{॥ తులజాష్టకమ్ ॥}
దుగ్ధేన్దు కున్దోజ్జ్వలసున్దరాఙ్గీం
ముక్తాఫలాహారవిభూషితాఙ్గీమ్ ।
శుభ్రామ్బరాం స్తనభరాలసాఙ్గీం
వన్దేఽహమాద్యాం తులజాభవానీమ్ ॥ ౧॥

బాలార్కభాసామతిచారుహాసాం
మాణిక్యముక్తాఫలహారకణ్ఠీమ్ ।
రక్తామ్బరాం రక్తవిశాలనేత్రీం
వన్దేఽహమాద్యాం తులజాభవానీమ్ ॥ ౨॥

శ్యామాఙ్గవర్ణాం మృగశావనేత్రాం
కౌశేయవస్త్రాం కుసుమేషు పూజ్యామ్ ॥

కస్తూరికాచన్దనచర్చితాఙ్గీం
వన్దేఽహమాద్యాం తులజాభవానీమ్ ॥ ౩॥

పీతామ్బరాం చమ్పకకాన్తిగౌరీం
అలఙ్కృతాముత్తమమణ్డనైశ్చ ।
నాశాయ భూతాం భువి దానవానాం
వన్దేఽహమాద్యాం తులజాభవానీమ్ ॥ ౪॥

చన్ద్రార్కతాటఙ్కధరాం త్రినేత్రాం
శూలం దధానామతికాలరూపామ్ ।
విపక్షనాశాయ ధృతాయుధాం తాం
వన్దేఽహమాద్యాం తులజాభవానీమ్ ॥ ౫॥

బ్రహ్మేన్ద్ర నారాయణరుద్రపూజ్యాం
దేవాఙ్గనాభిః పరిగీయమానామ్ ।
స్తుతాం వచోభిర్మునినారదాద్యైః
వన్దేఽహమాద్యాం తులజాభవానీమ్ ॥ ౬॥

అష్టాఙ్గయోగే సనకాదిభిశ్చ
ధ్యాతాం మునీన్ద్రైశ్చ సమాధిగమ్యామ్ ।
భక్తస్య నిత్యం భువి కామధేనుం
వన్దేఽహమాద్యాం తులజాభవానీమ్ ॥ ౭॥

సింహాసనస్థాం పరివీజ్యమానాం
దేవైః సమస్తైశ్చ సుచామరైశ్చ ।
ఛత్రం దధానామతిశుభ్రవర్ణాం
వన్దేఽహమాద్యాం తులజాభవానీమ్ ॥ ౮॥

పూర్ణః కటాక్షోఽఖిలలోకమాతు-
ర్గిరీన్ద్రకన్యాం భజతాం సుధన్యామ్ ।
దారిద్ర్యకం నైవ కదా జనానాం
చిన్తా కుతః స్యాద్భవసాగరస్య ॥ ౯॥

తులజాష్టకమిదం స్తోత్రం త్రికాలం యః పఠేన్నరః ।
ఆయుః కీర్తిర్యశో లక్ష్మీ ధనపుత్రానవాప్నుయాత్ ॥ ౧౦॥

॥ ఇతి శ్రీమచ్ఛఙ్కరాచార్య విరచితం తులజాష్టకమ్ సమ్పూర్ణమ్ ॥

Endoded by AryA in maayboli posting
Proofread by Sunder Hattangadi sunderh at hotmail.com

Please send corrections to sanskrit@cheerful.com
Last updated త్oday
http://sanskritdocuments.org

Tulaja Ashtakam Lyrics in Telugu PDF
% File name : tulajAShTakam.itx
% Category : aShTaka
% Location : doc\_devii
% Language : Sanskrit
% Subject : philosophy/hinduism/religion
% Transliterated by : mI\_AryA
% Proofread by : Sunder Hattangadi sunderh at hotmail.com
% Latest update : November 21, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website