% Text title            : Gayatri Samhita
% File name             : gAyatrI\_saMhitA.itx
% Location              : doc\_devii
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Source                : Gayatri Mahavijnana -
% Latest update         : Mar. 14, 2014
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatri Samhita ..}##
\itxtitle{.. gAyatrI saMhitA ..}##\endtitles ##
\section{.. gAyatrI saMhitA ..}

Adi shaktiriti viShNostAmahaM praNamAmi hi |
sargaH sthitirvinAshashcha jAyante jagato.anayA || 1||
nAbhi\-padma\-bhuvA viShNorbrahmaNA nirmitaM jagat |
sthAvaraM ja~NgamaM shaktyA gAyatryA eva vai dhruvam || 2||
chandrashekhara keshebhyo nirgatA hi surApagA |
bhagIrathaM tatAraiva parivArasamaM yathA || 3||
jagaddhAtrI samudbhUya yA hRRinmAnasarovare |
gAyatrI sakulaM pAraM tathA nayati sAdhakam || 4||
sAsti ga~Ngaiva j~nAnAkhyasunIreNa samAkulA |
j~nAna ga~NgA tu tAM bhaktyA vAraM\-vAraM namAmyaham || 5||
RRiShayo veda\-shAstrANi sarve chaiva maharShayaH |
shraddhayA hRRidi gAyatrIM dhArayanti stuvanti cha || 6||
hrIM shrIM klIM cheti rUpaistu tribhirvA lokapAlinI |
bhAsate satataM loke gAyatrI triguNAtmikA || 7||
gAyatryaiva matA mAtA vedAnAM shAstrasampadAm |
chatvAro.api samutpannA vedAstasyA asaMshayam || 8||
paramAtmanastu yA loke brahma shaktirvirAjate |
sUkShmA cha sAttvikI chaiva gAyatrItyabhidhIyate || 9||
prabhAvAdeva gAyatryA bhUtAnAmabhijAyate |
antaHkaraNeShu devAnAM tattvAnAM hi samudbhavaH || 10||
gAyatryupAsanAkaraNAdAtmashaktirvivardhate |
prApyate kramasho.ajasya sAmIpyaM paramAtmanaH || 11||
shauchaM shAntirvivekashchaitallAbha trayamAtmikam |
pashchAdavApyate nUnaM susthiraM tadupAsakam || 12||
kAryeShu sAhasaH sthairyaM karmaniShThA tathaiva cha |
ete lAbhAshcha vai tasmAjjAyante mAnasAstrayaH || 13||
puShkalaM dhana\-saMsiddhiH sahayogashcha sarvataH |
svAsthyaM vA traya ete syustasmAllAbhAshcha laukikAH || 14||
kAThinyaM vividhaM ghoraM hyApadAM saMhatistathA |
shIghraM vinAshatAM yAnti vividhA vighnarAshayaH || 15||
vinAshAdukta shatrUNAmantaH shaktirvivardhate |
sa.nkaTAnAmanAyAsaM pAraM yAti tayA naraH || 16||
gAyatryupAsakasvAnte satkAmA udbhavanti hi |
tatpUrtaye.abhijAyante sahajaM sAdhanAnyapi || 17||
truTayaH sarvathA doShA vighnA yAnti yadAntatAm |
mAnavo nirbhayaM yAti pUrNonnati pathaM tadA || 18||
bAhya.nchAbhyantaraM tvasya nityaM sanmArgagAminaH |
unnaterubhayaM dvAraM yAtyunmuktakapATatAm || 19||
ataH svasthena chittena shraddhayA niShThayA tathA |
kartavyAvirataM kAle gAyatryAH samupAsanA || 20||
dayAluH shakti sampannA mAtA buddhimatI yathA |
kalyANaM kurute hyeva premNA bAlasya chAtmanaH || 21||
tathaiva mAtA lokAnAM gAyatrI bhaktavatsalA |
vidadhAti hitaM nityaM bhaktAnAM dhruvamAtmanaH || 22||
kurvannapi truTIrloke bAlako mAtaraM prati |
yathA bhavati kashchinna tasyA aprItibhAjanaH || 23||
kurvannapi truTIrbhaktaH kvachit gAyatryupAsane |
na tathA phalamApnoti viparItaM kadAchana || 24||
akSharANAM tu gAyatryA gumphanaM hyasti tadvidham |
bhavanti jAgRRitA yena sarvA guhyAstu granthayaH || 25||
jAgRRitA granthayastvetAH sUkShmAH sAdhakamAnase |
divyashaktisamudbhUtiM kShipraM kurvantyasaMshayam || 26||
janayanti kRRite puMsAmetA vai divyashaktayaH |
vividhAn vai pariNAmAn bhavyAn ma~NgalapUritAn || 27||
mantrasyochchAraNaM kAryaM shuddhamevApramAdataH |
tadashakto japennityaM sapraNavAstu vyAhRRitIH || 28||
omiti praNavaH pUrvaM bhUrbhuvaH svastaduttaram |
eShoktA laghu gAyatrI vidvadbhirvedapaNDitaiH || 29||
shuddhaM paridhAnamAdhAya shuddhe vai vAyumaNDale |
shuddha dehamanobhyAM vai kAryA gAyatryupAsanA || 30||
dIkShAmAdAya gAyatryA brahmaniShThAgrajanmanA |
ArabhyatAM tataH samyagvidhinopAsanA satA || 31||
gAyatryupAsanAmuktvA nityAvashyakakarmasu |
uktastatra dvijAtInAM nAnadhyAyo vichakShaNaiH || 32||
ArAdhayanti gAyatrIM na nityaM ye dvijanmanaH |
jAyante hi svakarmabhyaste chyutA nAtra saMshayaH || 33||
shUdrAstu janmanA sarve pashchAdyAnti dvijanmatAm |
gAyatryaiva janAH sAkaM hyupavItasya dhAraNAt || 34||
uchchatA patitAnAM cha pApinAM pApanAshanam |
jAyete kRRipayaivAsyAH vedamAturanantayA || 35||
gAyatryA yA yutA sandhyA brahmasandhyA tu sA matA |
kIrtitaM sarvataH shreShThaM tasyAnuShThAnamAgamaiH || 36||
AchamanaM shikhAbandhaH prANAyAmo.aghamarShaNam |
nyAsashchopAsanAyAM tu pa~ncha koShA matA budhaiH || 37||
dhyAnatastu tataH pashchAt sAvadhAnena chetasA |
japyA satataM tulasI mAlayA cha muhurmuhuH || 38||
eka vAraM pratidinaM nyUnato nyUnasa~Nkhyakam |
dhImAnmantra shataM nUnaM nityamaShTottaraM japet || 39||
brAhme muhUrte prA~Nmukho merudaNDaM pratanya hi |
padmAsanaM samAsInaH sandhyAvandanamAcharet || 40||
dainyaruk shoka chintAnAM virodhAkramaNApadAm |
kAryaM gAyatryanuShThAnaM bhayAnaM vAraNAya cha || 41||
jAyate sA sthitirasmAnmano.abhilAShayAnvitA |
yataH sarve.abhijAyante yathA kAlaM hi pUrNatAm || 42||
anuShThAnAttu vai tasmAdguptAdhyAtmika-shaktayaH |
chamatkAramayA loke prApyante.anekadhA budhaiH || 43||
sapAdalakShamantrANAM gAyatryA japanaM tu vai |
dhyAnena vidhinA chaiva hyanuShThAnaM prachakShate || 44 |
pa~nchamyAM pUrNimAyAM vA chaikAdashyAM tathaiva hi |
anuShThAnasya kartavyaM ArambhaH phala\-prAptaye || 45||
mAsadvaye.avirAmaM tu chatvAriMShaT dineShu vA |
pUrayettadanuShThAnaM tulyasa~NkhyAsu vai japan || 46||
tasyAH pratimAM susaMsthApya premNA shobhana\-Asane |
gAyatryAstatra kartavyA satpratiShThA vidhAnataH || 47
tadvidhAya tato dIpa\-dhUpa\-naivedya\-chandanaiH |
namaskRRityAkShatenApi tasyAH pUjanamAcharet || 48||
pUjanAnantaraM vij~naH bhaktyA tajjapamArabhet |
japakAle tu manaH kAryaM shraddhAnvitamacha~nchalam || 49||
kAryato yadi chottiShThenmadhya eva tataH punaH |
kara\-prakShAlanaM kRRitvA shuddhaira~NgairupAvishet || 50||
AdyashaktirvedamAtA gAyatrI tu madantare |
shaktikallolasandohAn j~nAnajyotishcha santatam || 51||
uttarottaramAkIrya prerayanti virAjate |
ityevAvirataM dhyAyan dhyAnamagnastu tAM japet || 52||
chaturviMshatilakShANAM satataM tadupAsakaH |
gAyatrINAmanuShThAnAdgAyatryAH siddhimApnute || 53
sAdhanAyai tu gAyatryA nishChalena hi chetasA |
varaNIyaH sadAchAryaH sAdhakena subhAjanaH || 54||
laghvanuShThAnato vApi mahAnuShThAnato.athavA |
siddhiM vindati vai nUnaM sAdhakaH sAnupAtikAm || 55||
eka eva tu saMsiddhaH gAyatrI mantra Adishat |
samasta\-lokamantrANAM kAryasiddhestu pUrakaH || 56||
anuShThAnAvasAne tu agnihotro vidhIyatAm |
yathAshakti tato dAnaM brahmabhojastataH khalu || 57||
mahAmantrasya chApyasya sthAne sthAne pade pade |
gUDhAnantopadeshAnAM rahasyaM tatra vartate || 58||
yo dadhAti narashchaitAnupadeshAMstu mAnase |
jAyate hyubhayaM tasya lokamAnandasa~Nkulam || 59||
samagrAmapi sAmagrImanuShThAnasya pUjitAm |
sthAne pavitra evaitAM kutrachiddhi visarjayet || 60||
satpAtro yadi vAchAryo na chetsaMsthApayettadA |
nArikelaM shuchiM vRRitvAchAryabhAvena chAsane || 61||
prAyashchittaM mataM shreShThaM truTInAM pApakarmaNAm |
tapashcharyaiva gAyatryAH nAto.anyaddRRishyate kvachit || 62||
sevyAH svAtmasamuddhyarthaM padArthAH sAttvikAH sadA |
rAjasAshcha prayoktavyAH manovA~nChitapUrtaye || 63||
prAdurbhAvastu bhAvAnAM tAmasAnAM vijAyate |
tamoguNAnAmarthAnAM sevanAditi nishchayaH || 64||
mAlAsana\-samidhyaj~na\-sAmagryarchana\-sa~NgrahaH |
guNatrayAnusAraM hi sarve vai dadate phalam || 65||
prAdurbhavanti vai sUkShmAshchaturviMshati shaktayaH |
akSharebhyastu gAyatryA mAnavAnAM hi mAnase || 66||
muhUrtA yogadoShA vA ye.apyama~NgalakAriNaH |
bhasmatAM yAnti te sarve gAyatryAstIvratejasA || 67||
etasmAttu japAnnUnaM dhyAnamagnena chetasA |
jAyate kramashashchaiva ShaT chakrANAM tu jAgRRitiH || 68||
ShaT chakrANi yadaitAni jAgRRitAni bhavanti hi |
ShaT siddhayo.abhijAyante chakrairetairnarasya vai || 69||
agnihotraM tu gAyatrI mantreNa vidhivat kRRitam |
sarveShvavasareShveva shubhameva mataM budhaiH || 70||
yadAvasthAsu syAlloke vipannAsu tadA tu saH |
maunaM mAnasikaM chaiva gAyatrI\-japamAcharet || 71||
tadanuShThAnakAle tu svashaktiM niyamejjanaH |
nimnakarmasu tAH dhImAn na vyayeddhi kadAchana || 72
naivAnAvashyakaM kAryamAtmoddhArasthitena cha |
Atmashaktestu prAptAyAH yatra tatra pradarshanam || 73||
AhAre vyavahAre cha mastiShke.api tathaiva hi |
sAttvikena sadA bhAvyaM sAdhakena manIShiNA ||  74||
kartavyadharmataH karma viparItaM tu yadbhavet |
tatsAdhakastu praj~nAvAnAcharenna kadAchana || 75||
pRRiShThato.asyAH sAdhanAyA rAjate.atitaraM sadA |
manasvisAdhakAnAM hi bahUnAM sAdhanAbalam || 76||
alpIyasyA jagatyevaM sAdhanAyAstu sAdhakaH |
bhagavatyAshcha gAyatryAH kRRipAM prApnotyasaMshayam || 77||
prANAyAme japan lokaH gAyatrIM dhruvamApnute |
nigrahaM manasashchaiva indriyANAM hi sampadAm || 78||
mantraM vibhajya bhAgeShu chaturShu subudhastadA |
rechakaM kumbhakaM bAhyaM pUrakaM kumbhakaM charet || 79||
yathA pUrvasthita~nchaiva na dravyaM kArya\-sAdhakam |
mahAsAdhanato.apyasmAnnAj~no lAbhaM tathApnute || 80||
sAdhakaH kurute yastu mantrashakterapavyayaH |
taM vinAshayati saiva samUlaM nAtra saMshayaH || 81||
satataM sAdhanAbhiryo yAti sAdhakatAM naraH |
svapnAvasthAsu jAyante tasya divyAnubhUtayaH || 82||
saphalaH sAdhako loke prApnute.anubhavAn navAn |
vichitrAn vividhA.Nshchaiva sAdhanAsiddhyanantaram || 83||
bhinnAbhirvidhibhirbuddhyA bhinnAsu kAryapa~NktiShu |
gAyatryAH siddhamantrasya prayogaH kriyate budhaiH || 84||
chaturviMshativarNairyA gAyatrI gumphitA shrutau |
rahasyamuktaM tatrApi divyaiH rahasyavAdibhiH || 85||
rahasyamupavItasya guhyAdguhyataraM hi yat |
antarhitaM tu tatsarvaM gAyatryAM vishvamAtari || 86||
ayameva gurormantraH yaH sarvopari rAjate |
bindau sindhurivAsmiMstu j~nAnavij~nAnamAshritam || 87||
Abhyantare tu gAyatryA aneke yogasa~nchayAH |
antarhitA virAjante kashchidatra na saMshayaH || 88||
dhArayan hRRidi gAyatrIM sAdhako dhautakilbiShaH |
shaktIranubhavatygrAH svasminneva hyalaukikAH || 89||
etAdRRishyastu vArtA bhAsante.alpaprayAsataH |
yAstu sAdhAraNo loko j~nAtumarhati naiva hi || 90||
etAdRRishyastu jAyante tanmanasyanubhUtayaH |
yAdRRishyo na hi dRRishyante mAnaveShu kadAchana || 91||
prasAdaM brahmaj~nAnasya ye.anyebhyo vitarantyapi |
AsAdayanti te nUnaM mAnavAH puNyamakShayam || 92||
gAyatrI saMhitA hyeShA paramAnandadAyinI |
sarveShAmeva kaShTAnAM vAraNAyAstyalaM bhuvi || 93||
shraddhayA ye paThantyenAM chintayanti cha chetasA |
AcharantyAnukUlyena bhavabAdhAM taranti te || 94||
##

Encoded and proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}