{॥ కామాఖ్యా కవచమ్ ॥}
కామాఖ్యా ధ్యానమ్
రవిశశియుతకర్ణా కుంకుమాపీతవర్ణా
మణికనకవిచిత్రా లోలజిహ్వా త్రినేత్రా ।
అభయవరదహస్తా సాక్షసూత్రప్రహస్తా
ప్రణతసురనరేశా సిద్ధకామేశ్వరీ సా ॥ ౧॥

అరుణకమలసమ్స్థా రక్తపద్మాసనస్థా
నవతరుణశరీరా ముక్తకేశీ సుహారా ।
శవహృది పృథుతుఙ్గా స్వాఙ్ఘ్రియుగ్మా మనోజ్ఞా
శిశురవిసమవస్త్రా సర్వకామేశ్వరీ సా ॥ ౨॥

విపులవిభవదాత్రీ స్మేరవక్త్రా సుకేశీ
దలితకరకదన్తా సామిచన్ద్రావతంసా ।
మనసిజ-దృశదిస్థా యోనిముద్రాలసన్తీ
పవనగగనసక్తా సంశ్రుతస్థానభాగా ।
చిన్తా చైవం దీప్యదగ్నిప్రకాశా
ధర్మార్థాద్యైః సాధకైర్వాఞ్ఛితార్థా ॥ ౩॥

కామాఖ్యా-కవచమ్
ఓం కామాఖ్యాకవచస్య మునిర్బృహస్పతిః స్మృతః ।
దేవీ కామేశ్వరీ తస్య అనుష్టుప్ఛన్ద ఇష్యతే ॥

వినియోగః సర్వసిద్ధౌ తఞ్చ శృణ్వన్తు దేవతాః ।
శిరాః కామేశ్వరీ దేవీ కామాఖ్యా చక్షూషీ మమ ॥

శారదా కర్ణయుగలం త్రిపురా వదనం తథా ।
కణ్ఠే పాతు మాహామాయా హృది కామేశ్వరీ పునః ॥

కామాఖ్యా జఠరే పాతు శారదా పాతు నాభితః ।
త్రిపురా పార్శ్వయోః పాతు మహామాయా తు మేహనే ॥

గుదే కామేశ్వరీ పాతు కామాఖ్యోరుద్వయే తు మామ్ ।
జానునోః శారదా పాతు త్రిపురా పాతు జఙ్ఘయోః ॥

మాహామాయా పాదయుగే నిత్యం రక్షతు కామదా ।
కేశే కోటేశ్వరి పాతు నాసాయాం పాతు దీర్ఘికా ॥

భైరవీ (శుభగా) దన్తసఙ్ఘాతే మాతఙ్గ్యవతు చాఙ్గయోః ।
బాహ్వోర్మే లలితా పాతు పాణ్యోస్తు వనవాసినీ ॥

విన్ధ్యవాసిన్యఙ్గులీషు శ్రీకామా నఖకోటిషు ।
రోమకూపేషు సర్వేషు గుప్తకామా సదావతు ॥

పాదాఙ్గులీ పార్ష్ణిభాగే పాతు మాం భువనేశ్వరీ ।
జిహ్వాయాం పాతు మాం సేతుః కః కణ్టాభ్యన్తరేఽవతు ॥

పాతు నశ్చాన్తరే వక్షః ఈః పాతు జఠరాన్తరే ।
సామీన్దుః పాతు మాం వస్తౌ విన్దుర్విన్ద్వన్తరేఽవతు ॥

కకారస్త్వచి మాం పాతు రకారోఽస్థిషు సర్వదా ।
లకారః సర్వనాడిషు ఈకారః సర్వసన్ధిషు ॥

చన్ద్రః స్నాయుషు మాం పాతు విన్దుర్మజ్జాసు సన్తతమ్ ।
పూర్వస్యాం దిశి చాగ్నేయ్యాం దక్షిణే నైరృతే తథా ॥

వారుణే చైవ వాయవ్యాం కౌబేరే హరమన్దిరే ।
అకారాద్యాస్తు వైష్ణవ్యాః అష్టౌ వర్ణాస్తు మన్త్రగాః ॥

పాన్తు తిష్ఠన్తు సతతం సముద్భవవివృద్ధయే ।
ఊర్ద్ధ్వాధః పాతు సతతం మాం తు సేతుద్వయే సదా ॥

నవాక్షరాణి మన్త్రేషు శారదా మన్త్రగోచరే ।
నవస్వరాస్తు మాం నిత్యం నాసాదిషు సమన్తతః ॥

వాతపిత్తకఫేభ్యస్తు త్రిపురాయాస్తు త్ర్యక్షరమ్ ।
నిత్యం రక్షతు భూతేభ్యః పిశాచేభ్యస్తథైవ చ ॥

తత్ సేతు సతతం పాతు క్రవ్యాద్భ్యో మాన్నివారకమ్
నమః కామేశ్వరీం దేవీం మహామాయాం జగన్మయీమ్ ।
యా భూత్వా ప్రకృతిర్నిత్యా తనోతి జగదాయతమ్ ॥

కామాఖ్యామక్షమాలాభయవరదకరాం సిద్ధసూత్రైకహస్తాం
శ్వేతప్రేతోపరిస్థాం మణికనకయుతాం కుఙ్కమాపీతవర్ణామ్ ।
జ్ఞానధ్యానప్రతిష్ఠామతిశయవినయాం బ్రహ్మశక్రాదివన్ద్యా-
మగ్నౌ విన్ద్వన్తమన్త్రప్రియతమవిషయాం నౌమి విన్ధ్యాద్ర్యతిస్థామ్ ॥

మధ్యే మధ్యస్య భాగే సతతవినమితా భావహారావలీ యా
లీలాలోకస్య కోష్ఠే సకలగుణయుతా వ్యక్తరూపైకనమ్రా ।
విద్యా విద్యైకశాన్తా శమనశమకరీ క్షేమకర్త్రీ వరాస్యా
నిత్యం పాయాత్ పవిత్రప్రణవవరకరా కామపూర్వేశ్వరీ నః ॥

ఇతి హరేః కవచం తనుకేస్థితం శమయతి వై శమనం తథా యది ।
ఇహ గృహాణ యతస్వ విమోక్షణే సహిత ఏష విధిః సహ చామరైః ॥

ఇతీదం కవచం యస్తు కామాఖ్యాయాః పఠేద్బుధః ।
సుకృత్ తం తు మహాదేవీ తను వ్రజతి నిత్యదా ॥

నాధివ్యాధిభయం తస్య న క్రవ్యాద్భ్యో భయం తథా ।
నాగ్నితో నాపి తోయేభ్యో న రిపుభ్యో న రాజతః ॥

దీర్ఘాయుర్బహుభోగీ చ పుత్రపౌత్రసమన్వితః ।
ఆవర్తయన్ శతం దేవీమన్దిరే మోదతే పరే ॥

యథా తథా భవేద్బద్ధః సఙ్గ్రామేఽన్యత్ర వా బుధః ।
తత్క్షణాదేవ ముక్తః స్యాత్ స్మారణాత్ కవచస్య తు ॥


Proofread by KS Ramachandran, PSA Easwaran

Please send corrections to sanskrit@cheerful.com
Last updated త్oday
http://sanskritdocuments.org

Kamakhya Kavacham Lyrics in Telugu PDF
% File name : kAmAkhyAkavacha.itx
% Category : kavacha
% Location : doc\_devii
% Author :
% Language : Sanskrit
% Subject : philosophy/hinduism/religion
% Transliterated by :
% Proofread by : KS Ramachandran, PSA Easwaran
% Translated by :
% Description-comments :
% Source : Kalikapurana
% Acknowledge-Permission:
% Latest update : May 30, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website