વેઙ્કટેશસેવાક્રમઃ
{ વેઙ્કટેશસેવાક્રમઃ }
યશ્ચક્રે વેંકટેશસ્ય સેવાક્રમમનુત્તમમ્
તં શઠારિગુરું વન્દે ગાર્ગ્યં શ્રીપુરવાસિનમ્
શ્રીવેન્કટાચલાધીશં શ્રિયાઽધ્યાસિતવક્ષસમ્
શ્રિતચેતનમન્દારં શ્રીનિવાસમહં ભજે ૧
પ્રાતરુત્થાય પૂતાત્મા ધ્યાયેય સ્વગુરોઃ પદે
શ્રીવેંકટેશપાદાબ્જે ઇયાસુવેંકટાચલમ્ ૨
ચક્રતીર્થે તતઃ સ્નાત્વા કૃતપૂર્વાહ્નિકક્રિયઃ
ધ્યાયન્ શ્રિવેંકટાધીશં સેવેયાઞ્જનભૂધરમ્ ૩
તતઃ પશ્ચિમદિગ્ભાગે ગત્વા કઞ્ચિન્મહાપથમ્
શ્રીવેંકટગિરેર્મૂલે શેષાંશેનોત્થિતાં ભુવઃ ૪
ચિઞ્ચામુન્નિદ્રસુભગાં દિવ્યાં તન્મૂલતઃ શુભે
શ્રીનિવાસપદામ્ભોજે સ્વસંકલ્પાત્ સમુત્થિતે ૫
તન્મૂલતઃ સ્વયંવ્યક્તાન્ સરોયોગિમુખાનપિ
લક્ષ્મીનૃસિંહં શેષાદ્રિં પ્રણિપત્ય કૃતાઞ્જલિઃ ૬
દયાશતકમપ્યુચ્ચૈઃ સ્તોત્રગદ્યે સમુઞ્ચરન્
ભક્તૈર્ભાગવતૈસ્સાર્ધમારોહેયં વૃષાચલમ્ ૭
ઘુપ્યદ્ભિઃ સઙ્ઘશશ્ચોચ્ચૈર્ગોવિન્દેતિ પુનઃપુનઃ
ગચ્છદ્ભિઃ સ્વામિસેવાર્થમાગચ્છદ્ભિર્નિરન્તરમ્ ૮
સંપૂર્ણં લબ્ધકામૈશ્ચ ચતુર્વર્ગાર્થિભિર્નરૈઃ
શિખરાણિ ચ રમ્યાણિ નિર્જ્ઝરાન્ પરિષત્પ્રભુમ્ ૯
શ્રીવેંકટેશં સંસેવ્ય ગચ્છેયં તં મહાપથમ્
આરુહ્ય તિષ્ઠન્નામોદાદઞ્જ્નાદ્રિશિરોવરમ્ ૧૦
શ્રીવેંકટાચલપ્રાન્તભૂમિપર્યન્તપર્વતાન્
વાપીકૂપતટાકાદીન્ વનાન્યુપવનાનિ ચ ૧૧
સુવર્ણમુખરીં ચૈવ શોભમાનાં મહાનદીમ્
ધામ ગોવિન્દરાજસ્ય પશ્યેયં શ્રીપુરીમપિ ૧૨
તતઃ કર્પૂરસુરભિતીર્થં કર્પૂરનિર્જ્ઝરમ્
ગત્વાઽઽચમ્ય તતશ્ચાન્યચ્છૃઙ્ગમારુહ્ય સુન્દરમ્ ૧૩
પક્ષિવૃક્ષાકૃતિધરૈર્નિબિડં નિત્યસૂરિભિઃ
શીઘ્રં ક્વચિઞ્ચ ગચ્છેયં સેવાચપલમાનસઃ ૧૪
સુખમત્રૈવ વર્તેય રમ્યે શ્રીશૈલસાનુનિ
ઇતીરયન્મન્દમતિર્ગચ્છેયં કુત્રચિત્પુનઃ ૧૫
સુવર્ચસાં સુરૂપાણાં પુણ્યાનાં મૃગપક્ષિણામ્
શૃણુયામદ્ભુતં શબ્દં કૂજતાં મધુરં પથિ ૧૬
અતીત્ય કઞ્ચિત્પન્થાનમટવીનૃહરિં તતઃ
પ્રણમ્ય તદનુજ્ઞાતઃ પ્રવિશન્વનમન્તરા ૧૭
સાલતાલતમાલામ્લચન્દનામરભૂરુહૈઃ
નાલિકેરામ્રપનસકદલીક્રમુકૈરપિ ૧૮ (નારિકેલા)
પુષ્પવદ્ભિઃ ફલોપેતૈશ્છાયાવદ્ભિર્મનોહરૈઃ
ભૂષિતં ભૂરુહૈશ્ચાન્યૈર્નિર્જ્ઝરૈશ્ચામલોદકૈઃ ૧૯
સિંહકુઞ્જરગોવ્યાઘ્રતરક્ષુહરિણાદિભિઃ
નિર્વૈ રૈર્મૃગસઙ્ઘૈશ્ચ રમમાણૈઃ સમાકુલમ્ ૨૦
મયૂરકોકિલાનાં ચ મધુરૈઃ કૂજિતૈરપિ
શારિકાશુકસંલાપૈર્મોદિતાખિલચેતનમ્ ૨૧
ચન્દનાગરુસંવાહિમન્દમારુતસેવિતમ્
શ્રીમદપ્રાકૃતં દિવ્યં ઝિલ્લિકાગણનાદિતમ્ ૨૨
નયનાનન્દજનકં નવીનં પશ્યતાં સદા
સર્વત્ર ફલપુષ્પાઢ્યં સંપશ્યેયં વનસ્થલમ્ ૨૩
તતોઽન્યચ્છૃ ઙ્ગમારુહ્ય તતોઽન્યત્રાવરુહ્ય ચ
ક્વચિદ્ગચ્છન્ ક્વચિત્તિષ્ઠન્ ક્વચિદ્ધ્યાયન્ રમાપતિમ્ ૨૪
સાનુમન્યં સમારોહન્ શ્રીશ મામાનયાન્તિકમ્
ઇતિ બ્રુવન્ યતિવરં પ્રાપ્નુયાં પરયા મુદા ૨૫
તં પ્રણમ્યાભ્યનુજ્ઞાતઃ પરં પન્થાનમાસ્થિતઃ
અર્ચિરાદિપથે દિવ્યે મિત્રચન્દ્રેન્દ્રવેધસામ્ ૨૬
લોકપઙ્ ક્તિવદત્યન્તરમ્યાં મણ્ડપસન્તતિમ્
સંપશ્યંસ્તત્ર ગચ્છેયં શૌરેર્ધામાન્તિકસ્થલમ્ ૨૭
તતઃ પ્રણવનિસ્સ્વાણકાહલીનાદમેદુરમ્ ? પણવનિસ્સાણ
શૃણુયાં શ્રોત્રસુખદં દિવ્યદુન્દુભિનિસ્વનમ્ ૨૮
તતશ્ચમ્પકપુન્નાગવકુલામરભૂરુહામ્
અન્યેષાં દિવ્યગન્ધૈશ્ચ નાનાવર્ણૈર્મનોરમૈઃ ૨૯
અભ્રઙ્કષાણાં કુસુમૈરનિશં ચિત્રિતામ્બરમ્
મલ્લિકામાધવીજાતિપુષ્પૈશ્ચિત્રિતભૂતલમ્ ૩૦
મધ્યેમધ્યે લસદ્દિવ્યલીલામણ્ટપશોભિતમ્
તત્રતત્ર સ્થિતૈઃ ક્રીડાશૈલૈશ્ચારુભિરુજ્જ્વલમ્ ૩૧
પુણ્યપક્ષિગણાનાં ચ પૂરિતાશામુખં રવૈઃ
પદ્મકલ્હારકુમુદનીલોત્પલસુગન્ધિભિઃ ૩૨
રાજહંસાદિશકુનૈઃ કૂજદ્ભિશ્ચ વિરાજિતૈઃ
સરોવાપીતટાકાદ્યૈરાવૃતં પરમાદ્ભુતૈઃ ૩૩
અતિપ્રમાણમાશ્ચર્યાવહમપ્રાકૃતં શુભમ્
ઉદ્યાનશતસાહસ્રમુદ્યત્પલ્લવકોરકમ્ ૩૪
પશ્યન્ શૃઙ્ગવિહીનં તદ્ગોપુરં પ્રાપ્નુયાં પરમ્
તતઃ શ્રીવેંકટેશસ્ય મન્દિરં લોકવન્દિતમ્ ૩૫
દિવ્યં સુવર્ણપ્રાકારગોપુરૈરુજ્જ્વલં મહત્
તતશ્ચોદ્યત્સહસ્રાંશુશતકોટિસમપ્રભમ્ ૩૬
મઙ્ગલં સર્વજગતાં મણ્ડનં શેષભૂભૃતઃ
ભૂમાવનુપમં દિવ્યં લોકાનુગ્રહકામ્યયા ૩૭
સ્વયંવ્યક્તં વિમાનં તદાનન્દનિલયાહ્વયમ્
દિવ્યં ચ નગરં પશ્યન્ શ્રીવૈકુણ્ઠમિવાપરમ્ ૩૮
ધન્યોઽસ્મ્યનુગૃહીતોઽસ્મિ કૃતાર્થોઽસ્મીતિ ચ બ્રુવન્
પરમાનન્દભરિતઃ પ્રણમેયં પ્રસન્નધીઃ ૩૯
તતસ્સન્નિધિવીથ્યગ્રભૂષણં પવનાત્મજમ્
નમસ્કૃત્ય તતઃ પશ્યન્ સહસ્રસ્તમ્ભમણ્ટપમ્ ૪૦
પ્રવિશેયં પ્રસન્નાત્મા વૈકુણ્ઠદ્વારમદ્ભુતમ્
તતઃ કાઞ્ચનદીપ્ત્યા ચ રત્નકાન્ત્યા ચ રૂપિતમ્ ૪૧
ભૂષિતં દિવ્યમાલ્યૈશ્ચ મુક્તાદામભિરેવ ચ
ચન્દનાગરુધૂપૈશ્ચ સર્વતસ્સુરભીકૃતમ્ ૪૨
આજ્ઞામુદ્રાધરર્ભીમૈરસ્થાનભયશઙ્કિભિઃ
ચણ્ડપ્રચણ્ડપ્રમુખૈર્દ્વારપાલૈઃ સુરક્ષિતમ્ ૪૩
ભેરીમૃદઙ્ગપણવતૂર્યશઙ્ખાદિભિશ્શુભૈઃ
અષ્ટાદશવિધૈર્વાદ્યૈરાઘોષિતનભસ્સ્થલમ્ ૪૪
બ્રહ્મરુદ્રાદિદેવાનાં મહર્ષીણાં મહાત્મનામ્
યોગિનાં સનકાદીનાં દિવ્યસ્થાનનિવાસિનામ્ ૪૫
દિવ્યાપ્સરોગણાનાં ચ નૃત્તં ગીતં ચ કુર્વતામ્
ચાતુર્વર્ણ્યપ્રસૂતાનાં સદા ભક્તિમતાં હરૌ ૪૬
આબાલવૃદ્ધમાબદ્ધમસ્તકાઞ્જલિશોભિનામ્
નાનાદેશાગતાનાં ચ નરાણાં ભાગ્યશાલિનામ્ ૪૭
સપુત્રમિત્રદારાણાં બૃન્દૈઃ સાન્દ્રં સુશોભનમ્
વિચ્છિન્નાગ્રનિવેશં તત્પરીતં દ્વારમાસ્થિતઃ ૪૮
પ્રણમ્ય ભક્ત્યા સાષ્ટાઙ્ગં પ્રહર્ષં પ્રાપ્નુયાં પરમ્
તત્ર શ્રીવેંકટાધીશં તતસ્તત્ર કૃતાઞ્જલિઃ ૪૯
રાજવીથીષુ રમ્યાસુ પ્રદક્ષિણપરો ભવન્
નિત્યમુક્તસમાનાનાં તદીયાનાં મહાત્મનામ્ ૫૦
ભવનાનિ વિચિત્રાણિ પશ્યન્ હૃષ્ટઃ પુનઃપુનઃ
સ્વામિપુષ્કરિણીતીરં શ્રયેયં શ્રમનાશનમ્ ૫૧
તતસ્ત્વાચમ્ય તત્તીર્થે કૃતમાધ્યાહ્નિકક્રિયઃ
વરાહરૂપિણં દેવં વામાઙ્કસ્થવસુન્ધરમ્ ૫૨
પ્રણમ્ય પ્રાઞ્જલિઃ કુર્યાં પ્રદક્ષિણમહં તતઃ
તીર્થં પ્રદક્ષિણં કુર્વન્ શ્રીશૈલસ્તુતિરૂપિણીઃ ૫૩
કુલશેખરસૂક્તીરપ્યુઞ્ચાર્યાનમ્ય વૈ રથમ્
પુનઃ પરીતં વિચ્છિન્નાભિનિવેશમુપેત્ય ચ ૫૪
નત્વા શ્રીમન્મહદ્દ્વારં પ્રવિશ્યાન્તઃ પ્રસન્નધીઃ
આસ્થાનચિઞ્ચામચલચ્છાયાં શેષાંશકાં તતઃ ૫૫
આનમ્ય મણ્ટપાંશ્ચૈવ પશ્યેયં વિપુલોન્નતાન્
બલિપીઠં મહાદિવ્યં બ્રહ્મરુદ્રાદિસેવિતમ્ ૫૬
ધ્વજસ્તમ્ભેન સહિતં પ્રણમ્ય પ્રાઞ્જલિર્મુદા
ભાવયેયં વૃષાદ્રીશં પ્રણતાર્તિહરં પ્રભુમ્ ૫૭
તત્ર પ્રદક્ષિણપરાન્નમસ્કારપરાન્ મુહુઃ
વેદપારાયણપરાન્ વેદાન્તવ્યાક્રિયાપરાન્ ૫૮
ઇતિહાસપુરાણાદીન્ પઠતઃ શૃણ્વતોઽપિ ચ
સ્તોત્રપાઠે ચ નિરતાન્ બ્રહ્મવિદ્યાસુ નિષ્ઠિતાન્ ૫૯
સઙ્કીર્તનપરાન્ શૌરેઃ ગુણશ્રવણતત્પરાન્
ધ્યાનનિષ્ઠાન્ યોગનિષ્ઠાઞ્જપશીલાંસ્તથા યતીન્ ૬૦
આબદ્ધાઞ્જલિપદ્માં ?શ્ચાપ્યા? નન્દાશ્રુભિરાપ્લુતાન્
પુલકાઞ્ચિતગાત્રાંશ્ચ પૂતભાવાન્મહાત્મનઃ ૬૧
સન્તાનધનરાજ્યશ્રીસંપદાદિવરાર્થિનઃ
લબ્ધ્વા વરં તતસ્તૂર્ણમિષ્ટાલાપપરાનપિ ૬૨
સર્વાન્મહાભાગવતાન્ સંપશ્યેયં પુનઃપુનઃ
તતો વેન્કટનાયક્યાઃ સ્થાનં દૃષ્ટ્વા તતઃપરમ્ ૬૩
આનમ્ય ચમ્પકતરું તન્નામાઙ્કિતવીથિકામ્
પ્રદક્ષિણપરસ્સર્વં પશ્યેયં ચ કૃતાઞ્જલિઃ ૬૪
શાલિમુદ્ગતિલાદીનાં શાલાસ્તત્ર સહસ્રશઃ
સર્વસંપત્સમૃદ્ધાશ્ચ પાકશાલા મનોરમાઃ ૬૫
સ્વામિપુષ્કરિણીતીર્થં દૃષ્ટ્વાઽઽચમ્ય તતઃપરમ્
યામુનેયાભિધં દિવ્યં માલ્યાગારં મનોહરમ્ ૬૬
ગોપીનાં રમણં તત્ર વેણુનાદવિનોદિનમ્
સુવર્ણમણ્ટપં ચૈવ નારાયણગિરિં તથા ૬૭
બલિપીઠં પુનર્ગત્વા પ્રત્યગ્દ્વારં ચ ચામ્પકમ્
બદ્ધાઞ્જલિસ્તતઃ પશ્યન્પ્રાસાદાન્પરમાદ્ભુતાન્ ૬૮
પાયસાન્નૈર્ગુડાન્નૈશ્ચ શુદ્ધૈરોદનરાશિભિઃ
દધિક્ષીરાજ્યસંપન્નૈર્મૃષ્ટાન્નૈર્વિવિધોદનૈઃ ૬૯
અપૂપૈઃ સ્વાદુભિર્હૃદ્યૈઃ શાલિપિષ્ટોપપાદિતૈઃ
સુગન્ધૈર્ગોઘૃતૈઃ પક્વૈઃ પ્રભૂતગુડસંમિતૈઃ ૭૦
પૃથુકૈર્ગુડસંમિશ્રૈસ્સજીરકમરીચકૈઃ
કન્દમૂલફલૈશ્ચૈવ વ્યઞ્જનૈર્વિવિધૈરપિ ૭૧
સંપૂર્ણં પાકશાલાં ચ સંપ્રવિશ્યાથ સન્નતઃ
શ્રિયં તત્ર સ્થિતાં દેવીં શ્રીનિવાસમનઃપ્રિયામ્ ૭૨
પ્રણમેયં તદાજ્ઞપ્તો ભજેયં યાગશાલિકામ્
દિવ્યં તતો રત્નમયં શ્રીમહામણિઅમણ્ટપમ્ ૭૩
તત્ર શય્યાગૃહં રમ્યં તત્રસ્થં દેવમચ્યુતમ્
શ્રિયા દેવ્યા ધરણ્યા ચ સેવિતં પાર્શ્વયોસ્સદા ૭૪
ઉત્સવાર્હમુદારાઙ્ગમુજ્જ્વલાયુધભૂષણમ્
પ્રણિપત્ય પ્રસન્નાત્મા પરમાનન્દમાપ્નુયામ્ ૭૫
તતઃ પરીત્ય તં ધન્યો વસ્ત્રાગારં મહર્દ્ધિમત્
વાહનાનિ મહાર્હાણિ વિમાનં ચાનતસ્તતઃ ૭૬
છત્રચામરકોશં ચ શ્રયેયં સૈન્યનાયકમ્
તતો રામાનુજાચાર્યં પ્રપન્નકુલશેખરમ્ ૭૭
અપ્રાકૃતં વિમાનં ચ આનન્દનિલયાહ્વયમ્
પ્રણમ્ય તદનુજ્ઞાતઃ પ્રણમન્નૃહરિં તતઃ ૭૮
પ્રદક્ષિણપરો ભૂત્વા પક્ષિરાજં ત્રયીમયમ્
પરમાનન્દજનકં પશ્યેયં પુષ્પમણ્ટપમ્ ૭૯
પ્રવિશ્ય પક્ષિરાજં ચ ભજેયં દ્વારપાલકૌ
તતસ્તત્ર વિચિત્રાણિ રત્નાનિ વિવિધાનિ ચ ૮૦
વાહનાનિ મહાર્હાણિ ભૂષણાનિ સહસ્રશઃ
દિવ્યામ્બરાણ્યનેકાનિ ક્ષૌમપીતામ્બરાણિ ચ ૮૧
સુવર્ણરૌપ્યખણ્ડાનિ ધનાનિ વિવિધાનિ ચ
ગજાંશ્ચ પશુસઙ્ઘાંશ્ચ છત્રવ્યજનચામરૈઃ ૮૨
સમસ્તદેશજાતાનિ વસ્તૂન્યન્યાન્યનેકશઃ
શ્રીવેંકટેશપ્રીત્યર્થં સર્વદેશનિવાસિભિઃ ૮૩
સર્વાન્ સમર્પિતાન્ પશ્યન્નુપહારાંશ્ચ સન્નિધૌ
આત્મસ્વરૂપાનુગુણમપિ શ્રીશમનઃપ્રિયમ્ ૮૪
દ્રવ્યં વ્યક્તિઞ્ચિદ્તુલમુપહારં સમર્પ્ય ચ
પ્રણમન્ પરયા ભક્ત્યા ભજેયં કૃતકૃત્યતામ્ ૮૫
તતો રામાનુજાચાર્યં પુરસ્કૃત્ય યતીશ્વરમ્
શ્રીવેંકટાચલાધીશં શ્રીનિધિં કરુણનિઅધિમ્ ૮૬
અસ્મદ્ભાગ્યપરીપાકમખિલાભીષ્ટદાયિનમ્
નાથં સમસ્તજગતાં નાથં નઃ કુલદૈવતમ્ ૮૭
માતરં પિતરં બન્ધું ભ્રાતરં સુહૃદં ગુરુમ્
અસ્મત્કુલધનં ભોગ્યમાચાર્યકુલદર્શિતમ્ ૮૮
શેષાચલશિરોરત્નં શ્રીનિવાસં પરાત્પરમ્
મહનીયં પરં બ્રહ્મ વન્દિષીય પુનઃપુનઃ ૮૯
પશ્યન્ રમન્ સમુત્તિષ્ઠંસ્તુવન્નૃત્યન્ પુનઃપુનઃ
પુલકાઞ્ચિતગાત્રશ્ચ ભવેયં પ્રાઞ્જલિસ્તતઃ ૯૦
દ્વારપાલાભ્યનુજ્ઞાતઃ કૃપયા ચાવલોકિતઃ
કથઞ્ચિત્પ્રવિશન્ ભીતો મહામણ્ટપમન્તરા ૯૧
પશ્યન્ હરિં પ્રસન્નાત્મા પ્રાપ્નુયામર્ધમણ્ટપમ્
તસ્મિન્ધનુર્ધરં રામં સૌમિત્રિમપિ જાનકીમ્ ૯૨
હનૂમન્તં ચ સુગ્રીવમઙ્ગદં દૌત્યલક્ષણમ્
વિષ્વક્સેનં વિહઙ્ગેશમનન્તં ચાનતસ્તતઃ ૯૩
ઉપસૃત્ય ચ સોપાનં કુલશેખરનામ ?ય? કમ્
ભયભક્તિસમાક્રાન્તઃ પાર્શ્વં દક્ષિણમાસ્થિતઃ ૯૪
નિભ્રુતઃ પ્રણતઃ પ્રહ્વો ભવેયં પ્રાઞ્જલિસ્તતઃ
શુભાઃ શ્રીભટ્ટનાથસ્ય સૂક્તીર્મઙ્ગલરૂપિણીઃ ૯૫
શઠારિકલિજિસ્સૂક્તીશ્શરણાગતિવાચિકાઃ
શ્રીવેંકટેશવિષયાઃ શ્રીનિવાસમનઃપ્રિયાઃ ૯૬
તદીયપ્રવરૈઃ સાર્ધં ગદ્યં ચાપ્યનુસન્દધત્
શ્રીભૂમિનીલાદેવીનાં દિવ્યહસ્તોપલાલિતૌ ૯૭
શરણ્યૌ ચાશરણ્યાનાં શઙ્ખચક્રાદિચિહ્નિતૌ
વિલાસવિક્રમક્રાન્તત્રૈલોક્યૌ લોકપાવનૌ ૯૮
વન્દારુજનમન્દારૌ મઞ્જીરદ્યુતિરઞ્જિતૌ
હંસકાલઙ્કૃતૌ દિવ્યૌ કિઙ્કિણીકવિભૂષિતૌ ૯૯
પારિજાતાદિકુસુમૈઃ સૂરિભિશ્ચાર્ચિતૌ સદા
શ્રીમચ્છઠારિકલિજિચ્છ્રીરામાનુજયોગિભિઃ ૧૦૦
પ્રાપ્યપ્રાપકભાવેન પ્રપન્નૌ પરભક્તિતઃ
સેવેય શ્રીનિવાસસ્ય ચરણૌ જલજોપમૌ ૧૦૧
સૌવર્ણકાહલાકારે જઙ્ઘે સર્વમનોહરે
સમાનસંનિવેશં ચ ચારુજાનુયુગં તથા ૧૦૨
કદલીકાણ્ડકાન્તોરુયુગલં ચાતિસુન્દરમ્
દિવ્યપીતામ્બરાશ્લિષ્ટં દીપ્રકાઞ્ચીગુણોજ્જ્વલમ્ ૧૦૩
કટીતટં ચ રુચિરં કાન્તખઙ્ગવિરાજિતમ્
વન્દારુભવવારાશિકટીદઘ્નત્વસૂચકમ્ ૧૦૪
કરં વામં કટિન્યસ્તં કનત્કઙ્કણભૂષણમ્
વૈકુણ્ઠમેતદ્ધામેતિ વ્યઞ્જકં દક્ષિણં કરમ્ ૧૦૫
લાવણ્યનિમ્નગાવર્તનાભિં ચાપિ તનૂદરમ્
ઇન્દિરામન્દિરં વક્ષશ્ચન્દ્રચન્દનચર્ચિતમ્ ૧૦૬
વિહરન્તીં શ્રિયં તત્ર વેંકટાચલનાયકામ્
ગ્રીવાં ચ કમ્બુવત્કાન્તાં ગ્રૈવેયકવિભૂષિતામ્ ૧૦૭
સમસ્તશોકશમનં ચન્દ્રકાન્તં તદાનનમ્
શુચિસ્મિતં સુન્દરોષ્ટં શોભનાધરપલ્લવમ્ ૧૦૮
સુકપોલૌ સુનાસાં ચ સુન્દરભ્રૂલતાયુગમ્
દયાકઞ્ચુકિતાપાઙ્ગૈર્દૃષ્ટાદૃષ્ટફલપ્રદે ૧૦૯
દિવ્યામ્બુજદલાકારે દીર્ઘે દિવ્યે ચ લોચને
તથા કરયુગા દઞ્ચચ્છઙ્ખચક્રે સદોજ્જ્વલે ૧૧૦ કરયુગો
ઉન્નતાંસયુગાલમ્બિલસન્મકરકુણ્ડલે
ઉદગ્રકર્ણચાપૌ ચાપ્યુલ્લસત્કર્ણપૂરકે ૧૧૧
રમ્યે લલાટે વિલસદૂર્ધ્વપુણ્ડ્રં લલાટિકામ્
લસદ્રત્નકિરીટં ચ જગન્નાથત્વસૂચકમ્ ૧૧૨
એવં સર્વાઙ્ગસૌન્દર્યમિયતારહિતં પ્રભુમ્
આપાદમૌલિલાવણ્યમખિલાભરણાદિકમ્ ૧૧૩
સમસ્તાર્તિહરં સદ્યસ્સૌખ્યદં ચ પૃથક્ પૃથક્
અનુભૂયાનુભૂયાહમાપ્નુયાં પ્રીતિમુત્તમામ્ ૧૧૪
સર્વાઙ્ગસુન્દરં પુંસાં દૃષ્ટિચિત્તાપહારિણમ્
મહનીયોપવીતેન વૈજયન્ત્યાદિભૂષિતમ્ ૧૧૫
હારકેયૂરકટકૈરન્યૈરાભરણોત્તમૈઃ
માલ્યૈશ્ચન્દનપુન્નાગમાલતીકુસુમાઞ્ચિતૈઃ ૧૧૬ ચમ્પક
અન્યૈઃ કમલકલ્હારૈરસંખ્યેયૈરલઙ્કૃતમ્
સૌશીલ્યાશ્રિતવાત્સલ્યસૌલભ્યાદિગુણાર્ણવમ્ ૧૧૭
વેદાન્તવેદ્યવિભવં વિધિરુદ્રાદિસેવિતમ્
ચિન્તામણિમશેષાણાં શેષાચલશિરોમણિમ્ ૧૧૮
શ્રીભૂનીલાકુચમણિં દેવદેવશિખામણિમ્
વૈકુણ્ઠનાથં મન્નાથં વાસુદેવમિવાપરમ્ ૧૧૯
વેઙ્કટાચલશૃઙ્ગાગ્રંવિહારરસિકં હરિમ્
પશ્યન્ પશ્યન્પ્રસન્નાત્મા ભવેયં નિત્યકિઙ્કરઃ ૧૨૦
ઇત્થં શ્રીવેઙ્કટેશસ્ય સેવાક્રમપરાં શુભામ્
ગાર્ગ્યશ્રીશઠજિદ્દાસસૂક્તિં શ્રુતિસુખાવહામ્ ૧૨૧
પ્રાપ્યાં ચ પ્રાર્થનારૂપામનુસન્દધતોઽન્વહમ્
લભન્તે શ્રીનિવાસસ્ય નિત્યસેવામનુત્તમામ્ ૧૨૨
શ્રીઘનગુરવેનમઃ
ઇતિ વેંકટેશસેવાક્રમઃ
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa
Please send corrections to sanskrit@cheerful.com
Last updated ત્oday
http://sanskritdocuments.org
યશ્ચક્રે વેંકટેશસ્ય સેવાક્રમમનુત્તમમ્
તં શઠારિગુરું વન્દે ગાર્ગ્યં શ્રીપુરવાસિનમ્
શ્રીવેન્કટાચલાધીશં શ્રિયાઽધ્યાસિતવક્ષસમ્
શ્રિતચેતનમન્દારં શ્રીનિવાસમહં ભજે ૧
પ્રાતરુત્થાય પૂતાત્મા ધ્યાયેય સ્વગુરોઃ પદે
શ્રીવેંકટેશપાદાબ્જે ઇયાસુવેંકટાચલમ્ ૨
ચક્રતીર્થે તતઃ સ્નાત્વા કૃતપૂર્વાહ્નિકક્રિયઃ
ધ્યાયન્ શ્રિવેંકટાધીશં સેવેયાઞ્જનભૂધરમ્ ૩
તતઃ પશ્ચિમદિગ્ભાગે ગત્વા કઞ્ચિન્મહાપથમ્
શ્રીવેંકટગિરેર્મૂલે શેષાંશેનોત્થિતાં ભુવઃ ૪
ચિઞ્ચામુન્નિદ્રસુભગાં દિવ્યાં તન્મૂલતઃ શુભે
શ્રીનિવાસપદામ્ભોજે સ્વસંકલ્પાત્ સમુત્થિતે ૫
તન્મૂલતઃ સ્વયંવ્યક્તાન્ સરોયોગિમુખાનપિ
લક્ષ્મીનૃસિંહં શેષાદ્રિં પ્રણિપત્ય કૃતાઞ્જલિઃ ૬
દયાશતકમપ્યુચ્ચૈઃ સ્તોત્રગદ્યે સમુઞ્ચરન્
ભક્તૈર્ભાગવતૈસ્સાર્ધમારોહેયં વૃષાચલમ્ ૭
ઘુપ્યદ્ભિઃ સઙ્ઘશશ્ચોચ્ચૈર્ગોવિન્દેતિ પુનઃપુનઃ
ગચ્છદ્ભિઃ સ્વામિસેવાર્થમાગચ્છદ્ભિર્નિરન્તરમ્ ૮
સંપૂર્ણં લબ્ધકામૈશ્ચ ચતુર્વર્ગાર્થિભિર્નરૈઃ
શિખરાણિ ચ રમ્યાણિ નિર્જ્ઝરાન્ પરિષત્પ્રભુમ્ ૯
શ્રીવેંકટેશં સંસેવ્ય ગચ્છેયં તં મહાપથમ્
આરુહ્ય તિષ્ઠન્નામોદાદઞ્જ્નાદ્રિશિરોવરમ્ ૧૦
શ્રીવેંકટાચલપ્રાન્તભૂમિપર્યન્તપર્વતાન્
વાપીકૂપતટાકાદીન્ વનાન્યુપવનાનિ ચ ૧૧
સુવર્ણમુખરીં ચૈવ શોભમાનાં મહાનદીમ્
ધામ ગોવિન્દરાજસ્ય પશ્યેયં શ્રીપુરીમપિ ૧૨
તતઃ કર્પૂરસુરભિતીર્થં કર્પૂરનિર્જ્ઝરમ્
ગત્વાઽઽચમ્ય તતશ્ચાન્યચ્છૃઙ્ગમારુહ્ય સુન્દરમ્ ૧૩
પક્ષિવૃક્ષાકૃતિધરૈર્નિબિડં નિત્યસૂરિભિઃ
શીઘ્રં ક્વચિઞ્ચ ગચ્છેયં સેવાચપલમાનસઃ ૧૪
સુખમત્રૈવ વર્તેય રમ્યે શ્રીશૈલસાનુનિ
ઇતીરયન્મન્દમતિર્ગચ્છેયં કુત્રચિત્પુનઃ ૧૫
સુવર્ચસાં સુરૂપાણાં પુણ્યાનાં મૃગપક્ષિણામ્
શૃણુયામદ્ભુતં શબ્દં કૂજતાં મધુરં પથિ ૧૬
અતીત્ય કઞ્ચિત્પન્થાનમટવીનૃહરિં તતઃ
પ્રણમ્ય તદનુજ્ઞાતઃ પ્રવિશન્વનમન્તરા ૧૭
સાલતાલતમાલામ્લચન્દનામરભૂરુહૈઃ
નાલિકેરામ્રપનસકદલીક્રમુકૈરપિ ૧૮ (નારિકેલા)
પુષ્પવદ્ભિઃ ફલોપેતૈશ્છાયાવદ્ભિર્મનોહરૈઃ
ભૂષિતં ભૂરુહૈશ્ચાન્યૈર્નિર્જ્ઝરૈશ્ચામલોદકૈઃ ૧૯
સિંહકુઞ્જરગોવ્યાઘ્રતરક્ષુહરિણાદિભિઃ
નિર્વૈ રૈર્મૃગસઙ્ઘૈશ્ચ રમમાણૈઃ સમાકુલમ્ ૨૦
મયૂરકોકિલાનાં ચ મધુરૈઃ કૂજિતૈરપિ
શારિકાશુકસંલાપૈર્મોદિતાખિલચેતનમ્ ૨૧
ચન્દનાગરુસંવાહિમન્દમારુતસેવિતમ્
શ્રીમદપ્રાકૃતં દિવ્યં ઝિલ્લિકાગણનાદિતમ્ ૨૨
નયનાનન્દજનકં નવીનં પશ્યતાં સદા
સર્વત્ર ફલપુષ્પાઢ્યં સંપશ્યેયં વનસ્થલમ્ ૨૩
તતોઽન્યચ્છૃ ઙ્ગમારુહ્ય તતોઽન્યત્રાવરુહ્ય ચ
ક્વચિદ્ગચ્છન્ ક્વચિત્તિષ્ઠન્ ક્વચિદ્ધ્યાયન્ રમાપતિમ્ ૨૪
સાનુમન્યં સમારોહન્ શ્રીશ મામાનયાન્તિકમ્
ઇતિ બ્રુવન્ યતિવરં પ્રાપ્નુયાં પરયા મુદા ૨૫
તં પ્રણમ્યાભ્યનુજ્ઞાતઃ પરં પન્થાનમાસ્થિતઃ
અર્ચિરાદિપથે દિવ્યે મિત્રચન્દ્રેન્દ્રવેધસામ્ ૨૬
લોકપઙ્ ક્તિવદત્યન્તરમ્યાં મણ્ડપસન્તતિમ્
સંપશ્યંસ્તત્ર ગચ્છેયં શૌરેર્ધામાન્તિકસ્થલમ્ ૨૭
તતઃ પ્રણવનિસ્સ્વાણકાહલીનાદમેદુરમ્ ? પણવનિસ્સાણ
શૃણુયાં શ્રોત્રસુખદં દિવ્યદુન્દુભિનિસ્વનમ્ ૨૮
તતશ્ચમ્પકપુન્નાગવકુલામરભૂરુહામ્
અન્યેષાં દિવ્યગન્ધૈશ્ચ નાનાવર્ણૈર્મનોરમૈઃ ૨૯
અભ્રઙ્કષાણાં કુસુમૈરનિશં ચિત્રિતામ્બરમ્
મલ્લિકામાધવીજાતિપુષ્પૈશ્ચિત્રિતભૂતલમ્ ૩૦
મધ્યેમધ્યે લસદ્દિવ્યલીલામણ્ટપશોભિતમ્
તત્રતત્ર સ્થિતૈઃ ક્રીડાશૈલૈશ્ચારુભિરુજ્જ્વલમ્ ૩૧
પુણ્યપક્ષિગણાનાં ચ પૂરિતાશામુખં રવૈઃ
પદ્મકલ્હારકુમુદનીલોત્પલસુગન્ધિભિઃ ૩૨
રાજહંસાદિશકુનૈઃ કૂજદ્ભિશ્ચ વિરાજિતૈઃ
સરોવાપીતટાકાદ્યૈરાવૃતં પરમાદ્ભુતૈઃ ૩૩
અતિપ્રમાણમાશ્ચર્યાવહમપ્રાકૃતં શુભમ્
ઉદ્યાનશતસાહસ્રમુદ્યત્પલ્લવકોરકમ્ ૩૪
પશ્યન્ શૃઙ્ગવિહીનં તદ્ગોપુરં પ્રાપ્નુયાં પરમ્
તતઃ શ્રીવેંકટેશસ્ય મન્દિરં લોકવન્દિતમ્ ૩૫
દિવ્યં સુવર્ણપ્રાકારગોપુરૈરુજ્જ્વલં મહત્
તતશ્ચોદ્યત્સહસ્રાંશુશતકોટિસમપ્રભમ્ ૩૬
મઙ્ગલં સર્વજગતાં મણ્ડનં શેષભૂભૃતઃ
ભૂમાવનુપમં દિવ્યં લોકાનુગ્રહકામ્યયા ૩૭
સ્વયંવ્યક્તં વિમાનં તદાનન્દનિલયાહ્વયમ્
દિવ્યં ચ નગરં પશ્યન્ શ્રીવૈકુણ્ઠમિવાપરમ્ ૩૮
ધન્યોઽસ્મ્યનુગૃહીતોઽસ્મિ કૃતાર્થોઽસ્મીતિ ચ બ્રુવન્
પરમાનન્દભરિતઃ પ્રણમેયં પ્રસન્નધીઃ ૩૯
તતસ્સન્નિધિવીથ્યગ્રભૂષણં પવનાત્મજમ્
નમસ્કૃત્ય તતઃ પશ્યન્ સહસ્રસ્તમ્ભમણ્ટપમ્ ૪૦
પ્રવિશેયં પ્રસન્નાત્મા વૈકુણ્ઠદ્વારમદ્ભુતમ્
તતઃ કાઞ્ચનદીપ્ત્યા ચ રત્નકાન્ત્યા ચ રૂપિતમ્ ૪૧
ભૂષિતં દિવ્યમાલ્યૈશ્ચ મુક્તાદામભિરેવ ચ
ચન્દનાગરુધૂપૈશ્ચ સર્વતસ્સુરભીકૃતમ્ ૪૨
આજ્ઞામુદ્રાધરર્ભીમૈરસ્થાનભયશઙ્કિભિઃ
ચણ્ડપ્રચણ્ડપ્રમુખૈર્દ્વારપાલૈઃ સુરક્ષિતમ્ ૪૩
ભેરીમૃદઙ્ગપણવતૂર્યશઙ્ખાદિભિશ્શુભૈઃ
અષ્ટાદશવિધૈર્વાદ્યૈરાઘોષિતનભસ્સ્થલમ્ ૪૪
બ્રહ્મરુદ્રાદિદેવાનાં મહર્ષીણાં મહાત્મનામ્
યોગિનાં સનકાદીનાં દિવ્યસ્થાનનિવાસિનામ્ ૪૫
દિવ્યાપ્સરોગણાનાં ચ નૃત્તં ગીતં ચ કુર્વતામ્
ચાતુર્વર્ણ્યપ્રસૂતાનાં સદા ભક્તિમતાં હરૌ ૪૬
આબાલવૃદ્ધમાબદ્ધમસ્તકાઞ્જલિશોભિનામ્
નાનાદેશાગતાનાં ચ નરાણાં ભાગ્યશાલિનામ્ ૪૭
સપુત્રમિત્રદારાણાં બૃન્દૈઃ સાન્દ્રં સુશોભનમ્
વિચ્છિન્નાગ્રનિવેશં તત્પરીતં દ્વારમાસ્થિતઃ ૪૮
પ્રણમ્ય ભક્ત્યા સાષ્ટાઙ્ગં પ્રહર્ષં પ્રાપ્નુયાં પરમ્
તત્ર શ્રીવેંકટાધીશં તતસ્તત્ર કૃતાઞ્જલિઃ ૪૯
રાજવીથીષુ રમ્યાસુ પ્રદક્ષિણપરો ભવન્
નિત્યમુક્તસમાનાનાં તદીયાનાં મહાત્મનામ્ ૫૦
ભવનાનિ વિચિત્રાણિ પશ્યન્ હૃષ્ટઃ પુનઃપુનઃ
સ્વામિપુષ્કરિણીતીરં શ્રયેયં શ્રમનાશનમ્ ૫૧
તતસ્ત્વાચમ્ય તત્તીર્થે કૃતમાધ્યાહ્નિકક્રિયઃ
વરાહરૂપિણં દેવં વામાઙ્કસ્થવસુન્ધરમ્ ૫૨
પ્રણમ્ય પ્રાઞ્જલિઃ કુર્યાં પ્રદક્ષિણમહં તતઃ
તીર્થં પ્રદક્ષિણં કુર્વન્ શ્રીશૈલસ્તુતિરૂપિણીઃ ૫૩
કુલશેખરસૂક્તીરપ્યુઞ્ચાર્યાનમ્ય વૈ રથમ્
પુનઃ પરીતં વિચ્છિન્નાભિનિવેશમુપેત્ય ચ ૫૪
નત્વા શ્રીમન્મહદ્દ્વારં પ્રવિશ્યાન્તઃ પ્રસન્નધીઃ
આસ્થાનચિઞ્ચામચલચ્છાયાં શેષાંશકાં તતઃ ૫૫
આનમ્ય મણ્ટપાંશ્ચૈવ પશ્યેયં વિપુલોન્નતાન્
બલિપીઠં મહાદિવ્યં બ્રહ્મરુદ્રાદિસેવિતમ્ ૫૬
ધ્વજસ્તમ્ભેન સહિતં પ્રણમ્ય પ્રાઞ્જલિર્મુદા
ભાવયેયં વૃષાદ્રીશં પ્રણતાર્તિહરં પ્રભુમ્ ૫૭
તત્ર પ્રદક્ષિણપરાન્નમસ્કારપરાન્ મુહુઃ
વેદપારાયણપરાન્ વેદાન્તવ્યાક્રિયાપરાન્ ૫૮
ઇતિહાસપુરાણાદીન્ પઠતઃ શૃણ્વતોઽપિ ચ
સ્તોત્રપાઠે ચ નિરતાન્ બ્રહ્મવિદ્યાસુ નિષ્ઠિતાન્ ૫૯
સઙ્કીર્તનપરાન્ શૌરેઃ ગુણશ્રવણતત્પરાન્
ધ્યાનનિષ્ઠાન્ યોગનિષ્ઠાઞ્જપશીલાંસ્તથા યતીન્ ૬૦
આબદ્ધાઞ્જલિપદ્માં ?શ્ચાપ્યા? નન્દાશ્રુભિરાપ્લુતાન્
પુલકાઞ્ચિતગાત્રાંશ્ચ પૂતભાવાન્મહાત્મનઃ ૬૧
સન્તાનધનરાજ્યશ્રીસંપદાદિવરાર્થિનઃ
લબ્ધ્વા વરં તતસ્તૂર્ણમિષ્ટાલાપપરાનપિ ૬૨
સર્વાન્મહાભાગવતાન્ સંપશ્યેયં પુનઃપુનઃ
તતો વેન્કટનાયક્યાઃ સ્થાનં દૃષ્ટ્વા તતઃપરમ્ ૬૩
આનમ્ય ચમ્પકતરું તન્નામાઙ્કિતવીથિકામ્
પ્રદક્ષિણપરસ્સર્વં પશ્યેયં ચ કૃતાઞ્જલિઃ ૬૪
શાલિમુદ્ગતિલાદીનાં શાલાસ્તત્ર સહસ્રશઃ
સર્વસંપત્સમૃદ્ધાશ્ચ પાકશાલા મનોરમાઃ ૬૫
સ્વામિપુષ્કરિણીતીર્થં દૃષ્ટ્વાઽઽચમ્ય તતઃપરમ્
યામુનેયાભિધં દિવ્યં માલ્યાગારં મનોહરમ્ ૬૬
ગોપીનાં રમણં તત્ર વેણુનાદવિનોદિનમ્
સુવર્ણમણ્ટપં ચૈવ નારાયણગિરિં તથા ૬૭
બલિપીઠં પુનર્ગત્વા પ્રત્યગ્દ્વારં ચ ચામ્પકમ્
બદ્ધાઞ્જલિસ્તતઃ પશ્યન્પ્રાસાદાન્પરમાદ્ભુતાન્ ૬૮
પાયસાન્નૈર્ગુડાન્નૈશ્ચ શુદ્ધૈરોદનરાશિભિઃ
દધિક્ષીરાજ્યસંપન્નૈર્મૃષ્ટાન્નૈર્વિવિધોદનૈઃ ૬૯
અપૂપૈઃ સ્વાદુભિર્હૃદ્યૈઃ શાલિપિષ્ટોપપાદિતૈઃ
સુગન્ધૈર્ગોઘૃતૈઃ પક્વૈઃ પ્રભૂતગુડસંમિતૈઃ ૭૦
પૃથુકૈર્ગુડસંમિશ્રૈસ્સજીરકમરીચકૈઃ
કન્દમૂલફલૈશ્ચૈવ વ્યઞ્જનૈર્વિવિધૈરપિ ૭૧
સંપૂર્ણં પાકશાલાં ચ સંપ્રવિશ્યાથ સન્નતઃ
શ્રિયં તત્ર સ્થિતાં દેવીં શ્રીનિવાસમનઃપ્રિયામ્ ૭૨
પ્રણમેયં તદાજ્ઞપ્તો ભજેયં યાગશાલિકામ્
દિવ્યં તતો રત્નમયં શ્રીમહામણિઅમણ્ટપમ્ ૭૩
તત્ર શય્યાગૃહં રમ્યં તત્રસ્થં દેવમચ્યુતમ્
શ્રિયા દેવ્યા ધરણ્યા ચ સેવિતં પાર્શ્વયોસ્સદા ૭૪
ઉત્સવાર્હમુદારાઙ્ગમુજ્જ્વલાયુધભૂષણમ્
પ્રણિપત્ય પ્રસન્નાત્મા પરમાનન્દમાપ્નુયામ્ ૭૫
તતઃ પરીત્ય તં ધન્યો વસ્ત્રાગારં મહર્દ્ધિમત્
વાહનાનિ મહાર્હાણિ વિમાનં ચાનતસ્તતઃ ૭૬
છત્રચામરકોશં ચ શ્રયેયં સૈન્યનાયકમ્
તતો રામાનુજાચાર્યં પ્રપન્નકુલશેખરમ્ ૭૭
અપ્રાકૃતં વિમાનં ચ આનન્દનિલયાહ્વયમ્
પ્રણમ્ય તદનુજ્ઞાતઃ પ્રણમન્નૃહરિં તતઃ ૭૮
પ્રદક્ષિણપરો ભૂત્વા પક્ષિરાજં ત્રયીમયમ્
પરમાનન્દજનકં પશ્યેયં પુષ્પમણ્ટપમ્ ૭૯
પ્રવિશ્ય પક્ષિરાજં ચ ભજેયં દ્વારપાલકૌ
તતસ્તત્ર વિચિત્રાણિ રત્નાનિ વિવિધાનિ ચ ૮૦
વાહનાનિ મહાર્હાણિ ભૂષણાનિ સહસ્રશઃ
દિવ્યામ્બરાણ્યનેકાનિ ક્ષૌમપીતામ્બરાણિ ચ ૮૧
સુવર્ણરૌપ્યખણ્ડાનિ ધનાનિ વિવિધાનિ ચ
ગજાંશ્ચ પશુસઙ્ઘાંશ્ચ છત્રવ્યજનચામરૈઃ ૮૨
સમસ્તદેશજાતાનિ વસ્તૂન્યન્યાન્યનેકશઃ
શ્રીવેંકટેશપ્રીત્યર્થં સર્વદેશનિવાસિભિઃ ૮૩
સર્વાન્ સમર્પિતાન્ પશ્યન્નુપહારાંશ્ચ સન્નિધૌ
આત્મસ્વરૂપાનુગુણમપિ શ્રીશમનઃપ્રિયમ્ ૮૪
દ્રવ્યં વ્યક્તિઞ્ચિદ્તુલમુપહારં સમર્પ્ય ચ
પ્રણમન્ પરયા ભક્ત્યા ભજેયં કૃતકૃત્યતામ્ ૮૫
તતો રામાનુજાચાર્યં પુરસ્કૃત્ય યતીશ્વરમ્
શ્રીવેંકટાચલાધીશં શ્રીનિધિં કરુણનિઅધિમ્ ૮૬
અસ્મદ્ભાગ્યપરીપાકમખિલાભીષ્ટદાયિનમ્
નાથં સમસ્તજગતાં નાથં નઃ કુલદૈવતમ્ ૮૭
માતરં પિતરં બન્ધું ભ્રાતરં સુહૃદં ગુરુમ્
અસ્મત્કુલધનં ભોગ્યમાચાર્યકુલદર્શિતમ્ ૮૮
શેષાચલશિરોરત્નં શ્રીનિવાસં પરાત્પરમ્
મહનીયં પરં બ્રહ્મ વન્દિષીય પુનઃપુનઃ ૮૯
પશ્યન્ રમન્ સમુત્તિષ્ઠંસ્તુવન્નૃત્યન્ પુનઃપુનઃ
પુલકાઞ્ચિતગાત્રશ્ચ ભવેયં પ્રાઞ્જલિસ્તતઃ ૯૦
દ્વારપાલાભ્યનુજ્ઞાતઃ કૃપયા ચાવલોકિતઃ
કથઞ્ચિત્પ્રવિશન્ ભીતો મહામણ્ટપમન્તરા ૯૧
પશ્યન્ હરિં પ્રસન્નાત્મા પ્રાપ્નુયામર્ધમણ્ટપમ્
તસ્મિન્ધનુર્ધરં રામં સૌમિત્રિમપિ જાનકીમ્ ૯૨
હનૂમન્તં ચ સુગ્રીવમઙ્ગદં દૌત્યલક્ષણમ્
વિષ્વક્સેનં વિહઙ્ગેશમનન્તં ચાનતસ્તતઃ ૯૩
ઉપસૃત્ય ચ સોપાનં કુલશેખરનામ ?ય? કમ્
ભયભક્તિસમાક્રાન્તઃ પાર્શ્વં દક્ષિણમાસ્થિતઃ ૯૪
નિભ્રુતઃ પ્રણતઃ પ્રહ્વો ભવેયં પ્રાઞ્જલિસ્તતઃ
શુભાઃ શ્રીભટ્ટનાથસ્ય સૂક્તીર્મઙ્ગલરૂપિણીઃ ૯૫
શઠારિકલિજિસ્સૂક્તીશ્શરણાગતિવાચિકાઃ
શ્રીવેંકટેશવિષયાઃ શ્રીનિવાસમનઃપ્રિયાઃ ૯૬
તદીયપ્રવરૈઃ સાર્ધં ગદ્યં ચાપ્યનુસન્દધત્
શ્રીભૂમિનીલાદેવીનાં દિવ્યહસ્તોપલાલિતૌ ૯૭
શરણ્યૌ ચાશરણ્યાનાં શઙ્ખચક્રાદિચિહ્નિતૌ
વિલાસવિક્રમક્રાન્તત્રૈલોક્યૌ લોકપાવનૌ ૯૮
વન્દારુજનમન્દારૌ મઞ્જીરદ્યુતિરઞ્જિતૌ
હંસકાલઙ્કૃતૌ દિવ્યૌ કિઙ્કિણીકવિભૂષિતૌ ૯૯
પારિજાતાદિકુસુમૈઃ સૂરિભિશ્ચાર્ચિતૌ સદા
શ્રીમચ્છઠારિકલિજિચ્છ્રીરામાનુજયોગિભિઃ ૧૦૦
પ્રાપ્યપ્રાપકભાવેન પ્રપન્નૌ પરભક્તિતઃ
સેવેય શ્રીનિવાસસ્ય ચરણૌ જલજોપમૌ ૧૦૧
સૌવર્ણકાહલાકારે જઙ્ઘે સર્વમનોહરે
સમાનસંનિવેશં ચ ચારુજાનુયુગં તથા ૧૦૨
કદલીકાણ્ડકાન્તોરુયુગલં ચાતિસુન્દરમ્
દિવ્યપીતામ્બરાશ્લિષ્ટં દીપ્રકાઞ્ચીગુણોજ્જ્વલમ્ ૧૦૩
કટીતટં ચ રુચિરં કાન્તખઙ્ગવિરાજિતમ્
વન્દારુભવવારાશિકટીદઘ્નત્વસૂચકમ્ ૧૦૪
કરં વામં કટિન્યસ્તં કનત્કઙ્કણભૂષણમ્
વૈકુણ્ઠમેતદ્ધામેતિ વ્યઞ્જકં દક્ષિણં કરમ્ ૧૦૫
લાવણ્યનિમ્નગાવર્તનાભિં ચાપિ તનૂદરમ્
ઇન્દિરામન્દિરં વક્ષશ્ચન્દ્રચન્દનચર્ચિતમ્ ૧૦૬
વિહરન્તીં શ્રિયં તત્ર વેંકટાચલનાયકામ્
ગ્રીવાં ચ કમ્બુવત્કાન્તાં ગ્રૈવેયકવિભૂષિતામ્ ૧૦૭
સમસ્તશોકશમનં ચન્દ્રકાન્તં તદાનનમ્
શુચિસ્મિતં સુન્દરોષ્ટં શોભનાધરપલ્લવમ્ ૧૦૮
સુકપોલૌ સુનાસાં ચ સુન્દરભ્રૂલતાયુગમ્
દયાકઞ્ચુકિતાપાઙ્ગૈર્દૃષ્ટાદૃષ્ટફલપ્રદે ૧૦૯
દિવ્યામ્બુજદલાકારે દીર્ઘે દિવ્યે ચ લોચને
તથા કરયુગા દઞ્ચચ્છઙ્ખચક્રે સદોજ્જ્વલે ૧૧૦ કરયુગો
ઉન્નતાંસયુગાલમ્બિલસન્મકરકુણ્ડલે
ઉદગ્રકર્ણચાપૌ ચાપ્યુલ્લસત્કર્ણપૂરકે ૧૧૧
રમ્યે લલાટે વિલસદૂર્ધ્વપુણ્ડ્રં લલાટિકામ્
લસદ્રત્નકિરીટં ચ જગન્નાથત્વસૂચકમ્ ૧૧૨
એવં સર્વાઙ્ગસૌન્દર્યમિયતારહિતં પ્રભુમ્
આપાદમૌલિલાવણ્યમખિલાભરણાદિકમ્ ૧૧૩
સમસ્તાર્તિહરં સદ્યસ્સૌખ્યદં ચ પૃથક્ પૃથક્
અનુભૂયાનુભૂયાહમાપ્નુયાં પ્રીતિમુત્તમામ્ ૧૧૪
સર્વાઙ્ગસુન્દરં પુંસાં દૃષ્ટિચિત્તાપહારિણમ્
મહનીયોપવીતેન વૈજયન્ત્યાદિભૂષિતમ્ ૧૧૫
હારકેયૂરકટકૈરન્યૈરાભરણોત્તમૈઃ
માલ્યૈશ્ચન્દનપુન્નાગમાલતીકુસુમાઞ્ચિતૈઃ ૧૧૬ ચમ્પક
અન્યૈઃ કમલકલ્હારૈરસંખ્યેયૈરલઙ્કૃતમ્
સૌશીલ્યાશ્રિતવાત્સલ્યસૌલભ્યાદિગુણાર્ણવમ્ ૧૧૭
વેદાન્તવેદ્યવિભવં વિધિરુદ્રાદિસેવિતમ્
ચિન્તામણિમશેષાણાં શેષાચલશિરોમણિમ્ ૧૧૮
શ્રીભૂનીલાકુચમણિં દેવદેવશિખામણિમ્
વૈકુણ્ઠનાથં મન્નાથં વાસુદેવમિવાપરમ્ ૧૧૯
વેઙ્કટાચલશૃઙ્ગાગ્રંવિહારરસિકં હરિમ્
પશ્યન્ પશ્યન્પ્રસન્નાત્મા ભવેયં નિત્યકિઙ્કરઃ ૧૨૦
ઇત્થં શ્રીવેઙ્કટેશસ્ય સેવાક્રમપરાં શુભામ્
ગાર્ગ્યશ્રીશઠજિદ્દાસસૂક્તિં શ્રુતિસુખાવહામ્ ૧૨૧
પ્રાપ્યાં ચ પ્રાર્થનારૂપામનુસન્દધતોઽન્વહમ્
લભન્તે શ્રીનિવાસસ્ય નિત્યસેવામનુત્તમામ્ ૧૨૨
શ્રીઘનગુરવેનમઃ
ઇતિ વેંકટેશસેવાક્રમઃ
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa
Please send corrections to sanskrit@cheerful.com
Last updated ત્oday
http://sanskritdocuments.org
Venkatesha Sevakramaha Lyrics in Gujarati PDF
% File name : venkaTeshasevAkrama.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : venkaTeshasevAkrama.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website