{॥ ಶ್ರೀನರ್ಮದಾಸಹಸ್ರನಾಮಸ್ತೋತ್ರಮ್ ॥}
ಶ್ರೀ ಗುರುಭ್ಯೋ ನಮಃ ।
ಓಂ ಶ್ರೀ ಗಣೇಶಾಯ ನಮಃ ।
ಶ್ರೀ ನರ್ಮದಾಯೈ ನಮಃ ।
ವಿನಿಯೋಗಃ
ಅಸ್ಯ ಶ್ರೀನರ್ಮದಾಸಹಸ್ರನಾಮಸ್ತೋತ್ರಮಾಲಾಮನ್ತ್ರಸ್ಯ ರುದ್ರ ಋಷಿರ್ವಿರಾಟ್ಛನ್ದಃ
ಶ್ರೀನರ್ಮದಾದೇವತಾ ಹ್ರೀಂ ಬೀಜಂ ಶ್ರೀಶಕ್ತಿಃ ಸ್ವಾಹಾಕೀಲಕಂ
ಶ್ರೀನರ್ಮದಾಪ್ರಸಾದಸಿದ್ಧ್ಯರ್ಥೇ ಪಠನೇ ಪೂಜನೇ ಸಹಸ್ರಾರ್ಚನೇ ಚ ವಿನಿಯೋಗಃ ।
ಋಷ್ಯಾದಿ ನ್ಯಾಸಃ
ರೂದ್ರಋಷಯೇ ನಮಃ । ಶಿರಸಿ
ವಿರಾಟ್ಛನ್ದಸೇ ನಮಃ । ಮುಖೇ
ಶ್ರೀನರ್ಮದಾದೇವತಾಯೈ ನಮಃ । ಹೃದಯೇ
ಹ್ರೀಂ ಬೀಜಾಯೈ ನಮಃ । ಗುಹ್ಯೇ
ಶ್ರೀಂ ಶಕ್ತಯೇ ನಮಃ । ಪಾದಯೋಃ
ಸ್ವಾಹಾ ಕೀಲಕಾಯ ನಮಃ । ನಾಭೌ
ಶ್ರೀನರ್ಮದಾಪ್ರಸಾದಸಿದ್ಧಯರ್ಥೇ ವಿನಿಯೋಗಾಯ ನಮಃ । ಸರ್ವಾಙ್ಗೇ
ಕರಾಙ್ಗನ್ಯಾಸಃ
ಓಂ ಹ್ರೀಂ ಶ್ರೀಂ ನರ್ಮದಾಯೈ ಸ್ವಾಹಾ ಇತಿ ನವಾರ್ಣಮನ್ತ್ರಣೇ ।
ಅಥವಾ
ಓಂ ನಮಃ ಅಙ್ಗುಷ್ಠಾಭ್ಯಾಂ ನಮಃ । ಹೃದಯಾಯ ನಮಃ ।
ಹ್ರೀಂ ನಮಃ ತರ್ಜನೀಭ್ಯಾಂ ನಮಃ । ಶಿರಸೇ ಸ್ವಾಹಾ ।
ಓಂ ನಮಃ ಮಧ್ಯಮಾಭ್ಯಾಂ ನಮಃ । ಶಿಖಾಯೈ ವಷಟ್ ।
ನರ್ಮದಾಯೈ ನಮಃ ಅನಾಮಿಕಾಭ್ಯಾಂ ನಮಃ । ಕವಚಾಯ ಹುಮ್ ।
ಸ್ವಾಹಾ ನಮಃ ಕನಿಷ್ಠಿಕಾಭ್ಯಾಂ ನಮಃ । ನೇತ್ರತ್ರಯಾಯ ವೌಷಟ್ ।
ಓಂ ಹ್ರೀಂ ಶ್ರೀಂ ನರ್ಮದಾಯೈ ಸ್ವಾಹಾ
ಕರತಲಕರಪೃಷ್ಠಾಭ್ಯಾಂ ನಮಃ । ಅಸ್ತ್ರಾಯ ಫಟ್ ।
ಮೂಲೇನ ತ್ರಿರ್ವ್ಯಾಪಕಮ್ ।
ಧ್ಯಾನಮ್
ಧ್ಯಾಯೇ ಶ್ರೀ ಸಿದ್ಧನಾಥಾಂ ಗಣವಹಸರಿತಾಂ ನರ್ಮದಾಂ ಶರ್ಮ್ಮದಾತ್ರೀಂ
ಶ್ಯಾಮಾಂ ಬಾಲೇವ ನೀಲಾಮ್ಬರಮುಖನಯನಾಮ್ಭೋಜಯುಗ್ಮೈಕಮಿನ್ದುಮ್ ।
ಚೂಡಾಞ್ಚಾಭೀತಿಮಾಲಾಂ ವರಜಲಕರಕಾಂ ಹಸ್ತಯುಗ್ಮೇ ದಧಾನಾಂ
ತೀರ್ಥಸ್ಥಾಂ ಛತ್ರಹಸ್ತಾಂ ಝಷವರನೃಪಗಾಂ ದೇಶಿಕಸ್ಯಾಸನಾಗ್ರೇ ॥ ೧॥

ನರ್ಮದೇ ಹರಸಮ್ಭೂತೇ ಹರಲಿಙ್ಗಾರ್ಚನಪ್ರಿಯೇ ।
ಹರಲಿಙ್ಗಾಞ್ಚಿತತಟೇ ಜಯಾಘಂ ಹರ ನರ್ಮದೇ ॥ ೨॥

ಇತಿ ಧ್ಯಾತ್ವಾ ಯನ್ತ್ರೇಽಥವಾ ಪ್ರವಾಹೇ ಮಾನಸೋಪಚಾರೈಃ ಸಮ್ಪೂಜ್ಯ
ನಾಮಸ್ತೋತ್ರಪಾಠಂ ಪ್ರತ್ಯೇಕ ನಾಮಮನ್ತ್ರೇಣ ಪೂಜನಂ
ವಾ ಸಮಾಚರೇತ್, ಯನ್ತ್ರಸ್ವರೂಪಂ ಯಥಾ
ಶ್ರೀನರ್ಮದಾಯೈ ನಮಃ ।
ಅಥ ಸಹಸ್ರನಾಮಸ್ತೋತ್ರಮ್ ।
ನರ್ಮದಾ ನಮನೀಯಾ ಚ ನಗೇಜ್ಯಾ ನಗರೇಶ್ವರೀ ।
ನಗಮಾಲಾವೃತತಟಾ ನಗೇನ್ದ್ರೋದರಸಂಸೃತಾ ॥ ೧॥

ನದೀಶಸಙ್ಗತಾ ನನ್ದಾ ನನ್ದಿವಾಹನಸನ್ನತಾ ।
ನರೇನ್ದ್ರಮಾಲಿನೀ ನವ್ಯಾ ನಕ್ರಾಸ್ಯಾ ನರ್ಮಭಾಷಿಣೀ ॥ ೨॥

ನರಾರ್ತಿಘ್ನಾ ನರೇಶಾನೀ ನರಾನ್ತಕಭಯಾಪಹಾ ।
ನರಕಾಸುರಹನ್ತ್ರೀ ಚ ನಕ್ರವಾಹನಶೋಭನಾ ॥ ೩॥

ನರಪ್ರಿಯಾ ನರೇನ್ದ್ರಾಣೀ ನರಸೌಖ್ಯವಿವರ್ಧಿನೀ ।
ನಮೋರೂಪಾ ಚ ನಕ್ರೇಶೀ ನಗಜಾ ನಟನಪ್ರಿಯಾ ॥ ೪॥

ನನ್ದಿಕೇಶ್ವರಸಮ್ಮಾನ್ಯಾ ನನ್ದಿಕೇಶಾನಮೋಹಿನೀ ।
ನಾರಾಯಣೀ ನಾಗಕನ್ಯಾ ನಾರಾಯಣಪರಾಯಣಾ ॥ ೫॥

ನಾಗಸನ್ಧಾರಿಣೀ ನಾರೀ ನಾಗಾಸ್ಯಾ ನಾಗವಲ್ಲಭಾ ।
ನಾಕಿನೀ ನಾಕಗಮನಾ ನಾರಿಕೇಲಫಲಪ್ರಿಯಾ ॥ ೬॥

ನಾದೇಯಜಲಸಂವಾಸಾ ನಾವಿಕೈರಭಿಸಂಶ್ರಿತಾ ।
ನಿರಾಕಾರಾ ನಿರಾಲಮ್ಬಾ ನಿರೀಹಾ ಚ ನಿರಞ್ಜನಾ ॥ ೭॥

ನಿತ್ಯಾನನ್ದಾ ನಿರ್ವಿಕಾರಾ ನಿಃಶಙ್ಕಾ ನಿಶ್ರಯಾತ್ಮಿಕಾ ।
ನಿತ್ಯರೂಪಾ ನಿಃಸ್ಪೃಹಾ ಚ ನಿರ್ಲೋಭಾ ನಿಷ್ಕಲೇಶ್ವರೀ ॥ ೮॥

ನಿರ್ಲೇಪಾ ನಿಶ್ಚಲಾ ನಿತ್ಯಾ ನಿರ್ಧೂತಾನನುಮೋದಿನೀ ।
ನಿರ್ಮಲಾ ನಿರ್ಮಲಗತಿರ್ನಿರಾಮಯಸುವಾರಿಣೀ ॥ ೯॥

ನಿತಮ್ಬಿನೀ ಚ ನಿರ್ದಂಷ್ಟ್ರಾ ನಿರ್ಧನತ್ವನಿವಾರಿಣೀ ।
ನಿರ್ವಿಕಾರಾ ನಿಶ್ಚಯಿನೀ ನಿರ್ಭ್ರಮಾ ನಿರ್ಜರಾರ್ಥದಾ ॥ ೧೦॥

ನಿಷ್ಕಲಙ್ಕಾ ನಿರ್ಜರಾ ಚ ನಿರ್ದೋಷಾ ನಿರ್ಝರಾ ನಿಜಾ ।
ನಿಶುಮ್ಭಶುಮ್ಭದಮನೀ ನಿಘ್ನನಿಗ್ರಹಕಾರಿಣೀ ॥ ೧೧॥

ನೀಪಪ್ರಿಯಾ ನೀಪರತಾ ನೀಚಾಚರಣನಿರ್ದಯಾ ।
ನೀಲಕ್ರಾನ್ತಾ ನೀರವಾಹಾ ನೀಲಾಲಕವಿಲಾಸಿನೀ ॥ ೧೨॥

ನುತಿಪಾತ್ರಾ ನುತಿಪ್ರಿಯಾ ನುತಪಾಪನಿವಾರಿಣೀ ।
ನೂತನಾಲಙ್ಕಾರಸನ್ಧಾತ್ರೀ ನೂಪುರಾಭರಣಪ್ರಿಯಾ ॥ ೧೩॥

ನೇಪಥ್ಯರಞ್ಜಿತಾ ನೇತ್ರೀ ನೇದೀಯಃಸ್ವರಭಾಜಿನೀ ।
ನೈಸರ್ಗಿಕಾನನ್ದದಾತ್ರೀ ನೈರುಜ್ಯಕಾರಿವಾರಿಣೀ ॥ ೧೪॥

ನನ್ದವರ್ಧಿನೀ ನನ್ದಯಿತ್ರೀ ನನ್ದಕೀ ನನ್ದರೂಪಿಣೀ ।
ಪರಮಾ ಪರಮೇಶಾನಾ ಪರಾಧಾರಾ ಪರಮೇಶ್ವರೀ ॥ ೧೫॥

ಪದ್ಮಾಭಾ ಪದ್ಯನಯನಾ ಪದ್ಮಾ ಪದ್ಮದಲಪ್ರಿಯಾ ।
ಪದ್ಮಾಕ್ಷೀ ಪದ್ಮವದನಾ ಪದ್ಮಮಾಲಾವಿಮೂಷಿಣೀ ॥ ೧೬॥

ಪಕ್ಷಾಧಾರಾ ಪಕ್ಷಿಣೀ ಚ ಪಕ್ಷೇಜ್ಯಾ ಪರಮೇಶ್ವರೀ ।
ಪಶುಪ್ರಿಯಾ ಪಶುರತಾ ಪಯಃಸಮ್ಮೋಹಕಾರಿಣೀ ॥ ೧೭॥

ಪಥಿಪ್ರಿಯಾ ಪಥಿರತಾ ಪಥಿನೀ ಪಥಿರಕ್ಷಿಣೀ ।
ಪಙ್ಕಕರ್ಕರಕೂಲಾ ಚ ಪಙ್ಕಗ್ರಾಹಸುಸಂಯುತಾ ॥ ೧೮॥

ಪ್ರಭಾವತೀ ಪ್ರಗಲ್ಭಾ ಚ ಪ್ರಭಾಜಿತಜಗತ್ತಮಾ ।
ಅಕೃತ್ರಿಮಪ್ರಭಾರೂಪಾ ಪರಬ್ರಹ್ಮಸ್ವರೂಪಿಣೀ ॥ ೧೯॥

ಪಾಪಾತ್ಮಾನಾಂ ಪಾವಯಿತ್ರೀ ಪಾಪಜಾಲನಿವಾರಿಣೀ ।
ಪಾಕಶಾಸನವನ್ದ್ಯಾ ಚ ಪಾಪಸನ್ತಾಪಹಾರಿಣೀ ॥ ೨೦॥

ಪಿಕರೂಪಾ ಪಿಕೇಶೀ ಚ ಪಿಕವಾಕ್ ಪಿಕವಲ್ಲಭಾ ।
ಪೀಯೂಷಾಢ್ಯಪ್ರಪಾನೀಯಾ ಪೀತಶ್ವೇತಾದಿವರ್ಣಿನೀ ॥ ೨೧॥

ಪುರನ್ದರೀ ಪುಣ್ಡ್ರಧಾರೀ ಪುರುಹೂತಾಭಿವನ್ದಿತಾ ।
ಪುಣ್ಡರೀಕವಿಶಾಲಾಕ್ಷೀ ಪುರುಷಾರ್ಥಪ್ರದಾಯಿನೀ ॥ ೨೨॥

ಪೂತಾ ಪೂತೋದಕಾ ಪೂರ್ಣಾ ಪೂರ್ವಗಙ್ಗಾ ಚ ಪೂರಿತಾ ।
ಪಞ್ಚಮೀ ಪಞ್ಚಪ್ರೇಮಾ ಚ ಪಣ್ಡಿತಾ ಪಙ್ಕಜೇಶ್ವರೀ ॥ ೨೩॥

ಫಲದಾ ಫಲರೂಪಾ ಚ ಫಲೇಜ್ಯಾ ಫಲವರ್ಧಿನೀ ।
ಫಣಿಪಾಲಾ ಫಲೇಶೀ ಚ ಫಲಾವರ್ಜ್ಯಾ ಫಣಿಪ್ರಿಯಾ ॥ ೨೪॥

ಬಲಾ ಬಾಲಾ ಬ್ರಹ್ಮರೂಪಾ ಬ್ರಹ್ಮವಿಷ್ಣುಶಿವಾತ್ಮಿಕಾ ।
ಬದರೀಫಲಸನ್ದೋಹಸಂಸ್ಥಿತಾ ಬದರೀಪ್ರಿಯಾ ॥ ೨೫॥

ಬದರ್ಯಾಶ್ರಮಸಂಸ್ಥಾ ಚ ಬಕದಾಲ್ಭ್ಯಪ್ರಪೂಜಿತಾ ।
ಬದರೀಫಲಸಂಸ್ನೇಹಾ ಬದರೀಫಲತೋಷಿಣೀ ॥ ೨೬॥

ಬದರೀಫಲಸಮ್ಪೂಜ್ಯಾ ಬದರೀಫಲಭಾವಿತಾ ।
ಬರ್ಹಿಭೀರಞ್ಜಿತಾ ಚೈವ ವಹುಲಾ ವಹುಮಾರ್ಗಗಾ ॥ ೨೭॥

ಬಾಹುದಣ್ಡವಿಲಾಸಿನೀ ಬ್ರಾಹ್ಮೀ ಬುದ್ಧಿವಿವರ್ಧಿನೀ ।
ಭವಾನೀ ಭಯಹರ್ತ್ರೀ ಚ ಭವಪಾಶವಿಮೋಚಿನೀ ॥ ೨೮॥

ಭಸ್ಮಚನ್ದನಸಂಯುಕ್ತಾ ಭಯಶೋಕವಿನಾಶಿನೀ ।
ಭಗಾ ಭಗವತೀ ಭವ್ಯಾ ಭಗೇಜ್ಯಾ ಭಗಪೂಜಿತಾ ॥ ೨೯॥

ಭಾವುಕಾ ಭಾಸ್ವತೀ ಭಾಮಾ ಭ್ರಾಮರೀ ಭಾಸಕಾರಿಣೀ ।
ಭಾರದ್ವಾಜರ್ಷಿಸಮ್ಪೂಜ್ಯಾ ಭಾಸುರಾ ಭಾನುಪೂಜಿತಾ ॥ ೩೦॥

ಭಾಲಿನೀ ಭಾರ್ಗವೀ ಭಾಸಾ ಭಾಸ್ಕರಾನನ್ದದಾಯಿನೀ ।
ಭಿಕ್ಷುಪ್ರಿಯಾ ಭಿಕ್ಷುಪಾಲಾ ಭಿಕ್ಷುವೃನ್ದಸುವನ್ದಿತಾ ॥ ೩೧॥

ಭೀಷಣಾ ಭೀಮಶೌರ್ಯಾ ಚ ಭೀತಿದಾ ಭೀತಿಹಾರಿಣೀ ।
ಭುಜಗೇನ್ದ್ರಶಯಪ್ರೀತಾ ಭುವಿಷ್ಠಾ ಭುವನೇಶ್ವರೀ ॥ ೩೨॥

ಭೂತಾತ್ಮಿಕಾ ಭೂತಪಾಲಾ ಭೂತಿದಾ ಭೂತಲೇಶ್ವರೀ ।
ಭೂತಭವ್ಯಾತ್ಮಿಕಾ ಭೂರಿದಾ ಭೂರ್ಭೂರಿವಾರಿಣೀ । ೩೩॥

ಭೂಮಿಭೋಗರತಾ ಭುಮಿರ್ಭೂಮಿಸ್ಥಾ ಭೂಧರಾತ್ಮಜಾ ।
ಭೂತನಾಥಸದಾಪ್ರೀತಾ ಭೂತನಾಥಸುಪೂಜಿತಾ ॥ ೩೪॥

ಭೂದೇವಾರ್ಚಿತಪಾದಾಬ್ಜಾ ಭೂಧರಾವೃತಸತ್ತಟಾ ।
ಭೂತಪ್ರಿಯಾ ಭೂಪಶ್ರೀರ್ಭೂಪರಕ್ಷಿಣೀ ಭೂರಿಭೂಷಣಾ ॥ ೩೫॥

ಭೃಶಪ್ರವಾಹಾ ಭೃತಿದಾ ಭೃತಕಾಶಾಪ್ರಪೂರಿತಾ ।
ಭೇದಯಿತ್ರೀ ಭೇದಕರ್ತ್ರೀ ಭೇದಾಭೇದವಿವರ್ಜಿತಾ ॥ ೩೬॥

ಭೈರವಪ್ರೀತಿಪಾತ್ರೀ ಚ ಭೈರವಾನನ್ದವರ್ಧಿನೀ ।
ಭೋಗಿನೀ ಭೋಗದಾತ್ರೀ ಚ ಭೋಗಕೃದ್ಭೋಗವರ್ಧಿನೀ ॥ ೩೭॥

ಭೌಮಪ್ರಾಣಿಹಿತಾಕಾಙ್ಕ್ಷೀ ಭೌಮೌಷಧಿವಿವರ್ಧಿನೀ ।
ಮಹಾಮಾಯಾ ಮಹಾದೇವೀ ಮಹಿಲಾ ಚ ಮಹೇಶ್ವರೀ ॥ ೩೮॥

ಮಹಾಮೋಹಾಪಹನ್ತ್ರೀ ಚ ಮಹಾಯೋಗಪರಾಯಣಾ ।
ಮಖಾನುಕೂಲಾ ಮಖಿನೀ ಮಖಭೂಸ್ತರಭೂಷಣಾ ॥ ೩೯॥

ಮನಸ್ವಿನೀ ಮಹಾಪ್ರಜ್ಞಾ ಮನೋಜ್ಞಾ ಮನೋಮೋಹಿನೀ ।
ಮನಶ್ಚಾಞ್ಚಲ್ಯಸಂಹರ್ತ್ರೀ ಮನೋಮಲವಿನಾಶಿನೀ ॥ ೪೦॥

ಮದಹನ್ತ್ರೀ ಮಥುಮತೀ ಮಧುರಾ ಮದಿರೇಕ್ಷಣಾ ।
ಮಣಿಪ್ರಿಯಾ ಮನಃಸಂಸ್ಥಾ ಮದನಾಯುಧರೂಪಿಣೀ ॥ ೪೧॥ var ಮನೀಷಿಣೀ

ಮತ್ಸ್ಯೋದರೀ ಮಹಾಗರ್ತಾ ಮಕರಾವಾಸರೂಪಿಣೀ ।
ಮಾನಿನೀ ಮಾನದಾ ಮಾನ್ಯಾ ಮಾನೈಕ್ಯಾ ಮಾನಮಾನಿನೀ ॥ ೪೨॥

ಮಾರ್ಗದಾ ಮಾರ್ಜನರತಾ ಮಾರ್ಗಿಣೀ ೨೦೦ ಮಾರ್ಗಣಪ್ರಿಯಾ ।
ಮಿತಾಮಿತಸ್ವರೂಪಿಣೀ ಮಿಹಿಕಾ ಮಿಹಿರಪ್ರಿಯಾ ॥ ೪೩॥

ಮೀಢುಷ್ಟಮಸ್ತುತಪದಾ ಮೀಢುಷ್ಟಾ ಮೀರಗಾಮಿನೀ ।
ಮುಕ್ತಪ್ರವಾಹಾ ಮುಖರಾ ಮುಕ್ತಿದಾ ಮುನಿಸೇಬಿತಾ ॥ ೪೪॥

ಮೂಲ್ಯವದ್ವಸ್ತುಗರ್ಭಾ ಚ ಮೂಲಿಕಾ ಮೂರ್ತರೂಪಿಣೀ ।
ಮೃಗದೃಷ್ಟಿರ್ಮೃದುರವಾ ಮೃತಸಞ್ಜೀವವಾರಿಣೀ ॥ ೪೫॥

ಮೇಧಾವಿನೀ ಮೇಘಪುಷ್ಟಿರ್ಮೇಘಮಾನಾತಿಗಾಮಿನೀ ।
ಮೋಹಿನೀ ಮೋಹಹನ್ತ್ರೀ ಚ ಮೋದಿನೀ ಮೋಕ್ಷದಾಯಿನೀ ॥ ೪೬॥

ಮನ್ತ್ರರೂಪಾ ಮನ್ತ್ರಗರ್ಭಾ ಮನ್ತ್ರವಿಜ್ಜನಸೇವಿತಾ ।
ಯಕ್ಷಿಣೀ ಯಕ್ಷಪಾಲಾ ಚ ಯಕ್ಷಪ್ರೀತಿವಿವದ್ಧಿನೀ ॥ ೪೭॥

ಯಕ್ಷವಾರಣದಕ್ಷಾ ಚ ಯಕ್ಷಸಮ್ಮೋಹಕಾರಿಣೀ ।
ಯಶೋಧರಾ ಯಶೋದಾ ಚ ಯದುನಾಥವಿಮೋಹಿನೀ ॥ ೪೮॥

ಯಜ್ಞಾನುಕೂಲಾ ಯಜ್ಞಾಙ್ಗಾ ಯಜ್ಞೇಜ್ಯಾ ಯಜ್ಞವರ್ಧಿನೀ ।
ಯಾಜ್ಯೌಷಧಿಸುಸಮ್ಪನ್ನಾ ಯಾಯಜೂಕಜನೈಃಶ್ರಿತಾ ॥ ೪೯॥

ಯಾತ್ರಾಪ್ರಿಯಾ ಯಾತ್ರಿಕೈಃ ಸಂವ್ಯಾಪ್ತಭೂರ್ಯಾತ್ರಿಕಾರ್ಥದಾ ।
ಯುವತೀ ಯುಕ್ತಪದವೀ ಯುವತೀಜನಸನ್ನುತಾ ॥ ೫೦॥

ಯೋಗಮಾಯಾ ಯೋಗಸಿದ್ಧಾ ಯೋಗಿನೀ ಯೋಗವರ್ಧಿನೀ ।
ಯೋಗಿಸಂಶ್ರಿತಕೂಲಾ ಚ ಯೋಗಿನಾಂ ಗತಿದಾಯಿನೀ ॥ ೫೧॥

ಯನ್ತ್ರತನ್ತ್ರಜ್ಞಸಞ್ಜುಷ್ಟಾ ಯನ್ತ್ರಿಣೀ ಯನ್ತ್ರರೂಪಿಣೀ ।
ರಮಾರೂಪಾ ಚ ರಮಣೀ ರತಿಗರ್ವವಿಭಞ್ಜಿನೀ ॥ ೫೨॥

ರತಿಪೂಜ್ಯಾ ರಕ್ಷಿಕಾ ಚ ರಕ್ಷೋಗಣವಿಮೋಹಿನೀ ।
ರಮಣೀಯವಿಶಾಲಾಙ್ಗಾ ರಙ್ಗಿಣೀ ರಭಸೋಗಮಾ ॥ ೫೩॥

ರಘುರಾಜಾರ್ಚಿತಪದಾ ರಘುವಂಶವಿವರ್ಧಿನೀ ।
ರಾಕೇಶವದನಾ ರಾಜ್ಞೀ ರಾಜಭೋಗವಿಲಾಸಿನೀ ॥ ೫೪॥

ರಾಜಕೇಲಿಸಮಾಕ್ರಾನ್ತಾ ರಾಗಿಣೀ ರಾಜತಪ್ರಮಾ ।
ರಸಪ್ರಿಯಾ ರಾಸಕೇಲಿವರ್ಧಿನೀ ರಾಸರಞ್ಜಿನೀ ॥ ೫೫॥

ರಿಕ್ಥರೇಣುಕಣಾಕೀರ್ಣಾ ರಞ್ಜಿನೀ ರತಿಗಾಮಿನೀ ।
ರುಚಿರಾಙ್ಗಾ ರುಚ್ಯನೀರಾ ರುಕ್ಮಾಭರಣಮೂಷಿತಾ ॥ ೫೬॥

ರೂಪಾತಿಸುನ್ದರಾ ರೇವಾ ರೈಃಪ್ರದಾಯಿನೀ ರೈಣವೀ ।
ರೋಚಿಷ್ಮತೀ ರೋಗಹರ್ತ್ರೀ ರೋಗಿಣಾಮಮೃತೋಪಮಾ ॥ ೫೭॥

ರೌಕ್ಷ್ಯಹರ್ತ್ರೀ ರೌದ್ರರೂಪಾ ರಂಹಗಾ ರಂಹಣಪ್ರಿಯಾ ।
ಲಕ್ಷ್ಮಣಾ ಲಕ್ಷಿಣೀ ಲಕ್ಷ್ಮೀರ್ಲಕ್ಷಣಾ ಲಲಿತಾಮ್ಬಿಕಾ ॥ ೫೮॥

ಲಲಿತಾಲಾಪಸಙ್ಗೀತಾ ಲವಣಾಮ್ಬುಧಿಸಙ್ಗತಾ ।
ಲಾಕ್ಷಾರುಣಪದಾ ಲಾಸ್ಯಾ ಲಾವಣ್ಯಪೂರ್ಣರೂಪಿಣೀ ॥ ೫೯॥

ಲಾಲಸಾಧಿಕಚಾರ್ವಙ್ಗೀ ಲಾಲಿತ್ಯಾನ್ವಿತಭಾಷಿಣೀ ।
ಲಿಪ್ಸಾಪೂರ್ಣಕರಾ ಲಿಪ್ಸುವರದಾ ಚ ಲಿಪಿಪ್ರಿಯಾ ॥ ೬೦॥

ಲೀಲಾವಪುರ್ಧರಾ ಲೀಲಾ ಲೀಲಾಲಾಸ್ಯವಿಹಾರಿಣೀ ।
ಲಲಿತಾದ್ರಿಶಿರಃಪಙ್ಕ್ತಿರ್ಲೂತಾದಿಹಾರಿವಾರಿಣೀ ॥ ೬೧॥

ಲೇಖಾಪ್ರಿಯಾ ಲೇಖನಿಕಾ ಲೇಖ್ಯಚಾರಿತ್ರಮಣ್ಡಿತಾ ।
ಲೋಕಮಾತಾ ಲೋಕರಕ್ಷಾ-ಲೋಕಸಙ್ಗ್ರಹಕಾರಿಣೀ ॥ ೬೨॥

ಲೋಲೇಕ್ಷಣಾ ಚ ಲೋಲಾಙ್ಗಾ ಲೋಕಪಾಲಾಭಿಪೂಜಿತಾ ।
ಲೋಭನೀಯಸ್ವರೂಪಾ ಚ ಲೋಭಮೋಹನಿವಾರಿಣೀ ॥ ೬೩।

ಲೋಕೇಶಮುಖ್ಯವನ್ದ್ಯಾ ಚ ಲೋಕಬನ್ಧುಪ್ರಹರ್ಷಿಣೀ ।
ವಪುಷ್ಮದ್ವರರೂಪಾ ಚ ವತ್ಸಲಾ ವರದಾಯಿನೀ ॥ ೬೪॥

ವರ್ಧಿಷ್ಣುವಾರಿನಿವಹಾ ವಕ್ರಾವಕ್ರಸ್ವರೂಪಿಣೀ ।
ವರಣ್ಡಕಸುಪಾತ್ರಾ ಚ ವನೌಷಧಿವಿವರ್ಧಿನೀ ॥ ೬೫॥

ವಜ್ರಗರ್ಮಾ ವಜ್ರಧರಾ ವಶಿಷ್ಠಾದಿಮುನಿಸ್ತುತಾ ।
ವಾಮಾ ವಾಚಸ್ಪತಿನುತಾ ವಾಗ್ಮಿನೀ ವಾಗ್ವಿಕಾಸಿನೀ ॥ ೬೬॥ var ವಾಗ್ದೇವೀ

ವಾದ್ಯಪ್ರಿಯಾ ಚ ವಾರಾಹೀ ವಾಗ್ಯತಪ್ರಿಯಕೂಲಿನೀ ।
ವಾದ್ಯವರ್ಧನಪಾನೀಯಾ ವಾಟಿಕಾವರ್ಧಿನೀತಟಾ ॥ ೬೭॥

ವಾನಪ್ರಸ್ಥಜನಾವಾಸಾ ವಾರ್ವಟಶ್ರೇಣಿರಞ್ಜಿತಾ ।
ವಿಕ್ರಯಾ ವಿಕಸದ್ವಕ್ತ್ರಾ ವಿಕಟಾ ಚ ವಿಲಕ್ಷಣಾ ॥ ೬೮॥

ವಿದ್ಯಾ ವಿಷ್ಣುಪ್ರಿಯಾ ವಿಶ್ವಮ್ಭರಾ ವಿಶ್ವವಿಮೋಹಿನೀ ।
ವಿಶ್ವಾಮಿತ್ರಸಮಾರಾಧ್ಯಾ ವಿಭೀಷಣವರಪ್ರದಾ ॥ ೬೯॥

ವಿನ್ಧ್ಯಾಚಲೋದ್ಭವಾ ವಿಷ್ಟಿಕರ್ತ್ರೀ ಚ ವಿಬುಧಸ್ತುತಾ ।
ವೀಣಾಸ್ಯವರ್ಣಿತಯಶಾ ವೀಚಿಮಾಲಾವಿಲೋಲಿತಾ ॥ ೭೦॥

ವೀರವ್ರತರತಾ ವೀರಾ ವೀತರಾಗಿಜನೈರ್ನುತಾ ।
ವೇದಿನೀ ವೇದವನ್ದ್ಯಾ ಚ ವೇದವಾದಿಜನೈಃ ಸ್ತುತಾ ॥ ೭೧॥

ವೇಣುವೇಲಾಸಮಾಕೀರ್ಣಾ ವೇಣುಸಂವಾದನಪ್ರಿಯಾ ।
ವೈಕುಣ್ಠಪತಿಸಮ್ಪ್ರೀತಾ ವೈಕುಣ್ಠಲಗ್ನವಾಮಿಕಾ ॥ ೭೨॥

ವೈಜ್ಞಾನಿಕಧಿಯೋರ್ಲಕ್ಷ್ಯಾ ವೈತೃಷ್ಣ್ಯಕಾರಿವಾರಿಣೀ ।
ವೈಧಾತ್ರನುತಪಾದಾಬ್ಜಾ ವೈವಿಧ್ಯಪ್ರಿಯಮಾನಸಾ ॥ ೭೩॥

ಶರ್ವರೀ ಶವರೀಪ್ರೀತಾ ಶಯಾಲುಃ ಶಯನಪ್ರಿಯಾ ।
ಶತ್ರುಸಮ್ಮೋಹಿನೀ ಶತ್ರುಬುದ್ಧಿಘ್ನೀ ಶತ್ರುಘಾತಿನೀ ॥ ೭೪॥

ಶಾನ್ಭವೀ ಶ್ಯಾಮಲಾ ಶ್ಯಾಮಾ ಶಾರದಾಮ್ಬಾ ಚ ಶಾರ್ಙ್ಗಿಣೀ ।
ಶಿವಾ ಶಿವಪ್ರಿಯಾ ಶಿಷ್ಟಾ ಶಿಷ್ಟಾಚಾರಾನುಮೋದಿನೀ ॥ ೭೫॥

ಶೀಘ್ರಾ ಚ ಶೀತಲಾ ಶೀತಗನ್ಧಪುಷ್ಪಾದಿಮಣ್ಡಿತಾ ।
ಶುಭಾನ್ವಿತಜನೈರ್ಲಭ್ಯಾ ಶುನಾಸೀರಾದಿಸೇವಿತಾ ॥ ೭೬॥

ಶೂಲಿನೀ ಶೂಲಘೃಕ್ಪೂಜ್ಯಾ ಶೂಲಾದಿಹರವಾರಿಣೀ ।
ಶೃಙ್ಗಾರರಞ್ಜಿತಾಙ್ಗಾ ಚ ಶೃಙ್ಗಾರಪ್ರಿಯನಿಮ್ನಗಾ ॥ ೭೭॥

ಶೈವಲಿನೀ ಶೇಷರೂಪಾ ಶೇಷಶಾಯ್ಯಭಿಪೂಜಿತಾ ।
ಶೋಭನಾ ಶೋಭನಾಙ್ಗಾ ಚ ಶೋಕಮೋಹನಿವಾರಿಣೀ ॥ ೭೮॥

ಶೌಚಪ್ರಿಯಾ ಶೌರಿಮಾಯಾ ಶೌನಕಾದಿಮುನಿಸ್ತುತಾ ।
ಶಂಸಾಪ್ರಿಯಾ ಶಙ್ಕರೀ ಶಙ್ಕರಾಚಾರ್ಯಾದಿಸೇವಿತಾ ॥ ೭೨॥

ಶಂವರ್ಧಿನೀ ಷಡಾರಾತಿನಿಹನ್ತ್ರೀ ಷಟ್ಕರ್ಮಿಸಂಶ್ರಯಾ ।
ಸರ್ವದಾ ಸಹಜಾ ಸನ್ಧ್ಯಾ ಸಗುಣಾ ಸರ್ವಪಾಲಿಕಾ ॥ ೮೦॥

ಸರ್ವಸ್ವರೂಪಾ ಸರ್ವೇಜ್ಯಾ ಸರ್ವಮಾನ್ಯಾ ಸದಾಶಿವಾ ।
ಸರ್ವಕರ್ತ್ರೀಂ ಸರ್ವಪಾತ್ರೀ ಸರ್ವಸ್ಥಾ ಸರ್ವಧಾರಿಣೀ ॥ ೮೧॥

ಸರ್ವಧರ್ಮಸುಸನ್ಧಾತ್ರೀ ಸರ್ವವನ್ದ್ಯಪದಾಮ್ಬುಜಾ ।
ಸರ್ವಕಿಲ್ಬಿಷಹನ್ತ್ರೀ ಚ ಸರ್ವಭೀತಿನಿವಾರಿಣೀ ॥ ೮೨॥

ಸಾವಿತ್ರೀ ಸಾತ್ತ್ವಿಕಾ ಸಾಧ್ವೀ ಸಾಧುಶೀಲಾ ಚ ಸಾಕ್ಷಿಣೀ ।
ಸಿತಾಶ್ಮರಪ್ರತೀರಾ ಚ ಸಿತಕೈರವಮಣ್ಡಿತಾ ॥ ೮೩॥

ಸೀಮಾನ್ವಿತಾ ಸೀಕರಾಮ್ಭಃಸೀತ್ಕಾರಾಶ್ರಯಕೂಲಿನೀ ।
ಸುನ್ದರೀ ಸುಗಮಾ ಸುಸ್ಥಾ ಸುಶೀಲಾ ಚ ಸುಲೋಚನಾ ॥ ೮೪॥

ಸುಕೇಶೀ ಸುಖದಾತ್ರೀ ಚ ಸುಲಭಾ ಸುಸ್ಥಲಾ ಸುಧಾ ।
ಸುವಾಚಿನೀ ಸುಮಾಯಾ ಚ ಸುಮುಖಾ ಸುವ್ರತಾ ಸುರಾ ॥ ೮೫॥

ಸುಧಾರ್ಣವಸ್ವರೂಪಾ ಚ ಸುಧಾಪೂರ್ಣಾ ಸುದರ್ಶನಾ ।
ಸೂಕ್ಷ್ಮಾಮ್ಬರಧರಾ ಸೂತವರ್ಣಿತಾ ಸೂರಿಪೂಜಿತಾ ॥ ೮೬॥

ಸೃಷ್ಟಿವರ್ಧಿನೀ ಚ ಸೃಷ್ಟಿಕರ್ತೃಭಿಃ ಪರಿಪೂಜಿತಾ ।
ಸೇವಾಪ್ರಿಯಾ ಸೇವಧಿನೀ ಸೇತುಬನ್ಧಾದಿಮಣ್ಡಿತಾ ॥ ೮೭॥

ಸೈಕತಕ್ಷೋಣಿಕೂಲಾ ಚ ಸೈರಿಭಾದಿಸುಖಪ್ರಿಯಾ ।
ಸೋಮರೂಪಾ ಸೋಮದಾತ್ರೀ ಸೋಮಶೇಖರಮಾನಿತಾ ॥ ೮೮॥

ಸೌರಸ್ಯಪೂರ್ಣಸಲಿಲಾ ಸೌಮೇಧಿಕಜನಾಶ್ರಯಾ ।
ಸೌಶೀಲ್ಯಮಣ್ಡಿತಾ ಸೌಮ್ಯಾ ಸೌರಾಜ್ಯಸುಖದಾಯಿನೀ ॥ ೮೯॥

ಸೌಜನ್ಯಯುಕ್ತಸುಲಭಾ ಸೌಮಙ್ಗಲ್ಯಾದಿವರ್ಧಿನೀ ।
ಸೌಭಾಗ್ಯದಾನನಿಪುಣಾ ಸೌಖ್ಯಸಿನ್ಧುವಿಹಾರಿಣೀ ॥ ೯೦॥

ಸಂವಿಧಾನಪರಾ ಸಂವಿತ್ಸಮ್ಭಾವ್ಯಪದದಾಯಿನೀ ।
ಸಂಶ್ಲಿಷ್ಟಾಮ್ಬುಧಿಸರ್ವಾಙ್ಗಾ ಸನ್ನಿಧೇಯಜಲಾಶ್ರಯಾ ॥ ೯೧॥

ಹರಿಪ್ರಿಯಾ ಹಂಸರೂಪಾ ಹರ್ವಸಂವರ್ಧಿನೀ ಹರಾ ।
ಹನುಮತ್ಪ್ರೀತಿಮಾಪನ್ನಾ ಹರಿದ್ಭೂಮಿವಿರಾಜಿತಾ ॥ ೯೨॥

ಹಾಟಕಾಲಙ್ಕಾರಭೂಷಾ ಚ ಹಾರ್ಯಸದ್ಗುಣಮಣ್ಡಿತಾ ।
ಹಿತಸಂಸ್ಪರ್ಶಸಲಿಲಾ ಹಿಮಾಂಶುಪ್ರತಿಬಿಮ್ಬಿತಾ ॥ ೯೩॥

ಹೀರಕದ್ಯುತಿಯುಕ್ತಾ ಚ ಹೀನಕರ್ಮವಿಗರ್ಹಿತಾ ।
ಹುತಿಕರ್ತೃದ್ವಿಜಾಧಾರಾ ಹೂಶ್ಛರ್ದನಕ್ಷಯಕಾರಿಣೀ ॥ ೯೪॥

ಹೃದಯಾಲುಸ್ವಭಾವಾ ಚ ಹೃದ್ಯಸದ್ಗುಣಮಣ್ಡಿತಾ ।
ಹೇಮವರ್ಣಾಭವಸನಾ ಹೇಮಕಞ್ಚುಕಿಧಾರಿಣೀ ॥ ೯೫॥

ಹೋತೃಣಾಂ ಪ್ರಿಯಕೂಲಾ ಚ ಹೋಮ್ಯದ್ರವ್ಯಸುಗರ್ಭಿತಾ ।
ಹಂಸಾ ಹಂಸಸ್ವರೂಪಾ ಚ ಹಂಸಿಕಾ ಹಂಸಗಾಮಿನೀ ॥ ೯೬॥

ಕ್ಷಮಾರೂಪಾ ಕ್ಷಮಾಪೂಜ್ಯಾ ಕ್ಷಮಾಪೃಷ್ಠಪ್ರವಾಹಿನೀ ।
ಕ್ಷಮಾಕರ್ತ್ರೀ ಕ್ಷಮೋದ್ಧರ್ತ್ರೀ ಕ್ಷಮಾದಿಗುಣಮಣ್ಡಿತಾ ॥ ೯೭॥

ಕ್ಷರರೂಪಾ ಕ್ಷರಾ ಚೈವ ಕ್ಷರವಸ್ತ್ವಾಶ್ರಯಾ ತಥಾ ।
ಕ್ಷಪಾಕರಕರೋಲ್ಲಾಸಿನೀ ಕ್ಷಪಾಚರಹಾರಿಣೀ ॥ ೯೮॥

ಕ್ಷಾನ್ತಾ ಕ್ಷಾನ್ತಿಗುಣೋಪೇತಾ ಕ್ಷಾಮಾದಿಪರಿಹಾರಿಣೀ ।
ಕ್ಷಿಪ್ರಗಾ ಕ್ಷಿತ್ಯಲಙ್ಕಾರಾ ಕ್ಷಿತಿಪಾಲಸಮಾಹಿತಾ ॥ ೯೯॥

ಕ್ಷೀಣಾಯುರ್ಜನಪೀಯೂಷಾ ಕ್ಷೀಣಕಿಲ್ಬಿಷಸೇವಿತಾ ।
ಕ್ಷೇತ್ರಿಯಾದಿನಿಯನ್ತ್ರೀ ಚ ಕ್ಷೇಮಕಾರ್ಯಸುತತ್ಪರಾ ॥ ೧೦೦॥

ಕ್ಷೇತ್ರಸಂವರ್ಧಿನೀ ಚೈವ ಕ್ಷೇತ್ರೈಕಜೀವನಾಶ್ರಯಾ ।
ಕ್ಷೋಣೀಭೃದಾವೃತಪದಾ ಕ್ಷೌಮಾಮ್ಬರವಿಭೂಷಿತಾ ॥ ೧೦೧॥

ಕ್ಷನ್ತವ್ಯಗುಣಗಮ್ಭೀರಾ ಕ್ಷನ್ತುಕರ್ಮೈಕತತ್ಪರಾ ।
ಜ್ಞಪ್ತಿವರ್ಧನಶೀಲಾ ಚ ಜ್ಞಸ್ವರೂಪಾ ಜ್ಞಮಾತೃಕಾ ॥ ೧೦೨॥

ಜ್ಞಾನಸ್ವರೂಪವ್ಯಕ್ತಾ ಚ ಜ್ಞಾತೃಸಂವರ್ಧಿನೀ ತಥಾ ।
ಅಮ್ಬಾಶೋಕಾಽಞ್ಜನಾ ಚೈವ ಅನಿರುದ್ಧಾಗ್ನಿಸ್ವರೂಪಿಣೀ ॥ ೧೦೩॥

ಅನೇಕಾತ್ಮಸ್ವರೂಪಾ ಚಾಮರೇಶ್ವರಸುಪೂಜಿತಾ ।
ಅವ್ಯಯಾಕ್ಷರರೂಪಾ ಚಾಪಾರಾಽಗಾಧಸ್ವರೂಪಿಣೀ ॥ ೧೦೪॥

ಅವ್ಯಾಹತಪ್ರವಾಹಾ ಚ ಹ್ಯವಿಶ್ರಾನ್ತಕ್ರಿಯಾತ್ಮಿಕಾ ।
ಆದಿಶಕ್ತಿರಾದಿಮಾಯಾ ಆಕೀರ್ಣನಿಜರೂಪಿಣೀ ॥ ೧೦೫॥

ಆದೃತಾತ್ಮಸ್ವರೂಪಾ ಚಾಮೋದಪೂರ್ಣವಪುಷ್ಮತೀ ।
ಆಸಮನ್ತಾದಾರ್ಷಪಾದಾ ಹ್ಯಾಮೋದನಸುಪೂರ್ಣಭೂಃ ॥ ೧೦೬॥

ಆತಙ್ಕದಾರಣಗತಿರಾಲಸ್ಯವಾಹನಸ್ಥಿತಾ ।
ಇಷ್ಟದಾನಮಹೋದಾರಾ ಇಷ್ಟಯೋಗ್ಯಸುಭೂಸ್ತುತಾ ॥ ೧೦೭॥

ಇನ್ದಿರಾರಮಣಾರಾಧ್ಯಾ ಇನ್ದುಧೃಕ್ಪೂಜನಾರತಾ ।
ಇನ್ದ್ರಾದ್ಯಮರವನ್ದ್ಯಾಙ್ಘ್ರಿರಿಙ್ಗಿತಾರ್ಥಪ್ರದಾಯಿನೀ ॥ ೧೦೮॥

ಈಶ್ವರೀ ಚೇತಿಹನ್ತ್ರೀ ಚ ಈತಿಭೀತಿನಿವಾರಿಣೀ ।
ಈಪ್ಸೂನಾಂ ಕಲ್ಪವಲ್ಲರಿರುಕ್ಥಶೀಲವತೀ ತಥಾ ॥ ೧೦೯॥

ಉತ್ತಾನಗತಿವಾಹಾ ಚೋಚ್ಚೋಚ್ಚಾವಚಪದಾಪಗಾ ।
ಉತ್ಸಾಹಿಜನಸಂಸೇವ್ಯಾ ಚೋತ್ಫುಲ್ಲತರುಕೂಲಿನೀ ॥ ೧೧೦॥

ಊರ್ಜಸ್ವಿನೀ ಚೋರ್ಜಿತಾ ಚ ಊರ್ಧ್ವಲೋಕಪ್ರದಾಯಿನೀ ।
ಋಣಹರ್ತೃಸ್ತೋತ್ರತುಷ್ಟಾ ಋದ್ಧಿತಾರ್ಣನಿವಾರಿಣೀ ॥ ೧೧೧॥

ಐಷ್ಟವ್ಯಪದಸನ್ಧಾತ್ರೀ ಐಹಿಕಾಮುಷ್ಮಿಕಾರ್ಥದಾ ।
ಓಜಸ್ವಿನೀ ಹ್ಯೋಜೋವತೀ ಹ್ಯೌದಾರ್ಯಗುಣಭಾಜಿನೀ ॥ ೧೧೨॥

ಕಲ್ಯಾಣೀ ಕಮಲಾ ಕಞ್ಜಧಾರಿಣೀ ಕಮಲಾವತೀ ।
ಕಮನೀಯಸ್ವರೂಪಾ ಚ ಕಟಕಾಭರಣಾನ್ಯಿತಾ ॥ ೧೧೩॥

ಕಾಶೀ ಕಾಞ್ಚೀ ಚ ಕಾವೇರೀ ಕಾಮದಾ ಕಾರ್ಯವರ್ಧಿನೀ ।
ಕಾಮಾಕ್ಷೀ ಕಾಮಿನೀ ಕಾನ್ತಿಃ ಕಾಮಾತಿಸುನ್ದರಾಙ್ಗಿಕಾ ॥ ೧೧೪॥

ಕಾರ್ತವೀರ್ಯಕ್ರೀಡಿತಾಙ್ಗಾ ಕಾರ್ತವೀರ್ಯಪ್ರಬೋಧಿನೀ ।
ಕಿರೀಟಕುಣ್ಡಲಾಲಙ್ಕಾರಾರ್ಚಿತಾ ಕಿಙ್ಕರಾರ್ಥದಾ ॥ ೧೧೫॥

ಕೀರ್ತನೀಯಗುಣಾಗಾರಾ ಕೀರ್ತನಪ್ರಿಯಮಾನಸಾ ।
ಕುಶಾವರ್ತನಿವಾಸಾ ಚ ಕುಮಾರೀ ಕುಲಪಾಲಿಕಾ ॥ ೧೧೬॥

ಕುರುಕುಲ್ಲಾ ಕುಣ್ಡಲಿನೀ ಕುಮ್ಭಾ ಕುಮ್ಭೀರವಾಹಿನೀ ।
ಕೂಪಿಕಾ ಕೂರ್ದನವತೀ ಕೂಪಾ ಕೂಪಾರಸಙ್ಗತಾ ॥ ೧೧೭॥

ಕೃತವೀರ್ಯವಿಲಾಸಾಢ್ಯಾ ಕೃಷ್ಣಾ ಕೃಷ್ಣಗತಾಶ್ರಯಾ ।
ಕೇದಾರಾವೃತಮೂಭಾಗಾ ಕೇಕೀಶುಕಪಿಕಾಶ್ರಯಾ ॥ ೧೧೮॥

ಕೈಲಾಸನಾಥಸನ್ಧಾತ್ರೀ ಕೈವಲ್ಯದಾ ಚ ಕೈಟಭಾ ।
ಕೋಶಲಾ ಕೋವಿದನುತಾ ಕೋಮಲಾ ಕೋಕಿಲಸ್ವನಾ ॥ ೧೧೯॥

ಕೌಶೇಯೀ ಕೌಶಿಕಪ್ರೀತಾ ಕೌಶಿಕಾಗಾರವಾಸಿನೀ ।
ಕಞ್ಜಾಕ್ಷೀ ಕಞ್ಜವದನಾ ಕಞ್ಜಪುಷ್ಪಸದಾಪ್ರಿಯಾ ॥ ೧೨೦॥

ಕಞ್ಜಕಾನನಸಞ್ಚಾರೀ ಕಞ್ಜಮಾಲಾಸುಸನ್ಧೃತಾ ॥

ಖಗಾಸನಪ್ರಿಯಾ ಖಡ್ಗಪಾಣಿನೀ ಖರ್ಪರಾಯುಧಾ ॥ ೧೨೧॥

ಖಲಹನ್ತ್ರೀ ಚ ಖಟ್ವಾಙ್ಗಧಾರಿಣೀ ಖಗಗಾಮಿನೀ ।
ಖಾದಿಪಞ್ಚಮಹಾಭೂತರೂಪಾ ಖವರ್ಧನಕ್ಷಮಾ ॥ ೧೨೨॥

ಗಣತೋಷಿಣೀ ಗಮ್ಭೀರಾ ಗಣಮಾನ್ಯಾ ಗಣಾಧಿಪಾ ।
ಗಣಸಂರಕ್ಷಣಪರಾ ಗಣಸ್ಥಾ ಗಣಯನ್ತ್ರಿಣೀ ॥ ೧೨೩॥

ಗಣ್ಡಕೀ ಗನ್ಧಸಲಿಲಾ ಗಙ್ಗಾ ಚ ಗರುಡಪ್ರಿಯಾ ।
ಗಲಗಣ್ಡಾಪಹರ್ತ್ರೀ ಚ ಗದಹಾರಿಸುವಾರಿಣೀ ॥ ೧೨೪॥

ಗಾಯತ್ರೀ ಚೈವ ತಸ್ಯಾಗ್ರೇ ಗಾಧೇಯಾರ್ಚಿತಸತ್ಪದಾ ।
ಗಾಥಾಪ್ರಿಯಾ ಗಾಢವಹಾ ಗಾರುತ್ಮತತಟಾಕಿನೀ ॥ ೧೨೫॥

ಗಿರಿಜಾ ಗಿರೀಶತನಯಾ ಗಿರೀಶಪ್ರೇಮವರ್ಧಿನೀ ।
ಗೀರ್ವಾಣೀ ಗೀಷ್ಪತಿನುತಾ ಗೀತಿಕಾಪ್ರಿಯಮಾನಸಾ ॥ ೧೨೬॥

ಗುಡಾಕೇಶಾರ್ಚನಪರಾ ಗುರೂರಹಃಪ್ರವಾಹಿನೀ ।
ಗೇಹೀ ಸರ್ವಾರ್ಥದಾತ್ರೀ ಚ ಗೇಯೋತ್ತಮಗುಣಾನ್ಯಿತಾ ॥ ೧೨೭॥

ಗೋಧನಾ ಗೋಪನಾ ಗೋಪೀ ಗೋಪಾಲಕಸದಾಪ್ರಿಯಾ ।
ಗೋತ್ರಪ್ರಿಯಾ ಗೋಪವೃತಾ ಗೋಕುಲಾವೃತಸತ್ತಟಾ ॥ ೧೨೮॥

ಗೌರೀ ಗೌರಾಙ್ಗಿಣೀ ಗೌರಾ ಗೌತಮೀ ಗೌತಮಪ್ರಿಯಾ ।
ಘನಪ್ರಿಯಾ ಘನರವಾ ಘನೌಘಾ ಘನವರ್ಧಿನೀ ॥ ೧೨೯॥

ಘನಾರ್ತಿಹರ್ತ್ರೀ ಘನರುಕ್ಪರಿಹರ್ತ್ರೀ ಘನದ್ಯುತಿಃ ।
ಘನಪಾಪೌಘಸಂಹರ್ತ್ರೀ ಘನಕ್ಲೇಶನಿವಾರಿಣೀ ॥ ೧೩೦॥

ಘನಸಾರಾರ್ತಿಕಪ್ರೀತಾ ಘನಸಮ್ಮೋಹಹಾರಿಣೀ ।
ಘರ್ಮಾಮ್ಬುಪರಿಹರ್ತ್ರೀ ಚ ಘರ್ಮಾನ್ತಘರ್ಮಹಾರಿಣೀ ॥ ೧೩೧॥

ಘರ್ಮಾನ್ತಕಾಲಸಙ್ಕ್ಷೀಣಾ ಘನಾಗಮಸುಹರ್ಷಿಣೀ ।
ಘಟ್ಟದ್ವಿಪಾರ್ಶ್ವಾನುಗತಾ ಘಟ್ಟಿನೀ ಘಟ್ಟಭೂಷಿತಾ ॥ ೧೩೨॥

ಚತುರಾ ಚನ್ದ್ರವದನಾ ಚನ್ದ್ರಿಕೋಲ್ಲಾಸಚಞ್ಚಲಾ ।
ಚಮ್ಪಕಾದರ್ಶಚಾರ್ವಙ್ಗೀ ಚಪಲಾ ಚಮ್ಪಕಪ್ರಿಯಾ ॥ ೧೩೩॥

ಚಲತ್ಕುಣ್ಡಲಚಿನ್ಮೌಲಿಚಕ್ಷುಷೀ ಚನ್ದನಪ್ರಿಯಾ ।
ಚಣ್ಡಮುಣ್ಡನಿಹನ್ತ್ರೀ ಚ ಚಣ್ಡಿಕಾ ಚಣ್ಡವಿಕ್ರಮಾ ॥ ೧೩೪॥

ಚಾರುರೂಪಾ ಚಾರುಗಾತ್ರೀ ಚಾರುಚನ್ದ್ರಸಮಾನನಾ ।
ಚಾರ್ವೀಕ್ಷಣಾ ಚಾರುನಾಸಾ ಚಾರುಪಟ್ಟಾಂಶುಕಾವೃತಾ ॥ ೧೩೫॥

ಚಾರುಚನ್ದನಲಿಪ್ತಾಙ್ಗಾ ಚಾರ್ವಲಙ್ಕಾರಮಣ್ಡಿತಾ ।
ಚಾಮೀಕರಸುಶೋಭಾಢ್ಯಾ ಚಾಪಖರ್ಪರಧಾರಿಣೀ ॥ ೧೩೬॥

ಚಾರುನಕ್ರವರಸ್ಥಾ ಚ ಚಾತುರಾಶ್ರಮ್ಯಜೀವಿನೀ ।
ಚಿತ್ರಿತಾಮ್ಬರಸಮ್ಭೂಷಾ ಚಿತ್ರಾ ಚಿತ್ರಕಲಾಪ್ರಿಯಾ ॥ ೧೩೭॥

ಚೀನಕಾರ್ತಿಕ್ಯಸಮ್ಪ್ರೀತಾ ಚೀರ್ಣಚಾರಿತ್ರಮಣ್ಡನಾ ।
ಚುಲುಮ್ಬಕರಣಾಸಕ್ತಾ ಚುಮ್ಬನಾಸ್ವಾದತತ್ಪರಾ ॥ ೧೩೮॥

ಚೂಡಾಮಣಿಸುಶೋಭಾಢ್ಯಾ ಚೂಡಾಲಙ್ಕೃತಪಾಣಿನೀ ।
ಚೂಲಕಾದಿಸುಭಕ್ಷ್ಯಾ ಚ ಚೂಷ್ಯಾಸ್ವಾದನತತ್ಪರಾ ॥ ೧೩೯॥

ಚೇತೋಹರಸ್ವರೂಪಾ ಚ ಚೇತೋವಿಸ್ಮಯಕಾರಿಣೀ ।
ಚೇತಸಾಂ ಮೋದಯಿತ್ರೀ ಚ ಚೇತಸಾಮತಿಪಾರಗಾ ॥ ೧೪೦॥

ಚೈತನ್ಯಘಟಿತಾಙ್ಗಾ ಚ ಚೈತನ್ಯಲೀನಭಾವಿನೀ ।
ಚೋಕ್ಷ್ಯವ್ಯವಹಾರವತೀ ಚೋದ್ಯಪ್ರಕೃತಿರೂಪಿಣೀ ॥ ೧೪೧॥

ಚೋಕ್ಷ್ಯಸ್ವರೂಪಾ ಚೋಕ್ಷ್ಯಾಙ್ಗೀ ಚೋಕ್ಷ್ಯಾತ್ಮನಾಂ ಸಮೀಪಿನೀ ।
ಛತ್ರರೂಪಾ ಛಟಾಕಾರಾ ಛರ್ದಿನೀ ಛತ್ರಕಾನ್ವಿತಾ ॥ ೧೪೨॥

ಛತ್ರಪ್ರಿಯಾ ಛನ್ನಮುಖೀ ಛನ್ದೋನುತಯಶಸ್ವಿನೀ ।
ಛಾನ್ದಸಾಶ್ರಿತಸತ್ಕೂಲಾ ಛಾಯಾಗ್ರಾಹ್ಯಾ ಛಿದ್ರಾತ್ಮಿಕಾ ॥ ೧೪೩॥ var ಚಿದಾತ್ಮಿಕಾ

ಜನಯಿತ್ರೀ ಚ ಜನನೀ ಜಗನ್ಮಾತಾ ಜನಾರ್ತಿಹಾ ।
ಜಯರೂಪಾ ಜಗದದ್ಧಾತ್ರೀ ಜವನಾ ಜನರಞ್ಜನಾ ॥ ೧೪೪॥

ಜಗಜ್ಜೇತ್ರೀ ಚ ಜಗದಾನನ್ದಿನೀ ಜಗದಮ್ಬಿಕಾ ।
ಜನಶೋಕಹರಾ ಜನ್ತುಜೀವಿನೀ ಜಲದಾಯಿನೀ ॥ ೧೪೫॥

ಜಡತಾಘಪ್ರಶಮನೀ ಜಗಚ್ಛಾನ್ತಿವಿಧಾಯಿನೀ ।
ಜನೇಶ್ವರನಿವಾಸಿನೀ ಜಲೇನ್ಧನಸಮನ್ವಿತಾ ॥ ೧೪೬॥

ಜಲಕಣ್ಟಕಸಂಯುಕ್ತಾ ಜಲಸಙ್ಕ್ಷೋಭಕಾರಿಣೀ ।
ಜಲಶಾಯಿಪ್ರಿಯಾ ಜನ್ಮಪಾವಿನೀ ಜಲಮೂರ್ತಿನೀ ॥ ೧೪೭॥

ಜಲಾಯುತಪ್ರಪಾತಾ ಚ ಜಗತ್ಪಾಲನತತ್ಪರಾ ।
ಜಾನಕೀ ಜಾಹ್ನವೀ ಜಾಡ್ಯಹನ್ತ್ರೀ ಜಾನಪದಾಶ್ರಯಾ ॥ ೧೪೮॥

ಜಿಜ್ಞಾಸುಜನಜಿಜ್ಞಾಸ್ಯಾ ಜಿತೇನ್ದ್ರಿಯಸುಗೋಚರಾ ।
ಜೀವಾನಾಂ ಜನ್ಮಹೇತುಶ್ಚ ಜೀವನಾಧಾರರೂಪಿಣೀ ॥ ೧೪೯॥

ಝಷಸಙ್ಖ್ಯಾಕುಲಾಧಾನೀ ಝಷರಾಜಾಯುತಾಕುಲಾ ।
ಝಞ್ಝನಧ್ಯನಿಪ್ರೀತಾ ಚ ಝಞ್ಝಾನಿಲಸಮರ್ದಿತಾ ॥ ೧೫೦॥

ಟಟ್ಟರಶ್ರವಣಪ್ರೀತಾ ಠಕ್ಕುರಶ್ರವಣಪ್ರಿಯಾ ।
ಡಯನಾರೋಹಸಞ್ಚಾರೀ ಡಮರೀವಾದ್ಯಸತ್ಪ್ರಿಯಾ ॥ ೧೫೧॥

ಡಾಙ್ಕೃತಧ್ವನಿಸಮ್ಪ್ರೀತಾ ಡಿಮ್ಬಿಕಾಗ್ರಹಣೋದ್ಯತಾ ।
ಢುಣ್ಡಿರಾಜಪ್ರಿಯಕರಾ ಢುಣ್ಡಿರಾಜಪ್ರಪೂಜಿತಾ ॥ ೧೫೨॥

ತನ್ತುವಾದ್ಯಪ್ರಿಯಾ ತನ್ತ್ರೀ ತನ್ತ್ರಿಣೀ ತಪಮಾನಿನೀ ।
ತರಙ್ಗಿಣೀ ಚ ತಟಿನೀ ತರುಣೀ ಚ ತಪಸ್ವಿನೀ ॥ ೧೫೩॥

ತಪಿನೀ ಚ ತಮೋಹನ್ತ್ರೀ ತಪತೀ ತತ್ತ್ವವೇದಿನೀ ।
ತತ್ತ್ವಪ್ರಿಯಾ ಚ ತನ್ವಙ್ಗೀ ತಪೋಽರ್ಥೀಯಸುಭೂಮಿಕಾ ॥ ೧೫೪॥

ತಪಶ್ಚರ್ಯಾವತಾಂ ತ್ರಾತ್ರೀ ತಪಿಷ್ಣುಜನವಾರಿಣೀ ।
ತನ್ದ್ರಾದಿವಿಘ್ನಸಂಹರ್ತ್ರೀ ತಮೋಜಾಲನಿವಾರಿಣೀ ॥ ೧೫೫॥

ತಾಪತ್ರಿತಯಸಂಹರ್ತ್ರೀ ತಾಪಾಪಹಾರಿವಾರಿಣೀ ।
ತಿತಿಕ್ಷುಜನಸಂವಾಸಾ ತಿತಿಕ್ಷಾವೃತ್ತಿವರ್ಧಿನೀ ॥ ೧೫೬॥

ತೀವ್ರಸ್ಯನ್ದಾ ತೀವ್ರಗಾ ಚ ತೀರ್ಥಭೂಸ್ತೀರ್ಥಿಕಾಶ್ರಯಾ ।
ತುಙ್ಗಕೇಶರಕೂಲಾಢ್ಯಾ ತುರಾಸಾಹಾದಿಭಿರ್ನುತಾ ॥ ೧೫೭॥

ತುರ್ಯಾರ್ಥದಾನನಿಪುಣಾ ತೂರ್ಣಿನೀ ತೂರ್ಣರಂಹಿಣೀ ।
ತೇಜೋಮಯೀ ತೇಜಸೋಽಬ್ಧಿರಿತಿ ನಾಮಸಮರ್ಚಿತಾ ॥ ೧೫೮॥

ತೈಜಸಾನಾಮಥಿಷ್ಠಾತ್ರೀ ತೈತಿಕ್ಷೂಣಾಂ ಸಹಾಯಿಕಾ ।
ತೋಷವಾರ್ಧಿಶ್ಚ ತೋಷೈಕಗುಣಿನೀ ತೋಷಭಾಜಿನೀ ॥ ೧೫೯॥

ತೋಷಿಕಾನ್ವಿತಭೂಯುಕ್ತಪೃಷ್ಠಿನೀಪದಸಂಯುತಾ ।
ದತ್ತಹಸ್ತಾ ದರ್ಪಹರಾ ದಮಯನ್ತೀ ದಯಾರ್ಣವಾ ॥ ೧೬೦॥

ದರ್ಶನೀಯಾ ದರ್ಶಯಿತ್ರೀ ದಕ್ಷಿಣೋತ್ತರಕೂಲಿನೀ ।
ದಸ್ಯುಹನ್ತ್ರೀ ದುರ್ಭರಿಣೀ ದಯಾದಕ್ಷಾ ಚ ದರ್ಶಿನೀ ॥ ೧೬೧॥

ದಾನಪೂಜ್ಯಾ ತಥಾ ಚೈವ ದಾನಮಾನಸುತೋಷಿತಾ ।
ದಾರಕೌಘವತೀ ದಾತ್ರೀ ದಾರುಣಾರ್ತಿನಿವಾರಿಣೀ ॥ ೧೬೨॥

ದಾರಿದ್ರ್ಯದುಃಖಸಂಹರ್ತ್ರೀ ದಾನವಾನೀಕನಾಶಿನೀ ।
ದಿಣ್ಡೀರಸ್ವನಸನ್ತುಷ್ಟಾ ದಿವೌಕಸಸಮರ್ಚಿತಾ ॥ ೧೬೩॥

ದೀನಾನಾಂ ಧನಸನ್ದಾತ್ರೀ ದೀನದೈನ್ಯನಿವಾರಿಣೀ ।
ದೀಪ್ತದೀಪೋಲ್ಲಾಸವತೀ ದೀಪಾರಾಧನಸತ್ಪ್ರಿಯಾ ॥ ೧೬೪॥

ದುರಾರಾತಿಹರಾ ದುಃಖಹನ್ತ್ರೀ ದುರ್ವಾಸಃಸನ್ನುತಾ ।
ದುರ್ಲಭಾ ದುರ್ಗತಿಹರಾ ದುಃಖಾರ್ತಿವಿನಿವಾರಿಣೀ ॥ ೧೬೫॥

ದುರ್ವಾರವಾರಿನಿವಹಾ ದುರ್ಗಾ ದುರ್ಭಿಕ್ಷಹಾರಿಣೀ ।
ದುರ್ಗರೂಪಾ ಚ ದುರನ್ತದೂರಾ ದುಷ್ಕೃತಿಹಾರಿಣೀ ॥ ೧೬೬॥

ದೂನದುಃಖನಿಹನ್ತ್ರೀ ಚ ದೂರದರ್ಶಿನಿಷೇವಿತಾ ।
ಧನ್ಯಾ ಧನೇಶಮಾನ್ಯಾ ಚ ಧನದಾ ಧನವರ್ಧಿನೀ ॥ ೧೬೭॥

ಧರಣೀಧರಮಾನ್ಯಾ ಚ ಧರ್ಮಕರ್ಮಸುವರ್ಧಿನೀ ।
ಧಾಮಿನೀ ಧಾಮಪೂಜ್ಯಾ ಚ ಧಾರಿಣೀ ಧಾತುಜೀವಿನೀ ॥ ೧೬೮॥

ಧಾರಾಧರೀ ಧಾವಕಾ ಚ ಧಾರ್ಮಿಕಾ ಧಾತುವರ್ಧಿನೀ ।
ಧಾತ್ರೀ ಚ ಧಾರಣಾರೂಪಾ ಧಾವಲ್ಯಪೂರ್ಣವಾರಿಣೀ ॥ ೧೬೯॥

ಧಿಪ್ಸುಕಾಪಟ್ಯಹನ್ತ್ರೀ ಚ ಧಿಷಣೇನ ಸುಪೂಜಿತಾ ।
ಧಿಷ್ಣ್ಯವತೀ ಧಿಕ್ಕೃತಾಂಹಾ ಧಿಕ್ಕೃತಾತತಕರ್ದಮಾ ॥ ೧೭೦॥

ಧೀರಾ ಚ ಧೀಮತೀ ಧೀದಾ ಧೀರೋದಾತ್ತಗುಣಾನ್ವಿತಾ ।
ಧುತಕಲ್ಮಷಜಾಲಾ ಚ ಧುರೀಣಾ ಧುರ್ವಹಾ ಧುನೀ ॥ ೧೭೧॥

ಧೂರ್ತಕೈತವಹಾರಿಣೀ ಧೂಲಿವ್ಯೂಹಪ್ರವಾಹಿನೀ ।
ಧೂಮ್ರಾಕ್ಷಹಾರಿಣೀ ಧೂಮಾ ಧೃಷ್ಟಗರ್ವಾಪಹಾ ಧೃತಿಃ ॥ ೧೭೨॥

ಧೃತಾತ್ಮನೀ ಧೃತಿಮತೀ ಧೃತಿಪೂಜ್ಯಶಿವೋದರಾ ।
ಧೇನುಸಙ್ಗತಸರ್ವಾಙ್ಗಾ ಧ್ಯೇಯಾ ಧೇನುಕಜೀವಿನೀ ॥ ೧೭೩॥

ನಾನಾರೂಪವತೀ ನಾನಾಧರ್ಮಕರ್ಮಸ್ವರೂಪಿಣೀ ।
ನಾನಾರ್ಥಪೂರ್ಣಾವತಾರಾ ಸರ್ವನಾಮಸ್ವರೂಪಿಣೀ ॥ ೧೭೪॥

॥ ಓಂ ಶ್ರೀನರ್ಮದಾರ್ಪಣಮಸ್ತು ॥

Proofread by PSA Easwaran psaeaswaran at gmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Narmada Sahasranama Stotram Lyrics in Kannada PDF
% File name : narmadAsahasranAmastotra.itx
% Category : sahasranAma
% Location : doc\_devii
% Language : Sanskrit
% Subject : philosophy/hinduism/religion
% Proofread by : PSA Easwaran psaeaswaran at gmail.com
% Latest update : August 27, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 11, 2015 ] at Stotram Website