വേങ്കടേശസേവാക്രമഃ
{॥ വേങ്കടേശസേവാക്രമഃ ॥}
യശ്ചക്രേ വേംകടേശസ്യ സേവാക്രമമനുത്തമമ് ।
തം ശഠാരിഗുരും വന്ദേ ഗാര്ഗ്യം ശ്രീപുരവാസിനമ് ॥
ശ്രീവേന്കടാചലാധീശം ശ്രിയാഽധ്യാസിതവക്ഷസമ് ।
ശ്രിതചേതനമന്ദാരം ശ്രീനിവാസമഹം ഭജേ ॥ ൧॥
പ്രാതരുത്ഥായ പൂതാത്മാ ധ്യായേയ സ്വഗുരോഃ പദേ ।
ശ്രീവേംകടേശപാദാബ്ജേ ഇയാസുവേംകടാചലമ് ॥ ൨॥
ചക്രതീര്ഥേ തതഃ സ്നാത്വാ കൃതപൂര്വാഹ്നികക്രിയഃ ।
ധ്യായന് ശ്രിവേംകടാധീശം സേവേയാഞ്ജനഭൂധരമ് ॥ ൩॥
തതഃ പശ്ചിമദിഗ്ഭാഗേ ഗത്വാ കഞ്ചിന്മഹാപഥമ് ।
ശ്രീവേംകടഗിരേര്മൂലേ ശേഷാംശേനോത്ഥിതാം ഭുവഃ ॥ ൪॥
ചിഞ്ചാമുന്നിദ്രസുഭഗാം ദിവ്യാം തന്മൂലതഃ ശുഭേ ।
ശ്രീനിവാസപദാമ്ഭോജേ സ്വസംകല്പാത് സമുത്ഥിതേ ॥ ൫॥
തന്മൂലതഃ സ്വയംവ്യക്താന് സരോയോഗിമുഖാനപി ।
ലക്ഷ്മീനൃസിംഹം ശേഷാദ്രിം പ്രണിപത്യ കൃതാഞ്ജലിഃ ॥ ൬॥
ദയാശതകമപ്യുച്ചൈഃ സ്തോത്രഗദ്യേ സമുഞ്ചരന് ।
ഭക്തൈര്ഭാഗവതൈസ്സാര്ധമാരോഹേയം വൃഷാചലമ് ॥ ൭॥
ഘുപ്യദ്ഭിഃ സങ്ഘശശ്ചോച്ചൈര്ഗോവിന്ദേതി പുനഃപുനഃ ।
ഗച്ഛദ്ഭിഃ സ്വാമിസേവാര്ഥമാഗച്ഛദ്ഭിര്നിരന്തരമ് ॥ ൮॥
സംപൂര്ണം ലബ്ധകാമൈശ്ച ചതുര്വര്ഗാര്ഥിഭിര്നരൈഃ ।
ശിഖരാണി ച രമ്യാണി നിര്ജ്ഝരാന് പരിഷത്പ്രഭുമ് ॥ ൯॥
ശ്രീവേംകടേശം സംസേവ്യ ഗച്ഛേയം തം മഹാപഥമ് ।
ആരുഹ്യ തിഷ്ഠന്നാമോദാദഞ്ജ്നാദ്രിശിരോവരമ് ॥ ൧൦॥
ശ്രീവേംകടാചലപ്രാന്തഭൂമിപര്യന്തപര്വതാന് ।
വാപീകൂപതടാകാദീന് വനാന്യുപവനാനി ച ॥ ൧൧॥
സുവര്ണമുഖരീം ചൈവ ശോഭമാനാം മഹാനദീമ് ।
ധാമ ഗോവിന്ദരാജസ്യ പശ്യേയം ശ്രീപുരീമപി ॥ ൧൨॥
തതഃ കര്പൂരസുരഭിതീര്ഥം കര്പൂരനിര്ജ്ഝരമ് ।
ഗത്വാഽഽചമ്യ തതശ്ചാന്യച്ഛൃങ്ഗമാരുഹ്യ സുന്ദരമ് ॥ ൧൩॥
പക്ഷിവൃക്ഷാകൃതിധരൈര്നിബിഡം നിത്യസൂരിഭിഃ ।
ശീഘ്രം ക്വചിഞ്ച ഗച്ഛേയം സേവാചപലമാനസഃ ॥ ൧൪॥
സുഖമത്രൈവ വര്തേയ രമ്യേ ശ്രീശൈലസാനുനി ।
ഇതീരയന്മന്ദമതിര്ഗച്ഛേയം കുത്രചിത്പുനഃ ॥ ൧൫॥
സുവര്ചസാം സുരൂപാണാം പുണ്യാനാം മൃഗപക്ഷിണാമ് ।
ശൃണുയാമദ്ഭുതം ശബ്ദം കൂജതാം മധുരം പഥി ॥ ൧൬॥
അതീത്യ കഞ്ചിത്പന്ഥാനമടവീനൃഹരിം തതഃ ।
പ്രണമ്യ തദനുജ്ഞാതഃ പ്രവിശന്വനമന്തരാ ॥ ൧൭॥
സാലതാലതമാലാമ്ലചന്ദനാമരഭൂരുഹൈഃ ।
നാലികേരാമ്രപനസകദലീക്രമുകൈരപി ॥ ൧൮॥ (നാരികേലാ)
പുഷ്പവദ്ഭിഃ ഫലോപേതൈശ്ഛായാവദ്ഭിര്മനോഹരൈഃ ।
ഭൂഷിതം ഭൂരുഹൈശ്ചാന്യൈര്നിര്ജ്ഝരൈശ്ചാമലോദകൈഃ ॥ ൧൯॥
സിംഹകുഞ്ജരഗോവ്യാഘ്രതരക്ഷുഹരിണാദിഭിഃ ।
നിര്വൈ രൈര്മൃഗസങ്ഘൈശ്ച രമമാണൈഃ സമാകുലമ് ॥ ൨൦॥
മയൂരകോകിലാനാം ച മധുരൈഃ കൂജിതൈരപി ।
ശാരികാശുകസംലാപൈര്മോദിതാഖിലചേതനമ് ॥ ൨൧॥
ചന്ദനാഗരുസംവാഹിമന്ദമാരുതസേവിതമ് ।
ശ്രീമദപ്രാകൃതം ദിവ്യം ഝില്ലികാഗണനാദിതമ് ॥ ൨൨॥
നയനാനന്ദജനകം നവീനം പശ്യതാം സദാ ।
സര്വത്ര ഫലപുഷ്പാഢ്യം സംപശ്യേയം വനസ്ഥലമ് ॥ ൨൩॥
തതോഽന്യച്ഛൃ ങ്ഗമാരുഹ്യ തതോഽന്യത്രാവരുഹ്യ ച ।
ക്വചിദ്ഗച്ഛന് ക്വചിത്തിഷ്ഠന് ക്വചിദ്ധ്യായന് രമാപതിമ് ॥ ൨൪॥
സാനുമന്യം സമാരോഹന് ശ്രീശ മാമാനയാന്തികമ് ।
ഇതി ബ്രുവന് യതിവരം പ്രാപ്നുയാം പരയാ മുദാ ॥ ൨൫॥
തം പ്രണമ്യാഭ്യനുജ്ഞാതഃ പരം പന്ഥാനമാസ്ഥിതഃ ।
അര്ചിരാദിപഥേ ദിവ്യേ മിത്രചന്ദ്രേന്ദ്രവേധസാമ് ॥ ൨൬॥
ലോകപങ് ക്തിവദത്യന്തരമ്യാം മണ്ഡപസന്തതിമ് ।
സംപശ്യംസ്തത്ര ഗച്ഛേയം ശൌരേര്ധാമാന്തികസ്ഥലമ് ॥ ൨൭॥
തതഃ പ്രണവനിസ്സ്വാണകാഹലീനാദമേദുരമ് ? പണവനിസ്സാണ
ശൃണുയാം ശ്രോത്രസുഖദം ദിവ്യദുന്ദുഭിനിസ്വനമ് ॥ ൨൮॥
തതശ്ചമ്പകപുന്നാഗവകുലാമരഭൂരുഹാമ് ।
അന്യേഷാം ദിവ്യഗന്ധൈശ്ച നാനാവര്ണൈര്മനോരമൈഃ ॥ ൨൯॥
അഭ്രങ്കഷാണാം കുസുമൈരനിശം ചിത്രിതാമ്ബരമ് ।
മല്ലികാമാധവീജാതിപുഷ്പൈശ്ചിത്രിതഭൂതലമ് ॥ ൩൦॥
മധ്യേമധ്യേ ലസദ്ദിവ്യലീലാമണ്ടപശോഭിതമ് ।
തത്രതത്ര സ്ഥിതൈഃ ക്രീഡാശൈലൈശ്ചാരുഭിരുജ്ജ്വലമ് ॥ ൩൧॥
പുണ്യപക്ഷിഗണാനാം ച പൂരിതാശാമുഖം രവൈഃ ।
പദ്മകല്ഹാരകുമുദനീലോത്പലസുഗന്ധിഭിഃ ॥ ൩൨॥
രാജഹംസാദിശകുനൈഃ കൂജദ്ഭിശ്ച വിരാജിതൈഃ ।
സരോവാപീതടാകാദ്യൈരാവൃതം പരമാദ്ഭുതൈഃ ॥ ൩൩॥
അതിപ്രമാണമാശ്ചര്യാവഹമപ്രാകൃതം ശുഭമ് ।
ഉദ്യാനശതസാഹസ്രമുദ്യത്പല്ലവകോരകമ് ॥ ൩൪॥
പശ്യന് ശൃങ്ഗവിഹീനം തദ്ഗോപുരം പ്രാപ്നുയാം പരമ് ।
തതഃ ശ്രീവേംകടേശസ്യ മന്ദിരം ലോകവന്ദിതമ് ॥ ൩൫॥
ദിവ്യം സുവര്ണപ്രാകാരഗോപുരൈരുജ്ജ്വലം മഹത് ।
തതശ്ചോദ്യത്സഹസ്രാംശുശതകോടിസമപ്രഭമ് ॥ ൩൬॥
മങ്ഗലം സര്വജഗതാം മണ്ഡനം ശേഷഭൂഭൃതഃ ।
ഭൂമാവനുപമം ദിവ്യം ലോകാനുഗ്രഹകാമ്യയാ ॥ ൩൭॥
സ്വയംവ്യക്തം വിമാനം തദാനന്ദനിലയാഹ്വയമ് ।
ദിവ്യം ച നഗരം പശ്യന് ശ്രീവൈകുണ്ഠമിവാപരമ് ॥ ൩൮॥
ധന്യോഽസ്മ്യനുഗൃഹീതോഽസ്മി കൃതാര്ഥോഽസ്മീതി ച ബ്രുവന് ।
പരമാനന്ദഭരിതഃ പ്രണമേയം പ്രസന്നധീഃ ॥ ൩൯॥
തതസ്സന്നിധിവീഥ്യഗ്രഭൂഷണം പവനാത്മജമ് ।
നമസ്കൃത്യ തതഃ പശ്യന് സഹസ്രസ്തമ്ഭമണ്ടപമ് ॥ ൪൦॥
പ്രവിശേയം പ്രസന്നാത്മാ വൈകുണ്ഠദ്വാരമദ്ഭുതമ് ।
തതഃ കാഞ്ചനദീപ്ത്യാ ച രത്നകാന്ത്യാ ച രൂപിതമ് ॥ ൪൧॥
ഭൂഷിതം ദിവ്യമാല്യൈശ്ച മുക്താദാമഭിരേവ ച ।
ചന്ദനാഗരുധൂപൈശ്ച സര്വതസ്സുരഭീകൃതമ് ॥ ൪൨॥
ആജ്ഞാമുദ്രാധരര്ഭീമൈരസ്ഥാനഭയശങ്കിഭിഃ ।
ചണ്ഡപ്രചണ്ഡപ്രമുഖൈര്ദ്വാരപാലൈഃ സുരക്ഷിതമ് ॥ ൪൩॥
ഭേരീമൃദങ്ഗപണവതൂര്യശങ്ഖാദിഭിശ്ശുഭൈഃ ।
അഷ്ടാദശവിധൈര്വാദ്യൈരാഘോഷിതനഭസ്സ്ഥലമ് ॥ ൪൪॥
ബ്രഹ്മരുദ്രാദിദേവാനാം മഹര്ഷീണാം മഹാത്മനാമ് ।
യോഗിനാം സനകാദീനാം ദിവ്യസ്ഥാനനിവാസിനാമ് ॥ ൪൫॥
ദിവ്യാപ്സരോഗണാനാം ച നൃത്തം ഗീതം ച കുര്വതാമ് ।
ചാതുര്വര്ണ്യപ്രസൂതാനാം സദാ ഭക്തിമതാം ഹരൌ ॥ ൪൬॥
ആബാലവൃദ്ധമാബദ്ധമസ്തകാഞ്ജലിശോഭിനാമ് ।
നാനാദേശാഗതാനാം ച നരാണാം ഭാഗ്യശാലിനാമ് ॥ ൪൭॥
സപുത്രമിത്രദാരാണാം ബൃന്ദൈഃ സാന്ദ്രം സുശോഭനമ് ।
വിച്ഛിന്നാഗ്രനിവേശം തത്പരീതം ദ്വാരമാസ്ഥിതഃ ॥ ൪൮॥
പ്രണമ്യ ഭക്ത്യാ സാഷ്ടാങ്ഗം പ്രഹര്ഷം പ്രാപ്നുയാം പരമ് ।
തത്ര ശ്രീവേംകടാധീശം തതസ്തത്ര കൃതാഞ്ജലിഃ ॥ ൪൯॥
രാജവീഥീഷു രമ്യാസു പ്രദക്ഷിണപരോ ഭവന് ।
നിത്യമുക്തസമാനാനാം തദീയാനാം മഹാത്മനാമ് ॥ ൫൦॥
ഭവനാനി വിചിത്രാണി പശ്യന് ഹൃഷ്ടഃ പുനഃപുനഃ ।
സ്വാമിപുഷ്കരിണീതീരം ശ്രയേയം ശ്രമനാശനമ് ॥ ൫൧॥
തതസ്ത്വാചമ്യ തത്തീര്ഥേ കൃതമാധ്യാഹ്നികക്രിയഃ ।
വരാഹരൂപിണം ദേവം വാമാങ്കസ്ഥവസുന്ധരമ് ॥ ൫൨॥
പ്രണമ്യ പ്രാഞ്ജലിഃ കുര്യാം പ്രദക്ഷിണമഹം തതഃ ।
തീര്ഥം പ്രദക്ഷിണം കുര്വന് ശ്രീശൈലസ്തുതിരൂപിണീഃ ॥ ൫൩॥
കുലശേഖരസൂക്തീരപ്യുഞ്ചാര്യാനമ്യ വൈ രഥമ് ।
പുനഃ പരീതം വിച്ഛിന്നാഭിനിവേശമുപേത്യ ച ॥ ൫൪॥
നത്വാ ശ്രീമന്മഹദ്ദ്വാരം പ്രവിശ്യാന്തഃ പ്രസന്നധീഃ ।
ആസ്ഥാനചിഞ്ചാമചലച്ഛായാം ശേഷാംശകാം തതഃ ॥ ൫൫॥
ആനമ്യ മണ്ടപാംശ്ചൈവ പശ്യേയം വിപുലോന്നതാന് ।
ബലിപീഠം മഹാദിവ്യം ബ്രഹ്മരുദ്രാദിസേവിതമ് ॥ ൫൬॥
ധ്വജസ്തമ്ഭേന സഹിതം പ്രണമ്യ പ്രാഞ്ജലിര്മുദാ ।
ഭാവയേയം വൃഷാദ്രീശം പ്രണതാര്തിഹരം പ്രഭുമ് ॥ ൫൭॥
തത്ര പ്രദക്ഷിണപരാന്നമസ്കാരപരാന് മുഹുഃ ।
വേദപാരായണപരാന് വേദാന്തവ്യാക്രിയാപരാന് ॥ ൫൮॥
ഇതിഹാസപുരാണാദീന് പഠതഃ ശൃണ്വതോഽപി ച ।
സ്തോത്രപാഠേ ച നിരതാന് ബ്രഹ്മവിദ്യാസു നിഷ്ഠിതാന് ॥ ൫൯॥
സങ്കീര്തനപരാന് ശൌരേഃ ഗുണശ്രവണതത്പരാന് ।
ധ്യാനനിഷ്ഠാന് യോഗനിഷ്ഠാഞ്ജപശീലാംസ്തഥാ യതീന് ॥ ൬൦॥
ആബദ്ധാഞ്ജലിപദ്മാം ?ശ്ചാപ്യാ? നന്ദാശ്രുഭിരാപ്ലുതാന് ।
പുലകാഞ്ചിതഗാത്രാംശ്ച പൂതഭാവാന്മഹാത്മനഃ ॥ ൬൧॥
സന്താനധനരാജ്യശ്രീസംപദാദിവരാര്ഥിനഃ ।
ലബ്ധ്വാ വരം തതസ്തൂര്ണമിഷ്ടാലാപപരാനപി ॥ ൬൨॥
സര്വാന്മഹാഭാഗവതാന് സംപശ്യേയം പുനഃപുനഃ ।
തതോ വേന്കടനായക്യാഃ സ്ഥാനം ദൃഷ്ട്വാ തതഃപരമ് ॥ ൬൩॥
ആനമ്യ ചമ്പകതരും തന്നാമാങ്കിതവീഥികാമ് ।
പ്രദക്ഷിണപരസ്സര്വം പശ്യേയം ച കൃതാഞ്ജലിഃ ॥ ൬൪॥
ശാലിമുദ്ഗതിലാദീനാം ശാലാസ്തത്ര സഹസ്രശഃ ।
സര്വസംപത്സമൃദ്ധാശ്ച പാകശാലാ മനോരമാഃ ॥ ൬൫॥
സ്വാമിപുഷ്കരിണീതീര്ഥം ദൃഷ്ട്വാഽഽചമ്യ തതഃപരമ് ।
യാമുനേയാഭിധം ദിവ്യം മാല്യാഗാരം മനോഹരമ് ॥ ൬൬॥
ഗോപീനാം രമണം തത്ര വേണുനാദവിനോദിനമ് ।
സുവര്ണമണ്ടപം ചൈവ നാരായണഗിരിം തഥാ ॥ ൬൭॥
ബലിപീഠം പുനര്ഗത്വാ പ്രത്യഗ്ദ്വാരം ച ചാമ്പകമ് ।
ബദ്ധാഞ്ജലിസ്തതഃ പശ്യന്പ്രാസാദാന്പരമാദ്ഭുതാന് ॥ ൬൮॥
പായസാന്നൈര്ഗുഡാന്നൈശ്ച ശുദ്ധൈരോദനരാശിഭിഃ ।
ദധിക്ഷീരാജ്യസംപന്നൈര്മൃഷ്ടാന്നൈര്വിവിധോദനൈഃ ॥ ൬൯॥
അപൂപൈഃ സ്വാദുഭിര്ഹൃദ്യൈഃ ശാലിപിഷ്ടോപപാദിതൈഃ ।
സുഗന്ധൈര്ഗോഘൃതൈഃ പക്വൈഃ പ്രഭൂതഗുഡസംമിതൈഃ ॥ ൭൦॥
പൃഥുകൈര്ഗുഡസംമിശ്രൈസ്സജീരകമരീചകൈഃ ।
കന്ദമൂലഫലൈശ്ചൈവ വ്യഞ്ജനൈര്വിവിധൈരപി ॥ ൭൧॥
സംപൂര്ണം പാകശാലാം ച സംപ്രവിശ്യാഥ സന്നതഃ ।
ശ്രിയം തത്ര സ്ഥിതാം ദേവീം ശ്രീനിവാസമനഃപ്രിയാമ് ॥ ൭൨॥
പ്രണമേയം തദാജ്ഞപ്തോ ഭജേയം യാഗശാലികാമ് ।
ദിവ്യം തതോ രത്നമയം ശ്രീമഹാമണിഅമണ്ടപമ് ॥ ൭൩॥
തത്ര ശയ്യാഗൃഹം രമ്യം തത്രസ്ഥം ദേവമച്യുതമ് ।
ശ്രിയാ ദേവ്യാ ധരണ്യാ ച സേവിതം പാര്ശ്വയോസ്സദാ ॥ ൭൪॥
ഉത്സവാര്ഹമുദാരാങ്ഗമുജ്ജ്വലായുധഭൂഷണമ് ।
പ്രണിപത്യ പ്രസന്നാത്മാ പരമാനന്ദമാപ്നുയാമ് ॥ ൭൫॥
തതഃ പരീത്യ തം ധന്യോ വസ്ത്രാഗാരം മഹര്ദ്ധിമത് ।
വാഹനാനി മഹാര്ഹാണി വിമാനം ചാനതസ്തതഃ ॥ ൭൬॥
ഛത്രചാമരകോശം ച ശ്രയേയം സൈന്യനായകമ് ।
തതോ രാമാനുജാചാര്യം പ്രപന്നകുലശേഖരമ് ॥ ൭൭॥
അപ്രാകൃതം വിമാനം ച ആനന്ദനിലയാഹ്വയമ് ।
പ്രണമ്യ തദനുജ്ഞാതഃ പ്രണമന്നൃഹരിം തതഃ ॥ ൭൮॥
പ്രദക്ഷിണപരോ ഭൂത്വാ പക്ഷിരാജം ത്രയീമയമ് ।
പരമാനന്ദജനകം പശ്യേയം പുഷ്പമണ്ടപമ് ॥ ൭൯॥
പ്രവിശ്യ പക്ഷിരാജം ച ഭജേയം ദ്വാരപാലകൌ ।
തതസ്തത്ര വിചിത്രാണി രത്നാനി വിവിധാനി ച ॥ ൮൦॥
വാഹനാനി മഹാര്ഹാണി ഭൂഷണാനി സഹസ്രശഃ ।
ദിവ്യാമ്ബരാണ്യനേകാനി ക്ഷൌമപീതാമ്ബരാണി ച ॥ ൮൧॥
സുവര്ണരൌപ്യഖണ്ഡാനി ധനാനി വിവിധാനി ച ।
ഗജാംശ്ച പശുസങ്ഘാംശ്ച ഛത്രവ്യജനചാമരൈഃ ॥ ൮൨॥
സമസ്തദേശജാതാനി വസ്തൂന്യന്യാന്യനേകശഃ ।
ശ്രീവേംകടേശപ്രീത്യര്ഥം സര്വദേശനിവാസിഭിഃ ॥ ൮൩॥
സര്വാന് സമര്പിതാന് പശ്യന്നുപഹാരാംശ്ച സന്നിധൌ ।
ആത്മസ്വരൂപാനുഗുണമപി ശ്രീശമനഃപ്രിയമ് ॥ ൮൪॥
ദ്രവ്യം വ്യക്തിഞ്ചിദ്തുലമുപഹാരം സമര്പ്യ ച ।
പ്രണമന് പരയാ ഭക്ത്യാ ഭജേയം കൃതകൃത്യതാമ് ॥ ൮൫॥
തതോ രാമാനുജാചാര്യം പുരസ്കൃത്യ യതീശ്വരമ് ।
ശ്രീവേംകടാചലാധീശം ശ്രീനിധിം കരുണനിഅധിമ് ॥ ൮൬॥
അസ്മദ്ഭാഗ്യപരീപാകമഖിലാഭീഷ്ടദായിനമ് ।
നാഥം സമസ്തജഗതാം നാഥം നഃ കുലദൈവതമ് ॥ ൮൭॥
മാതരം പിതരം ബന്ധും ഭ്രാതരം സുഹൃദം ഗുരുമ് ।
അസ്മത്കുലധനം ഭോഗ്യമാചാര്യകുലദര്ശിതമ് ॥ ൮൮॥
ശേഷാചലശിരോരത്നം ശ്രീനിവാസം പരാത്പരമ് ।
മഹനീയം പരം ബ്രഹ്മ വന്ദിഷീയ പുനഃപുനഃ ॥ ൮൯॥
പശ്യന് രമന് സമുത്തിഷ്ഠംസ്തുവന്നൃത്യന് പുനഃപുനഃ ।
പുലകാഞ്ചിതഗാത്രശ്ച ഭവേയം പ്രാഞ്ജലിസ്തതഃ ॥ ൯൦॥
ദ്വാരപാലാഭ്യനുജ്ഞാതഃ കൃപയാ ചാവലോകിതഃ ।
കഥഞ്ചിത്പ്രവിശന് ഭീതോ മഹാമണ്ടപമന്തരാ ॥ ൯൧॥
പശ്യന് ഹരിം പ്രസന്നാത്മാ പ്രാപ്നുയാമര്ധമണ്ടപമ് ।
തസ്മിന്ധനുര്ധരം രാമം സൌമിത്രിമപി ജാനകീമ് ॥ ൯൨॥
ഹനൂമന്തം ച സുഗ്രീവമങ്ഗദം ദൌത്യലക്ഷണമ് ।
വിഷ്വക്സേനം വിഹങ്ഗേശമനന്തം ചാനതസ്തതഃ ॥ ൯൩॥
ഉപസൃത്യ ച സോപാനം കുലശേഖരനാമ ?യ? കമ് ।
ഭയഭക്തിസമാക്രാന്തഃ പാര്ശ്വം ദക്ഷിണമാസ്ഥിതഃ ॥ ൯൪॥
നിഭ്രുതഃ പ്രണതഃ പ്രഹ്വോ ഭവേയം പ്രാഞ്ജലിസ്തതഃ ।
ശുഭാഃ ശ്രീഭട്ടനാഥസ്യ സൂക്തീര്മങ്ഗലരൂപിണീഃ ॥ ൯൫॥
ശഠാരികലിജിസ്സൂക്തീശ്ശരണാഗതിവാചികാഃ ।
ശ്രീവേംകടേശവിഷയാഃ ശ്രീനിവാസമനഃപ്രിയാഃ ॥ ൯൬॥
തദീയപ്രവരൈഃ സാര്ധം ഗദ്യം ചാപ്യനുസന്ദധത് ।
ശ്രീഭൂമിനീലാദേവീനാം ദിവ്യഹസ്തോപലാലിതൌ ॥ ൯൭॥
ശരണ്യൌ ചാശരണ്യാനാം ശങ്ഖചക്രാദിചിഹ്നിതൌ ।
വിലാസവിക്രമക്രാന്തത്രൈലോക്യൌ ലോകപാവനൌ ॥ ൯൮॥
വന്ദാരുജനമന്ദാരൌ മഞ്ജീരദ്യുതിരഞ്ജിതൌ ।
ഹംസകാലങ്കൃതൌ ദിവ്യൌ കിങ്കിണീകവിഭൂഷിതൌ ॥ ൯൯॥
പാരിജാതാദികുസുമൈഃ സൂരിഭിശ്ചാര്ചിതൌ സദാ ।
ശ്രീമച്ഛഠാരികലിജിച്ഛ്രീരാമാനുജയോഗിഭിഃ ॥ ൧൦൦॥
പ്രാപ്യപ്രാപകഭാവേന പ്രപന്നൌ പരഭക്തിതഃ ।
സേവേയ ശ്രീനിവാസസ്യ ചരണൌ ജലജോപമൌ ॥ ൧൦൧॥
സൌവര്ണകാഹലാകാരേ ജങ്ഘേ സര്വമനോഹരേ ।
സമാനസംനിവേശം ച ചാരുജാനുയുഗം തഥാ ॥ ൧൦൨॥
കദലീകാണ്ഡകാന്തോരുയുഗലം ചാതിസുന്ദരമ് ।
ദിവ്യപീതാമ്ബരാശ്ലിഷ്ടം ദീപ്രകാഞ്ചീഗുണോജ്ജ്വലമ് ॥ ൧൦൩॥
കടീതടം ച രുചിരം കാന്തഖങ്ഗവിരാജിതമ് ।
വന്ദാരുഭവവാരാശികടീദഘ്നത്വസൂചകമ് ॥ ൧൦൪॥
കരം വാമം കടിന്യസ്തം കനത്കങ്കണഭൂഷണമ് ।
വൈകുണ്ഠമേതദ്ധാമേതി വ്യഞ്ജകം ദക്ഷിണം കരമ് ॥ ൧൦൫॥
ലാവണ്യനിമ്നഗാവര്തനാഭിം ചാപി തനൂദരമ് ।
ഇന്ദിരാമന്ദിരം വക്ഷശ്ചന്ദ്രചന്ദനചര്ചിതമ് ॥ ൧൦൬॥
വിഹരന്തീം ശ്രിയം തത്ര വേംകടാചലനായകാമ് ।
ഗ്രീവാം ച കമ്ബുവത്കാന്താം ഗ്രൈവേയകവിഭൂഷിതാമ് ॥ ൧൦൭॥
സമസ്തശോകശമനം ചന്ദ്രകാന്തം തദാനനമ് ।
ശുചിസ്മിതം സുന്ദരോഷ്ടം ശോഭനാധരപല്ലവമ് ॥ ൧൦൮॥
സുകപോലൌ സുനാസാം ച സുന്ദരഭ്രൂലതായുഗമ് ।
ദയാകഞ്ചുകിതാപാങ്ഗൈര്ദൃഷ്ടാദൃഷ്ടഫലപ്രദേ ॥ ൧൦൯॥
ദിവ്യാമ്ബുജദലാകാരേ ദീര്ഘേ ദിവ്യേ ച ലോചനേ ।
തഥാ കരയുഗാ ദഞ്ചച്ഛങ്ഖചക്രേ സദോജ്ജ്വലേ ॥ ൧൧൦॥ കരയുഗോ
ഉന്നതാംസയുഗാലമ്ബിലസന്മകരകുണ്ഡലേ ।
ഉദഗ്രകര്ണചാപൌ ചാപ്യുല്ലസത്കര്ണപൂരകേ ॥ ൧൧൧॥
രമ്യേ ലലാടേ വിലസദൂര്ധ്വപുണ്ഡ്രം ലലാടികാമ് ।
ലസദ്രത്നകിരീടം ച ജഗന്നാഥത്വസൂചകമ് ॥ ൧൧൨॥
ഏവം സര്വാങ്ഗസൌന്ദര്യമിയതാരഹിതം പ്രഭുമ് ।
ആപാദമൌലിലാവണ്യമഖിലാഭരണാദികമ് ॥ ൧൧൩॥
സമസ്താര്തിഹരം സദ്യസ്സൌഖ്യദം ച പൃഥക് പൃഥക് ।
അനുഭൂയാനുഭൂയാഹമാപ്നുയാം പ്രീതിമുത്തമാമ് ॥ ൧൧൪॥
സര്വാങ്ഗസുന്ദരം പുംസാം ദൃഷ്ടിചിത്താപഹാരിണമ് ।
മഹനീയോപവീതേന വൈജയന്ത്യാദിഭൂഷിതമ് ॥ ൧൧൫॥
ഹാരകേയൂരകടകൈരന്യൈരാഭരണോത്തമൈഃ ।
മാല്യൈശ്ചന്ദനപുന്നാഗമാലതീകുസുമാഞ്ചിതൈഃ ॥ ൧൧൬॥ ചമ്പക
അന്യൈഃ കമലകല്ഹാരൈരസംഖ്യേയൈരലങ്കൃതമ് ।
സൌശീല്യാശ്രിതവാത്സല്യസൌലഭ്യാദിഗുണാര്ണവമ് ॥ ൧൧൭॥
വേദാന്തവേദ്യവിഭവം വിധിരുദ്രാദിസേവിതമ് ।
ചിന്താമണിമശേഷാണാം ശേഷാചലശിരോമണിമ് ॥ ൧൧൮॥
ശ്രീഭൂനീലാകുചമണിം ദേവദേവശിഖാമണിമ് ।
വൈകുണ്ഠനാഥം മന്നാഥം വാസുദേവമിവാപരമ് ॥ ൧൧൯॥
വേങ്കടാചലശൃങ്ഗാഗ്രംവിഹാരരസികം ഹരിമ് ।
പശ്യന് പശ്യന്പ്രസന്നാത്മാ ഭവേയം നിത്യകിങ്കരഃ ॥ ൧൨൦॥
ഇത്ഥം ശ്രീവേങ്കടേശസ്യ സേവാക്രമപരാം ശുഭാമ് ।
ഗാര്ഗ്യശ്രീശഠജിദ്ദാസസൂക്തിം ശ്രുതിസുഖാവഹാമ് ॥ ൧൨൧॥
പ്രാപ്യാം ച പ്രാര്ഥനാരൂപാമനുസന്ദധതോഽന്വഹമ് ।
ലഭന്തേ ശ്രീനിവാസസ്യ നിത്യസേവാമനുത്തമാമ് ॥ ൧൨൨॥
॥ ശ്രീഘനഗുരവേനമഃ ॥
॥ ഇതി വേംകടേശസേവാക്രമഃ ॥
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa
Please send corrections to sanskrit@cheerful.com
Last updated ത്oday
http://sanskritdocuments.org
യശ്ചക്രേ വേംകടേശസ്യ സേവാക്രമമനുത്തമമ് ।
തം ശഠാരിഗുരും വന്ദേ ഗാര്ഗ്യം ശ്രീപുരവാസിനമ് ॥
ശ്രീവേന്കടാചലാധീശം ശ്രിയാഽധ്യാസിതവക്ഷസമ് ।
ശ്രിതചേതനമന്ദാരം ശ്രീനിവാസമഹം ഭജേ ॥ ൧॥
പ്രാതരുത്ഥായ പൂതാത്മാ ധ്യായേയ സ്വഗുരോഃ പദേ ।
ശ്രീവേംകടേശപാദാബ്ജേ ഇയാസുവേംകടാചലമ് ॥ ൨॥
ചക്രതീര്ഥേ തതഃ സ്നാത്വാ കൃതപൂര്വാഹ്നികക്രിയഃ ।
ധ്യായന് ശ്രിവേംകടാധീശം സേവേയാഞ്ജനഭൂധരമ് ॥ ൩॥
തതഃ പശ്ചിമദിഗ്ഭാഗേ ഗത്വാ കഞ്ചിന്മഹാപഥമ് ।
ശ്രീവേംകടഗിരേര്മൂലേ ശേഷാംശേനോത്ഥിതാം ഭുവഃ ॥ ൪॥
ചിഞ്ചാമുന്നിദ്രസുഭഗാം ദിവ്യാം തന്മൂലതഃ ശുഭേ ।
ശ്രീനിവാസപദാമ്ഭോജേ സ്വസംകല്പാത് സമുത്ഥിതേ ॥ ൫॥
തന്മൂലതഃ സ്വയംവ്യക്താന് സരോയോഗിമുഖാനപി ।
ലക്ഷ്മീനൃസിംഹം ശേഷാദ്രിം പ്രണിപത്യ കൃതാഞ്ജലിഃ ॥ ൬॥
ദയാശതകമപ്യുച്ചൈഃ സ്തോത്രഗദ്യേ സമുഞ്ചരന് ।
ഭക്തൈര്ഭാഗവതൈസ്സാര്ധമാരോഹേയം വൃഷാചലമ് ॥ ൭॥
ഘുപ്യദ്ഭിഃ സങ്ഘശശ്ചോച്ചൈര്ഗോവിന്ദേതി പുനഃപുനഃ ।
ഗച്ഛദ്ഭിഃ സ്വാമിസേവാര്ഥമാഗച്ഛദ്ഭിര്നിരന്തരമ് ॥ ൮॥
സംപൂര്ണം ലബ്ധകാമൈശ്ച ചതുര്വര്ഗാര്ഥിഭിര്നരൈഃ ।
ശിഖരാണി ച രമ്യാണി നിര്ജ്ഝരാന് പരിഷത്പ്രഭുമ് ॥ ൯॥
ശ്രീവേംകടേശം സംസേവ്യ ഗച്ഛേയം തം മഹാപഥമ് ।
ആരുഹ്യ തിഷ്ഠന്നാമോദാദഞ്ജ്നാദ്രിശിരോവരമ് ॥ ൧൦॥
ശ്രീവേംകടാചലപ്രാന്തഭൂമിപര്യന്തപര്വതാന് ।
വാപീകൂപതടാകാദീന് വനാന്യുപവനാനി ച ॥ ൧൧॥
സുവര്ണമുഖരീം ചൈവ ശോഭമാനാം മഹാനദീമ് ।
ധാമ ഗോവിന്ദരാജസ്യ പശ്യേയം ശ്രീപുരീമപി ॥ ൧൨॥
തതഃ കര്പൂരസുരഭിതീര്ഥം കര്പൂരനിര്ജ്ഝരമ് ।
ഗത്വാഽഽചമ്യ തതശ്ചാന്യച്ഛൃങ്ഗമാരുഹ്യ സുന്ദരമ് ॥ ൧൩॥
പക്ഷിവൃക്ഷാകൃതിധരൈര്നിബിഡം നിത്യസൂരിഭിഃ ।
ശീഘ്രം ക്വചിഞ്ച ഗച്ഛേയം സേവാചപലമാനസഃ ॥ ൧൪॥
സുഖമത്രൈവ വര്തേയ രമ്യേ ശ്രീശൈലസാനുനി ।
ഇതീരയന്മന്ദമതിര്ഗച്ഛേയം കുത്രചിത്പുനഃ ॥ ൧൫॥
സുവര്ചസാം സുരൂപാണാം പുണ്യാനാം മൃഗപക്ഷിണാമ് ।
ശൃണുയാമദ്ഭുതം ശബ്ദം കൂജതാം മധുരം പഥി ॥ ൧൬॥
അതീത്യ കഞ്ചിത്പന്ഥാനമടവീനൃഹരിം തതഃ ।
പ്രണമ്യ തദനുജ്ഞാതഃ പ്രവിശന്വനമന്തരാ ॥ ൧൭॥
സാലതാലതമാലാമ്ലചന്ദനാമരഭൂരുഹൈഃ ।
നാലികേരാമ്രപനസകദലീക്രമുകൈരപി ॥ ൧൮॥ (നാരികേലാ)
പുഷ്പവദ്ഭിഃ ഫലോപേതൈശ്ഛായാവദ്ഭിര്മനോഹരൈഃ ।
ഭൂഷിതം ഭൂരുഹൈശ്ചാന്യൈര്നിര്ജ്ഝരൈശ്ചാമലോദകൈഃ ॥ ൧൯॥
സിംഹകുഞ്ജരഗോവ്യാഘ്രതരക്ഷുഹരിണാദിഭിഃ ।
നിര്വൈ രൈര്മൃഗസങ്ഘൈശ്ച രമമാണൈഃ സമാകുലമ് ॥ ൨൦॥
മയൂരകോകിലാനാം ച മധുരൈഃ കൂജിതൈരപി ।
ശാരികാശുകസംലാപൈര്മോദിതാഖിലചേതനമ് ॥ ൨൧॥
ചന്ദനാഗരുസംവാഹിമന്ദമാരുതസേവിതമ് ।
ശ്രീമദപ്രാകൃതം ദിവ്യം ഝില്ലികാഗണനാദിതമ് ॥ ൨൨॥
നയനാനന്ദജനകം നവീനം പശ്യതാം സദാ ।
സര്വത്ര ഫലപുഷ്പാഢ്യം സംപശ്യേയം വനസ്ഥലമ് ॥ ൨൩॥
തതോഽന്യച്ഛൃ ങ്ഗമാരുഹ്യ തതോഽന്യത്രാവരുഹ്യ ച ।
ക്വചിദ്ഗച്ഛന് ക്വചിത്തിഷ്ഠന് ക്വചിദ്ധ്യായന് രമാപതിമ് ॥ ൨൪॥
സാനുമന്യം സമാരോഹന് ശ്രീശ മാമാനയാന്തികമ് ।
ഇതി ബ്രുവന് യതിവരം പ്രാപ്നുയാം പരയാ മുദാ ॥ ൨൫॥
തം പ്രണമ്യാഭ്യനുജ്ഞാതഃ പരം പന്ഥാനമാസ്ഥിതഃ ।
അര്ചിരാദിപഥേ ദിവ്യേ മിത്രചന്ദ്രേന്ദ്രവേധസാമ് ॥ ൨൬॥
ലോകപങ് ക്തിവദത്യന്തരമ്യാം മണ്ഡപസന്തതിമ് ।
സംപശ്യംസ്തത്ര ഗച്ഛേയം ശൌരേര്ധാമാന്തികസ്ഥലമ് ॥ ൨൭॥
തതഃ പ്രണവനിസ്സ്വാണകാഹലീനാദമേദുരമ് ? പണവനിസ്സാണ
ശൃണുയാം ശ്രോത്രസുഖദം ദിവ്യദുന്ദുഭിനിസ്വനമ് ॥ ൨൮॥
തതശ്ചമ്പകപുന്നാഗവകുലാമരഭൂരുഹാമ് ।
അന്യേഷാം ദിവ്യഗന്ധൈശ്ച നാനാവര്ണൈര്മനോരമൈഃ ॥ ൨൯॥
അഭ്രങ്കഷാണാം കുസുമൈരനിശം ചിത്രിതാമ്ബരമ് ।
മല്ലികാമാധവീജാതിപുഷ്പൈശ്ചിത്രിതഭൂതലമ് ॥ ൩൦॥
മധ്യേമധ്യേ ലസദ്ദിവ്യലീലാമണ്ടപശോഭിതമ് ।
തത്രതത്ര സ്ഥിതൈഃ ക്രീഡാശൈലൈശ്ചാരുഭിരുജ്ജ്വലമ് ॥ ൩൧॥
പുണ്യപക്ഷിഗണാനാം ച പൂരിതാശാമുഖം രവൈഃ ।
പദ്മകല്ഹാരകുമുദനീലോത്പലസുഗന്ധിഭിഃ ॥ ൩൨॥
രാജഹംസാദിശകുനൈഃ കൂജദ്ഭിശ്ച വിരാജിതൈഃ ।
സരോവാപീതടാകാദ്യൈരാവൃതം പരമാദ്ഭുതൈഃ ॥ ൩൩॥
അതിപ്രമാണമാശ്ചര്യാവഹമപ്രാകൃതം ശുഭമ് ।
ഉദ്യാനശതസാഹസ്രമുദ്യത്പല്ലവകോരകമ് ॥ ൩൪॥
പശ്യന് ശൃങ്ഗവിഹീനം തദ്ഗോപുരം പ്രാപ്നുയാം പരമ് ।
തതഃ ശ്രീവേംകടേശസ്യ മന്ദിരം ലോകവന്ദിതമ് ॥ ൩൫॥
ദിവ്യം സുവര്ണപ്രാകാരഗോപുരൈരുജ്ജ്വലം മഹത് ।
തതശ്ചോദ്യത്സഹസ്രാംശുശതകോടിസമപ്രഭമ് ॥ ൩൬॥
മങ്ഗലം സര്വജഗതാം മണ്ഡനം ശേഷഭൂഭൃതഃ ।
ഭൂമാവനുപമം ദിവ്യം ലോകാനുഗ്രഹകാമ്യയാ ॥ ൩൭॥
സ്വയംവ്യക്തം വിമാനം തദാനന്ദനിലയാഹ്വയമ് ।
ദിവ്യം ച നഗരം പശ്യന് ശ്രീവൈകുണ്ഠമിവാപരമ് ॥ ൩൮॥
ധന്യോഽസ്മ്യനുഗൃഹീതോഽസ്മി കൃതാര്ഥോഽസ്മീതി ച ബ്രുവന് ।
പരമാനന്ദഭരിതഃ പ്രണമേയം പ്രസന്നധീഃ ॥ ൩൯॥
തതസ്സന്നിധിവീഥ്യഗ്രഭൂഷണം പവനാത്മജമ് ।
നമസ്കൃത്യ തതഃ പശ്യന് സഹസ്രസ്തമ്ഭമണ്ടപമ് ॥ ൪൦॥
പ്രവിശേയം പ്രസന്നാത്മാ വൈകുണ്ഠദ്വാരമദ്ഭുതമ് ।
തതഃ കാഞ്ചനദീപ്ത്യാ ച രത്നകാന്ത്യാ ച രൂപിതമ് ॥ ൪൧॥
ഭൂഷിതം ദിവ്യമാല്യൈശ്ച മുക്താദാമഭിരേവ ച ।
ചന്ദനാഗരുധൂപൈശ്ച സര്വതസ്സുരഭീകൃതമ് ॥ ൪൨॥
ആജ്ഞാമുദ്രാധരര്ഭീമൈരസ്ഥാനഭയശങ്കിഭിഃ ।
ചണ്ഡപ്രചണ്ഡപ്രമുഖൈര്ദ്വാരപാലൈഃ സുരക്ഷിതമ് ॥ ൪൩॥
ഭേരീമൃദങ്ഗപണവതൂര്യശങ്ഖാദിഭിശ്ശുഭൈഃ ।
അഷ്ടാദശവിധൈര്വാദ്യൈരാഘോഷിതനഭസ്സ്ഥലമ് ॥ ൪൪॥
ബ്രഹ്മരുദ്രാദിദേവാനാം മഹര്ഷീണാം മഹാത്മനാമ് ।
യോഗിനാം സനകാദീനാം ദിവ്യസ്ഥാനനിവാസിനാമ് ॥ ൪൫॥
ദിവ്യാപ്സരോഗണാനാം ച നൃത്തം ഗീതം ച കുര്വതാമ് ।
ചാതുര്വര്ണ്യപ്രസൂതാനാം സദാ ഭക്തിമതാം ഹരൌ ॥ ൪൬॥
ആബാലവൃദ്ധമാബദ്ധമസ്തകാഞ്ജലിശോഭിനാമ് ।
നാനാദേശാഗതാനാം ച നരാണാം ഭാഗ്യശാലിനാമ് ॥ ൪൭॥
സപുത്രമിത്രദാരാണാം ബൃന്ദൈഃ സാന്ദ്രം സുശോഭനമ് ।
വിച്ഛിന്നാഗ്രനിവേശം തത്പരീതം ദ്വാരമാസ്ഥിതഃ ॥ ൪൮॥
പ്രണമ്യ ഭക്ത്യാ സാഷ്ടാങ്ഗം പ്രഹര്ഷം പ്രാപ്നുയാം പരമ് ।
തത്ര ശ്രീവേംകടാധീശം തതസ്തത്ര കൃതാഞ്ജലിഃ ॥ ൪൯॥
രാജവീഥീഷു രമ്യാസു പ്രദക്ഷിണപരോ ഭവന് ।
നിത്യമുക്തസമാനാനാം തദീയാനാം മഹാത്മനാമ് ॥ ൫൦॥
ഭവനാനി വിചിത്രാണി പശ്യന് ഹൃഷ്ടഃ പുനഃപുനഃ ।
സ്വാമിപുഷ്കരിണീതീരം ശ്രയേയം ശ്രമനാശനമ് ॥ ൫൧॥
തതസ്ത്വാചമ്യ തത്തീര്ഥേ കൃതമാധ്യാഹ്നികക്രിയഃ ।
വരാഹരൂപിണം ദേവം വാമാങ്കസ്ഥവസുന്ധരമ് ॥ ൫൨॥
പ്രണമ്യ പ്രാഞ്ജലിഃ കുര്യാം പ്രദക്ഷിണമഹം തതഃ ।
തീര്ഥം പ്രദക്ഷിണം കുര്വന് ശ്രീശൈലസ്തുതിരൂപിണീഃ ॥ ൫൩॥
കുലശേഖരസൂക്തീരപ്യുഞ്ചാര്യാനമ്യ വൈ രഥമ് ।
പുനഃ പരീതം വിച്ഛിന്നാഭിനിവേശമുപേത്യ ച ॥ ൫൪॥
നത്വാ ശ്രീമന്മഹദ്ദ്വാരം പ്രവിശ്യാന്തഃ പ്രസന്നധീഃ ।
ആസ്ഥാനചിഞ്ചാമചലച്ഛായാം ശേഷാംശകാം തതഃ ॥ ൫൫॥
ആനമ്യ മണ്ടപാംശ്ചൈവ പശ്യേയം വിപുലോന്നതാന് ।
ബലിപീഠം മഹാദിവ്യം ബ്രഹ്മരുദ്രാദിസേവിതമ് ॥ ൫൬॥
ധ്വജസ്തമ്ഭേന സഹിതം പ്രണമ്യ പ്രാഞ്ജലിര്മുദാ ।
ഭാവയേയം വൃഷാദ്രീശം പ്രണതാര്തിഹരം പ്രഭുമ് ॥ ൫൭॥
തത്ര പ്രദക്ഷിണപരാന്നമസ്കാരപരാന് മുഹുഃ ।
വേദപാരായണപരാന് വേദാന്തവ്യാക്രിയാപരാന് ॥ ൫൮॥
ഇതിഹാസപുരാണാദീന് പഠതഃ ശൃണ്വതോഽപി ച ।
സ്തോത്രപാഠേ ച നിരതാന് ബ്രഹ്മവിദ്യാസു നിഷ്ഠിതാന് ॥ ൫൯॥
സങ്കീര്തനപരാന് ശൌരേഃ ഗുണശ്രവണതത്പരാന് ।
ധ്യാനനിഷ്ഠാന് യോഗനിഷ്ഠാഞ്ജപശീലാംസ്തഥാ യതീന് ॥ ൬൦॥
ആബദ്ധാഞ്ജലിപദ്മാം ?ശ്ചാപ്യാ? നന്ദാശ്രുഭിരാപ്ലുതാന് ।
പുലകാഞ്ചിതഗാത്രാംശ്ച പൂതഭാവാന്മഹാത്മനഃ ॥ ൬൧॥
സന്താനധനരാജ്യശ്രീസംപദാദിവരാര്ഥിനഃ ।
ലബ്ധ്വാ വരം തതസ്തൂര്ണമിഷ്ടാലാപപരാനപി ॥ ൬൨॥
സര്വാന്മഹാഭാഗവതാന് സംപശ്യേയം പുനഃപുനഃ ।
തതോ വേന്കടനായക്യാഃ സ്ഥാനം ദൃഷ്ട്വാ തതഃപരമ് ॥ ൬൩॥
ആനമ്യ ചമ്പകതരും തന്നാമാങ്കിതവീഥികാമ് ।
പ്രദക്ഷിണപരസ്സര്വം പശ്യേയം ച കൃതാഞ്ജലിഃ ॥ ൬൪॥
ശാലിമുദ്ഗതിലാദീനാം ശാലാസ്തത്ര സഹസ്രശഃ ।
സര്വസംപത്സമൃദ്ധാശ്ച പാകശാലാ മനോരമാഃ ॥ ൬൫॥
സ്വാമിപുഷ്കരിണീതീര്ഥം ദൃഷ്ട്വാഽഽചമ്യ തതഃപരമ് ।
യാമുനേയാഭിധം ദിവ്യം മാല്യാഗാരം മനോഹരമ് ॥ ൬൬॥
ഗോപീനാം രമണം തത്ര വേണുനാദവിനോദിനമ് ।
സുവര്ണമണ്ടപം ചൈവ നാരായണഗിരിം തഥാ ॥ ൬൭॥
ബലിപീഠം പുനര്ഗത്വാ പ്രത്യഗ്ദ്വാരം ച ചാമ്പകമ് ।
ബദ്ധാഞ്ജലിസ്തതഃ പശ്യന്പ്രാസാദാന്പരമാദ്ഭുതാന് ॥ ൬൮॥
പായസാന്നൈര്ഗുഡാന്നൈശ്ച ശുദ്ധൈരോദനരാശിഭിഃ ।
ദധിക്ഷീരാജ്യസംപന്നൈര്മൃഷ്ടാന്നൈര്വിവിധോദനൈഃ ॥ ൬൯॥
അപൂപൈഃ സ്വാദുഭിര്ഹൃദ്യൈഃ ശാലിപിഷ്ടോപപാദിതൈഃ ।
സുഗന്ധൈര്ഗോഘൃതൈഃ പക്വൈഃ പ്രഭൂതഗുഡസംമിതൈഃ ॥ ൭൦॥
പൃഥുകൈര്ഗുഡസംമിശ്രൈസ്സജീരകമരീചകൈഃ ।
കന്ദമൂലഫലൈശ്ചൈവ വ്യഞ്ജനൈര്വിവിധൈരപി ॥ ൭൧॥
സംപൂര്ണം പാകശാലാം ച സംപ്രവിശ്യാഥ സന്നതഃ ।
ശ്രിയം തത്ര സ്ഥിതാം ദേവീം ശ്രീനിവാസമനഃപ്രിയാമ് ॥ ൭൨॥
പ്രണമേയം തദാജ്ഞപ്തോ ഭജേയം യാഗശാലികാമ് ।
ദിവ്യം തതോ രത്നമയം ശ്രീമഹാമണിഅമണ്ടപമ് ॥ ൭൩॥
തത്ര ശയ്യാഗൃഹം രമ്യം തത്രസ്ഥം ദേവമച്യുതമ് ।
ശ്രിയാ ദേവ്യാ ധരണ്യാ ച സേവിതം പാര്ശ്വയോസ്സദാ ॥ ൭൪॥
ഉത്സവാര്ഹമുദാരാങ്ഗമുജ്ജ്വലായുധഭൂഷണമ് ।
പ്രണിപത്യ പ്രസന്നാത്മാ പരമാനന്ദമാപ്നുയാമ് ॥ ൭൫॥
തതഃ പരീത്യ തം ധന്യോ വസ്ത്രാഗാരം മഹര്ദ്ധിമത് ।
വാഹനാനി മഹാര്ഹാണി വിമാനം ചാനതസ്തതഃ ॥ ൭൬॥
ഛത്രചാമരകോശം ച ശ്രയേയം സൈന്യനായകമ് ।
തതോ രാമാനുജാചാര്യം പ്രപന്നകുലശേഖരമ് ॥ ൭൭॥
അപ്രാകൃതം വിമാനം ച ആനന്ദനിലയാഹ്വയമ് ।
പ്രണമ്യ തദനുജ്ഞാതഃ പ്രണമന്നൃഹരിം തതഃ ॥ ൭൮॥
പ്രദക്ഷിണപരോ ഭൂത്വാ പക്ഷിരാജം ത്രയീമയമ് ।
പരമാനന്ദജനകം പശ്യേയം പുഷ്പമണ്ടപമ് ॥ ൭൯॥
പ്രവിശ്യ പക്ഷിരാജം ച ഭജേയം ദ്വാരപാലകൌ ।
തതസ്തത്ര വിചിത്രാണി രത്നാനി വിവിധാനി ച ॥ ൮൦॥
വാഹനാനി മഹാര്ഹാണി ഭൂഷണാനി സഹസ്രശഃ ।
ദിവ്യാമ്ബരാണ്യനേകാനി ക്ഷൌമപീതാമ്ബരാണി ച ॥ ൮൧॥
സുവര്ണരൌപ്യഖണ്ഡാനി ധനാനി വിവിധാനി ച ।
ഗജാംശ്ച പശുസങ്ഘാംശ്ച ഛത്രവ്യജനചാമരൈഃ ॥ ൮൨॥
സമസ്തദേശജാതാനി വസ്തൂന്യന്യാന്യനേകശഃ ।
ശ്രീവേംകടേശപ്രീത്യര്ഥം സര്വദേശനിവാസിഭിഃ ॥ ൮൩॥
സര്വാന് സമര്പിതാന് പശ്യന്നുപഹാരാംശ്ച സന്നിധൌ ।
ആത്മസ്വരൂപാനുഗുണമപി ശ്രീശമനഃപ്രിയമ് ॥ ൮൪॥
ദ്രവ്യം വ്യക്തിഞ്ചിദ്തുലമുപഹാരം സമര്പ്യ ച ।
പ്രണമന് പരയാ ഭക്ത്യാ ഭജേയം കൃതകൃത്യതാമ് ॥ ൮൫॥
തതോ രാമാനുജാചാര്യം പുരസ്കൃത്യ യതീശ്വരമ് ।
ശ്രീവേംകടാചലാധീശം ശ്രീനിധിം കരുണനിഅധിമ് ॥ ൮൬॥
അസ്മദ്ഭാഗ്യപരീപാകമഖിലാഭീഷ്ടദായിനമ് ।
നാഥം സമസ്തജഗതാം നാഥം നഃ കുലദൈവതമ് ॥ ൮൭॥
മാതരം പിതരം ബന്ധും ഭ്രാതരം സുഹൃദം ഗുരുമ് ।
അസ്മത്കുലധനം ഭോഗ്യമാചാര്യകുലദര്ശിതമ് ॥ ൮൮॥
ശേഷാചലശിരോരത്നം ശ്രീനിവാസം പരാത്പരമ് ।
മഹനീയം പരം ബ്രഹ്മ വന്ദിഷീയ പുനഃപുനഃ ॥ ൮൯॥
പശ്യന് രമന് സമുത്തിഷ്ഠംസ്തുവന്നൃത്യന് പുനഃപുനഃ ।
പുലകാഞ്ചിതഗാത്രശ്ച ഭവേയം പ്രാഞ്ജലിസ്തതഃ ॥ ൯൦॥
ദ്വാരപാലാഭ്യനുജ്ഞാതഃ കൃപയാ ചാവലോകിതഃ ।
കഥഞ്ചിത്പ്രവിശന് ഭീതോ മഹാമണ്ടപമന്തരാ ॥ ൯൧॥
പശ്യന് ഹരിം പ്രസന്നാത്മാ പ്രാപ്നുയാമര്ധമണ്ടപമ് ।
തസ്മിന്ധനുര്ധരം രാമം സൌമിത്രിമപി ജാനകീമ് ॥ ൯൨॥
ഹനൂമന്തം ച സുഗ്രീവമങ്ഗദം ദൌത്യലക്ഷണമ് ।
വിഷ്വക്സേനം വിഹങ്ഗേശമനന്തം ചാനതസ്തതഃ ॥ ൯൩॥
ഉപസൃത്യ ച സോപാനം കുലശേഖരനാമ ?യ? കമ് ।
ഭയഭക്തിസമാക്രാന്തഃ പാര്ശ്വം ദക്ഷിണമാസ്ഥിതഃ ॥ ൯൪॥
നിഭ്രുതഃ പ്രണതഃ പ്രഹ്വോ ഭവേയം പ്രാഞ്ജലിസ്തതഃ ।
ശുഭാഃ ശ്രീഭട്ടനാഥസ്യ സൂക്തീര്മങ്ഗലരൂപിണീഃ ॥ ൯൫॥
ശഠാരികലിജിസ്സൂക്തീശ്ശരണാഗതിവാചികാഃ ।
ശ്രീവേംകടേശവിഷയാഃ ശ്രീനിവാസമനഃപ്രിയാഃ ॥ ൯൬॥
തദീയപ്രവരൈഃ സാര്ധം ഗദ്യം ചാപ്യനുസന്ദധത് ।
ശ്രീഭൂമിനീലാദേവീനാം ദിവ്യഹസ്തോപലാലിതൌ ॥ ൯൭॥
ശരണ്യൌ ചാശരണ്യാനാം ശങ്ഖചക്രാദിചിഹ്നിതൌ ।
വിലാസവിക്രമക്രാന്തത്രൈലോക്യൌ ലോകപാവനൌ ॥ ൯൮॥
വന്ദാരുജനമന്ദാരൌ മഞ്ജീരദ്യുതിരഞ്ജിതൌ ।
ഹംസകാലങ്കൃതൌ ദിവ്യൌ കിങ്കിണീകവിഭൂഷിതൌ ॥ ൯൯॥
പാരിജാതാദികുസുമൈഃ സൂരിഭിശ്ചാര്ചിതൌ സദാ ।
ശ്രീമച്ഛഠാരികലിജിച്ഛ്രീരാമാനുജയോഗിഭിഃ ॥ ൧൦൦॥
പ്രാപ്യപ്രാപകഭാവേന പ്രപന്നൌ പരഭക്തിതഃ ।
സേവേയ ശ്രീനിവാസസ്യ ചരണൌ ജലജോപമൌ ॥ ൧൦൧॥
സൌവര്ണകാഹലാകാരേ ജങ്ഘേ സര്വമനോഹരേ ।
സമാനസംനിവേശം ച ചാരുജാനുയുഗം തഥാ ॥ ൧൦൨॥
കദലീകാണ്ഡകാന്തോരുയുഗലം ചാതിസുന്ദരമ് ।
ദിവ്യപീതാമ്ബരാശ്ലിഷ്ടം ദീപ്രകാഞ്ചീഗുണോജ്ജ്വലമ് ॥ ൧൦൩॥
കടീതടം ച രുചിരം കാന്തഖങ്ഗവിരാജിതമ് ।
വന്ദാരുഭവവാരാശികടീദഘ്നത്വസൂചകമ് ॥ ൧൦൪॥
കരം വാമം കടിന്യസ്തം കനത്കങ്കണഭൂഷണമ് ।
വൈകുണ്ഠമേതദ്ധാമേതി വ്യഞ്ജകം ദക്ഷിണം കരമ് ॥ ൧൦൫॥
ലാവണ്യനിമ്നഗാവര്തനാഭിം ചാപി തനൂദരമ് ।
ഇന്ദിരാമന്ദിരം വക്ഷശ്ചന്ദ്രചന്ദനചര്ചിതമ് ॥ ൧൦൬॥
വിഹരന്തീം ശ്രിയം തത്ര വേംകടാചലനായകാമ് ।
ഗ്രീവാം ച കമ്ബുവത്കാന്താം ഗ്രൈവേയകവിഭൂഷിതാമ് ॥ ൧൦൭॥
സമസ്തശോകശമനം ചന്ദ്രകാന്തം തദാനനമ് ।
ശുചിസ്മിതം സുന്ദരോഷ്ടം ശോഭനാധരപല്ലവമ് ॥ ൧൦൮॥
സുകപോലൌ സുനാസാം ച സുന്ദരഭ്രൂലതായുഗമ് ।
ദയാകഞ്ചുകിതാപാങ്ഗൈര്ദൃഷ്ടാദൃഷ്ടഫലപ്രദേ ॥ ൧൦൯॥
ദിവ്യാമ്ബുജദലാകാരേ ദീര്ഘേ ദിവ്യേ ച ലോചനേ ।
തഥാ കരയുഗാ ദഞ്ചച്ഛങ്ഖചക്രേ സദോജ്ജ്വലേ ॥ ൧൧൦॥ കരയുഗോ
ഉന്നതാംസയുഗാലമ്ബിലസന്മകരകുണ്ഡലേ ।
ഉദഗ്രകര്ണചാപൌ ചാപ്യുല്ലസത്കര്ണപൂരകേ ॥ ൧൧൧॥
രമ്യേ ലലാടേ വിലസദൂര്ധ്വപുണ്ഡ്രം ലലാടികാമ് ।
ലസദ്രത്നകിരീടം ച ജഗന്നാഥത്വസൂചകമ് ॥ ൧൧൨॥
ഏവം സര്വാങ്ഗസൌന്ദര്യമിയതാരഹിതം പ്രഭുമ് ।
ആപാദമൌലിലാവണ്യമഖിലാഭരണാദികമ് ॥ ൧൧൩॥
സമസ്താര്തിഹരം സദ്യസ്സൌഖ്യദം ച പൃഥക് പൃഥക് ।
അനുഭൂയാനുഭൂയാഹമാപ്നുയാം പ്രീതിമുത്തമാമ് ॥ ൧൧൪॥
സര്വാങ്ഗസുന്ദരം പുംസാം ദൃഷ്ടിചിത്താപഹാരിണമ് ।
മഹനീയോപവീതേന വൈജയന്ത്യാദിഭൂഷിതമ് ॥ ൧൧൫॥
ഹാരകേയൂരകടകൈരന്യൈരാഭരണോത്തമൈഃ ।
മാല്യൈശ്ചന്ദനപുന്നാഗമാലതീകുസുമാഞ്ചിതൈഃ ॥ ൧൧൬॥ ചമ്പക
അന്യൈഃ കമലകല്ഹാരൈരസംഖ്യേയൈരലങ്കൃതമ് ।
സൌശീല്യാശ്രിതവാത്സല്യസൌലഭ്യാദിഗുണാര്ണവമ് ॥ ൧൧൭॥
വേദാന്തവേദ്യവിഭവം വിധിരുദ്രാദിസേവിതമ് ।
ചിന്താമണിമശേഷാണാം ശേഷാചലശിരോമണിമ് ॥ ൧൧൮॥
ശ്രീഭൂനീലാകുചമണിം ദേവദേവശിഖാമണിമ് ।
വൈകുണ്ഠനാഥം മന്നാഥം വാസുദേവമിവാപരമ് ॥ ൧൧൯॥
വേങ്കടാചലശൃങ്ഗാഗ്രംവിഹാരരസികം ഹരിമ് ।
പശ്യന് പശ്യന്പ്രസന്നാത്മാ ഭവേയം നിത്യകിങ്കരഃ ॥ ൧൨൦॥
ഇത്ഥം ശ്രീവേങ്കടേശസ്യ സേവാക്രമപരാം ശുഭാമ് ।
ഗാര്ഗ്യശ്രീശഠജിദ്ദാസസൂക്തിം ശ്രുതിസുഖാവഹാമ് ॥ ൧൨൧॥
പ്രാപ്യാം ച പ്രാര്ഥനാരൂപാമനുസന്ദധതോഽന്വഹമ് ।
ലഭന്തേ ശ്രീനിവാസസ്യ നിത്യസേവാമനുത്തമാമ് ॥ ൧൨൨॥
॥ ശ്രീഘനഗുരവേനമഃ ॥
॥ ഇതി വേംകടേശസേവാക്രമഃ ॥
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa
Please send corrections to sanskrit@cheerful.com
Last updated ത്oday
http://sanskritdocuments.org
Venkatesha Sevakramaha Lyrics in Malayalam PDF
% File name : venkaTeshasevAkrama.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : venkaTeshasevAkrama.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website