% Text title : venkaTeshasevAkramaH % File name : venkaTeshasevAkrama.itx % Location : doc\_vishhnu % Language : Sanskrit % Subject : philosophy/hinduism/religion % Transliterated by : Malleswara Rao Yellapragada malleswararaoy at yahoo.com % Proofread by : Malleswara Rao Yellapragada malleswararaoy at yahoo.com % Source : Venkatesha Kavyakalapa % Latest update : April 4, 2015 % Send corrections to : sanskrit@cheerful.com % Site access : http://sanskritdocuments.org % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Venkateshasevakrama ..}## \itxtitle{.. ve~NkaTeshasevAkramaH ..}##\endtitles ## \section{.. ve~NkaTeshasevAkramaH ..} yashchakre veMkaTeshasya sevAkramamanuttamam | taM shaThAriguruM vande gArgyaM shrIpuravAsinam || shrIvenkaTAchalAdhIshaM shriyA.adhyAsitavakShasam | shritachetanamandAraM shrInivAsamahaM bhaje || 1|| prAtarutthAya pUtAtmA dhyAyeya svaguroH pade | shrIveMkaTeshapAdAbje iyAsuveMkaTAchalam || 2|| chakratIrthe tataH snAtvA kR^itapUrvAhnikakriyaH | dhyAyan shriveMkaTAdhIshaM seveyA~njanabhUdharam || 3|| tataH pashchimadigbhAge gatvA ka~nchinmahApatham | shrIveMkaTagirermUle sheShAMshenotthitAM bhuvaH || 4|| chi~nchAmunnidrasubhagAM divyAM tanmUlataH shubhe | shrInivAsapadAmbhoje svasaMkalpAt samutthite || 5|| tanmUlataH svayaMvyaktAn saroyogimukhAnapi | lakShmInR^isiMhaM sheShAdriM praNipatya kR^itA~njaliH || 6|| dayAshatakamapyuchchaiH stotragadye samu~ncharan | bhaktairbhAgavataissArdhamAroheyaM vR^iShAchalam || 7|| ghupyadbhiH sa~Nghashashchochchairgovindeti punaHpunaH | gachChadbhiH svAmisevArthamAgachChadbhirnirantaram || 8|| saMpUrNaM labdhakAmaishcha chaturvargArthibhirnaraiH | shikharANi cha ramyANi nirjjharAn pariShatprabhum || 9|| shrIveMkaTeshaM saMsevya gachCheyaM taM mahApatham | Aruhya tiShThannAmodAda~njnAdrishirovaram || 10|| shrIveMkaTAchalaprAntabhUmiparyantaparvatAn | vApIkUpataTAkAdIn vanAnyupavanAni cha || 11|| suvarNamukharIM chaiva shobhamAnAM mahAnadIm | dhAma govindarAjasya pashyeyaM shrIpurImapi || 12|| tataH karpUrasurabhitIrthaM karpUranirjjharam | gatvA.a.achamya tatashchAnyachChR^i~NgamAruhya sundaram || 13|| pakShivR^ikShAkR^itidharairnibiDaM nityasUribhiH | shIghraM kvachi~ncha gachCheyaM sevAchapalamAnasaH || 14|| sukhamatraiva varteya ramye shrIshailasAnuni | itIrayanmandamatirgachCheyaM kutrachitpunaH || 15|| suvarchasAM surUpANAM puNyAnAM mR^igapakShiNAm | shR^iNuyAmadbhutaM shabdaM kUjatAM madhuraM pathi || 16|| atItya ka~nchitpanthAnamaTavInR^ihariM tataH | praNamya tadanuj~nAtaH pravishanvanamantarA || 17|| sAlatAlatamAlAmlachandanAmarabhUruhaiH | nAlikerAmrapanasakadalIkramukairapi || 18|| (nArikelA) puShpavadbhiH phalopetaishChAyAvadbhirmanoharaiH | bhUShitaM bhUruhaishchAnyairnirjjharaishchAmalodakaiH || 19|| siMhaku~njaragovyAghratarakShuhariNAdibhiH | nirvai rairmR^igasa~Nghaishcha ramamANaiH samAkulam || 20|| mayUrakokilAnAM cha madhuraiH kUjitairapi | shArikAshukasaMlApairmoditAkhilachetanam || 21|| chandanAgarusaMvAhimandamArutasevitam | shrImadaprAkR^itaM divyaM jhillikAgaNanAditam || 22|| nayanAnandajanakaM navInaM pashyatAM sadA | sarvatra phalapuShpADhyaM saMpashyeyaM vanasthalam || 23|| tato.anyachChR^i ~NgamAruhya tato.anyatrAvaruhya cha | kvachidgachChan kvachittiShThan kvachiddhyAyan ramApatim || 24|| sAnumanyaM samArohan shrIsha mAmAnayAntikam | iti bruvan yativaraM prApnuyAM parayA mudA || 25|| taM praNamyAbhyanuj~nAtaH paraM panthAnamAsthitaH | archirAdipathe divye mitrachandrendravedhasAm || 26|| lokapa~N ktivadatyantaramyAM maNDapasantatim | saMpashyaMstatra gachCheyaM shaurerdhAmAntikasthalam || 27|| tataH praNavanissvANakAhalInAdameduram ##?## paNavanissANa shR^iNuyAM shrotrasukhadaM divyadundubhinisvanam || 28|| tatashchampakapunnAgavakulAmarabhUruhAm | anyeShAM divyagandhaishcha nAnAvarNairmanoramaiH || 29|| abhra~NkaShANAM kusumairanishaM chitritAmbaram | mallikAmAdhavIjAtipuShpaishchitritabhUtalam || 30|| madhyemadhye lasaddivyalIlAmaNTapashobhitam | tatratatra sthitaiH krIDAshailaishchArubhirujjvalam || 31|| puNyapakShigaNAnAM cha pUritAshAmukhaM ravaiH | padmakalhArakumudanIlotpalasugandhibhiH || 32|| rAjahaMsAdishakunaiH kUjadbhishcha virAjitaiH | sarovApItaTAkAdyairAvR^itaM paramAdbhutaiH || 33|| atipramANamAshcharyAvahamaprAkR^itaM shubham | udyAnashatasAhasramudyatpallavakorakam || 34|| pashyan shR^i~NgavihInaM tadgopuraM prApnuyAM param | tataH shrIveMkaTeshasya mandiraM lokavanditam || 35|| divyaM suvarNaprAkAragopurairujjvalaM mahat | tatashchodyatsahasrAMshushatakoTisamaprabham || 36|| ma~NgalaM sarvajagatAM maNDanaM sheShabhUbhR^itaH | bhUmAvanupamaM divyaM lokAnugrahakAmyayA || 37|| svayaMvyaktaM vimAnaM tadAnandanilayAhvayam | divyaM cha nagaraM pashyan shrIvaikuNThamivAparam || 38|| dhanyo.asmyanugR^ihIto.asmi kR^itArtho.asmIti cha bruvan | paramAnandabharitaH praNameyaM prasannadhIH || 39|| tatassannidhivIthyagrabhUShaNaM pavanAtmajam | namaskR^itya tataH pashyan sahasrastambhamaNTapam || 40|| pravisheyaM prasannAtmA vaikuNThadvAramadbhutam | tataH kA~nchanadIptyA cha ratnakAntyA cha rUpitam || 41|| bhUShitaM divyamAlyaishcha muktAdAmabhireva cha | chandanAgarudhUpaishcha sarvatassurabhIkR^itam || 42|| Aj~nAmudrAdhararbhImairasthAnabhayasha~NkibhiH | chaNDaprachaNDapramukhairdvArapAlaiH surakShitam || 43|| bherImR^ida~NgapaNavatUryasha~NkhAdibhishshubhaiH | aShTAdashavidhairvAdyairAghoShitanabhassthalam || 44|| brahmarudrAdidevAnAM maharShINAM mahAtmanAm | yoginAM sanakAdInAM divyasthAnanivAsinAm || 45|| divyApsarogaNAnAM cha nR^ittaM gItaM cha kurvatAm | chAturvarNyaprasUtAnAM sadA bhaktimatAM harau || 46|| AbAlavR^iddhamAbaddhamastakA~njalishobhinAm | nAnAdeshAgatAnAM cha narANAM bhAgyashAlinAm || 47|| saputramitradArANAM bR^indaiH sAndraM sushobhanam | vichChinnAgraniveshaM tatparItaM dvAramAsthitaH || 48|| praNamya bhaktyA sAShTA~NgaM praharShaM prApnuyAM param | tatra shrIveMkaTAdhIshaM tatastatra kR^itA~njaliH || 49|| rAjavIthIShu ramyAsu pradakShiNaparo bhavan | nityamuktasamAnAnAM tadIyAnAM mahAtmanAm || 50|| bhavanAni vichitrANi pashyan hR^iShTaH punaHpunaH | svAmipuShkariNItIraM shrayeyaM shramanAshanam || 51|| tatastvAchamya tattIrthe kR^itamAdhyAhnikakriyaH | varAharUpiNaM devaM vAmA~Nkasthavasundharam || 52|| praNamya prA~njaliH kuryAM pradakShiNamahaM tataH | tIrthaM pradakShiNaM kurvan shrIshailastutirUpiNIH || 53|| kulashekharasUktIrapyu~nchAryAnamya vai ratham | punaH parItaM vichChinnAbhiniveshamupetya cha || 54|| natvA shrImanmahaddvAraM pravishyAntaH prasannadhIH | AsthAnachi~nchAmachalachChAyAM sheShAMshakAM tataH || 55|| Anamya maNTapAMshchaiva pashyeyaM vipulonnatAn | balipIThaM mahAdivyaM brahmarudrAdisevitam || 56|| dhvajastambhena sahitaM praNamya prA~njalirmudA | bhAvayeyaM vR^iShAdrIshaM praNatArtiharaM prabhum || 57|| tatra pradakShiNaparAnnamaskAraparAn muhuH | vedapArAyaNaparAn vedAntavyAkriyAparAn || 58|| itihAsapurANAdIn paThataH shR^iNvato.api cha | stotrapAThe cha niratAn brahmavidyAsu niShThitAn || 59|| sa~NkIrtanaparAn shaureH guNashravaNatatparAn | dhyAnaniShThAn yoganiShThA~njapashIlAMstathA yatIn || 60|| AbaddhA~njalipadmAM ##?##shchApyA##?## nandAshrubhirAplutAn | pulakA~nchitagAtrAMshcha pUtabhAvAnmahAtmanaH || 61|| santAnadhanarAjyashrIsaMpadAdivarArthinaH | labdhvA varaM tatastUrNamiShTAlApaparAnapi || 62|| sarvAnmahAbhAgavatAn saMpashyeyaM punaHpunaH | tato venkaTanAyakyAH sthAnaM dR^iShTvA tataHparam || 63|| Anamya champakataruM tannAmA~NkitavIthikAm | pradakShiNaparassarvaM pashyeyaM cha kR^itA~njaliH || 64|| shAlimudgatilAdInAM shAlAstatra sahasrashaH | sarvasaMpatsamR^iddhAshcha pAkashAlA manoramAH || 65|| svAmipuShkariNItIrthaM dR^iShTvA.a.achamya tataHparam | yAmuneyAbhidhaM divyaM mAlyAgAraM manoharam || 66|| gopInAM ramaNaM tatra veNunAdavinodinam | suvarNamaNTapaM chaiva nArAyaNagiriM tathA || 67|| balipIThaM punargatvA pratyagdvAraM cha chAmpakam | baddhA~njalistataH pashyanprAsAdAnparamAdbhutAn || 68|| pAyasAnnairguDAnnaishcha shuddhairodanarAshibhiH | dadhikShIrAjyasaMpannairmR^iShTAnnairvividhodanaiH || 69|| apUpaiH svAdubhirhR^idyaiH shAlipiShTopapAditaiH | sugandhairgoghR^itaiH pakvaiH prabhUtaguDasaMmitaiH || 70|| pR^ithukairguDasaMmishraissajIrakamarIchakaiH | kandamUlaphalaishchaiva vya~njanairvividhairapi || 71|| saMpUrNaM pAkashAlAM cha saMpravishyAtha sannataH | shriyaM tatra sthitAM devIM shrInivAsamanaHpriyAm || 72|| praNameyaM tadAj~napto bhajeyaM yAgashAlikAm | divyaM tato ratnamayaM shrImahAmaNiamaNTapam || 73|| tatra shayyAgR^ihaM ramyaM tatrasthaM devamachyutam | shriyA devyA dharaNyA cha sevitaM pArshvayossadA || 74|| utsavArhamudArA~NgamujjvalAyudhabhUShaNam | praNipatya prasannAtmA paramAnandamApnuyAm || 75|| tataH parItya taM dhanyo vastrAgAraM maharddhimat | vAhanAni mahArhANi vimAnaM chAnatastataH || 76|| ChatrachAmarakoshaM cha shrayeyaM sainyanAyakam | tato rAmAnujAchAryaM prapannakulashekharam || 77|| aprAkR^itaM vimAnaM cha AnandanilayAhvayam | praNamya tadanuj~nAtaH praNamannR^ihariM tataH || 78|| pradakShiNaparo bhUtvA pakShirAjaM trayImayam | paramAnandajanakaM pashyeyaM puShpamaNTapam || 79|| pravishya pakShirAjaM cha bhajeyaM dvArapAlakau | tatastatra vichitrANi ratnAni vividhAni cha || 80|| vAhanAni mahArhANi bhUShaNAni sahasrashaH | divyAmbarANyanekAni kShaumapItAmbarANi cha || 81|| suvarNaraupyakhaNDAni dhanAni vividhAni cha | gajAMshcha pashusa~NghAMshcha ChatravyajanachAmaraiH || 82|| samastadeshajAtAni vastUnyanyAnyanekashaH | shrIveMkaTeshaprItyarthaM sarvadeshanivAsibhiH || 83|| sarvAn samarpitAn pashyannupahArAMshcha sannidhau | AtmasvarUpAnuguNamapi shrIshamanaHpriyam || 84|| dravyaM vyakti~nchidtulamupahAraM samarpya cha | praNaman parayA bhaktyA bhajeyaM kR^itakR^ityatAm || 85|| tato rAmAnujAchAryaM puraskR^itya yatIshvaram | shrIveMkaTAchalAdhIshaM shrInidhiM karuNaniadhim || 86|| asmadbhAgyaparIpAkamakhilAbhIShTadAyinam | nAthaM samastajagatAM nAthaM naH kuladaivatam || 87|| mAtaraM pitaraM bandhuM bhrAtaraM suhR^idaM gurum | asmatkuladhanaM bhogyamAchAryakuladarshitam || 88|| sheShAchalashiroratnaM shrInivAsaM parAtparam | mahanIyaM paraM brahma vandiShIya punaHpunaH || 89|| pashyan raman samuttiShThaMstuvannR^ityan punaHpunaH | pulakA~nchitagAtrashcha bhaveyaM prA~njalistataH || 90|| dvArapAlAbhyanuj~nAtaH kR^ipayA chAvalokitaH | katha~nchitpravishan bhIto mahAmaNTapamantarA || 91|| pashyan hariM prasannAtmA prApnuyAmardhamaNTapam | tasmindhanurdharaM rAmaM saumitrimapi jAnakIm || 92|| hanUmantaM cha sugrIvama~NgadaM dautyalakShaNam | viShvaksenaM viha~NgeshamanantaM chAnatastataH || 93|| upasR^itya cha sopAnaM kulashekharanAma ##?##ya##?## kam | bhayabhaktisamAkrAntaH pArshvaM dakShiNamAsthitaH || 94|| nibhrutaH praNataH prahvo bhaveyaM prA~njalistataH | shubhAH shrIbhaTTanAthasya sUktIrma~NgalarUpiNIH || 95|| shaThArikalijissUktIshsharaNAgativAchikAH | shrIveMkaTeshaviShayAH shrInivAsamanaHpriyAH || 96|| tadIyapravaraiH sArdhaM gadyaM chApyanusandadhat | shrIbhUminIlAdevInAM divyahastopalAlitau || 97|| sharaNyau chAsharaNyAnAM sha~NkhachakrAdichihnitau | vilAsavikramakrAntatrailokyau lokapAvanau || 98|| vandArujanamandArau ma~njIradyutira~njitau | haMsakAla~NkR^itau divyau ki~NkiNIkavibhUShitau || 99|| pArijAtAdikusumaiH sUribhishchArchitau sadA | shrImachChaThArikalijichChrIrAmAnujayogibhiH || 100|| prApyaprApakabhAvena prapannau parabhaktitaH | seveya shrInivAsasya charaNau jalajopamau || 101|| sauvarNakAhalAkAre ja~Nghe sarvamanohare | samAnasaMniveshaM cha chArujAnuyugaM tathA || 102|| kadalIkANDakAntoruyugalaM chAtisundaram | divyapItAmbarAshliShTaM dIprakA~nchIguNojjvalam || 103|| kaTItaTaM cha ruchiraM kAntakha~NgavirAjitam | vandArubhavavArAshikaTIdaghnatvasUchakam || 104|| karaM vAmaM kaTinyastaM kanatka~NkaNabhUShaNam | vaikuNThametaddhAmeti vya~njakaM dakShiNaM karam || 105|| lAvaNyanimnagAvartanAbhiM chApi tanUdaram | indirAmandiraM vakShashchandrachandanacharchitam || 106|| viharantIM shriyaM tatra veMkaTAchalanAyakAm | grIvAM cha kambuvatkAntAM graiveyakavibhUShitAm || 107|| samastashokashamanaM chandrakAntaM tadAnanam | shuchismitaM sundaroShTaM shobhanAdharapallavam || 108|| sukapolau sunAsAM cha sundarabhrUlatAyugam | dayAka~nchukitApA~NgairdR^iShTAdR^iShTaphalaprade || 109|| divyAmbujadalAkAre dIrghe divye cha lochane | tathA karayugA da~nchachCha~Nkhachakre sadojjvale || 110|| karayugo unnatAMsayugAlambilasanmakarakuNDale | udagrakarNachApau chApyullasatkarNapUrake || 111|| ramye lalATe vilasadUrdhvapuNDraM lalATikAm | lasadratnakirITaM cha jagannAthatvasUchakam || 112|| evaM sarvA~NgasaundaryamiyatArahitaM prabhum | ApAdamaulilAvaNyamakhilAbharaNAdikam || 113|| samastArtiharaM sadyassaukhyadaM cha pR^ithak pR^ithak | anubhUyAnubhUyAhamApnuyAM prItimuttamAm || 114|| sarvA~NgasundaraM puMsAM dR^iShTichittApahAriNam | mahanIyopavItena vaijayantyAdibhUShitam || 115|| hArakeyUrakaTakairanyairAbharaNottamaiH | mAlyaishchandanapunnAgamAlatIkusumA~nchitaiH || 116|| champaka anyaiH kamalakalhArairasaMkhyeyairala~NkR^itam | saushIlyAshritavAtsalyasaulabhyAdiguNArNavam || 117|| vedAntavedyavibhavaM vidhirudrAdisevitam | chintAmaNimasheShANAM sheShAchalashiromaNim || 118|| shrIbhUnIlAkuchamaNiM devadevashikhAmaNim | vaikuNThanAthaM mannAthaM vAsudevamivAparam || 119|| ve~NkaTAchalashR^i~NgAgraMvihArarasikaM harim | pashyan pashyanprasannAtmA bhaveyaM nityaki~NkaraH || 120|| itthaM shrIve~NkaTeshasya sevAkramaparAM shubhAm | gArgyashrIshaThajiddAsasUktiM shrutisukhAvahAm || 121|| prApyAM cha prArthanArUpAmanusandadhato.anvaham | labhante shrInivAsasya nityasevAmanuttamAm || 122|| || shrIghanaguravenamaH || || iti veMkaTeshasevAkramaH || ## Encoded and proofread by Malleswara Rao Yellapragada malleswararaoy at yahoo.com From a telugu book veNkaTeshakAvyakalApa \medskip\hrule\obeylines Please send corrections to sanskrit@cheerful.com Last updated \today http://sanskritdocuments.org \end{document}