ଶ୍ରୀଚତୁର୍ଵିଂଶତ୍ଯଵତାରସ୍ତୋତ୍ରମ୍ ୩
{॥ ଶ୍ରୀଚତୁର୍ଵିଂଶତ୍ଯଵତାରସ୍ତୋତ୍ରମ୍ ୩ ॥}
ଭାଗଵତପୁରାଣାନ୍ତର୍ଗତମ୍ ସର୍ଗ ୨ ଅଧ୍ଯାଯ ୭
ବ୍ରହ୍ମୋଵାଚ ।
ଯତ୍ରୋଦ୍ଯତଃ କ୍ଷିତିତଲୋଦ୍ଧରଣାଯ ବିଭ୍ରତ୍
କ୍ରୌଡୀଂ ତନୁଂ ସକଲଯଜ୍ଞମଯୀମନନ୍ତଃ ।
ଅନ୍ତର୍ମହାର୍ଣଵ ଉପାଗତମାଦିଦୈତ୍ଯଂ
ତଂ ଦଂଷ୍ଟ୍ରଯାଦ୍ରିମିଵ ଵଜ୍ରଧରୋ ଦଦାର ॥ ୧॥
ଜାତୋ ରୁଚେରଜନଯତ୍ସୁଯମାନ୍ସୁଯଜ୍ଞ
ଆକୂତିସୂନୁରମରାନଥ ଦକ୍ଷିଣାଯାମ୍ ।
ଲୋକତ୍ରଯସ୍ଯ ମହତୀମହରଦ୍ଯଦାର୍ତିଂ
ସ୍ଵାଯମ୍ଭୁଵେନ ମନୁନା ହରିରିତ୍ଯନୂକ୍ତଃ ॥ ୨॥
ଜଜ୍ଞେ ଚ କର୍ଦମଗୃହେ ଦ୍ଵିଜ ଦେଵହୂତ୍ଯାଂ
ସ୍ତ୍ରୀଭିଃ ସମଂ ନଵଭିରାତ୍ମଗତିଂ ସ୍ଵମାତ୍ରେ ।
ଊଚେ ଯଯାତ୍ମଶମଲଂ ଗୁଣସଙ୍ଗପଙ୍କଂ
ଅସ୍ମିନ୍ଵିଧୂଯ କପିଲସ୍ଯ ଗତିଂ ପ୍ରପେଦେ ॥ ୩॥
ଅତ୍ରେରପତ୍ଯମଭିକାଙ୍କ୍ଷତ ଆହ ତୁଷ୍ଟୋ
ଦତ୍ତୋ ମଯାହମିତି ଯଦ୍ଭଗଵାନ୍ସ ଦତ୍ତଃ ।
ଯତ୍ପାଦପଙ୍କଜପରାଗପଵିତ୍ରଦେହା
ଯୋଗର୍ଦ୍ଧିମାପୁରୁଭଯୀଂ ଯଦୁହୈହଯାଦ୍ଯାଃ ॥ ୪॥
ତପ୍ତଂ ତପୋ ଵିଵିଧଲୋକସିସୃକ୍ଷଯା ମେ
ଆଦୌ ସନାତ୍ସ୍ଵତପସଃ ସ ଚତୁଃସନୋଽଭୂତ୍ ।
ପ୍ରାକ୍କଲ୍ପସମ୍ପ୍ଲଵଵିନଷ୍ଟମିହାତ୍ମତତ୍ତ୍ଵଂ
ସମ୍ଯଗ୍ଜଗାଦ ମୁନଯୋ ଯଦଚକ୍ଷତାତ୍ମନ୍ ॥ ୫॥
ଧର୍ମସ୍ଯ ଦକ୍ଷଦୁହିତର୍ଯଜନିଷ୍ଟ ମୂର୍ତ୍ଯାଂ
ନାରାଯଣୋ ନର ଇତି ସ୍ଵତପଃପ୍ରଭାଵଃ ।
ଦୃଷ୍ଟ୍ଵାତ୍ମନୋ ଭଗଵତୋ ନିଯମାଵଲୋପଂ
ଦେଵ୍ଯସ୍ତ୍ଵନଙ୍ଗପୃତନା ଘଟିତୁଂ ନ ଶେକୁଃ ॥ ୬॥
କାମଂ ଦହନ୍ତି କୃତିନୋ ନନୁ ରୋଷଦୃଷ୍ଟ୍ଯା
ରୋଷଂ ଦହନ୍ତମୁତ ତେ ନ ଦହନ୍ତ୍ଯସହ୍ଯମ୍ ।
ସୋଽଯଂ ଯଦନ୍ତରମଲଂ ପ୍ରଵିଶନ୍ବିଭେତି
କାମଃ କଥଂ ନୁ ପୁନରସ୍ଯ ମନଃ ଶ୍ରଯେତ ॥ ୭॥
ଵିଦ୍ଧଃ ସପତ୍ନ୍ଯୁଦିତପତ୍ରିଭିରନ୍ତି ରାଜ୍ଞୋ
ବାଲୋଽପି ସନ୍ନୁପଗତସ୍ତପସେ ଵନାନି ।
ତସ୍ମା ଅଦାଦ୍ଧ୍ରୁଵଗତିଂ ଗୃଣତେ ପ୍ରସନ୍ନୋ
ଦିଵ୍ଯାଃ ସ୍ତୁଵନ୍ତି ମୁନଯୋ ଯଦୁପର୍ଯଧସ୍ତାତ୍ ॥ ୮॥
ଯଦ୍ଵେନମୁତ୍ପଥଗତଂ ଦ୍ଵିଜଵାକ୍ଯଵଜ୍ର-
ନିଷ୍ପ୍ଲୁଷ୍ଟପୌରୁଷଭଗଂ ନିରଯେ ପତନ୍ତମ୍ ।
ତ୍ରାତ୍ଵାର୍ଥିତୋ ଜଗତି ପୁତ୍ରପଦଂ ଚ ଲେଭେ
ଦୁଗ୍ଧା ଵସୂନି ଵସୁଧା ସକଲାନି ଯେନ ॥ ୯॥
ନାଭେରସାଵୃଷଭ ଆସ ସୁଦେଵିସୂନୁର୍-
ଯୋ ଵୈ ଚଚାର ସମଦୃଗ୍ଜଡଯୋଗଚର୍ଯାମ୍ ।
ଯତ୍ପାରମହଂସ୍ଯମୃଷଯଃ ପଦମାମନନ୍ତି
ସ୍ଵସ୍ଥଃ ପ୍ରଶାନ୍ତକରଣଃ ପରିମୁକ୍ତସଙ୍ଗଃ ॥ ୧୦॥
ସତ୍ରେ ମମାସ ଭଗଵାନ୍ହଯଶୀରଷାଥୋ
ସାକ୍ଷାତ୍ସ ଯଜ୍ଞପୁରୁଷସ୍ତପନୀଯଵର୍ଣଃ ।
ଛନ୍ଦୋମଯୋ ମଖମଯୋଽଖିଲଦେଵତାତ୍ମା
ଵାଚୋ ବଭୂଵୁରୁଶତୀଃ ଶ୍ଵସତୋଽସ୍ଯ ନସ୍ତଃ ॥ ୧୧॥
ମତ୍ସ୍ଯୋ ଯୁଗାନ୍ତସମଯେ ମନୁନୋପଲବ୍ଧଃ
କ୍ଷୋଣୀମଯୋ ନିଖିଲଜୀଵନିକାଯକେତଃ ।
ଵିସ୍ରଂସିତାନୁରୁଭଯେ ସଲିଲେ ମୁଖାନ୍ମେ
ଆଦାଯ ତତ୍ର ଵିଜହାର ହ ଵେଦମାର୍ଗାନ୍ ॥ ୧୨॥
କ୍ଷୀରୋଦଧାଵମରଦାନଵଯୂଥପାନାଂ
ଉନ୍ମଥ୍ନତାମମୃତଲବ୍ଧଯ ଆଦିଦେଵଃ ।
ପୃଷ୍ଠେନ କଚ୍ଛପଵପୁର୍ଵିଦଧାର ଗୋତ୍ରଂ
ନିଦ୍ରାକ୍ଷଣୋଽଦ୍ରିପରିଵର୍ତକଷାଣକଣ୍ଡୂଃ ॥ ୧୩॥
ତ୍ରୈପିଷ୍ଟପୋରୁଭଯହା ସ ନୃସିଂହରୂପଂ
କୃତ୍ଵା ଭ୍ରମଦ୍ଭ୍ରୁକୁଟିଦଂଷ୍ଟ୍ରକରାଲଵକ୍ତ୍ରମ୍ ।
ଦୈତ୍ଯେନ୍ଦ୍ରମାଶୁ ଗଦଯାଭିପତନ୍ତମାରାଦ୍-
ଊରୌ ନିପାତ୍ଯ ଵିଦଦାର ନଖୈଃ ସ୍ଫୁରନ୍ତମ୍ ॥ ୧୪॥
ଅନ୍ତଃସରସ୍ଯୁରୁବଲେନ ପଦେ ଗୃହୀତୋ
ଗ୍ରାହେଣ ଯୂଥପତିରମ୍ବୁଜହସ୍ତ ଆର୍ତଃ ।
ଆହେଦମାଦିପୁରୁଷାଖିଲଲୋକନାଥ
ତୀର୍ଥଶ୍ରଵଃ ଶ୍ରଵଣମଙ୍ଗଲନାମଧେଯ ॥ ୧୫॥
ଶ୍ରୁତ୍ଵା ହରିସ୍ତମରଣାର୍ଥିନମପ୍ରମେଯଶ୍-
ଚକ୍ରାଯୁଧଃ ପତଗରାଜଭୁଜାଧିରୂଢଃ ।
ଚକ୍ରେଣ ନକ୍ରଵଦନଂ ଵିନିପାଟ୍ଯ ତସ୍ମାଦ୍-
ଧସ୍ତେ ପ୍ରଗୃହ୍ଯ ଭଗଵାନ୍କୃପଯୋଜ୍ଜହାର ॥ ୧୬॥
ଜ୍ଯାଯାନ୍ଗୁଣୈରଵରଜୋଽପ୍ଯଦିତେଃ ସୁତାନାଂ
ଲୋକାନ୍ଵିଚକ୍ରମ ଇମାନ୍ଯଦଥାଧିଯଜ୍ଞଃ ।
କ୍ଷ୍ମାଂ ଵାମନେନ ଜଗୃହେ ତ୍ରିପଦଚ୍ଛଲେନ
ଯାଚ୍ଞାମୃତେ ପଥି ଚରନ୍ପ୍ରଭୁଭିର୍ନ ଚାଲ୍ଯଃ ॥ ୧୭॥
ନାର୍ଥୋ ବଲେରଯମୁରୁକ୍ରମପାଦଶୌଚଂ
ଆପଃ ଶିଖାଧୃତଵତୋ ଵିବୁଧାଧିପତ୍ଯମ୍ ।
ଯୋ ଵୈ ପ୍ରତିଶ୍ରୁତମୃତେ ନ ଚିକୀର୍ଷଦନ୍ଯଦ୍-
ଆତ୍ମାନମଙ୍ଗ ମନସା ହରଯେଽଭିମେନେ ॥ ୧୮॥
ତୁଭ୍ଯଂ ଚ ନାରଦ ଭୃଶଂ ଭଗଵାନ୍ଵିଵୃଦ୍ଧ-
ଭାଵେନ ସାଧୁ ପରିତୁଷ୍ଟ ଉଵାଚ ଯୋଗମ୍ ।
ଜ୍ଞାନଂ ଚ ଭାଗଵତମାତ୍ମସତତ୍ତ୍ଵଦୀପଂ
ଯଦ୍ଵାସୁଦେଵଶରଣା ଵିଦୁରଞ୍ଜସୈଵ ॥ ୧୯॥
ଚକ୍ରଂ ଚ ଦିକ୍ଷ୍ଵଵିହତଂ ଦଶସୁ ସ୍ଵତେଜୋ
ମନ୍ଵନ୍ତରେଷୁ ମନୁଵଂଶଧରୋ ବିଭର୍ତି ।
ଦୁଷ୍ଟେଷୁ ରାଜସୁ ଦମଂ ଵ୍ଯଦଧାତ୍ସ୍ଵକୀର୍ତିଂ
ସତ୍ଯେ ତ୍ରିପୃଷ୍ଠ ଉଶତୀଂ ପ୍ରଥଯଂଶ୍ଚରିତ୍ରୈଃ ॥ ୨୦॥
ଧନ୍ଵନ୍ତରିଶ୍ଚ ଭଗଵାନ୍ସ୍ଵଯମେଵ କୀର୍ତିର୍-
ନାମ୍ନା ନୃଣାଂ ପୁରୁରୁଜାଂ ରୁଜ ଆଶୁ ହନ୍ତି ।
ଯଜ୍ଞେ ଚ ଭାଗମମୃତାଯୁରଵାଵରୁନ୍ଧ
ଆଯୁଷ୍ଯଵେଦମନୁଶାସ୍ତ୍ଯଵତୀର୍ଯ ଲୋକେ ॥ ୨୧॥
କ୍ଷତ୍ରଂ କ୍ଷଯାଯ ଵିଧିନୋପଭୃତଂ ମହାତ୍ମା
ବ୍ରହ୍ମଧ୍ରୁଗୁଜ୍ଝିତପଥଂ ନରକାର୍ତିଲିପ୍ସୁ ।
ଉଦ୍ଧନ୍ତ୍ଯସାଵଵନିକଣ୍ଟକମୁଗ୍ରଵୀର୍ଯସ୍-
ତ୍ରିଃସପ୍ତକୃତ୍ଵ ଉରୁଧାରପରଶ୍ଵଧେନ ॥ ୨୨॥
ଅସ୍ମତ୍ପ୍ରସାଦସୁମୁଖଃ କଲଯା କଲେଶ
ଇକ୍ଷ୍ଵାକୁଵଂଶ ଅଵତୀର୍ଯ ଗୁରୋର୍ନିଦେଶେ ।
ତିଷ୍ଠନ୍ଵନଂ ସଦଯିତାନୁଜ ଆଵିଵେଶ
ଯସ୍ମିନ୍ଵିରୁଧ୍ଯ ଦଶକନ୍ଧର ଆର୍ତିମାର୍ଚ୍ଛତ୍ ॥ ୨୩॥
ଯସ୍ମା ଅଦାଦୁଦଧିରୂଢଭଯାଙ୍ଗଵେପୋ
ମାର୍ଗଂ ସପଦ୍ଯରିପୁରଂ ହରଵଦ୍ଦିଧକ୍ଷୋଃ ।
ଦୂରେ ସୁହୃନ୍ମଥିତରୋଷସୁଶୋଣଦୃଷ୍ଟ୍ଯା
ତାତପ୍ଯମାନମକରୋରଗନକ୍ରଚକ୍ରଃ ॥ ୨୪॥
ଵକ୍ଷଃସ୍ଥଲସ୍ପର୍ଶରୁଗ୍ଣମହେନ୍ଦ୍ରଵାହ-
ଦନ୍ତୈର୍ଵିଡମ୍ବିତକକୁବ୍ଜୁଷ ଊଢହାସମ୍ ।
ସଦ୍ଯୋଽସୁଭିଃ ସହ ଵିନେଷ୍ଯତି ଦାରହର୍ତୁର୍-
ଵିସ୍ଫୂର୍ଜିତୈର୍ଧନୁଷ ଉଚ୍ଚରତୋଽଧିସୈନ୍ଯେ ॥ ୨୫॥
ଭୂମେଃ ସୁରେତରଵରୂଥଵିମର୍ଦିତାଯାଃ
କ୍ଲେଶଵ୍ଯଯାଯ କଲଯା ସିତକୃଷ୍ଣକେଶଃ ।
ଜାତଃ କରିଷ୍ଯତି ଜନାନୁପଲକ୍ଷ୍ଯମାର୍ଗଃ
କର୍ମାଣି ଚାତ୍ମମହିମୋପନିବନ୍ଧନାନି ॥ ୨୬॥
ତୋକେନ ଜୀଵହରଣଂ ଯଦୁଲୂକିକାଯାସ୍-
ତ୍ରୈମାସିକସ୍ଯ ଚ ପଦା ଶକଟୋଽପଵୃତ୍ତଃ ।
ଯଦ୍ରିଙ୍ଗତାନ୍ତରଗତେନ ଦିଵିସ୍ପୃଶୋର୍ଵା
ଉନ୍ମୂଲନଂ ତ୍ଵିତରଥାର୍ଜୁନଯୋର୍ନ ଭାଵ୍ଯମ୍ ॥ ୨୭॥
ଯଦ୍ଵୈ ଵ୍ରଜେ ଵ୍ରଜପଶୂନ୍ଵିଷତୋଯପୀତାନ୍
ପାଲାଂସ୍ତ୍ଵଜୀଵଯଦନୁଗ୍ରହଦୃଷ୍ଟିଵୃଷ୍ଟ୍ଯା ।
ତଚ୍ଛୁଦ୍ଧଯେଽତିଵିଷଵୀର୍ଯଵିଲୋଲଜିହ୍ଵଂ
ଉଚ୍ଚାଟଯିଷ୍ଯଦୁରଗଂ ଵିହରନ୍ହ୍ରଦିନ୍ଯାମ୍ ॥ ୨୮॥
ତତ୍କର୍ମ ଦିଵ୍ଯମିଵ ଯନ୍ନିଶି ନିଃଶଯାନଂ
ଦାଵାଗ୍ନିନା ଶୁଚିଵନେ ପରିଦହ୍ଯମାନେ ।
ଉନ୍ନେଷ୍ଯତି ଵ୍ରଜମତୋଽଵସିତାନ୍ତକାଲଂ
ନେତ୍ରେ ପିଧାପ୍ଯ ସବଲୋଽନଧିଗମ୍ଯଵୀର୍ଯଃ ॥ ୨୯॥
ଗୃହ୍ଣୀତ ଯଦ୍ଯଦୁପବନ୍ଧମମୁଷ୍ଯ ମାତା
ଶୁଲ୍ବଂ ସୁତସ୍ଯ ନ ତୁ ତତ୍ତଦମୁଷ୍ଯ ମାତି ।
ଯଜ୍ଜୃମ୍ଭତୋଽସ୍ଯ ଵଦନେ ଭୁଵନାନି ଗୋପୀ
ସଂଵୀକ୍ଷ୍ଯ ଶଙ୍କିତମନାଃ ପ୍ରତିବୋଧିତାଽଽସୀତ୍ ॥ ୩୦॥
ନନ୍ଦଂ ଚ ମୋକ୍ଷ୍ଯତି ଭଯାଦ୍ଵରୁଣସ୍ଯ ପାଶାଦ୍-
ଗୋପାନ୍ବିଲେଷୁ ପିହିତାନ୍ମଯସୂନୁନା ଚ ।
ଅହ୍ନ୍ଯାପୃତଂ ନିଶି ଶଯାନମତିଶ୍ରମେଣ
ଲୋକଂ ଵିକୁଣ୍ଠମୁପନେଷ୍ଯତି ଗୋକୁଲଂ ସ୍ମ ॥ ୩୧॥
ଗୋପୈର୍ମଖେ ପ୍ରତିହତେ ଵ୍ରଜଵିପ୍ଲଵାଯ
ଦେଵେଽଭିଵର୍ଷତି ପଶୂନ୍କୃପଯା ରିରକ୍ଷୁଃ ।
ଧର୍ତୋଚ୍ଛିଲୀନ୍ଧ୍ରମିଵ ସପ୍ତଦିନାନି ସପ୍ତ
ଵର୍ଷୋ ମହୀଧ୍ରମନଘୈକକରେ ସଲୀଲମ୍ ॥ ୩୨॥
କ୍ରୀଡନ୍ଵନେ ନିଶି ନିଶାକରରଶ୍ମିଗୌର୍ଯାଂ
ରାସୋନ୍ମୁଖଃ କଲପଦାଯତମୂର୍ଚ୍ଛିତେନ ।
ଉଦ୍ଦୀପିତସ୍ମରରୁଜାଂ ଵ୍ରଜଭୃଦ୍ଵଧୂନାଂ
ହର୍ତୁର୍ହରିଷ୍ଯତି ଶିରୋ ଧନଦାନୁଗସ୍ଯ ॥ ୩୩॥
ଯେ ଚ ପ୍ରଲମ୍ବଖରଦର୍ଦୁରକେଶ୍ଯରିଷ୍ଟ-
ମଲ୍ଲେଭକଂସଯଵନାଃ କପିପୌଣ୍ଡ୍ରକାଦ୍ଯାଃ ।
ଅନ୍ଯେ ଚ ଶାଲ୍ଵକୁଜବଲ୍ଵଲଦନ୍ତଵକ୍ର-
ସପ୍ତୋକ୍ଷଶମ୍ବରଵିଦୂରଥରୁକ୍ମିମୁଖ୍ଯାଃ ॥ ୩୪॥
ଯେ ଵା ମୃଧେ ସମିତିଶାଲିନ ଆତ୍ତଚାପାଃ
କାମ୍ବୋଜମତ୍ସ୍ଯକୁରୁସୃଞ୍ଜଯକୈକଯାଦ୍ଯାଃ ।
ଯାସ୍ଯନ୍ତ୍ଯଦର୍ଶନମଲଂ ବଲପାର୍ଥଭୀମ-
ଵ୍ଯାଜାହ୍ଵଯେନ ହରିଣା ନିଲଯଂ ତଦୀଯମ୍ ॥ ୩୫॥
କାଲେନ ମୀଲିତଧିଯାମଵମୃଶ୍ଯ ନୄଣାଂ
ସ୍ତୋକାଯୁଷାଂ ସ୍ଵନିଗମୋ ବତ ଦୂରପାରଃ ।
ଆଵିର୍ହିତସ୍ତ୍ଵନୁଯୁଗଂ ସ ହି ସତ୍ଯଵତ୍ଯାଂ
ଵେଦଦ୍ରୁମଂ ଵିଟପଶୋ ଵିଭଜିଷ୍ଯତି ସ୍ମ ॥ ୩୬॥
ଦେଵଦ୍ଵିଷାଂ ନିଗମଵର୍ତ୍ମନି ନିଷ୍ଠିତାନାଂ
ପୂର୍ଭିର୍ମଯେନ ଵିହିତାଭିରଦୃଶ୍ଯତୂର୍ଭିଃ ।
ଲୋକାନ୍ଘ୍ନତାଂ ମତିଵିମୋହମତିପ୍ରଲୋଭଂ
ଵେଷଂ ଵିଧାଯ ବହୁ ଭାଷ୍ଯତ ଔପଧର୍ମ୍ଯମ୍ ॥ ୩୭॥
ଯର୍ହ୍ଯାଲଯେଷ୍ଵପି ସତାଂ ନ ହରେଃ କଥାଃ ସ୍ଯୁଃ
ପାଷଣ୍ଡିନୋ ଦ୍ଵିଜଜନା ଵୃଷଲା ନୃଦେଵାଃ ।
ସ୍ଵାହା ସ୍ଵଧା ଵଷଡିତି ସ୍ମ ଗିରୋ ନ ଯତ୍ର
ଶାସ୍ତା ଭଵିଷ୍ଯତି କଲେର୍ଭଗଵାନ୍ଯୁଗାନ୍ତେ ॥ ୩୮॥
ସର୍ଗେ ତପୋଽହମୃଷଯୋ ନଵ ଯେ ପ୍ରଜେଶାଃ
ସ୍ଥାନେଽଥ ଧର୍ମମଖମନ୍ଵମରାଵନୀଶାଃ ।
ଅନ୍ତେ ତ୍ଵଧର୍ମହରମନ୍ଯୁଵଶାସୁରାଦ୍ଯା
ମାଯାଵିଭୂତଯ ଇମାଃ ପୁରୁଶକ୍ତିଭାଜଃ ॥ ୩୯॥
ଵିଷ୍ଣୋର୍ନୁ ଵୀର୍ଯଗଣନାଂ କତମୋଽର୍ହତୀହ
ଯଃ ପାର୍ଥିଵାନ୍ଯପି କଵିର୍ଵିମମେ ରଜାଂସି ।
ଚସ୍କମ୍ଭ ଯଃ ସ୍ଵରହସାସ୍ଖଲତା ତ୍ରିପୃଷ୍ଠଂ
ଯସ୍ମାତ୍ତ୍ରିସାମ୍ଯସଦନାଦୁରୁକମ୍ପଯାନମ୍ ॥ ୪୦॥
ନାନ୍ତଂ ଵିଦାମ୍ଯହମମୀ ମୁନଯୋଽଗ୍ରଜାସ୍ତେ
ମାଯାବଲସ୍ଯ ପୁରୁଷସ୍ଯ କୁତୋଽଵରା ଯେ ।
ଗାଯନ୍ଗୁଣାନ୍ଦଶଶତାନନ ଆଦିଦେଵଃ
ଶେଷୋଽଧୁନାପି ସମଵସ୍ଯତି ନାସ୍ଯ ପାରମ୍ ॥ ୪୧॥
ଯେଷାଂ ସ ଏଷ ଭଗଵାନ୍ଦଯଯେଦନନ୍ତଃ
ସର୍ଵାତ୍ମନାଽଽଶ୍ରିତପଦୋ ଯଦି ନିର୍ଵ୍ଯଲୀକମ୍ ।
ତେ ଦୁସ୍ତରାମତିତରନ୍ତି ଚ ଦେଵମାଯାଂ
ନୈଷାଂ ମମାହମିତି ଧୀଃ ଶ୍ଵଶୃଗାଲଭକ୍ଷ୍ଯେ ॥ ୪୨॥
ଵେଦାହମଙ୍ଗ ପରମସ୍ଯ ହି ଯୋଗମାଯାଂ
ଯୂଯଂ ଭଵଶ୍ଚ ଭଗଵାନଥ ଦୈତ୍ଯଵର୍ଯଃ ।
ପତ୍ନୀ ମନୋଃ ସ ଚ ମନୁଶ୍ଚ ତଦାତ୍ମଜାଶ୍ଚ
ପ୍ରାଚୀନବର୍ହିରୃଭୁରଙ୍ଗ ଉତ ଧ୍ରୁଵଶ୍ଚ ॥ ୪୩॥
ଇକ୍ଷ୍ଵାକୁରୈଲମୁଚୁକୁନ୍ଦଵିଦେହଗାଧି-
ରଘ୍ଵମ୍ବରୀଷସଗରା ଗଯନାହୁଷାଦ୍ଯାଃ ।
ମାନ୍ଧାତ୍ରଲର୍କଶତଧନ୍ଵନୁରନ୍ତିଦେଵା
ଦେଵଵ୍ରତୋ ବଲିରମୂର୍ତ୍ତରଯୋ ଦିଲୀପଃ ॥ ୪୪॥
ସୌଭର୍ଯୁତଙ୍କଶିବିଦେଵଲପିପ୍ପଲାଦ-
ସାରସ୍ଵତୋଦ୍ଧଵପରାଶରଭୂରିଷେଣାଃ ।
ଯେଽନ୍ଯେ ଵିଭୀଷଣହନୂମଦୁପେନ୍ଦ୍ରଦତ୍ତ-
ପାର୍ଥାର୍ଷ୍ଟିଷେଣଵିଦୁରଶ୍ରୁତଦେଵଵର୍ଯାଃ ॥ ୪୫॥
ତେ ଵୈ ଵିଦନ୍ତ୍ଯତିତରନ୍ତି ଚ ଦେଵମାଯାଂ
ସ୍ତ୍ରୀଶୂଦ୍ରହୂଣଶବରା ଅପି ପାପଜୀଵାଃ ।
ଯଦ୍ଯଦ୍ଭୁତକ୍ରମପରାଯଣଶୀଲଶିକ୍ଷାସ୍-
ତିର୍ଯଗ୍ଜନା ଅପି କିମୁ ଶ୍ରୁତଧାରଣା ଯେ ॥ ୪୬॥
ଶଶ୍ଵତ୍ପ୍ରଶାନ୍ତମଭଯଂ ପ୍ରତିବୋଧମାତ୍ରଂ
ଶୁଦ୍ଧଂ ସମଂ ସଦସତଃ ପରମାତ୍ମତତ୍ତ୍ଵମ୍ ।
ଶବ୍ଦୋ ନ ଯତ୍ର ପୁରୁକାରକଵାନ୍କ୍ରିଯାର୍ଥୋ
ମାଯା ପରୈତ୍ଯଭିମୁଖେ ଚ ଵିଲଜ୍ଜମାନା ॥ ୪୭॥
ତଦ୍ଵୈ ପଦଂ ଭଗଵତଃ ପରମସ୍ଯ ପୁଂସୋ
ବ୍ରହ୍ମେତି ଯଦ୍ଵିଦୁରଜସ୍ରସୁଖଂ ଵିଶୋକମ୍ ।
ସଧ୍ର୍ଯଙ୍ନିଯମ୍ଯ ଯତଯୋ ଯମକର୍ତହେତିଂ
ଜହ୍ଯୁଃ ସ୍ଵରାଡିଵ ନିପାନଖନିତ୍ରମିନ୍ଦ୍ରଃ ॥ ୪୮॥
ସ ଶ୍ରେଯସାମପି ଵିଭୁର୍ଭଗଵାନ୍ଯତୋଽସ୍ଯ
ଭାଵସ୍ଵଭାଵଵିହିତସ୍ଯ ସତଃ ପ୍ରସିଦ୍ଧିଃ ।
ଦେହେ ସ୍ଵଧାତୁଵିଗମେଽନୁଵିଶୀର୍ଯମାଣେ
ଵ୍ଯୋମେଵ ତତ୍ର ପୁରୁଷୋ ନ ଵିଶୀର୍ଯତେଽଜଃ ॥ ୪୯॥
ସୋଽଯଂ ତେଽଭିହିତସ୍ତାତ ଭଗଵାନ୍ଵିଶ୍ଵଭାଵନଃ ।
ସମାସେନ ହରେର୍ନାନ୍ଯଦନ୍ଯସ୍ମାତ୍ସଦସଚ୍ଚ ଯତ୍ ॥ ୫୦॥
ଇଦଂ ଭାଗଵତଂ ନାମ ଯନ୍ମେ ଭଗଵତୋଦିତମ୍ ।
ସଙ୍ଗ୍ରହୋଽଯଂ ଵିଭୂତୀନାଂ ତ୍ଵମେତଦ୍ଵିପୁଲୀ କୁରୁ ॥ ୫୧॥
ଯଥା ହରୌ ଭଗଵତି ନୃଣାଂ ଭକ୍ତିର୍ଭଵିଷ୍ଯତି ।
ସର୍ଵାତ୍ମନ୍ଯଖିଲାଧାରେ ଇତି ସଙ୍କଲ୍ପ୍ଯ ଵର୍ଣଯ ॥ ୫୨॥
ମାଯାଂ ଵର୍ଣଯତୋଽମୁଷ୍ଯ ଈଶ୍ଵରସ୍ଯାନୁମୋଦତଃ ।
ଶୃଣ୍ଵତଃ ଶ୍ରଦ୍ଧଯା ନିତ୍ଯଂ ମାଯଯାତ୍ମା ନ ମୁହ୍ଯତି ॥ ୫୩॥
ଇତି ଶ୍ରୀମଦ୍ଭାଗଵତେ ମହାପୁରାଣେ ପାରମହଂସ୍ଯାଂ ସଂହିତାଯାଂ
ଦ୍ଵିତୀଯସ୍କନ୍ଧେ ବ୍ରହ୍ମନାରଦସଂଵାଦେ ସପ୍ତମୋଽଧ୍ଯାଯଃ ॥
From Srimad Bhagavatam Canto-skandha 2 chapter-adhyAya 7
This stotram praises the 24 important incarnations
of Vishnu as described in Srimad Bhagavatam
Canto 1 chapter 3 with some variations.
Proofread by Psa Easwaran psaeaswaran at gmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
ଭାଗଵତପୁରାଣାନ୍ତର୍ଗତମ୍ ସର୍ଗ ୨ ଅଧ୍ଯାଯ ୭
ବ୍ରହ୍ମୋଵାଚ ।
ଯତ୍ରୋଦ୍ଯତଃ କ୍ଷିତିତଲୋଦ୍ଧରଣାଯ ବିଭ୍ରତ୍
କ୍ରୌଡୀଂ ତନୁଂ ସକଲଯଜ୍ଞମଯୀମନନ୍ତଃ ।
ଅନ୍ତର୍ମହାର୍ଣଵ ଉପାଗତମାଦିଦୈତ୍ଯଂ
ତଂ ଦଂଷ୍ଟ୍ରଯାଦ୍ରିମିଵ ଵଜ୍ରଧରୋ ଦଦାର ॥ ୧॥
ଜାତୋ ରୁଚେରଜନଯତ୍ସୁଯମାନ୍ସୁଯଜ୍ଞ
ଆକୂତିସୂନୁରମରାନଥ ଦକ୍ଷିଣାଯାମ୍ ।
ଲୋକତ୍ରଯସ୍ଯ ମହତୀମହରଦ୍ଯଦାର୍ତିଂ
ସ୍ଵାଯମ୍ଭୁଵେନ ମନୁନା ହରିରିତ୍ଯନୂକ୍ତଃ ॥ ୨॥
ଜଜ୍ଞେ ଚ କର୍ଦମଗୃହେ ଦ୍ଵିଜ ଦେଵହୂତ୍ଯାଂ
ସ୍ତ୍ରୀଭିଃ ସମଂ ନଵଭିରାତ୍ମଗତିଂ ସ୍ଵମାତ୍ରେ ।
ଊଚେ ଯଯାତ୍ମଶମଲଂ ଗୁଣସଙ୍ଗପଙ୍କଂ
ଅସ୍ମିନ୍ଵିଧୂଯ କପିଲସ୍ଯ ଗତିଂ ପ୍ରପେଦେ ॥ ୩॥
ଅତ୍ରେରପତ୍ଯମଭିକାଙ୍କ୍ଷତ ଆହ ତୁଷ୍ଟୋ
ଦତ୍ତୋ ମଯାହମିତି ଯଦ୍ଭଗଵାନ୍ସ ଦତ୍ତଃ ।
ଯତ୍ପାଦପଙ୍କଜପରାଗପଵିତ୍ରଦେହା
ଯୋଗର୍ଦ୍ଧିମାପୁରୁଭଯୀଂ ଯଦୁହୈହଯାଦ୍ଯାଃ ॥ ୪॥
ତପ୍ତଂ ତପୋ ଵିଵିଧଲୋକସିସୃକ୍ଷଯା ମେ
ଆଦୌ ସନାତ୍ସ୍ଵତପସଃ ସ ଚତୁଃସନୋଽଭୂତ୍ ।
ପ୍ରାକ୍କଲ୍ପସମ୍ପ୍ଲଵଵିନଷ୍ଟମିହାତ୍ମତତ୍ତ୍ଵଂ
ସମ୍ଯଗ୍ଜଗାଦ ମୁନଯୋ ଯଦଚକ୍ଷତାତ୍ମନ୍ ॥ ୫॥
ଧର୍ମସ୍ଯ ଦକ୍ଷଦୁହିତର୍ଯଜନିଷ୍ଟ ମୂର୍ତ୍ଯାଂ
ନାରାଯଣୋ ନର ଇତି ସ୍ଵତପଃପ୍ରଭାଵଃ ।
ଦୃଷ୍ଟ୍ଵାତ୍ମନୋ ଭଗଵତୋ ନିଯମାଵଲୋପଂ
ଦେଵ୍ଯସ୍ତ୍ଵନଙ୍ଗପୃତନା ଘଟିତୁଂ ନ ଶେକୁଃ ॥ ୬॥
କାମଂ ଦହନ୍ତି କୃତିନୋ ନନୁ ରୋଷଦୃଷ୍ଟ୍ଯା
ରୋଷଂ ଦହନ୍ତମୁତ ତେ ନ ଦହନ୍ତ୍ଯସହ୍ଯମ୍ ।
ସୋଽଯଂ ଯଦନ୍ତରମଲଂ ପ୍ରଵିଶନ୍ବିଭେତି
କାମଃ କଥଂ ନୁ ପୁନରସ୍ଯ ମନଃ ଶ୍ରଯେତ ॥ ୭॥
ଵିଦ୍ଧଃ ସପତ୍ନ୍ଯୁଦିତପତ୍ରିଭିରନ୍ତି ରାଜ୍ଞୋ
ବାଲୋଽପି ସନ୍ନୁପଗତସ୍ତପସେ ଵନାନି ।
ତସ୍ମା ଅଦାଦ୍ଧ୍ରୁଵଗତିଂ ଗୃଣତେ ପ୍ରସନ୍ନୋ
ଦିଵ୍ଯାଃ ସ୍ତୁଵନ୍ତି ମୁନଯୋ ଯଦୁପର୍ଯଧସ୍ତାତ୍ ॥ ୮॥
ଯଦ୍ଵେନମୁତ୍ପଥଗତଂ ଦ୍ଵିଜଵାକ୍ଯଵଜ୍ର-
ନିଷ୍ପ୍ଲୁଷ୍ଟପୌରୁଷଭଗଂ ନିରଯେ ପତନ୍ତମ୍ ।
ତ୍ରାତ୍ଵାର୍ଥିତୋ ଜଗତି ପୁତ୍ରପଦଂ ଚ ଲେଭେ
ଦୁଗ୍ଧା ଵସୂନି ଵସୁଧା ସକଲାନି ଯେନ ॥ ୯॥
ନାଭେରସାଵୃଷଭ ଆସ ସୁଦେଵିସୂନୁର୍-
ଯୋ ଵୈ ଚଚାର ସମଦୃଗ୍ଜଡଯୋଗଚର୍ଯାମ୍ ।
ଯତ୍ପାରମହଂସ୍ଯମୃଷଯଃ ପଦମାମନନ୍ତି
ସ୍ଵସ୍ଥଃ ପ୍ରଶାନ୍ତକରଣଃ ପରିମୁକ୍ତସଙ୍ଗଃ ॥ ୧୦॥
ସତ୍ରେ ମମାସ ଭଗଵାନ୍ହଯଶୀରଷାଥୋ
ସାକ୍ଷାତ୍ସ ଯଜ୍ଞପୁରୁଷସ୍ତପନୀଯଵର୍ଣଃ ।
ଛନ୍ଦୋମଯୋ ମଖମଯୋଽଖିଲଦେଵତାତ୍ମା
ଵାଚୋ ବଭୂଵୁରୁଶତୀଃ ଶ୍ଵସତୋଽସ୍ଯ ନସ୍ତଃ ॥ ୧୧॥
ମତ୍ସ୍ଯୋ ଯୁଗାନ୍ତସମଯେ ମନୁନୋପଲବ୍ଧଃ
କ୍ଷୋଣୀମଯୋ ନିଖିଲଜୀଵନିକାଯକେତଃ ।
ଵିସ୍ରଂସିତାନୁରୁଭଯେ ସଲିଲେ ମୁଖାନ୍ମେ
ଆଦାଯ ତତ୍ର ଵିଜହାର ହ ଵେଦମାର୍ଗାନ୍ ॥ ୧୨॥
କ୍ଷୀରୋଦଧାଵମରଦାନଵଯୂଥପାନାଂ
ଉନ୍ମଥ୍ନତାମମୃତଲବ୍ଧଯ ଆଦିଦେଵଃ ।
ପୃଷ୍ଠେନ କଚ୍ଛପଵପୁର୍ଵିଦଧାର ଗୋତ୍ରଂ
ନିଦ୍ରାକ୍ଷଣୋଽଦ୍ରିପରିଵର୍ତକଷାଣକଣ୍ଡୂଃ ॥ ୧୩॥
ତ୍ରୈପିଷ୍ଟପୋରୁଭଯହା ସ ନୃସିଂହରୂପଂ
କୃତ୍ଵା ଭ୍ରମଦ୍ଭ୍ରୁକୁଟିଦଂଷ୍ଟ୍ରକରାଲଵକ୍ତ୍ରମ୍ ।
ଦୈତ୍ଯେନ୍ଦ୍ରମାଶୁ ଗଦଯାଭିପତନ୍ତମାରାଦ୍-
ଊରୌ ନିପାତ୍ଯ ଵିଦଦାର ନଖୈଃ ସ୍ଫୁରନ୍ତମ୍ ॥ ୧୪॥
ଅନ୍ତଃସରସ୍ଯୁରୁବଲେନ ପଦେ ଗୃହୀତୋ
ଗ୍ରାହେଣ ଯୂଥପତିରମ୍ବୁଜହସ୍ତ ଆର୍ତଃ ।
ଆହେଦମାଦିପୁରୁଷାଖିଲଲୋକନାଥ
ତୀର୍ଥଶ୍ରଵଃ ଶ୍ରଵଣମଙ୍ଗଲନାମଧେଯ ॥ ୧୫॥
ଶ୍ରୁତ୍ଵା ହରିସ୍ତମରଣାର୍ଥିନମପ୍ରମେଯଶ୍-
ଚକ୍ରାଯୁଧଃ ପତଗରାଜଭୁଜାଧିରୂଢଃ ।
ଚକ୍ରେଣ ନକ୍ରଵଦନଂ ଵିନିପାଟ୍ଯ ତସ୍ମାଦ୍-
ଧସ୍ତେ ପ୍ରଗୃହ୍ଯ ଭଗଵାନ୍କୃପଯୋଜ୍ଜହାର ॥ ୧୬॥
ଜ୍ଯାଯାନ୍ଗୁଣୈରଵରଜୋଽପ୍ଯଦିତେଃ ସୁତାନାଂ
ଲୋକାନ୍ଵିଚକ୍ରମ ଇମାନ୍ଯଦଥାଧିଯଜ୍ଞଃ ।
କ୍ଷ୍ମାଂ ଵାମନେନ ଜଗୃହେ ତ୍ରିପଦଚ୍ଛଲେନ
ଯାଚ୍ଞାମୃତେ ପଥି ଚରନ୍ପ୍ରଭୁଭିର୍ନ ଚାଲ୍ଯଃ ॥ ୧୭॥
ନାର୍ଥୋ ବଲେରଯମୁରୁକ୍ରମପାଦଶୌଚଂ
ଆପଃ ଶିଖାଧୃତଵତୋ ଵିବୁଧାଧିପତ୍ଯମ୍ ।
ଯୋ ଵୈ ପ୍ରତିଶ୍ରୁତମୃତେ ନ ଚିକୀର୍ଷଦନ୍ଯଦ୍-
ଆତ୍ମାନମଙ୍ଗ ମନସା ହରଯେଽଭିମେନେ ॥ ୧୮॥
ତୁଭ୍ଯଂ ଚ ନାରଦ ଭୃଶଂ ଭଗଵାନ୍ଵିଵୃଦ୍ଧ-
ଭାଵେନ ସାଧୁ ପରିତୁଷ୍ଟ ଉଵାଚ ଯୋଗମ୍ ।
ଜ୍ଞାନଂ ଚ ଭାଗଵତମାତ୍ମସତତ୍ତ୍ଵଦୀପଂ
ଯଦ୍ଵାସୁଦେଵଶରଣା ଵିଦୁରଞ୍ଜସୈଵ ॥ ୧୯॥
ଚକ୍ରଂ ଚ ଦିକ୍ଷ୍ଵଵିହତଂ ଦଶସୁ ସ୍ଵତେଜୋ
ମନ୍ଵନ୍ତରେଷୁ ମନୁଵଂଶଧରୋ ବିଭର୍ତି ।
ଦୁଷ୍ଟେଷୁ ରାଜସୁ ଦମଂ ଵ୍ଯଦଧାତ୍ସ୍ଵକୀର୍ତିଂ
ସତ୍ଯେ ତ୍ରିପୃଷ୍ଠ ଉଶତୀଂ ପ୍ରଥଯଂଶ୍ଚରିତ୍ରୈଃ ॥ ୨୦॥
ଧନ୍ଵନ୍ତରିଶ୍ଚ ଭଗଵାନ୍ସ୍ଵଯମେଵ କୀର୍ତିର୍-
ନାମ୍ନା ନୃଣାଂ ପୁରୁରୁଜାଂ ରୁଜ ଆଶୁ ହନ୍ତି ।
ଯଜ୍ଞେ ଚ ଭାଗମମୃତାଯୁରଵାଵରୁନ୍ଧ
ଆଯୁଷ୍ଯଵେଦମନୁଶାସ୍ତ୍ଯଵତୀର୍ଯ ଲୋକେ ॥ ୨୧॥
କ୍ଷତ୍ରଂ କ୍ଷଯାଯ ଵିଧିନୋପଭୃତଂ ମହାତ୍ମା
ବ୍ରହ୍ମଧ୍ରୁଗୁଜ୍ଝିତପଥଂ ନରକାର୍ତିଲିପ୍ସୁ ।
ଉଦ୍ଧନ୍ତ୍ଯସାଵଵନିକଣ୍ଟକମୁଗ୍ରଵୀର୍ଯସ୍-
ତ୍ରିଃସପ୍ତକୃତ୍ଵ ଉରୁଧାରପରଶ୍ଵଧେନ ॥ ୨୨॥
ଅସ୍ମତ୍ପ୍ରସାଦସୁମୁଖଃ କଲଯା କଲେଶ
ଇକ୍ଷ୍ଵାକୁଵଂଶ ଅଵତୀର୍ଯ ଗୁରୋର୍ନିଦେଶେ ।
ତିଷ୍ଠନ୍ଵନଂ ସଦଯିତାନୁଜ ଆଵିଵେଶ
ଯସ୍ମିନ୍ଵିରୁଧ୍ଯ ଦଶକନ୍ଧର ଆର୍ତିମାର୍ଚ୍ଛତ୍ ॥ ୨୩॥
ଯସ୍ମା ଅଦାଦୁଦଧିରୂଢଭଯାଙ୍ଗଵେପୋ
ମାର୍ଗଂ ସପଦ୍ଯରିପୁରଂ ହରଵଦ୍ଦିଧକ୍ଷୋଃ ।
ଦୂରେ ସୁହୃନ୍ମଥିତରୋଷସୁଶୋଣଦୃଷ୍ଟ୍ଯା
ତାତପ୍ଯମାନମକରୋରଗନକ୍ରଚକ୍ରଃ ॥ ୨୪॥
ଵକ୍ଷଃସ୍ଥଲସ୍ପର୍ଶରୁଗ୍ଣମହେନ୍ଦ୍ରଵାହ-
ଦନ୍ତୈର୍ଵିଡମ୍ବିତକକୁବ୍ଜୁଷ ଊଢହାସମ୍ ।
ସଦ୍ଯୋଽସୁଭିଃ ସହ ଵିନେଷ୍ଯତି ଦାରହର୍ତୁର୍-
ଵିସ୍ଫୂର୍ଜିତୈର୍ଧନୁଷ ଉଚ୍ଚରତୋଽଧିସୈନ୍ଯେ ॥ ୨୫॥
ଭୂମେଃ ସୁରେତରଵରୂଥଵିମର୍ଦିତାଯାଃ
କ୍ଲେଶଵ୍ଯଯାଯ କଲଯା ସିତକୃଷ୍ଣକେଶଃ ।
ଜାତଃ କରିଷ୍ଯତି ଜନାନୁପଲକ୍ଷ୍ଯମାର୍ଗଃ
କର୍ମାଣି ଚାତ୍ମମହିମୋପନିବନ୍ଧନାନି ॥ ୨୬॥
ତୋକେନ ଜୀଵହରଣଂ ଯଦୁଲୂକିକାଯାସ୍-
ତ୍ରୈମାସିକସ୍ଯ ଚ ପଦା ଶକଟୋଽପଵୃତ୍ତଃ ।
ଯଦ୍ରିଙ୍ଗତାନ୍ତରଗତେନ ଦିଵିସ୍ପୃଶୋର୍ଵା
ଉନ୍ମୂଲନଂ ତ୍ଵିତରଥାର୍ଜୁନଯୋର୍ନ ଭାଵ୍ଯମ୍ ॥ ୨୭॥
ଯଦ୍ଵୈ ଵ୍ରଜେ ଵ୍ରଜପଶୂନ୍ଵିଷତୋଯପୀତାନ୍
ପାଲାଂସ୍ତ୍ଵଜୀଵଯଦନୁଗ୍ରହଦୃଷ୍ଟିଵୃଷ୍ଟ୍ଯା ।
ତଚ୍ଛୁଦ୍ଧଯେଽତିଵିଷଵୀର୍ଯଵିଲୋଲଜିହ୍ଵଂ
ଉଚ୍ଚାଟଯିଷ୍ଯଦୁରଗଂ ଵିହରନ୍ହ୍ରଦିନ୍ଯାମ୍ ॥ ୨୮॥
ତତ୍କର୍ମ ଦିଵ୍ଯମିଵ ଯନ୍ନିଶି ନିଃଶଯାନଂ
ଦାଵାଗ୍ନିନା ଶୁଚିଵନେ ପରିଦହ୍ଯମାନେ ।
ଉନ୍ନେଷ୍ଯତି ଵ୍ରଜମତୋଽଵସିତାନ୍ତକାଲଂ
ନେତ୍ରେ ପିଧାପ୍ଯ ସବଲୋଽନଧିଗମ୍ଯଵୀର୍ଯଃ ॥ ୨୯॥
ଗୃହ୍ଣୀତ ଯଦ୍ଯଦୁପବନ୍ଧମମୁଷ୍ଯ ମାତା
ଶୁଲ୍ବଂ ସୁତସ୍ଯ ନ ତୁ ତତ୍ତଦମୁଷ୍ଯ ମାତି ।
ଯଜ୍ଜୃମ୍ଭତୋଽସ୍ଯ ଵଦନେ ଭୁଵନାନି ଗୋପୀ
ସଂଵୀକ୍ଷ୍ଯ ଶଙ୍କିତମନାଃ ପ୍ରତିବୋଧିତାଽଽସୀତ୍ ॥ ୩୦॥
ନନ୍ଦଂ ଚ ମୋକ୍ଷ୍ଯତି ଭଯାଦ୍ଵରୁଣସ୍ଯ ପାଶାଦ୍-
ଗୋପାନ୍ବିଲେଷୁ ପିହିତାନ୍ମଯସୂନୁନା ଚ ।
ଅହ୍ନ୍ଯାପୃତଂ ନିଶି ଶଯାନମତିଶ୍ରମେଣ
ଲୋକଂ ଵିକୁଣ୍ଠମୁପନେଷ୍ଯତି ଗୋକୁଲଂ ସ୍ମ ॥ ୩୧॥
ଗୋପୈର୍ମଖେ ପ୍ରତିହତେ ଵ୍ରଜଵିପ୍ଲଵାଯ
ଦେଵେଽଭିଵର୍ଷତି ପଶୂନ୍କୃପଯା ରିରକ୍ଷୁଃ ।
ଧର୍ତୋଚ୍ଛିଲୀନ୍ଧ୍ରମିଵ ସପ୍ତଦିନାନି ସପ୍ତ
ଵର୍ଷୋ ମହୀଧ୍ରମନଘୈକକରେ ସଲୀଲମ୍ ॥ ୩୨॥
କ୍ରୀଡନ୍ଵନେ ନିଶି ନିଶାକରରଶ୍ମିଗୌର୍ଯାଂ
ରାସୋନ୍ମୁଖଃ କଲପଦାଯତମୂର୍ଚ୍ଛିତେନ ।
ଉଦ୍ଦୀପିତସ୍ମରରୁଜାଂ ଵ୍ରଜଭୃଦ୍ଵଧୂନାଂ
ହର୍ତୁର୍ହରିଷ୍ଯତି ଶିରୋ ଧନଦାନୁଗସ୍ଯ ॥ ୩୩॥
ଯେ ଚ ପ୍ରଲମ୍ବଖରଦର୍ଦୁରକେଶ୍ଯରିଷ୍ଟ-
ମଲ୍ଲେଭକଂସଯଵନାଃ କପିପୌଣ୍ଡ୍ରକାଦ୍ଯାଃ ।
ଅନ୍ଯେ ଚ ଶାଲ୍ଵକୁଜବଲ୍ଵଲଦନ୍ତଵକ୍ର-
ସପ୍ତୋକ୍ଷଶମ୍ବରଵିଦୂରଥରୁକ୍ମିମୁଖ୍ଯାଃ ॥ ୩୪॥
ଯେ ଵା ମୃଧେ ସମିତିଶାଲିନ ଆତ୍ତଚାପାଃ
କାମ୍ବୋଜମତ୍ସ୍ଯକୁରୁସୃଞ୍ଜଯକୈକଯାଦ୍ଯାଃ ।
ଯାସ୍ଯନ୍ତ୍ଯଦର୍ଶନମଲଂ ବଲପାର୍ଥଭୀମ-
ଵ୍ଯାଜାହ୍ଵଯେନ ହରିଣା ନିଲଯଂ ତଦୀଯମ୍ ॥ ୩୫॥
କାଲେନ ମୀଲିତଧିଯାମଵମୃଶ୍ଯ ନୄଣାଂ
ସ୍ତୋକାଯୁଷାଂ ସ୍ଵନିଗମୋ ବତ ଦୂରପାରଃ ।
ଆଵିର୍ହିତସ୍ତ୍ଵନୁଯୁଗଂ ସ ହି ସତ୍ଯଵତ୍ଯାଂ
ଵେଦଦ୍ରୁମଂ ଵିଟପଶୋ ଵିଭଜିଷ୍ଯତି ସ୍ମ ॥ ୩୬॥
ଦେଵଦ୍ଵିଷାଂ ନିଗମଵର୍ତ୍ମନି ନିଷ୍ଠିତାନାଂ
ପୂର୍ଭିର୍ମଯେନ ଵିହିତାଭିରଦୃଶ୍ଯତୂର୍ଭିଃ ।
ଲୋକାନ୍ଘ୍ନତାଂ ମତିଵିମୋହମତିପ୍ରଲୋଭଂ
ଵେଷଂ ଵିଧାଯ ବହୁ ଭାଷ୍ଯତ ଔପଧର୍ମ୍ଯମ୍ ॥ ୩୭॥
ଯର୍ହ୍ଯାଲଯେଷ୍ଵପି ସତାଂ ନ ହରେଃ କଥାଃ ସ୍ଯୁଃ
ପାଷଣ୍ଡିନୋ ଦ୍ଵିଜଜନା ଵୃଷଲା ନୃଦେଵାଃ ।
ସ୍ଵାହା ସ୍ଵଧା ଵଷଡିତି ସ୍ମ ଗିରୋ ନ ଯତ୍ର
ଶାସ୍ତା ଭଵିଷ୍ଯତି କଲେର୍ଭଗଵାନ୍ଯୁଗାନ୍ତେ ॥ ୩୮॥
ସର୍ଗେ ତପୋଽହମୃଷଯୋ ନଵ ଯେ ପ୍ରଜେଶାଃ
ସ୍ଥାନେଽଥ ଧର୍ମମଖମନ୍ଵମରାଵନୀଶାଃ ।
ଅନ୍ତେ ତ୍ଵଧର୍ମହରମନ୍ଯୁଵଶାସୁରାଦ୍ଯା
ମାଯାଵିଭୂତଯ ଇମାଃ ପୁରୁଶକ୍ତିଭାଜଃ ॥ ୩୯॥
ଵିଷ୍ଣୋର୍ନୁ ଵୀର୍ଯଗଣନାଂ କତମୋଽର୍ହତୀହ
ଯଃ ପାର୍ଥିଵାନ୍ଯପି କଵିର୍ଵିମମେ ରଜାଂସି ।
ଚସ୍କମ୍ଭ ଯଃ ସ୍ଵରହସାସ୍ଖଲତା ତ୍ରିପୃଷ୍ଠଂ
ଯସ୍ମାତ୍ତ୍ରିସାମ୍ଯସଦନାଦୁରୁକମ୍ପଯାନମ୍ ॥ ୪୦॥
ନାନ୍ତଂ ଵିଦାମ୍ଯହମମୀ ମୁନଯୋଽଗ୍ରଜାସ୍ତେ
ମାଯାବଲସ୍ଯ ପୁରୁଷସ୍ଯ କୁତୋଽଵରା ଯେ ।
ଗାଯନ୍ଗୁଣାନ୍ଦଶଶତାନନ ଆଦିଦେଵଃ
ଶେଷୋଽଧୁନାପି ସମଵସ୍ଯତି ନାସ୍ଯ ପାରମ୍ ॥ ୪୧॥
ଯେଷାଂ ସ ଏଷ ଭଗଵାନ୍ଦଯଯେଦନନ୍ତଃ
ସର୍ଵାତ୍ମନାଽଽଶ୍ରିତପଦୋ ଯଦି ନିର୍ଵ୍ଯଲୀକମ୍ ।
ତେ ଦୁସ୍ତରାମତିତରନ୍ତି ଚ ଦେଵମାଯାଂ
ନୈଷାଂ ମମାହମିତି ଧୀଃ ଶ୍ଵଶୃଗାଲଭକ୍ଷ୍ଯେ ॥ ୪୨॥
ଵେଦାହମଙ୍ଗ ପରମସ୍ଯ ହି ଯୋଗମାଯାଂ
ଯୂଯଂ ଭଵଶ୍ଚ ଭଗଵାନଥ ଦୈତ୍ଯଵର୍ଯଃ ।
ପତ୍ନୀ ମନୋଃ ସ ଚ ମନୁଶ୍ଚ ତଦାତ୍ମଜାଶ୍ଚ
ପ୍ରାଚୀନବର୍ହିରୃଭୁରଙ୍ଗ ଉତ ଧ୍ରୁଵଶ୍ଚ ॥ ୪୩॥
ଇକ୍ଷ୍ଵାକୁରୈଲମୁଚୁକୁନ୍ଦଵିଦେହଗାଧି-
ରଘ୍ଵମ୍ବରୀଷସଗରା ଗଯନାହୁଷାଦ୍ଯାଃ ।
ମାନ୍ଧାତ୍ରଲର୍କଶତଧନ୍ଵନୁରନ୍ତିଦେଵା
ଦେଵଵ୍ରତୋ ବଲିରମୂର୍ତ୍ତରଯୋ ଦିଲୀପଃ ॥ ୪୪॥
ସୌଭର୍ଯୁତଙ୍କଶିବିଦେଵଲପିପ୍ପଲାଦ-
ସାରସ୍ଵତୋଦ୍ଧଵପରାଶରଭୂରିଷେଣାଃ ।
ଯେଽନ୍ଯେ ଵିଭୀଷଣହନୂମଦୁପେନ୍ଦ୍ରଦତ୍ତ-
ପାର୍ଥାର୍ଷ୍ଟିଷେଣଵିଦୁରଶ୍ରୁତଦେଵଵର୍ଯାଃ ॥ ୪୫॥
ତେ ଵୈ ଵିଦନ୍ତ୍ଯତିତରନ୍ତି ଚ ଦେଵମାଯାଂ
ସ୍ତ୍ରୀଶୂଦ୍ରହୂଣଶବରା ଅପି ପାପଜୀଵାଃ ।
ଯଦ୍ଯଦ୍ଭୁତକ୍ରମପରାଯଣଶୀଲଶିକ୍ଷାସ୍-
ତିର୍ଯଗ୍ଜନା ଅପି କିମୁ ଶ୍ରୁତଧାରଣା ଯେ ॥ ୪୬॥
ଶଶ୍ଵତ୍ପ୍ରଶାନ୍ତମଭଯଂ ପ୍ରତିବୋଧମାତ୍ରଂ
ଶୁଦ୍ଧଂ ସମଂ ସଦସତଃ ପରମାତ୍ମତତ୍ତ୍ଵମ୍ ।
ଶବ୍ଦୋ ନ ଯତ୍ର ପୁରୁକାରକଵାନ୍କ୍ରିଯାର୍ଥୋ
ମାଯା ପରୈତ୍ଯଭିମୁଖେ ଚ ଵିଲଜ୍ଜମାନା ॥ ୪୭॥
ତଦ୍ଵୈ ପଦଂ ଭଗଵତଃ ପରମସ୍ଯ ପୁଂସୋ
ବ୍ରହ୍ମେତି ଯଦ୍ଵିଦୁରଜସ୍ରସୁଖଂ ଵିଶୋକମ୍ ।
ସଧ୍ର୍ଯଙ୍ନିଯମ୍ଯ ଯତଯୋ ଯମକର୍ତହେତିଂ
ଜହ୍ଯୁଃ ସ୍ଵରାଡିଵ ନିପାନଖନିତ୍ରମିନ୍ଦ୍ରଃ ॥ ୪୮॥
ସ ଶ୍ରେଯସାମପି ଵିଭୁର୍ଭଗଵାନ୍ଯତୋଽସ୍ଯ
ଭାଵସ୍ଵଭାଵଵିହିତସ୍ଯ ସତଃ ପ୍ରସିଦ୍ଧିଃ ।
ଦେହେ ସ୍ଵଧାତୁଵିଗମେଽନୁଵିଶୀର୍ଯମାଣେ
ଵ୍ଯୋମେଵ ତତ୍ର ପୁରୁଷୋ ନ ଵିଶୀର୍ଯତେଽଜଃ ॥ ୪୯॥
ସୋଽଯଂ ତେଽଭିହିତସ୍ତାତ ଭଗଵାନ୍ଵିଶ୍ଵଭାଵନଃ ।
ସମାସେନ ହରେର୍ନାନ୍ଯଦନ୍ଯସ୍ମାତ୍ସଦସଚ୍ଚ ଯତ୍ ॥ ୫୦॥
ଇଦଂ ଭାଗଵତଂ ନାମ ଯନ୍ମେ ଭଗଵତୋଦିତମ୍ ।
ସଙ୍ଗ୍ରହୋଽଯଂ ଵିଭୂତୀନାଂ ତ୍ଵମେତଦ୍ଵିପୁଲୀ କୁରୁ ॥ ୫୧॥
ଯଥା ହରୌ ଭଗଵତି ନୃଣାଂ ଭକ୍ତିର୍ଭଵିଷ୍ଯତି ।
ସର୍ଵାତ୍ମନ୍ଯଖିଲାଧାରେ ଇତି ସଙ୍କଲ୍ପ୍ଯ ଵର୍ଣଯ ॥ ୫୨॥
ମାଯାଂ ଵର୍ଣଯତୋଽମୁଷ୍ଯ ଈଶ୍ଵରସ୍ଯାନୁମୋଦତଃ ।
ଶୃଣ୍ଵତଃ ଶ୍ରଦ୍ଧଯା ନିତ୍ଯଂ ମାଯଯାତ୍ମା ନ ମୁହ୍ଯତି ॥ ୫୩॥
ଇତି ଶ୍ରୀମଦ୍ଭାଗଵତେ ମହାପୁରାଣେ ପାରମହଂସ୍ଯାଂ ସଂହିତାଯାଂ
ଦ୍ଵିତୀଯସ୍କନ୍ଧେ ବ୍ରହ୍ମନାରଦସଂଵାଦେ ସପ୍ତମୋଽଧ୍ଯାଯଃ ॥
From Srimad Bhagavatam Canto-skandha 2 chapter-adhyAya 7
This stotram praises the 24 important incarnations
of Vishnu as described in Srimad Bhagavatam
Canto 1 chapter 3 with some variations.
Proofread by Psa Easwaran psaeaswaran at gmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
Chaturvimshati Avatara Stotram 3 Lyrics in Oriya PDF
% File name : chaturviMshatyavatArastotram3.itx
% Category :
% Location : doc\_vishhnu
% Author :
% Language : Sanskrit
% Subject : philosophy/hinduism/religion
% Transliterated by :
% Proofread by : Psa Easwaran psaeaswaran at gmail.com
% Translated by :
% Description/comments : dvitIyaskandhe brahmanAradasaMvAde saptamo.adhyAyaH
% Source :
% Acknowledge-Permission:
% Latest update : May 27, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : chaturviMshatyavatArastotram3.itx
% Category :
% Location : doc\_vishhnu
% Author :
% Language : Sanskrit
% Subject : philosophy/hinduism/religion
% Transliterated by :
% Proofread by : Psa Easwaran psaeaswaran at gmail.com
% Translated by :
% Description/comments : dvitIyaskandhe brahmanAradasaMvAde saptamo.adhyAyaH
% Source :
% Acknowledge-Permission:
% Latest update : May 27, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 9, 2015 ] at Stotram Website