{॥ କାମାଖ୍ଯା କଵଚମ୍ ॥}
କାମାଖ୍ଯା ଧ୍ଯାନମ୍
ରଵିଶଶିଯୁତକର୍ଣା କୁଂକୁମାପୀତଵର୍ଣା
ମଣିକନକଵିଚିତ୍ରା ଲୋଲଜିହ୍ଵା ତ୍ରିନେତ୍ରା ।
ଅଭଯଵରଦହସ୍ତା ସାକ୍ଷସୂତ୍ରପ୍ରହସ୍ତା
ପ୍ରଣତସୁରନରେଶା ସିଦ୍ଧକାମେଶ୍ଵରୀ ସା ॥ ୧॥

ଅରୁଣକମଲସମ୍ସ୍ଥା ରକ୍ତପଦ୍ମାସନସ୍ଥା
ନଵତରୁଣଶରୀରା ମୁକ୍ତକେଶୀ ସୁହାରା ।
ଶଵହୃଦି ପୃଥୁତୁଙ୍ଗା ସ୍ଵାଙ୍ଘ୍ରିଯୁଗ୍ମା ମନୋଜ୍ଞା
ଶିଶୁରଵିସମଵସ୍ତ୍ରା ସର୍ଵକାମେଶ୍ଵରୀ ସା ॥ ୨॥

ଵିପୁଲଵିଭଵଦାତ୍ରୀ ସ୍ମେରଵକ୍ତ୍ରା ସୁକେଶୀ
ଦଲିତକରକଦନ୍ତା ସାମିଚନ୍ଦ୍ରାଵତଂସା ।
ମନସିଜ-ଦୃଶଦିସ୍ଥା ଯୋନିମୁଦ୍ରାଲସନ୍ତୀ
ପଵନଗଗନସକ୍ତା ସଂଶ୍ରୁତସ୍ଥାନଭାଗା ।
ଚିନ୍ତା ଚୈଵଂ ଦୀପ୍ଯଦଗ୍ନିପ୍ରକାଶା
ଧର୍ମାର୍ଥାଦ୍ଯୈଃ ସାଧକୈର୍ଵାଞ୍ଛିତାର୍ଥା ॥ ୩॥

କାମାଖ୍ଯା-କଵଚମ୍
ଓଂ କାମାଖ୍ଯାକଵଚସ୍ଯ ମୁନିର୍ବୃହସ୍ପତିଃ ସ୍ମୃତଃ ।
ଦେଵୀ କାମେଶ୍ଵରୀ ତସ୍ଯ ଅନୁଷ୍ଟୁପ୍ଛନ୍ଦ ଇଷ୍ଯତେ ॥

ଵିନିଯୋଗଃ ସର୍ଵସିଦ୍ଧୌ ତଞ୍ଚ ଶୃଣ୍ଵନ୍ତୁ ଦେଵତାଃ ।
ଶିରାଃ କାମେଶ୍ଵରୀ ଦେଵୀ କାମାଖ୍ଯା ଚକ୍ଷୂଷୀ ମମ ॥

ଶାରଦା କର୍ଣଯୁଗଲଂ ତ୍ରିପୁରା ଵଦନଂ ତଥା ।
କଣ୍ଠେ ପାତୁ ମାହାମାଯା ହୃଦି କାମେଶ୍ଵରୀ ପୁନଃ ॥

କାମାଖ୍ଯା ଜଠରେ ପାତୁ ଶାରଦା ପାତୁ ନାଭିତଃ ।
ତ୍ରିପୁରା ପାର୍ଶ୍ଵଯୋଃ ପାତୁ ମହାମାଯା ତୁ ମେହନେ ॥

ଗୁଦେ କାମେଶ୍ଵରୀ ପାତୁ କାମାଖ୍ଯୋରୁଦ୍ଵଯେ ତୁ ମାମ୍ ।
ଜାନୁନୋଃ ଶାରଦା ପାତୁ ତ୍ରିପୁରା ପାତୁ ଜଙ୍ଘଯୋଃ ॥

ମାହାମାଯା ପାଦଯୁଗେ ନିତ୍ଯଂ ରକ୍ଷତୁ କାମଦା ।
କେଶେ କୋଟେଶ୍ଵରି ପାତୁ ନାସାଯାଂ ପାତୁ ଦୀର୍ଘିକା ॥

ଭୈରଵୀ (ଶୁଭଗା) ଦନ୍ତସଙ୍ଘାତେ ମାତଙ୍ଗ୍ଯଵତୁ ଚାଙ୍ଗଯୋଃ ।
ବାହ୍ଵୋର୍ମେ ଲଲିତା ପାତୁ ପାଣ୍ଯୋସ୍ତୁ ଵନଵାସିନୀ ॥

ଵିନ୍ଧ୍ଯଵାସିନ୍ଯଙ୍ଗୁଲୀଷୁ ଶ୍ରୀକାମା ନଖକୋଟିଷୁ ।
ରୋମକୂପେଷୁ ସର୍ଵେଷୁ ଗୁପ୍ତକାମା ସଦାଵତୁ ॥

ପାଦାଙ୍ଗୁଲୀ ପାର୍ଷ୍ଣିଭାଗେ ପାତୁ ମାଂ ଭୁଵନେଶ୍ଵରୀ ।
ଜିହ୍ଵାଯାଂ ପାତୁ ମାଂ ସେତୁଃ କଃ କଣ୍ଟାଭ୍ଯନ୍ତରେଽଵତୁ ॥

ପାତୁ ନଶ୍ଚାନ୍ତରେ ଵକ୍ଷଃ ଈଃ ପାତୁ ଜଠରାନ୍ତରେ ।
ସାମୀନ୍ଦୁଃ ପାତୁ ମାଂ ଵସ୍ତୌ ଵିନ୍ଦୁର୍ଵିନ୍ଦ୍ଵନ୍ତରେଽଵତୁ ॥

କକାରସ୍ତ୍ଵଚି ମାଂ ପାତୁ ରକାରୋଽସ୍ଥିଷୁ ସର୍ଵଦା ।
ଲକାରଃ ସର୍ଵନାଡିଷୁ ଈକାରଃ ସର୍ଵସନ୍ଧିଷୁ ॥

ଚନ୍ଦ୍ରଃ ସ୍ନାଯୁଷୁ ମାଂ ପାତୁ ଵିନ୍ଦୁର୍ମଜ୍ଜାସୁ ସନ୍ତତମ୍ ।
ପୂର୍ଵସ୍ଯାଂ ଦିଶି ଚାଗ୍ନେଯ୍ଯାଂ ଦକ୍ଷିଣେ ନୈରୃତେ ତଥା ॥

ଵାରୁଣେ ଚୈଵ ଵାଯଵ୍ଯାଂ କୌବେରେ ହରମନ୍ଦିରେ ।
ଅକାରାଦ୍ଯାସ୍ତୁ ଵୈଷ୍ଣଵ୍ଯାଃ ଅଷ୍ଟୌ ଵର୍ଣାସ୍ତୁ ମନ୍ତ୍ରଗାଃ ॥

ପାନ୍ତୁ ତିଷ୍ଠନ୍ତୁ ସତତଂ ସମୁଦ୍ଭଵଵିଵୃଦ୍ଧଯେ ।
ଊର୍ଦ୍ଧ୍ଵାଧଃ ପାତୁ ସତତଂ ମାଂ ତୁ ସେତୁଦ୍ଵଯେ ସଦା ॥

ନଵାକ୍ଷରାଣି ମନ୍ତ୍ରେଷୁ ଶାରଦା ମନ୍ତ୍ରଗୋଚରେ ।
ନଵସ୍ଵରାସ୍ତୁ ମାଂ ନିତ୍ଯଂ ନାସାଦିଷୁ ସମନ୍ତତଃ ॥

ଵାତପିତ୍ତକଫେଭ୍ଯସ୍ତୁ ତ୍ରିପୁରାଯାସ୍ତୁ ତ୍ର୍ଯକ୍ଷରମ୍ ।
ନିତ୍ଯଂ ରକ୍ଷତୁ ଭୂତେଭ୍ଯଃ ପିଶାଚେଭ୍ଯସ୍ତଥୈଵ ଚ ॥

ତତ୍ ସେତୁ ସତତଂ ପାତୁ କ୍ରଵ୍ଯାଦ୍ଭ୍ଯୋ ମାନ୍ନିଵାରକମ୍
ନମଃ କାମେଶ୍ଵରୀଂ ଦେଵୀଂ ମହାମାଯାଂ ଜଗନ୍ମଯୀମ୍ ।
ଯା ଭୂତ୍ଵା ପ୍ରକୃତିର୍ନିତ୍ଯା ତନୋତି ଜଗଦାଯତମ୍ ॥

କାମାଖ୍ଯାମକ୍ଷମାଲାଭଯଵରଦକରାଂ ସିଦ୍ଧସୂତ୍ରୈକହସ୍ତାଂ
ଶ୍ଵେତପ୍ରେତୋପରିସ୍ଥାଂ ମଣିକନକଯୁତାଂ କୁଙ୍କମାପୀତଵର୍ଣାମ୍ ।
ଜ୍ଞାନଧ୍ଯାନପ୍ରତିଷ୍ଠାମତିଶଯଵିନଯାଂ ବ୍ରହ୍ମଶକ୍ରାଦିଵନ୍ଦ୍ଯା-
ମଗ୍ନୌ ଵିନ୍ଦ୍ଵନ୍ତମନ୍ତ୍ରପ୍ରିଯତମଵିଷଯାଂ ନୌମି ଵିନ୍ଧ୍ଯାଦ୍ର୍ଯତିସ୍ଥାମ୍ ॥

ମଧ୍ଯେ ମଧ୍ଯସ୍ଯ ଭାଗେ ସତତଵିନମିତା ଭାଵହାରାଵଲୀ ଯା
ଲୀଲାଲୋକସ୍ଯ କୋଷ୍ଠେ ସକଲଗୁଣଯୁତା ଵ୍ଯକ୍ତରୂପୈକନମ୍ରା ।
ଵିଦ୍ଯା ଵିଦ୍ଯୈକଶାନ୍ତା ଶମନଶମକରୀ କ୍ଷେମକର୍ତ୍ରୀ ଵରାସ୍ଯା
ନିତ୍ଯଂ ପାଯାତ୍ ପଵିତ୍ରପ୍ରଣଵଵରକରା କାମପୂର୍ଵେଶ୍ଵରୀ ନଃ ॥

ଇତି ହରେଃ କଵଚଂ ତନୁକେସ୍ଥିତଂ ଶମଯତି ଵୈ ଶମନଂ ତଥା ଯଦି ।
ଇହ ଗୃହାଣ ଯତସ୍ଵ ଵିମୋକ୍ଷଣେ ସହିତ ଏଷ ଵିଧିଃ ସହ ଚାମରୈଃ ॥

ଇତୀଦଂ କଵଚଂ ଯସ୍ତୁ କାମାଖ୍ଯାଯାଃ ପଠେଦ୍ବୁଧଃ ।
ସୁକୃତ୍ ତଂ ତୁ ମହାଦେଵୀ ତନୁ ଵ୍ରଜତି ନିତ୍ଯଦା ॥

ନାଧିଵ୍ଯାଧିଭଯଂ ତସ୍ଯ ନ କ୍ରଵ୍ଯାଦ୍ଭ୍ଯୋ ଭଯଂ ତଥା ।
ନାଗ୍ନିତୋ ନାପି ତୋଯେଭ୍ଯୋ ନ ରିପୁଭ୍ଯୋ ନ ରାଜତଃ ॥

ଦୀର୍ଘାଯୁର୍ବହୁଭୋଗୀ ଚ ପୁତ୍ରପୌତ୍ରସମନ୍ଵିତଃ ।
ଆଵର୍ତଯନ୍ ଶତଂ ଦେଵୀମନ୍ଦିରେ ମୋଦତେ ପରେ ॥

ଯଥା ତଥା ଭଵେଦ୍ବଦ୍ଧଃ ସଙ୍ଗ୍ରାମେଽନ୍ଯତ୍ର ଵା ବୁଧଃ ।
ତତ୍କ୍ଷଣାଦେଵ ମୁକ୍ତଃ ସ୍ଯାତ୍ ସ୍ମାରଣାତ୍ କଵଚସ୍ଯ ତୁ ॥


Proofread by KS Ramachandran, PSA Easwaran

Please send corrections to sanskrit@cheerful.com
Last updated ତ୍oday
http://sanskritdocuments.org

Kamakhya Kavacham Lyrics in Oriya PDF
% File name : kAmAkhyAkavacha.itx
% Category : kavacha
% Location : doc\_devii
% Author :
% Language : Sanskrit
% Subject : philosophy/hinduism/religion
% Transliterated by :
% Proofread by : KS Ramachandran, PSA Easwaran
% Translated by :
% Description-comments :
% Source : Kalikapurana
% Acknowledge-Permission:
% Latest update : May 30, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website