ಗಾಯತ್ರೀ ಸಂಹಿತಾ
{॥ ಗಾಯತ್ರೀ ಸಂಹಿತಾ ॥}
ಆದಿ ಶಕ್ತಿರಿತಿ ವಿಷ್ಣೋಸ್ತಾಮಹಂ ಪ್ರಣಮಾಮಿ ಹಿ ।
ಸರ್ಗಃ ಸ್ಥಿತಿರ್ವಿನಾಶಶ್ಚ ಜಾಯನ್ತೇ ಜಗತೋಽನಯಾ ॥ ೧॥
ನಾಭಿ-ಪದ್ಮ-ಭುವಾ ವಿಷ್ಣೋರ್ಬ್ರಹ್ಮಣಾ ನಿರ್ಮಿತಂ ಜಗತ್ ।
ಸ್ಥಾವರಂ ಜಙ್ಗಮಂ ಶಕ್ತ್ಯಾ ಗಾಯತ್ರ್ಯಾ ಏವ ವೈ ಧ್ರುವಮ್ ॥ ೨॥
ಚನ್ದ್ರಶೇಖರ ಕೇಶೇಭ್ಯೋ ನಿರ್ಗತಾ ಹಿ ಸುರಾಪಗಾ ।
ಭಗೀರಥಂ ತತಾರೈವ ಪರಿವಾರಸಮಂ ಯಥಾ ॥ ೩॥
ಜಗದ್ಧಾತ್ರೀ ಸಮುದ್ಭೂಯ ಯಾ ಹೃನ್ಮಾನಸರೋವರೇ ।
ಗಾಯತ್ರೀ ಸಕುಲಂ ಪಾರಂ ತಥಾ ನಯತಿ ಸಾಧಕಮ್ ॥ ೪॥
ಸಾಸ್ತಿ ಗಙ್ಗೈವ ಜ್ಞಾನಾಖ್ಯಸುನೀರೇಣ ಸಮಾಕುಲಾ ।
ಜ್ಞಾನ ಗಙ್ಗಾ ತು ತಾಂ ಭಕ್ತ್ಯಾ ವಾರಂ-ವಾರಂ ನಮಾಮ್ಯಹಮ್ ॥ ೫॥
ಋಷಯೋ ವೇದ-ಶಾಸ್ತ್ರಾಣಿ ಸರ್ವೇ ಚೈವ ಮಹರ್ಷಯಃ ।
ಶ್ರದ್ಧಯಾ ಹೃದಿ ಗಾಯತ್ರೀಂ ಧಾರಯನ್ತಿ ಸ್ತುವನ್ತಿ ಚ ॥ ೬॥
ಹ್ರೀಂ ಶ್ರೀಂ ಕ್ಲೀಂ ಚೇತಿ ರೂಪೈಸ್ತು ತ್ರಿಭಿರ್ವಾ ಲೋಕಪಾಲಿನೀ ।
ಭಾಸತೇ ಸತತಂ ಲೋಕೇ ಗಾಯತ್ರೀ ತ್ರಿಗುಣಾತ್ಮಿಕಾ ॥ ೭॥
ಗಾಯತ್ರ್ಯೈವ ಮತಾ ಮಾತಾ ವೇದಾನಾಂ ಶಾಸ್ತ್ರಸಮ್ಪದಾಮ್ ।
ಚತ್ವಾರೋಽಪಿ ಸಮುತ್ಪನ್ನಾ ವೇದಾಸ್ತಸ್ಯಾ ಅಸಂಶಯಮ್ ॥ ೮॥
ಪರಮಾತ್ಮನಸ್ತು ಯಾ ಲೋಕೇ ಬ್ರಹ್ಮ ಶಕ್ತಿರ್ವಿರಾಜತೇ ।
ಸೂಕ್ಷ್ಮಾ ಚ ಸಾತ್ತ್ವಿಕೀ ಚೈವ ಗಾಯತ್ರೀತ್ಯಭಿಧೀಯತೇ ॥ ೯॥
ಪ್ರಭಾವಾದೇವ ಗಾಯತ್ರ್ಯಾ ಭೂತಾನಾಮಭಿಜಾಯತೇ ।
ಅನ್ತಃಕರಣೇಷು ದೇವಾನಾಂ ತತ್ತ್ವಾನಾಂ ಹಿ ಸಮುದ್ಭವಃ ॥ ೧೦॥
ಗಾಯತ್ರ್ಯುಪಾಸನಾಕರಣಾದಾತ್ಮಶಕ್ತಿರ್ವಿವರ್ಧತೇ ।
ಪ್ರಾಪ್ಯತೇ ಕ್ರಮಶೋಽಜಸ್ಯ ಸಾಮೀಪ್ಯಂ ಪರಮಾತ್ಮನಃ ॥ ೧೧॥
ಶೌಚಂ ಶಾನ್ತಿರ್ವಿವೇಕಶ್ಚೈತಲ್ಲಾಭ ತ್ರಯಮಾತ್ಮಿಕಮ್ ।
ಪಶ್ಚಾದವಾಪ್ಯತೇ ನೂನಂ ಸುಸ್ಥಿರಂ ತದುಪಾಸಕಮ್ ॥ ೧೨॥
ಕಾರ್ಯೇಷು ಸಾಹಸಃ ಸ್ಥೈರ್ಯಂ ಕರ್ಮನಿಷ್ಠಾ ತಥೈವ ಚ ।
ಏತೇ ಲಾಭಾಶ್ಚ ವೈ ತಸ್ಮಾಜ್ಜಾಯನ್ತೇ ಮಾನಸಾಸ್ತ್ರಯಃ ॥ ೧೩॥
ಪುಷ್ಕಲಂ ಧನ-ಸಂಸಿದ್ಧಿಃ ಸಹಯೋಗಶ್ಚ ಸರ್ವತಃ ।
ಸ್ವಾಸ್ಥ್ಯಂ ವಾ ತ್ರಯ ಏತೇ ಸ್ಯುಸ್ತಸ್ಮಾಲ್ಲಾಭಾಶ್ಚ ಲೌಕಿಕಾಃ ॥ ೧೪॥
ಕಾಠಿನ್ಯಂ ವಿವಿಧಂ ಘೋರಂ ಹ್ಯಾಪದಾಂ ಸಂಹತಿಸ್ತಥಾ ।
ಶೀಘ್ರಂ ವಿನಾಶತಾಂ ಯಾನ್ತಿ ವಿವಿಧಾ ವಿಘ್ನರಾಶಯಃ ॥ ೧೫॥
ವಿನಾಶಾದುಕ್ತ ಶತ್ರೂಣಾಮನ್ತಃ ಶಕ್ತಿರ್ವಿವರ್ಧತೇ ।
ಸಂಕಟಾನಾಮನಾಯಾಸಂ ಪಾರಂ ಯಾತಿ ತಯಾ ನರಃ ॥ ೧೬॥
ಗಾಯತ್ರ್ಯುಪಾಸಕಸ್ವಾನ್ತೇ ಸತ್ಕಾಮಾ ಉದ್ಭವನ್ತಿ ಹಿ ।
ತತ್ಪೂರ್ತಯೇಽಭಿಜಾಯನ್ತೇ ಸಹಜಂ ಸಾಧನಾನ್ಯಪಿ ॥ ೧೭॥
ತ್ರುಟಯಃ ಸರ್ವಥಾ ದೋಷಾ ವಿಘ್ನಾ ಯಾನ್ತಿ ಯದಾನ್ತತಾಮ್ ।
ಮಾನವೋ ನಿರ್ಭಯಂ ಯಾತಿ ಪೂರ್ಣೋನ್ನತಿ ಪಥಂ ತದಾ ॥ ೧೮॥
ಬಾಹ್ಯಂಚಾಭ್ಯನ್ತರಂ ತ್ವಸ್ಯ ನಿತ್ಯಂ ಸನ್ಮಾರ್ಗಗಾಮಿನಃ ।
ಉನ್ನತೇರುಭಯಂ ದ್ವಾರಂ ಯಾತ್ಯುನ್ಮುಕ್ತಕಪಾಟತಾಮ್ ॥ ೧೯॥
ಅತಃ ಸ್ವಸ್ಥೇನ ಚಿತ್ತೇನ ಶ್ರದ್ಧಯಾ ನಿಷ್ಠಯಾ ತಥಾ ।
ಕರ್ತವ್ಯಾವಿರತಂ ಕಾಲೇ ಗಾಯತ್ರ್ಯಾಃ ಸಮುಪಾಸನಾ ॥ ೨೦॥
ದಯಾಲುಃ ಶಕ್ತಿ ಸಮ್ಪನ್ನಾ ಮಾತಾ ಬುದ್ಧಿಮತೀ ಯಥಾ ।
ಕಲ್ಯಾಣಂ ಕುರುತೇ ಹ್ಯೇವ ಪ್ರೇಮ್ಣಾ ಬಾಲಸ್ಯ ಚಾತ್ಮನಃ ॥ ೨೧॥
ತಥೈವ ಮಾತಾ ಲೋಕಾನಾಂ ಗಾಯತ್ರೀ ಭಕ್ತವತ್ಸಲಾ ।
ವಿದಧಾತಿ ಹಿತಂ ನಿತ್ಯಂ ಭಕ್ತಾನಾಂ ಧ್ರುವಮಾತ್ಮನಃ ॥ ೨೨॥
ಕುರ್ವನ್ನಪಿ ತ್ರುಟೀರ್ಲೋಕೇ ಬಾಲಕೋ ಮಾತರಂ ಪ್ರತಿ ।
ಯಥಾ ಭವತಿ ಕಶ್ಚಿನ್ನ ತಸ್ಯಾ ಅಪ್ರೀತಿಭಾಜನಃ ॥ ೨೩॥
ಕುರ್ವನ್ನಪಿ ತ್ರುಟೀರ್ಭಕ್ತಃ ಕ್ವಚಿತ್ ಗಾಯತ್ರ್ಯುಪಾಸನೇ ।
ನ ತಥಾ ಫಲಮಾಪ್ನೋತಿ ವಿಪರೀತಂ ಕದಾಚನ ॥ ೨೪॥
ಅಕ್ಷರಾಣಾಂ ತು ಗಾಯತ್ರ್ಯಾ ಗುಮ್ಫನಂ ಹ್ಯಸ್ತಿ ತದ್ವಿಧಮ್ ।
ಭವನ್ತಿ ಜಾಗೃತಾ ಯೇನ ಸರ್ವಾ ಗುಹ್ಯಾಸ್ತು ಗ್ರನ್ಥಯಃ ॥ ೨೫॥
ಜಾಗೃತಾ ಗ್ರನ್ಥಯಸ್ತ್ವೇತಾಃ ಸೂಕ್ಷ್ಮಾಃ ಸಾಧಕಮಾನಸೇ ।
ದಿವ್ಯಶಕ್ತಿಸಮುದ್ಭೂತಿಂ ಕ್ಷಿಪ್ರಂ ಕುರ್ವನ್ತ್ಯಸಂಶಯಮ್ ॥ ೨೬॥
ಜನಯನ್ತಿ ಕೃತೇ ಪುಂಸಾಮೇತಾ ವೈ ದಿವ್ಯಶಕ್ತಯಃ ।
ವಿವಿಧಾನ್ ವೈ ಪರಿಣಾಮಾನ್ ಭವ್ಯಾನ್ ಮಙ್ಗಲಪೂರಿತಾನ್ ॥ ೨೭॥
ಮನ್ತ್ರಸ್ಯೋಚ್ಚಾರಣಂ ಕಾರ್ಯಂ ಶುದ್ಧಮೇವಾಪ್ರಮಾದತಃ ।
ತದಶಕ್ತೋ ಜಪೇನ್ನಿತ್ಯಂ ಸಪ್ರಣವಾಸ್ತು ವ್ಯಾಹೃತೀಃ ॥ ೨೮॥
ಓಮಿತಿ ಪ್ರಣವಃ ಪೂರ್ವಂ ಭೂರ್ಭುವಃ ಸ್ವಸ್ತದುತ್ತರಮ್ ।
ಏಷೋಕ್ತಾ ಲಘು ಗಾಯತ್ರೀ ವಿದ್ವದ್ಭಿರ್ವೇದಪಣ್ಡಿತೈಃ ॥ ೨೯॥
ಶುದ್ಧಂ ಪರಿಧಾನಮಾಧಾಯ ಶುದ್ಧೇ ವೈ ವಾಯುಮಣ್ಡಲೇ ।
ಶುದ್ಧ ದೇಹಮನೋಭ್ಯಾಂ ವೈ ಕಾರ್ಯಾ ಗಾಯತ್ರ್ಯುಪಾಸನಾ ॥ ೩೦॥
ದೀಕ್ಷಾಮಾದಾಯ ಗಾಯತ್ರ್ಯಾ ಬ್ರಹ್ಮನಿಷ್ಠಾಗ್ರಜನ್ಮನಾ ।
ಆರಭ್ಯತಾಂ ತತಃ ಸಮ್ಯಗ್ವಿಧಿನೋಪಾಸನಾ ಸತಾ ॥ ೩೧॥
ಗಾಯತ್ರ್ಯುಪಾಸನಾಮುಕ್ತ್ವಾ ನಿತ್ಯಾವಶ್ಯಕಕರ್ಮಸು ।
ಉಕ್ತಸ್ತತ್ರ ದ್ವಿಜಾತೀನಾಂ ನಾನಧ್ಯಾಯೋ ವಿಚಕ್ಷಣೈಃ ॥ ೩೨॥
ಆರಾಧಯನ್ತಿ ಗಾಯತ್ರೀಂ ನ ನಿತ್ಯಂ ಯೇ ದ್ವಿಜನ್ಮನಃ ।
ಜಾಯನ್ತೇ ಹಿ ಸ್ವಕರ್ಮಭ್ಯಸ್ತೇ ಚ್ಯುತಾ ನಾತ್ರ ಸಂಶಯಃ ॥ ೩೩॥
ಶೂದ್ರಾಸ್ತು ಜನ್ಮನಾ ಸರ್ವೇ ಪಶ್ಚಾದ್ಯಾನ್ತಿ ದ್ವಿಜನ್ಮತಾಮ್ ।
ಗಾಯತ್ರ್ಯೈವ ಜನಾಃ ಸಾಕಂ ಹ್ಯುಪವೀತಸ್ಯ ಧಾರಣಾತ್ ॥ ೩೪॥
ಉಚ್ಚತಾ ಪತಿತಾನಾಂ ಚ ಪಾಪಿನಾಂ ಪಾಪನಾಶನಮ್ ।
ಜಾಯೇತೇ ಕೃಪಯೈವಾಸ್ಯಾಃ ವೇದಮಾತುರನನ್ತಯಾ ॥ ೩೫॥
ಗಾಯತ್ರ್ಯಾ ಯಾ ಯುತಾ ಸನ್ಧ್ಯಾ ಬ್ರಹ್ಮಸನ್ಧ್ಯಾ ತು ಸಾ ಮತಾ ।
ಕೀರ್ತಿತಂ ಸರ್ವತಃ ಶ್ರೇಷ್ಠಂ ತಸ್ಯಾನುಷ್ಠಾನಮಾಗಮೈಃ ॥ ೩೬॥
ಆಚಮನಂ ಶಿಖಾಬನ್ಧಃ ಪ್ರಾಣಾಯಾಮೋಽಘಮರ್ಷಣಮ್ ।
ನ್ಯಾಸಶ್ಚೋಪಾಸನಾಯಾಂ ತು ಪಞ್ಚ ಕೋಷಾ ಮತಾ ಬುಧೈಃ ॥ ೩೭॥
ಧ್ಯಾನತಸ್ತು ತತಃ ಪಶ್ಚಾತ್ ಸಾವಧಾನೇನ ಚೇತಸಾ ।
ಜಪ್ಯಾ ಸತತಂ ತುಲಸೀ ಮಾಲಯಾ ಚ ಮುಹುರ್ಮುಹುಃ ॥ ೩೮॥
ಏಕ ವಾರಂ ಪ್ರತಿದಿನಂ ನ್ಯೂನತೋ ನ್ಯೂನಸಙ್ಖ್ಯಕಮ್ ।
ಧೀಮಾನ್ಮನ್ತ್ರ ಶತಂ ನೂನಂ ನಿತ್ಯಮಷ್ಟೋತ್ತರಂ ಜಪೇತ್ ॥ ೩೯॥
ಬ್ರಾಹ್ಮೇ ಮುಹೂರ್ತೇ ಪ್ರಾಙ್ಮುಖೋ ಮೇರುದಣ್ಡಂ ಪ್ರತನ್ಯ ಹಿ ।
ಪದ್ಮಾಸನಂ ಸಮಾಸೀನಃ ಸನ್ಧ್ಯಾವನ್ದನಮಾಚರೇತ್ ॥ ೪೦॥
ದೈನ್ಯರುಕ್ ಶೋಕ ಚಿನ್ತಾನಾಂ ವಿರೋಧಾಕ್ರಮಣಾಪದಾಮ್ ।
ಕಾರ್ಯಂ ಗಾಯತ್ರ್ಯನುಷ್ಠಾನಂ ಭಯಾನಂ ವಾರಣಾಯ ಚ ॥ ೪೧॥
ಜಾಯತೇ ಸಾ ಸ್ಥಿತಿರಸ್ಮಾನ್ಮನೋಽಭಿಲಾಷಯಾನ್ವಿತಾ ।
ಯತಃ ಸರ್ವೇಽಭಿಜಾಯನ್ತೇ ಯಥಾ ಕಾಲಂ ಹಿ ಪೂರ್ಣತಾಮ್ ॥ ೪೨॥
ಅನುಷ್ಠಾನಾತ್ತು ವೈ ತಸ್ಮಾದ್ಗುಪ್ತಾಧ್ಯಾತ್ಮಿಕ-ಶಕ್ತಯಃ ।
ಚಮತ್ಕಾರಮಯಾ ಲೋಕೇ ಪ್ರಾಪ್ಯನ್ತೇಽನೇಕಧಾ ಬುಧೈಃ ॥ ೪೩॥
ಸಪಾದಲಕ್ಷಮನ್ತ್ರಾಣಾಂ ಗಾಯತ್ರ್ಯಾ ಜಪನಂ ತು ವೈ ।
ಧ್ಯಾನೇನ ವಿಧಿನಾ ಚೈವ ಹ್ಯನುಷ್ಠಾನಂ ಪ್ರಚಕ್ಷತೇ ॥ ೪೪ ।
ಪಞ್ಚಮ್ಯಾಂ ಪೂರ್ಣಿಮಾಯಾಂ ವಾ ಚೈಕಾದಶ್ಯಾಂ ತಥೈವ ಹಿ ।
ಅನುಷ್ಠಾನಸ್ಯ ಕರ್ತವ್ಯಂ ಆರಮ್ಭಃ ಫಲ-ಪ್ರಾಪ್ತಯೇ ॥ ೪೫॥
ಮಾಸದ್ವಯೇಽವಿರಾಮಂ ತು ಚತ್ವಾರಿಂಷಟ್ ದಿನೇಷು ವಾ ।
ಪೂರಯೇತ್ತದನುಷ್ಠಾನಂ ತುಲ್ಯಸಙ್ಖ್ಯಾಸು ವೈ ಜಪನ್ ॥ ೪೬॥
ತಸ್ಯಾಃ ಪ್ರತಿಮಾಂ ಸುಸಂಸ್ಥಾಪ್ಯ ಪ್ರೇಮ್ಣಾ ಶೋಭನ-ಆಸನೇ ।
ಗಾಯತ್ರ್ಯಾಸ್ತತ್ರ ಕರ್ತವ್ಯಾ ಸತ್ಪ್ರತಿಷ್ಠಾ ವಿಧಾನತಃ ॥ ೪೭
ತದ್ವಿಧಾಯ ತತೋ ದೀಪ-ಧೂಪ-ನೈವೇದ್ಯ-ಚನ್ದನೈಃ ।
ನಮಸ್ಕೃತ್ಯಾಕ್ಷತೇನಾಪಿ ತಸ್ಯಾಃ ಪೂಜನಮಾಚರೇತ್ ॥ ೪೮॥
ಪೂಜನಾನನ್ತರಂ ವಿಜ್ಞಃ ಭಕ್ತ್ಯಾ ತಜ್ಜಪಮಾರಭೇತ್ ।
ಜಪಕಾಲೇ ತು ಮನಃ ಕಾರ್ಯಂ ಶ್ರದ್ಧಾನ್ವಿತಮಚಞ್ಚಲಮ್ ॥ ೪೯॥
ಕಾರ್ಯತೋ ಯದಿ ಚೋತ್ತಿಷ್ಠೇನ್ಮಧ್ಯ ಏವ ತತಃ ಪುನಃ ।
ಕರ-ಪ್ರಕ್ಷಾಲನಂ ಕೃತ್ವಾ ಶುದ್ಧೈರಙ್ಗೈರುಪಾವಿಶೇತ್ ॥ ೫೦॥
ಆದ್ಯಶಕ್ತಿರ್ವೇದಮಾತಾ ಗಾಯತ್ರೀ ತು ಮದನ್ತರೇ ।
ಶಕ್ತಿಕಲ್ಲೋಲಸನ್ದೋಹಾನ್ ಜ್ಞಾನಜ್ಯೋತಿಶ್ಚ ಸನ್ತತಮ್ ॥ ೫೧॥
ಉತ್ತರೋತ್ತರಮಾಕೀರ್ಯ ಪ್ರೇರಯನ್ತಿ ವಿರಾಜತೇ ।
ಇತ್ಯೇವಾವಿರತಂ ಧ್ಯಾಯನ್ ಧ್ಯಾನಮಗ್ನಸ್ತು ತಾಂ ಜಪೇತ್ ॥ ೫೨॥
ಚತುರ್ವಿಂಶತಿಲಕ್ಷಾಣಾಂ ಸತತಂ ತದುಪಾಸಕಃ ।
ಗಾಯತ್ರೀಣಾಮನುಷ್ಠಾನಾದ್ಗಾಯತ್ರ್ಯಾಃ ಸಿದ್ಧಿಮಾಪ್ನುತೇ ॥ ೫೩
ಸಾಧನಾಯೈ ತು ಗಾಯತ್ರ್ಯಾ ನಿಶ್ಛಲೇನ ಹಿ ಚೇತಸಾ ।
ವರಣೀಯಃ ಸದಾಚಾರ್ಯಃ ಸಾಧಕೇನ ಸುಭಾಜನಃ ॥ ೫೪॥
ಲಘ್ವನುಷ್ಠಾನತೋ ವಾಪಿ ಮಹಾನುಷ್ಠಾನತೋಽಥವಾ ।
ಸಿದ್ಧಿಂ ವಿನ್ದತಿ ವೈ ನೂನಂ ಸಾಧಕಃ ಸಾನುಪಾತಿಕಾಮ್ ॥ ೫೫॥
ಏಕ ಏವ ತು ಸಂಸಿದ್ಧಃ ಗಾಯತ್ರೀ ಮನ್ತ್ರ ಆದಿಶತ್ ।
ಸಮಸ್ತ-ಲೋಕಮನ್ತ್ರಾಣಾಂ ಕಾರ್ಯಸಿದ್ಧೇಸ್ತು ಪೂರಕಃ ॥ ೫೬॥
ಅನುಷ್ಠಾನಾವಸಾನೇ ತು ಅಗ್ನಿಹೋತ್ರೋ ವಿಧೀಯತಾಮ್ ।
ಯಥಾಶಕ್ತಿ ತತೋ ದಾನಂ ಬ್ರಹ್ಮಭೋಜಸ್ತತಃ ಖಲು ॥ ೫೭॥
ಮಹಾಮನ್ತ್ರಸ್ಯ ಚಾಪ್ಯಸ್ಯ ಸ್ಥಾನೇ ಸ್ಥಾನೇ ಪದೇ ಪದೇ ।
ಗೂಢಾನನ್ತೋಪದೇಶಾನಾಂ ರಹಸ್ಯಂ ತತ್ರ ವರ್ತತೇ ॥ ೫೮॥
ಯೋ ದಧಾತಿ ನರಶ್ಚೈತಾನುಪದೇಶಾಂಸ್ತು ಮಾನಸೇ ।
ಜಾಯತೇ ಹ್ಯುಭಯಂ ತಸ್ಯ ಲೋಕಮಾನನ್ದಸಙ್ಕುಲಮ್ ॥ ೫೯॥
ಸಮಗ್ರಾಮಪಿ ಸಾಮಗ್ರೀಮನುಷ್ಠಾನಸ್ಯ ಪೂಜಿತಾಮ್ ।
ಸ್ಥಾನೇ ಪವಿತ್ರ ಏವೈತಾಂ ಕುತ್ರಚಿದ್ಧಿ ವಿಸರ್ಜಯೇತ್ ॥ ೬೦॥
ಸತ್ಪಾತ್ರೋ ಯದಿ ವಾಚಾರ್ಯೋ ನ ಚೇತ್ಸಂಸ್ಥಾಪಯೇತ್ತದಾ ।
ನಾರಿಕೇಲಂ ಶುಚಿಂ ವೃತ್ವಾಚಾರ್ಯಭಾವೇನ ಚಾಸನೇ ॥ ೬೧॥
ಪ್ರಾಯಶ್ಚಿತ್ತಂ ಮತಂ ಶ್ರೇಷ್ಠಂ ತ್ರುಟೀನಾಂ ಪಾಪಕರ್ಮಣಾಮ್ ।
ತಪಶ್ಚರ್ಯೈವ ಗಾಯತ್ರ್ಯಾಃ ನಾತೋಽನ್ಯದ್ದೃಶ್ಯತೇ ಕ್ವಚಿತ್ ॥ ೬೨॥
ಸೇವ್ಯಾಃ ಸ್ವಾತ್ಮಸಮುದ್ಧ್ಯರ್ಥಂ ಪದಾರ್ಥಾಃ ಸಾತ್ತ್ವಿಕಾಃ ಸದಾ ।
ರಾಜಸಾಶ್ಚ ಪ್ರಯೋಕ್ತವ್ಯಾಃ ಮನೋವಾಞ್ಛಿತಪೂರ್ತಯೇ ॥ ೬೩॥
ಪ್ರಾದುರ್ಭಾವಸ್ತು ಭಾವಾನಾಂ ತಾಮಸಾನಾಂ ವಿಜಾಯತೇ ।
ತಮೋಗುಣಾನಾಮರ್ಥಾನಾಂ ಸೇವನಾದಿತಿ ನಿಶ್ಚಯಃ ॥ ೬೪॥
ಮಾಲಾಸನ-ಸಮಿಧ್ಯಜ್ಞ-ಸಾಮಗ್ರ್ಯರ್ಚನ-ಸಙ್ಗ್ರಹಃ ।
ಗುಣತ್ರಯಾನುಸಾರಂ ಹಿ ಸರ್ವೇ ವೈ ದದತೇ ಫಲಮ್ ॥ ೬೫॥
ಪ್ರಾದುರ್ಭವನ್ತಿ ವೈ ಸೂಕ್ಷ್ಮಾಶ್ಚತುರ್ವಿಂಶತಿ ಶಕ್ತಯಃ ।
ಅಕ್ಷರೇಭ್ಯಸ್ತು ಗಾಯತ್ರ್ಯಾ ಮಾನವಾನಾಂ ಹಿ ಮಾನಸೇ ॥ ೬೬॥
ಮುಹೂರ್ತಾ ಯೋಗದೋಷಾ ವಾ ಯೇಽಪ್ಯಮಙ್ಗಲಕಾರಿಣಃ ।
ಭಸ್ಮತಾಂ ಯಾನ್ತಿ ತೇ ಸರ್ವೇ ಗಾಯತ್ರ್ಯಾಸ್ತೀವ್ರತೇಜಸಾ ॥ ೬೭॥
ಏತಸ್ಮಾತ್ತು ಜಪಾನ್ನೂನಂ ಧ್ಯಾನಮಗ್ನೇನ ಚೇತಸಾ ।
ಜಾಯತೇ ಕ್ರಮಶಶ್ಚೈವ ಷಟ್ ಚಕ್ರಾಣಾಂ ತು ಜಾಗೃತಿಃ ॥ ೬೮॥
ಷಟ್ ಚಕ್ರಾಣಿ ಯದೈತಾನಿ ಜಾಗೃತಾನಿ ಭವನ್ತಿ ಹಿ ।
ಷಟ್ ಸಿದ್ಧಯೋಽಭಿಜಾಯನ್ತೇ ಚಕ್ರೈರೇತೈರ್ನರಸ್ಯ ವೈ ॥ ೬೯॥
ಅಗ್ನಿಹೋತ್ರಂ ತು ಗಾಯತ್ರೀ ಮನ್ತ್ರೇಣ ವಿಧಿವತ್ ಕೃತಮ್ ।
ಸರ್ವೇಷ್ವವಸರೇಷ್ವೇವ ಶುಭಮೇವ ಮತಂ ಬುಧೈಃ ॥ ೭೦॥
ಯದಾವಸ್ಥಾಸು ಸ್ಯಾಲ್ಲೋಕೇ ವಿಪನ್ನಾಸು ತದಾ ತು ಸಃ ।
ಮೌನಂ ಮಾನಸಿಕಂ ಚೈವ ಗಾಯತ್ರೀ-ಜಪಮಾಚರೇತ್ ॥ ೭೧॥
ತದನುಷ್ಠಾನಕಾಲೇ ತು ಸ್ವಶಕ್ತಿಂ ನಿಯಮೇಜ್ಜನಃ ।
ನಿಮ್ನಕರ್ಮಸು ತಾಃ ಧೀಮಾನ್ ನ ವ್ಯಯೇದ್ಧಿ ಕದಾಚನ ॥ ೭೨
ನೈವಾನಾವಶ್ಯಕಂ ಕಾರ್ಯಮಾತ್ಮೋದ್ಧಾರಸ್ಥಿತೇನ ಚ ।
ಆತ್ಮಶಕ್ತೇಸ್ತು ಪ್ರಾಪ್ತಾಯಾಃ ಯತ್ರ ತತ್ರ ಪ್ರದರ್ಶನಮ್ ॥ ೭೩॥
ಆಹಾರೇ ವ್ಯವಹಾರೇ ಚ ಮಸ್ತಿಷ್ಕೇಽಪಿ ತಥೈವ ಹಿ ।
ಸಾತ್ತ್ವಿಕೇನ ಸದಾ ಭಾವ್ಯಂ ಸಾಧಕೇನ ಮನೀಷಿಣಾ ॥ ೭೪॥
ಕರ್ತವ್ಯಧರ್ಮತಃ ಕರ್ಮ ವಿಪರೀತಂ ತು ಯದ್ಭವೇತ್ ।
ತತ್ಸಾಧಕಸ್ತು ಪ್ರಜ್ಞಾವಾನಾಚರೇನ್ನ ಕದಾಚನ ॥ ೭೫॥
ಪೃಷ್ಠತೋಽಸ್ಯಾಃ ಸಾಧನಾಯಾ ರಾಜತೇಽತಿತರಂ ಸದಾ ।
ಮನಸ್ವಿಸಾಧಕಾನಾಂ ಹಿ ಬಹೂನಾಂ ಸಾಧನಾಬಲಮ್ ॥ ೭೬॥
ಅಲ್ಪೀಯಸ್ಯಾ ಜಗತ್ಯೇವಂ ಸಾಧನಾಯಾಸ್ತು ಸಾಧಕಃ ।
ಭಗವತ್ಯಾಶ್ಚ ಗಾಯತ್ರ್ಯಾಃ ಕೃಪಾಂ ಪ್ರಾಪ್ನೋತ್ಯಸಂಶಯಮ್ ॥ ೭೭॥
ಪ್ರಾಣಾಯಾಮೇ ಜಪನ್ ಲೋಕಃ ಗಾಯತ್ರೀಂ ಧ್ರುವಮಾಪ್ನುತೇ ।
ನಿಗ್ರಹಂ ಮನಸಶ್ಚೈವ ಇನ್ದ್ರಿಯಾಣಾಂ ಹಿ ಸಮ್ಪದಾಮ್ ॥ ೭೮॥
ಮನ್ತ್ರಂ ವಿಭಜ್ಯ ಭಾಗೇಷು ಚತುರ್ಷು ಸುಬುಧಸ್ತದಾ ।
ರೇಚಕಂ ಕುಮ್ಭಕಂ ಬಾಹ್ಯಂ ಪೂರಕಂ ಕುಮ್ಭಕಂ ಚರೇತ್ ॥ ೭೯॥
ಯಥಾ ಪೂರ್ವಸ್ಥಿತಞ್ಚೈವ ನ ದ್ರವ್ಯಂ ಕಾರ್ಯ-ಸಾಧಕಮ್ ।
ಮಹಾಸಾಧನತೋಽಪ್ಯಸ್ಮಾನ್ನಾಜ್ಞೋ ಲಾಭಂ ತಥಾಪ್ನುತೇ ॥ ೮೦॥
ಸಾಧಕಃ ಕುರುತೇ ಯಸ್ತು ಮನ್ತ್ರಶಕ್ತೇರಪವ್ಯಯಃ ।
ತಂ ವಿನಾಶಯತಿ ಸೈವ ಸಮೂಲಂ ನಾತ್ರ ಸಂಶಯಃ ॥ ೮೧॥
ಸತತಂ ಸಾಧನಾಭಿರ್ಯೋ ಯಾತಿ ಸಾಧಕತಾಂ ನರಃ ।
ಸ್ವಪ್ನಾವಸ್ಥಾಸು ಜಾಯನ್ತೇ ತಸ್ಯ ದಿವ್ಯಾನುಭೂತಯಃ ॥ ೮೨॥
ಸಫಲಃ ಸಾಧಕೋ ಲೋಕೇ ಪ್ರಾಪ್ನುತೇಽನುಭವಾನ್ ನವಾನ್ ।
ವಿಚಿತ್ರಾನ್ ವಿವಿಧಾँಶ್ಚೈವ ಸಾಧನಾಸಿದ್ಧ್ಯನನ್ತರಮ್ ॥ ೮೩॥
ಭಿನ್ನಾಭಿರ್ವಿಧಿಭಿರ್ಬುದ್ಧ್ಯಾ ಭಿನ್ನಾಸು ಕಾರ್ಯಪಙ್ಕ್ತಿಷು ।
ಗಾಯತ್ರ್ಯಾಃ ಸಿದ್ಧಮನ್ತ್ರಸ್ಯ ಪ್ರಯೋಗಃ ಕ್ರಿಯತೇ ಬುಧೈಃ ॥ ೮೪॥
ಚತುರ್ವಿಂಶತಿವರ್ಣೈರ್ಯಾ ಗಾಯತ್ರೀ ಗುಮ್ಫಿತಾ ಶ್ರುತೌ ।
ರಹಸ್ಯಮುಕ್ತಂ ತತ್ರಾಪಿ ದಿವ್ಯೈಃ ರಹಸ್ಯವಾದಿಭಿಃ ॥ ೮೫॥
ರಹಸ್ಯಮುಪವೀತಸ್ಯ ಗುಹ್ಯಾದ್ಗುಹ್ಯತರಂ ಹಿ ಯತ್ ।
ಅನ್ತರ್ಹಿತಂ ತು ತತ್ಸರ್ವಂ ಗಾಯತ್ರ್ಯಾಂ ವಿಶ್ವಮಾತರಿ ॥ ೮೬॥
ಅಯಮೇವ ಗುರೋರ್ಮನ್ತ್ರಃ ಯಃ ಸರ್ವೋಪರಿ ರಾಜತೇ ।
ಬಿನ್ದೌ ಸಿನ್ಧುರಿವಾಸ್ಮಿಂಸ್ತು ಜ್ಞಾನವಿಜ್ಞಾನಮಾಶ್ರಿತಮ್ ॥ ೮೭॥
ಆಭ್ಯನ್ತರೇ ತು ಗಾಯತ್ರ್ಯಾ ಅನೇಕೇ ಯೋಗಸಞ್ಚಯಾಃ ।
ಅನ್ತರ್ಹಿತಾ ವಿರಾಜನ್ತೇ ಕಶ್ಚಿದತ್ರ ನ ಸಂಶಯಃ ॥ ೮೮॥
ಧಾರಯನ್ ಹೃದಿ ಗಾಯತ್ರೀಂ ಸಾಧಕೋ ಧೌತಕಿಲ್ಬಿಷಃ ।
ಶಕ್ತೀರನುಭವತ್ಯ್ಗ್ರಾಃ ಸ್ವಸ್ಮಿನ್ನೇವ ಹ್ಯಲೌಕಿಕಾಃ ॥ ೮೯॥
ಏತಾದೃಶ್ಯಸ್ತು ವಾರ್ತಾ ಭಾಸನ್ತೇಽಲ್ಪಪ್ರಯಾಸತಃ ।
ಯಾಸ್ತು ಸಾಧಾರಣೋ ಲೋಕೋ ಜ್ಞಾತುಮರ್ಹತಿ ನೈವ ಹಿ ॥ ೯೦॥
ಏತಾದೃಶ್ಯಸ್ತು ಜಾಯನ್ತೇ ತನ್ಮನಸ್ಯನುಭೂತಯಃ ।
ಯಾದೃಶ್ಯೋ ನ ಹಿ ದೃಶ್ಯನ್ತೇ ಮಾನವೇಷು ಕದಾಚನ ॥ ೯೧॥
ಪ್ರಸಾದಂ ಬ್ರಹ್ಮಜ್ಞಾನಸ್ಯ ಯೇಽನ್ಯೇಭ್ಯೋ ವಿತರನ್ತ್ಯಪಿ ।
ಆಸಾದಯನ್ತಿ ತೇ ನೂನಂ ಮಾನವಾಃ ಪುಣ್ಯಮಕ್ಷಯಮ್ ॥ ೯೨॥
ಗಾಯತ್ರೀ ಸಂಹಿತಾ ಹ್ಯೇಷಾ ಪರಮಾನನ್ದದಾಯಿನೀ ।
ಸರ್ವೇಷಾಮೇವ ಕಷ್ಟಾನಾಂ ವಾರಣಾಯಾಸ್ತ್ಯಲಂ ಭುವಿ ॥ ೯೩॥
ಶ್ರದ್ಧಯಾ ಯೇ ಪಠನ್ತ್ಯೇನಾಂ ಚಿನ್ತಯನ್ತಿ ಚ ಚೇತಸಾ ।
ಆಚರನ್ತ್ಯಾನುಕೂಲ್ಯೇನ ಭವಬಾಧಾಂ ತರನ್ತಿ ತೇ ॥ ೯೪॥
Encoded and proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ತ್oday
http://sanskritdocuments.org
ಆದಿ ಶಕ್ತಿರಿತಿ ವಿಷ್ಣೋಸ್ತಾಮಹಂ ಪ್ರಣಮಾಮಿ ಹಿ ।
ಸರ್ಗಃ ಸ್ಥಿತಿರ್ವಿನಾಶಶ್ಚ ಜಾಯನ್ತೇ ಜಗತೋಽನಯಾ ॥ ೧॥
ನಾಭಿ-ಪದ್ಮ-ಭುವಾ ವಿಷ್ಣೋರ್ಬ್ರಹ್ಮಣಾ ನಿರ್ಮಿತಂ ಜಗತ್ ।
ಸ್ಥಾವರಂ ಜಙ್ಗಮಂ ಶಕ್ತ್ಯಾ ಗಾಯತ್ರ್ಯಾ ಏವ ವೈ ಧ್ರುವಮ್ ॥ ೨॥
ಚನ್ದ್ರಶೇಖರ ಕೇಶೇಭ್ಯೋ ನಿರ್ಗತಾ ಹಿ ಸುರಾಪಗಾ ।
ಭಗೀರಥಂ ತತಾರೈವ ಪರಿವಾರಸಮಂ ಯಥಾ ॥ ೩॥
ಜಗದ್ಧಾತ್ರೀ ಸಮುದ್ಭೂಯ ಯಾ ಹೃನ್ಮಾನಸರೋವರೇ ।
ಗಾಯತ್ರೀ ಸಕುಲಂ ಪಾರಂ ತಥಾ ನಯತಿ ಸಾಧಕಮ್ ॥ ೪॥
ಸಾಸ್ತಿ ಗಙ್ಗೈವ ಜ್ಞಾನಾಖ್ಯಸುನೀರೇಣ ಸಮಾಕುಲಾ ।
ಜ್ಞಾನ ಗಙ್ಗಾ ತು ತಾಂ ಭಕ್ತ್ಯಾ ವಾರಂ-ವಾರಂ ನಮಾಮ್ಯಹಮ್ ॥ ೫॥
ಋಷಯೋ ವೇದ-ಶಾಸ್ತ್ರಾಣಿ ಸರ್ವೇ ಚೈವ ಮಹರ್ಷಯಃ ।
ಶ್ರದ್ಧಯಾ ಹೃದಿ ಗಾಯತ್ರೀಂ ಧಾರಯನ್ತಿ ಸ್ತುವನ್ತಿ ಚ ॥ ೬॥
ಹ್ರೀಂ ಶ್ರೀಂ ಕ್ಲೀಂ ಚೇತಿ ರೂಪೈಸ್ತು ತ್ರಿಭಿರ್ವಾ ಲೋಕಪಾಲಿನೀ ।
ಭಾಸತೇ ಸತತಂ ಲೋಕೇ ಗಾಯತ್ರೀ ತ್ರಿಗುಣಾತ್ಮಿಕಾ ॥ ೭॥
ಗಾಯತ್ರ್ಯೈವ ಮತಾ ಮಾತಾ ವೇದಾನಾಂ ಶಾಸ್ತ್ರಸಮ್ಪದಾಮ್ ।
ಚತ್ವಾರೋಽಪಿ ಸಮುತ್ಪನ್ನಾ ವೇದಾಸ್ತಸ್ಯಾ ಅಸಂಶಯಮ್ ॥ ೮॥
ಪರಮಾತ್ಮನಸ್ತು ಯಾ ಲೋಕೇ ಬ್ರಹ್ಮ ಶಕ್ತಿರ್ವಿರಾಜತೇ ।
ಸೂಕ್ಷ್ಮಾ ಚ ಸಾತ್ತ್ವಿಕೀ ಚೈವ ಗಾಯತ್ರೀತ್ಯಭಿಧೀಯತೇ ॥ ೯॥
ಪ್ರಭಾವಾದೇವ ಗಾಯತ್ರ್ಯಾ ಭೂತಾನಾಮಭಿಜಾಯತೇ ।
ಅನ್ತಃಕರಣೇಷು ದೇವಾನಾಂ ತತ್ತ್ವಾನಾಂ ಹಿ ಸಮುದ್ಭವಃ ॥ ೧೦॥
ಗಾಯತ್ರ್ಯುಪಾಸನಾಕರಣಾದಾತ್ಮಶಕ್ತಿರ್ವಿವರ್ಧತೇ ।
ಪ್ರಾಪ್ಯತೇ ಕ್ರಮಶೋಽಜಸ್ಯ ಸಾಮೀಪ್ಯಂ ಪರಮಾತ್ಮನಃ ॥ ೧೧॥
ಶೌಚಂ ಶಾನ್ತಿರ್ವಿವೇಕಶ್ಚೈತಲ್ಲಾಭ ತ್ರಯಮಾತ್ಮಿಕಮ್ ।
ಪಶ್ಚಾದವಾಪ್ಯತೇ ನೂನಂ ಸುಸ್ಥಿರಂ ತದುಪಾಸಕಮ್ ॥ ೧೨॥
ಕಾರ್ಯೇಷು ಸಾಹಸಃ ಸ್ಥೈರ್ಯಂ ಕರ್ಮನಿಷ್ಠಾ ತಥೈವ ಚ ।
ಏತೇ ಲಾಭಾಶ್ಚ ವೈ ತಸ್ಮಾಜ್ಜಾಯನ್ತೇ ಮಾನಸಾಸ್ತ್ರಯಃ ॥ ೧೩॥
ಪುಷ್ಕಲಂ ಧನ-ಸಂಸಿದ್ಧಿಃ ಸಹಯೋಗಶ್ಚ ಸರ್ವತಃ ।
ಸ್ವಾಸ್ಥ್ಯಂ ವಾ ತ್ರಯ ಏತೇ ಸ್ಯುಸ್ತಸ್ಮಾಲ್ಲಾಭಾಶ್ಚ ಲೌಕಿಕಾಃ ॥ ೧೪॥
ಕಾಠಿನ್ಯಂ ವಿವಿಧಂ ಘೋರಂ ಹ್ಯಾಪದಾಂ ಸಂಹತಿಸ್ತಥಾ ।
ಶೀಘ್ರಂ ವಿನಾಶತಾಂ ಯಾನ್ತಿ ವಿವಿಧಾ ವಿಘ್ನರಾಶಯಃ ॥ ೧೫॥
ವಿನಾಶಾದುಕ್ತ ಶತ್ರೂಣಾಮನ್ತಃ ಶಕ್ತಿರ್ವಿವರ್ಧತೇ ।
ಸಂಕಟಾನಾಮನಾಯಾಸಂ ಪಾರಂ ಯಾತಿ ತಯಾ ನರಃ ॥ ೧೬॥
ಗಾಯತ್ರ್ಯುಪಾಸಕಸ್ವಾನ್ತೇ ಸತ್ಕಾಮಾ ಉದ್ಭವನ್ತಿ ಹಿ ।
ತತ್ಪೂರ್ತಯೇಽಭಿಜಾಯನ್ತೇ ಸಹಜಂ ಸಾಧನಾನ್ಯಪಿ ॥ ೧೭॥
ತ್ರುಟಯಃ ಸರ್ವಥಾ ದೋಷಾ ವಿಘ್ನಾ ಯಾನ್ತಿ ಯದಾನ್ತತಾಮ್ ।
ಮಾನವೋ ನಿರ್ಭಯಂ ಯಾತಿ ಪೂರ್ಣೋನ್ನತಿ ಪಥಂ ತದಾ ॥ ೧೮॥
ಬಾಹ್ಯಂಚಾಭ್ಯನ್ತರಂ ತ್ವಸ್ಯ ನಿತ್ಯಂ ಸನ್ಮಾರ್ಗಗಾಮಿನಃ ।
ಉನ್ನತೇರುಭಯಂ ದ್ವಾರಂ ಯಾತ್ಯುನ್ಮುಕ್ತಕಪಾಟತಾಮ್ ॥ ೧೯॥
ಅತಃ ಸ್ವಸ್ಥೇನ ಚಿತ್ತೇನ ಶ್ರದ್ಧಯಾ ನಿಷ್ಠಯಾ ತಥಾ ।
ಕರ್ತವ್ಯಾವಿರತಂ ಕಾಲೇ ಗಾಯತ್ರ್ಯಾಃ ಸಮುಪಾಸನಾ ॥ ೨೦॥
ದಯಾಲುಃ ಶಕ್ತಿ ಸಮ್ಪನ್ನಾ ಮಾತಾ ಬುದ್ಧಿಮತೀ ಯಥಾ ।
ಕಲ್ಯಾಣಂ ಕುರುತೇ ಹ್ಯೇವ ಪ್ರೇಮ್ಣಾ ಬಾಲಸ್ಯ ಚಾತ್ಮನಃ ॥ ೨೧॥
ತಥೈವ ಮಾತಾ ಲೋಕಾನಾಂ ಗಾಯತ್ರೀ ಭಕ್ತವತ್ಸಲಾ ।
ವಿದಧಾತಿ ಹಿತಂ ನಿತ್ಯಂ ಭಕ್ತಾನಾಂ ಧ್ರುವಮಾತ್ಮನಃ ॥ ೨೨॥
ಕುರ್ವನ್ನಪಿ ತ್ರುಟೀರ್ಲೋಕೇ ಬಾಲಕೋ ಮಾತರಂ ಪ್ರತಿ ।
ಯಥಾ ಭವತಿ ಕಶ್ಚಿನ್ನ ತಸ್ಯಾ ಅಪ್ರೀತಿಭಾಜನಃ ॥ ೨೩॥
ಕುರ್ವನ್ನಪಿ ತ್ರುಟೀರ್ಭಕ್ತಃ ಕ್ವಚಿತ್ ಗಾಯತ್ರ್ಯುಪಾಸನೇ ।
ನ ತಥಾ ಫಲಮಾಪ್ನೋತಿ ವಿಪರೀತಂ ಕದಾಚನ ॥ ೨೪॥
ಅಕ್ಷರಾಣಾಂ ತು ಗಾಯತ್ರ್ಯಾ ಗುಮ್ಫನಂ ಹ್ಯಸ್ತಿ ತದ್ವಿಧಮ್ ।
ಭವನ್ತಿ ಜಾಗೃತಾ ಯೇನ ಸರ್ವಾ ಗುಹ್ಯಾಸ್ತು ಗ್ರನ್ಥಯಃ ॥ ೨೫॥
ಜಾಗೃತಾ ಗ್ರನ್ಥಯಸ್ತ್ವೇತಾಃ ಸೂಕ್ಷ್ಮಾಃ ಸಾಧಕಮಾನಸೇ ।
ದಿವ್ಯಶಕ್ತಿಸಮುದ್ಭೂತಿಂ ಕ್ಷಿಪ್ರಂ ಕುರ್ವನ್ತ್ಯಸಂಶಯಮ್ ॥ ೨೬॥
ಜನಯನ್ತಿ ಕೃತೇ ಪುಂಸಾಮೇತಾ ವೈ ದಿವ್ಯಶಕ್ತಯಃ ।
ವಿವಿಧಾನ್ ವೈ ಪರಿಣಾಮಾನ್ ಭವ್ಯಾನ್ ಮಙ್ಗಲಪೂರಿತಾನ್ ॥ ೨೭॥
ಮನ್ತ್ರಸ್ಯೋಚ್ಚಾರಣಂ ಕಾರ್ಯಂ ಶುದ್ಧಮೇವಾಪ್ರಮಾದತಃ ।
ತದಶಕ್ತೋ ಜಪೇನ್ನಿತ್ಯಂ ಸಪ್ರಣವಾಸ್ತು ವ್ಯಾಹೃತೀಃ ॥ ೨೮॥
ಓಮಿತಿ ಪ್ರಣವಃ ಪೂರ್ವಂ ಭೂರ್ಭುವಃ ಸ್ವಸ್ತದುತ್ತರಮ್ ।
ಏಷೋಕ್ತಾ ಲಘು ಗಾಯತ್ರೀ ವಿದ್ವದ್ಭಿರ್ವೇದಪಣ್ಡಿತೈಃ ॥ ೨೯॥
ಶುದ್ಧಂ ಪರಿಧಾನಮಾಧಾಯ ಶುದ್ಧೇ ವೈ ವಾಯುಮಣ್ಡಲೇ ।
ಶುದ್ಧ ದೇಹಮನೋಭ್ಯಾಂ ವೈ ಕಾರ್ಯಾ ಗಾಯತ್ರ್ಯುಪಾಸನಾ ॥ ೩೦॥
ದೀಕ್ಷಾಮಾದಾಯ ಗಾಯತ್ರ್ಯಾ ಬ್ರಹ್ಮನಿಷ್ಠಾಗ್ರಜನ್ಮನಾ ।
ಆರಭ್ಯತಾಂ ತತಃ ಸಮ್ಯಗ್ವಿಧಿನೋಪಾಸನಾ ಸತಾ ॥ ೩೧॥
ಗಾಯತ್ರ್ಯುಪಾಸನಾಮುಕ್ತ್ವಾ ನಿತ್ಯಾವಶ್ಯಕಕರ್ಮಸು ।
ಉಕ್ತಸ್ತತ್ರ ದ್ವಿಜಾತೀನಾಂ ನಾನಧ್ಯಾಯೋ ವಿಚಕ್ಷಣೈಃ ॥ ೩೨॥
ಆರಾಧಯನ್ತಿ ಗಾಯತ್ರೀಂ ನ ನಿತ್ಯಂ ಯೇ ದ್ವಿಜನ್ಮನಃ ।
ಜಾಯನ್ತೇ ಹಿ ಸ್ವಕರ್ಮಭ್ಯಸ್ತೇ ಚ್ಯುತಾ ನಾತ್ರ ಸಂಶಯಃ ॥ ೩೩॥
ಶೂದ್ರಾಸ್ತು ಜನ್ಮನಾ ಸರ್ವೇ ಪಶ್ಚಾದ್ಯಾನ್ತಿ ದ್ವಿಜನ್ಮತಾಮ್ ।
ಗಾಯತ್ರ್ಯೈವ ಜನಾಃ ಸಾಕಂ ಹ್ಯುಪವೀತಸ್ಯ ಧಾರಣಾತ್ ॥ ೩೪॥
ಉಚ್ಚತಾ ಪತಿತಾನಾಂ ಚ ಪಾಪಿನಾಂ ಪಾಪನಾಶನಮ್ ।
ಜಾಯೇತೇ ಕೃಪಯೈವಾಸ್ಯಾಃ ವೇದಮಾತುರನನ್ತಯಾ ॥ ೩೫॥
ಗಾಯತ್ರ್ಯಾ ಯಾ ಯುತಾ ಸನ್ಧ್ಯಾ ಬ್ರಹ್ಮಸನ್ಧ್ಯಾ ತು ಸಾ ಮತಾ ।
ಕೀರ್ತಿತಂ ಸರ್ವತಃ ಶ್ರೇಷ್ಠಂ ತಸ್ಯಾನುಷ್ಠಾನಮಾಗಮೈಃ ॥ ೩೬॥
ಆಚಮನಂ ಶಿಖಾಬನ್ಧಃ ಪ್ರಾಣಾಯಾಮೋಽಘಮರ್ಷಣಮ್ ।
ನ್ಯಾಸಶ್ಚೋಪಾಸನಾಯಾಂ ತು ಪಞ್ಚ ಕೋಷಾ ಮತಾ ಬುಧೈಃ ॥ ೩೭॥
ಧ್ಯಾನತಸ್ತು ತತಃ ಪಶ್ಚಾತ್ ಸಾವಧಾನೇನ ಚೇತಸಾ ।
ಜಪ್ಯಾ ಸತತಂ ತುಲಸೀ ಮಾಲಯಾ ಚ ಮುಹುರ್ಮುಹುಃ ॥ ೩೮॥
ಏಕ ವಾರಂ ಪ್ರತಿದಿನಂ ನ್ಯೂನತೋ ನ್ಯೂನಸಙ್ಖ್ಯಕಮ್ ।
ಧೀಮಾನ್ಮನ್ತ್ರ ಶತಂ ನೂನಂ ನಿತ್ಯಮಷ್ಟೋತ್ತರಂ ಜಪೇತ್ ॥ ೩೯॥
ಬ್ರಾಹ್ಮೇ ಮುಹೂರ್ತೇ ಪ್ರಾಙ್ಮುಖೋ ಮೇರುದಣ್ಡಂ ಪ್ರತನ್ಯ ಹಿ ।
ಪದ್ಮಾಸನಂ ಸಮಾಸೀನಃ ಸನ್ಧ್ಯಾವನ್ದನಮಾಚರೇತ್ ॥ ೪೦॥
ದೈನ್ಯರುಕ್ ಶೋಕ ಚಿನ್ತಾನಾಂ ವಿರೋಧಾಕ್ರಮಣಾಪದಾಮ್ ।
ಕಾರ್ಯಂ ಗಾಯತ್ರ್ಯನುಷ್ಠಾನಂ ಭಯಾನಂ ವಾರಣಾಯ ಚ ॥ ೪೧॥
ಜಾಯತೇ ಸಾ ಸ್ಥಿತಿರಸ್ಮಾನ್ಮನೋಽಭಿಲಾಷಯಾನ್ವಿತಾ ।
ಯತಃ ಸರ್ವೇಽಭಿಜಾಯನ್ತೇ ಯಥಾ ಕಾಲಂ ಹಿ ಪೂರ್ಣತಾಮ್ ॥ ೪೨॥
ಅನುಷ್ಠಾನಾತ್ತು ವೈ ತಸ್ಮಾದ್ಗುಪ್ತಾಧ್ಯಾತ್ಮಿಕ-ಶಕ್ತಯಃ ।
ಚಮತ್ಕಾರಮಯಾ ಲೋಕೇ ಪ್ರಾಪ್ಯನ್ತೇಽನೇಕಧಾ ಬುಧೈಃ ॥ ೪೩॥
ಸಪಾದಲಕ್ಷಮನ್ತ್ರಾಣಾಂ ಗಾಯತ್ರ್ಯಾ ಜಪನಂ ತು ವೈ ।
ಧ್ಯಾನೇನ ವಿಧಿನಾ ಚೈವ ಹ್ಯನುಷ್ಠಾನಂ ಪ್ರಚಕ್ಷತೇ ॥ ೪೪ ।
ಪಞ್ಚಮ್ಯಾಂ ಪೂರ್ಣಿಮಾಯಾಂ ವಾ ಚೈಕಾದಶ್ಯಾಂ ತಥೈವ ಹಿ ।
ಅನುಷ್ಠಾನಸ್ಯ ಕರ್ತವ್ಯಂ ಆರಮ್ಭಃ ಫಲ-ಪ್ರಾಪ್ತಯೇ ॥ ೪೫॥
ಮಾಸದ್ವಯೇಽವಿರಾಮಂ ತು ಚತ್ವಾರಿಂಷಟ್ ದಿನೇಷು ವಾ ।
ಪೂರಯೇತ್ತದನುಷ್ಠಾನಂ ತುಲ್ಯಸಙ್ಖ್ಯಾಸು ವೈ ಜಪನ್ ॥ ೪೬॥
ತಸ್ಯಾಃ ಪ್ರತಿಮಾಂ ಸುಸಂಸ್ಥಾಪ್ಯ ಪ್ರೇಮ್ಣಾ ಶೋಭನ-ಆಸನೇ ।
ಗಾಯತ್ರ್ಯಾಸ್ತತ್ರ ಕರ್ತವ್ಯಾ ಸತ್ಪ್ರತಿಷ್ಠಾ ವಿಧಾನತಃ ॥ ೪೭
ತದ್ವಿಧಾಯ ತತೋ ದೀಪ-ಧೂಪ-ನೈವೇದ್ಯ-ಚನ್ದನೈಃ ।
ನಮಸ್ಕೃತ್ಯಾಕ್ಷತೇನಾಪಿ ತಸ್ಯಾಃ ಪೂಜನಮಾಚರೇತ್ ॥ ೪೮॥
ಪೂಜನಾನನ್ತರಂ ವಿಜ್ಞಃ ಭಕ್ತ್ಯಾ ತಜ್ಜಪಮಾರಭೇತ್ ।
ಜಪಕಾಲೇ ತು ಮನಃ ಕಾರ್ಯಂ ಶ್ರದ್ಧಾನ್ವಿತಮಚಞ್ಚಲಮ್ ॥ ೪೯॥
ಕಾರ್ಯತೋ ಯದಿ ಚೋತ್ತಿಷ್ಠೇನ್ಮಧ್ಯ ಏವ ತತಃ ಪುನಃ ।
ಕರ-ಪ್ರಕ್ಷಾಲನಂ ಕೃತ್ವಾ ಶುದ್ಧೈರಙ್ಗೈರುಪಾವಿಶೇತ್ ॥ ೫೦॥
ಆದ್ಯಶಕ್ತಿರ್ವೇದಮಾತಾ ಗಾಯತ್ರೀ ತು ಮದನ್ತರೇ ।
ಶಕ್ತಿಕಲ್ಲೋಲಸನ್ದೋಹಾನ್ ಜ್ಞಾನಜ್ಯೋತಿಶ್ಚ ಸನ್ತತಮ್ ॥ ೫೧॥
ಉತ್ತರೋತ್ತರಮಾಕೀರ್ಯ ಪ್ರೇರಯನ್ತಿ ವಿರಾಜತೇ ।
ಇತ್ಯೇವಾವಿರತಂ ಧ್ಯಾಯನ್ ಧ್ಯಾನಮಗ್ನಸ್ತು ತಾಂ ಜಪೇತ್ ॥ ೫೨॥
ಚತುರ್ವಿಂಶತಿಲಕ್ಷಾಣಾಂ ಸತತಂ ತದುಪಾಸಕಃ ।
ಗಾಯತ್ರೀಣಾಮನುಷ್ಠಾನಾದ್ಗಾಯತ್ರ್ಯಾಃ ಸಿದ್ಧಿಮಾಪ್ನುತೇ ॥ ೫೩
ಸಾಧನಾಯೈ ತು ಗಾಯತ್ರ್ಯಾ ನಿಶ್ಛಲೇನ ಹಿ ಚೇತಸಾ ।
ವರಣೀಯಃ ಸದಾಚಾರ್ಯಃ ಸಾಧಕೇನ ಸುಭಾಜನಃ ॥ ೫೪॥
ಲಘ್ವನುಷ್ಠಾನತೋ ವಾಪಿ ಮಹಾನುಷ್ಠಾನತೋಽಥವಾ ।
ಸಿದ್ಧಿಂ ವಿನ್ದತಿ ವೈ ನೂನಂ ಸಾಧಕಃ ಸಾನುಪಾತಿಕಾಮ್ ॥ ೫೫॥
ಏಕ ಏವ ತು ಸಂಸಿದ್ಧಃ ಗಾಯತ್ರೀ ಮನ್ತ್ರ ಆದಿಶತ್ ।
ಸಮಸ್ತ-ಲೋಕಮನ್ತ್ರಾಣಾಂ ಕಾರ್ಯಸಿದ್ಧೇಸ್ತು ಪೂರಕಃ ॥ ೫೬॥
ಅನುಷ್ಠಾನಾವಸಾನೇ ತು ಅಗ್ನಿಹೋತ್ರೋ ವಿಧೀಯತಾಮ್ ।
ಯಥಾಶಕ್ತಿ ತತೋ ದಾನಂ ಬ್ರಹ್ಮಭೋಜಸ್ತತಃ ಖಲು ॥ ೫೭॥
ಮಹಾಮನ್ತ್ರಸ್ಯ ಚಾಪ್ಯಸ್ಯ ಸ್ಥಾನೇ ಸ್ಥಾನೇ ಪದೇ ಪದೇ ।
ಗೂಢಾನನ್ತೋಪದೇಶಾನಾಂ ರಹಸ್ಯಂ ತತ್ರ ವರ್ತತೇ ॥ ೫೮॥
ಯೋ ದಧಾತಿ ನರಶ್ಚೈತಾನುಪದೇಶಾಂಸ್ತು ಮಾನಸೇ ।
ಜಾಯತೇ ಹ್ಯುಭಯಂ ತಸ್ಯ ಲೋಕಮಾನನ್ದಸಙ್ಕುಲಮ್ ॥ ೫೯॥
ಸಮಗ್ರಾಮಪಿ ಸಾಮಗ್ರೀಮನುಷ್ಠಾನಸ್ಯ ಪೂಜಿತಾಮ್ ।
ಸ್ಥಾನೇ ಪವಿತ್ರ ಏವೈತಾಂ ಕುತ್ರಚಿದ್ಧಿ ವಿಸರ್ಜಯೇತ್ ॥ ೬೦॥
ಸತ್ಪಾತ್ರೋ ಯದಿ ವಾಚಾರ್ಯೋ ನ ಚೇತ್ಸಂಸ್ಥಾಪಯೇತ್ತದಾ ।
ನಾರಿಕೇಲಂ ಶುಚಿಂ ವೃತ್ವಾಚಾರ್ಯಭಾವೇನ ಚಾಸನೇ ॥ ೬೧॥
ಪ್ರಾಯಶ್ಚಿತ್ತಂ ಮತಂ ಶ್ರೇಷ್ಠಂ ತ್ರುಟೀನಾಂ ಪಾಪಕರ್ಮಣಾಮ್ ।
ತಪಶ್ಚರ್ಯೈವ ಗಾಯತ್ರ್ಯಾಃ ನಾತೋಽನ್ಯದ್ದೃಶ್ಯತೇ ಕ್ವಚಿತ್ ॥ ೬೨॥
ಸೇವ್ಯಾಃ ಸ್ವಾತ್ಮಸಮುದ್ಧ್ಯರ್ಥಂ ಪದಾರ್ಥಾಃ ಸಾತ್ತ್ವಿಕಾಃ ಸದಾ ।
ರಾಜಸಾಶ್ಚ ಪ್ರಯೋಕ್ತವ್ಯಾಃ ಮನೋವಾಞ್ಛಿತಪೂರ್ತಯೇ ॥ ೬೩॥
ಪ್ರಾದುರ್ಭಾವಸ್ತು ಭಾವಾನಾಂ ತಾಮಸಾನಾಂ ವಿಜಾಯತೇ ।
ತಮೋಗುಣಾನಾಮರ್ಥಾನಾಂ ಸೇವನಾದಿತಿ ನಿಶ್ಚಯಃ ॥ ೬೪॥
ಮಾಲಾಸನ-ಸಮಿಧ್ಯಜ್ಞ-ಸಾಮಗ್ರ್ಯರ್ಚನ-ಸಙ್ಗ್ರಹಃ ।
ಗುಣತ್ರಯಾನುಸಾರಂ ಹಿ ಸರ್ವೇ ವೈ ದದತೇ ಫಲಮ್ ॥ ೬೫॥
ಪ್ರಾದುರ್ಭವನ್ತಿ ವೈ ಸೂಕ್ಷ್ಮಾಶ್ಚತುರ್ವಿಂಶತಿ ಶಕ್ತಯಃ ।
ಅಕ್ಷರೇಭ್ಯಸ್ತು ಗಾಯತ್ರ್ಯಾ ಮಾನವಾನಾಂ ಹಿ ಮಾನಸೇ ॥ ೬೬॥
ಮುಹೂರ್ತಾ ಯೋಗದೋಷಾ ವಾ ಯೇಽಪ್ಯಮಙ್ಗಲಕಾರಿಣಃ ।
ಭಸ್ಮತಾಂ ಯಾನ್ತಿ ತೇ ಸರ್ವೇ ಗಾಯತ್ರ್ಯಾಸ್ತೀವ್ರತೇಜಸಾ ॥ ೬೭॥
ಏತಸ್ಮಾತ್ತು ಜಪಾನ್ನೂನಂ ಧ್ಯಾನಮಗ್ನೇನ ಚೇತಸಾ ।
ಜಾಯತೇ ಕ್ರಮಶಶ್ಚೈವ ಷಟ್ ಚಕ್ರಾಣಾಂ ತು ಜಾಗೃತಿಃ ॥ ೬೮॥
ಷಟ್ ಚಕ್ರಾಣಿ ಯದೈತಾನಿ ಜಾಗೃತಾನಿ ಭವನ್ತಿ ಹಿ ।
ಷಟ್ ಸಿದ್ಧಯೋಽಭಿಜಾಯನ್ತೇ ಚಕ್ರೈರೇತೈರ್ನರಸ್ಯ ವೈ ॥ ೬೯॥
ಅಗ್ನಿಹೋತ್ರಂ ತು ಗಾಯತ್ರೀ ಮನ್ತ್ರೇಣ ವಿಧಿವತ್ ಕೃತಮ್ ।
ಸರ್ವೇಷ್ವವಸರೇಷ್ವೇವ ಶುಭಮೇವ ಮತಂ ಬುಧೈಃ ॥ ೭೦॥
ಯದಾವಸ್ಥಾಸು ಸ್ಯಾಲ್ಲೋಕೇ ವಿಪನ್ನಾಸು ತದಾ ತು ಸಃ ।
ಮೌನಂ ಮಾನಸಿಕಂ ಚೈವ ಗಾಯತ್ರೀ-ಜಪಮಾಚರೇತ್ ॥ ೭೧॥
ತದನುಷ್ಠಾನಕಾಲೇ ತು ಸ್ವಶಕ್ತಿಂ ನಿಯಮೇಜ್ಜನಃ ।
ನಿಮ್ನಕರ್ಮಸು ತಾಃ ಧೀಮಾನ್ ನ ವ್ಯಯೇದ್ಧಿ ಕದಾಚನ ॥ ೭೨
ನೈವಾನಾವಶ್ಯಕಂ ಕಾರ್ಯಮಾತ್ಮೋದ್ಧಾರಸ್ಥಿತೇನ ಚ ।
ಆತ್ಮಶಕ್ತೇಸ್ತು ಪ್ರಾಪ್ತಾಯಾಃ ಯತ್ರ ತತ್ರ ಪ್ರದರ್ಶನಮ್ ॥ ೭೩॥
ಆಹಾರೇ ವ್ಯವಹಾರೇ ಚ ಮಸ್ತಿಷ್ಕೇಽಪಿ ತಥೈವ ಹಿ ।
ಸಾತ್ತ್ವಿಕೇನ ಸದಾ ಭಾವ್ಯಂ ಸಾಧಕೇನ ಮನೀಷಿಣಾ ॥ ೭೪॥
ಕರ್ತವ್ಯಧರ್ಮತಃ ಕರ್ಮ ವಿಪರೀತಂ ತು ಯದ್ಭವೇತ್ ।
ತತ್ಸಾಧಕಸ್ತು ಪ್ರಜ್ಞಾವಾನಾಚರೇನ್ನ ಕದಾಚನ ॥ ೭೫॥
ಪೃಷ್ಠತೋಽಸ್ಯಾಃ ಸಾಧನಾಯಾ ರಾಜತೇಽತಿತರಂ ಸದಾ ।
ಮನಸ್ವಿಸಾಧಕಾನಾಂ ಹಿ ಬಹೂನಾಂ ಸಾಧನಾಬಲಮ್ ॥ ೭೬॥
ಅಲ್ಪೀಯಸ್ಯಾ ಜಗತ್ಯೇವಂ ಸಾಧನಾಯಾಸ್ತು ಸಾಧಕಃ ।
ಭಗವತ್ಯಾಶ್ಚ ಗಾಯತ್ರ್ಯಾಃ ಕೃಪಾಂ ಪ್ರಾಪ್ನೋತ್ಯಸಂಶಯಮ್ ॥ ೭೭॥
ಪ್ರಾಣಾಯಾಮೇ ಜಪನ್ ಲೋಕಃ ಗಾಯತ್ರೀಂ ಧ್ರುವಮಾಪ್ನುತೇ ।
ನಿಗ್ರಹಂ ಮನಸಶ್ಚೈವ ಇನ್ದ್ರಿಯಾಣಾಂ ಹಿ ಸಮ್ಪದಾಮ್ ॥ ೭೮॥
ಮನ್ತ್ರಂ ವಿಭಜ್ಯ ಭಾಗೇಷು ಚತುರ್ಷು ಸುಬುಧಸ್ತದಾ ।
ರೇಚಕಂ ಕುಮ್ಭಕಂ ಬಾಹ್ಯಂ ಪೂರಕಂ ಕುಮ್ಭಕಂ ಚರೇತ್ ॥ ೭೯॥
ಯಥಾ ಪೂರ್ವಸ್ಥಿತಞ್ಚೈವ ನ ದ್ರವ್ಯಂ ಕಾರ್ಯ-ಸಾಧಕಮ್ ।
ಮಹಾಸಾಧನತೋಽಪ್ಯಸ್ಮಾನ್ನಾಜ್ಞೋ ಲಾಭಂ ತಥಾಪ್ನುತೇ ॥ ೮೦॥
ಸಾಧಕಃ ಕುರುತೇ ಯಸ್ತು ಮನ್ತ್ರಶಕ್ತೇರಪವ್ಯಯಃ ।
ತಂ ವಿನಾಶಯತಿ ಸೈವ ಸಮೂಲಂ ನಾತ್ರ ಸಂಶಯಃ ॥ ೮೧॥
ಸತತಂ ಸಾಧನಾಭಿರ್ಯೋ ಯಾತಿ ಸಾಧಕತಾಂ ನರಃ ।
ಸ್ವಪ್ನಾವಸ್ಥಾಸು ಜಾಯನ್ತೇ ತಸ್ಯ ದಿವ್ಯಾನುಭೂತಯಃ ॥ ೮೨॥
ಸಫಲಃ ಸಾಧಕೋ ಲೋಕೇ ಪ್ರಾಪ್ನುತೇಽನುಭವಾನ್ ನವಾನ್ ।
ವಿಚಿತ್ರಾನ್ ವಿವಿಧಾँಶ್ಚೈವ ಸಾಧನಾಸಿದ್ಧ್ಯನನ್ತರಮ್ ॥ ೮೩॥
ಭಿನ್ನಾಭಿರ್ವಿಧಿಭಿರ್ಬುದ್ಧ್ಯಾ ಭಿನ್ನಾಸು ಕಾರ್ಯಪಙ್ಕ್ತಿಷು ।
ಗಾಯತ್ರ್ಯಾಃ ಸಿದ್ಧಮನ್ತ್ರಸ್ಯ ಪ್ರಯೋಗಃ ಕ್ರಿಯತೇ ಬುಧೈಃ ॥ ೮೪॥
ಚತುರ್ವಿಂಶತಿವರ್ಣೈರ್ಯಾ ಗಾಯತ್ರೀ ಗುಮ್ಫಿತಾ ಶ್ರುತೌ ।
ರಹಸ್ಯಮುಕ್ತಂ ತತ್ರಾಪಿ ದಿವ್ಯೈಃ ರಹಸ್ಯವಾದಿಭಿಃ ॥ ೮೫॥
ರಹಸ್ಯಮುಪವೀತಸ್ಯ ಗುಹ್ಯಾದ್ಗುಹ್ಯತರಂ ಹಿ ಯತ್ ।
ಅನ್ತರ್ಹಿತಂ ತು ತತ್ಸರ್ವಂ ಗಾಯತ್ರ್ಯಾಂ ವಿಶ್ವಮಾತರಿ ॥ ೮೬॥
ಅಯಮೇವ ಗುರೋರ್ಮನ್ತ್ರಃ ಯಃ ಸರ್ವೋಪರಿ ರಾಜತೇ ।
ಬಿನ್ದೌ ಸಿನ್ಧುರಿವಾಸ್ಮಿಂಸ್ತು ಜ್ಞಾನವಿಜ್ಞಾನಮಾಶ್ರಿತಮ್ ॥ ೮೭॥
ಆಭ್ಯನ್ತರೇ ತು ಗಾಯತ್ರ್ಯಾ ಅನೇಕೇ ಯೋಗಸಞ್ಚಯಾಃ ।
ಅನ್ತರ್ಹಿತಾ ವಿರಾಜನ್ತೇ ಕಶ್ಚಿದತ್ರ ನ ಸಂಶಯಃ ॥ ೮೮॥
ಧಾರಯನ್ ಹೃದಿ ಗಾಯತ್ರೀಂ ಸಾಧಕೋ ಧೌತಕಿಲ್ಬಿಷಃ ।
ಶಕ್ತೀರನುಭವತ್ಯ್ಗ್ರಾಃ ಸ್ವಸ್ಮಿನ್ನೇವ ಹ್ಯಲೌಕಿಕಾಃ ॥ ೮೯॥
ಏತಾದೃಶ್ಯಸ್ತು ವಾರ್ತಾ ಭಾಸನ್ತೇಽಲ್ಪಪ್ರಯಾಸತಃ ।
ಯಾಸ್ತು ಸಾಧಾರಣೋ ಲೋಕೋ ಜ್ಞಾತುಮರ್ಹತಿ ನೈವ ಹಿ ॥ ೯೦॥
ಏತಾದೃಶ್ಯಸ್ತು ಜಾಯನ್ತೇ ತನ್ಮನಸ್ಯನುಭೂತಯಃ ।
ಯಾದೃಶ್ಯೋ ನ ಹಿ ದೃಶ್ಯನ್ತೇ ಮಾನವೇಷು ಕದಾಚನ ॥ ೯೧॥
ಪ್ರಸಾದಂ ಬ್ರಹ್ಮಜ್ಞಾನಸ್ಯ ಯೇಽನ್ಯೇಭ್ಯೋ ವಿತರನ್ತ್ಯಪಿ ।
ಆಸಾದಯನ್ತಿ ತೇ ನೂನಂ ಮಾನವಾಃ ಪುಣ್ಯಮಕ್ಷಯಮ್ ॥ ೯೨॥
ಗಾಯತ್ರೀ ಸಂಹಿತಾ ಹ್ಯೇಷಾ ಪರಮಾನನ್ದದಾಯಿನೀ ।
ಸರ್ವೇಷಾಮೇವ ಕಷ್ಟಾನಾಂ ವಾರಣಾಯಾಸ್ತ್ಯಲಂ ಭುವಿ ॥ ೯೩॥
ಶ್ರದ್ಧಯಾ ಯೇ ಪಠನ್ತ್ಯೇನಾಂ ಚಿನ್ತಯನ್ತಿ ಚ ಚೇತಸಾ ।
ಆಚರನ್ತ್ಯಾನುಕೂಲ್ಯೇನ ಭವಬಾಧಾಂ ತರನ್ತಿ ತೇ ॥ ೯೪॥
Encoded and proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ತ್oday
http://sanskritdocuments.org
Gayatri Samhita Lyrics in Kannada PDF
% File name : gAyatrI\_saMhitA.itx
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Source : Gayatri Mahavijnana -
% Latest update : Mar. 14, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gAyatrI\_saMhitA.itx
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Source : Gayatri Mahavijnana -
% Latest update : Mar. 14, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website