{॥ ಶ್ರೀರಾಮನಾಮಸಙ್ಕೀರ್ತನಮ್ ॥}
ಶ್ರೀನಾಥೇ ಜಾನಕೀನಾಥೇ ಅಭೇದಃ ಪರಮಾತ್ಮನಿ ।
ತಥಾಪಿ ಮಮ ಸರ್ವಸ್ವಃ ರಾಮಃ ಕಮಲಲೋಚನಃ ॥

ಓಂ ಶ್ರೀರಾಮಚನ್ದ್ರಾಯ ನಮಃ ।
ಸ್ತವಃ
ವರ್ಣಾನಾಮರ್ಥಸಙ್ಘಾನಾಂ ರಸಾನಾಂ ಛನ್ದಸಾಮಪಿ ।
ಮಙ್ಗಲಾನಾಂ ಚ ಕರ್ತಾರೌ ವನ್ದೇ ವಾಣೀವಿನಾಯಕೌ ॥ ೧॥

ಭವಾನೀಶಙ್ಕರೌ ವನ್ದೇ ಶ್ರದ್ಧಾವಿಶ್ವಾಸರೂಪಿಣೌ ।
ಯಾಭ್ಯಾಂ ವಿನಾ ನ ಪಶ್ಯನ್ತಿ ಸಿದ್ಧಾ ಸ್ವಾನ್ತಃಸ್ಥಮೀಶ್ವರಮ್ ॥ ೨॥

ವನ್ದೇ ಬೋಧಮಯಂ ನಿತ್ಯಂ ಗುರುಂ ಶಙ್ಕರರೂಪಿಣಮ್ ।
ಯಮಾಶ್ರಿತೋ ಹಿ ವಕ್ರೋಽಪಿ ಚನ್ದ್ರಃ ಸರ್ವತ್ರ ವನ್ದ್ಯತೇ ॥ ೩॥

ಸೀತಾರಾಮಗುಣಗ್ರಾಮಪುಣ್ಯಾರಣ್ಯವಿಹಾರಿಣೌ ।
ವನ್ದೇ ವಿಶುದ್ಧವಿಜ್ಞಾನೌ ಕವೀಶ್ವರಕಪೀಶ್ವರೌ ॥ ೪॥

ಉದ್ಭವಸ್ಥಿತಿಸಂಹಾರಕಾರಿಣೀಂ ಕ್ಲೇಶಹಾರಿಣೀಮ್ ।
ಸರ್ವಶ್ರೇಯಸ್ಕರೀಂ ಸೀತಾಂ ನತೋಽಹಂ ರಾಮವಲ್ಲಭಾಮ್ ॥ ೫॥

ಯನ್ಮಾಯಾವಶವರ್ತಿ ವಿಶ್ವಮಖಿಲಂ ಬ್ರಹ್ಮಾದಿದೇವಾಸುರಾಃ
ಯತ್ಸತ್ತ್ವಾದಮೃಷೈವ ಭಾತಿ ಸಕಲಂ ರಜ್ಜೌ ಯಥಾಹೇರ್ಭ್ರಮಃ ।
ಯತ್ಪಾದಪ್ಲವಮೇವ ಭಾತಿ ಹಿ ಭವಾಮ್ಭೋಧೇಸ್ತಿತೀರ್ಷಾವತಾಂ
ವನ್ದೇಽಹಂ ತಮಶೇಷಕಾರಣಪರಂ ರಾಮಾಖ್ಯಮೀಶಂ ಹರಿಮ್ ॥ ೬॥

ಪ್ರಸನ್ನತಾಂ ಯಾ ನ ಗತಾಭಿಷೇಕತಸ್ತಥಾ ನ ಮಮ್ಲೌ ವನವಾಸದುಃಖತಃ ।
ಮುಖಾಮ್ಬುಜಶ್ರೀರಘುನನ್ದನಸ್ಯ ಮೇ ಸದಾಸ್ತು ಸಾ ಮಞ್ಜುಲಮಙ್ಗಲಪ್ರದಾ ॥ ೭॥

ನೀಲಾಮ್ಬುಜಶ್ಯಾಮಲಕೋಮಲಾಙ್ಗಂ ಸೀತಾಸಮಾರೋಪಿತವಾಮಭಾಗಮ್ ।
ಪಾಣೌ ಮಹಾಸಾಯಕಚಾರುಚಾಪಂ ನಮಾಮಿ ರಾಮಂ ರಘುವಂಶನಾಥಮ್ ॥ ೮॥

ಮೂಲಂ ಧರ್ಮತರೋರ್ವಿವೇಕಜಲಧೇಃ ಪೂರ್ಣೇನ್ದುಮಾನನ್ದದಂ
ವೈರಾಗ್ಯಾಮ್ಬುಜಭಾಸ್ಕರಂ ತ್ವಘಹರಂ ಧ್ವಾನ್ತಾಪಹಂ ತಾಪಹಮ್ ।
ಮೋಹಾಮ್ಭೋಧರಪುಞ್ಜಪಾಟನವಿಧೌ ಖೇಸಮ್ಭವಂ ಶಙ್ಕರಂ
ವನ್ದೇ ಬ್ರಹ್ಮಕುಲೇ ಕಲಙ್ಕಶಮನಂ ಶ್ರೀರಾಮಭೂಪಪ್ರಿಯಮ್ ॥ ೯॥

ಸಾನ್ದ್ರಾನನ್ದಪಯೋದಸೌಭಗತನುಂ ಪೀತಾಮ್ಬರಂ ಸುನ್ದರಂ
ಪಾಣೌ ಬಾಣಶರಾಸನಂ ಕಟಿಲಸತ್ತೂಣೀರಭಾರಂ ವರಮ್ ।
ರಾಜೀವಾಯತಲೋಚನಂ ಧೃತಜಟಾಜೂಟೇನ ಸಂಶೋಭಿತಂ
ಸೀತಾಲಕ್ಷ್ಮಣಸಂಯುತಂ ಪಥಿಗತಂ ರಾಮಾಭಿರಾಮಂ ಭಜೇ ॥ ೧೦॥

ಕುನ್ದೇನ್ದೀವರಸುನ್ದರಾವತಿಬಲೌ ವಿಜ್ಞಾನಧಾಮಾವುಭೌ
ಶೋಭಾಢ್ಯೌ ವರಧನ್ವಿನೌ ಶ್ರುತಿನುತೌ ಗೋವಿಪ್ರವೃನ್ದಪ್ರಿಯೌ ।
ಮಾಯಾಮಾನುಷರೂಪಿಣೌ ರಘುವರೌ ಸದ್ಧರ್ಮವನ್ತೌ ಹಿತೌ
ಸೀತಾನ್ವೇಷಣತತ್ಪರೌ ಪಥಿಗತೌ ಭಕ್ತಿಪ್ರದೌ ತೌ ಹಿ ನಃ ॥ ೧೧॥

ಬ್ರಹ್ಮಾಮ್ಭೋಧಿಸಮುದ್ಭವಂ ಕಲಿಮಲಪ್ರಧ್ವಂಸನಂ ಚಾವ್ಯಯಂ
ಶ್ರೀಮಚ್ಛಮ್ಭುಮುಖೇನ್ದುಸುನ್ದರವರೇ ಸಂಶೋಭಿತಂ ಸರ್ವದಾ ।
ಸಂಸಾರಾಮಯಭೇಷಜಂ ಸುಮಧುರಂ ಶ್ರೀಜಾನಕೀಜೀವನಂ
ಧನ್ಯಾಸ್ತೇ ಕೃತಿನಃ ಪಿಬನ್ತಿ ಸತತಂ ಶ್ರೀರಾಮನಾಮಾಮೃತಮ್ ॥ ೧೨॥

ಶಾನ್ತಂ ಶಾಶ್ವತಮಪ್ರಮೇಯಮನಘಂ ನಿರ್ವಾಣಶಾನ್ತಿಪ್ರದಂ
ಬ್ರಹ್ಮಾಶಮ್ಭುಫಣೀನ್ದ್ರಸೇವ್ಯಮನಿಶಂ ವೇದಾನ್ತವೇದ್ಯಂ ವಿಭುಮ್ ।
ರಾಮಾಖ್ಯಂ ಜಗದೀಶ್ವರಂ ಸುರಗುರುಂ ಮಾಯಾಮನುಷ್ಯಂ ಹರಿಂ
ವನ್ದೇಽಹಂ ಕರುಣಾಕರಂ ರಘುವರಂ ಭೂಪಾಲಚೂಡಾಮಣಿಮ್ ॥ ೧೩॥

ಕೇಕೀಕಣ್ಠಾಭನೀಲಂ ಸುರವರವಿಲಸದ್ವಿಪ್ರಪಾದಾಬ್ಜಚಿಹ್ನಂ
ಶೋಭಾಢ್ಯಂ ಪೀತವಸ್ತ್ರಂ ಸರಸಿಜನಯನಂ ಸರ್ವದಾ ಸುಪ್ರಸನ್ನಮ್ ।
ಪಾಣೌ ನಾರಾಚಚಾಪಂ ಕಪಿನಿಕರಯುತಂ ಬನ್ಧುನಾ ಸೇವ್ಯಮಾನಂ
ನೌಮೀಡ್ಯಂ ಜಾನಕೀಶಂ ರಘುವರಮನಿಶಂ ಪುಷ್ಪಕಾರೂಢರಾಮಮ್ ॥ ೧೪॥

ಆರ್ತಾನಾಮಾರ್ತಿಹನ್ತಾರಂ ಭೀತಾನಾಂ ಭಯನಾಶನಮ್ ।
ದ್ವಿಷತಾಂ ಕಾಲದಣ್ಡಂ ತಂ ರಾಮಚನ್ದ್ರಂ ನಮಾಮ್ಯಹಮ್ ॥ ೧೫॥

ಶ್ರೀರಾಘವಂ ದಶರಥಾತ್ಮಜಮಪ್ರಮೇಯಂ
ಸೀತಾಪತಿಂ ರಘುಕುಲಾನ್ವಯರತ್ನದೀಪಮ್ ।
ಆಜಾನುಬಾಹುಮರವಿನ್ದದಲಾಯತಾಕ್ಷಂ
ರಾಮಂ ನಿಶಾಚರವಿನಾಶಕರಂ ನಮಾಮಿ ॥ ೧೬॥

ವೈದೇಹೀಸಹಿತಂ ಸುರದ್ರುಮತಲೇ ಹೈಮೇ ಮಹಾಮಣ್ಡಪೇ
ಮಧ್ಯೇ ಪುಷ್ಪಕ ಆಸನೇ ಮಣಿಮಯೇ ವೀರಾಸನೇ ಸಂಸ್ಥಿತಮ್ ।
ಅಗ್ರೇ ವಾಚಯತಿ ಪ್ರಭಞ್ಜನಸುತೇ ತತ್ತ್ವಂ ಮುನೀನ್ದ್ರೈಃ ಪರಂ
ವ್ಯಾಖ್ಯಾತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ ೧೭॥

ಪ್ರಾರ್ಥನಾ
ನಾನ್ಯಾ ಸ್ಪೃಹಾ ರಘುಪತೇ ಹೃದಯೇಽಸ್ಮದೀಯೇ
ಸತ್ಯಂ ವದಾಮಿ ಚ ಭವಾನಖಿಲಾನ್ತರಾತ್ಮಾ ।
ಭಕ್ತಿಂ ಪ್ರಯಚ್ಛ ರಘುಪುಙ್ಗವ ನಿರ್ಭರಾಂ ಮೇ
ಕಾಮಾದಿದೋಷರಹಿತಂ ಕುರು ಮಾನಸಂ ಚ ॥

ಓಂ ಶ್ರೀಸೀತಾ-ಲಕ್ಷ್ಮಣ-ಭರತ-ಶತ್ರುಘ್ನ-ಹನುಮತ್ಸಮೇತ-
ಶ್ರೀರಾಮಚನ್ದ್ರಪರಬ್ರಹ್ಮಣೇ ನಮಃ ॥

ಅಥ ಸಂಕೀರ್ತನಮ್ ।
ಬಾಲಕಾಣ್ಡಮ್
೧. ಶುದ್ಧಬ್ರಹ್ಮಪರಾತ್ಪರ ರಾಮ ।
೨. ಕಾಲಾತ್ಮಕಪರಮೇಶ್ವರ ರಾಮ ॥

೩. ಶೇಷತಲ್ಪಸುಖನಿದ್ರಿತ ರಾಮ ।
೪. ಬ್ರಹ್ಮಾದ್ಯಮರಪ್ರಾರ್ಥಿತ ರಾಮ ॥

೫. ಚಣ್ಡಕಿರಣಕುಲಮಣ್ಡನ ರಾಮ ।
೬. ಶ್ರೀಮದ್ದಶರಥನನ್ದನ ರಾಮ ॥

೭. ಕೌಶಲ್ಯಾಸುಖವರ್ಧನ ರಾಮ ।
೮. ವಿಶ್ವಾಮಿತ್ರಪ್ರಿಯಧನ ರಾಮ ॥

೯. ಘೋರತಾಟಕಾಘಾತಕ ರಾಮ ।
೧೦. ಮಾರೀಚಾದಿನಿಪಾತಕ ರಾಮ ॥

೧೧. ಕೌಶಿಕಮಖಸಂರಕ್ಷಕ ರಾಮ ।
೧೨. ಶ್ರೀಮದಹಲ್ಯೋದ್ಧಾರಕ ರಾಮ ॥

೧೩. ಗೌತಮಮುನಿಸಮ್ಪೂಜಿತ ರಾಮ ।
೧೪. ಸುರಮುನಿವರಗಣಸಂಸ್ತುತ ರಾಮ ॥

೧೫. ನಾವಿಕಧಾವಿತಮೃದುಪದ ರಾಮ ।
೧೬. ಮಿಥಿಲಾಪುರಜನಮೋಹಕ ರಾಮ ॥

೧೭. ವಿದೇಹಮಾನಸರಞ್ಜಕ ರಾಮ ।
೧೮. ತ್ರ್ಯಮ್ಬಕಕಾರ್ಮುಕಭಞ್ಜಕ ರಾಮ ॥

೧೯. ಸೀತಾರ್ಪಿತವರಮಾಲಿಕ ರಾಮ ।
೨೦. ಕೃತವೈವಾಹಿಕಕೌತುಕ ರಾಮ ॥

೨೧. ಭಾರ್ಗವದರ್ಪವಿನಾಶಕ ರಾಮ ।
೨೨. ಶ್ರೀಮದಯೋಧ್ಯಾಪಾಲಕ ರಾಮ ॥

ಅಯೋಧ್ಯಾಕಾಣ್ಡಮ್
೨೩. ಅಗಣಿತಗುಣಗಣಭೂಷಿತ ರಾಮ ।
೨೪. ಅವನೀತನಯಾಕಾಮಿತ ರಾಮ ॥

೨೫. ರಾಕಾಚನ್ದ್ರಸಮಾನನ ರಾಮ ।
೨೬. ಪಿತೃವಾಕ್ಯಾಶ್ರಿತಕಾನನ ರಾಮ ॥

೨೭. ಪ್ರಿಯಗುಹವಿನಿವೇದಿತಪದ ರಾಮ ।
೨೮. ತತ್ಕ್ಷಾಲಿತನಿಜಮೃದುಪದ ರಾಮ ॥

೨೯. ಭರದ್ವಾಜಮುಖನನ್ದಕ ರಾಮ ।
೩೦. ಚಿತ್ರಕೂಟಾದ್ರಿನಿಕೇತನ ರಾಮ ॥

೩೧. ದಶರಥಸನ್ತತಚಿನ್ತಿತ ರಾಮ ।
೩೨. ಕೈಕೇಯೀತನಯಾರ್ಥಿತ ರಾಮ ॥

೩೩. ವಿರಚಿತನಿಜಪಿತೃಕರ್ಮಕ ರಾಮ ।
೩೪. ಭರತಾರ್ಪಿತನಿಜಪಾದುಕ ರಾಮ ॥

ಅರಣ್ಯಕಾಣ್ಡಮ್
೩೫. ದಣ್ಡಕವನಜನಪಾವನ ರಾಮ ।
೩೬. ದುಷ್ಟವಿರಾಧವಿನಾಶನ ರಾಮ ॥

೩೭. ಶರಭಙ್ಗಸುತೀಕ್ಷ್ಣಾರ್ಚಿತ ರಾಮ ।
೩೮. ಅಗಸ್ತ್ಯನುಗ್ರಹವರ್ಧಿತ ರಾಮ ॥

೩೯. ಗೃಧ್ರಾಧಿಪಸಂಸೇವಿತ ರಾಮ ।
೪೦. ಪಞ್ಚವಟೀತಟಸುಸ್ಥಿತ ರಾಮ ॥

೪೧. ಶೂರ್ಪಣಖಾರ್ತಿವಿಧಾಯಕ ರಾಮ ।
೪೨. ಖರದೂಷಣಮುಖಸೂದಕ ರಾಮ ॥

೪೩. ಸೀತಾಪ್ರಿಯಹರಿಣಾನುಗ ರಾಮ ।
೪೪. ಮಾರೀಚಾರ್ತಿಕೃದಾಶುಗ ರಾಮ ॥

೪೫. ವಿನಷ್ಟಸೀತಾನ್ವೇಷಕ ರಾಮ ।
೪೬. ಗೃಧ್ರಾಧಿಪಗತಿದಾಯಕ ರಾಮ ॥

೪೭. ಶಬರೀದತ್ತಫಲಾಶನ ರಾಮ ।
೪೮. ಕಬನ್ಧಬಾಹುಚ್ಛೇದಕ ರಾಮ ॥

ಕಿಷ್ಕಿನ್ಧಾಕಾಣ್ಡಮ್
೪೯. ಹನುಮತ್ಸೇವಿತನಿಜಪದ ರಾಮ ।
೫೦. ನತಸುಗ್ರೀವಾಭೀಷ್ಟದ ರಾಮ ॥

೫೧. ಗರ್ವಿತವಾಲಿಸಂಹಾರಕ ರಾಮ ।
೫೨. ವಾನರದೂತಪ್ರೇಷಕ ರಾಮ ॥

೫೩. ಹಿತಕರಲಕ್ಷ್ಮಣಸಂಯುತ ರಾಮ ।
ಸುನ್ದರಕಾಣ್ಡಮ್
೫೪. ಕಪಿವರಸನ್ತತಸಂಸ್ಮೃತ ರಾಮ ॥

೫೫. ತದ್ಗತಿವಿಘ್ನಧ್ವಂಸಕ ರಾಮ ।
೫೬. ಸೀತಾಪ್ರಾಣಾಧಾರಕ ರಾಮ ॥

೫೭. ದುಷ್ಟದಶಾನನದೂಷಿತ ರಾಮ ।
೫೮. ಶಿಷ್ಟಹನೂಮದ್ಭೂಷಿತ ರಾಮ ॥

೫೯. ಸೀತಾವೇದಿತಕಾಕಾವನ ರಾಮ ।
೬೦. ಕೃತಚೂಡಾಮಣಿದರ್ಶನ ರಾಮ ॥

೬೧. ಕಪಿವರವಚನಾಶ್ವಾಸಿತ ರಾಮ ।
ಯುದ್ಧಕಾಣ್ಡಮ್
೬೨. ರಾವಣನಿಧನಪ್ರಸ್ಥಿತ ರಾಮ ॥

೬೩. ವಾನರಸೈನ್ಯಸಮಾವೃತ ರಾಮ ।
೬೪. ಶೋಷಿತಸರಿದೀಶಾರ್ಥಿತ ರಾಮ ॥

೬೫. ವಿಭೀಷಣಾಭಯದಾಯಕ ರಾಮ ।
೬೬. ಪರ್ವತಸೇತುನಿಬನ್ಧಕ ರಾಮ ॥

೬೭. ಕುಮ್ಭಕರ್ಣಶಿರಚ್ಛೇದಕ ರಾಮ ।
೬೮. ರಾಕ್ಷಸಸಙ್ಘವಿಮರ್ದಕ ರಾಮ ॥

೬೯. ಅಹಿಮಹಿರಾವಣಚಾರಣ ರಾಮ ।
೭೦. ಸಂಹೃತದಶಮುಖರಾವಣ ರಾಮ ॥

೭೧. ವಿಧಿಭವಮುಖಸುರಸಂಸ್ತುತ ರಾಮ ।
೭೨. ಖಸ್ಥಿತದಶರಥವೀಕ್ಷಿತ ರಾಮ ॥

೭೩. ಸೀತಾದರ್ಶನಮೋದಿತ ರಾಮ ।
೭೪. ಅಭಿಷಿಕ್ತವಿಭೀಷಣನತ ರಾಮ ॥

೭೫. ಪುಷ್ಪಕಯಾನಾರೋಹಣ ರಾಮ ।
೭೬. ಭರದ್ವಾಜಾಭಿನಿಷೇವಣ ರಾಮ ॥

೭೭. ಭರತಪ್ರಾಣಪ್ರಿಯಕರ ರಾಮ ।
೭೮. ಸಾಕೇತಪುರೀಭೂಷಣ ರಾಮ ॥

೭೯. ಸಕಲಸ್ವೀಯಸಮಾನತ ರಾಮ ।
೮೦. ರತ್ನಲಸತ್ಪೀಠಾಸ್ಥಿತ ರಾಮ ॥

೮೧. ಪಟ್ಟಾಭಿಷೇಕಾಲಙ್ಕೃತ ರಾಮ ।
೮೨. ಪಾರ್ಥಿವಕುಲಸಮ್ಮಾನಿತ ರಾಮ ॥

೮೩. ವಿಭೀಷಣಾರ್ಪಿತರಙ್ಗಕ ರಾಮ ।
೮೪. ಕೀಶಕುಲಾನುಗ್ರಹಕರ ರಾಮ ॥

೮೫. ಸಕಲಜೀವಸಂರಕ್ಷಕ ರಾಮ ।
೮೬. ಸಮಸ್ತಲೋಕಾಧಾರಕ ರಾಮ ॥

ಉತ್ತರಕಾಣ್ಡಮ್
೮೭. ಆಗತಮುನಿಗಣಸಂಸ್ತುತ ರಾಮ ।
೮೮. ವಿಶ್ರುತದಶಕಣ್ಠೋದ್ಭವ ರಾಮ ॥

೮೯. ಸೀತಾಲಿಙ್ಗನನಿರ್ವೃತ ರಾಮ ।
೯೦. ನೀತಿಸುರಕ್ಷಿತಜನಪದ ರಾಮ ॥

೯೧. ವಿಪಿನತ್ಯಾಜಿತಜನಕಜ ರಾಮ ।
೯೨. ಕಾರಿತಲವಣಾಸುರವಧ ರಾಮ ॥

೯೩. ಸ್ವರ್ಗತಶಮ್ಬುಕಸಂಸ್ತುತ ರಾಮ ।
೯೪. ಸ್ವತನಯಕುಶಲವನನ್ದಿತ ರಾಮ ॥

೯೫. ಅಶ್ವಮೇಧಕ್ರತುದೀಕ್ಷಿತ ರಾಮ ।
೯೬. ಕಾಲಾವೇದಿತಸುರಪದ ರಾಮ ॥

೯೭. ಆಯೋಧ್ಯಕಜನಮುಕ್ತಿದ ರಾಮ ।
೯೮. ವಿಧಿಮುಖವಿಬುಧಾನನ್ದಕ ರಾಮ ॥

೯೯. ತೇಜೋಮಯನಿಜರೂಪಕ ರಾಮ ।
೧೦೦. ಸಂಸೃತಿಬನ್ಧವಿಮೋಚಕ ರಾಮ ॥

೧೦೧. ಧರ್ಮಸ್ಥಾಪನತತ್ಪರ ರಾಮ ।
೧೦೨. ಭಕ್ತಿಪರಾಯಣಮುಕ್ತಿದ ರಾಮ ॥

೧೦೩. ಸರ್ವಚರಾಚರಪಾಲಕ ರಾಮ ।
೧೦೪. ಸರ್ವಭವಾಮಯವಾರಕ ರಾಮ ॥

೧೦೫. ವೈಕುಣ್ಠಾಲಯಸಂಸ್ಥಿತ ರಾಮ ।
೧೦೬. ನಿತ್ಯಾನನ್ದಪದಸ್ಥಿತ ರಾಮ ॥

೧೦೭. ರಾಮ ರಾಮ ಜಯ ರಾಜಾ ರಾಮ ।
೧೦೮. ರಾಮ ರಾಮ ಜಯ ಸೀತಾ ರಾಮ ॥

ಭಜನಮ್
ಭಯಹರ ಮಙ್ಗಲ ದಶರಥ ರಾಮ ।
ಜಯ ಜಯ ಮಙ್ಗಲ ಸೀತಾ ರಾಮ ॥

ಮಙ್ಗಲಕರ ಜಯ ಮಙ್ಗಲ ರಾಮ ।
ಸಙ್ಗತಶುಭವಿಭವೋದಯ ರಾಮ ॥

ಆನನ್ದಾಮೃತವರ್ಷಕ ರಾಮ ।
ಆಶ್ರಿತವತ್ಸಲ ಜಯ ಜಯ ರಾಮ ॥

ರಘುಪತಿ ರಾಘವ ರಾಜಾ ರಾಮ ।
ಪತಿತಪಾವನ ಸೀತಾ ರಾಮ ॥

ಸ್ತವಃ
ಕನಕಾಮ್ಬರ ಕಮಲಾಸನಜನಕಾಖಿಲ-ಧಾಮ ।
ಸನಕಾದಿಕಮುನಿಮಾನಸಸದನಾನಘ ಭೂಮ ॥

ಶರಣಾಗತಸುರನಾಯಕಚಿರಕಾಮಿತ ಕಾಮ ।
ಧರಣೀತಲತರಣ ದಶರಥನನ್ದನ ರಾಮ ॥

ಪಿಶಿತಾಶನವನಿತಾವಧಜಗದಾನನ್ದ ರಾಮ ।
ಕುಶಿಕಾತ್ಮಜಮಖರಕ್ಷಣ ಚರಿತಾದ್ಭುತ ರಾಮ ॥

ಧನಿಗೌತಮಗೃಹಿಣೀಸ್ವಜದಘಮೋಚನ ರಾಮ ।
ಮುನಿಮಣ್ಡಲಬಹುಮಾನಿತ ಪದಪಾವನ ರಾಮ ॥

ಸ್ಮರಶಾಸನಸುಶರಾಸನಲಘುಭಞ್ಜನ ರಾಮ ।
ನರನಿರ್ಜರಜನರಞ್ಜನ ಸೀತಾಪತಿ-ರಾಮ ॥

ಕುಸುಮಾಯುಧತನುಸುನ್ದರ ಕಮಲಾನನ ರಾಮ ।
ವಸುಮಾನಿತಭೃಗುಸಮ್ಭವಮದಮರ್ದನ ರಾಮ ॥

ಕರುಣಾರಸವರುಣಾಲಯ ನತವತ್ಸಲ ರಾಮ ।
ಶರಣಂ ತವ ಚರಣಂ ಭವಹರಣಂ ಮಮ ರಾಮ ॥

ಶ್ರೀರಾಮಪ್ರಣಾಮಃ
ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಮ್ ।
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ॥

ರಾಮಾಯ ರಾಮಚನ್ದ್ರಾಯ ರಾಮಭದ್ರಾಯ ವೇಧಸೇ ।
ರಘುನಾಥಾಯ ನಾಥಾಯ ಸೀತಾಯಾಃ ಪತಯೇ ನಮಃ ॥

ಶ್ರೀಹನುಮತ್ಪ್ರಣಾಮಃ
ಅತುಲಿತಬಲಧಾಮಂ ಸ್ವರ್ಣಶೈಲಾಭದೇಹಂ
ದನುಜವನಕೃಶಾನುಂ ಜ್ಞಾನಿನಾಮಗ್ರಗಣ್ಯಮ್ ।
ಸಕಲಗುಣನಿಧಾನಂ ವಾನರಾಣಾಮಧೀಶಂ
ರಘುಪತಿವರದೂತಂ ವಾತಜಾತಂ ನಮಾಮಿ ॥ ೧॥

ಗೋಷ್ಪದೀಕೃತವಾರಾಶಿಂ ಮಶಕೀಕೃತರಾಕ್ಷಸಮ್ ।
ರಾಮಾಯಣಮಹಾಮಾಲಾರತ್ನಂ ವನ್ದೇಽನಿಲಾತ್ಮಜಮ್ ॥ ೨॥

ಅಞ್ಜನಾನನ್ದನಂ ವೀರಂ ಜಾನಕೀಶೋಕನಾಶನಮ್ ।
ಕಪೀಶಮಕ್ಷಹನ್ತಾರಂ ವನ್ದೇ ಲಙ್ಕಾಭಯಙ್ಕರಮ್ ॥ ೩॥

ಉಲ್ಲಙ್ಘ್ಯ ಸಿನ್ಧೋಃ ಸಲಿಲಂ ಸಲೀಲಂ ಯಃ ಶೋಕವಹ್ನಿಂ ಜನಕಾತ್ಮಜಾಯಾಃ ।
ಆದಾಯ ತೇನೈವ ದದಾಹ ಲಙ್ಕಾಂ ನಮಾಮಿ ತಂ ಪ್ರಾಞ್ಜಲಿರಾಞ್ಜನೇಯಮ್ ॥ ೪॥

ಮನೋಜವಂ ಮಾರುತತುಲ್ಯವೇಗಂ ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರಯೂಥಮುಖ್ಯಂ ಶ್ರೀರಾಮದೂತಂ ಶಿರಸಾ ನಮಾಮಿ ॥ ೫॥

ಆಞ್ಜನೇಯಮತಿಪಾಟಲಾನನಂ ಕಾಞ್ಚನಾದ್ರಿಕಮನೀಯವಿಗ್ರಹಮ್ ।
ಪಾರಿಜಾತತರುಮೂಲವಾಸಿನಂ ಭಾವಯಾಮಿ ಪವಮಾನನನ್ದನಮ್ ॥ ೬॥

ಯತ್ರ ಯತ್ರ ರಘುನಾಥಕೀರ್ತನಂ ತತ್ರ ತತ್ರ ಕೃತಮಸ್ತಕಾಞ್ಜಲಿಮ್ ।
ವಾಷ್ಪವಾರಿಪರಿಪೂರ್ಣಲೋಚನಂ ಮಾರುತಿಂ ನಮತ ರಾಕ್ಷಸಾನ್ತಕಮ್ ॥ ೭॥

ಇತಿ ಅಷ್ಟೋತ್ತರಶತನಾಮರಾಮಾಯಣಂ ಸಮಾಪ್ತಮ್ ।

Encoded and proofread by
Swami Mahayogananda
This prayer is sung at many branches of the Ramakrishna Math and Ramakrishna Mission on ekadashi days.
it is an expanded version of nAmarAmarAmAyaNa.

Please send corrections to sanskrit@cheerful.com
Last updated ತ್oday
http://sanskritdocuments.org

Rama Nama Sankirtanam ( Chanted in Ramakrishna Math ) Lyrics in Kannada PDF
% File name : rAmanAmasankIrtanam.itx
% Category : bhajana
% Location : doc\_raama
% Language : Sanskrit
% Subject : philosophy/hinduism/religion
% Transliterated by : Swami Mahayogananda
% Proofread by : Swami Mahayogananda
% Description-comments : Popularly sung in the Ramakrishna order
% Latest update : Januuary 6, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website