{॥ ಗಾಯತ್ರೀ ವನ್ದನಾ ॥}
ಓಂಕಾರರೂಪಾ ತ್ರಿಪದಾ ತ್ರಯೀ ಚ ತ್ರಿದೇವವನ್ದ್ಯಾ ತ್ರಿದಿವಾಧಿದೇವೀ ।
ತ್ರಿಲೋಕಕರ್ತ್ರೀ ತ್ರಿತಯಸ್ಯ ಭರ್ತ್ರೀ ತ್ರೈಕಾಲಿಕೀ ಸಙ್ಕಲನಾವಿಧಾತ್ರೀ ॥ ೧॥

ತ್ರೈಗುಣ್ಯಭೇದಾತ್ ತ್ರಿವಿಧಸ್ವರೂಪಾ ತ್ರೈವಿಧ್ಯಯುಕ್ತಸ್ಯ ಫಲಸ್ಯ ದಾತ್ರೀ ।
ತಥಾಪವರ್ಗಸ್ಯ ವಿಧಾಯಿನೀ ತ್ವಂ ದಯಾರ್ದ್ರದೃಕ್ಕೋಣವಿಲೋಕನೇನ ॥ ೨॥

ತ್ವಂ ವಾಙ್ಮಯೀ ವಿಶ್ವವದಾನ್ಯಮೂರ್ತಿರ್ವಿಶ್ವಸ್ವರೂಪಾಪಿ ಹಿ ವಿಶ್ವಗರ್ಭಾ ।
ತತ್ತ್ವಾತ್ಮಿಕಾ ತತ್ತ್ವಪರಾತ್ಪರಾ ಚ ದೃಕ್ತಾರಿಕಾ ತಾರಕಶಙ್ಕರಸ್ಯ ॥ ೩॥

ವಿಶ್ವಾತ್ಮಿಕೇ ವಿಶ್ವವಿಲಾಸಭೂತೇ ವಿಶ್ವಾಶ್ರಯೇ ವಿಶ್ವವಿಕಾಶಧಾಮೇ ।
ವಿಭೂತ್ಯಧಿಷ್ಠಾತ್ರಿ ವಿಭೂತಿದಾತ್ರಿ ಪದೇ ತ್ವದೀಯೇ ಪ್ರಣತಿರ್ಮದೀಯಾ ॥ ೪॥

ಭೋಗಸ್ಯ ಭೋಕ್ತ್ರೀ ಕರಣಸ್ಯ ಕರ್ತ್ರೀ ಧಾತ್ವಾವ್ಯಯಪ್ರತ್ಯಯಲಿಙ್ಗಶೂನ್ಯಾ ।
ಜ್ಞೇಯಾ ನ ವೇದೈರ್ನ ಪುರಾಣಭೇದೈರ್ಧ್ಯೇಯಾ ಧಿಯಾ ಧಾರಣಯಾದಿಶಕ್ತಿಃ ॥ ೫॥

ನಿತ್ಯಾ ಸದಾ ಸರ್ವಗತಾಽಪ್ಯಲಕ್ಷ್ಯಾ ವಿಷ್ಣೋರ್ವಿಧೇಃ ಶಙ್ಕರತೋಽಪ್ಯಭಿನ್ನಾ ।
ಶಕ್ತಿಸ್ವರೂಪಾ ಜಗತೋಽಸ್ಯ ಶಕ್ತಿರ್ಜ್ಞಾತುಂ ನ ಶಕ್ಯಾ ಕರಣಾದಿಭಿಸ್ತ್ವಮ್ ॥ ೬॥

ತ್ಯಕ್ತಸ್ತ್ವಯಾತ್ಯನ್ತನಿರಸ್ತಬುದ್ಧಿರ್ನರೋ ಭವೇದ್ ವೈಭವಭಾಗ್ಯಹೀನಃ ।
ಹಿಮಾಲಯಾದಪ್ಯಧಿಕೋತ್ರತೋಽಪಿ ಜನೈಸ್ಸಮಸ್ತೈರಪಿ ಲಙ್ಘನೀಯಃ ॥ ೭॥

ಶಿವೇ ಹರೌ ಬ್ರಹ್ಮಣಿ ಭಾನುಚನ್ದ್ರಯೋಶ್ಚರಾಚರೇ ಗೋಚರಕೇಽಪ್ಯಗೋಚರೇ ।
ಸೂಕ್ಷ್ಮಾತಿಸೂಕ್ಷ್ಮೇ ಮಹತೋ ಮಹತ್ತಮೇ ಕಲಾ ತ್ವದೀಯಾ ವಿಮಲಾ ವಿರಾಜತೇ ॥ ೮॥

ಸುಧಾಮರನ್ದಂ ತವ ಪಾದಪದ್ಮಂ ಸ್ವೇ ಮಾನಸೇ ಧಾರಣಯಾ ನಿಧಾಯ ।
ಬುದ್ಧಿರ್ಮಿಲಿನ್ದೀಭವತಾನ್ಮದೀಯಾ ನಾತಃ ಪರಂ ದೇವಿ ವರಂ ಸಮೀಹೇ ॥ ೯॥

ದೀನೇಷು ಹೀನೇಷು ಗತಾದರೇಷು ಸ್ವಾಭಾವಿಕೀ ತೇ ಕರುಣಾ ಪ್ರಸಿದ್ಧಾ ।
ಅತಃ ಶರಣ್ಯೇ ಶರಣಂ ಪ್ರಪನ್ನಂ ಗೃಹಾಣ ಮಾತಃ ಪ್ರಣಯಾಞ್ಜಲಿಂ ಮೇ ॥ ೧೦॥

॥ ಇತಿ ಗಾಯತ್ರೀವನ್ದನಾ ಸಮಾಪ್ತಾ ॥

Encoded and proofread by Ramgopal Bhimavarapu bhimavarapu2014 at gmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Gayatri Vandana Lyrics in Kannada PDF
% File name : gAyatrIvandanA.itx
% Category :
% Location : doc\_devii
% Author :
% Language : Sanskrit
% Subject : philosophy/hinduism/religion
% Transliterated by : Ramgopal Bhimavarapu bhimavarapu2014 at gmail.com
% Proofread by : Ramgopal Bhimavarapu bhimavarapu2014 at gmail.com
% Translated by :
% Description-comments :
% Source : Gayatri Mahavigyan
% Acknowledge-Permission:
% Latest update : May 29, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website