{॥ ଶ୍ରୀଚତୁର୍ଵିଂଶତ୍ଯଵତାରସ୍ତୋତ୍ରମ୍ ॥}
ଶ୍ରୀଗଣେଶାଯ ନମଃ ।
ପାତାଲଗଂ କ୍ଷିତିତଲଂ ସୁରଵୃନ୍ଦପାତା ହତ୍ଵାଽଽଦିଦୈତ୍ଯମୁଦଧେର୍ନିଦଧୌ ଜଲୋର୍ଧ୍ଵମ୍ ।
ଉଦ୍ଧୃତ୍ଯ ଚାତନୁତ ଯସ୍ତନୁତୋ ଯଜୂଂଷି ତଂ ସୂକରଂ ପ୍ରଥମପ୍ରଥମଂ ନମାମି ॥ ୧॥ var ତଂ ଶଙ୍କରଂ

ସ୍ଵାଯମ୍ଭୁଵଂ ମନୁମପାଚ୍ଚ ଭୁଵଂ ସମସ୍ତାଂ ଭୂତ୍ଵା ତଦୀଯତନଯାତନଯୋଽଥ ହତ୍ଵା ॥

ଯଃ ସ୍ଵାତ୍ମଜୈଃ ସୁରଗଣୈରସୁରଵ୍ରଜଂ ତଂ ଯଜ୍ଞଂ ଦ୍ଵିତୀଯମଭଵାଯ ଭଜେଽଦ୍ଵିତୀଯମ୍ ॥ ୨॥

ପ୍ରାଦୁର୍ବଭୂଵ ଭଵଦୁର୍ବଲଚିତ୍ତଵୃତ୍ତୀନ୍ ଜ୍ଞାନୋପଦେଶରହିତାନୁପଦେଷ୍ଟୁକାମଃ ।
ଯୋ ଦେଵଵନ୍ଦ୍ଯଚରଣୋ ନନୁ ଦେଵହୂତ୍ଯାଂ ଵନ୍ଦେଽଵଗାହକପିଶଂ କପିଲଂ ତୃତୀଯମ୍ ॥ ୩॥

ଯଃ ସୂନୁକାମୁକମସୂନୁପରୋଧଯନ୍ତଂ ସନ୍ତୋଷଯନ୍ ସ୍ଵଜନକଂ ସ୍ଵଜନାର୍ତିହାତ୍ରିମ୍ ।
ଜଜ୍ଞେ ଵିଧୂତଭଵଭୀରଵଧୂତଵେଷୋ ଦତ୍ତୋ ଭଵପ୍ରଭଵଦୁଃଖହରୋଽସ୍ତୁ ତୁର୍ଯଃ ॥ ୪॥

ସଙ୍କଲ୍ପମାତ୍ରକରଣାଦ୍ଗତକଲ୍ପନଷ୍ଟଂ ଗୂଢଂ ସ୍ଵତତ୍ତ୍ଵନିଗମଂ ସୁଗମଂ କରିଷ୍ଯନ୍ ।
ଧାତୁର୍ଵିଚାରଚତୁରୋଽଜନି ଯଶ୍ଚତୁର୍ଧା ସେଵସ୍ଵ ପଞ୍ଚମମପଞ୍ଚଶରଂ କୁମାରମ୍ ॥ ୫॥

ସତ୍କାରମର୍ହତି ସତାମପକାରକୋଽପୀତ୍ଯେଵଂଵିଧାମୃଷିଗିରଂ ଵିଶଦାଂ ଵିଧ୍ଯାସ୍ଯନ୍ ।
ଯୋଽଶେଷଦୋଷସଦନେ ମଦନେଽଦଯିଷ୍ଟ ନାରାଯଣୋ ଵିଜଯଦୋ ଜଯତାତ୍ ସ ଷଷ୍ଠଃ ॥ ୬॥

ଯଃ କେଶଵେଽକୃତରତିଂ କିଲ ଶୈଶଵେଽପି ଦୃଷ୍ଟ୍ଵା ସ୍ଵଦୁଃଖହରଣଂ ଶରଣଂ ତଦେଵ ।
ତସ୍ମୈ ସୁନୀତିତନଯାଯ ନଯାନ୍ଵିତାଯ ନିତ୍ଯଂ ଧ୍ରୁଵାଯ ଵରଦଂ ଵରଯେଽଶ୍ଵସଂଖ୍ଯମ୍ ॥ ୭॥

କିଂ ଵେନମୁତ୍ପଥଗତଂ ପୁପୁଵେ ନ ଭୂମିଂ କିଂ ଦୁଗ୍ଧରୂପମଥ ସାରମଦୁଗ୍ଧ ଯୋ ନ ।
ତଂ ଵୈ ହିତାଯ ଜଗତାଂ ଵିହିତାଵତାରଂ ଵନ୍ଦେଽଷ୍ଟମଂ ପୃଥୁମହଂ ପୃଥୁଲପ୍ରତାପମ୍ ॥ ୮॥

ପୂର୍ଵଂ ନିଜାଚରଣତୋ ଗୃହିଣାମପୂର୍ଵଂ ଧର୍ମଂ ଜନାଯ ନିଦିଦେଶ ଜନାନ୍ତରଜ୍ଞଃ ।
ଯୋଽନ୍ତେ ତଥୈଵ ଵିରଜସ୍ତମସାଂ ଵିରଜ୍ଯନ୍ନତ୍ଯର୍ଷଭୋଽସ୍ତୁ ନଵମୋ ନଵସିଦ୍ଧିଦଃ ସଃ ॥ ୯॥

ନିଦ୍ରାନ୍ଵିତସ୍ଯ ମୁଖତୋ ହି ଚତୁର୍ମୁଖସ୍ଯ ସ୍ରସ୍ତା ଜଲେ ପ୍ରତିଦଦେଽପ୍ରିତମଃ ଶ୍ରୁତୀର୍ଯଃ ।
ହତ୍ଵା ତୁରଙ୍ଗଵଦନଂ ଚତୁରଂ ରଣେ ତଂ ସୌଖ୍ଯେହଯା କିଲ ଭଜେ ଦଶମଂ ହଯାସ୍ଯମ୍ ॥ ୧୦॥

ସତ୍ଯଵ୍ରତାଯ ନିଜଭକ୍ତିରତାଯ ନିତ୍ଯଂ ଗୁହ୍ଯଂ ପୁରା ଵିଵିଦିଷୁଃ ସ୍ଵପୁରାଣତତ୍ତ୍ଵମ୍ ।
ଯୋଽକାଲଜେ ପ୍ରଲଯକାଲଜଲେ ଵ୍ଯହାର୍ଷୀଦେକାଦଶୋ ଜଗତି ମେ ଗତିରସ୍ତୁ ମତ୍ସ୍ଯଃ ॥ ୧୧॥

ପୃଷ୍ଠେନ ମନ୍ଦରମମନ୍ଦଭରଂ ଗିରିଂ ଯଃ କ୍ଷୀରୋଦଧାଵମରଦୈତ୍ଯକୃତେ ଦଧାର ।
ନିଃଶ୍ଵାସନର୍ତିତତରଙ୍ଗସୁରଙ୍ଗଲୁବ୍ଧଃ ସ ଦ୍ଵାଦଶୋଽସ୍ତୁ କୁଦଶୋପଶମାଯ କୂର୍ମଃ ॥ ୧୨॥

ସର୍ଵଂ ଜଗଦ୍ଧରିମଯଂ ଜଗତୀତି ଵାକ୍ଯଂ ତଥ୍ଯଂ ଵିଧାତୁମଥ ଚିତ୍ରତନୂଂ ଵିଧାଯ ।
ସ୍ତମ୍ଭାଦଜାଯତ ସଦା ଯତତାଂ ଦୁରାପଃ ସୋଽସ୍ତୁ ତ୍ରିଯୁକ୍ତଦଶମଃ ଶମଦୋ ନୃସିଂହଃ ॥ ୧୩॥

ଵାତ୍ସଲ୍ଯମାତ୍ମପୁରୁଷେଷୁ ପୁରୁପ୍ରତାପଃ ସନ୍ଦର୍ଶଯନ୍ନଵିରତଂ ନିରତଂ ସ୍ଵଭକ୍ତୌ ।
ଗ୍ରାହାଦମୋଚଯଦମୋଘବଲୋ ଗଜେନ୍ଦ୍ରଂ ଭୂତ୍ଯୈ ହରିର୍ମନୁମିତୋଽସ୍ତ୍ଵମିତୋପମଃ ସଃ ॥ ୧୪॥

ସର୍ଵସ୍ଵମେଵ ବଲଯେଽର୍ପଯତେ ସ୍ଵମେଷ ପ୍ରତ୍ଯର୍ପଯତ୍ତଦପରଂ ନ ତଦର୍ହମଗ୍ର୍ଯମ୍ ।
ଲୋକତ୍ରଯେ କିମପି ଵସ୍ତୁ ଵିଲୋକମାନଃ ଶ୍ରିଵାମନୋ ଵସତୁ ପଞ୍ଚଦଶୋ ମନୋଽବ୍ଜେ ॥ ୧୫॥

ପୃଷ୍ଟାନ୍ନିଗୂଢଵିଷଯାନ୍ ସୁଵିଷଣ୍ଣଚିତ୍ତେ ଜାତେ ଵିଧାତରି ଵିଧାତୃସୁତୈଃ ସୁଵିଜ୍ଞୈଃ ।
ଉଦ୍ଭୂଯ ସୁଷ୍ଠୁତରମୁତ୍ତରଯାଞ୍ଚକାର ସ୍ଯାତ୍ ଷୋଡଶଃ ପରମହଂସଗତିଃ ସ ହଂସଃ ॥ ୧୬॥

ଆଵିର୍ବଭୂଵ ଭୁଵି ଭୂଵଲଯଂ ପ୍ରପାତୁଂ ଯଃ ସଜ୍ଜନେଷୁ କିଲ କଲ୍ପପଲାଶିକଲ୍ପଃ ।
ଦୁଷ୍ଟଵ୍ରଜସ୍ଯ ଦହନେ ଦହନୋଽଦ୍ଵିତୀଯସ୍ତଂ ତ୍ଵାଂ ମନୁଂ ପୁରୁଷସପ୍ତଦଶଂ ମନୁଷ୍ଵ ॥ ୧୭॥

ଯୋଽର୍ଥାଯ ଵିଷ୍ଣୁରୁଦଘେରୁଦଭୂତ୍ ସୁରାଣାଂ ନାନାଵିଧାମଯଵିନାଶଵିଧାନଵିଜ୍ଞଃ ।
ପୀଯୂଷଯୂଷପରିପୂର୍ଣଘଟଂ ଗୃହୀତ୍ଵା ଧନ୍ଵନ୍ତରିଃ ସୁଖକରୋଽସ୍ତୁ କରୋନଵିଂଶଃ ॥ ୧୮॥

ରାଜନ୍ଯକଂ ପ୍ରଵରରାଜଗୁଣୈର୍ଵିହୀନଂ ଗର୍ଵାତ୍ସ୍ଵଧର୍ମପରଧର୍ମଵିଚାରଶୂନ୍ଯମ୍ ।
ଯୋଽନେକଵାରମଵଧୀଦଵଧୀରିତସ୍ତମେକୋନଵିଂଶମଵବୁଧ୍ଯତି କୋ ନ ରାମମ୍ ॥ ୧୯॥

ପିତ୍ର୍ଯଂ ନିଯୋଗମତିଦୀର୍ଘଵିଯୋଗଦାଯି ସମ୍ମାନଯନ୍ ମନୁସମା ଵ୍ଯନଯଦ୍ଵନେଷୁ ।
ଯଃ ସ୍ଵୀଯରକ୍ଷଣକୃତେ ଵିହିତକ୍ଷଣସ୍ତଂ ଶ୍ରୀରାମମାଶ୍ରଯଵରଂ ଶ୍ରଯ ଚିତ୍ତ ଵିଂଶମ୍ ॥ ୨୦॥

ସମ୍ପୀଡିତାଂ ମନୁଜପୈର୍ଦନୁଜସ୍ଵଭାଵୈରୁଜ୍ଜୀଵଯନ୍ ଵସୁମତୀଂ ଵସୁଦେଵଗେହେ ।
ଆଵିର୍ବଭୂଵ ଜନତାପରିତାପହୃତ୍ ସ କୃଷ୍ଣୋଽସ୍ତୁ ମେଽପି ଗଦହା ଗଦଯୈକଵିଂଶଃ ॥ ୨୧॥

କାଲେନ ନଷ୍ଟଧିଷଣାନ୍ ପ୍ରବଲେନ ଵୀକ୍ଷ୍ଯ ଲୋକାନ୍ ପରାଶରମୁନେଃ ଶରଣେଽଵତୀର୍ଣଃ ।
ଭକ୍ତପ୍ରିଯଃ ଶ୍ରୁତିଗଣଂ ବହୁଧା ଵ୍ଯଭଂକ୍ତ ଵ୍ଯାସୋଽସ୍ତୁ ମେ ଶିଵକରଃ କରନେତ୍ରସଂଖ୍ଯଃ ॥ ୨୨॥

ଲୋକେ ମଖାଦିମିଷତସ୍ତ୍ଵସୁଖାଦିବୀଜାଂ ଵ୍ଯାପ୍ତାଂ ପ୍ରଭୂତକରଣେଽମିତଭୂତହିଂସାମ୍ ।
ଯୋ ମୂଲତଃ କିଲ ଵିମୂଲଯିତୁଂ ପ୍ରଜଜ୍ଞେ ଚିତ୍ତେ ତ୍ରିନେତ୍ରକଲନଂ କଲଯାମି ବୁଦ୍ଧମ୍ ॥ ୨୩॥

ପ୍ରାପ୍ତେଷୁ ସତ୍ସୁ ତନୁତାଂ ପ୍ରଚୁରେଷ୍ଵସତ୍ସୁ ଧର୍ମେ ତିରୋହିତଵତି ପ୍ରସୃତେ ତ୍ଵଧର୍ମେ ।
ଜଜ୍ଞେଽଥ ଵିଷ୍ଣୁଯଶସୋ ନିଲଯେ ଯଶସ୍ଵୀ କଲ୍କୀ ପ୍ରସିଦ୍ଧଚରିତୋଽଵତୁ ସିଦ୍ଧସଂଖ୍ଯଃ ॥ ୨୪॥

॥ ଇତି ଶ୍ରୀ ଚତୁର୍ଵିଂଶତ୍ଯଵତାରସ୍ତୋତ୍ରଂ ସମ୍ପୂର୍ଣମ୍ ॥

This stotram praises the 24 important incarnations
of Vishnu as described in Srimad Bhagavatam
Canto-sarga 1 chapter-adhyAya 3 and
Canto 2 chapter 7
with some variations.

Encoded by Dinesh Agarwal dinesh.garghouse at gmail.com
Proofread by Dinesh Agarwal, K S Ramachandran, PSA Easwaran

Please send corrections to sanskrit@cheerful.com
Last updated ତ୍oday
http://sanskritdocuments.org

Chaturvimshati Avatara Stotram 1 Lyrics in Oriya PDF
% File name : chaturviMshatyavatArastotram.itx
% Category :
% Location : doc\_vishhnu
% Author :
% Language : Sanskrit
% Subject : philosophy/hinduism/religion
% Transliterated by : Dinesh Agarwal dinesh.garghouse at gmail.com
% Proofread by : Dinesh Agarwal, KSR, Psa Easwaran
% Translated by :
% Description/comments : brihatastotraratnakar 464
% Source :
% Acknowledge-Permission:
% Latest update : May 17, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website