{॥ ಅಞ್ಜನಶೈಲನಾಥಸ್ತೋತ್ರಮ್ ॥}
ಪುಲಕಿನಿ ಭುಜಮಧ್ಯೇ ಪೂಜಯನ್ತಂ ಪುರನ್ಧ್ರೀಂ
ಭುವನನಯನಪುಣ್ಯಂ ಪೂರಿತಾಶೇಷಕಾಮಮ್ ।
ಪುನರಪಿ ವೃಷಶೈಲೇ ಫುಲ್ಲನೀಲೋತ್ಪಲಾಭಂ
ಪುರುಷಮನುಭವೇಯಂ ಪುಣ್ಡರೀಕಾಯತಾಕ್ಷಮ್ ॥ ೧॥

ಆಜಾನಸೌಹೃದಮಪಾರಕೃಪಾಮೃತಾಬ್ಧಿಂ
ಅವ್ಯಾಜವತ್ಸಲಮವೇಲಸುಶೀಲಮಾದ್ಯಮ್ ।
ಆನನ್ದರಾಶಿಮನುರಾಗಮಯಾವರೋಧಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೨॥

ಆತಾಮ್ರಪಾದಮವದಾತಸುವರ್ಣಚೇಲಂ
ಆಪೀನಬಾಹುಶಿಖರೋಜ್ಜ್ವಲಶಙ್ಖಚಕ್ರಮ್ ।
ಆವಿಸ್ಸ್ಮಿತಾನನಮಮನ್ದದಯಾಕಟಾಕ್ಷಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೩॥

ಅಪ್ರಾಕೃತಾವಯವಸಂಹಿತಸಂನಿವೇಶಂ
ಆರೂಢಯೌವನಮಹೀನಕುಮಾರಭಾವಮ್ ।
ಅಮ್ಲಾನಕಾನ್ತಿಮತಿವಾಙ್ಮನಸಾನುಭಾವಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೪॥

ಆಶಾವಕಾಶಸಮುದಿತ್ವರಸರ್ವಗನ್ಧಂ
ಆಸ್ವಾದಯತ್ಸುಗಮಸರ್ವರಸಸ್ವಭಾವಮ್ ।
ಆಶ್ಲೇಷಗಮ್ಯಸುಖಸಂಸ್ಪೃಶನಾತಿರೇಕಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೫॥

ಆದರ್ಶಯನ್ತಮತಿಸಂಕುಚಿತಾಕ್ಷಿಶಕ್ತಿಂ
ಆಶ್ರಾವಯನ್ತಮಖಿಲಾನ್ ಬಧಿರಾನ್ ಪ್ರಕೃತ್ಯಾ ।
ಆಭಾಷಯನ್ತಮಭಿತೋ ನತಮೂಕವರ್ಗಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೬॥

ಆಧಾವಯನ್ತಮತಿಮಾರುತಮೇವ ಪಙ್ಗೂನ್
ಆಜಾನುಲಮ್ಬಿಭುಜಯನ್ತಮಹೋ ಕುಬಾಹೂನ್ ।
ಅನ್ಯಾಂಶ್ಚ ಕೃತಶಿರಸಃ ಪ್ರತಿಜೀವಯನ್ತಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೭॥

ಆಜನ್ಮನಿರ್ಧನಜನಾನಲಕೇಶಯನ್ತಂ
ಅಜ್ಞಾನಪಿ ತ್ರಿದಶದೇಶಿಕದೇಶ್ಯಯನ್ತಮ್ ।
ಅಹ್ನಾಯ ವನ್ಧ್ಯಮಪಿ ಮರ್ತ್ಯಮವನ್ಧ್ಯಯನ್ತಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೮॥

ಆಬದ್ಧಕಙ್ಕಣಮಶೇಷಶರಣ್ಯತಾಯಾಂ
ಆಪತ್ಸಹಾಯಮಪರಾಧಸಹಂ ನತಾನಾಮ್ ।
ಆಸನ್ನಸಾಮಗಸುಖಾಲಸಸೂರಿವರ್ಗಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೯॥

ಅಧ್ಯಾಸಿತಾಸನಸರೋಜಸನೂಪುರಾಙ್ ಘ್ರಿಂ
ಆಮುಕ್ತವೀರಕಟಕಾಯತವೃತ್ತಜಙ್ಘಮ್ ।
ಆಶ್ಚರ್ಯಜಾನುಯುಗಮಪ್ರತಿಮೋರುಕಾಣ್ಡಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೧೦॥

ಆವರ್ತಿನಿಮ್ನನಿಖಿಲಾಣ್ಡನಿದಾನನಾಭಿಂ
ಆಯಾಮಿದೋರ್ವಿವರಕೇಲಿಗೃಹಾವರೋಧಮ್ ।
ಆಬದ್ಧರತ್ನಮಯಭೂಷಭುಜಾಚತುಷ್ಕಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೧೧॥

ಅಂಸಾವಲಮ್ಬಿಮಣಿಕುಣ್ಡಲಕಾನ್ತಗಣ್ಡಂ
ಆವಿಸ್ಸ್ಮಿತಾಂಶುಮಧುರಾಧರಬನ್ಧುಜೀವಮ್ ।
ಆಸ್ಯಾಬ್ಜಸೌರಭಸಮುತ್ಸುಕದೀರ್ಘನಾಸಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೧೨॥

ಅರ್ಧೇನ್ದುಭಾಸ್ವದಲಿಕೋಲ್ಲಸದೂರ್ಧ್ವಪುಣ್ಡ್ರಂ
ಆಲೋಲನೀಲಕುಟಿಲಾಲಕಚಾರುವಕ್ತ್ರಮ್ ।
ಆವಿರ್ಮಯೂಖಮಣಿಚೂಡಮಹಾಕಿರೀಟಂ
ಆರಾಧಯಾಮಿ ಹರಿಮಞ್ಜನಶೈಲನಾಥಮ್ ॥ ೧೩॥

ವಾದಿಭೀತಿಕರಾರ್ಯೇಣ ರಚಿತಾ ಭಾವಬನ್ಧ ತಃ
ಶೋಭತೇ ವೇಙ್ಕಟಾದ್ರೀಶವಿಷಯಾ ಸ್ತುತಿರದ್ಭುತಾ ॥

॥ ಇತಿ ಅಞ್ಜನಶೈಲನಾಥಸ್ತೋತ್ರಂ ಸಂಪೂರ್ಣಮ್ ॥

Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa

Please send corrections to sanskrit@cheerful.com
Last updated ತ್oday
http://sanskritdocuments.org

Anjanashailanatha Stotram Lyrics in Kannada PDF
% File name : anjanashailanAthastotram.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website