{॥ ଶ୍ରୀବଗଲା(ଵଲ୍ଗା)ମୁଖୀସ୍ତୋତ୍ରମ୍ ॥}
ଶ୍ରୀଗଣେଶାଯ ନମଃ ।
ଚଲତ୍କନକକୁଣ୍ଡଲୋଲ୍ଲସିତଚାରୁଗଣ୍ଡସ୍ଥଲୀଂ
ଲସତ୍କନକଚମ୍ପକଦ୍ଯୁତିମଦିନ୍ଦୁବିମ୍ବାନନାମ୍ ।
ଗଦାହତଵିପକ୍ଷକାଂ କଲିତଲୋଲଜିହ୍ଵାଂଚଲାଂ
ସ୍ମରାମି ବଗଲାମୁଖୀଂ ଵିମୁଖଵାଙ୍ମନସ୍ସ୍ତମ୍ଭିନୀମ୍ ॥ ୧॥

ପୀଯୂଷୋଦଧିମଧ୍ଯଚାରୁଵିଲଦ୍ରକ୍ତୋତ୍ପଲେ ମଣ୍ଡପେ
ସତ୍ସିଂହାସନମୌଲିପାତିତରିପୁଂ ପ୍ରେତାସନାଧ୍ଯାସିନୀମ୍ ।
ସ୍ଵର୍ଣାଭାଂ କରପୀଡିତାରିରସନାଂ ଭ୍ରାମ୍ଯଦ୍ଗଦାଂ ଵିଭ୍ରତୀମିତ୍ଥଂ
ଧ୍ଯାଯତି ଯାନ୍ତି ତସ୍ଯ ସହସା ସଦ୍ଯୋଽଥ ସର୍ଵାପଦଃ ॥ ୨॥

ଦେଵି ତ୍ଵଚ୍ଚରଣାମ୍ବୁଜାର୍ଚନକୃତେ ଯଃ ପୀତପୁଷ୍ପାଞ୍ଜଲୀନ୍ଭକ୍ତ୍ଯା
ଵାମକରେ ନିଧାଯ ଚ ମନୁଂ ମନ୍ତ୍ରୀ ମନୋଜ୍ଞାକ୍ଷରମ୍ ।
ପୀଠଧ୍ଯାନପରୋଽଥ କୁମ୍ଭକଵଶାଦ୍ବୀଜଂ ସ୍ମରେତ୍ପାର୍ଥିଵଂ
ତସ୍ଯାମିତ୍ରମୁଖସ୍ଯ ଵାଚି ହୃଦଯେ ଜାଡ୍ଯଂ ଭଵେତ୍ତତ୍କ୍ଷଣାତ୍ ॥ ୩॥

ଵାଦୀ ମୂକତି ରଙ୍କତି କ୍ଷିତିପତିର୍ଵୈଶ୍ଵାନରଃ ଶୀତତି କ୍ରୋଧୀ
ଶାମ୍ଯତି ଦୁର୍ଜନଃ ସୁଜନତି କ୍ଷିପ୍ରାନୁଗଃ ଖଞ୍ଜତି ।
ଗର୍ଵୀ ଖର୍ଵତି ସର୍ଵଵିଚ୍ଚ ଜଡତି ତ୍ଵନ୍ମନ୍ତ୍ରିଣା ଯନ୍ତ୍ରିତଃ
ଶ୍ରୀର୍ନିତ୍ଯେ ବଗଲାମୁଖି ପ୍ରତିଦିନଂ କଲ୍ଯାଣି ତୁଭ୍ଯଂ ନମଃ ॥ ୪॥

ମନ୍ତ୍ରସ୍ତାଵଦଲଂ ଵିପକ୍ଷଦଲନେ ସ୍ତୋତ୍ରଂ ପଵିତ୍ରଂ ଚ ତେ
ଯନ୍ତ୍ରଂ ଵାଦିନିଯନ୍ତ୍ରଣଂ ତ୍ରିଜଗତାଂ ଜୈତ୍ରଂ ଚ ଚିତ୍ରଂ ଚ ତେ ।
ମାତଃ ଶ୍ରୀବଗଲେତି ନାମ ଲଲିତଂ ଯସ୍ଯାସ୍ତି ଜନ୍ତୋର୍ମୁଖେ
ତ୍ଵନ୍ନାମଗ୍ରହଣେନ ସଂସଦି ମୁଖେ ସ୍ତମ୍ଭୋ ଭଵେଦ୍ଵାଦିନାମ୍ ॥ ୫॥

ଦୁଷ୍ଟସ୍ତମ୍ଭନମୁଗ୍ରଵିଘ୍ନଶମନଂ ଦାରିଦ୍ର୍ଯଵିଦ୍ରାଵଣଂ
ଭୂଭୃତ୍ସନ୍ଦମନଂ ଚଲନ୍ମୃଗଦୃଶାଂ ଚେତଃସମାକର୍ଷଣମ୍ ।
ସୌଭାଗ୍ଯୈକନିକେତନଂ ସମଦୃଶଃ କାରୁଣ୍ଯପୂର୍ଣେକ୍ଷଣମ୍
ମୃତ୍ଯୋର୍ମାରଣମାଵିରସ୍ତୁ ପୁରତୋ ମାତସ୍ତ୍ଵଦୀଯଂ ଵପୁଃ ॥ ୬॥

ମାତର୍ଭଞ୍ଜଯ ମଦ୍ଵିପକ୍ଷଵଦନଂ ଜିହ୍ଵାଂ ଚ ସଙ୍କୀଲଯ
ବ୍ରାହ୍ମୀଂ ମୁଦ୍ରଯ ଦୈତ୍ଯଦେଵଧିଷଣାମୁଗ୍ରାଂ ଗତିଂ ସ୍ତଂଭଯ ।
ଶତ୍ରୂଂଶ୍ଚୂର୍ଣଯ ଦେଵି ତୀକ୍ଷ୍ଣଗଦଯା ଗୌରାଙ୍ଗି ପୀତାମ୍ବରେ
ଵିଘ୍ନୌଘଂ ବଗଲେ ହର ପ୍ରଣମତାଂ କାରୁଣ୍ଯପୂର୍ଣେକ୍ଷଣେ ॥ ୭॥

ମାତର୍ଭୈରଵି ଭଦ୍ରକାଲି ଵିଜଯେ ଵାରାହି ଵିଶ୍ଵାଶ୍ରଯେ
ଶ୍ରୀଵିଦ୍ଯେ ସମଯେ ମହେଶି ବଗଲେ କାମେଶି ଵାମେ ରମେ ।
ମାତଙ୍ଗି ତ୍ରିପୁରେ ପରାତ୍ପରତରେ ସ୍ଵର୍ଗାପଵର୍ଗପ୍ରଦେ
ଦାସୋଽହଂ ଶରଣାଗତଃ କରୁଣଯା ଵିଶ୍ଵେଶ୍ଵରି ତ୍ରାହି ମାମ୍ ॥ ୮॥

ସଂରମ୍ଭେ ଚୌରସଙ୍ଘେ ପ୍ରହରଣସମଯେ ବନ୍ଧନେ ଵ୍ଯାଧିମଧ୍ଯେ
ଵିଦ୍ଯାଵାଦେ ଵିଵାଦେ ପ୍ରକୁପିତନୃପତୌ ଦିଵ୍ଯକାଲେ ନିଶାଯାମ୍ ।
ଵଶ୍ଯେ ଵା ସ୍ତମ୍ଭନେ ଵା ରିପୁଵଧସମଯେ ନିର୍ଜନେ ଵା ଵନେ ଵା
ଗଚ୍ଛଂସ୍ତିଷ୍ଠଂସ୍ତ୍ରିକାଲଂ ଯଦି ପଠତି ଶିଵଂ ପ୍ରାପ୍ନୁଯାଦାଶୁ ଧୀରଃ ॥ ୯॥

ତ୍ଵଂ ଵିଦ୍ଯା ପରମା ତ୍ରିଲୋକଜନନୀ ଵିଘ୍ନୌଘସଂଛେଦିନୀ
ଯୋଷିତ୍କର୍ଷଣକାରିଣୀ ଜନମନଃସମ୍ମୋହସନ୍ଦାଯିନୀ ।
ସ୍ତମ୍ଭୋତ୍ସାରଣକାରିଣୀ ପଶୁମନଃସମ୍ମୋହସନ୍ଦାଯିନୀ
ଜିହ୍ଵାକୀଲନଭୈରଵୀ ଵିଜଯତେ ବ୍ରହ୍ମାଦିମନ୍ତ୍ରୋ ଯଥା ॥ ୧୦॥

ଵିଦ୍ଯା ଲକ୍ଷ୍ମୀର୍ନିତ୍ଯସୌଭାଗ୍ଯମାଯୁଃ ପୁତ୍ରୈଃ ପୌତ୍ରୈଃ ସର୍ଵସାମ୍ରାଜ୍ଯସିଦ୍ଧିଃ ।
ମାନୋ ଭୋଗୋ ଵଶ୍ଯମାରୋଗ୍ଯସୌଖ୍ଯଂ ପ୍ରାପ୍ତଂ ତତ୍ତଦ୍ଭୂତଲେଽସ୍ମିନ୍ନରେଣ ॥ ୧୧॥

ତ୍ଵତ୍କୃତେ ଜପସନ୍ନାହଂ ଗଦିତଂ ପରମେଶ୍ଵରି ।
ଦୁଷ୍ଟାନାଂ ନିଗ୍ରହାର୍ଥାଯ ତଦ୍ଗୃହାଣ ନମୋଽସ୍ତୁ ତେ ॥ ୧୨॥

ପୀତାମ୍ବରାଂ ଚ ଦ୍ଵିଭୁଜାଂ ତ୍ରିନେତ୍ରାଂ ଗାତ୍ରକୋମଲାମ୍ ।
ଶିଲାମୁଦ୍ଗରହସ୍ତାଂ ଚ ସ୍ମରେ ତାଂ ବଗଲାମୁଖୀମ୍ ॥ ୧୩॥

ବ୍ରହ୍ମାସ୍ତ୍ରମିତି ଵିଖ୍ଯାତଂ ତ୍ରିଷୁ ଲୋକେଷୁ ଵିଶ୍ରୁତମ୍ ।
ଗୁରୁଭକ୍ତାଯ ଦାତଵ୍ଯଂ ନ ଦେଯଂ ଯସ୍ଯ କସ୍ଯଚିତ୍ ॥ ୧୪॥

ନିତ୍ଯଂ ସ୍ତୋତ୍ରମିଦଂ ପଵିତ୍ରମିହ ଯୋ ଦେଵ୍ଯାଃ ପଠତ୍ଯାଦରାଦ୍ଧୃତ୍ଵା
ଯନ୍ତ୍ରମିଦଂ ତଥୈଵ ସମରେ ବାହୌ କରେ ଵା ଗଲେ ।
ରାଜାନୋଽପ୍ଯରଯୋ ମଦାନ୍ଧକରିଣଃ ସର୍ପା ମୃଗେନ୍ଦ୍ରାଦିକାସ୍ତେ
ଵୈ ଯାନ୍ତି ଵିମୋହିତା ରିପୁଗଣା ଲକ୍ଷ୍ମୀଃ ସ୍ଥିରା ସିଦ୍ଧଯଃ ॥ ୧୫॥

॥ ଇତି ଶ୍ରୀରୁଦ୍ରଯାମଲେ ତନ୍ତ୍ରେ ଶ୍ରୀବଗଲାମୁଖୀସ୍ତୋତ୍ରଂ ସମାପ୍ତମ୍ ॥

Encoded and Proofread by Ravin Bhalekar ravibhalekar at hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Baglamukhi Stotram Lyrics in Oriya PDF
% File name : bagalAmukhIstotram.itx
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin Bhalekar ravibhalekar at hotmail.com
% Proofread by : Ravin Bhalekar ravibhalekar at hotmail.com
% Description-comments : rudrayAmale tantre
% Latest update : March 31, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 12, 2015 ] at Stotram Website