{૥ નવરત્નમાલિકા ૥}
હારનૂપુરકિરીટકુણ્ડલવિભૂષિતાવયવશોભિનીં
કારણેશવરમૌલિકોટિપરિકલ્પ્યમાનપદપીઠિકામ્ ૤
કાલકાલફણિપાશબાણધનુરઙ્કુશામરુણમેખલાં
ફાલભૂતિલકલોચનાં મનસિ ભાવયામિ પરદેવતામ્ ૥ ૧૥

ગન્ધસારઘનસારચારુનવનાગવલ્લિરસવાસિનીં
સાન્ધ્યરાગમધુરાધરાભરણસુન્દરાનનશુચિસ્મિતામ્ ૤
મન્ધરાયતવિલોચનામમલબાલચન્દ્રકૃતશેખરીં
ઇન્દિરારમણસોદરીં મનસિ ભાવયામિ પરદેવતામ્ ૥ ૨૥

સ્મેરચારુમુખમણ્ડલાં વિમલગણ્ડલમ્બિમણિમણ્ડલાં
હારદામપરિશોભમાનકુચભારભીરુતનુમધ્યમામ્ ૤
વીરગર્વહરનૂપુરાં વિવિધકારણેશવરપીઠિકાં
મારવૈરિસહચારિણીં મનસિ ભાવયામિ પરદેવતામ્ ૥ ૩૥

ભૂરિભારધરકુણ્ડલીન્દ્રમણિબદ્ધભૂવલયપીઠિકાં
વારિરાશિમણિમેખલાવલયવહ્નિમણ્ડલશરીરિણીમ્ ૤
વારિસારવહકુણ્ડલાં ગગનશેખરીં ચ પરમાત્મિકાં
ચારુચન્દ્રરવિલોચનાં મનસિ ભાવયામિ પરદેવતામ્ ૥ ૪૥

કુણ્ડલત્રિવિધકોણમણ્ડલવિહારષડ્દલસમુલ્લસ-
ત્પુણ્ડરીકમુખભેદિનીં ચ પ્રચણ્ડભાનુભાસમુજ્જ્વલામ્ ૤
મણ્ડલેન્દુપરિવાહિતામૃતતરઙ્ગિણીમરુણરૂપિણીં
મણ્ડલાન્તમણિદીપિકાં મનસિ ભાવયામિ પરદેવતામ્ ૥ ૫૥

વારણાનનમયૂરવાહમુખદાહવારણપયોધરાં
ચારણાદિસુરસુન્દરીચિકુરશેકરીકૃતપદામ્બુજામ્ ૤
કારણાધિપતિપઞ્ચકપ્રકૃતિકારણપ્રથમમાતૃકાં
વારણાન્તમુખપારણાં મનસિ ભાવયામિ પરદેવતામ્ ૥ ૬૥

પદ્મકાન્તિપદપાણિપલ્લવપયોધરાનનસરોરુહાં
પદ્મરાગમણિમેખલાવલયનીવિશોભિતનિતમ્બિનીમ્ ૤
પદ્મસમ્ભવસદાશિવાન્તમયપઞ્ચરત્નપદપીઠિકાં
પદ્મિનીં પ્રણવરૂપિણીં મનસિ ભાવયામિ પરદેવતામ્ ૥ ૭૥

આગમપ્રણવપીઠિકામમલવર્ણમઙ્ગલશરીરિણીં
આગમાવયવશોભિનીમખિલવેદસારકૃતશેખરીમ્ ૤
મૂલમન્ત્રમુખમણ્ડલાં મુદિતનાદબિન્દુનવયૌવનાં
માતૃકાં ત્રિપુરસુન્દરીં મનસિ ભાવયામિ પરદેવતામ્ ૥ ૮૥

કાલિકાતિમિરકુન્તલાન્તઘનભૃઙ્ગમઙ્ગલવિરાજિનીં
ચૂલિકાશિખરમાલિકાવલયમલ્લિકાસુરભિસૌરભામ્ ૤
વાલિકામધુરગણ્ડમણ્ડલમનોહરાનનસરોરુહાં
કાલિકામખિલનાયિકાં મનસિ ભાવયામિ પરદેવતામ્ ૥ ૯૥

નિત્યમેવ નિયમેન જલ્પતાં
ભુક્તિમુક્તિફલદામભીષ્ટદામ્ ૤
શંકરેણ રચિતાં સદા જપે-
ન્નામરત્નનવરત્નમાલિકામ્ ૥ ૧૦૥

ઇતિ શ્રીમત્પરમહંસપરિવ્રજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છંકરભગવતઃ કૃતૌ નવરત્નમાલિકા સંપૂર્ણા ૥


Encoded by Kapila Shankaran and Aravind.
Proofread by Sridhar Seshagiri sridhar.seshagiri@gmail.com

Please send corrections to sanskrit@cheerful.com
Last updated ત્oday
http://sanskritdocuments.org

Navaratna Malika Lyrics in Gujarati PDF
% File name : devii\_navaratna.itx
% Location : doc\_devii
% Language : Sanskrit
% Subject : hinduism/religion
% Transliterated by : Kapila Shankaran(achintya at ican.net) and Aravind
% Proofread by : Sridhar - Seshagiri sridhar.seshagiri at gmail.com
% Latest update : September 3, 2002, August 22, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website