శ్రీరామనామసఙ్కీర్తనమ్
{॥ శ్రీరామనామసఙ్కీర్తనమ్ ॥}
శ్రీనాథే జానకీనాథే అభేదః పరమాత్మని ।
తథాపి మమ సర్వస్వః రామః కమలలోచనః ॥
ఓం శ్రీరామచన్ద్రాయ నమః ।
స్తవః
వర్ణానామర్థసఙ్ఘానాం రసానాం ఛన్దసామపి ।
మఙ్గలానాం చ కర్తారౌ వన్దే వాణీవినాయకౌ ॥ ౧॥
భవానీశఙ్కరౌ వన్దే శ్రద్ధావిశ్వాసరూపిణౌ ।
యాభ్యాం వినా న పశ్యన్తి సిద్ధా స్వాన్తఃస్థమీశ్వరమ్ ॥ ౨॥
వన్దే బోధమయం నిత్యం గురుం శఙ్కరరూపిణమ్ ।
యమాశ్రితో హి వక్రోఽపి చన్ద్రః సర్వత్ర వన్ద్యతే ॥ ౩॥
సీతారామగుణగ్రామపుణ్యారణ్యవిహారిణౌ ।
వన్దే విశుద్ధవిజ్ఞానౌ కవీశ్వరకపీశ్వరౌ ॥ ౪॥
ఉద్భవస్థితిసంహారకారిణీం క్లేశహారిణీమ్ ।
సర్వశ్రేయస్కరీం సీతాం నతోఽహం రామవల్లభామ్ ॥ ౫॥
యన్మాయావశవర్తి విశ్వమఖిలం బ్రహ్మాదిదేవాసురాః
యత్సత్త్వాదమృషైవ భాతి సకలం రజ్జౌ యథాహేర్భ్రమః ।
యత్పాదప్లవమేవ భాతి హి భవామ్భోధేస్తితీర్షావతాం
వన్దేఽహం తమశేషకారణపరం రామాఖ్యమీశం హరిమ్ ॥ ౬॥
ప్రసన్నతాం యా న గతాభిషేకతస్తథా న మమ్లౌ వనవాసదుఃఖతః ।
ముఖామ్బుజశ్రీరఘునన్దనస్య మే సదాస్తు సా మఞ్జులమఙ్గలప్రదా ॥ ౭॥
నీలామ్బుజశ్యామలకోమలాఙ్గం సీతాసమారోపితవామభాగమ్ ।
పాణౌ మహాసాయకచారుచాపం నమామి రామం రఘువంశనాథమ్ ॥ ౮॥
మూలం ధర్మతరోర్వివేకజలధేః పూర్ణేన్దుమానన్దదం
వైరాగ్యామ్బుజభాస్కరం త్వఘహరం ధ్వాన్తాపహం తాపహమ్ ।
మోహామ్భోధరపుఞ్జపాటనవిధౌ ఖేసమ్భవం శఙ్కరం
వన్దే బ్రహ్మకులే కలఙ్కశమనం శ్రీరామభూపప్రియమ్ ॥ ౯॥
సాన్ద్రానన్దపయోదసౌభగతనుం పీతామ్బరం సున్దరం
పాణౌ బాణశరాసనం కటిలసత్తూణీరభారం వరమ్ ।
రాజీవాయతలోచనం ధృతజటాజూటేన సంశోభితం
సీతాలక్ష్మణసంయుతం పథిగతం రామాభిరామం భజే ॥ ౧౦॥
కున్దేన్దీవరసున్దరావతిబలౌ విజ్ఞానధామావుభౌ
శోభాఢ్యౌ వరధన్వినౌ శ్రుతినుతౌ గోవిప్రవృన్దప్రియౌ ।
మాయామానుషరూపిణౌ రఘువరౌ సద్ధర్మవన్తౌ హితౌ
సీతాన్వేషణతత్పరౌ పథిగతౌ భక్తిప్రదౌ తౌ హి నః ॥ ౧౧॥
బ్రహ్మామ్భోధిసముద్భవం కలిమలప్రధ్వంసనం చావ్యయం
శ్రీమచ్ఛమ్భుముఖేన్దుసున్దరవరే సంశోభితం సర్వదా ।
సంసారామయభేషజం సుమధురం శ్రీజానకీజీవనం
ధన్యాస్తే కృతినః పిబన్తి సతతం శ్రీరామనామామృతమ్ ॥ ౧౨॥
శాన్తం శాశ్వతమప్రమేయమనఘం నిర్వాణశాన్తిప్రదం
బ్రహ్మాశమ్భుఫణీన్ద్రసేవ్యమనిశం వేదాన్తవేద్యం విభుమ్ ।
రామాఖ్యం జగదీశ్వరం సురగురుం మాయామనుష్యం హరిం
వన్దేఽహం కరుణాకరం రఘువరం భూపాలచూడామణిమ్ ॥ ౧౩॥
కేకీకణ్ఠాభనీలం సురవరవిలసద్విప్రపాదాబ్జచిహ్నం
శోభాఢ్యం పీతవస్త్రం సరసిజనయనం సర్వదా సుప్రసన్నమ్ ।
పాణౌ నారాచచాపం కపినికరయుతం బన్ధునా సేవ్యమానం
నౌమీడ్యం జానకీశం రఘువరమనిశం పుష్పకారూఢరామమ్ ॥ ౧౪॥
ఆర్తానామార్తిహన్తారం భీతానాం భయనాశనమ్ ।
ద్విషతాం కాలదణ్డం తం రామచన్ద్రం నమామ్యహమ్ ॥ ౧౫॥
శ్రీరాఘవం దశరథాత్మజమప్రమేయం
సీతాపతిం రఘుకులాన్వయరత్నదీపమ్ ।
ఆజానుబాహుమరవిన్దదలాయతాక్షం
రామం నిశాచరవినాశకరం నమామి ॥ ౧౬॥
వైదేహీసహితం సురద్రుమతలే హైమే మహామణ్డపే
మధ్యే పుష్పక ఆసనే మణిమయే వీరాసనే సంస్థితమ్ ।
అగ్రే వాచయతి ప్రభఞ్జనసుతే తత్త్వం మునీన్ద్రైః పరం
వ్యాఖ్యాతం భరతాదిభిః పరివృతం రామం భజే శ్యామలమ్ ॥ ౧౭॥
ప్రార్థనా
నాన్యా స్పృహా రఘుపతే హృదయేఽస్మదీయే
సత్యం వదామి చ భవానఖిలాన్తరాత్మా ।
భక్తిం ప్రయచ్ఛ రఘుపుఙ్గవ నిర్భరాం మే
కామాదిదోషరహితం కురు మానసం చ ॥
ఓం శ్రీసీతా-లక్ష్మణ-భరత-శత్రుఘ్న-హనుమత్సమేత-
శ్రీరామచన్ద్రపరబ్రహ్మణే నమః ॥
అథ సంకీర్తనమ్ ।
బాలకాణ్డమ్
౧. శుద్ధబ్రహ్మపరాత్పర రామ ।
౨. కాలాత్మకపరమేశ్వర రామ ॥
౩. శేషతల్పసుఖనిద్రిత రామ ।
౪. బ్రహ్మాద్యమరప్రార్థిత రామ ॥
౫. చణ్డకిరణకులమణ్డన రామ ।
౬. శ్రీమద్దశరథనన్దన రామ ॥
౭. కౌశల్యాసుఖవర్ధన రామ ।
౮. విశ్వామిత్రప్రియధన రామ ॥
౯. ఘోరతాటకాఘాతక రామ ।
౧౦. మారీచాదినిపాతక రామ ॥
౧౧. కౌశికమఖసంరక్షక రామ ।
౧౨. శ్రీమదహల్యోద్ధారక రామ ॥
౧౩. గౌతమమునిసమ్పూజిత రామ ।
౧౪. సురమునివరగణసంస్తుత రామ ॥
౧౫. నావికధావితమృదుపద రామ ।
౧౬. మిథిలాపురజనమోహక రామ ॥
౧౭. విదేహమానసరఞ్జక రామ ।
౧౮. త్ర్యమ్బకకార్ముకభఞ్జక రామ ॥
౧౯. సీతార్పితవరమాలిక రామ ।
౨౦. కృతవైవాహికకౌతుక రామ ॥
౨౧. భార్గవదర్పవినాశక రామ ।
౨౨. శ్రీమదయోధ్యాపాలక రామ ॥
అయోధ్యాకాణ్డమ్
౨౩. అగణితగుణగణభూషిత రామ ।
౨౪. అవనీతనయాకామిత రామ ॥
౨౫. రాకాచన్ద్రసమానన రామ ।
౨౬. పితృవాక్యాశ్రితకానన రామ ॥
౨౭. ప్రియగుహవినివేదితపద రామ ।
౨౮. తత్క్షాలితనిజమృదుపద రామ ॥
౨౯. భరద్వాజముఖనన్దక రామ ।
౩౦. చిత్రకూటాద్రినికేతన రామ ॥
౩౧. దశరథసన్తతచిన్తిత రామ ।
౩౨. కైకేయీతనయార్థిత రామ ॥
౩౩. విరచితనిజపితృకర్మక రామ ।
౩౪. భరతార్పితనిజపాదుక రామ ॥
అరణ్యకాణ్డమ్
౩౫. దణ్డకవనజనపావన రామ ।
౩౬. దుష్టవిరాధవినాశన రామ ॥
౩౭. శరభఙ్గసుతీక్ష్ణార్చిత రామ ।
౩౮. అగస్త్యనుగ్రహవర్ధిత రామ ॥
౩౯. గృధ్రాధిపసంసేవిత రామ ।
౪౦. పఞ్చవటీతటసుస్థిత రామ ॥
౪౧. శూర్పణఖార్తివిధాయక రామ ।
౪౨. ఖరదూషణముఖసూదక రామ ॥
౪౩. సీతాప్రియహరిణానుగ రామ ।
౪౪. మారీచార్తికృదాశుగ రామ ॥
౪౫. వినష్టసీతాన్వేషక రామ ।
౪౬. గృధ్రాధిపగతిదాయక రామ ॥
౪౭. శబరీదత్తఫలాశన రామ ।
౪౮. కబన్ధబాహుచ్ఛేదక రామ ॥
కిష్కిన్ధాకాణ్డమ్
౪౯. హనుమత్సేవితనిజపద రామ ।
౫౦. నతసుగ్రీవాభీష్టద రామ ॥
౫౧. గర్వితవాలిసంహారక రామ ।
౫౨. వానరదూతప్రేషక రామ ॥
౫౩. హితకరలక్ష్మణసంయుత రామ ।
సున్దరకాణ్డమ్
౫౪. కపివరసన్తతసంస్మృత రామ ॥
౫౫. తద్గతివిఘ్నధ్వంసక రామ ।
౫౬. సీతాప్రాణాధారక రామ ॥
౫౭. దుష్టదశాననదూషిత రామ ।
౫౮. శిష్టహనూమద్భూషిత రామ ॥
౫౯. సీతావేదితకాకావన రామ ।
౬౦. కృతచూడామణిదర్శన రామ ॥
౬౧. కపివరవచనాశ్వాసిత రామ ।
యుద్ధకాణ్డమ్
౬౨. రావణనిధనప్రస్థిత రామ ॥
౬౩. వానరసైన్యసమావృత రామ ।
౬౪. శోషితసరిదీశార్థిత రామ ॥
౬౫. విభీషణాభయదాయక రామ ।
౬౬. పర్వతసేతునిబన్ధక రామ ॥
౬౭. కుమ్భకర్ణశిరచ్ఛేదక రామ ।
౬౮. రాక్షససఙ్ఘవిమర్దక రామ ॥
౬౯. అహిమహిరావణచారణ రామ ।
౭౦. సంహృతదశముఖరావణ రామ ॥
౭౧. విధిభవముఖసురసంస్తుత రామ ।
౭౨. ఖస్థితదశరథవీక్షిత రామ ॥
౭౩. సీతాదర్శనమోదిత రామ ।
౭౪. అభిషిక్తవిభీషణనత రామ ॥
౭౫. పుష్పకయానారోహణ రామ ।
౭౬. భరద్వాజాభినిషేవణ రామ ॥
౭౭. భరతప్రాణప్రియకర రామ ।
౭౮. సాకేతపురీభూషణ రామ ॥
౭౯. సకలస్వీయసమానత రామ ।
౮౦. రత్నలసత్పీఠాస్థిత రామ ॥
౮౧. పట్టాభిషేకాలఙ్కృత రామ ।
౮౨. పార్థివకులసమ్మానిత రామ ॥
౮౩. విభీషణార్పితరఙ్గక రామ ।
౮౪. కీశకులానుగ్రహకర రామ ॥
౮౫. సకలజీవసంరక్షక రామ ।
౮౬. సమస్తలోకాధారక రామ ॥
ఉత్తరకాణ్డమ్
౮౭. ఆగతమునిగణసంస్తుత రామ ।
౮౮. విశ్రుతదశకణ్ఠోద్భవ రామ ॥
౮౯. సీతాలిఙ్గననిర్వృత రామ ।
౯౦. నీతిసురక్షితజనపద రామ ॥
౯౧. విపినత్యాజితజనకజ రామ ।
౯౨. కారితలవణాసురవధ రామ ॥
౯౩. స్వర్గతశమ్బుకసంస్తుత రామ ।
౯౪. స్వతనయకుశలవనన్దిత రామ ॥
౯౫. అశ్వమేధక్రతుదీక్షిత రామ ।
౯౬. కాలావేదితసురపద రామ ॥
౯౭. ఆయోధ్యకజనముక్తిద రామ ।
౯౮. విధిముఖవిబుధానన్దక రామ ॥
౯౯. తేజోమయనిజరూపక రామ ।
౧౦౦. సంసృతిబన్ధవిమోచక రామ ॥
౧౦౧. ధర్మస్థాపనతత్పర రామ ।
౧౦౨. భక్తిపరాయణముక్తిద రామ ॥
౧౦౩. సర్వచరాచరపాలక రామ ।
౧౦౪. సర్వభవామయవారక రామ ॥
౧౦౫. వైకుణ్ఠాలయసంస్థిత రామ ।
౧౦౬. నిత్యానన్దపదస్థిత రామ ॥
౧౦౭. రామ రామ జయ రాజా రామ ।
౧౦౮. రామ రామ జయ సీతా రామ ॥
భజనమ్
భయహర మఙ్గల దశరథ రామ ।
జయ జయ మఙ్గల సీతా రామ ॥
మఙ్గలకర జయ మఙ్గల రామ ।
సఙ్గతశుభవిభవోదయ రామ ॥
ఆనన్దామృతవర్షక రామ ।
ఆశ్రితవత్సల జయ జయ రామ ॥
రఘుపతి రాఘవ రాజా రామ ।
పతితపావన సీతా రామ ॥
స్తవః
కనకామ్బర కమలాసనజనకాఖిల-ధామ ।
సనకాదికమునిమానససదనానఘ భూమ ॥
శరణాగతసురనాయకచిరకామిత కామ ।
ధరణీతలతరణ దశరథనన్దన రామ ॥
పిశితాశనవనితావధజగదానన్ద రామ ।
కుశికాత్మజమఖరక్షణ చరితాద్భుత రామ ॥
ధనిగౌతమగృహిణీస్వజదఘమోచన రామ ।
మునిమణ్డలబహుమానిత పదపావన రామ ॥
స్మరశాసనసుశరాసనలఘుభఞ్జన రామ ।
నరనిర్జరజనరఞ్జన సీతాపతి-రామ ॥
కుసుమాయుధతనుసున్దర కమలానన రామ ।
వసుమానితభృగుసమ్భవమదమర్దన రామ ॥
కరుణారసవరుణాలయ నతవత్సల రామ ।
శరణం తవ చరణం భవహరణం మమ రామ ॥
శ్రీరామప్రణామః
ఆపదామపహర్తారం దాతారం సర్వసమ్పదామ్ ।
లోకాభిరామం శ్రీరామం భూయో భూయో నమామ్యహమ్ ॥
రామాయ రామచన్ద్రాయ రామభద్రాయ వేధసే ।
రఘునాథాయ నాథాయ సీతాయాః పతయే నమః ॥
శ్రీహనుమత్ప్రణామః
అతులితబలధామం స్వర్ణశైలాభదేహం
దనుజవనకృశానుం జ్ఞానినామగ్రగణ్యమ్ ।
సకలగుణనిధానం వానరాణామధీశం
రఘుపతివరదూతం వాతజాతం నమామి ॥ ౧॥
గోష్పదీకృతవారాశిం మశకీకృతరాక్షసమ్ ।
రామాయణమహామాలారత్నం వన్దేఽనిలాత్మజమ్ ॥ ౨॥
అఞ్జనానన్దనం వీరం జానకీశోకనాశనమ్ ।
కపీశమక్షహన్తారం వన్దే లఙ్కాభయఙ్కరమ్ ॥ ౩॥
ఉల్లఙ్ఘ్య సిన్ధోః సలిలం సలీలం యః శోకవహ్నిం జనకాత్మజాయాః ।
ఆదాయ తేనైవ దదాహ లఙ్కాం నమామి తం ప్రాఞ్జలిరాఞ్జనేయమ్ ॥ ౪॥
మనోజవం మారుతతుల్యవేగం జితేన్ద్రియం బుద్ధిమతాం వరిష్ఠమ్ ।
వాతాత్మజం వానరయూథముఖ్యం శ్రీరామదూతం శిరసా నమామి ॥ ౫॥
ఆఞ్జనేయమతిపాటలాననం కాఞ్చనాద్రికమనీయవిగ్రహమ్ ।
పారిజాతతరుమూలవాసినం భావయామి పవమాననన్దనమ్ ॥ ౬॥
యత్ర యత్ర రఘునాథకీర్తనం తత్ర తత్ర కృతమస్తకాఞ్జలిమ్ ।
వాష్పవారిపరిపూర్ణలోచనం మారుతిం నమత రాక్షసాన్తకమ్ ॥ ౭॥
ఇతి అష్టోత్తరశతనామరామాయణం సమాప్తమ్ ।
Encoded and proofread by
Swami Mahayogananda
This prayer is sung at many branches of the Ramakrishna Math and Ramakrishna Mission on ekadashi days.
it is an expanded version of nAmarAmarAmAyaNa.
Please send corrections to sanskrit@cheerful.com
Last updated త్oday
http://sanskritdocuments.org
శ్రీనాథే జానకీనాథే అభేదః పరమాత్మని ।
తథాపి మమ సర్వస్వః రామః కమలలోచనః ॥
ఓం శ్రీరామచన్ద్రాయ నమః ।
స్తవః
వర్ణానామర్థసఙ్ఘానాం రసానాం ఛన్దసామపి ।
మఙ్గలానాం చ కర్తారౌ వన్దే వాణీవినాయకౌ ॥ ౧॥
భవానీశఙ్కరౌ వన్దే శ్రద్ధావిశ్వాసరూపిణౌ ।
యాభ్యాం వినా న పశ్యన్తి సిద్ధా స్వాన్తఃస్థమీశ్వరమ్ ॥ ౨॥
వన్దే బోధమయం నిత్యం గురుం శఙ్కరరూపిణమ్ ।
యమాశ్రితో హి వక్రోఽపి చన్ద్రః సర్వత్ర వన్ద్యతే ॥ ౩॥
సీతారామగుణగ్రామపుణ్యారణ్యవిహారిణౌ ।
వన్దే విశుద్ధవిజ్ఞానౌ కవీశ్వరకపీశ్వరౌ ॥ ౪॥
ఉద్భవస్థితిసంహారకారిణీం క్లేశహారిణీమ్ ।
సర్వశ్రేయస్కరీం సీతాం నతోఽహం రామవల్లభామ్ ॥ ౫॥
యన్మాయావశవర్తి విశ్వమఖిలం బ్రహ్మాదిదేవాసురాః
యత్సత్త్వాదమృషైవ భాతి సకలం రజ్జౌ యథాహేర్భ్రమః ।
యత్పాదప్లవమేవ భాతి హి భవామ్భోధేస్తితీర్షావతాం
వన్దేఽహం తమశేషకారణపరం రామాఖ్యమీశం హరిమ్ ॥ ౬॥
ప్రసన్నతాం యా న గతాభిషేకతస్తథా న మమ్లౌ వనవాసదుఃఖతః ।
ముఖామ్బుజశ్రీరఘునన్దనస్య మే సదాస్తు సా మఞ్జులమఙ్గలప్రదా ॥ ౭॥
నీలామ్బుజశ్యామలకోమలాఙ్గం సీతాసమారోపితవామభాగమ్ ।
పాణౌ మహాసాయకచారుచాపం నమామి రామం రఘువంశనాథమ్ ॥ ౮॥
మూలం ధర్మతరోర్వివేకజలధేః పూర్ణేన్దుమానన్దదం
వైరాగ్యామ్బుజభాస్కరం త్వఘహరం ధ్వాన్తాపహం తాపహమ్ ।
మోహామ్భోధరపుఞ్జపాటనవిధౌ ఖేసమ్భవం శఙ్కరం
వన్దే బ్రహ్మకులే కలఙ్కశమనం శ్రీరామభూపప్రియమ్ ॥ ౯॥
సాన్ద్రానన్దపయోదసౌభగతనుం పీతామ్బరం సున్దరం
పాణౌ బాణశరాసనం కటిలసత్తూణీరభారం వరమ్ ।
రాజీవాయతలోచనం ధృతజటాజూటేన సంశోభితం
సీతాలక్ష్మణసంయుతం పథిగతం రామాభిరామం భజే ॥ ౧౦॥
కున్దేన్దీవరసున్దరావతిబలౌ విజ్ఞానధామావుభౌ
శోభాఢ్యౌ వరధన్వినౌ శ్రుతినుతౌ గోవిప్రవృన్దప్రియౌ ।
మాయామానుషరూపిణౌ రఘువరౌ సద్ధర్మవన్తౌ హితౌ
సీతాన్వేషణతత్పరౌ పథిగతౌ భక్తిప్రదౌ తౌ హి నః ॥ ౧౧॥
బ్రహ్మామ్భోధిసముద్భవం కలిమలప్రధ్వంసనం చావ్యయం
శ్రీమచ్ఛమ్భుముఖేన్దుసున్దరవరే సంశోభితం సర్వదా ।
సంసారామయభేషజం సుమధురం శ్రీజానకీజీవనం
ధన్యాస్తే కృతినః పిబన్తి సతతం శ్రీరామనామామృతమ్ ॥ ౧౨॥
శాన్తం శాశ్వతమప్రమేయమనఘం నిర్వాణశాన్తిప్రదం
బ్రహ్మాశమ్భుఫణీన్ద్రసేవ్యమనిశం వేదాన్తవేద్యం విభుమ్ ।
రామాఖ్యం జగదీశ్వరం సురగురుం మాయామనుష్యం హరిం
వన్దేఽహం కరుణాకరం రఘువరం భూపాలచూడామణిమ్ ॥ ౧౩॥
కేకీకణ్ఠాభనీలం సురవరవిలసద్విప్రపాదాబ్జచిహ్నం
శోభాఢ్యం పీతవస్త్రం సరసిజనయనం సర్వదా సుప్రసన్నమ్ ।
పాణౌ నారాచచాపం కపినికరయుతం బన్ధునా సేవ్యమానం
నౌమీడ్యం జానకీశం రఘువరమనిశం పుష్పకారూఢరామమ్ ॥ ౧౪॥
ఆర్తానామార్తిహన్తారం భీతానాం భయనాశనమ్ ।
ద్విషతాం కాలదణ్డం తం రామచన్ద్రం నమామ్యహమ్ ॥ ౧౫॥
శ్రీరాఘవం దశరథాత్మజమప్రమేయం
సీతాపతిం రఘుకులాన్వయరత్నదీపమ్ ।
ఆజానుబాహుమరవిన్దదలాయతాక్షం
రామం నిశాచరవినాశకరం నమామి ॥ ౧౬॥
వైదేహీసహితం సురద్రుమతలే హైమే మహామణ్డపే
మధ్యే పుష్పక ఆసనే మణిమయే వీరాసనే సంస్థితమ్ ।
అగ్రే వాచయతి ప్రభఞ్జనసుతే తత్త్వం మునీన్ద్రైః పరం
వ్యాఖ్యాతం భరతాదిభిః పరివృతం రామం భజే శ్యామలమ్ ॥ ౧౭॥
ప్రార్థనా
నాన్యా స్పృహా రఘుపతే హృదయేఽస్మదీయే
సత్యం వదామి చ భవానఖిలాన్తరాత్మా ।
భక్తిం ప్రయచ్ఛ రఘుపుఙ్గవ నిర్భరాం మే
కామాదిదోషరహితం కురు మానసం చ ॥
ఓం శ్రీసీతా-లక్ష్మణ-భరత-శత్రుఘ్న-హనుమత్సమేత-
శ్రీరామచన్ద్రపరబ్రహ్మణే నమః ॥
అథ సంకీర్తనమ్ ।
బాలకాణ్డమ్
౧. శుద్ధబ్రహ్మపరాత్పర రామ ।
౨. కాలాత్మకపరమేశ్వర రామ ॥
౩. శేషతల్పసుఖనిద్రిత రామ ।
౪. బ్రహ్మాద్యమరప్రార్థిత రామ ॥
౫. చణ్డకిరణకులమణ్డన రామ ।
౬. శ్రీమద్దశరథనన్దన రామ ॥
౭. కౌశల్యాసుఖవర్ధన రామ ।
౮. విశ్వామిత్రప్రియధన రామ ॥
౯. ఘోరతాటకాఘాతక రామ ।
౧౦. మారీచాదినిపాతక రామ ॥
౧౧. కౌశికమఖసంరక్షక రామ ।
౧౨. శ్రీమదహల్యోద్ధారక రామ ॥
౧౩. గౌతమమునిసమ్పూజిత రామ ।
౧౪. సురమునివరగణసంస్తుత రామ ॥
౧౫. నావికధావితమృదుపద రామ ।
౧౬. మిథిలాపురజనమోహక రామ ॥
౧౭. విదేహమానసరఞ్జక రామ ।
౧౮. త్ర్యమ్బకకార్ముకభఞ్జక రామ ॥
౧౯. సీతార్పితవరమాలిక రామ ।
౨౦. కృతవైవాహికకౌతుక రామ ॥
౨౧. భార్గవదర్పవినాశక రామ ।
౨౨. శ్రీమదయోధ్యాపాలక రామ ॥
అయోధ్యాకాణ్డమ్
౨౩. అగణితగుణగణభూషిత రామ ।
౨౪. అవనీతనయాకామిత రామ ॥
౨౫. రాకాచన్ద్రసమానన రామ ।
౨౬. పితృవాక్యాశ్రితకానన రామ ॥
౨౭. ప్రియగుహవినివేదితపద రామ ।
౨౮. తత్క్షాలితనిజమృదుపద రామ ॥
౨౯. భరద్వాజముఖనన్దక రామ ।
౩౦. చిత్రకూటాద్రినికేతన రామ ॥
౩౧. దశరథసన్తతచిన్తిత రామ ।
౩౨. కైకేయీతనయార్థిత రామ ॥
౩౩. విరచితనిజపితృకర్మక రామ ।
౩౪. భరతార్పితనిజపాదుక రామ ॥
అరణ్యకాణ్డమ్
౩౫. దణ్డకవనజనపావన రామ ।
౩౬. దుష్టవిరాధవినాశన రామ ॥
౩౭. శరభఙ్గసుతీక్ష్ణార్చిత రామ ।
౩౮. అగస్త్యనుగ్రహవర్ధిత రామ ॥
౩౯. గృధ్రాధిపసంసేవిత రామ ।
౪౦. పఞ్చవటీతటసుస్థిత రామ ॥
౪౧. శూర్పణఖార్తివిధాయక రామ ।
౪౨. ఖరదూషణముఖసూదక రామ ॥
౪౩. సీతాప్రియహరిణానుగ రామ ।
౪౪. మారీచార్తికృదాశుగ రామ ॥
౪౫. వినష్టసీతాన్వేషక రామ ।
౪౬. గృధ్రాధిపగతిదాయక రామ ॥
౪౭. శబరీదత్తఫలాశన రామ ।
౪౮. కబన్ధబాహుచ్ఛేదక రామ ॥
కిష్కిన్ధాకాణ్డమ్
౪౯. హనుమత్సేవితనిజపద రామ ।
౫౦. నతసుగ్రీవాభీష్టద రామ ॥
౫౧. గర్వితవాలిసంహారక రామ ।
౫౨. వానరదూతప్రేషక రామ ॥
౫౩. హితకరలక్ష్మణసంయుత రామ ।
సున్దరకాణ్డమ్
౫౪. కపివరసన్తతసంస్మృత రామ ॥
౫౫. తద్గతివిఘ్నధ్వంసక రామ ।
౫౬. సీతాప్రాణాధారక రామ ॥
౫౭. దుష్టదశాననదూషిత రామ ।
౫౮. శిష్టహనూమద్భూషిత రామ ॥
౫౯. సీతావేదితకాకావన రామ ।
౬౦. కృతచూడామణిదర్శన రామ ॥
౬౧. కపివరవచనాశ్వాసిత రామ ।
యుద్ధకాణ్డమ్
౬౨. రావణనిధనప్రస్థిత రామ ॥
౬౩. వానరసైన్యసమావృత రామ ।
౬౪. శోషితసరిదీశార్థిత రామ ॥
౬౫. విభీషణాభయదాయక రామ ।
౬౬. పర్వతసేతునిబన్ధక రామ ॥
౬౭. కుమ్భకర్ణశిరచ్ఛేదక రామ ।
౬౮. రాక్షససఙ్ఘవిమర్దక రామ ॥
౬౯. అహిమహిరావణచారణ రామ ।
౭౦. సంహృతదశముఖరావణ రామ ॥
౭౧. విధిభవముఖసురసంస్తుత రామ ।
౭౨. ఖస్థితదశరథవీక్షిత రామ ॥
౭౩. సీతాదర్శనమోదిత రామ ।
౭౪. అభిషిక్తవిభీషణనత రామ ॥
౭౫. పుష్పకయానారోహణ రామ ।
౭౬. భరద్వాజాభినిషేవణ రామ ॥
౭౭. భరతప్రాణప్రియకర రామ ।
౭౮. సాకేతపురీభూషణ రామ ॥
౭౯. సకలస్వీయసమానత రామ ।
౮౦. రత్నలసత్పీఠాస్థిత రామ ॥
౮౧. పట్టాభిషేకాలఙ్కృత రామ ।
౮౨. పార్థివకులసమ్మానిత రామ ॥
౮౩. విభీషణార్పితరఙ్గక రామ ।
౮౪. కీశకులానుగ్రహకర రామ ॥
౮౫. సకలజీవసంరక్షక రామ ।
౮౬. సమస్తలోకాధారక రామ ॥
ఉత్తరకాణ్డమ్
౮౭. ఆగతమునిగణసంస్తుత రామ ।
౮౮. విశ్రుతదశకణ్ఠోద్భవ రామ ॥
౮౯. సీతాలిఙ్గననిర్వృత రామ ।
౯౦. నీతిసురక్షితజనపద రామ ॥
౯౧. విపినత్యాజితజనకజ రామ ।
౯౨. కారితలవణాసురవధ రామ ॥
౯౩. స్వర్గతశమ్బుకసంస్తుత రామ ।
౯౪. స్వతనయకుశలవనన్దిత రామ ॥
౯౫. అశ్వమేధక్రతుదీక్షిత రామ ।
౯౬. కాలావేదితసురపద రామ ॥
౯౭. ఆయోధ్యకజనముక్తిద రామ ।
౯౮. విధిముఖవిబుధానన్దక రామ ॥
౯౯. తేజోమయనిజరూపక రామ ।
౧౦౦. సంసృతిబన్ధవిమోచక రామ ॥
౧౦౧. ధర్మస్థాపనతత్పర రామ ।
౧౦౨. భక్తిపరాయణముక్తిద రామ ॥
౧౦౩. సర్వచరాచరపాలక రామ ।
౧౦౪. సర్వభవామయవారక రామ ॥
౧౦౫. వైకుణ్ఠాలయసంస్థిత రామ ।
౧౦౬. నిత్యానన్దపదస్థిత రామ ॥
౧౦౭. రామ రామ జయ రాజా రామ ।
౧౦౮. రామ రామ జయ సీతా రామ ॥
భజనమ్
భయహర మఙ్గల దశరథ రామ ।
జయ జయ మఙ్గల సీతా రామ ॥
మఙ్గలకర జయ మఙ్గల రామ ।
సఙ్గతశుభవిభవోదయ రామ ॥
ఆనన్దామృతవర్షక రామ ।
ఆశ్రితవత్సల జయ జయ రామ ॥
రఘుపతి రాఘవ రాజా రామ ।
పతితపావన సీతా రామ ॥
స్తవః
కనకామ్బర కమలాసనజనకాఖిల-ధామ ।
సనకాదికమునిమానససదనానఘ భూమ ॥
శరణాగతసురనాయకచిరకామిత కామ ।
ధరణీతలతరణ దశరథనన్దన రామ ॥
పిశితాశనవనితావధజగదానన్ద రామ ।
కుశికాత్మజమఖరక్షణ చరితాద్భుత రామ ॥
ధనిగౌతమగృహిణీస్వజదఘమోచన రామ ।
మునిమణ్డలబహుమానిత పదపావన రామ ॥
స్మరశాసనసుశరాసనలఘుభఞ్జన రామ ।
నరనిర్జరజనరఞ్జన సీతాపతి-రామ ॥
కుసుమాయుధతనుసున్దర కమలానన రామ ।
వసుమానితభృగుసమ్భవమదమర్దన రామ ॥
కరుణారసవరుణాలయ నతవత్సల రామ ।
శరణం తవ చరణం భవహరణం మమ రామ ॥
శ్రీరామప్రణామః
ఆపదామపహర్తారం దాతారం సర్వసమ్పదామ్ ।
లోకాభిరామం శ్రీరామం భూయో భూయో నమామ్యహమ్ ॥
రామాయ రామచన్ద్రాయ రామభద్రాయ వేధసే ।
రఘునాథాయ నాథాయ సీతాయాః పతయే నమః ॥
శ్రీహనుమత్ప్రణామః
అతులితబలధామం స్వర్ణశైలాభదేహం
దనుజవనకృశానుం జ్ఞానినామగ్రగణ్యమ్ ।
సకలగుణనిధానం వానరాణామధీశం
రఘుపతివరదూతం వాతజాతం నమామి ॥ ౧॥
గోష్పదీకృతవారాశిం మశకీకృతరాక్షసమ్ ।
రామాయణమహామాలారత్నం వన్దేఽనిలాత్మజమ్ ॥ ౨॥
అఞ్జనానన్దనం వీరం జానకీశోకనాశనమ్ ।
కపీశమక్షహన్తారం వన్దే లఙ్కాభయఙ్కరమ్ ॥ ౩॥
ఉల్లఙ్ఘ్య సిన్ధోః సలిలం సలీలం యః శోకవహ్నిం జనకాత్మజాయాః ।
ఆదాయ తేనైవ దదాహ లఙ్కాం నమామి తం ప్రాఞ్జలిరాఞ్జనేయమ్ ॥ ౪॥
మనోజవం మారుతతుల్యవేగం జితేన్ద్రియం బుద్ధిమతాం వరిష్ఠమ్ ।
వాతాత్మజం వానరయూథముఖ్యం శ్రీరామదూతం శిరసా నమామి ॥ ౫॥
ఆఞ్జనేయమతిపాటలాననం కాఞ్చనాద్రికమనీయవిగ్రహమ్ ।
పారిజాతతరుమూలవాసినం భావయామి పవమాననన్దనమ్ ॥ ౬॥
యత్ర యత్ర రఘునాథకీర్తనం తత్ర తత్ర కృతమస్తకాఞ్జలిమ్ ।
వాష్పవారిపరిపూర్ణలోచనం మారుతిం నమత రాక్షసాన్తకమ్ ॥ ౭॥
ఇతి అష్టోత్తరశతనామరామాయణం సమాప్తమ్ ।
Encoded and proofread by
Swami Mahayogananda
This prayer is sung at many branches of the Ramakrishna Math and Ramakrishna Mission on ekadashi days.
it is an expanded version of nAmarAmarAmAyaNa.
Please send corrections to sanskrit@cheerful.com
Last updated త్oday
http://sanskritdocuments.org
Rama Nama Sankirtanam ( Chanted in Ramakrishna Math ) Lyrics in Telugu PDF
% File name : rAmanAmasankIrtanam.itx
% Category : bhajana
% Location : doc\_raama
% Language : Sanskrit
% Subject : philosophy/hinduism/religion
% Transliterated by : Swami Mahayogananda
% Proofread by : Swami Mahayogananda
% Description-comments : Popularly sung in the Ramakrishna order
% Latest update : Januuary 6, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : rAmanAmasankIrtanam.itx
% Category : bhajana
% Location : doc\_raama
% Language : Sanskrit
% Subject : philosophy/hinduism/religion
% Transliterated by : Swami Mahayogananda
% Proofread by : Swami Mahayogananda
% Description-comments : Popularly sung in the Ramakrishna order
% Latest update : Januuary 6, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website