{॥ অঞ্জনশৈলনাথস্তোত্রম্ ॥}
পুলকিনি ভুজমধ্যে পূজযন্তং পুরন্ধ্রীং
ভুবননযনপুণ্যং পূরিতাশেষকামম্ ।
পুনরপি বৃষশৈলে ফুল্লনীলোত্পলাভং
পুরুষমনুভবেযং পুণ্ডরীকাযতাক্ষম্ ॥ ১॥

আজানসৌহৃদমপারকৃপামৃতাব্ধিং
অব্যাজবত্সলমবেলসুশীলমাদ্যম্ ।
আনন্দরাশিমনুরাগমযাবরোধং
আরাধযামি হরিমঞ্জনশৈলনাথম্ ॥ ২॥

আতাম্রপাদমবদাতসুবর্ণচেলং
আপীনবাহুশিখরোজ্জ্বলশঙ্খচক্রম্ ।
আবিস্স্মিতাননমমন্দদযাকটাক্ষং
আরাধযামি হরিমঞ্জনশৈলনাথম্ ॥ ৩॥

অপ্রাকৃতাবযবসংহিতসংনিবেশং
আরূঢযৌবনমহীনকুমারভাবম্ ।
অম্লানকান্তিমতিবাঙ্মনসানুভাবং
আরাধযামি হরিমঞ্জনশৈলনাথম্ ॥ ৪॥

আশাবকাশসমুদিত্বরসর্বগন্ধং
আস্বাদযত্সুগমসর্বরসস্বভাবম্ ।
আশ্লেষগম্যসুখসংস্পৃশনাতিরেকং
আরাধযামি হরিমঞ্জনশৈলনাথম্ ॥ ৫॥

আদর্শযন্তমতিসংকুচিতাক্ষিশক্তিং
আশ্রাবযন্তমখিলান্ বধিরান্ প্রকৃত্যা ।
আভাষযন্তমভিতো নতমূকবর্গং
আরাধযামি হরিমঞ্জনশৈলনাথম্ ॥ ৬॥

আধাবযন্তমতিমারুতমেব পঙ্গূন্
আজানুলম্বিভুজযন্তমহো কুবাহূন্ ।
অন্যাংশ্চ কৃতশিরসঃ প্রতিজীবযন্তং
আরাধযামি হরিমঞ্জনশৈলনাথম্ ॥ ৭॥

আজন্মনির্ধনজনানলকেশযন্তং
অজ্ঞানপি ত্রিদশদেশিকদেশ্যযন্তম্ ।
অহ্নায বন্ধ্যমপি মর্ত্যমবন্ধ্যযন্তং
আরাধযামি হরিমঞ্জনশৈলনাথম্ ॥ ৮॥

আবদ্ধকঙ্কণমশেষশরণ্যতাযাং
আপত্সহাযমপরাধসহং নতানাম্ ।
আসন্নসামগসুখালসসূরিবর্গং
আরাধযামি হরিমঞ্জনশৈলনাথম্ ॥ ৯॥

অধ্যাসিতাসনসরোজসনূপুরাঙ্ ঘ্রিং
আমুক্তবীরকটকাযতবৃত্তজঙ্ঘম্ ।
আশ্চর্যজানুযুগমপ্রতিমোরুকাণ্ডং
আরাধযামি হরিমঞ্জনশৈলনাথম্ ॥ ১০॥

আবর্তিনিম্ননিখিলাণ্ডনিদাননাভিং
আযামিদোর্বিবরকেলিগৃহাবরোধম্ ।
আবদ্ধরত্নমযভূষভুজাচতুষ্কং
আরাধযামি হরিমঞ্জনশৈলনাথম্ ॥ ১১॥

অংসাবলম্বিমণিকুণ্ডলকান্তগণ্ডং
আবিস্স্মিতাংশুমধুরাধরবন্ধুজীবম্ ।
আস্যাব্জসৌরভসমুত্সুকদীর্ঘনাসং
আরাধযামি হরিমঞ্জনশৈলনাথম্ ॥ ১২॥

অর্ধেন্দুভাস্বদলিকোল্লসদূর্ধ্বপুণ্ড্রং
আলোলনীলকুটিলালকচারুবক্ত্রম্ ।
আবির্মযূখমণিচূডমহাকিরীটং
আরাধযামি হরিমঞ্জনশৈলনাথম্ ॥ ১৩॥

বাদিভীতিকরার্যেণ রচিতা ভাববন্ধ তঃ
শোভতে বেঙ্কটাদ্রীশবিষযা স্তুতিরদ্ভুতা ॥

॥ ইতি অঞ্জনশৈলনাথস্তোত্রং সংপূর্ণম্ ॥

Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa

Please send corrections to sanskrit@cheerful.com
Last updated ত্oday
http://sanskritdocuments.org

Anjanashailanatha Stotram Lyrics in Bengali PDF
% File name : anjanashailanAthastotram.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website