వేఙ్కటేశసేవాక్రమః
{॥ వేఙ్కటేశసేవాక్రమః ॥}
యశ్చక్రే వేంకటేశస్య సేవాక్రమమనుత్తమమ్ ।
తం శఠారిగురుం వన్దే గార్గ్యం శ్రీపురవాసినమ్ ॥
శ్రీవేన్కటాచలాధీశం శ్రియాఽధ్యాసితవక్షసమ్ ।
శ్రితచేతనమన్దారం శ్రీనివాసమహం భజే ॥ ౧॥
ప్రాతరుత్థాయ పూతాత్మా ధ్యాయేయ స్వగురోః పదే ।
శ్రీవేంకటేశపాదాబ్జే ఇయాసువేంకటాచలమ్ ॥ ౨॥
చక్రతీర్థే తతః స్నాత్వా కృతపూర్వాహ్నికక్రియః ।
ధ్యాయన్ శ్రివేంకటాధీశం సేవేయాఞ్జనభూధరమ్ ॥ ౩॥
తతః పశ్చిమదిగ్భాగే గత్వా కఞ్చిన్మహాపథమ్ ।
శ్రీవేంకటగిరేర్మూలే శేషాంశేనోత్థితాం భువః ॥ ౪॥
చిఞ్చామున్నిద్రసుభగాం దివ్యాం తన్మూలతః శుభే ।
శ్రీనివాసపదామ్భోజే స్వసంకల్పాత్ సముత్థితే ॥ ౫॥
తన్మూలతః స్వయంవ్యక్తాన్ సరోయోగిముఖానపి ।
లక్ష్మీనృసింహం శేషాద్రిం ప్రణిపత్య కృతాఞ్జలిః ॥ ౬॥
దయాశతకమప్యుచ్చైః స్తోత్రగద్యే సముఞ్చరన్ ।
భక్తైర్భాగవతైస్సార్ధమారోహేయం వృషాచలమ్ ॥ ౭॥
ఘుప్యద్భిః సఙ్ఘశశ్చోచ్చైర్గోవిన్దేతి పునఃపునః ।
గచ్ఛద్భిః స్వామిసేవార్థమాగచ్ఛద్భిర్నిరన్తరమ్ ॥ ౮॥
సంపూర్ణం లబ్ధకామైశ్చ చతుర్వర్గార్థిభిర్నరైః ।
శిఖరాణి చ రమ్యాణి నిర్జ్ఝరాన్ పరిషత్ప్రభుమ్ ॥ ౯॥
శ్రీవేంకటేశం సంసేవ్య గచ్ఛేయం తం మహాపథమ్ ।
ఆరుహ్య తిష్ఠన్నామోదాదఞ్జ్నాద్రిశిరోవరమ్ ॥ ౧౦॥
శ్రీవేంకటాచలప్రాన్తభూమిపర్యన్తపర్వతాన్ ।
వాపీకూపతటాకాదీన్ వనాన్యుపవనాని చ ॥ ౧౧॥
సువర్ణముఖరీం చైవ శోభమానాం మహానదీమ్ ।
ధామ గోవిన్దరాజస్య పశ్యేయం శ్రీపురీమపి ॥ ౧౨॥
తతః కర్పూరసురభితీర్థం కర్పూరనిర్జ్ఝరమ్ ।
గత్వాఽఽచమ్య తతశ్చాన్యచ్ఛృఙ్గమారుహ్య సున్దరమ్ ॥ ౧౩॥
పక్షివృక్షాకృతిధరైర్నిబిడం నిత్యసూరిభిః ।
శీఘ్రం క్వచిఞ్చ గచ్ఛేయం సేవాచపలమానసః ॥ ౧౪॥
సుఖమత్రైవ వర్తేయ రమ్యే శ్రీశైలసానుని ।
ఇతీరయన్మన్దమతిర్గచ్ఛేయం కుత్రచిత్పునః ॥ ౧౫॥
సువర్చసాం సురూపాణాం పుణ్యానాం మృగపక్షిణామ్ ।
శృణుయామద్భుతం శబ్దం కూజతాం మధురం పథి ॥ ౧౬॥
అతీత్య కఞ్చిత్పన్థానమటవీనృహరిం తతః ।
ప్రణమ్య తదనుజ్ఞాతః ప్రవిశన్వనమన్తరా ॥ ౧౭॥
సాలతాలతమాలామ్లచన్దనామరభూరుహైః ।
నాలికేరామ్రపనసకదలీక్రముకైరపి ॥ ౧౮॥ (నారికేలా)
పుష్పవద్భిః ఫలోపేతైశ్ఛాయావద్భిర్మనోహరైః ।
భూషితం భూరుహైశ్చాన్యైర్నిర్జ్ఝరైశ్చామలోదకైః ॥ ౧౯॥
సింహకుఞ్జరగోవ్యాఘ్రతరక్షుహరిణాదిభిః ।
నిర్వై రైర్మృగసఙ్ఘైశ్చ రమమాణైః సమాకులమ్ ॥ ౨౦॥
మయూరకోకిలానాం చ మధురైః కూజితైరపి ।
శారికాశుకసంలాపైర్మోదితాఖిలచేతనమ్ ॥ ౨౧॥
చన్దనాగరుసంవాహిమన్దమారుతసేవితమ్ ।
శ్రీమదప్రాకృతం దివ్యం ఝిల్లికాగణనాదితమ్ ॥ ౨౨॥
నయనానన్దజనకం నవీనం పశ్యతాం సదా ।
సర్వత్ర ఫలపుష్పాఢ్యం సంపశ్యేయం వనస్థలమ్ ॥ ౨౩॥
తతోఽన్యచ్ఛృ ఙ్గమారుహ్య తతోఽన్యత్రావరుహ్య చ ।
క్వచిద్గచ్ఛన్ క్వచిత్తిష్ఠన్ క్వచిద్ధ్యాయన్ రమాపతిమ్ ॥ ౨౪॥
సానుమన్యం సమారోహన్ శ్రీశ మామానయాన్తికమ్ ।
ఇతి బ్రువన్ యతివరం ప్రాప్నుయాం పరయా ముదా ॥ ౨౫॥
తం ప్రణమ్యాభ్యనుజ్ఞాతః పరం పన్థానమాస్థితః ।
అర్చిరాదిపథే దివ్యే మిత్రచన్ద్రేన్ద్రవేధసామ్ ॥ ౨౬॥
లోకపఙ్ క్తివదత్యన్తరమ్యాం మణ్డపసన్తతిమ్ ।
సంపశ్యంస్తత్ర గచ్ఛేయం శౌరేర్ధామాన్తికస్థలమ్ ॥ ౨౭॥
తతః ప్రణవనిస్స్వాణకాహలీనాదమేదురమ్ ? పణవనిస్సాణ
శృణుయాం శ్రోత్రసుఖదం దివ్యదున్దుభినిస్వనమ్ ॥ ౨౮॥
తతశ్చమ్పకపున్నాగవకులామరభూరుహామ్ ।
అన్యేషాం దివ్యగన్ధైశ్చ నానావర్ణైర్మనోరమైః ॥ ౨౯॥
అభ్రఙ్కషాణాం కుసుమైరనిశం చిత్రితామ్బరమ్ ।
మల్లికామాధవీజాతిపుష్పైశ్చిత్రితభూతలమ్ ॥ ౩౦॥
మధ్యేమధ్యే లసద్దివ్యలీలామణ్టపశోభితమ్ ।
తత్రతత్ర స్థితైః క్రీడాశైలైశ్చారుభిరుజ్జ్వలమ్ ॥ ౩౧॥
పుణ్యపక్షిగణానాం చ పూరితాశాముఖం రవైః ।
పద్మకల్హారకుముదనీలోత్పలసుగన్ధిభిః ॥ ౩౨॥
రాజహంసాదిశకునైః కూజద్భిశ్చ విరాజితైః ।
సరోవాపీతటాకాద్యైరావృతం పరమాద్భుతైః ॥ ౩౩॥
అతిప్రమాణమాశ్చర్యావహమప్రాకృతం శుభమ్ ।
ఉద్యానశతసాహస్రముద్యత్పల్లవకోరకమ్ ॥ ౩౪॥
పశ్యన్ శృఙ్గవిహీనం తద్గోపురం ప్రాప్నుయాం పరమ్ ।
తతః శ్రీవేంకటేశస్య మన్దిరం లోకవన్దితమ్ ॥ ౩౫॥
దివ్యం సువర్ణప్రాకారగోపురైరుజ్జ్వలం మహత్ ।
తతశ్చోద్యత్సహస్రాంశుశతకోటిసమప్రభమ్ ॥ ౩౬॥
మఙ్గలం సర్వజగతాం మణ్డనం శేషభూభృతః ।
భూమావనుపమం దివ్యం లోకానుగ్రహకామ్యయా ॥ ౩౭॥
స్వయంవ్యక్తం విమానం తదానన్దనిలయాహ్వయమ్ ।
దివ్యం చ నగరం పశ్యన్ శ్రీవైకుణ్ఠమివాపరమ్ ॥ ౩౮॥
ధన్యోఽస్మ్యనుగృహీతోఽస్మి కృతార్థోఽస్మీతి చ బ్రువన్ ।
పరమానన్దభరితః ప్రణమేయం ప్రసన్నధీః ॥ ౩౯॥
తతస్సన్నిధివీథ్యగ్రభూషణం పవనాత్మజమ్ ।
నమస్కృత్య తతః పశ్యన్ సహస్రస్తమ్భమణ్టపమ్ ॥ ౪౦॥
ప్రవిశేయం ప్రసన్నాత్మా వైకుణ్ఠద్వారమద్భుతమ్ ।
తతః కాఞ్చనదీప్త్యా చ రత్నకాన్త్యా చ రూపితమ్ ॥ ౪౧॥
భూషితం దివ్యమాల్యైశ్చ ముక్తాదామభిరేవ చ ।
చన్దనాగరుధూపైశ్చ సర్వతస్సురభీకృతమ్ ॥ ౪౨॥
ఆజ్ఞాముద్రాధరర్భీమైరస్థానభయశఙ్కిభిః ।
చణ్డప్రచణ్డప్రముఖైర్ద్వారపాలైః సురక్షితమ్ ॥ ౪౩॥
భేరీమృదఙ్గపణవతూర్యశఙ్ఖాదిభిశ్శుభైః ।
అష్టాదశవిధైర్వాద్యైరాఘోషితనభస్స్థలమ్ ॥ ౪౪॥
బ్రహ్మరుద్రాదిదేవానాం మహర్షీణాం మహాత్మనామ్ ।
యోగినాం సనకాదీనాం దివ్యస్థాననివాసినామ్ ॥ ౪౫॥
దివ్యాప్సరోగణానాం చ నృత్తం గీతం చ కుర్వతామ్ ।
చాతుర్వర్ణ్యప్రసూతానాం సదా భక్తిమతాం హరౌ ॥ ౪౬॥
ఆబాలవృద్ధమాబద్ధమస్తకాఞ్జలిశోభినామ్ ।
నానాదేశాగతానాం చ నరాణాం భాగ్యశాలినామ్ ॥ ౪౭॥
సపుత్రమిత్రదారాణాం బృన్దైః సాన్ద్రం సుశోభనమ్ ।
విచ్ఛిన్నాగ్రనివేశం తత్పరీతం ద్వారమాస్థితః ॥ ౪౮॥
ప్రణమ్య భక్త్యా సాష్టాఙ్గం ప్రహర్షం ప్రాప్నుయాం పరమ్ ।
తత్ర శ్రీవేంకటాధీశం తతస్తత్ర కృతాఞ్జలిః ॥ ౪౯॥
రాజవీథీషు రమ్యాసు ప్రదక్షిణపరో భవన్ ।
నిత్యముక్తసమానానాం తదీయానాం మహాత్మనామ్ ॥ ౫౦॥
భవనాని విచిత్రాణి పశ్యన్ హృష్టః పునఃపునః ।
స్వామిపుష్కరిణీతీరం శ్రయేయం శ్రమనాశనమ్ ॥ ౫౧॥
తతస్త్వాచమ్య తత్తీర్థే కృతమాధ్యాహ్నికక్రియః ।
వరాహరూపిణం దేవం వామాఙ్కస్థవసున్ధరమ్ ॥ ౫౨॥
ప్రణమ్య ప్రాఞ్జలిః కుర్యాం ప్రదక్షిణమహం తతః ।
తీర్థం ప్రదక్షిణం కుర్వన్ శ్రీశైలస్తుతిరూపిణీః ॥ ౫౩॥
కులశేఖరసూక్తీరప్యుఞ్చార్యానమ్య వై రథమ్ ।
పునః పరీతం విచ్ఛిన్నాభినివేశముపేత్య చ ॥ ౫౪॥
నత్వా శ్రీమన్మహద్ద్వారం ప్రవిశ్యాన్తః ప్రసన్నధీః ।
ఆస్థానచిఞ్చామచలచ్ఛాయాం శేషాంశకాం తతః ॥ ౫౫॥
ఆనమ్య మణ్టపాంశ్చైవ పశ్యేయం విపులోన్నతాన్ ।
బలిపీఠం మహాదివ్యం బ్రహ్మరుద్రాదిసేవితమ్ ॥ ౫౬॥
ధ్వజస్తమ్భేన సహితం ప్రణమ్య ప్రాఞ్జలిర్ముదా ।
భావయేయం వృషాద్రీశం ప్రణతార్తిహరం ప్రభుమ్ ॥ ౫౭॥
తత్ర ప్రదక్షిణపరాన్నమస్కారపరాన్ ముహుః ।
వేదపారాయణపరాన్ వేదాన్తవ్యాక్రియాపరాన్ ॥ ౫౮॥
ఇతిహాసపురాణాదీన్ పఠతః శృణ్వతోఽపి చ ।
స్తోత్రపాఠే చ నిరతాన్ బ్రహ్మవిద్యాసు నిష్ఠితాన్ ॥ ౫౯॥
సఙ్కీర్తనపరాన్ శౌరేః గుణశ్రవణతత్పరాన్ ।
ధ్యాననిష్ఠాన్ యోగనిష్ఠాఞ్జపశీలాంస్తథా యతీన్ ॥ ౬౦॥
ఆబద్ధాఞ్జలిపద్మాం ?శ్చాప్యా? నన్దాశ్రుభిరాప్లుతాన్ ।
పులకాఞ్చితగాత్రాంశ్చ పూతభావాన్మహాత్మనః ॥ ౬౧॥
సన్తానధనరాజ్యశ్రీసంపదాదివరార్థినః ।
లబ్ధ్వా వరం తతస్తూర్ణమిష్టాలాపపరానపి ॥ ౬౨॥
సర్వాన్మహాభాగవతాన్ సంపశ్యేయం పునఃపునః ।
తతో వేన్కటనాయక్యాః స్థానం దృష్ట్వా తతఃపరమ్ ॥ ౬౩॥
ఆనమ్య చమ్పకతరుం తన్నామాఙ్కితవీథికామ్ ।
ప్రదక్షిణపరస్సర్వం పశ్యేయం చ కృతాఞ్జలిః ॥ ౬౪॥
శాలిముద్గతిలాదీనాం శాలాస్తత్ర సహస్రశః ।
సర్వసంపత్సమృద్ధాశ్చ పాకశాలా మనోరమాః ॥ ౬౫॥
స్వామిపుష్కరిణీతీర్థం దృష్ట్వాఽఽచమ్య తతఃపరమ్ ।
యామునేయాభిధం దివ్యం మాల్యాగారం మనోహరమ్ ॥ ౬౬॥
గోపీనాం రమణం తత్ర వేణునాదవినోదినమ్ ।
సువర్ణమణ్టపం చైవ నారాయణగిరిం తథా ॥ ౬౭॥
బలిపీఠం పునర్గత్వా ప్రత్యగ్ద్వారం చ చామ్పకమ్ ।
బద్ధాఞ్జలిస్తతః పశ్యన్ప్రాసాదాన్పరమాద్భుతాన్ ॥ ౬౮॥
పాయసాన్నైర్గుడాన్నైశ్చ శుద్ధైరోదనరాశిభిః ।
దధిక్షీరాజ్యసంపన్నైర్మృష్టాన్నైర్వివిధోదనైః ॥ ౬౯॥
అపూపైః స్వాదుభిర్హృద్యైః శాలిపిష్టోపపాదితైః ।
సుగన్ధైర్గోఘృతైః పక్వైః ప్రభూతగుడసంమితైః ॥ ౭౦॥
పృథుకైర్గుడసంమిశ్రైస్సజీరకమరీచకైః ।
కన్దమూలఫలైశ్చైవ వ్యఞ్జనైర్వివిధైరపి ॥ ౭౧॥
సంపూర్ణం పాకశాలాం చ సంప్రవిశ్యాథ సన్నతః ।
శ్రియం తత్ర స్థితాం దేవీం శ్రీనివాసమనఃప్రియామ్ ॥ ౭౨॥
ప్రణమేయం తదాజ్ఞప్తో భజేయం యాగశాలికామ్ ।
దివ్యం తతో రత్నమయం శ్రీమహామణిఅమణ్టపమ్ ॥ ౭౩॥
తత్ర శయ్యాగృహం రమ్యం తత్రస్థం దేవమచ్యుతమ్ ।
శ్రియా దేవ్యా ధరణ్యా చ సేవితం పార్శ్వయోస్సదా ॥ ౭౪॥
ఉత్సవార్హముదారాఙ్గముజ్జ్వలాయుధభూషణమ్ ।
ప్రణిపత్య ప్రసన్నాత్మా పరమానన్దమాప్నుయామ్ ॥ ౭౫॥
తతః పరీత్య తం ధన్యో వస్త్రాగారం మహర్ద్ధిమత్ ।
వాహనాని మహార్హాణి విమానం చానతస్తతః ॥ ౭౬॥
ఛత్రచామరకోశం చ శ్రయేయం సైన్యనాయకమ్ ।
తతో రామానుజాచార్యం ప్రపన్నకులశేఖరమ్ ॥ ౭౭॥
అప్రాకృతం విమానం చ ఆనన్దనిలయాహ్వయమ్ ।
ప్రణమ్య తదనుజ్ఞాతః ప్రణమన్నృహరిం తతః ॥ ౭౮॥
ప్రదక్షిణపరో భూత్వా పక్షిరాజం త్రయీమయమ్ ।
పరమానన్దజనకం పశ్యేయం పుష్పమణ్టపమ్ ॥ ౭౯॥
ప్రవిశ్య పక్షిరాజం చ భజేయం ద్వారపాలకౌ ।
తతస్తత్ర విచిత్రాణి రత్నాని వివిధాని చ ॥ ౮౦॥
వాహనాని మహార్హాణి భూషణాని సహస్రశః ।
దివ్యామ్బరాణ్యనేకాని క్షౌమపీతామ్బరాణి చ ॥ ౮౧॥
సువర్ణరౌప్యఖణ్డాని ధనాని వివిధాని చ ।
గజాంశ్చ పశుసఙ్ఘాంశ్చ ఛత్రవ్యజనచామరైః ॥ ౮౨॥
సమస్తదేశజాతాని వస్తూన్యన్యాన్యనేకశః ।
శ్రీవేంకటేశప్రీత్యర్థం సర్వదేశనివాసిభిః ॥ ౮౩॥
సర్వాన్ సమర్పితాన్ పశ్యన్నుపహారాంశ్చ సన్నిధౌ ।
ఆత్మస్వరూపానుగుణమపి శ్రీశమనఃప్రియమ్ ॥ ౮౪॥
ద్రవ్యం వ్యక్తిఞ్చిద్తులముపహారం సమర్ప్య చ ।
ప్రణమన్ పరయా భక్త్యా భజేయం కృతకృత్యతామ్ ॥ ౮౫॥
తతో రామానుజాచార్యం పురస్కృత్య యతీశ్వరమ్ ।
శ్రీవేంకటాచలాధీశం శ్రీనిధిం కరుణనిఅధిమ్ ॥ ౮౬॥
అస్మద్భాగ్యపరీపాకమఖిలాభీష్టదాయినమ్ ।
నాథం సమస్తజగతాం నాథం నః కులదైవతమ్ ॥ ౮౭॥
మాతరం పితరం బన్ధుం భ్రాతరం సుహృదం గురుమ్ ।
అస్మత్కులధనం భోగ్యమాచార్యకులదర్శితమ్ ॥ ౮౮॥
శేషాచలశిరోరత్నం శ్రీనివాసం పరాత్పరమ్ ।
మహనీయం పరం బ్రహ్మ వన్దిషీయ పునఃపునః ॥ ౮౯॥
పశ్యన్ రమన్ సముత్తిష్ఠంస్తువన్నృత్యన్ పునఃపునః ।
పులకాఞ్చితగాత్రశ్చ భవేయం ప్రాఞ్జలిస్తతః ॥ ౯౦॥
ద్వారపాలాభ్యనుజ్ఞాతః కృపయా చావలోకితః ।
కథఞ్చిత్ప్రవిశన్ భీతో మహామణ్టపమన్తరా ॥ ౯౧॥
పశ్యన్ హరిం ప్రసన్నాత్మా ప్రాప్నుయామర్ధమణ్టపమ్ ।
తస్మిన్ధనుర్ధరం రామం సౌమిత్రిమపి జానకీమ్ ॥ ౯౨॥
హనూమన్తం చ సుగ్రీవమఙ్గదం దౌత్యలక్షణమ్ ।
విష్వక్సేనం విహఙ్గేశమనన్తం చానతస్తతః ॥ ౯౩॥
ఉపసృత్య చ సోపానం కులశేఖరనామ ?య? కమ్ ।
భయభక్తిసమాక్రాన్తః పార్శ్వం దక్షిణమాస్థితః ॥ ౯౪॥
నిభ్రుతః ప్రణతః ప్రహ్వో భవేయం ప్రాఞ్జలిస్తతః ।
శుభాః శ్రీభట్టనాథస్య సూక్తీర్మఙ్గలరూపిణీః ॥ ౯౫॥
శఠారికలిజిస్సూక్తీశ్శరణాగతివాచికాః ।
శ్రీవేంకటేశవిషయాః శ్రీనివాసమనఃప్రియాః ॥ ౯౬॥
తదీయప్రవరైః సార్ధం గద్యం చాప్యనుసన్దధత్ ।
శ్రీభూమినీలాదేవీనాం దివ్యహస్తోపలాలితౌ ॥ ౯౭॥
శరణ్యౌ చాశరణ్యానాం శఙ్ఖచక్రాదిచిహ్నితౌ ।
విలాసవిక్రమక్రాన్తత్రైలోక్యౌ లోకపావనౌ ॥ ౯౮॥
వన్దారుజనమన్దారౌ మఞ్జీరద్యుతిరఞ్జితౌ ।
హంసకాలఙ్కృతౌ దివ్యౌ కిఙ్కిణీకవిభూషితౌ ॥ ౯౯॥
పారిజాతాదికుసుమైః సూరిభిశ్చార్చితౌ సదా ।
శ్రీమచ్ఛఠారికలిజిచ్ఛ్రీరామానుజయోగిభిః ॥ ౧౦౦॥
ప్రాప్యప్రాపకభావేన ప్రపన్నౌ పరభక్తితః ।
సేవేయ శ్రీనివాసస్య చరణౌ జలజోపమౌ ॥ ౧౦౧॥
సౌవర్ణకాహలాకారే జఙ్ఘే సర్వమనోహరే ।
సమానసంనివేశం చ చారుజానుయుగం తథా ॥ ౧౦౨॥
కదలీకాణ్డకాన్తోరుయుగలం చాతిసున్దరమ్ ।
దివ్యపీతామ్బరాశ్లిష్టం దీప్రకాఞ్చీగుణోజ్జ్వలమ్ ॥ ౧౦౩॥
కటీతటం చ రుచిరం కాన్తఖఙ్గవిరాజితమ్ ।
వన్దారుభవవారాశికటీదఘ్నత్వసూచకమ్ ॥ ౧౦౪॥
కరం వామం కటిన్యస్తం కనత్కఙ్కణభూషణమ్ ।
వైకుణ్ఠమేతద్ధామేతి వ్యఞ్జకం దక్షిణం కరమ్ ॥ ౧౦౫॥
లావణ్యనిమ్నగావర్తనాభిం చాపి తనూదరమ్ ।
ఇన్దిరామన్దిరం వక్షశ్చన్ద్రచన్దనచర్చితమ్ ॥ ౧౦౬॥
విహరన్తీం శ్రియం తత్ర వేంకటాచలనాయకామ్ ।
గ్రీవాం చ కమ్బువత్కాన్తాం గ్రైవేయకవిభూషితామ్ ॥ ౧౦౭॥
సమస్తశోకశమనం చన్ద్రకాన్తం తదాననమ్ ।
శుచిస్మితం సున్దరోష్టం శోభనాధరపల్లవమ్ ॥ ౧౦౮॥
సుకపోలౌ సునాసాం చ సున్దరభ్రూలతాయుగమ్ ।
దయాకఞ్చుకితాపాఙ్గైర్దృష్టాదృష్టఫలప్రదే ॥ ౧౦౯॥
దివ్యామ్బుజదలాకారే దీర్ఘే దివ్యే చ లోచనే ।
తథా కరయుగా దఞ్చచ్ఛఙ్ఖచక్రే సదోజ్జ్వలే ॥ ౧౧౦॥ కరయుగో
ఉన్నతాంసయుగాలమ్బిలసన్మకరకుణ్డలే ।
ఉదగ్రకర్ణచాపౌ చాప్యుల్లసత్కర్ణపూరకే ॥ ౧౧౧॥
రమ్యే లలాటే విలసదూర్ధ్వపుణ్డ్రం లలాటికామ్ ।
లసద్రత్నకిరీటం చ జగన్నాథత్వసూచకమ్ ॥ ౧౧౨॥
ఏవం సర్వాఙ్గసౌన్దర్యమియతారహితం ప్రభుమ్ ।
ఆపాదమౌలిలావణ్యమఖిలాభరణాదికమ్ ॥ ౧౧౩॥
సమస్తార్తిహరం సద్యస్సౌఖ్యదం చ పృథక్ పృథక్ ।
అనుభూయానుభూయాహమాప్నుయాం ప్రీతిముత్తమామ్ ॥ ౧౧౪॥
సర్వాఙ్గసున్దరం పుంసాం దృష్టిచిత్తాపహారిణమ్ ।
మహనీయోపవీతేన వైజయన్త్యాదిభూషితమ్ ॥ ౧౧౫॥
హారకేయూరకటకైరన్యైరాభరణోత్తమైః ।
మాల్యైశ్చన్దనపున్నాగమాలతీకుసుమాఞ్చితైః ॥ ౧౧౬॥ చమ్పక
అన్యైః కమలకల్హారైరసంఖ్యేయైరలఙ్కృతమ్ ।
సౌశీల్యాశ్రితవాత్సల్యసౌలభ్యాదిగుణార్ణవమ్ ॥ ౧౧౭॥
వేదాన్తవేద్యవిభవం విధిరుద్రాదిసేవితమ్ ।
చిన్తామణిమశేషాణాం శేషాచలశిరోమణిమ్ ॥ ౧౧౮॥
శ్రీభూనీలాకుచమణిం దేవదేవశిఖామణిమ్ ।
వైకుణ్ఠనాథం మన్నాథం వాసుదేవమివాపరమ్ ॥ ౧౧౯॥
వేఙ్కటాచలశృఙ్గాగ్రంవిహారరసికం హరిమ్ ।
పశ్యన్ పశ్యన్ప్రసన్నాత్మా భవేయం నిత్యకిఙ్కరః ॥ ౧౨౦॥
ఇత్థం శ్రీవేఙ్కటేశస్య సేవాక్రమపరాం శుభామ్ ।
గార్గ్యశ్రీశఠజిద్దాససూక్తిం శ్రుతిసుఖావహామ్ ॥ ౧౨౧॥
ప్రాప్యాం చ ప్రార్థనారూపామనుసన్దధతోఽన్వహమ్ ।
లభన్తే శ్రీనివాసస్య నిత్యసేవామనుత్తమామ్ ॥ ౧౨౨॥
॥ శ్రీఘనగురవేనమః ॥
॥ ఇతి వేంకటేశసేవాక్రమః ॥
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa
Please send corrections to sanskrit@cheerful.com
Last updated త్oday
http://sanskritdocuments.org
యశ్చక్రే వేంకటేశస్య సేవాక్రమమనుత్తమమ్ ।
తం శఠారిగురుం వన్దే గార్గ్యం శ్రీపురవాసినమ్ ॥
శ్రీవేన్కటాచలాధీశం శ్రియాఽధ్యాసితవక్షసమ్ ।
శ్రితచేతనమన్దారం శ్రీనివాసమహం భజే ॥ ౧॥
ప్రాతరుత్థాయ పూతాత్మా ధ్యాయేయ స్వగురోః పదే ।
శ్రీవేంకటేశపాదాబ్జే ఇయాసువేంకటాచలమ్ ॥ ౨॥
చక్రతీర్థే తతః స్నాత్వా కృతపూర్వాహ్నికక్రియః ।
ధ్యాయన్ శ్రివేంకటాధీశం సేవేయాఞ్జనభూధరమ్ ॥ ౩॥
తతః పశ్చిమదిగ్భాగే గత్వా కఞ్చిన్మహాపథమ్ ।
శ్రీవేంకటగిరేర్మూలే శేషాంశేనోత్థితాం భువః ॥ ౪॥
చిఞ్చామున్నిద్రసుభగాం దివ్యాం తన్మూలతః శుభే ।
శ్రీనివాసపదామ్భోజే స్వసంకల్పాత్ సముత్థితే ॥ ౫॥
తన్మూలతః స్వయంవ్యక్తాన్ సరోయోగిముఖానపి ।
లక్ష్మీనృసింహం శేషాద్రిం ప్రణిపత్య కృతాఞ్జలిః ॥ ౬॥
దయాశతకమప్యుచ్చైః స్తోత్రగద్యే సముఞ్చరన్ ।
భక్తైర్భాగవతైస్సార్ధమారోహేయం వృషాచలమ్ ॥ ౭॥
ఘుప్యద్భిః సఙ్ఘశశ్చోచ్చైర్గోవిన్దేతి పునఃపునః ।
గచ్ఛద్భిః స్వామిసేవార్థమాగచ్ఛద్భిర్నిరన్తరమ్ ॥ ౮॥
సంపూర్ణం లబ్ధకామైశ్చ చతుర్వర్గార్థిభిర్నరైః ।
శిఖరాణి చ రమ్యాణి నిర్జ్ఝరాన్ పరిషత్ప్రభుమ్ ॥ ౯॥
శ్రీవేంకటేశం సంసేవ్య గచ్ఛేయం తం మహాపథమ్ ।
ఆరుహ్య తిష్ఠన్నామోదాదఞ్జ్నాద్రిశిరోవరమ్ ॥ ౧౦॥
శ్రీవేంకటాచలప్రాన్తభూమిపర్యన్తపర్వతాన్ ।
వాపీకూపతటాకాదీన్ వనాన్యుపవనాని చ ॥ ౧౧॥
సువర్ణముఖరీం చైవ శోభమానాం మహానదీమ్ ।
ధామ గోవిన్దరాజస్య పశ్యేయం శ్రీపురీమపి ॥ ౧౨॥
తతః కర్పూరసురభితీర్థం కర్పూరనిర్జ్ఝరమ్ ।
గత్వాఽఽచమ్య తతశ్చాన్యచ్ఛృఙ్గమారుహ్య సున్దరమ్ ॥ ౧౩॥
పక్షివృక్షాకృతిధరైర్నిబిడం నిత్యసూరిభిః ।
శీఘ్రం క్వచిఞ్చ గచ్ఛేయం సేవాచపలమానసః ॥ ౧౪॥
సుఖమత్రైవ వర్తేయ రమ్యే శ్రీశైలసానుని ।
ఇతీరయన్మన్దమతిర్గచ్ఛేయం కుత్రచిత్పునః ॥ ౧౫॥
సువర్చసాం సురూపాణాం పుణ్యానాం మృగపక్షిణామ్ ।
శృణుయామద్భుతం శబ్దం కూజతాం మధురం పథి ॥ ౧౬॥
అతీత్య కఞ్చిత్పన్థానమటవీనృహరిం తతః ।
ప్రణమ్య తదనుజ్ఞాతః ప్రవిశన్వనమన్తరా ॥ ౧౭॥
సాలతాలతమాలామ్లచన్దనామరభూరుహైః ।
నాలికేరామ్రపనసకదలీక్రముకైరపి ॥ ౧౮॥ (నారికేలా)
పుష్పవద్భిః ఫలోపేతైశ్ఛాయావద్భిర్మనోహరైః ।
భూషితం భూరుహైశ్చాన్యైర్నిర్జ్ఝరైశ్చామలోదకైః ॥ ౧౯॥
సింహకుఞ్జరగోవ్యాఘ్రతరక్షుహరిణాదిభిః ।
నిర్వై రైర్మృగసఙ్ఘైశ్చ రమమాణైః సమాకులమ్ ॥ ౨౦॥
మయూరకోకిలానాం చ మధురైః కూజితైరపి ।
శారికాశుకసంలాపైర్మోదితాఖిలచేతనమ్ ॥ ౨౧॥
చన్దనాగరుసంవాహిమన్దమారుతసేవితమ్ ।
శ్రీమదప్రాకృతం దివ్యం ఝిల్లికాగణనాదితమ్ ॥ ౨౨॥
నయనానన్దజనకం నవీనం పశ్యతాం సదా ।
సర్వత్ర ఫలపుష్పాఢ్యం సంపశ్యేయం వనస్థలమ్ ॥ ౨౩॥
తతోఽన్యచ్ఛృ ఙ్గమారుహ్య తతోఽన్యత్రావరుహ్య చ ।
క్వచిద్గచ్ఛన్ క్వచిత్తిష్ఠన్ క్వచిద్ధ్యాయన్ రమాపతిమ్ ॥ ౨౪॥
సానుమన్యం సమారోహన్ శ్రీశ మామానయాన్తికమ్ ।
ఇతి బ్రువన్ యతివరం ప్రాప్నుయాం పరయా ముదా ॥ ౨౫॥
తం ప్రణమ్యాభ్యనుజ్ఞాతః పరం పన్థానమాస్థితః ।
అర్చిరాదిపథే దివ్యే మిత్రచన్ద్రేన్ద్రవేధసామ్ ॥ ౨౬॥
లోకపఙ్ క్తివదత్యన్తరమ్యాం మణ్డపసన్తతిమ్ ।
సంపశ్యంస్తత్ర గచ్ఛేయం శౌరేర్ధామాన్తికస్థలమ్ ॥ ౨౭॥
తతః ప్రణవనిస్స్వాణకాహలీనాదమేదురమ్ ? పణవనిస్సాణ
శృణుయాం శ్రోత్రసుఖదం దివ్యదున్దుభినిస్వనమ్ ॥ ౨౮॥
తతశ్చమ్పకపున్నాగవకులామరభూరుహామ్ ।
అన్యేషాం దివ్యగన్ధైశ్చ నానావర్ణైర్మనోరమైః ॥ ౨౯॥
అభ్రఙ్కషాణాం కుసుమైరనిశం చిత్రితామ్బరమ్ ।
మల్లికామాధవీజాతిపుష్పైశ్చిత్రితభూతలమ్ ॥ ౩౦॥
మధ్యేమధ్యే లసద్దివ్యలీలామణ్టపశోభితమ్ ।
తత్రతత్ర స్థితైః క్రీడాశైలైశ్చారుభిరుజ్జ్వలమ్ ॥ ౩౧॥
పుణ్యపక్షిగణానాం చ పూరితాశాముఖం రవైః ।
పద్మకల్హారకుముదనీలోత్పలసుగన్ధిభిః ॥ ౩౨॥
రాజహంసాదిశకునైః కూజద్భిశ్చ విరాజితైః ।
సరోవాపీతటాకాద్యైరావృతం పరమాద్భుతైః ॥ ౩౩॥
అతిప్రమాణమాశ్చర్యావహమప్రాకృతం శుభమ్ ।
ఉద్యానశతసాహస్రముద్యత్పల్లవకోరకమ్ ॥ ౩౪॥
పశ్యన్ శృఙ్గవిహీనం తద్గోపురం ప్రాప్నుయాం పరమ్ ।
తతః శ్రీవేంకటేశస్య మన్దిరం లోకవన్దితమ్ ॥ ౩౫॥
దివ్యం సువర్ణప్రాకారగోపురైరుజ్జ్వలం మహత్ ।
తతశ్చోద్యత్సహస్రాంశుశతకోటిసమప్రభమ్ ॥ ౩౬॥
మఙ్గలం సర్వజగతాం మణ్డనం శేషభూభృతః ।
భూమావనుపమం దివ్యం లోకానుగ్రహకామ్యయా ॥ ౩౭॥
స్వయంవ్యక్తం విమానం తదానన్దనిలయాహ్వయమ్ ।
దివ్యం చ నగరం పశ్యన్ శ్రీవైకుణ్ఠమివాపరమ్ ॥ ౩౮॥
ధన్యోఽస్మ్యనుగృహీతోఽస్మి కృతార్థోఽస్మీతి చ బ్రువన్ ।
పరమానన్దభరితః ప్రణమేయం ప్రసన్నధీః ॥ ౩౯॥
తతస్సన్నిధివీథ్యగ్రభూషణం పవనాత్మజమ్ ।
నమస్కృత్య తతః పశ్యన్ సహస్రస్తమ్భమణ్టపమ్ ॥ ౪౦॥
ప్రవిశేయం ప్రసన్నాత్మా వైకుణ్ఠద్వారమద్భుతమ్ ।
తతః కాఞ్చనదీప్త్యా చ రత్నకాన్త్యా చ రూపితమ్ ॥ ౪౧॥
భూషితం దివ్యమాల్యైశ్చ ముక్తాదామభిరేవ చ ।
చన్దనాగరుధూపైశ్చ సర్వతస్సురభీకృతమ్ ॥ ౪౨॥
ఆజ్ఞాముద్రాధరర్భీమైరస్థానభయశఙ్కిభిః ।
చణ్డప్రచణ్డప్రముఖైర్ద్వారపాలైః సురక్షితమ్ ॥ ౪౩॥
భేరీమృదఙ్గపణవతూర్యశఙ్ఖాదిభిశ్శుభైః ।
అష్టాదశవిధైర్వాద్యైరాఘోషితనభస్స్థలమ్ ॥ ౪౪॥
బ్రహ్మరుద్రాదిదేవానాం మహర్షీణాం మహాత్మనామ్ ।
యోగినాం సనకాదీనాం దివ్యస్థాననివాసినామ్ ॥ ౪౫॥
దివ్యాప్సరోగణానాం చ నృత్తం గీతం చ కుర్వతామ్ ।
చాతుర్వర్ణ్యప్రసూతానాం సదా భక్తిమతాం హరౌ ॥ ౪౬॥
ఆబాలవృద్ధమాబద్ధమస్తకాఞ్జలిశోభినామ్ ।
నానాదేశాగతానాం చ నరాణాం భాగ్యశాలినామ్ ॥ ౪౭॥
సపుత్రమిత్రదారాణాం బృన్దైః సాన్ద్రం సుశోభనమ్ ।
విచ్ఛిన్నాగ్రనివేశం తత్పరీతం ద్వారమాస్థితః ॥ ౪౮॥
ప్రణమ్య భక్త్యా సాష్టాఙ్గం ప్రహర్షం ప్రాప్నుయాం పరమ్ ।
తత్ర శ్రీవేంకటాధీశం తతస్తత్ర కృతాఞ్జలిః ॥ ౪౯॥
రాజవీథీషు రమ్యాసు ప్రదక్షిణపరో భవన్ ।
నిత్యముక్తసమానానాం తదీయానాం మహాత్మనామ్ ॥ ౫౦॥
భవనాని విచిత్రాణి పశ్యన్ హృష్టః పునఃపునః ।
స్వామిపుష్కరిణీతీరం శ్రయేయం శ్రమనాశనమ్ ॥ ౫౧॥
తతస్త్వాచమ్య తత్తీర్థే కృతమాధ్యాహ్నికక్రియః ।
వరాహరూపిణం దేవం వామాఙ్కస్థవసున్ధరమ్ ॥ ౫౨॥
ప్రణమ్య ప్రాఞ్జలిః కుర్యాం ప్రదక్షిణమహం తతః ।
తీర్థం ప్రదక్షిణం కుర్వన్ శ్రీశైలస్తుతిరూపిణీః ॥ ౫౩॥
కులశేఖరసూక్తీరప్యుఞ్చార్యానమ్య వై రథమ్ ।
పునః పరీతం విచ్ఛిన్నాభినివేశముపేత్య చ ॥ ౫౪॥
నత్వా శ్రీమన్మహద్ద్వారం ప్రవిశ్యాన్తః ప్రసన్నధీః ।
ఆస్థానచిఞ్చామచలచ్ఛాయాం శేషాంశకాం తతః ॥ ౫౫॥
ఆనమ్య మణ్టపాంశ్చైవ పశ్యేయం విపులోన్నతాన్ ।
బలిపీఠం మహాదివ్యం బ్రహ్మరుద్రాదిసేవితమ్ ॥ ౫౬॥
ధ్వజస్తమ్భేన సహితం ప్రణమ్య ప్రాఞ్జలిర్ముదా ।
భావయేయం వృషాద్రీశం ప్రణతార్తిహరం ప్రభుమ్ ॥ ౫౭॥
తత్ర ప్రదక్షిణపరాన్నమస్కారపరాన్ ముహుః ।
వేదపారాయణపరాన్ వేదాన్తవ్యాక్రియాపరాన్ ॥ ౫౮॥
ఇతిహాసపురాణాదీన్ పఠతః శృణ్వతోఽపి చ ।
స్తోత్రపాఠే చ నిరతాన్ బ్రహ్మవిద్యాసు నిష్ఠితాన్ ॥ ౫౯॥
సఙ్కీర్తనపరాన్ శౌరేః గుణశ్రవణతత్పరాన్ ।
ధ్యాననిష్ఠాన్ యోగనిష్ఠాఞ్జపశీలాంస్తథా యతీన్ ॥ ౬౦॥
ఆబద్ధాఞ్జలిపద్మాం ?శ్చాప్యా? నన్దాశ్రుభిరాప్లుతాన్ ।
పులకాఞ్చితగాత్రాంశ్చ పూతభావాన్మహాత్మనః ॥ ౬౧॥
సన్తానధనరాజ్యశ్రీసంపదాదివరార్థినః ।
లబ్ధ్వా వరం తతస్తూర్ణమిష్టాలాపపరానపి ॥ ౬౨॥
సర్వాన్మహాభాగవతాన్ సంపశ్యేయం పునఃపునః ।
తతో వేన్కటనాయక్యాః స్థానం దృష్ట్వా తతఃపరమ్ ॥ ౬౩॥
ఆనమ్య చమ్పకతరుం తన్నామాఙ్కితవీథికామ్ ।
ప్రదక్షిణపరస్సర్వం పశ్యేయం చ కృతాఞ్జలిః ॥ ౬౪॥
శాలిముద్గతిలాదీనాం శాలాస్తత్ర సహస్రశః ।
సర్వసంపత్సమృద్ధాశ్చ పాకశాలా మనోరమాః ॥ ౬౫॥
స్వామిపుష్కరిణీతీర్థం దృష్ట్వాఽఽచమ్య తతఃపరమ్ ।
యామునేయాభిధం దివ్యం మాల్యాగారం మనోహరమ్ ॥ ౬౬॥
గోపీనాం రమణం తత్ర వేణునాదవినోదినమ్ ।
సువర్ణమణ్టపం చైవ నారాయణగిరిం తథా ॥ ౬౭॥
బలిపీఠం పునర్గత్వా ప్రత్యగ్ద్వారం చ చామ్పకమ్ ।
బద్ధాఞ్జలిస్తతః పశ్యన్ప్రాసాదాన్పరమాద్భుతాన్ ॥ ౬౮॥
పాయసాన్నైర్గుడాన్నైశ్చ శుద్ధైరోదనరాశిభిః ।
దధిక్షీరాజ్యసంపన్నైర్మృష్టాన్నైర్వివిధోదనైః ॥ ౬౯॥
అపూపైః స్వాదుభిర్హృద్యైః శాలిపిష్టోపపాదితైః ।
సుగన్ధైర్గోఘృతైః పక్వైః ప్రభూతగుడసంమితైః ॥ ౭౦॥
పృథుకైర్గుడసంమిశ్రైస్సజీరకమరీచకైః ।
కన్దమూలఫలైశ్చైవ వ్యఞ్జనైర్వివిధైరపి ॥ ౭౧॥
సంపూర్ణం పాకశాలాం చ సంప్రవిశ్యాథ సన్నతః ।
శ్రియం తత్ర స్థితాం దేవీం శ్రీనివాసమనఃప్రియామ్ ॥ ౭౨॥
ప్రణమేయం తదాజ్ఞప్తో భజేయం యాగశాలికామ్ ।
దివ్యం తతో రత్నమయం శ్రీమహామణిఅమణ్టపమ్ ॥ ౭౩॥
తత్ర శయ్యాగృహం రమ్యం తత్రస్థం దేవమచ్యుతమ్ ।
శ్రియా దేవ్యా ధరణ్యా చ సేవితం పార్శ్వయోస్సదా ॥ ౭౪॥
ఉత్సవార్హముదారాఙ్గముజ్జ్వలాయుధభూషణమ్ ।
ప్రణిపత్య ప్రసన్నాత్మా పరమానన్దమాప్నుయామ్ ॥ ౭౫॥
తతః పరీత్య తం ధన్యో వస్త్రాగారం మహర్ద్ధిమత్ ।
వాహనాని మహార్హాణి విమానం చానతస్తతః ॥ ౭౬॥
ఛత్రచామరకోశం చ శ్రయేయం సైన్యనాయకమ్ ।
తతో రామానుజాచార్యం ప్రపన్నకులశేఖరమ్ ॥ ౭౭॥
అప్రాకృతం విమానం చ ఆనన్దనిలయాహ్వయమ్ ।
ప్రణమ్య తదనుజ్ఞాతః ప్రణమన్నృహరిం తతః ॥ ౭౮॥
ప్రదక్షిణపరో భూత్వా పక్షిరాజం త్రయీమయమ్ ।
పరమానన్దజనకం పశ్యేయం పుష్పమణ్టపమ్ ॥ ౭౯॥
ప్రవిశ్య పక్షిరాజం చ భజేయం ద్వారపాలకౌ ।
తతస్తత్ర విచిత్రాణి రత్నాని వివిధాని చ ॥ ౮౦॥
వాహనాని మహార్హాణి భూషణాని సహస్రశః ।
దివ్యామ్బరాణ్యనేకాని క్షౌమపీతామ్బరాణి చ ॥ ౮౧॥
సువర్ణరౌప్యఖణ్డాని ధనాని వివిధాని చ ।
గజాంశ్చ పశుసఙ్ఘాంశ్చ ఛత్రవ్యజనచామరైః ॥ ౮౨॥
సమస్తదేశజాతాని వస్తూన్యన్యాన్యనేకశః ।
శ్రీవేంకటేశప్రీత్యర్థం సర్వదేశనివాసిభిః ॥ ౮౩॥
సర్వాన్ సమర్పితాన్ పశ్యన్నుపహారాంశ్చ సన్నిధౌ ।
ఆత్మస్వరూపానుగుణమపి శ్రీశమనఃప్రియమ్ ॥ ౮౪॥
ద్రవ్యం వ్యక్తిఞ్చిద్తులముపహారం సమర్ప్య చ ।
ప్రణమన్ పరయా భక్త్యా భజేయం కృతకృత్యతామ్ ॥ ౮౫॥
తతో రామానుజాచార్యం పురస్కృత్య యతీశ్వరమ్ ।
శ్రీవేంకటాచలాధీశం శ్రీనిధిం కరుణనిఅధిమ్ ॥ ౮౬॥
అస్మద్భాగ్యపరీపాకమఖిలాభీష్టదాయినమ్ ।
నాథం సమస్తజగతాం నాథం నః కులదైవతమ్ ॥ ౮౭॥
మాతరం పితరం బన్ధుం భ్రాతరం సుహృదం గురుమ్ ।
అస్మత్కులధనం భోగ్యమాచార్యకులదర్శితమ్ ॥ ౮౮॥
శేషాచలశిరోరత్నం శ్రీనివాసం పరాత్పరమ్ ।
మహనీయం పరం బ్రహ్మ వన్దిషీయ పునఃపునః ॥ ౮౯॥
పశ్యన్ రమన్ సముత్తిష్ఠంస్తువన్నృత్యన్ పునఃపునః ।
పులకాఞ్చితగాత్రశ్చ భవేయం ప్రాఞ్జలిస్తతః ॥ ౯౦॥
ద్వారపాలాభ్యనుజ్ఞాతః కృపయా చావలోకితః ।
కథఞ్చిత్ప్రవిశన్ భీతో మహామణ్టపమన్తరా ॥ ౯౧॥
పశ్యన్ హరిం ప్రసన్నాత్మా ప్రాప్నుయామర్ధమణ్టపమ్ ।
తస్మిన్ధనుర్ధరం రామం సౌమిత్రిమపి జానకీమ్ ॥ ౯౨॥
హనూమన్తం చ సుగ్రీవమఙ్గదం దౌత్యలక్షణమ్ ।
విష్వక్సేనం విహఙ్గేశమనన్తం చానతస్తతః ॥ ౯౩॥
ఉపసృత్య చ సోపానం కులశేఖరనామ ?య? కమ్ ।
భయభక్తిసమాక్రాన్తః పార్శ్వం దక్షిణమాస్థితః ॥ ౯౪॥
నిభ్రుతః ప్రణతః ప్రహ్వో భవేయం ప్రాఞ్జలిస్తతః ।
శుభాః శ్రీభట్టనాథస్య సూక్తీర్మఙ్గలరూపిణీః ॥ ౯౫॥
శఠారికలిజిస్సూక్తీశ్శరణాగతివాచికాః ।
శ్రీవేంకటేశవిషయాః శ్రీనివాసమనఃప్రియాః ॥ ౯౬॥
తదీయప్రవరైః సార్ధం గద్యం చాప్యనుసన్దధత్ ।
శ్రీభూమినీలాదేవీనాం దివ్యహస్తోపలాలితౌ ॥ ౯౭॥
శరణ్యౌ చాశరణ్యానాం శఙ్ఖచక్రాదిచిహ్నితౌ ।
విలాసవిక్రమక్రాన్తత్రైలోక్యౌ లోకపావనౌ ॥ ౯౮॥
వన్దారుజనమన్దారౌ మఞ్జీరద్యుతిరఞ్జితౌ ।
హంసకాలఙ్కృతౌ దివ్యౌ కిఙ్కిణీకవిభూషితౌ ॥ ౯౯॥
పారిజాతాదికుసుమైః సూరిభిశ్చార్చితౌ సదా ।
శ్రీమచ్ఛఠారికలిజిచ్ఛ్రీరామానుజయోగిభిః ॥ ౧౦౦॥
ప్రాప్యప్రాపకభావేన ప్రపన్నౌ పరభక్తితః ।
సేవేయ శ్రీనివాసస్య చరణౌ జలజోపమౌ ॥ ౧౦౧॥
సౌవర్ణకాహలాకారే జఙ్ఘే సర్వమనోహరే ।
సమానసంనివేశం చ చారుజానుయుగం తథా ॥ ౧౦౨॥
కదలీకాణ్డకాన్తోరుయుగలం చాతిసున్దరమ్ ।
దివ్యపీతామ్బరాశ్లిష్టం దీప్రకాఞ్చీగుణోజ్జ్వలమ్ ॥ ౧౦౩॥
కటీతటం చ రుచిరం కాన్తఖఙ్గవిరాజితమ్ ।
వన్దారుభవవారాశికటీదఘ్నత్వసూచకమ్ ॥ ౧౦౪॥
కరం వామం కటిన్యస్తం కనత్కఙ్కణభూషణమ్ ।
వైకుణ్ఠమేతద్ధామేతి వ్యఞ్జకం దక్షిణం కరమ్ ॥ ౧౦౫॥
లావణ్యనిమ్నగావర్తనాభిం చాపి తనూదరమ్ ।
ఇన్దిరామన్దిరం వక్షశ్చన్ద్రచన్దనచర్చితమ్ ॥ ౧౦౬॥
విహరన్తీం శ్రియం తత్ర వేంకటాచలనాయకామ్ ।
గ్రీవాం చ కమ్బువత్కాన్తాం గ్రైవేయకవిభూషితామ్ ॥ ౧౦౭॥
సమస్తశోకశమనం చన్ద్రకాన్తం తదాననమ్ ।
శుచిస్మితం సున్దరోష్టం శోభనాధరపల్లవమ్ ॥ ౧౦౮॥
సుకపోలౌ సునాసాం చ సున్దరభ్రూలతాయుగమ్ ।
దయాకఞ్చుకితాపాఙ్గైర్దృష్టాదృష్టఫలప్రదే ॥ ౧౦౯॥
దివ్యామ్బుజదలాకారే దీర్ఘే దివ్యే చ లోచనే ।
తథా కరయుగా దఞ్చచ్ఛఙ్ఖచక్రే సదోజ్జ్వలే ॥ ౧౧౦॥ కరయుగో
ఉన్నతాంసయుగాలమ్బిలసన్మకరకుణ్డలే ।
ఉదగ్రకర్ణచాపౌ చాప్యుల్లసత్కర్ణపూరకే ॥ ౧౧౧॥
రమ్యే లలాటే విలసదూర్ధ్వపుణ్డ్రం లలాటికామ్ ।
లసద్రత్నకిరీటం చ జగన్నాథత్వసూచకమ్ ॥ ౧౧౨॥
ఏవం సర్వాఙ్గసౌన్దర్యమియతారహితం ప్రభుమ్ ।
ఆపాదమౌలిలావణ్యమఖిలాభరణాదికమ్ ॥ ౧౧౩॥
సమస్తార్తిహరం సద్యస్సౌఖ్యదం చ పృథక్ పృథక్ ।
అనుభూయానుభూయాహమాప్నుయాం ప్రీతిముత్తమామ్ ॥ ౧౧౪॥
సర్వాఙ్గసున్దరం పుంసాం దృష్టిచిత్తాపహారిణమ్ ।
మహనీయోపవీతేన వైజయన్త్యాదిభూషితమ్ ॥ ౧౧౫॥
హారకేయూరకటకైరన్యైరాభరణోత్తమైః ।
మాల్యైశ్చన్దనపున్నాగమాలతీకుసుమాఞ్చితైః ॥ ౧౧౬॥ చమ్పక
అన్యైః కమలకల్హారైరసంఖ్యేయైరలఙ్కృతమ్ ।
సౌశీల్యాశ్రితవాత్సల్యసౌలభ్యాదిగుణార్ణవమ్ ॥ ౧౧౭॥
వేదాన్తవేద్యవిభవం విధిరుద్రాదిసేవితమ్ ।
చిన్తామణిమశేషాణాం శేషాచలశిరోమణిమ్ ॥ ౧౧౮॥
శ్రీభూనీలాకుచమణిం దేవదేవశిఖామణిమ్ ।
వైకుణ్ఠనాథం మన్నాథం వాసుదేవమివాపరమ్ ॥ ౧౧౯॥
వేఙ్కటాచలశృఙ్గాగ్రంవిహారరసికం హరిమ్ ।
పశ్యన్ పశ్యన్ప్రసన్నాత్మా భవేయం నిత్యకిఙ్కరః ॥ ౧౨౦॥
ఇత్థం శ్రీవేఙ్కటేశస్య సేవాక్రమపరాం శుభామ్ ।
గార్గ్యశ్రీశఠజిద్దాససూక్తిం శ్రుతిసుఖావహామ్ ॥ ౧౨౧॥
ప్రాప్యాం చ ప్రార్థనారూపామనుసన్దధతోఽన్వహమ్ ।
లభన్తే శ్రీనివాసస్య నిత్యసేవామనుత్తమామ్ ॥ ౧౨౨॥
॥ శ్రీఘనగురవేనమః ॥
॥ ఇతి వేంకటేశసేవాక్రమః ॥
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa
Please send corrections to sanskrit@cheerful.com
Last updated త్oday
http://sanskritdocuments.org
Venkatesha Sevakramaha Lyrics in Telugu PDF
% File name : venkaTeshasevAkrama.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : venkaTeshasevAkrama.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Source : Venkatesha Kavyakalapa
% Latest update : April 4, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website