskrit
% Subject : philosophy/hinduism/religion
% Proofread by : DPD
% Description-comments : Mahaperiaval trust publication
% Latest update : August 23, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 8, 2015 ] at Stotram Website