{॥ ଅଞ୍ଜନଶୈଲନାଥସ୍ତୋତ୍ରମ୍ ॥}
ପୁଲକିନି ଭୁଜମଧ୍ଯେ ପୂଜଯନ୍ତଂ ପୁରନ୍ଧ୍ରୀଂ
ଭୁଵନନଯନପୁଣ୍ଯଂ ପୂରିତାଶେଷକାମମ୍ ।
ପୁନରପି ଵୃଷଶୈଲେ ଫୁଲ୍ଲନୀଲୋତ୍ପଲାଭଂ
ପୁରୁଷମନୁଭଵେଯଂ ପୁଣ୍ଡରୀକାଯତାକ୍ଷମ୍ ॥ ୧॥

ଆଜାନସୌହୃଦମପାରକୃପାମୃତାବ୍ଧିଂ
ଅଵ୍ଯାଜଵତ୍ସଲମଵେଲସୁଶୀଲମାଦ୍ଯମ୍ ।
ଆନନ୍ଦରାଶିମନୁରାଗମଯାଵରୋଧଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୨॥

ଆତାମ୍ରପାଦମଵଦାତସୁଵର୍ଣଚେଲଂ
ଆପୀନବାହୁଶିଖରୋଜ୍ଜ୍ଵଲଶଙ୍ଖଚକ୍ରମ୍ ।
ଆଵିସ୍ସ୍ମିତାନନମମନ୍ଦଦଯାକଟାକ୍ଷଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୩॥

ଅପ୍ରାକୃତାଵଯଵସଂହିତସଂନିଵେଶଂ
ଆରୂଢଯୌଵନମହୀନକୁମାରଭାଵମ୍ ।
ଅମ୍ଲାନକାନ୍ତିମତିଵାଙ୍ମନସାନୁଭାଵଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୪॥

ଆଶାଵକାଶସମୁଦିତ୍ଵରସର୍ଵଗନ୍ଧଂ
ଆସ୍ଵାଦଯତ୍ସୁଗମସର୍ଵରସସ୍ଵଭାଵମ୍ ।
ଆଶ୍ଲେଷଗମ୍ଯସୁଖସଂସ୍ପୃଶନାତିରେକଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୫॥

ଆଦର୍ଶଯନ୍ତମତିସଂକୁଚିତାକ୍ଷିଶକ୍ତିଂ
ଆଶ୍ରାଵଯନ୍ତମଖିଲାନ୍ ବଧିରାନ୍ ପ୍ରକୃତ୍ଯା ।
ଆଭାଷଯନ୍ତମଭିତୋ ନତମୂକଵର୍ଗଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୬॥

ଆଧାଵଯନ୍ତମତିମାରୁତମେଵ ପଙ୍ଗୂନ୍
ଆଜାନୁଲମ୍ବିଭୁଜଯନ୍ତମହୋ କୁବାହୂନ୍ ।
ଅନ୍ଯାଂଶ୍ଚ କୃତଶିରସଃ ପ୍ରତିଜୀଵଯନ୍ତଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୭॥

ଆଜନ୍ମନିର୍ଧନଜନାନଲକେଶଯନ୍ତଂ
ଅଜ୍ଞାନପି ତ୍ରିଦଶଦେଶିକଦେଶ୍ଯଯନ୍ତମ୍ ।
ଅହ୍ନାଯ ଵନ୍ଧ୍ଯମପି ମର୍ତ୍ଯମଵନ୍ଧ୍ଯଯନ୍ତଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୮॥

ଆବଦ୍ଧକଙ୍କଣମଶେଷଶରଣ୍ଯତାଯାଂ
ଆପତ୍ସହାଯମପରାଧସହଂ ନତାନାମ୍ ।
ଆସନ୍ନସାମଗସୁଖାଲସସୂରିଵର୍ଗଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୯॥

ଅଧ୍ଯାସିତାସନସରୋଜସନୂପୁରାଙ୍ ଘ୍ରିଂ
ଆମୁକ୍ତଵୀରକଟକାଯତଵୃତ୍ତଜଙ୍ଘମ୍ ।
ଆଶ୍ଚର୍ଯଜାନୁଯୁଗମପ୍ରତିମୋରୁକାଣ୍ଡଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୧୦॥

ଆଵର୍ତିନିମ୍ନନିଖିଲାଣ୍ଡନିଦାନନାଭିଂ
ଆଯାମିଦୋର୍ଵିଵରକେଲିଗୃହାଵରୋଧମ୍ ।
ଆବଦ୍ଧରତ୍ନମଯଭୂଷଭୁଜାଚତୁଷ୍କଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୧୧॥

ଅଂସାଵଲମ୍ବିମଣିକୁଣ୍ଡଲକାନ୍ତଗଣ୍ଡଂ
ଆଵିସ୍ସ୍ମିତାଂଶୁମଧୁରାଧରବନ୍ଧୁଜୀଵମ୍ ।
ଆସ୍ଯାବ୍ଜସୌରଭସମୁତ୍ସୁକଦୀର୍ଘନାସଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୧୨॥

ଅର୍ଧେନ୍ଦୁଭାସ୍ଵଦଲିକୋଲ୍ଲସଦୂର୍ଧ୍ଵପୁଣ୍ଡ୍ରଂ
ଆଲୋଲନୀଲକୁଟିଲାଲକଚାରୁଵକ୍ତ୍ରମ୍ ।
ଆଵିର୍ମଯୂଖମଣିଚୂଡମହାକିରୀଟଂ
ଆରାଧଯାମି ହରିମଞ୍ଜନଶୈଲନାଥମ୍ ॥ ୧୩॥

ଵାଦିଭୀତିକରାର୍ଯେଣ ରଚିତା ଭାଵବନ୍ଧ ତଃ
ଶୋଭତେ ଵେଙ୍କଟାଦ୍ରୀଶଵିଷଯା ସ୍ତୁତିରଦ୍ଭୁତା ॥

॥ ଇତି ଅଞ୍ଜନଶୈଲନାଥସ୍ତୋତ୍ରଂ ସଂପୂର୍ଣମ୍ ॥

Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa

Please send corrections to sanskrit@cheerful.com
Last updated ତ୍oday
http://sanskritdocuments.org

Anjanashailanatha Stotram Lyrics in Oriya PDF
% File name : anjanashailanAthastotram.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website