{॥ അഞ്ജനശൈലനാഥസ്തോത്രമ് ॥}
പുലകിനി ഭുജമധ്യേ പൂജയന്തം പുരന്ധ്രീം
ഭുവനനയനപുണ്യം പൂരിതാശേഷകാമമ് ।
പുനരപി വൃഷശൈലേ ഫുല്ലനീലോത്പലാഭം
പുരുഷമനുഭവേയം പുണ്ഡരീകായതാക്ഷമ് ॥ ൧॥

ആജാനസൌഹൃദമപാരകൃപാമൃതാബ്ധിം
അവ്യാജവത്സലമവേലസുശീലമാദ്യമ് ।
ആനന്ദരാശിമനുരാഗമയാവരോധം
ആരാധയാമി ഹരിമഞ്ജനശൈലനാഥമ് ॥ ൨॥

ആതാമ്രപാദമവദാതസുവര്ണചേലം
ആപീനബാഹുശിഖരോജ്ജ്വലശങ്ഖചക്രമ് ।
ആവിസ്സ്മിതാനനമമന്ദദയാകടാക്ഷം
ആരാധയാമി ഹരിമഞ്ജനശൈലനാഥമ് ॥ ൩॥

അപ്രാകൃതാവയവസംഹിതസംനിവേശം
ആരൂഢയൌവനമഹീനകുമാരഭാവമ് ।
അമ്ലാനകാന്തിമതിവാങ്മനസാനുഭാവം
ആരാധയാമി ഹരിമഞ്ജനശൈലനാഥമ് ॥ ൪॥

ആശാവകാശസമുദിത്വരസര്വഗന്ധം
ആസ്വാദയത്സുഗമസര്വരസസ്വഭാവമ് ।
ആശ്ലേഷഗമ്യസുഖസംസ്പൃശനാതിരേകം
ആരാധയാമി ഹരിമഞ്ജനശൈലനാഥമ് ॥ ൫॥

ആദര്ശയന്തമതിസംകുചിതാക്ഷിശക്തിം
ആശ്രാവയന്തമഖിലാന് ബധിരാന് പ്രകൃത്യാ ।
ആഭാഷയന്തമഭിതോ നതമൂകവര്ഗം
ആരാധയാമി ഹരിമഞ്ജനശൈലനാഥമ് ॥ ൬॥

ആധാവയന്തമതിമാരുതമേവ പങ്ഗൂന്
ആജാനുലമ്ബിഭുജയന്തമഹോ കുബാഹൂന് ।
അന്യാംശ്ച കൃതശിരസഃ പ്രതിജീവയന്തം
ആരാധയാമി ഹരിമഞ്ജനശൈലനാഥമ് ॥ ൭॥

ആജന്മനിര്ധനജനാനലകേശയന്തം
അജ്ഞാനപി ത്രിദശദേശികദേശ്യയന്തമ് ।
അഹ്നായ വന്ധ്യമപി മര്ത്യമവന്ധ്യയന്തം
ആരാധയാമി ഹരിമഞ്ജനശൈലനാഥമ് ॥ ൮॥

ആബദ്ധകങ്കണമശേഷശരണ്യതായാം
ആപത്സഹായമപരാധസഹം നതാനാമ് ।
ആസന്നസാമഗസുഖാലസസൂരിവര്ഗം
ആരാധയാമി ഹരിമഞ്ജനശൈലനാഥമ് ॥ ൯॥

അധ്യാസിതാസനസരോജസനൂപുരാങ് ഘ്രിം
ആമുക്തവീരകടകായതവൃത്തജങ്ഘമ് ।
ആശ്ചര്യജാനുയുഗമപ്രതിമോരുകാണ്ഡം
ആരാധയാമി ഹരിമഞ്ജനശൈലനാഥമ് ॥ ൧൦॥

ആവര്തിനിമ്നനിഖിലാണ്ഡനിദാനനാഭിം
ആയാമിദോര്വിവരകേലിഗൃഹാവരോധമ് ।
ആബദ്ധരത്നമയഭൂഷഭുജാചതുഷ്കം
ആരാധയാമി ഹരിമഞ്ജനശൈലനാഥമ് ॥ ൧൧॥

അംസാവലമ്ബിമണികുണ്ഡലകാന്തഗണ്ഡം
ആവിസ്സ്മിതാംശുമധുരാധരബന്ധുജീവമ് ।
ആസ്യാബ്ജസൌരഭസമുത്സുകദീര്ഘനാസം
ആരാധയാമി ഹരിമഞ്ജനശൈലനാഥമ് ॥ ൧൨॥

അര്ധേന്ദുഭാസ്വദലികോല്ലസദൂര്ധ്വപുണ്ഡ്രം
ആലോലനീലകുടിലാലകചാരുവക്ത്രമ് ।
ആവിര്മയൂഖമണിചൂഡമഹാകിരീടം
ആരാധയാമി ഹരിമഞ്ജനശൈലനാഥമ് ॥ ൧൩॥

വാദിഭീതികരാര്യേണ രചിതാ ഭാവബന്ധ തഃ
ശോഭതേ വേങ്കടാദ്രീശവിഷയാ സ്തുതിരദ്ഭുതാ ॥

॥ ഇതി അഞ്ജനശൈലനാഥസ്തോത്രം സംപൂര്ണമ് ॥

Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa

Please send corrections to sanskrit@cheerful.com
Last updated ത്oday
http://sanskritdocuments.org

Anjanashailanatha Stotram Lyrics in Malayalam PDF
% File name : anjanashailanAthastotram.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website