ശ്രീപദ്മനാഭശതകമ്
{॥ ശ്രീപദ്മനാഭശതകമ് ॥}
മഹാരാജാ സ്വാതി തിരുനാള് വിരചിതമ്
॥ ശ്രീ ഗണേശായ നമഃ ॥
॥ പ്രഥമം ദശകമ് ॥
യാ തേ പാദസരോജധൂലിരനിശം ബ്രഹ്മാദിഭിര്നിസ്പൃഹൈഃ
ഭക്ത്യാ സന്നതകന്ധരൈഃ സകുതുകം സന്ധാര്യമാണാ ഹരേ ।
യാ വിശ്വം പ്രപുനാതി ജാലമചിരാത് സംശോഷയത്യംഹസാം
സാ മാം ഹീനഗുണം പുനാതു നിതരാം ശ്രീപദ്മനാഭാന്വഹമ് ॥ ൧॥
സത്ത്വൈകപ്രവണാശയാ മുനിവരാ വേദൈഃ സ്തുവന്തഃ പരൈഃ
ത്വന്മാഹാത്മ്യപയോനിധേരിഹപരം നാദ്യാപി പാരങ്ഗതാഃ ।
ഏവം സത്യഹമല്പബുദ്ധിരവശഃ സ്തോതും കഥം ശക്നുയാം
ത്വത്കാരുണ്യമൃതേ ഹരേ! തരതി കഃ പോതം വിനാ സാഗരമ് ॥ ൨॥
തസ്മാച്ഛിന്ധി മദീയമോഹമഖിലം സംസാരബന്ധാവഹം
ഭക്തിം ത്വത്പദയോര്ദിശ സ്ഥിരതരാം സര്വാപദുന്മീലിനീമ് ।
വാണീം ത്വത്പദവര്ണനേ പടുതമാം വിദ്വജ്ജനാഹ്ലാദിനീം
ദേഹി ത്വത്പദസേവകായ നനു മേ കാരുണ്യവാരാംനിധേ ॥ ൩॥
യേനേദം ഭുവനം തതം സ്വബലതോ യസ്യാജ്ഞയോദേത്യഹര്-
നാഥോ വാത്യനിലോ ദഹത്യപി ശിഖിഃ സര്വേഽപി യന്നിര്മിതാഃ ।
യശ്ചേദം സകലം ജഗത്സ്വജഠരേ ധത്തേ ച കല്പാവധൌ
തത്താദൃഗ്വിഭവേ ത്വയി പ്രമുദിതേ കിം വാ ദുരാപം നൃണാമ് ॥ ൪॥
ഭക്താനാമഖിലേപ്സിതാര്ഥഘടനേ ബദ്ധോദ്യമസ്ത്വം ഹരേ!
നിത്യം ഖല്വിതി ബോദ്ധ്യമസ്തി ബഹുശോ ദേവ! പ്രമാണം മമ ।
നോ ചേദ്വ്യാസവചസ്തവൈവ വചനം വേദോപഗീതം വചോ
ഹാ രഥ്യാജനവാദവദ്ബത ഭവേന്മിഥ്യാ രമാവല്ലഭ! ॥ ൫॥
ഇന്ദ്രദ്യുമ്നനൃപഃ കരീന്ദ്രജനനം പ്രാപ്തോഽഥ ശാപേന വൈ
നക്രാക്രാന്തപദോ വിമോചനപടുര്നാഭൂത്സഹസ്രം സമാഃ ।
ഭൂയസ്ത്വാമയമര്ചയന് സരസിജൈഃ ശുണ്ഡോദ്ധൃതൈഃ സാദരം
സാരൂപ്യം സമവാപ ദേവ ഭവതോ നക്രോഽപി ഗന്ധര്വതാമ് ॥ ൬॥
പാപഃ കശ്ചിദജാമിലാഖ്യധരണീദേവോഽവസത്സന്തതം
സ്വൈരിണ്യാ സഹ കാമമോഹിതമതിസ്ത്വാം വിസ്മരന് മുക്തിദമ് ।
അന്തേ ചാഹ്വയദീശ! ഭീതഹൃദയോ നാരായണേത്യാത്മജം
നീതഃ സോഽപി ഭവദ്ഭടൈസ്തവപദം സംരുധ്യ യാമ്യാന് ഭടാന് ॥ ൭॥
പാഞ്ചാലീം നൃപസന്നിധൌ ഖലമതിര്ദുശ്ശാസനഃ പുഷ്പിണീം
ആകര്ഷശ്ചികുരേണ ദീനവദനാം വാസഃ സമാക്ഷിപ്തവാന് ।
യാവത്സാ ഭുവനൈകബന്ധുമവശാ സസ്മാര ലജ്ജാകുലാ
ക്രോശന്തീ വ്യതനോഃ പടൌഘമമലം തസ്യാസ്ത്വനന്തം ഹരേ ! ॥ ൮॥
യാമാര്ധേന തു പിങ്ഗലാ തവ പദം പ്രാപ്താ ഹി വാരാങ്ഗനാ
ബാലഃ പഞ്ചവയോയുതോ ധ്രുവപദം ചൌത്താനപാദിര്ഗതഃ ।
യാതശ്ചാപി മൃകണ്ഡുമൌനിതനയഃ ശൌരേ! ചിരം ജീവിതം
നാഹം വക്തുമിഹ ക്ഷമസ്തവ കൃപാലഭ്യം ശുഭം പ്രാണിനാമ് ॥ ൯॥
ഏവം ഭക്തജനൌഘകല്പകതരും തം ത്വാം ഭജന്തഃ ക്ഷണം
പാപിഷ്ഠാ അപി മുക്തിമാര്ഗമമലം കേ കേ ന യാതാ വിഭോ! ।
സ ത്വം മാമപി താവകീനചരണേ ഭക്തം വിധായാനതം
സ്യാനന്ദൂരപുരേശ! പാലയ മുദാ താപാന്മമാപാകുരു ॥ ൧൦॥
॥ ദ്വിതീയം ദശകമ് ॥
പിബന്തി യേ ത്വച്ചരിതാമൃതൌഘം
സ്മരന്തി രൂപം തവ വിശ്വരമ്യമ് ।
ഹരന്തി കാലം ച സഹ ത്വദീയൈഃ
മന്യേഽത്ര താന് മാധവ ധന്യധന്യാന് ॥ ൧॥
സദാ പ്രസക്താം വിഷയേഷ്വശാന്താം
മതിം മദീയാം ജഗദേകബന്ധോ! ।
തവൈവ കാരുണ്യവശാദിദാനീം
സന്മാര്ഗഗാം പ്രേരയ വാസുദേവ! ॥ ൨॥
ദൃശൌ ഭവന്മൂര്തിവിലോകലോലേ
ശ്രുതീ ച തേ ചാരുകഥാപ്രസക്തേ ।
കരൌ ച തേ പൂജനബദ്ധതൃഷ്ണൌ
വിധേഹി നിത്യം മമ പങ്കജാക്ഷ ! ॥ ൩॥
നൃണാം ഭവത്പാദനിഷേവണം തു
മഹൌഷധം സംസൃതിരോഗഹാരീ ।
തദേവ മേ പങ്കജനാഭ ഭൂയാത്
ത്വന്മായയാ മോഹിതമാനസസ്യ ॥ ൪॥
യദീഹ ഭക്തിസ്തവപാദപദ്മേ
സ്ഥിരാ ജനാനാമഖിലാര്തിഹന്ത്രീ ।
തദാ ഭവേന്മുക്തിരഹോ കരസ്ഥാ
ധര്മാര്ഥകാമാഃ കിമു വര്ണനീയാഃ ॥ ൫॥
വേദോദിതാഭിര്വ്രതസത്ക്രിയാഭിര്-
നശ്യത്യഘൌഘോ ന ഹി വാസനാ തു ।
ത്വത്പാദസേവാ ഹരതി ദ്വയം യത്
തസ്മാത്സ്ഥിരാ സൈവ മമാശു ഭൂയാത് ॥ ൬॥
ത്വദീയനാമസ്മൃതിരപ്യകസ്മാദ്
ധുനോതി പാപൌഘമസംശയം തത് ।
യദ്വദ്ഗദാനൌഷധമാശു ഹന്തി
യഥാ കൃശാനുര്ഭുവി ദാരുകൂടമ് ॥ ൭॥
യദ്യത്സ്മരന് പ്രോജ്ഝതി ദേഹമേതത്
പ്രയാണകാലേ വിവശോഽത്ര ദേഹീ ।
തത്തത്കിലാപ്നോതി യദന്യഭാവേ
തസ്മാത്തവൈവ സ്മൃതിരസ്തു നിത്യമ് ॥ ൮॥
അനേകധര്മാന് പ്രചരന്മനുഷ്യഃ
നാകേ നു ഭുങ്ക്തേ സുഖമവ്യലീകമ് ।
തസ്യാവധൌ സമ്പതതീഹഭൂമൌ
ത്വത്സേവകോ ജാതു ന വിച്യുതഃ സ്യാത് ॥ ൯॥
തസ്മാത്സമസ്താര്തിഹരം ജനാനാം
സ്വപാദഭാജാം ശ്രുതിസാരമൃഗ്യമ് ।
തവാദ്യ രൂപം പരിപൂര്ണസത്വം
രമാമനോഹാരി വിഭാതു ചിത്തേ ॥ ൧൦॥
॥ തൃതീയം ദശകമ് ॥
ദിനമനുപദയുഗ്മം ഭാവയേയം മുരാരേ
കുലിശശഫരമുഖ്യൈശ്ചിഹ്നിതേ ചാരു ചിഹ്നൈഃ ।
നഖമണിവിധുദീപ്ത്യാ ധ്വസ്തയോഗീന്ദ്രചേതോ -
ഗതതിമിരസമൂഹം പാടലാമ്ഭോജശോഭമ് ॥ ൧॥
യദുദിതജലധാരാ പാവനീ ജഹ്നുകന്യാ
പുരഭിദപി മഹാത്മാ യാം ബിഭര്തി സ്വമൂര്ധ്നാ ।
ഭുജഗശയന! തത്തേ മഞ്ജുമഞ്ജീരയുക്തം
മുഹുരപി ഹൃദി സേവേ പാദപദ്മം മനോജ്ഞമ് ॥ ൨॥
മുരഹര! തവ ജങ്ഘേ ജാനുയുഗ്മം ച സേവേ
ദുരിതഹര തഥോരൂ മാംസളൌ ചാരുശോഭൌ ।
കനകരുചിരചേലേനാവൃതൌ ദേവ! നിത്യം
ഭുവനഹൃദയമോഹം സമ്യഗാശങ്ക്യ നൂനമ് ॥ ൩॥
മണിഗണയുതകാഞ്ചീദാമ സത്കിങ്കിണീഭിഃ
മുഖരതമമമേയം ഭാവയേ മധ്യദേശമ് ।
നിഖിലഭുവനവാസസ്ഥാനമപ്യദ്യ കുക്ഷിം
മുഹുരജിത! നിഷേവേ സാദരം പദ്മനാഭ! ॥ ൪॥
ഭവഹരണ! തഥാ ശ്രീവത്സയുക്തം ച വക്ഷോ-
വിലസദരുണഭാസം കൌസ്തുഭേനാങ്ഗ കണ്ഠമ് ।
മണിവലയയുതം തേ ബാഹുയുഗ്മം ച സേവേ
ദനുജകുലവിനാശായോദ്യതം സന്തതം യത് ॥ ൫॥
വരദ ജലധിപുത്ര്യാ സാധു പീതാമൃതം തേ
ത്വധരമിഹ ഭജേഽഹം ചാരുബിമ്ബാരുണാഭമ് ।
വിമലദശനപങ്ക്തിം കുന്ദസദ്കുഡ്മലാഭാം
മകരനിഭവിരാജത്കുണ്ഡലോല്ലാസി ഗണ്ഡമ് ॥ ൬॥
തിലകുസുമസമാനാം നാസികാം ചാദ്യ സേവേ
ഗരുഡഗമന! ചില്യൌ ദര്പകേഷ്വാസതുല്യൌ ।
മൃഗമദകൃതപുണ്ഡ്രം താവകം ഫാലദേശം
കുടിലമളകജാലം നാഥ നിത്യം നിഷേവേ ॥ ൭॥
സജലജലദനീലം ഭാവയേ കേശജാലം
മണിമകുടമുദഞ്ചത്കോടിസൂര്യപ്രകാശമ് ।
പുനരനഘ! മതിം മേ ദേവ! സങ്കോച്യ യുഞ്ജേ
തവ വദനസരോജേ മന്ദഹാസേ മനോജ്ഞേ ॥ ൮॥
ഗിരിധര തവ രൂപം ത്വീദൃശം വിശ്വരമ്യം
മമ വിഹരതു നിത്യം മാനസാമ്ഭോജമധ്യേ ।
മനസിജശതകാന്തം മഞ്ജുമാധുര്യസാരം
സതതമപി വിചിന്ത്യം യോഗിഭിഃ ത്യക്തമോഹൈഃ ॥ ൯॥
അഥ ഭുവനപതേഽഹം സര്ഗവൃദ്ധിക്രമം വൈ
കിമപി കിമപി വക്തും പ്രാരഭേ ദീനബന്ധോ ।
പരപുരുഷ! തദര്ഥം ത്വത്കൃപാ സമ്പതേന്മ-
യ്യകൃതസുകൃതജാലൈര്ദുര്ലഭാ പങ്കജാക്ഷ ! ॥ ൧൦॥
॥ ചതുര്ഥം ദശകമ് ॥
താവകനാഭിസരോജാത്
ജാതോ ധാതാ സമസ്തവേദമയഃ ।
ശംസതി സകലോ ലോകോ
യം കില ഹിരണ്യഗര്ഭ ഇതി ॥ ൧॥
തദനു സ വിസ്മിതചേതാഃ
ചതസൃഷു ദിക്ഷു സാധു സമ്പശ്യന് ।
സമഗാദച്യുത തൂര്ണം
ചതുരാനനതാമിഹാഷ്ടനയനയുതാമ് ॥ ൨॥
ദൃഷ്ട്വാ കമലം സോഽയം
തന്മൂലാം തവ തനും ത്വസമ്പശ്യന് ।
കോഽഹം നിശ്ശരണോഽജം
കസ്മാദജനീതി ദേവ! ചിന്തിതവാന് ॥ ൩॥
ജ്ഞാതും തത്വം സോഽയം
സരസിജനാളാധ്വനാ ത്വധോ ഗത്വാ ।
യോഗബലേന മനോജ്ഞാം
തവ തനുമഖിലേശ! നാപ്യപശ്യദഹോ ॥ ൪॥
താവദ്ദുഖിതഹൃദയഃ
പുനരപി ച നിവൃത്യ പൂര്വവജ്ജലജേ ।
താവക കരുണാമിച്ഛന്
ചക്രേ സമാധിമയി! ഭഗവന് ॥ ൫॥
വത്സരശതകസ്യാന്തേ
ദൃഢതരതപസാ പരിവിധൂതഹൃദയമലഃ ।
സ വിധിരപശ്യത്സ്വാന്തേ
സൂക്ഷ്മതയാ തവ തനും തു സുഭഗതമാമ് ॥ ൬॥
പുനരിഹ തേന നുതസ്ത്വം
ശക്തിമദാസ്തസ്യ ഭുവനനിര്മാണേ ।
പൂര്വം ത്വസൃജത്സോഽയം
സ്ഥാവരജങ്ഗമമയം തു സകലജഗത് ॥ ൭॥
സനകമുഖാന് മുനിവര്യാന്
മനസാഹ്യസൃജത്തവാങ്ഘ്രിരതഹൃദയാന് ।
സൃഷ്ടൌ തു തേ നിയുക്താഃ
ജഗൃഹുര്വാണീം ന വൈധസീം ഭൂമന്! ॥ ൮॥
അങ്ഗാദഭവംസ്തൂര്ണം
നാരദമുഖ്യാ മുനീശ്വരാസ്തസ്യ ।
മനുശതരൂപാത്മാസൌ
മാനുഷസൃഷ്ടിം ചകാര കമലഭവഃ ॥ ൯॥
സര്ഗസ്ഥിതിലയമൂലം
സുരമുനിജാലൈരമേയമഹിമാനമ് ।
തം ത്വാമേവ പ്രണമന്
മുദമതുലാം പദ്മനാഭ! കലയാമി ॥ ൧൦॥
॥ പഞ്ചമം ദശകമ് ॥
ഭുവോ ഭാരം ഹര്തും നിയതമവതാരാംസ്തു ഭവതോ
നിയുങ്ക്തേ വക്തും മാമപി ജഡധിയം ഭക്തിരധുനാ ।
തദര്ഥം കൃത്വാ മാമനുപമപടും പാലയ ഹരേ
ഭവത്പാദാമ്ഭോജപ്രവണഹൃദയം ദേവ സദയമ് ॥ ൧॥
ഹയഗ്രീവാഖ്യേന ത്രിദശരിപുണാ വേദനിവഹേ
ഹൃതേ നിദ്രാണസ്യാമ്ബുരുഹജനുഷോ ഹന്ത വദനാത് ।
നിഹന്തും ദുഷ്ടം തം വിനിഹിതമതിസ്ത്വം പുരുദയാ-
പയോധിസ്തൂര്ണം വൈ ദധിത ബത മാത്സ്യം കില വപുഃ ॥ ൨॥
നദീതോയേ സന്തര്പയതി കില സത്യവ്രതനൃപേ
ഭവാന് ദൃഷ്ടോ ഹസ്തേ പരമതനുവൈസാരിണവപുഃ ।
തതോ നിന്യേ കൂപം പുനരപി തടാകം ച തടിനീം
മഹാബ്ധിം തേനാഹോ സപദി വവൃധേ താവക വപുഃ ॥ ൩॥
തതസ്തം ഭൂപാലം പ്രലയസമയാലോകനപരം
മുനീന്ദ്രാന് സപ്താപി ക്ഷിതിതരണിമാരോപ്യ ച ഭവാന് ।
സമാകര്ഷന് ബദ്ധാം നിജ വിപുലശൃങ്ഗേ പുനരിമാം
മുദാ തേഭ്യഃ സന്ദര്ശിതഭുവനഭാഗഃ സമചരത് ॥ ൪॥
പുനസ്സംഹൃത്യ ത്വം നിജപരുഷശൃങ്ഗേണ ദിതിജം
ക്ഷണാദ്വേദാന് പ്രാദാ മുദിതമനസേ ദേവ വിധയേ ।
തഥാഭൂതാഽമേയപ്രണതജനസൌഭ്യാഗ്യദ! ഹരേ!
മുദാ പാഹി ത്വം മാം സരസിരുഹനാഭാഽഖിലഗുരോ! ॥ ൫॥
വഹംസ്ത്വം മന്ഥാനം കമഠവപുഷാ മന്ദരഗിരിം
ദധാനഃ പാണിഭ്യാം സ്വയമപി വരത്രാം ഫണിപതിമ് ।
സുരേഭ്യഃ സമ്പ്രദാസ്ത്വമൃതമിഹ മഥ്നന് കില ജവാത്
ഹരേ ദുഗ്ധാമ്ഭോധേഃ സപദി കമലാഽജായത തതഃ ॥ ൬॥
തതോ നിക്ഷിപ്താ വൈ സപദി വരണസ്രക് ഖലു തയാ
ഭവത്കണ്ഠേ മാത്രാ നിഖിലഭുവനാനാം സകുതുകമ് ।
പപൌ ത്വത്പ്രീത്യര്ഥം സപദി ബത ഹാലാഹലവിഷം
ഗിരീശഃ പ്രാദാസ്ത്വം സുരതരുഗജാദീനി ഹരയേ ॥ ൭॥
പുരാ തേ ദ്വാസ്ഥൌ ദ്വൌ സനകമുഖശാപേന തു ഗതൌ
ഹരേ! സര്വൈര്നിന്ദ്യം ഖലു ദനുജജന്മാതികഠിനമ് ।
തയോര്ഭ്രാതാ ദുഷ്ടോ മുരഹര കനീയാന് വരബലാത്
ഹിരണ്യാക്ഷോ നാമ ക്ഷിതിമിഹ ജലേ മജ്ജയദസൌ ॥ ൮॥
മഹീം മഗ്നാം ദൃഷ്ട്വാ തദനു മനുനാ സേവിതപദാത്
വിധേര്നാസാരന്ധ്രാത്സമഭവദഹോ സൂകരശിശുഃ ।
തതോ ദൈത്യം ഹത്വാ പരമമഹിതഃ പീവരതനുഃ
ഭവാന് നിന്യേ ഭൂമിം സകലവിനുത പ്രാക്തനദശാമ് ॥ ൯॥
വധേന സ്വഭ്രാതുഃ പരമകുപിതോ ദാനവവരോ
ഹിരണ്യപ്രാരമ്ഭഃ കശിപുരിഹ മോഹാകുലമതിഃ ।
വിജേതും ത്വാം സോഽയം നിഖിലജഗദാധാരവപുഷം
പ്രതിജ്ഞാം ചാകാര്ഷീദ്ദനുസുതസഭാമധ്യനിലയഃ ॥ ൧൦॥
॥ ഷഷ്ഠം ദശകമ് ॥
പുത്രോഽസ്യ വൈ സമജനീഹ തവാങ്ഘ്രിഭക്തഃ
പ്രഹ്ലാദ ഇത്യഭിമതഃ ഖലു സജ്ജനാനാമ് ।
തം തത്പിതാ പരമദുഷ്ടമതിര്ന്യരൌത്സീത്
ത്വത്സേവിനം കിമിഹ ദുഷ്കരമീശ പാപൈഃ ॥ ൧॥
ഭൂയോഽപി സോഽഥ ജഗദീശ്വര! ഗര്ഭവാസേ
ശ്രീനാരദേന മുനിനോക്തഭവത്പ്രഭാവഃ ।
ശുശ്രാവ നോ ജനകവാക്യമസൌ തദാനീം
തത്പ്രേരിതൈര്ഗുരുജനൈരപി ശിക്ഷിതശ്ച ॥ ൨॥
ദൃഷ്ട്വാ പിതാഽസ്യ നിജപുത്രമതിം ത്വകമ്പാം
ത്വത്പാദപദ്മയുഗളാദതിരുഷ്ടചേതാഃ ।
ശൂലൈശ്ച ദിഗ്ഗജഗണൈരപി ദന്തശൂകൈഃ
ഏനം നിഹന്തുമിഹ യത്നശതം ചകാര ॥ ൩॥
സോഽയം ദൃഢം തവ കൃപാകവചാവൃതാങ്ഗഃ
നോ കിഞ്ചിദാപ കില ദേഹരുജാമനന്ത ! ।
lദ്്കസ്തേ ബലം ഖല! വദേrദ്്ത്യഥ ദേവ ! പൃഷ്ടോ
lദ്്ലോകത്രയസ്യ തു ബലം ഹരിrദ്്രിത്യവാദീത് ॥ ൪॥
സ്തമ്ഭേ വിഘട്ടയതി കുത്ര ഹരിസ്തവേതി
രൂപം തതഃ സമഭവത്തവ ഘോരഘോരമ് ।
നോ വാ മൃഗാത്മ ന നരാത്മ ച സിംഹനാദ-
സന്ത്രാസിതാഖിലജഗന്നികരാന്തരാളമ് ॥ ൫॥
തൂര്ണം പ്രഗൃഹ്യ ദനുജം പ്രണിപാത്യ ചോരൌ
വക്ഷോ വിദാര്യ നഖരൈഃ രുധിരം നിപീയ ।
പാദാമ്ബുജൈകനിരതസ്യ തു ബാലകസ്യ
കായാധവസ്യ ശിരസി സ്വകരം ന്യധാസ്ത്വമ് ॥ ൬॥
ഏവം സ്വഭക്തജനകാമിതദാനലോല !
നിര്ലേപ! നിര്ഗുണ! നിരീഹ! സമസ്തമൂല ! ।
മാം പാഹി താവക പദാബ്ജനിവിഷ്ടചിത്തം
ശ്രീപദ്മനാഭ! പരപൂരഷ! തേ നമസ്തേ ॥ ൭॥
ദൃഷ്ടോ ഭവാനദിതിജോ വടുരൂപധാരീ
ദൈത്യാധിപേന ബലിനാ നിജ യജ്ഞഗേഹേ ।
പൃഷ്ടശ്ച തേന lദ്്കിമു വാഞ്ഛസി ബാലകേrദ്്തി
പാദത്രയീ പ്രമിതഭൂമിതലം യയാചേ ॥ ൮॥
യുഗ്മേന ദേവ! ചരണസ്യ തു സര്വലോകേ
പൂര്ണേ തൃതീയചരണം ത്വവശഃ പ്രദാതുമ് ।
ബദ്ധശ്ച ദേഹി മമ മൂര്ധ്നി തൃതീയപാദം
ഇത്യബ്രവീദ്ഗതമദോഽനുഗൃഹീത ഏഷഃ ॥ ൯॥
ജാതോഽസി ദേവ! ജമദഗ്നിസുതോ മഹാത്മാ
ത്വം രേണുകാജഠര ഈശ്വര! ഭാര്ഗവാഖ്യഃ ।
ശമ്ഭുപ്രസാദ! സുഗൃഹീതവരാസ്ത്രജാലഃ
കൃത്താഖിലാരിനികരോരുകുഠാരപാണിഃ ॥ ൧൦॥
॥ സപ്തമം ദശകമ് ॥
യാഞ്ചാഭിസ്ത്വം ഖലു ദിവിഷദാം രാവണോപദ്രുതാനാം
പുത്രീയേഷ്ട്യാ ഫലവിലസിതം മാനവേ ദേവ! വംശേ ।
ജാതോ രാമോ ദശരഥനൃപാല്ലക്ഷ്മണേനാനുജേന
ഭ്രാത്രാ യുക്തോ വരദ! ഭരതേനാഥ ശത്രുഘ്നനാമ്നാ ॥ ൧॥
ധൃത്വാ ചാപം സഹജസഹിതഃ പാലയന് കൌശികീയം
യജ്ഞം മാരീചമുഖസുമഹാരാക്ഷസേഭ്യഃ പരം ത്വമ് ।
കൃത്വാഽഹല്യാം ചരണരജസാ ഗൌതമസ്യേശ! പത്നീം
ഭിത്വാ ശൈവം ധനുരഥ തദാ ലബ്ധവാംശ്ചാപി സീതാമ് ॥ ൨॥
മധ്യേമാര്ഗാഗത ഭൃഗുപതിം ദേവ! ജിത്വാഽതിരുഷ്ടം
ഭൂയോ ഗത്വാ പരമ! നഗരീം സ്വാമയോധ്യാം വസംസ്ത്വമ് ।
കൈകേയീവാഗ്ഭ്രമിതമനസോ ഹന്ത താതസ്യ വാചാ
ത്യക്ത്വാ രാജ്യം വിപിനമഗമോ ദുഃഖിതാശേഷലോകഃ ॥ ൩॥
ഗത്വാഽരണ്യം സഹ ദയിതയാ ചാഥ സൌമിത്രിണാ ത്വം
ഗങ്ഗാം തീര്ത്വാ സുസുഖമവസച്ചിത്രകൂടാഖ്യശൈലേ ।
തത്ര ശ്രുത്വാ ഭരതവചനാത്താതമൃത്യും വിഷണ്ണഃ
തസ്മൈ പ്രാദാ വരദ! ധരണിം പാദുകാം ചാത്മനസ്ത്വമ് ॥ ൪॥
ഭൂയോ ഹത്വാ നിശിചരവരാന് ദ്രാഗ്വിരാധാദികാംസ്ത്വം
കുമ്ഭോദ്ഭൂതേന ഖലു മുനിനാ ദത്തദിവ്യാസ്ത്രജാലഃ ।
ഭ്രാതൃച്ഛിന്നശ്രവണവിനദച്ഛൂര്പണഖ്യാ വചോഭിഃ
ത്വായാതാംസ്താന് ഖരമുഖമഹാരാക്ഷസാന് പ്രാവധീശ്ച ॥ ൫॥
മാരീചം തം കനകഹരിണഛദ്മനായാതമാരാത്
ജായാവാക്യാദലമനുഗതഃ പ്രാവധീഃ സായകേന ।
താവദ്ഭൂമന്! കപടയതിവേഷോഽഥ ലങ്കാധിനാഥഃ
സീതാദേവീമഹരത തദാ ദുഃഖിതാത്മാഽഭവസ്ത്വമ് ॥ ൬॥
ദൃഷ്ട്വാ ലങ്കേശ്വരവിനിഹതം താതമിത്രം ജടായും
തസ്യാഽഥ ത്വം വരദ കൃതവാന് പ്രേതകാര്യം വിഷണ്ണഃ ।
ദൃഷ്ടസ്തത്രാഽനുപമ! ഭവതാ മാരുതിര്ഭക്തവര്യഃ
ഭൂയസ്തുഷ്ടഃ സരസമകരോഃ സാധു സുഗ്രീവസഖ്യമ് ॥ ൭॥
ഛിത്വാ സാലാന് സരസമിഷുണാ സപ്തസങ്ഖ്യാന് ക്ഷണേന
വ്യാജേന ത്വം ബത നിഹതവാന് ബാലിനം ശക്രസൂനുമ് ।
ഭൂയോഽന്വേഷ്ടും ജനകതനയാം ദിക്ഷു സമ്പ്രേഷ്യ കീശാന്
സുഗ്രീവോക്താന് പവനജകരേ ദത്തവാംശ്ചാങ്ഗുലീയമ് ॥ ൮॥
ദൃഷ്ട്വാ സീതാം നിശിചരഗൃഹേ താവകം ദേവ! വൃത്തം
കൃത്സ്നം തൂക്ത്വാപ്യവിദിത ഭവതേ മാരുതിര്മൌലിരത്നമ് ।
തുഷ്ടസ്താവത്കില ജലനിധൌ ബാണവിത്രാസിതേ ത്വം
സേതും ബദ്ധ്വാ നിശിചരപുരം യാതവാന് പദ്മനാഭ! ॥ ൯॥
ഹത്വാ യുദ്ധേ കില ദശമുഖം ദേവ! സാമാത്യബന്ധും
സീതാം ഗൃഹ്ണന് പരിഹൃതമലാം പുഷ്പകേ രാജമാനഃ ।
പ്രാപ്യായോധ്യാം ഹരിവരനിഷാദേന്ദ്രയുക്തോഽഭിഷിക്തഃ
ത്രാതാശേഷോ രഹിതദയിതശ്ചാഗമോഽന്തേ സ്വധിഷ്ണ്യമ് ॥ ൧൦॥
॥ അഷ്ടമം ദശകമ് ॥
ദേവ! ദുഷ്ടജനൌഘഭരേണ
വ്യാകുലാഽഥ വസുധാമ്ബുജയോനിമ് ।
പ്രാപ്യ ദേവനികരൈഃ ശ്രിതപാദം
സ്വീയതാപമിഹ സമ്യഗുവാച ॥ ൧॥
പദ്മഭൂരഥ നിശമ്യ ച താപം
ചിന്തയന് സപദി ദേവ! ഭവന്തമ് ।
യുഷ്മദീയ സകലാധിഹരഃ ശ്രീ
പദ്മനാഭ ഇതി താനവദത്സഃ ॥ ൨॥
ഭൂയ ഏത്യ തവ മന്ദിരമേതേ
ഹീനപുണ്യനികരൈരനവാപ്യമ് ।
തുഷ്ടുവുഃ സവിബുധോ ദ്രുഹിണസ്ത്വാം
താപമാശ്വകഥയദ്വസുധായാഃ ॥ ൩॥
lദ്്സംഭവാമി തരസാ യദുവംശേ
യാദവാഃ കില ഭവന്ത്വിഹ ദേവാഃrദ്് ।
ഏവമീശ! കഥിതേ തവ വാക്യേ
വേധസാ കില സുരാ മുദമാപന് ॥ ൪॥
രോഹിണീജഠരതഃ കില ജാതഃ
പ്രേരണാത്തവ പരം ത്വഹിരാജഃ ।
ത്വം ച വിശ്വഗതകല്മഷഹാരീ
ദേവകീജഠരമാശു നിവിഷ്ടഃ ॥ ൫॥
അര്ധരാത്രസമയേ തു ഭവന്തം
ദേവകീ പ്രസുഷുവേഽധികധന്യാ ।
ശങ്ഖചക്രകമലോരുഗദാഭീ -
രാജിതാതിരുചിബാഹുചതുഷ്കമ് ॥ ൬॥
താവദീശ! സകലോ ബത ലോകോ
തുഷ്ടിമാപ തമൃതേ കില കംസമ് ।
അഷ്ടമഃ കില സുതോഽഥ ഭഗിന്യാ-
സ്തദ്വധം കലയതീതി ച വാക്യാത് ॥ ൭॥
ബാഷ്പപൂര്ണനയനോ വസുദവോ
നീതവാന് വ്രജപദേഽഥ ഭവന്തമ് ।
തത്ര നന്ദസദനേ കില ജാതാ -
മമ്ബികാമനയദാത്മനികേതമ് ॥ ൮॥
കംസ ഏത്യ കില സൂതിഗൃഹേ തേ
കന്യകാം തു ശയിതാം സ നിശാമ്യ ।
നൂനമേവമജിതസ്യ തു മായാ
സേയമിത്യയമതുഷ്ടിമയാസീത് ॥ ൯॥
തൂര്ണമേഷ നിധനേ നിരതാംസ്തേ
പൂതനാശകടധേനുകമുഖ്യാന് ।
പ്രാഹിണോദജിത! മന്ദമതിസ്താന്
ദുഷ്കരം കിമിഹ വിസ്മൃതപാപൈഃ ॥ ൧൦॥
॥ നവമം ദശകമ് ॥
ഏവം ഘോഷേ വിരാജത്യയി! ഭവതി ജഗന്നേത്രപീയൂഷമൂര്തൌ
ദുഷ്ടാ കാചിന്നിശാചര്യഥ സമധിഗതാ ചാരുയോഷിത്സ്വരൂപാ ।
സ്തന്യം ദാതും കുചാഗ്രം തവമുഖജലജേ ദേവ! ചിക്ഷേപ യാവത്
താവത്ക്ഷീരം സജീവം കപടശിശുരഹോ പീതവാംസ്ത്വം ക്ഷണേന ॥ ൧॥
ഭൂയഃ ശൌരേ! വ്രജേ വൈ ശകടദനുസുത പ്രാപ്തവാന് സംഹൃതോഽയം
വാതാത്മാ ദാനവശ്ച പ്രവിതത ധരണീഭാരനാശേന കൃത്തഃ ।
ദൃഷ്ട്വൈവം തേ മഹത്വം ദനുജഹൃതിചണം താദൃശീം ബാലലീലാം
ത്വന്മായാമോഹിതത്വാദയി! ബത! പശുപാ വിസ്മയം മോദമാപന് ॥ ൨॥
നന്ദഃ പശ്യന് കദാചിന്നിജനിലയഗതം യാദവാചാര്യവര്യം
ഗര്ഗം തേ കാരയാമാസ ച വിധിവദസൌ നാമ കൃഷ്ണേതി തേന ।
രാമാഖ്യാം സോദരേ തേ മുനിരഥ കലയന് വൈഭവം ച ത്വദീയം
നന്ദാദിഭ്യഃ പ്രശംസന് നിജപദമിഹ സമ്പ്രാപ്തവാന് ഭക്തവര്യഃ ॥ ൩॥
ദൃഷ്ടം മാത്രാ സമസ്തം ജഗദിഹ വദനേ മൃത്തികാഭക്ഷണം തേ
വ്യാകുര്വന്ത്യാ ശിശൂനാമഥ വചനവശാത്കിം ത്വിതോ ഹന്ത ചിത്രമ് ।
ഭൂയസ്തൂര്ണം ഭവാന് മങ്ഗളഗുണ! ഗതവാന്ദേവ! വൃന്ദാവനം തത്
യുഷ്മദ്ഗാത്രോരുശോഭാ പ്രതുലിത യമുനാതീരസംസ്ഥം മനോജ്ഞമ് ॥ ൪॥
വന്യാശം ത്വയ്യധീശേ കലയതി തരസാ ശ്രീധരാഹോ വിരിഞ്ചോ
ഗോപാന് വത്സാന് ത്വദീയാനഹരദയി! വിഭോ! താവദേവ സ്വരൂപമ് ।
സങ്ഖ്യാഹീനം പരം ത്വാമപി കബളധരം വീക്ഷ്യ സമ്ഭ്രാന്തചേതാഃ
ത്വത്പാദാബ്ജേ പതിത്വാ മുഹുരപി ഭഗവന്നസ്തവീദച്യുതം ത്വാമ് ॥ ൫॥
സര്പം തോയേ നിമഗ്നം പരമസുകുടിലം കാളിയം വീക്ഷ്യ ശൌരേ!
നൃത്യന് നൃത്യന് ഫണേ ത്വം തദനു ഗതമദം ചാകരോസ്തം ഗതം ച ।
ഭൂയസ്ത്വദ്വേണുഗാനാദജിത! ജഗദലം മോഹിതം സര്വമാസീത്
യോഷിച്ചിത്താപഹാരേ നിപുണമിദമിതി ശ്രീശ! കിം വര്ണനീയമ് ॥ ൬॥
ധൃത്വാ ഗോവര്ധനം ത്വം ഗിരിമലമതനോര്വാസവം വീതഗര്വം
യോഷിദ്ഭിസ്ത്വം സലീലം രജനിഷു കൃതവാന് രാസകേളിം മനോജ്ഞാമ് ।
ഭക്താഗ്ര്യം ഗാന്ദിനേയം തവ ഖലു നികടേ പ്രേഷയാമാസ കംസഃ
ഹത്വേഭേന്ദ്രം ച മല്ലാന് യദുവര! സബലോ മാതുലം ചാവധീസ്ത്വമ് ॥ ൭॥
ഗത്വാ സാന്ദീപനിം ത്വം കതിപയദിവസൈഃ ജ്ഞാതവാന് സര്വവിദ്യാഃ
കൃത്വാ രാജ്യേ നരേന്ദ്രം വിമലതമഗുണം ചോഗ്രസേനം ജവേന ।
രാജാനം ധര്മസൂനും ചരണരതമവന് ചൈദ്യമുഖ്യാദിഹന്താ
രുഗ്മിണ്യാദ്യഷ്ടയോഷായുതബഹുവനിതാശ്ചാരമോ ദ്വാരകായാമ് ॥ ൮॥
വിപ്രം നിസ്സ്വം കുചേലം സദനമുപഗതം ബാല്യകാലൈകമിത്രം
പശ്യന് കാരുണ്യലോലഃ പൃഥുകമിഹ കരാത്തസ്യ സങ്ഗൃഹ്യ തൂര്ണമ് ।
ലക്ഷ്മീസംവാരിതോഽപി സ്വയമപരിമിതം വിത്തമസ്മൈ ദദാനഃ
കാരുണ്യാമ്ഭോനിധിസ്ത്വം ജയ ജയ ഭഗവന്! സര്വലോകാധിനാഥ! ॥ ൯॥
യാവദ്വൃദ്ധിഃ കലേര്വൈ ഭവതി ബത തദാ കല്കിരൂപോഽതിഹീനാന്
മ്ലേച്ഛാന് ധര്മൈകശത്രൂന് ഭരിതപുരുരുഷാ നാശയിഷ്യത്യശാന്താന് ।
സ ത്വം സത്വൈകതാനാം മമ മതിമനിശം ദേഹി ശൌരേ! തദര്ഥം
ത്വത്പാദാബ്ജേ പതിത്വാ മുഹുരഹമവശഃ പ്രാര്ഥയേ പദ്മനാഭ! ॥ ൧൦॥
॥ ദശമം ദശകമ് ॥
ഭൂഷണേഷു കില ഹേമവജ്ജഗതി മൃത്തികാവദഥവാ ഘടേ
തന്തുജാലവദഹോ പടേഷ്വപി രാജിതാദ്വയരസാത്മകമ് ।
സര്വസത്വഹൃദയൈകസാക്ഷിണമിഹാതിമായ നിജവൈഭവം
ഭാവയാമി ഹൃദയേ ഭവന്തമിഹ പദ്മനാഭ! പരിപാഹി മാമ് ॥ ൧॥
ചിന്മയാമ്ബുനിധിവീചിരൂപ! സനകാദിചിന്ത്യവിമലാകൃതേ !
ജാതികര്മഗുണഭേദഹീന! സകലാദിമൂല! ജഗതാം ഗുരോ ! ।
ബ്രഹ്മശങ്കരമുഖൈരമേയവിപുലാനുഭാവ! കരുണാനിധേ!
ഭാവയാമി ഹൃദയേ ഭവന്തമിഹ പദ്മനാഭ! പരിപാഹി മാമ് ॥ ൨॥
മായയാവൃതതനുര്ബഹിഃ സൃജസി ലോകജാലമഖിലം ഭവാന്
സ്വപ്നസന്നിഭമിദം പുനസ്സപദി സംഹരന്നിജബലാദഹോ! ।
ഹന്ത! കൂര്മ ഇവ പാദമാത്മനി തു ധാരയത്യഥ യദാ തദാ
ദാരുണേ തമസി വിസ്തൃതേ വിതിമിരോ ലസത്യനിശമാത്മനാ ॥ ൩॥
ദേവദേവ! തനുവാങ്മനോഭിരിഹ യത്കരോമി സതതം ഹരേ!
ത്വയ്യസാവഹമര്പയാമ്യഖിലമേതദീശ! പരിതുഷ്യതാമ് ।
ത്വത്പദൈകമതിരന്ത്യജോഽപി ഖലു ലോകമീശ്വര! പുനാത്യഹോ!
നോ രമേശ! വിമുഖാശയോ ഭവതി വിപ്രജാതിരപി കേവലമ് ॥ ൪॥
പാപ ഏഷ കില ഗൂഹിതും നിജ ദുശ്ചരിത്രമിഹ സര്വദാ
കൃഷ്ണ! രാമ! മധുസൂദനേത്യനിശമാലപത്യഹഹ! നിഷ്ഫലമ് ।
ഏവമീശ! തവ സേവകോ ഭവതി നിന്ദിതഃ ഖലജനൈഃ കലൌ
താദൃശം ത്വനഘ! മാ കൃഥാ വരദ! മാമസീമതമവൈഭവ! ॥ ൫॥
കസ്തു ലോക ഇഹ നിര്ഭയോ ഭവതി താവകം കില വിനാ പദം
സത്യലോകവസതി സ്ഥിതോഽപി ബത ന സ്ഥിരോ വസതി പദ്മഭൂഃ ।
ഏവമീശ സതി കാ കഥാ പരമ! പാപിനാം തു നിരയാത്മനാം
തന്മദീയ ഭവബന്ധമോഹമയി! ഖണ്ഡയാഽനഘ! നമോഽസ്തു തേ ॥ ൬॥
ഭാവയന്തി ഹി പരേ ഭവന്തമയി! ചാരു ബദ്ധവിമലാസനാഃ
നാസികാഗ്രധൃതലോചനാ പരമ! പൂരകാദിജിതമാരുതാഃ ।
ഉദ്ഗതാഗ്രമഥ ചിത്തപദ്മമയി! ഭാവയന്ത ഇഹ സാദരം
ഭാനുസോമശിഖിമണ്ഡലോപരി തു നീലനീരദസമപ്രഭമ് ॥ ൭॥
ശ്ലക്ഷ്ണനീലകുടിലാളകം മകരകുണ്ഡലദ്യുതിവിരാജിതം
മന്ദഹാസഹൃതസര്വലോകവിപുലാതിഭാരമതിമോഹനമ് ।
കൌസ്തുഭേന വനമാലയാപി ച വിരാജിതം മദനസുന്ദരം
കാഞ്ചനാഭവസനം ഭവന്തമയി! ഭാവയന്തി ഹൃതകല്മഷാഃ ॥ ൮॥
ജ്ഞാനമീശ! ബത! കര്മ ഭക്തിരപി തത്ത്രയം ഭവദവാപകം
ജ്ഞാനയോഗവിഷയേഽധികാര ഇഹ വൈ വിരക്തജനതാഹിതഃ ।
കര്മണീഹ തു ഭവേന്നൃണാമധികസക്തമാനസജുഷാം ഹരേ!
യേ തു നാധികവിരക്തസക്തഹൃദയാ ഹി ഭക്തിരയി! തദ്ധിതാ ॥ ൯॥
ദേവ! വൈഭവമജാനതാദ്യ തവ യന്മയാ നിഗദിതം ഹരേ!
ക്ഷമ്യതാം ഖലു സമസ്തമേതദിഹ മോദമീശ! കുരു താവകേ ।
ദീര്ഘമായുരയി! ദേഹസൌഖ്യമപി വര്ധതാം ഭവദനുഗ്രഹാത്
പങ്കജാഭനയനാപദോ ദലയ പദ്മനാഭ! വിജയീ ഭവ! ॥ ൧൦॥
॥ ഇതി മഹാരാജാ സ്വാതി തിരുനാള് വിരചിതം പദ്മനാഭശതകമ് ॥
Encoded and proofread by P. P. Narayanaswami swami at mun.ca
PSA Easwaran
Please send corrections to sanskrit@cheerful.com
Last updated ത്oday
http://sanskritdocuments.org
മഹാരാജാ സ്വാതി തിരുനാള് വിരചിതമ്
॥ ശ്രീ ഗണേശായ നമഃ ॥
॥ പ്രഥമം ദശകമ് ॥
യാ തേ പാദസരോജധൂലിരനിശം ബ്രഹ്മാദിഭിര്നിസ്പൃഹൈഃ
ഭക്ത്യാ സന്നതകന്ധരൈഃ സകുതുകം സന്ധാര്യമാണാ ഹരേ ।
യാ വിശ്വം പ്രപുനാതി ജാലമചിരാത് സംശോഷയത്യംഹസാം
സാ മാം ഹീനഗുണം പുനാതു നിതരാം ശ്രീപദ്മനാഭാന്വഹമ് ॥ ൧॥
സത്ത്വൈകപ്രവണാശയാ മുനിവരാ വേദൈഃ സ്തുവന്തഃ പരൈഃ
ത്വന്മാഹാത്മ്യപയോനിധേരിഹപരം നാദ്യാപി പാരങ്ഗതാഃ ।
ഏവം സത്യഹമല്പബുദ്ധിരവശഃ സ്തോതും കഥം ശക്നുയാം
ത്വത്കാരുണ്യമൃതേ ഹരേ! തരതി കഃ പോതം വിനാ സാഗരമ് ॥ ൨॥
തസ്മാച്ഛിന്ധി മദീയമോഹമഖിലം സംസാരബന്ധാവഹം
ഭക്തിം ത്വത്പദയോര്ദിശ സ്ഥിരതരാം സര്വാപദുന്മീലിനീമ് ।
വാണീം ത്വത്പദവര്ണനേ പടുതമാം വിദ്വജ്ജനാഹ്ലാദിനീം
ദേഹി ത്വത്പദസേവകായ നനു മേ കാരുണ്യവാരാംനിധേ ॥ ൩॥
യേനേദം ഭുവനം തതം സ്വബലതോ യസ്യാജ്ഞയോദേത്യഹര്-
നാഥോ വാത്യനിലോ ദഹത്യപി ശിഖിഃ സര്വേഽപി യന്നിര്മിതാഃ ।
യശ്ചേദം സകലം ജഗത്സ്വജഠരേ ധത്തേ ച കല്പാവധൌ
തത്താദൃഗ്വിഭവേ ത്വയി പ്രമുദിതേ കിം വാ ദുരാപം നൃണാമ് ॥ ൪॥
ഭക്താനാമഖിലേപ്സിതാര്ഥഘടനേ ബദ്ധോദ്യമസ്ത്വം ഹരേ!
നിത്യം ഖല്വിതി ബോദ്ധ്യമസ്തി ബഹുശോ ദേവ! പ്രമാണം മമ ।
നോ ചേദ്വ്യാസവചസ്തവൈവ വചനം വേദോപഗീതം വചോ
ഹാ രഥ്യാജനവാദവദ്ബത ഭവേന്മിഥ്യാ രമാവല്ലഭ! ॥ ൫॥
ഇന്ദ്രദ്യുമ്നനൃപഃ കരീന്ദ്രജനനം പ്രാപ്തോഽഥ ശാപേന വൈ
നക്രാക്രാന്തപദോ വിമോചനപടുര്നാഭൂത്സഹസ്രം സമാഃ ।
ഭൂയസ്ത്വാമയമര്ചയന് സരസിജൈഃ ശുണ്ഡോദ്ധൃതൈഃ സാദരം
സാരൂപ്യം സമവാപ ദേവ ഭവതോ നക്രോഽപി ഗന്ധര്വതാമ് ॥ ൬॥
പാപഃ കശ്ചിദജാമിലാഖ്യധരണീദേവോഽവസത്സന്തതം
സ്വൈരിണ്യാ സഹ കാമമോഹിതമതിസ്ത്വാം വിസ്മരന് മുക്തിദമ് ।
അന്തേ ചാഹ്വയദീശ! ഭീതഹൃദയോ നാരായണേത്യാത്മജം
നീതഃ സോഽപി ഭവദ്ഭടൈസ്തവപദം സംരുധ്യ യാമ്യാന് ഭടാന് ॥ ൭॥
പാഞ്ചാലീം നൃപസന്നിധൌ ഖലമതിര്ദുശ്ശാസനഃ പുഷ്പിണീം
ആകര്ഷശ്ചികുരേണ ദീനവദനാം വാസഃ സമാക്ഷിപ്തവാന് ।
യാവത്സാ ഭുവനൈകബന്ധുമവശാ സസ്മാര ലജ്ജാകുലാ
ക്രോശന്തീ വ്യതനോഃ പടൌഘമമലം തസ്യാസ്ത്വനന്തം ഹരേ ! ॥ ൮॥
യാമാര്ധേന തു പിങ്ഗലാ തവ പദം പ്രാപ്താ ഹി വാരാങ്ഗനാ
ബാലഃ പഞ്ചവയോയുതോ ധ്രുവപദം ചൌത്താനപാദിര്ഗതഃ ।
യാതശ്ചാപി മൃകണ്ഡുമൌനിതനയഃ ശൌരേ! ചിരം ജീവിതം
നാഹം വക്തുമിഹ ക്ഷമസ്തവ കൃപാലഭ്യം ശുഭം പ്രാണിനാമ് ॥ ൯॥
ഏവം ഭക്തജനൌഘകല്പകതരും തം ത്വാം ഭജന്തഃ ക്ഷണം
പാപിഷ്ഠാ അപി മുക്തിമാര്ഗമമലം കേ കേ ന യാതാ വിഭോ! ।
സ ത്വം മാമപി താവകീനചരണേ ഭക്തം വിധായാനതം
സ്യാനന്ദൂരപുരേശ! പാലയ മുദാ താപാന്മമാപാകുരു ॥ ൧൦॥
॥ ദ്വിതീയം ദശകമ് ॥
പിബന്തി യേ ത്വച്ചരിതാമൃതൌഘം
സ്മരന്തി രൂപം തവ വിശ്വരമ്യമ് ।
ഹരന്തി കാലം ച സഹ ത്വദീയൈഃ
മന്യേഽത്ര താന് മാധവ ധന്യധന്യാന് ॥ ൧॥
സദാ പ്രസക്താം വിഷയേഷ്വശാന്താം
മതിം മദീയാം ജഗദേകബന്ധോ! ।
തവൈവ കാരുണ്യവശാദിദാനീം
സന്മാര്ഗഗാം പ്രേരയ വാസുദേവ! ॥ ൨॥
ദൃശൌ ഭവന്മൂര്തിവിലോകലോലേ
ശ്രുതീ ച തേ ചാരുകഥാപ്രസക്തേ ।
കരൌ ച തേ പൂജനബദ്ധതൃഷ്ണൌ
വിധേഹി നിത്യം മമ പങ്കജാക്ഷ ! ॥ ൩॥
നൃണാം ഭവത്പാദനിഷേവണം തു
മഹൌഷധം സംസൃതിരോഗഹാരീ ।
തദേവ മേ പങ്കജനാഭ ഭൂയാത്
ത്വന്മായയാ മോഹിതമാനസസ്യ ॥ ൪॥
യദീഹ ഭക്തിസ്തവപാദപദ്മേ
സ്ഥിരാ ജനാനാമഖിലാര്തിഹന്ത്രീ ।
തദാ ഭവേന്മുക്തിരഹോ കരസ്ഥാ
ധര്മാര്ഥകാമാഃ കിമു വര്ണനീയാഃ ॥ ൫॥
വേദോദിതാഭിര്വ്രതസത്ക്രിയാഭിര്-
നശ്യത്യഘൌഘോ ന ഹി വാസനാ തു ।
ത്വത്പാദസേവാ ഹരതി ദ്വയം യത്
തസ്മാത്സ്ഥിരാ സൈവ മമാശു ഭൂയാത് ॥ ൬॥
ത്വദീയനാമസ്മൃതിരപ്യകസ്മാദ്
ധുനോതി പാപൌഘമസംശയം തത് ।
യദ്വദ്ഗദാനൌഷധമാശു ഹന്തി
യഥാ കൃശാനുര്ഭുവി ദാരുകൂടമ് ॥ ൭॥
യദ്യത്സ്മരന് പ്രോജ്ഝതി ദേഹമേതത്
പ്രയാണകാലേ വിവശോഽത്ര ദേഹീ ।
തത്തത്കിലാപ്നോതി യദന്യഭാവേ
തസ്മാത്തവൈവ സ്മൃതിരസ്തു നിത്യമ് ॥ ൮॥
അനേകധര്മാന് പ്രചരന്മനുഷ്യഃ
നാകേ നു ഭുങ്ക്തേ സുഖമവ്യലീകമ് ।
തസ്യാവധൌ സമ്പതതീഹഭൂമൌ
ത്വത്സേവകോ ജാതു ന വിച്യുതഃ സ്യാത് ॥ ൯॥
തസ്മാത്സമസ്താര്തിഹരം ജനാനാം
സ്വപാദഭാജാം ശ്രുതിസാരമൃഗ്യമ് ।
തവാദ്യ രൂപം പരിപൂര്ണസത്വം
രമാമനോഹാരി വിഭാതു ചിത്തേ ॥ ൧൦॥
॥ തൃതീയം ദശകമ് ॥
ദിനമനുപദയുഗ്മം ഭാവയേയം മുരാരേ
കുലിശശഫരമുഖ്യൈശ്ചിഹ്നിതേ ചാരു ചിഹ്നൈഃ ।
നഖമണിവിധുദീപ്ത്യാ ധ്വസ്തയോഗീന്ദ്രചേതോ -
ഗതതിമിരസമൂഹം പാടലാമ്ഭോജശോഭമ് ॥ ൧॥
യദുദിതജലധാരാ പാവനീ ജഹ്നുകന്യാ
പുരഭിദപി മഹാത്മാ യാം ബിഭര്തി സ്വമൂര്ധ്നാ ।
ഭുജഗശയന! തത്തേ മഞ്ജുമഞ്ജീരയുക്തം
മുഹുരപി ഹൃദി സേവേ പാദപദ്മം മനോജ്ഞമ് ॥ ൨॥
മുരഹര! തവ ജങ്ഘേ ജാനുയുഗ്മം ച സേവേ
ദുരിതഹര തഥോരൂ മാംസളൌ ചാരുശോഭൌ ।
കനകരുചിരചേലേനാവൃതൌ ദേവ! നിത്യം
ഭുവനഹൃദയമോഹം സമ്യഗാശങ്ക്യ നൂനമ് ॥ ൩॥
മണിഗണയുതകാഞ്ചീദാമ സത്കിങ്കിണീഭിഃ
മുഖരതമമമേയം ഭാവയേ മധ്യദേശമ് ।
നിഖിലഭുവനവാസസ്ഥാനമപ്യദ്യ കുക്ഷിം
മുഹുരജിത! നിഷേവേ സാദരം പദ്മനാഭ! ॥ ൪॥
ഭവഹരണ! തഥാ ശ്രീവത്സയുക്തം ച വക്ഷോ-
വിലസദരുണഭാസം കൌസ്തുഭേനാങ്ഗ കണ്ഠമ് ।
മണിവലയയുതം തേ ബാഹുയുഗ്മം ച സേവേ
ദനുജകുലവിനാശായോദ്യതം സന്തതം യത് ॥ ൫॥
വരദ ജലധിപുത്ര്യാ സാധു പീതാമൃതം തേ
ത്വധരമിഹ ഭജേഽഹം ചാരുബിമ്ബാരുണാഭമ് ।
വിമലദശനപങ്ക്തിം കുന്ദസദ്കുഡ്മലാഭാം
മകരനിഭവിരാജത്കുണ്ഡലോല്ലാസി ഗണ്ഡമ് ॥ ൬॥
തിലകുസുമസമാനാം നാസികാം ചാദ്യ സേവേ
ഗരുഡഗമന! ചില്യൌ ദര്പകേഷ്വാസതുല്യൌ ।
മൃഗമദകൃതപുണ്ഡ്രം താവകം ഫാലദേശം
കുടിലമളകജാലം നാഥ നിത്യം നിഷേവേ ॥ ൭॥
സജലജലദനീലം ഭാവയേ കേശജാലം
മണിമകുടമുദഞ്ചത്കോടിസൂര്യപ്രകാശമ് ।
പുനരനഘ! മതിം മേ ദേവ! സങ്കോച്യ യുഞ്ജേ
തവ വദനസരോജേ മന്ദഹാസേ മനോജ്ഞേ ॥ ൮॥
ഗിരിധര തവ രൂപം ത്വീദൃശം വിശ്വരമ്യം
മമ വിഹരതു നിത്യം മാനസാമ്ഭോജമധ്യേ ।
മനസിജശതകാന്തം മഞ്ജുമാധുര്യസാരം
സതതമപി വിചിന്ത്യം യോഗിഭിഃ ത്യക്തമോഹൈഃ ॥ ൯॥
അഥ ഭുവനപതേഽഹം സര്ഗവൃദ്ധിക്രമം വൈ
കിമപി കിമപി വക്തും പ്രാരഭേ ദീനബന്ധോ ।
പരപുരുഷ! തദര്ഥം ത്വത്കൃപാ സമ്പതേന്മ-
യ്യകൃതസുകൃതജാലൈര്ദുര്ലഭാ പങ്കജാക്ഷ ! ॥ ൧൦॥
॥ ചതുര്ഥം ദശകമ് ॥
താവകനാഭിസരോജാത്
ജാതോ ധാതാ സമസ്തവേദമയഃ ।
ശംസതി സകലോ ലോകോ
യം കില ഹിരണ്യഗര്ഭ ഇതി ॥ ൧॥
തദനു സ വിസ്മിതചേതാഃ
ചതസൃഷു ദിക്ഷു സാധു സമ്പശ്യന് ।
സമഗാദച്യുത തൂര്ണം
ചതുരാനനതാമിഹാഷ്ടനയനയുതാമ് ॥ ൨॥
ദൃഷ്ട്വാ കമലം സോഽയം
തന്മൂലാം തവ തനും ത്വസമ്പശ്യന് ।
കോഽഹം നിശ്ശരണോഽജം
കസ്മാദജനീതി ദേവ! ചിന്തിതവാന് ॥ ൩॥
ജ്ഞാതും തത്വം സോഽയം
സരസിജനാളാധ്വനാ ത്വധോ ഗത്വാ ।
യോഗബലേന മനോജ്ഞാം
തവ തനുമഖിലേശ! നാപ്യപശ്യദഹോ ॥ ൪॥
താവദ്ദുഖിതഹൃദയഃ
പുനരപി ച നിവൃത്യ പൂര്വവജ്ജലജേ ।
താവക കരുണാമിച്ഛന്
ചക്രേ സമാധിമയി! ഭഗവന് ॥ ൫॥
വത്സരശതകസ്യാന്തേ
ദൃഢതരതപസാ പരിവിധൂതഹൃദയമലഃ ।
സ വിധിരപശ്യത്സ്വാന്തേ
സൂക്ഷ്മതയാ തവ തനും തു സുഭഗതമാമ് ॥ ൬॥
പുനരിഹ തേന നുതസ്ത്വം
ശക്തിമദാസ്തസ്യ ഭുവനനിര്മാണേ ।
പൂര്വം ത്വസൃജത്സോഽയം
സ്ഥാവരജങ്ഗമമയം തു സകലജഗത് ॥ ൭॥
സനകമുഖാന് മുനിവര്യാന്
മനസാഹ്യസൃജത്തവാങ്ഘ്രിരതഹൃദയാന് ।
സൃഷ്ടൌ തു തേ നിയുക്താഃ
ജഗൃഹുര്വാണീം ന വൈധസീം ഭൂമന്! ॥ ൮॥
അങ്ഗാദഭവംസ്തൂര്ണം
നാരദമുഖ്യാ മുനീശ്വരാസ്തസ്യ ।
മനുശതരൂപാത്മാസൌ
മാനുഷസൃഷ്ടിം ചകാര കമലഭവഃ ॥ ൯॥
സര്ഗസ്ഥിതിലയമൂലം
സുരമുനിജാലൈരമേയമഹിമാനമ് ।
തം ത്വാമേവ പ്രണമന്
മുദമതുലാം പദ്മനാഭ! കലയാമി ॥ ൧൦॥
॥ പഞ്ചമം ദശകമ് ॥
ഭുവോ ഭാരം ഹര്തും നിയതമവതാരാംസ്തു ഭവതോ
നിയുങ്ക്തേ വക്തും മാമപി ജഡധിയം ഭക്തിരധുനാ ।
തദര്ഥം കൃത്വാ മാമനുപമപടും പാലയ ഹരേ
ഭവത്പാദാമ്ഭോജപ്രവണഹൃദയം ദേവ സദയമ് ॥ ൧॥
ഹയഗ്രീവാഖ്യേന ത്രിദശരിപുണാ വേദനിവഹേ
ഹൃതേ നിദ്രാണസ്യാമ്ബുരുഹജനുഷോ ഹന്ത വദനാത് ।
നിഹന്തും ദുഷ്ടം തം വിനിഹിതമതിസ്ത്വം പുരുദയാ-
പയോധിസ്തൂര്ണം വൈ ദധിത ബത മാത്സ്യം കില വപുഃ ॥ ൨॥
നദീതോയേ സന്തര്പയതി കില സത്യവ്രതനൃപേ
ഭവാന് ദൃഷ്ടോ ഹസ്തേ പരമതനുവൈസാരിണവപുഃ ।
തതോ നിന്യേ കൂപം പുനരപി തടാകം ച തടിനീം
മഹാബ്ധിം തേനാഹോ സപദി വവൃധേ താവക വപുഃ ॥ ൩॥
തതസ്തം ഭൂപാലം പ്രലയസമയാലോകനപരം
മുനീന്ദ്രാന് സപ്താപി ക്ഷിതിതരണിമാരോപ്യ ച ഭവാന് ।
സമാകര്ഷന് ബദ്ധാം നിജ വിപുലശൃങ്ഗേ പുനരിമാം
മുദാ തേഭ്യഃ സന്ദര്ശിതഭുവനഭാഗഃ സമചരത് ॥ ൪॥
പുനസ്സംഹൃത്യ ത്വം നിജപരുഷശൃങ്ഗേണ ദിതിജം
ക്ഷണാദ്വേദാന് പ്രാദാ മുദിതമനസേ ദേവ വിധയേ ।
തഥാഭൂതാഽമേയപ്രണതജനസൌഭ്യാഗ്യദ! ഹരേ!
മുദാ പാഹി ത്വം മാം സരസിരുഹനാഭാഽഖിലഗുരോ! ॥ ൫॥
വഹംസ്ത്വം മന്ഥാനം കമഠവപുഷാ മന്ദരഗിരിം
ദധാനഃ പാണിഭ്യാം സ്വയമപി വരത്രാം ഫണിപതിമ് ।
സുരേഭ്യഃ സമ്പ്രദാസ്ത്വമൃതമിഹ മഥ്നന് കില ജവാത്
ഹരേ ദുഗ്ധാമ്ഭോധേഃ സപദി കമലാഽജായത തതഃ ॥ ൬॥
തതോ നിക്ഷിപ്താ വൈ സപദി വരണസ്രക് ഖലു തയാ
ഭവത്കണ്ഠേ മാത്രാ നിഖിലഭുവനാനാം സകുതുകമ് ।
പപൌ ത്വത്പ്രീത്യര്ഥം സപദി ബത ഹാലാഹലവിഷം
ഗിരീശഃ പ്രാദാസ്ത്വം സുരതരുഗജാദീനി ഹരയേ ॥ ൭॥
പുരാ തേ ദ്വാസ്ഥൌ ദ്വൌ സനകമുഖശാപേന തു ഗതൌ
ഹരേ! സര്വൈര്നിന്ദ്യം ഖലു ദനുജജന്മാതികഠിനമ് ।
തയോര്ഭ്രാതാ ദുഷ്ടോ മുരഹര കനീയാന് വരബലാത്
ഹിരണ്യാക്ഷോ നാമ ക്ഷിതിമിഹ ജലേ മജ്ജയദസൌ ॥ ൮॥
മഹീം മഗ്നാം ദൃഷ്ട്വാ തദനു മനുനാ സേവിതപദാത്
വിധേര്നാസാരന്ധ്രാത്സമഭവദഹോ സൂകരശിശുഃ ।
തതോ ദൈത്യം ഹത്വാ പരമമഹിതഃ പീവരതനുഃ
ഭവാന് നിന്യേ ഭൂമിം സകലവിനുത പ്രാക്തനദശാമ് ॥ ൯॥
വധേന സ്വഭ്രാതുഃ പരമകുപിതോ ദാനവവരോ
ഹിരണ്യപ്രാരമ്ഭഃ കശിപുരിഹ മോഹാകുലമതിഃ ।
വിജേതും ത്വാം സോഽയം നിഖിലജഗദാധാരവപുഷം
പ്രതിജ്ഞാം ചാകാര്ഷീദ്ദനുസുതസഭാമധ്യനിലയഃ ॥ ൧൦॥
॥ ഷഷ്ഠം ദശകമ് ॥
പുത്രോഽസ്യ വൈ സമജനീഹ തവാങ്ഘ്രിഭക്തഃ
പ്രഹ്ലാദ ഇത്യഭിമതഃ ഖലു സജ്ജനാനാമ് ।
തം തത്പിതാ പരമദുഷ്ടമതിര്ന്യരൌത്സീത്
ത്വത്സേവിനം കിമിഹ ദുഷ്കരമീശ പാപൈഃ ॥ ൧॥
ഭൂയോഽപി സോഽഥ ജഗദീശ്വര! ഗര്ഭവാസേ
ശ്രീനാരദേന മുനിനോക്തഭവത്പ്രഭാവഃ ।
ശുശ്രാവ നോ ജനകവാക്യമസൌ തദാനീം
തത്പ്രേരിതൈര്ഗുരുജനൈരപി ശിക്ഷിതശ്ച ॥ ൨॥
ദൃഷ്ട്വാ പിതാഽസ്യ നിജപുത്രമതിം ത്വകമ്പാം
ത്വത്പാദപദ്മയുഗളാദതിരുഷ്ടചേതാഃ ।
ശൂലൈശ്ച ദിഗ്ഗജഗണൈരപി ദന്തശൂകൈഃ
ഏനം നിഹന്തുമിഹ യത്നശതം ചകാര ॥ ൩॥
സോഽയം ദൃഢം തവ കൃപാകവചാവൃതാങ്ഗഃ
നോ കിഞ്ചിദാപ കില ദേഹരുജാമനന്ത ! ।
lദ്്കസ്തേ ബലം ഖല! വദേrദ്്ത്യഥ ദേവ ! പൃഷ്ടോ
lദ്്ലോകത്രയസ്യ തു ബലം ഹരിrദ്്രിത്യവാദീത് ॥ ൪॥
സ്തമ്ഭേ വിഘട്ടയതി കുത്ര ഹരിസ്തവേതി
രൂപം തതഃ സമഭവത്തവ ഘോരഘോരമ് ।
നോ വാ മൃഗാത്മ ന നരാത്മ ച സിംഹനാദ-
സന്ത്രാസിതാഖിലജഗന്നികരാന്തരാളമ് ॥ ൫॥
തൂര്ണം പ്രഗൃഹ്യ ദനുജം പ്രണിപാത്യ ചോരൌ
വക്ഷോ വിദാര്യ നഖരൈഃ രുധിരം നിപീയ ।
പാദാമ്ബുജൈകനിരതസ്യ തു ബാലകസ്യ
കായാധവസ്യ ശിരസി സ്വകരം ന്യധാസ്ത്വമ് ॥ ൬॥
ഏവം സ്വഭക്തജനകാമിതദാനലോല !
നിര്ലേപ! നിര്ഗുണ! നിരീഹ! സമസ്തമൂല ! ।
മാം പാഹി താവക പദാബ്ജനിവിഷ്ടചിത്തം
ശ്രീപദ്മനാഭ! പരപൂരഷ! തേ നമസ്തേ ॥ ൭॥
ദൃഷ്ടോ ഭവാനദിതിജോ വടുരൂപധാരീ
ദൈത്യാധിപേന ബലിനാ നിജ യജ്ഞഗേഹേ ।
പൃഷ്ടശ്ച തേന lദ്്കിമു വാഞ്ഛസി ബാലകേrദ്്തി
പാദത്രയീ പ്രമിതഭൂമിതലം യയാചേ ॥ ൮॥
യുഗ്മേന ദേവ! ചരണസ്യ തു സര്വലോകേ
പൂര്ണേ തൃതീയചരണം ത്വവശഃ പ്രദാതുമ് ।
ബദ്ധശ്ച ദേഹി മമ മൂര്ധ്നി തൃതീയപാദം
ഇത്യബ്രവീദ്ഗതമദോഽനുഗൃഹീത ഏഷഃ ॥ ൯॥
ജാതോഽസി ദേവ! ജമദഗ്നിസുതോ മഹാത്മാ
ത്വം രേണുകാജഠര ഈശ്വര! ഭാര്ഗവാഖ്യഃ ।
ശമ്ഭുപ്രസാദ! സുഗൃഹീതവരാസ്ത്രജാലഃ
കൃത്താഖിലാരിനികരോരുകുഠാരപാണിഃ ॥ ൧൦॥
॥ സപ്തമം ദശകമ് ॥
യാഞ്ചാഭിസ്ത്വം ഖലു ദിവിഷദാം രാവണോപദ്രുതാനാം
പുത്രീയേഷ്ട്യാ ഫലവിലസിതം മാനവേ ദേവ! വംശേ ।
ജാതോ രാമോ ദശരഥനൃപാല്ലക്ഷ്മണേനാനുജേന
ഭ്രാത്രാ യുക്തോ വരദ! ഭരതേനാഥ ശത്രുഘ്നനാമ്നാ ॥ ൧॥
ധൃത്വാ ചാപം സഹജസഹിതഃ പാലയന് കൌശികീയം
യജ്ഞം മാരീചമുഖസുമഹാരാക്ഷസേഭ്യഃ പരം ത്വമ് ।
കൃത്വാഽഹല്യാം ചരണരജസാ ഗൌതമസ്യേശ! പത്നീം
ഭിത്വാ ശൈവം ധനുരഥ തദാ ലബ്ധവാംശ്ചാപി സീതാമ് ॥ ൨॥
മധ്യേമാര്ഗാഗത ഭൃഗുപതിം ദേവ! ജിത്വാഽതിരുഷ്ടം
ഭൂയോ ഗത്വാ പരമ! നഗരീം സ്വാമയോധ്യാം വസംസ്ത്വമ് ।
കൈകേയീവാഗ്ഭ്രമിതമനസോ ഹന്ത താതസ്യ വാചാ
ത്യക്ത്വാ രാജ്യം വിപിനമഗമോ ദുഃഖിതാശേഷലോകഃ ॥ ൩॥
ഗത്വാഽരണ്യം സഹ ദയിതയാ ചാഥ സൌമിത്രിണാ ത്വം
ഗങ്ഗാം തീര്ത്വാ സുസുഖമവസച്ചിത്രകൂടാഖ്യശൈലേ ।
തത്ര ശ്രുത്വാ ഭരതവചനാത്താതമൃത്യും വിഷണ്ണഃ
തസ്മൈ പ്രാദാ വരദ! ധരണിം പാദുകാം ചാത്മനസ്ത്വമ് ॥ ൪॥
ഭൂയോ ഹത്വാ നിശിചരവരാന് ദ്രാഗ്വിരാധാദികാംസ്ത്വം
കുമ്ഭോദ്ഭൂതേന ഖലു മുനിനാ ദത്തദിവ്യാസ്ത്രജാലഃ ।
ഭ്രാതൃച്ഛിന്നശ്രവണവിനദച്ഛൂര്പണഖ്യാ വചോഭിഃ
ത്വായാതാംസ്താന് ഖരമുഖമഹാരാക്ഷസാന് പ്രാവധീശ്ച ॥ ൫॥
മാരീചം തം കനകഹരിണഛദ്മനായാതമാരാത്
ജായാവാക്യാദലമനുഗതഃ പ്രാവധീഃ സായകേന ।
താവദ്ഭൂമന്! കപടയതിവേഷോഽഥ ലങ്കാധിനാഥഃ
സീതാദേവീമഹരത തദാ ദുഃഖിതാത്മാഽഭവസ്ത്വമ് ॥ ൬॥
ദൃഷ്ട്വാ ലങ്കേശ്വരവിനിഹതം താതമിത്രം ജടായും
തസ്യാഽഥ ത്വം വരദ കൃതവാന് പ്രേതകാര്യം വിഷണ്ണഃ ।
ദൃഷ്ടസ്തത്രാഽനുപമ! ഭവതാ മാരുതിര്ഭക്തവര്യഃ
ഭൂയസ്തുഷ്ടഃ സരസമകരോഃ സാധു സുഗ്രീവസഖ്യമ് ॥ ൭॥
ഛിത്വാ സാലാന് സരസമിഷുണാ സപ്തസങ്ഖ്യാന് ക്ഷണേന
വ്യാജേന ത്വം ബത നിഹതവാന് ബാലിനം ശക്രസൂനുമ് ।
ഭൂയോഽന്വേഷ്ടും ജനകതനയാം ദിക്ഷു സമ്പ്രേഷ്യ കീശാന്
സുഗ്രീവോക്താന് പവനജകരേ ദത്തവാംശ്ചാങ്ഗുലീയമ് ॥ ൮॥
ദൃഷ്ട്വാ സീതാം നിശിചരഗൃഹേ താവകം ദേവ! വൃത്തം
കൃത്സ്നം തൂക്ത്വാപ്യവിദിത ഭവതേ മാരുതിര്മൌലിരത്നമ് ।
തുഷ്ടസ്താവത്കില ജലനിധൌ ബാണവിത്രാസിതേ ത്വം
സേതും ബദ്ധ്വാ നിശിചരപുരം യാതവാന് പദ്മനാഭ! ॥ ൯॥
ഹത്വാ യുദ്ധേ കില ദശമുഖം ദേവ! സാമാത്യബന്ധും
സീതാം ഗൃഹ്ണന് പരിഹൃതമലാം പുഷ്പകേ രാജമാനഃ ।
പ്രാപ്യായോധ്യാം ഹരിവരനിഷാദേന്ദ്രയുക്തോഽഭിഷിക്തഃ
ത്രാതാശേഷോ രഹിതദയിതശ്ചാഗമോഽന്തേ സ്വധിഷ്ണ്യമ് ॥ ൧൦॥
॥ അഷ്ടമം ദശകമ് ॥
ദേവ! ദുഷ്ടജനൌഘഭരേണ
വ്യാകുലാഽഥ വസുധാമ്ബുജയോനിമ് ।
പ്രാപ്യ ദേവനികരൈഃ ശ്രിതപാദം
സ്വീയതാപമിഹ സമ്യഗുവാച ॥ ൧॥
പദ്മഭൂരഥ നിശമ്യ ച താപം
ചിന്തയന് സപദി ദേവ! ഭവന്തമ് ।
യുഷ്മദീയ സകലാധിഹരഃ ശ്രീ
പദ്മനാഭ ഇതി താനവദത്സഃ ॥ ൨॥
ഭൂയ ഏത്യ തവ മന്ദിരമേതേ
ഹീനപുണ്യനികരൈരനവാപ്യമ് ।
തുഷ്ടുവുഃ സവിബുധോ ദ്രുഹിണസ്ത്വാം
താപമാശ്വകഥയദ്വസുധായാഃ ॥ ൩॥
lദ്്സംഭവാമി തരസാ യദുവംശേ
യാദവാഃ കില ഭവന്ത്വിഹ ദേവാഃrദ്് ।
ഏവമീശ! കഥിതേ തവ വാക്യേ
വേധസാ കില സുരാ മുദമാപന് ॥ ൪॥
രോഹിണീജഠരതഃ കില ജാതഃ
പ്രേരണാത്തവ പരം ത്വഹിരാജഃ ।
ത്വം ച വിശ്വഗതകല്മഷഹാരീ
ദേവകീജഠരമാശു നിവിഷ്ടഃ ॥ ൫॥
അര്ധരാത്രസമയേ തു ഭവന്തം
ദേവകീ പ്രസുഷുവേഽധികധന്യാ ।
ശങ്ഖചക്രകമലോരുഗദാഭീ -
രാജിതാതിരുചിബാഹുചതുഷ്കമ് ॥ ൬॥
താവദീശ! സകലോ ബത ലോകോ
തുഷ്ടിമാപ തമൃതേ കില കംസമ് ।
അഷ്ടമഃ കില സുതോഽഥ ഭഗിന്യാ-
സ്തദ്വധം കലയതീതി ച വാക്യാത് ॥ ൭॥
ബാഷ്പപൂര്ണനയനോ വസുദവോ
നീതവാന് വ്രജപദേഽഥ ഭവന്തമ് ।
തത്ര നന്ദസദനേ കില ജാതാ -
മമ്ബികാമനയദാത്മനികേതമ് ॥ ൮॥
കംസ ഏത്യ കില സൂതിഗൃഹേ തേ
കന്യകാം തു ശയിതാം സ നിശാമ്യ ।
നൂനമേവമജിതസ്യ തു മായാ
സേയമിത്യയമതുഷ്ടിമയാസീത് ॥ ൯॥
തൂര്ണമേഷ നിധനേ നിരതാംസ്തേ
പൂതനാശകടധേനുകമുഖ്യാന് ।
പ്രാഹിണോദജിത! മന്ദമതിസ്താന്
ദുഷ്കരം കിമിഹ വിസ്മൃതപാപൈഃ ॥ ൧൦॥
॥ നവമം ദശകമ് ॥
ഏവം ഘോഷേ വിരാജത്യയി! ഭവതി ജഗന്നേത്രപീയൂഷമൂര്തൌ
ദുഷ്ടാ കാചിന്നിശാചര്യഥ സമധിഗതാ ചാരുയോഷിത്സ്വരൂപാ ।
സ്തന്യം ദാതും കുചാഗ്രം തവമുഖജലജേ ദേവ! ചിക്ഷേപ യാവത്
താവത്ക്ഷീരം സജീവം കപടശിശുരഹോ പീതവാംസ്ത്വം ക്ഷണേന ॥ ൧॥
ഭൂയഃ ശൌരേ! വ്രജേ വൈ ശകടദനുസുത പ്രാപ്തവാന് സംഹൃതോഽയം
വാതാത്മാ ദാനവശ്ച പ്രവിതത ധരണീഭാരനാശേന കൃത്തഃ ।
ദൃഷ്ട്വൈവം തേ മഹത്വം ദനുജഹൃതിചണം താദൃശീം ബാലലീലാം
ത്വന്മായാമോഹിതത്വാദയി! ബത! പശുപാ വിസ്മയം മോദമാപന് ॥ ൨॥
നന്ദഃ പശ്യന് കദാചിന്നിജനിലയഗതം യാദവാചാര്യവര്യം
ഗര്ഗം തേ കാരയാമാസ ച വിധിവദസൌ നാമ കൃഷ്ണേതി തേന ।
രാമാഖ്യാം സോദരേ തേ മുനിരഥ കലയന് വൈഭവം ച ത്വദീയം
നന്ദാദിഭ്യഃ പ്രശംസന് നിജപദമിഹ സമ്പ്രാപ്തവാന് ഭക്തവര്യഃ ॥ ൩॥
ദൃഷ്ടം മാത്രാ സമസ്തം ജഗദിഹ വദനേ മൃത്തികാഭക്ഷണം തേ
വ്യാകുര്വന്ത്യാ ശിശൂനാമഥ വചനവശാത്കിം ത്വിതോ ഹന്ത ചിത്രമ് ।
ഭൂയസ്തൂര്ണം ഭവാന് മങ്ഗളഗുണ! ഗതവാന്ദേവ! വൃന്ദാവനം തത്
യുഷ്മദ്ഗാത്രോരുശോഭാ പ്രതുലിത യമുനാതീരസംസ്ഥം മനോജ്ഞമ് ॥ ൪॥
വന്യാശം ത്വയ്യധീശേ കലയതി തരസാ ശ്രീധരാഹോ വിരിഞ്ചോ
ഗോപാന് വത്സാന് ത്വദീയാനഹരദയി! വിഭോ! താവദേവ സ്വരൂപമ് ।
സങ്ഖ്യാഹീനം പരം ത്വാമപി കബളധരം വീക്ഷ്യ സമ്ഭ്രാന്തചേതാഃ
ത്വത്പാദാബ്ജേ പതിത്വാ മുഹുരപി ഭഗവന്നസ്തവീദച്യുതം ത്വാമ് ॥ ൫॥
സര്പം തോയേ നിമഗ്നം പരമസുകുടിലം കാളിയം വീക്ഷ്യ ശൌരേ!
നൃത്യന് നൃത്യന് ഫണേ ത്വം തദനു ഗതമദം ചാകരോസ്തം ഗതം ച ।
ഭൂയസ്ത്വദ്വേണുഗാനാദജിത! ജഗദലം മോഹിതം സര്വമാസീത്
യോഷിച്ചിത്താപഹാരേ നിപുണമിദമിതി ശ്രീശ! കിം വര്ണനീയമ് ॥ ൬॥
ധൃത്വാ ഗോവര്ധനം ത്വം ഗിരിമലമതനോര്വാസവം വീതഗര്വം
യോഷിദ്ഭിസ്ത്വം സലീലം രജനിഷു കൃതവാന് രാസകേളിം മനോജ്ഞാമ് ।
ഭക്താഗ്ര്യം ഗാന്ദിനേയം തവ ഖലു നികടേ പ്രേഷയാമാസ കംസഃ
ഹത്വേഭേന്ദ്രം ച മല്ലാന് യദുവര! സബലോ മാതുലം ചാവധീസ്ത്വമ് ॥ ൭॥
ഗത്വാ സാന്ദീപനിം ത്വം കതിപയദിവസൈഃ ജ്ഞാതവാന് സര്വവിദ്യാഃ
കൃത്വാ രാജ്യേ നരേന്ദ്രം വിമലതമഗുണം ചോഗ്രസേനം ജവേന ।
രാജാനം ധര്മസൂനും ചരണരതമവന് ചൈദ്യമുഖ്യാദിഹന്താ
രുഗ്മിണ്യാദ്യഷ്ടയോഷായുതബഹുവനിതാശ്ചാരമോ ദ്വാരകായാമ് ॥ ൮॥
വിപ്രം നിസ്സ്വം കുചേലം സദനമുപഗതം ബാല്യകാലൈകമിത്രം
പശ്യന് കാരുണ്യലോലഃ പൃഥുകമിഹ കരാത്തസ്യ സങ്ഗൃഹ്യ തൂര്ണമ് ।
ലക്ഷ്മീസംവാരിതോഽപി സ്വയമപരിമിതം വിത്തമസ്മൈ ദദാനഃ
കാരുണ്യാമ്ഭോനിധിസ്ത്വം ജയ ജയ ഭഗവന്! സര്വലോകാധിനാഥ! ॥ ൯॥
യാവദ്വൃദ്ധിഃ കലേര്വൈ ഭവതി ബത തദാ കല്കിരൂപോഽതിഹീനാന്
മ്ലേച്ഛാന് ധര്മൈകശത്രൂന് ഭരിതപുരുരുഷാ നാശയിഷ്യത്യശാന്താന് ।
സ ത്വം സത്വൈകതാനാം മമ മതിമനിശം ദേഹി ശൌരേ! തദര്ഥം
ത്വത്പാദാബ്ജേ പതിത്വാ മുഹുരഹമവശഃ പ്രാര്ഥയേ പദ്മനാഭ! ॥ ൧൦॥
॥ ദശമം ദശകമ് ॥
ഭൂഷണേഷു കില ഹേമവജ്ജഗതി മൃത്തികാവദഥവാ ഘടേ
തന്തുജാലവദഹോ പടേഷ്വപി രാജിതാദ്വയരസാത്മകമ് ।
സര്വസത്വഹൃദയൈകസാക്ഷിണമിഹാതിമായ നിജവൈഭവം
ഭാവയാമി ഹൃദയേ ഭവന്തമിഹ പദ്മനാഭ! പരിപാഹി മാമ് ॥ ൧॥
ചിന്മയാമ്ബുനിധിവീചിരൂപ! സനകാദിചിന്ത്യവിമലാകൃതേ !
ജാതികര്മഗുണഭേദഹീന! സകലാദിമൂല! ജഗതാം ഗുരോ ! ।
ബ്രഹ്മശങ്കരമുഖൈരമേയവിപുലാനുഭാവ! കരുണാനിധേ!
ഭാവയാമി ഹൃദയേ ഭവന്തമിഹ പദ്മനാഭ! പരിപാഹി മാമ് ॥ ൨॥
മായയാവൃതതനുര്ബഹിഃ സൃജസി ലോകജാലമഖിലം ഭവാന്
സ്വപ്നസന്നിഭമിദം പുനസ്സപദി സംഹരന്നിജബലാദഹോ! ।
ഹന്ത! കൂര്മ ഇവ പാദമാത്മനി തു ധാരയത്യഥ യദാ തദാ
ദാരുണേ തമസി വിസ്തൃതേ വിതിമിരോ ലസത്യനിശമാത്മനാ ॥ ൩॥
ദേവദേവ! തനുവാങ്മനോഭിരിഹ യത്കരോമി സതതം ഹരേ!
ത്വയ്യസാവഹമര്പയാമ്യഖിലമേതദീശ! പരിതുഷ്യതാമ് ।
ത്വത്പദൈകമതിരന്ത്യജോഽപി ഖലു ലോകമീശ്വര! പുനാത്യഹോ!
നോ രമേശ! വിമുഖാശയോ ഭവതി വിപ്രജാതിരപി കേവലമ് ॥ ൪॥
പാപ ഏഷ കില ഗൂഹിതും നിജ ദുശ്ചരിത്രമിഹ സര്വദാ
കൃഷ്ണ! രാമ! മധുസൂദനേത്യനിശമാലപത്യഹഹ! നിഷ്ഫലമ് ।
ഏവമീശ! തവ സേവകോ ഭവതി നിന്ദിതഃ ഖലജനൈഃ കലൌ
താദൃശം ത്വനഘ! മാ കൃഥാ വരദ! മാമസീമതമവൈഭവ! ॥ ൫॥
കസ്തു ലോക ഇഹ നിര്ഭയോ ഭവതി താവകം കില വിനാ പദം
സത്യലോകവസതി സ്ഥിതോഽപി ബത ന സ്ഥിരോ വസതി പദ്മഭൂഃ ।
ഏവമീശ സതി കാ കഥാ പരമ! പാപിനാം തു നിരയാത്മനാം
തന്മദീയ ഭവബന്ധമോഹമയി! ഖണ്ഡയാഽനഘ! നമോഽസ്തു തേ ॥ ൬॥
ഭാവയന്തി ഹി പരേ ഭവന്തമയി! ചാരു ബദ്ധവിമലാസനാഃ
നാസികാഗ്രധൃതലോചനാ പരമ! പൂരകാദിജിതമാരുതാഃ ।
ഉദ്ഗതാഗ്രമഥ ചിത്തപദ്മമയി! ഭാവയന്ത ഇഹ സാദരം
ഭാനുസോമശിഖിമണ്ഡലോപരി തു നീലനീരദസമപ്രഭമ് ॥ ൭॥
ശ്ലക്ഷ്ണനീലകുടിലാളകം മകരകുണ്ഡലദ്യുതിവിരാജിതം
മന്ദഹാസഹൃതസര്വലോകവിപുലാതിഭാരമതിമോഹനമ് ।
കൌസ്തുഭേന വനമാലയാപി ച വിരാജിതം മദനസുന്ദരം
കാഞ്ചനാഭവസനം ഭവന്തമയി! ഭാവയന്തി ഹൃതകല്മഷാഃ ॥ ൮॥
ജ്ഞാനമീശ! ബത! കര്മ ഭക്തിരപി തത്ത്രയം ഭവദവാപകം
ജ്ഞാനയോഗവിഷയേഽധികാര ഇഹ വൈ വിരക്തജനതാഹിതഃ ।
കര്മണീഹ തു ഭവേന്നൃണാമധികസക്തമാനസജുഷാം ഹരേ!
യേ തു നാധികവിരക്തസക്തഹൃദയാ ഹി ഭക്തിരയി! തദ്ധിതാ ॥ ൯॥
ദേവ! വൈഭവമജാനതാദ്യ തവ യന്മയാ നിഗദിതം ഹരേ!
ക്ഷമ്യതാം ഖലു സമസ്തമേതദിഹ മോദമീശ! കുരു താവകേ ।
ദീര്ഘമായുരയി! ദേഹസൌഖ്യമപി വര്ധതാം ഭവദനുഗ്രഹാത്
പങ്കജാഭനയനാപദോ ദലയ പദ്മനാഭ! വിജയീ ഭവ! ॥ ൧൦॥
॥ ഇതി മഹാരാജാ സ്വാതി തിരുനാള് വിരചിതം പദ്മനാഭശതകമ് ॥
Encoded and proofread by P. P. Narayanaswami swami at mun.ca
PSA Easwaran
Please send corrections to sanskrit@cheerful.com
Last updated ത്oday
http://sanskritdocuments.org
Padmanabha Shatakam Lyrics in Malayalam PDF
% File name : padmanAbhashatakam.itx
% Category : shataka
% Location : doc\_vishhnu
% Author : mahArAjA svAti tirunAL
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at mun.ca
% Proofread by : P. P. Narayanaswami swami at mun.ca, PSA Easwaran
% Translated by :
% Description-comments :
% Source :
% Acknowledge-Permission:
% Latest update : May 16, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : padmanAbhashatakam.itx
% Category : shataka
% Location : doc\_vishhnu
% Author : mahArAjA svAti tirunAL
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at mun.ca
% Proofread by : P. P. Narayanaswami swami at mun.ca, PSA Easwaran
% Translated by :
% Description-comments :
% Source :
% Acknowledge-Permission:
% Latest update : May 16, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 10, 2015 ] at Stotram Website