{॥ అఞ్జనశైలనాథస్తోత్రమ్ ॥}
పులకిని భుజమధ్యే పూజయన్తం పురన్ధ్రీం
భువననయనపుణ్యం పూరితాశేషకామమ్ ।
పునరపి వృషశైలే ఫుల్లనీలోత్పలాభం
పురుషమనుభవేయం పుణ్డరీకాయతాక్షమ్ ॥ ౧॥

ఆజానసౌహృదమపారకృపామృతాబ్ధిం
అవ్యాజవత్సలమవేలసుశీలమాద్యమ్ ।
ఆనన్దరాశిమనురాగమయావరోధం
ఆరాధయామి హరిమఞ్జనశైలనాథమ్ ॥ ౨॥

ఆతామ్రపాదమవదాతసువర్ణచేలం
ఆపీనబాహుశిఖరోజ్జ్వలశఙ్ఖచక్రమ్ ।
ఆవిస్స్మితాననమమన్దదయాకటాక్షం
ఆరాధయామి హరిమఞ్జనశైలనాథమ్ ॥ ౩॥

అప్రాకృతావయవసంహితసంనివేశం
ఆరూఢయౌవనమహీనకుమారభావమ్ ।
అమ్లానకాన్తిమతివాఙ్మనసానుభావం
ఆరాధయామి హరిమఞ్జనశైలనాథమ్ ॥ ౪॥

ఆశావకాశసముదిత్వరసర్వగన్ధం
ఆస్వాదయత్సుగమసర్వరసస్వభావమ్ ।
ఆశ్లేషగమ్యసుఖసంస్పృశనాతిరేకం
ఆరాధయామి హరిమఞ్జనశైలనాథమ్ ॥ ౫॥

ఆదర్శయన్తమతిసంకుచితాక్షిశక్తిం
ఆశ్రావయన్తమఖిలాన్ బధిరాన్ ప్రకృత్యా ।
ఆభాషయన్తమభితో నతమూకవర్గం
ఆరాధయామి హరిమఞ్జనశైలనాథమ్ ॥ ౬॥

ఆధావయన్తమతిమారుతమేవ పఙ్గూన్
ఆజానులమ్బిభుజయన్తమహో కుబాహూన్ ।
అన్యాంశ్చ కృతశిరసః ప్రతిజీవయన్తం
ఆరాధయామి హరిమఞ్జనశైలనాథమ్ ॥ ౭॥

ఆజన్మనిర్ధనజనానలకేశయన్తం
అజ్ఞానపి త్రిదశదేశికదేశ్యయన్తమ్ ।
అహ్నాయ వన్ధ్యమపి మర్త్యమవన్ధ్యయన్తం
ఆరాధయామి హరిమఞ్జనశైలనాథమ్ ॥ ౮॥

ఆబద్ధకఙ్కణమశేషశరణ్యతాయాం
ఆపత్సహాయమపరాధసహం నతానామ్ ।
ఆసన్నసామగసుఖాలససూరివర్గం
ఆరాధయామి హరిమఞ్జనశైలనాథమ్ ॥ ౯॥

అధ్యాసితాసనసరోజసనూపురాఙ్ ఘ్రిం
ఆముక్తవీరకటకాయతవృత్తజఙ్ఘమ్ ।
ఆశ్చర్యజానుయుగమప్రతిమోరుకాణ్డం
ఆరాధయామి హరిమఞ్జనశైలనాథమ్ ॥ ౧౦॥

ఆవర్తినిమ్ననిఖిలాణ్డనిదాననాభిం
ఆయామిదోర్వివరకేలిగృహావరోధమ్ ।
ఆబద్ధరత్నమయభూషభుజాచతుష్కం
ఆరాధయామి హరిమఞ్జనశైలనాథమ్ ॥ ౧౧॥

అంసావలమ్బిమణికుణ్డలకాన్తగణ్డం
ఆవిస్స్మితాంశుమధురాధరబన్ధుజీవమ్ ।
ఆస్యాబ్జసౌరభసముత్సుకదీర్ఘనాసం
ఆరాధయామి హరిమఞ్జనశైలనాథమ్ ॥ ౧౨॥

అర్ధేన్దుభాస్వదలికోల్లసదూర్ధ్వపుణ్డ్రం
ఆలోలనీలకుటిలాలకచారువక్త్రమ్ ।
ఆవిర్మయూఖమణిచూడమహాకిరీటం
ఆరాధయామి హరిమఞ్జనశైలనాథమ్ ॥ ౧౩॥

వాదిభీతికరార్యేణ రచితా భావబన్ధ తః
శోభతే వేఙ్కటాద్రీశవిషయా స్తుతిరద్భుతా ॥

॥ ఇతి అఞ్జనశైలనాథస్తోత్రం సంపూర్ణమ్ ॥

Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa

Please send corrections to sanskrit@cheerful.com
Last updated త్oday
http://sanskritdocuments.org

Anjanashailanatha Stotram Lyrics in Telugu PDF
% File name : anjanashailanAthastotram.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website