{॥ ശ്രീ കാമാക്ഷീസ്തോത്രമ് ൨ ॥}
കാഞ്ചീനൂപുരരത്നകങ്കണലസത്കേയൂരഹാരോജ്ജ്വലാം
കാശ്മീരാരുണകഞ്ചുകാഞ്ചിതകുചാം കസ്തൂരികാചര്ചിതാമ് ।
കല്ഹാരാഞ്ചിതകല്പകോജ്ജ്വലമുഖീം കാരുണ്യകല്ലോലിനീം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൧॥

കാമാരാതിമനഃപ്രിയാം കമലഭൂസേവ്യാം രമാരാധിതാം
കന്ദര്പാധികദര്പദാനവിലസത്സൌന്ദര്യദീപാങ്കുരാമ് ।
കീരാലാപവിനോദിനീം ഭഗവതീം കാമ്യപ്രദാനവ്രതാം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൨॥

കാദമ്ബപ്രമദാം വിലാസഗമനാം കല്യാണകാഞ്ചീരവാം
കല്യാണാചലപാദപദ്മയുഗലാം കാന്ത്യാ സ്ഫുരന്തീം ശുഭാമ് ।
കല്യാണാചലകാര്മുകപ്രിയതമാം കാദമ്ബമാലാശ്രിയം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൩॥

ഗന്ധര്വാമരസിദ്ധചാരണവധൂധ്യേയാം പതാകാഞ്ചിതാം
ഗൌരീം കുങ്കുമപങ്കപങ്കിതകുചദ്വന്ദ്വാഭിരാമാം ശുഭാമ് ।
ഗമ്ഭീരസ്മിതവിഭ്രമാങ്കിതമുഖീം ഗങ്ഗാധരാലിങ്ഗിതാം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൪॥

വിഷ്ണുബ്രഹ്മമുഖാമരേന്ദ്രവിലസത്കോടീരപീഠസ്ഥലാം
ലാക്ഷാരഞ്ജിതപാദപദ്മയുഗലാം രാകേന്ദുബിമ്ബാനനാമ് ।
വേദാന്താഗമവേദ്യചിന്ത്യചരിതാം വിദ്വജ്ജനൈരാവൃതാം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൫॥

മാകന്ദദ്രുമമൂലദേശമഹിതേ മാണിക്യസിംഹാസനേ
ദിവ്യാം ദീപിതഹേമകാന്തിനിവഹാം വസ്ത്രാവൃതാം താം ശുഭാമ് ।
ദിവ്യാകല്പിതദിവ്യദേഹഭരിതാം ദൃഷ്ടിപ്രമോദാര്പിതാം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൬॥

ആധാരാദിസമസ്തചക്രനിലയാമാദ്യന്തശൂന്യാമുമാം
ആകാശാദിസമസ്തഭൂതനിവഹാകാരാമശേഷാത്മികാമ് ।
യോഗീന്ദ്രൈരപി യോഗിനീശതഗണൈരാരാധിതാമമ്ബികാം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൭॥

ഹ്രീങ്കാരപ്രണവാത്മികാം പ്രണമതാം ശ്രീവിദ്യവിദ്യാമയീം
ഐം ക്ലീം സൌം രുചി മന്ത്രമൂര്തിനിവഹാകാരാമശേഷാത്മികാമ് ।
ബ്രഹ്മാനന്ദരസാനുഭൂതിമഹിതാം ബ്രഹ്മപ്രിയംവാദിനീം
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൮॥

സിദ്ധാനന്ദജനസ്യ ചിന്മയസുഖാകാരാം മഹായോഗിനീം
മായാവിശ്വവിമോഹിനീം മധുമതീം ധ്യായേത് ശുഭാം ബ്രാഹ്മണീമ് ।
ധ്യേയാം കിന്നരസിദ്ധചാരണവധൂ ധ്യേയാം സദാ യോഗിഭിഃ
കാമാക്ഷീം കലയാമി കല്പലതികാം കാഞ്ചീപുരീദേവതാമ് ॥ ൯॥

കാമാരികാമാം കമലാസനസ്ഥാം
കാമ്യപ്രദാം കങ്കണചൂഡഹസ്താം ।
കാഞ്ചീനിവാസാം കനകപ്രഭാസാം
കാമാക്ഷിദേവീം കലയാമി ചിത്തേ ॥ ൧൦॥

ഇതി ശ്രീ കാമാക്ഷീസ്തോത്രം സമ്പൂര്ണമ് ।

Encoded and proofread by P. R. Ramamurthy
http://prramamurthy1931.blogspot.com

Please send corrections to sanskrit@cheerful.com
Last updated ത്oday
http://sanskritdocuments.org

kamakshi Stotram 2 Lyrics in Malayalam PDF
% File name : kAmAkShIstotram2.txt
% Category : stotra
% Location : doc\_devii
% Language : Sanskrit
% Subject : philosophy/hinduism/religion
% Transliterated by : P. R. Ramamurthy
% Proofread by : P. R. Ramamurthy
% Description/comments : % http://prramamurthy1931.blogspot.com/2011/04/hymns-to-srimata-sri-kamakshi-stotram.html
% Latest update : April 24, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website