{॥ ଶ୍ରୀରାମନାମସଙ୍କୀର୍ତନମ୍ ॥}
ଶ୍ରୀନାଥେ ଜାନକୀନାଥେ ଅଭେଦଃ ପରମାତ୍ମନି ।
ତଥାପି ମମ ସର୍ଵସ୍ଵଃ ରାମଃ କମଲଲୋଚନଃ ॥

ଓଂ ଶ୍ରୀରାମଚନ୍ଦ୍ରାଯ ନମଃ ।
ସ୍ତଵଃ
ଵର୍ଣାନାମର୍ଥସଙ୍ଘାନାଂ ରସାନାଂ ଛନ୍ଦସାମପି ।
ମଙ୍ଗଲାନାଂ ଚ କର୍ତାରୌ ଵନ୍ଦେ ଵାଣୀଵିନାଯକୌ ॥ ୧॥

ଭଵାନୀଶଙ୍କରୌ ଵନ୍ଦେ ଶ୍ରଦ୍ଧାଵିଶ୍ଵାସରୂପିଣୌ ।
ଯାଭ୍ଯାଂ ଵିନା ନ ପଶ୍ଯନ୍ତି ସିଦ୍ଧା ସ୍ଵାନ୍ତଃସ୍ଥମୀଶ୍ଵରମ୍ ॥ ୨॥

ଵନ୍ଦେ ବୋଧମଯଂ ନିତ୍ଯଂ ଗୁରୁଂ ଶଙ୍କରରୂପିଣମ୍ ।
ଯମାଶ୍ରିତୋ ହି ଵକ୍ରୋଽପି ଚନ୍ଦ୍ରଃ ସର୍ଵତ୍ର ଵନ୍ଦ୍ଯତେ ॥ ୩॥

ସୀତାରାମଗୁଣଗ୍ରାମପୁଣ୍ଯାରଣ୍ଯଵିହାରିଣୌ ।
ଵନ୍ଦେ ଵିଶୁଦ୍ଧଵିଜ୍ଞାନୌ କଵୀଶ୍ଵରକପୀଶ୍ଵରୌ ॥ ୪॥

ଉଦ୍ଭଵସ୍ଥିତିସଂହାରକାରିଣୀଂ କ୍ଲେଶହାରିଣୀମ୍ ।
ସର୍ଵଶ୍ରେଯସ୍କରୀଂ ସୀତାଂ ନତୋଽହଂ ରାମଵଲ୍ଲଭାମ୍ ॥ ୫॥

ଯନ୍ମାଯାଵଶଵର୍ତି ଵିଶ୍ଵମଖିଲଂ ବ୍ରହ୍ମାଦିଦେଵାସୁରାଃ
ଯତ୍ସତ୍ତ୍ଵାଦମୃଷୈଵ ଭାତି ସକଲଂ ରଜ୍ଜୌ ଯଥାହେର୍ଭ୍ରମଃ ।
ଯତ୍ପାଦପ୍ଲଵମେଵ ଭାତି ହି ଭଵାମ୍ଭୋଧେସ୍ତିତୀର୍ଷାଵତାଂ
ଵନ୍ଦେଽହଂ ତମଶେଷକାରଣପରଂ ରାମାଖ୍ଯମୀଶଂ ହରିମ୍ ॥ ୬॥

ପ୍ରସନ୍ନତାଂ ଯା ନ ଗତାଭିଷେକତସ୍ତଥା ନ ମମ୍ଲୌ ଵନଵାସଦୁଃଖତଃ ।
ମୁଖାମ୍ବୁଜଶ୍ରୀରଘୁନନ୍ଦନସ୍ଯ ମେ ସଦାସ୍ତୁ ସା ମଞ୍ଜୁଲମଙ୍ଗଲପ୍ରଦା ॥ ୭॥

ନୀଲାମ୍ବୁଜଶ୍ଯାମଲକୋମଲାଙ୍ଗଂ ସୀତାସମାରୋପିତଵାମଭାଗମ୍ ।
ପାଣୌ ମହାସାଯକଚାରୁଚାପଂ ନମାମି ରାମଂ ରଘୁଵଂଶନାଥମ୍ ॥ ୮॥

ମୂଲଂ ଧର୍ମତରୋର୍ଵିଵେକଜଲଧେଃ ପୂର୍ଣେନ୍ଦୁମାନନ୍ଦଦଂ
ଵୈରାଗ୍ଯାମ୍ବୁଜଭାସ୍କରଂ ତ୍ଵଘହରଂ ଧ୍ଵାନ୍ତାପହଂ ତାପହମ୍ ।
ମୋହାମ୍ଭୋଧରପୁଞ୍ଜପାଟନଵିଧୌ ଖେସମ୍ଭଵଂ ଶଙ୍କରଂ
ଵନ୍ଦେ ବ୍ରହ୍ମକୁଲେ କଲଙ୍କଶମନଂ ଶ୍ରୀରାମଭୂପପ୍ରିଯମ୍ ॥ ୯॥

ସାନ୍ଦ୍ରାନନ୍ଦପଯୋଦସୌଭଗତନୁଂ ପୀତାମ୍ବରଂ ସୁନ୍ଦରଂ
ପାଣୌ ବାଣଶରାସନଂ କଟିଲସତ୍ତୂଣୀରଭାରଂ ଵରମ୍ ।
ରାଜୀଵାଯତଲୋଚନଂ ଧୃତଜଟାଜୂଟେନ ସଂଶୋଭିତଂ
ସୀତାଲକ୍ଷ୍ମଣସଂଯୁତଂ ପଥିଗତଂ ରାମାଭିରାମଂ ଭଜେ ॥ ୧୦॥

କୁନ୍ଦେନ୍ଦୀଵରସୁନ୍ଦରାଵତିବଲୌ ଵିଜ୍ଞାନଧାମାଵୁଭୌ
ଶୋଭାଢ୍ଯୌ ଵରଧନ୍ଵିନୌ ଶ୍ରୁତିନୁତୌ ଗୋଵିପ୍ରଵୃନ୍ଦପ୍ରିଯୌ ।
ମାଯାମାନୁଷରୂପିଣୌ ରଘୁଵରୌ ସଦ୍ଧର୍ମଵନ୍ତୌ ହିତୌ
ସୀତାନ୍ଵେଷଣତତ୍ପରୌ ପଥିଗତୌ ଭକ୍ତିପ୍ରଦୌ ତୌ ହି ନଃ ॥ ୧୧॥

ବ୍ରହ୍ମାମ୍ଭୋଧିସମୁଦ୍ଭଵଂ କଲିମଲପ୍ରଧ୍ଵଂସନଂ ଚାଵ୍ଯଯଂ
ଶ୍ରୀମଚ୍ଛମ୍ଭୁମୁଖେନ୍ଦୁସୁନ୍ଦରଵରେ ସଂଶୋଭିତଂ ସର୍ଵଦା ।
ସଂସାରାମଯଭେଷଜଂ ସୁମଧୁରଂ ଶ୍ରୀଜାନକୀଜୀଵନଂ
ଧନ୍ଯାସ୍ତେ କୃତିନଃ ପିବନ୍ତି ସତତଂ ଶ୍ରୀରାମନାମାମୃତମ୍ ॥ ୧୨॥

ଶାନ୍ତଂ ଶାଶ୍ଵତମପ୍ରମେଯମନଘଂ ନିର୍ଵାଣଶାନ୍ତିପ୍ରଦଂ
ବ୍ରହ୍ମାଶମ୍ଭୁଫଣୀନ୍ଦ୍ରସେଵ୍ଯମନିଶଂ ଵେଦାନ୍ତଵେଦ୍ଯଂ ଵିଭୁମ୍ ।
ରାମାଖ୍ଯଂ ଜଗଦୀଶ୍ଵରଂ ସୁରଗୁରୁଂ ମାଯାମନୁଷ୍ଯଂ ହରିଂ
ଵନ୍ଦେଽହଂ କରୁଣାକରଂ ରଘୁଵରଂ ଭୂପାଲଚୂଡାମଣିମ୍ ॥ ୧୩॥

କେକୀକଣ୍ଠାଭନୀଲଂ ସୁରଵରଵିଲସଦ୍ଵିପ୍ରପାଦାବ୍ଜଚିହ୍ନଂ
ଶୋଭାଢ୍ଯଂ ପୀତଵସ୍ତ୍ରଂ ସରସିଜନଯନଂ ସର୍ଵଦା ସୁପ୍ରସନ୍ନମ୍ ।
ପାଣୌ ନାରାଚଚାପଂ କପିନିକରଯୁତଂ ବନ୍ଧୁନା ସେଵ୍ଯମାନଂ
ନୌମୀଡ୍ଯଂ ଜାନକୀଶଂ ରଘୁଵରମନିଶଂ ପୁଷ୍ପକାରୂଢରାମମ୍ ॥ ୧୪॥

ଆର୍ତାନାମାର୍ତିହନ୍ତାରଂ ଭୀତାନାଂ ଭଯନାଶନମ୍ ।
ଦ୍ଵିଷତାଂ କାଲଦଣ୍ଡଂ ତଂ ରାମଚନ୍ଦ୍ରଂ ନମାମ୍ଯହମ୍ ॥ ୧୫॥

ଶ୍ରୀରାଘଵଂ ଦଶରଥାତ୍ମଜମପ୍ରମେଯଂ
ସୀତାପତିଂ ରଘୁକୁଲାନ୍ଵଯରତ୍ନଦୀପମ୍ ।
ଆଜାନୁବାହୁମରଵିନ୍ଦଦଲାଯତାକ୍ଷଂ
ରାମଂ ନିଶାଚରଵିନାଶକରଂ ନମାମି ॥ ୧୬॥

ଵୈଦେହୀସହିତଂ ସୁରଦ୍ରୁମତଲେ ହୈମେ ମହାମଣ୍ଡପେ
ମଧ୍ଯେ ପୁଷ୍ପକ ଆସନେ ମଣିମଯେ ଵୀରାସନେ ସଂସ୍ଥିତମ୍ ।
ଅଗ୍ରେ ଵାଚଯତି ପ୍ରଭଞ୍ଜନସୁତେ ତତ୍ତ୍ଵଂ ମୁନୀନ୍ଦ୍ରୈଃ ପରଂ
ଵ୍ଯାଖ୍ଯାତଂ ଭରତାଦିଭିଃ ପରିଵୃତଂ ରାମଂ ଭଜେ ଶ୍ଯାମଲମ୍ ॥ ୧୭॥

ପ୍ରାର୍ଥନା
ନାନ୍ଯା ସ୍ପୃହା ରଘୁପତେ ହୃଦଯେଽସ୍ମଦୀଯେ
ସତ୍ଯଂ ଵଦାମି ଚ ଭଵାନଖିଲାନ୍ତରାତ୍ମା ।
ଭକ୍ତିଂ ପ୍ରଯଚ୍ଛ ରଘୁପୁଙ୍ଗଵ ନିର୍ଭରାଂ ମେ
କାମାଦିଦୋଷରହିତଂ କୁରୁ ମାନସଂ ଚ ॥

ଓଂ ଶ୍ରୀସୀତା-ଲକ୍ଷ୍ମଣ-ଭରତ-ଶତ୍ରୁଘ୍ନ-ହନୁମତ୍ସମେତ-
ଶ୍ରୀରାମଚନ୍ଦ୍ରପରବ୍ରହ୍ମଣେ ନମଃ ॥

ଅଥ ସଂକୀର୍ତନମ୍ ।
ବାଲକାଣ୍ଡମ୍
୧. ଶୁଦ୍ଧବ୍ରହ୍ମପରାତ୍ପର ରାମ ।
୨. କାଲାତ୍ମକପରମେଶ୍ଵର ରାମ ॥

୩. ଶେଷତଲ୍ପସୁଖନିଦ୍ରିତ ରାମ ।
୪. ବ୍ରହ୍ମାଦ୍ଯମରପ୍ରାର୍ଥିତ ରାମ ॥

୫. ଚଣ୍ଡକିରଣକୁଲମଣ୍ଡନ ରାମ ।
୬. ଶ୍ରୀମଦ୍ଦଶରଥନନ୍ଦନ ରାମ ॥

୭. କୌଶଲ୍ଯାସୁଖଵର୍ଧନ ରାମ ।
୮. ଵିଶ୍ଵାମିତ୍ରପ୍ରିଯଧନ ରାମ ॥

୯. ଘୋରତାଟକାଘାତକ ରାମ ।
୧୦. ମାରୀଚାଦିନିପାତକ ରାମ ॥

୧୧. କୌଶିକମଖସଂରକ୍ଷକ ରାମ ।
୧୨. ଶ୍ରୀମଦହଲ୍ଯୋଦ୍ଧାରକ ରାମ ॥

୧୩. ଗୌତମମୁନିସମ୍ପୂଜିତ ରାମ ।
୧୪. ସୁରମୁନିଵରଗଣସଂସ୍ତୁତ ରାମ ॥

୧୫. ନାଵିକଧାଵିତମୃଦୁପଦ ରାମ ।
୧୬. ମିଥିଲାପୁରଜନମୋହକ ରାମ ॥

୧୭. ଵିଦେହମାନସରଞ୍ଜକ ରାମ ।
୧୮. ତ୍ର୍ଯମ୍ବକକାର୍ମୁକଭଞ୍ଜକ ରାମ ॥

୧୯. ସୀତାର୍ପିତଵରମାଲିକ ରାମ ।
୨୦. କୃତଵୈଵାହିକକୌତୁକ ରାମ ॥

୨୧. ଭାର୍ଗଵଦର୍ପଵିନାଶକ ରାମ ।
୨୨. ଶ୍ରୀମଦଯୋଧ୍ଯାପାଲକ ରାମ ॥

ଅଯୋଧ୍ଯାକାଣ୍ଡମ୍
୨୩. ଅଗଣିତଗୁଣଗଣଭୂଷିତ ରାମ ।
୨୪. ଅଵନୀତନଯାକାମିତ ରାମ ॥

୨୫. ରାକାଚନ୍ଦ୍ରସମାନନ ରାମ ।
୨୬. ପିତୃଵାକ୍ଯାଶ୍ରିତକାନନ ରାମ ॥

୨୭. ପ୍ରିଯଗୁହଵିନିଵେଦିତପଦ ରାମ ।
୨୮. ତତ୍କ୍ଷାଲିତନିଜମୃଦୁପଦ ରାମ ॥

୨୯. ଭରଦ୍ଵାଜମୁଖନନ୍ଦକ ରାମ ।
୩୦. ଚିତ୍ରକୂଟାଦ୍ରିନିକେତନ ରାମ ॥

୩୧. ଦଶରଥସନ୍ତତଚିନ୍ତିତ ରାମ ।
୩୨. କୈକେଯୀତନଯାର୍ଥିତ ରାମ ॥

୩୩. ଵିରଚିତନିଜପିତୃକର୍ମକ ରାମ ।
୩୪. ଭରତାର୍ପିତନିଜପାଦୁକ ରାମ ॥

ଅରଣ୍ଯକାଣ୍ଡମ୍
୩୫. ଦଣ୍ଡକଵନଜନପାଵନ ରାମ ।
୩୬. ଦୁଷ୍ଟଵିରାଧଵିନାଶନ ରାମ ॥

୩୭. ଶରଭଙ୍ଗସୁତୀକ୍ଷ୍ଣାର୍ଚିତ ରାମ ।
୩୮. ଅଗସ୍ତ୍ଯନୁଗ୍ରହଵର୍ଧିତ ରାମ ॥

୩୯. ଗୃଧ୍ରାଧିପସଂସେଵିତ ରାମ ।
୪୦. ପଞ୍ଚଵଟୀତଟସୁସ୍ଥିତ ରାମ ॥

୪୧. ଶୂର୍ପଣଖାର୍ତିଵିଧାଯକ ରାମ ।
୪୨. ଖରଦୂଷଣମୁଖସୂଦକ ରାମ ॥

୪୩. ସୀତାପ୍ରିଯହରିଣାନୁଗ ରାମ ।
୪୪. ମାରୀଚାର୍ତିକୃଦାଶୁଗ ରାମ ॥

୪୫. ଵିନଷ୍ଟସୀତାନ୍ଵେଷକ ରାମ ।
୪୬. ଗୃଧ୍ରାଧିପଗତିଦାଯକ ରାମ ॥

୪୭. ଶବରୀଦତ୍ତଫଲାଶନ ରାମ ।
୪୮. କବନ୍ଧବାହୁଚ୍ଛେଦକ ରାମ ॥

କିଷ୍କିନ୍ଧାକାଣ୍ଡମ୍
୪୯. ହନୁମତ୍ସେଵିତନିଜପଦ ରାମ ।
୫୦. ନତସୁଗ୍ରୀଵାଭୀଷ୍ଟଦ ରାମ ॥

୫୧. ଗର୍ଵିତଵାଲିସଂହାରକ ରାମ ।
୫୨. ଵାନରଦୂତପ୍ରେଷକ ରାମ ॥

୫୩. ହିତକରଲକ୍ଷ୍ମଣସଂଯୁତ ରାମ ।
ସୁନ୍ଦରକାଣ୍ଡମ୍
୫୪. କପିଵରସନ୍ତତସଂସ୍ମୃତ ରାମ ॥

୫୫. ତଦ୍ଗତିଵିଘ୍ନଧ୍ଵଂସକ ରାମ ।
୫୬. ସୀତାପ୍ରାଣାଧାରକ ରାମ ॥

୫୭. ଦୁଷ୍ଟଦଶାନନଦୂଷିତ ରାମ ।
୫୮. ଶିଷ୍ଟହନୂମଦ୍ଭୂଷିତ ରାମ ॥

୫୯. ସୀତାଵେଦିତକାକାଵନ ରାମ ।
୬୦. କୃତଚୂଡାମଣିଦର୍ଶନ ରାମ ॥

୬୧. କପିଵରଵଚନାଶ୍ଵାସିତ ରାମ ।
ଯୁଦ୍ଧକାଣ୍ଡମ୍
୬୨. ରାଵଣନିଧନପ୍ରସ୍ଥିତ ରାମ ॥

୬୩. ଵାନରସୈନ୍ଯସମାଵୃତ ରାମ ।
୬୪. ଶୋଷିତସରିଦୀଶାର୍ଥିତ ରାମ ॥

୬୫. ଵିଭୀଷଣାଭଯଦାଯକ ରାମ ।
୬୬. ପର୍ଵତସେତୁନିବନ୍ଧକ ରାମ ॥

୬୭. କୁମ୍ଭକର୍ଣଶିରଚ୍ଛେଦକ ରାମ ।
୬୮. ରାକ୍ଷସସଙ୍ଘଵିମର୍ଦକ ରାମ ॥

୬୯. ଅହିମହିରାଵଣଚାରଣ ରାମ ।
୭୦. ସଂହୃତଦଶମୁଖରାଵଣ ରାମ ॥

୭୧. ଵିଧିଭଵମୁଖସୁରସଂସ୍ତୁତ ରାମ ।
୭୨. ଖସ୍ଥିତଦଶରଥଵୀକ୍ଷିତ ରାମ ॥

୭୩. ସୀତାଦର୍ଶନମୋଦିତ ରାମ ।
୭୪. ଅଭିଷିକ୍ତଵିଭୀଷଣନତ ରାମ ॥

୭୫. ପୁଷ୍ପକଯାନାରୋହଣ ରାମ ।
୭୬. ଭରଦ୍ଵାଜାଭିନିଷେଵଣ ରାମ ॥

୭୭. ଭରତପ୍ରାଣପ୍ରିଯକର ରାମ ।
୭୮. ସାକେତପୁରୀଭୂଷଣ ରାମ ॥

୭୯. ସକଲସ୍ଵୀଯସମାନତ ରାମ ।
୮୦. ରତ୍ନଲସତ୍ପୀଠାସ୍ଥିତ ରାମ ॥

୮୧. ପଟ୍ଟାଭିଷେକାଲଙ୍କୃତ ରାମ ।
୮୨. ପାର୍ଥିଵକୁଲସମ୍ମାନିତ ରାମ ॥

୮୩. ଵିଭୀଷଣାର୍ପିତରଙ୍ଗକ ରାମ ।
୮୪. କୀଶକୁଲାନୁଗ୍ରହକର ରାମ ॥

୮୫. ସକଲଜୀଵସଂରକ୍ଷକ ରାମ ।
୮୬. ସମସ୍ତଲୋକାଧାରକ ରାମ ॥

ଉତ୍ତରକାଣ୍ଡମ୍
୮୭. ଆଗତମୁନିଗଣସଂସ୍ତୁତ ରାମ ।
୮୮. ଵିଶ୍ରୁତଦଶକଣ୍ଠୋଦ୍ଭଵ ରାମ ॥

୮୯. ସୀତାଲିଙ୍ଗନନିର୍ଵୃତ ରାମ ।
୯୦. ନୀତିସୁରକ୍ଷିତଜନପଦ ରାମ ॥

୯୧. ଵିପିନତ୍ଯାଜିତଜନକଜ ରାମ ।
୯୨. କାରିତଲଵଣାସୁରଵଧ ରାମ ॥

୯୩. ସ୍ଵର୍ଗତଶମ୍ବୁକସଂସ୍ତୁତ ରାମ ।
୯୪. ସ୍ଵତନଯକୁଶଲଵନନ୍ଦିତ ରାମ ॥

୯୫. ଅଶ୍ଵମେଧକ୍ରତୁଦୀକ୍ଷିତ ରାମ ।
୯୬. କାଲାଵେଦିତସୁରପଦ ରାମ ॥

୯୭. ଆଯୋଧ୍ଯକଜନମୁକ୍ତିଦ ରାମ ।
୯୮. ଵିଧିମୁଖଵିବୁଧାନନ୍ଦକ ରାମ ॥

୯୯. ତେଜୋମଯନିଜରୂପକ ରାମ ।
୧୦୦. ସଂସୃତିବନ୍ଧଵିମୋଚକ ରାମ ॥

୧୦୧. ଧର୍ମସ୍ଥାପନତତ୍ପର ରାମ ।
୧୦୨. ଭକ୍ତିପରାଯଣମୁକ୍ତିଦ ରାମ ॥

୧୦୩. ସର୍ଵଚରାଚରପାଲକ ରାମ ।
୧୦୪. ସର୍ଵଭଵାମଯଵାରକ ରାମ ॥

୧୦୫. ଵୈକୁଣ୍ଠାଲଯସଂସ୍ଥିତ ରାମ ।
୧୦୬. ନିତ୍ଯାନନ୍ଦପଦସ୍ଥିତ ରାମ ॥

୧୦୭. ରାମ ରାମ ଜଯ ରାଜା ରାମ ।
୧୦୮. ରାମ ରାମ ଜଯ ସୀତା ରାମ ॥

ଭଜନମ୍
ଭଯହର ମଙ୍ଗଲ ଦଶରଥ ରାମ ।
ଜଯ ଜଯ ମଙ୍ଗଲ ସୀତା ରାମ ॥

ମଙ୍ଗଲକର ଜଯ ମଙ୍ଗଲ ରାମ ।
ସଙ୍ଗତଶୁଭଵିଭଵୋଦଯ ରାମ ॥

ଆନନ୍ଦାମୃତଵର୍ଷକ ରାମ ।
ଆଶ୍ରିତଵତ୍ସଲ ଜଯ ଜଯ ରାମ ॥

ରଘୁପତି ରାଘଵ ରାଜା ରାମ ।
ପତିତପାଵନ ସୀତା ରାମ ॥

ସ୍ତଵଃ
କନକାମ୍ବର କମଲାସନଜନକାଖିଲ-ଧାମ ।
ସନକାଦିକମୁନିମାନସସଦନାନଘ ଭୂମ ॥

ଶରଣାଗତସୁରନାଯକଚିରକାମିତ କାମ ।
ଧରଣୀତଲତରଣ ଦଶରଥନନ୍ଦନ ରାମ ॥

ପିଶିତାଶନଵନିତାଵଧଜଗଦାନନ୍ଦ ରାମ ।
କୁଶିକାତ୍ମଜମଖରକ୍ଷଣ ଚରିତାଦ୍ଭୁତ ରାମ ॥

ଧନିଗୌତମଗୃହିଣୀସ୍ଵଜଦଘମୋଚନ ରାମ ।
ମୁନିମଣ୍ଡଲବହୁମାନିତ ପଦପାଵନ ରାମ ॥

ସ୍ମରଶାସନସୁଶରାସନଲଘୁଭଞ୍ଜନ ରାମ ।
ନରନିର୍ଜରଜନରଞ୍ଜନ ସୀତାପତି-ରାମ ॥

କୁସୁମାଯୁଧତନୁସୁନ୍ଦର କମଲାନନ ରାମ ।
ଵସୁମାନିତଭୃଗୁସମ୍ଭଵମଦମର୍ଦନ ରାମ ॥

କରୁଣାରସଵରୁଣାଲଯ ନତଵତ୍ସଲ ରାମ ।
ଶରଣଂ ତଵ ଚରଣଂ ଭଵହରଣଂ ମମ ରାମ ॥

ଶ୍ରୀରାମପ୍ରଣାମଃ
ଆପଦାମପହର୍ତାରଂ ଦାତାରଂ ସର୍ଵସମ୍ପଦାମ୍ ।
ଲୋକାଭିରାମଂ ଶ୍ରୀରାମଂ ଭୂଯୋ ଭୂଯୋ ନମାମ୍ଯହମ୍ ॥

ରାମାଯ ରାମଚନ୍ଦ୍ରାଯ ରାମଭଦ୍ରାଯ ଵେଧସେ ।
ରଘୁନାଥାଯ ନାଥାଯ ସୀତାଯାଃ ପତଯେ ନମଃ ॥

ଶ୍ରୀହନୁମତ୍ପ୍ରଣାମଃ
ଅତୁଲିତବଲଧାମଂ ସ୍ଵର୍ଣଶୈଲାଭଦେହଂ
ଦନୁଜଵନକୃଶାନୁଂ ଜ୍ଞାନିନାମଗ୍ରଗଣ୍ଯମ୍ ।
ସକଲଗୁଣନିଧାନଂ ଵାନରାଣାମଧୀଶଂ
ରଘୁପତିଵରଦୂତଂ ଵାତଜାତଂ ନମାମି ॥ ୧॥

ଗୋଷ୍ପଦୀକୃତଵାରାଶିଂ ମଶକୀକୃତରାକ୍ଷସମ୍ ।
ରାମାଯଣମହାମାଲାରତ୍ନଂ ଵନ୍ଦେଽନିଲାତ୍ମଜମ୍ ॥ ୨॥

ଅଞ୍ଜନାନନ୍ଦନଂ ଵୀରଂ ଜାନକୀଶୋକନାଶନମ୍ ।
କପୀଶମକ୍ଷହନ୍ତାରଂ ଵନ୍ଦେ ଲଙ୍କାଭଯଙ୍କରମ୍ ॥ ୩॥

ଉଲ୍ଲଙ୍ଘ୍ଯ ସିନ୍ଧୋଃ ସଲିଲଂ ସଲୀଲଂ ଯଃ ଶୋକଵହ୍ନିଂ ଜନକାତ୍ମଜାଯାଃ ।
ଆଦାଯ ତେନୈଵ ଦଦାହ ଲଙ୍କାଂ ନମାମି ତଂ ପ୍ରାଞ୍ଜଲିରାଞ୍ଜନେଯମ୍ ॥ ୪॥

ମନୋଜଵଂ ମାରୁତତୁଲ୍ଯଵେଗଂ ଜିତେନ୍ଦ୍ରିଯଂ ବୁଦ୍ଧିମତାଂ ଵରିଷ୍ଠମ୍ ।
ଵାତାତ୍ମଜଂ ଵାନରଯୂଥମୁଖ୍ଯଂ ଶ୍ରୀରାମଦୂତଂ ଶିରସା ନମାମି ॥ ୫॥

ଆଞ୍ଜନେଯମତିପାଟଲାନନଂ କାଞ୍ଚନାଦ୍ରିକମନୀଯଵିଗ୍ରହମ୍ ।
ପାରିଜାତତରୁମୂଲଵାସିନଂ ଭାଵଯାମି ପଵମାନନନ୍ଦନମ୍ ॥ ୬॥

ଯତ୍ର ଯତ୍ର ରଘୁନାଥକୀର୍ତନଂ ତତ୍ର ତତ୍ର କୃତମସ୍ତକାଞ୍ଜଲିମ୍ ।
ଵାଷ୍ପଵାରିପରିପୂର୍ଣଲୋଚନଂ ମାରୁତିଂ ନମତ ରାକ୍ଷସାନ୍ତକମ୍ ॥ ୭॥

ଇତି ଅଷ୍ଟୋତ୍ତରଶତନାମରାମାଯଣଂ ସମାପ୍ତମ୍ ।

Encoded and proofread by
Swami Mahayogananda
This prayer is sung at many branches of the Ramakrishna Math and Ramakrishna Mission on ekadashi days.
it is an expanded version of nAmarAmarAmAyaNa.

Please send corrections to sanskrit@cheerful.com
Last updated ତ୍oday
http://sanskritdocuments.org

Rama Nama Sankirtanam ( Chanted in Ramakrishna Math ) Lyrics in Oriya PDF
% File name : rAmanAmasankIrtanam.itx
% Category : bhajana
% Location : doc\_raama
% Language : Sanskrit
% Subject : philosophy/hinduism/religion
% Transliterated by : Swami Mahayogananda
% Proofread by : Swami Mahayogananda
% Description-comments : Popularly sung in the Ramakrishna order
% Latest update : Januuary 6, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website