{॥ শ্রী কামাক্ষীস্তোত্রম্ ২ ॥}
কাঞ্চীনূপুররত্নকঙ্কণলসত্কেযূরহারোজ্জ্বলাং
কাশ্মীরারুণকঞ্চুকাঞ্চিতকুচাং কস্তূরিকাচর্চিতাম্ ।
কল্হারাঞ্চিতকল্পকোজ্জ্বলমুখীং কারুণ্যকল্লোলিনীং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ১॥

কামারাতিমনঃপ্রিযাং কমলভূসেব্যাং রমারাধিতাং
কন্দর্পাধিকদর্পদানবিলসত্সৌন্দর্যদীপাঙ্কুরাম্ ।
কীরালাপবিনোদিনীং ভগবতীং কাম্যপ্রদানব্রতাং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ২॥

কাদম্বপ্রমদাং বিলাসগমনাং কল্যাণকাঞ্চীরবাং
কল্যাণাচলপাদপদ্মযুগলাং কান্ত্যা স্ফুরন্তীং শুভাম্ ।
কল্যাণাচলকার্মুকপ্রিযতমাং কাদম্বমালাশ্রিযং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৩॥

গন্ধর্বামরসিদ্ধচারণবধূধ্যেযাং পতাকাঞ্চিতাং
গৌরীং কুঙ্কুমপঙ্কপঙ্কিতকুচদ্বন্দ্বাভিরামাং শুভাম্ ।
গম্ভীরস্মিতবিভ্রমাঙ্কিতমুখীং গঙ্গাধরালিঙ্গিতাং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৪॥

বিষ্ণুব্রহ্মমুখামরেন্দ্রবিলসত্কোটীরপীঠস্থলাং
লাক্ষারঞ্জিতপাদপদ্মযুগলাং রাকেন্দুবিম্বাননাম্ ।
বেদান্তাগমবেদ্যচিন্ত্যচরিতাং বিদ্বজ্জনৈরাবৃতাং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৫॥

মাকন্দদ্রুমমূলদেশমহিতে মাণিক্যসিংহাসনে
দিব্যাং দীপিতহেমকান্তিনিবহাং বস্ত্রাবৃতাং তাং শুভাম্ ।
দিব্যাকল্পিতদিব্যদেহভরিতাং দৃষ্টিপ্রমোদার্পিতাং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৬॥

আধারাদিসমস্তচক্রনিলযামাদ্যন্তশূন্যামুমাং
আকাশাদিসমস্তভূতনিবহাকারামশেষাত্মিকাম্ ।
যোগীন্দ্রৈরপি যোগিনীশতগণৈরারাধিতামম্বিকাং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৭॥

হ্রীঙ্কারপ্রণবাত্মিকাং প্রণমতাং শ্রীবিদ্যবিদ্যামযীং
ঐং ক্লীং সৌং রুচি মন্ত্রমূর্তিনিবহাকারামশেষাত্মিকাম্ ।
ব্রহ্মানন্দরসানুভূতিমহিতাং ব্রহ্মপ্রিযংবাদিনীং
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৮॥

সিদ্ধানন্দজনস্য চিন্মযসুখাকারাং মহাযোগিনীং
মাযাবিশ্ববিমোহিনীং মধুমতীং ধ্যাযেত্ শুভাং ব্রাহ্মণীম্ ।
ধ্যেযাং কিন্নরসিদ্ধচারণবধূ ধ্যেযাং সদা যোগিভিঃ
কামাক্ষীং কলযামি কল্পলতিকাং কাঞ্চীপুরীদেবতাম্ ॥ ৯॥

কামারিকামাং কমলাসনস্থাং
কাম্যপ্রদাং কঙ্কণচূডহস্তাং ।
কাঞ্চীনিবাসাং কনকপ্রভাসাং
কামাক্ষিদেবীং কলযামি চিত্তে ॥ ১০॥

ইতি শ্রী কামাক্ষীস্তোত্রং সম্পূর্ণম্ ।

Encoded and proofread by P. R. Ramamurthy
http://prramamurthy1931.blogspot.com

Please send corrections to sanskrit@cheerful.com
Last updated ত্oday
http://sanskritdocuments.org

kamakshi Stotram 2 Lyrics in Bengali PDF
% File name : kAmAkShIstotram2.txt
% Category : stotra
% Location : doc\_devii
% Language : Sanskrit
% Subject : philosophy/hinduism/religion
% Transliterated by : P. R. Ramamurthy
% Proofread by : P. R. Ramamurthy
% Description/comments : % http://prramamurthy1931.blogspot.com/2011/04/hymns-to-srimata-sri-kamakshi-stotram.html
% Latest update : April 24, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website