ഷട്ത്രിംശന്നവമല്ലികാസ്തവഃ
{॥ ഷട്ത്രിംശന്നവമല്ലികാസ്തവഃ ॥}
യാ മാതാ സദസദ്വിലക്ഷണപരാസംവിത്സ്വരൂപാ സദാ
ജാഗ്രത്സ്വപ്നസുഷുപ്തിവൃത്തിവിലസത്സ്ഫൂര്തിഃ പരാ വൈഖരീ ।
ഇച്ഛാദിത്രയധര്മിണീ പരഗുഹാഹംതാപ്രകാശാത്മികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧ ॥
യാം മൂലാമ്ബുജകര്ണികാപ്രവിലസത്കാമാഖ്യപീഠേ പരാം
സോമാര്കാനലദീപ്തിമക്ഷരതനും ബാലാം വിമര്ശാത്മികാമ് ।
ധ്യായന്തഃ സഹസാ ഭജന്തി കവിതാപാണ്ഡിത്യമത്യദ്ഭുതം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨ ॥
യാമമ്ഭോജമൃണാലതന്തുസുതനും വിദ്യുത്സഹസ്രപ്രഭാം
കൂജന്തീം കുലകുണ്ഡഖേലനപരാം പ്രാണാനിലോദ്യോജനീമ് ।
ഓഡ്യാണേ പരിചിന്തയന്തി കൃതിനഃ പീയൂഷവര്ഷാപ്തയേ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩ ॥
യാം സ്മൃത്വാ മണിപൂരകേ രവിനിഭേ രൌദ്രേ കൃശാന്വാലയേ
പശ്യന്തീം പദവാക്യപദ്യരചനാപാണ്ഡിത്യസംവര്ധിനീമ് ।
വക്ത്രാമ്ഭോരുഹസൌധനര്തനനടീം പശ്യന്തി ശൈവാഃ സദാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൪ ॥
യാം ധ്യായന്തി വിധൂതപാപഹൃദയാ ഹൃത്പുണ്ഡരീകാമ്ബരേ
നിര്ദോഷാരുണരത്നദീപതുലിതാം പ്രജ്ഞാനസീമന്തിനീമ് ।
സംലബ്ധും സകലാത്മികാം പരമനഃകായപ്രവേശാക്രിയാം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൫ ॥
യാം ജാലംധരബന്ധനോര്ധ്വഗമനാം ചക്രേ വിശുദ്ധൌ ശര-
ജ്ജ്യോത്സ്നാകാശനിഭേ സ്വരാക്ഷരലസദ്ദ്വ്യഷ്ടാബ്ജപത്രാന്വിതേ ।
ധ്യായന്ത്യാത്മസുഖാനുഭൂതിമമലാം ലബ്ധും ചിരംജീവിതാം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൬ ॥
യാം പശ്യന്തി പുരാണപുണ്യലസികാഃ ശ്രീദേശികാജ്ഞാധരാ
ഭ്രൂമധ്യദ്വിദലാമ്ബുജപ്രവിലസച്ചാന്ദ്രീകലാം ശാശ്വതീമ് ।
നിത്യാനന്ദസുധാസമുദ്രലഹരീക്രീഡാനുഭൂത്യൈ സദാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൭ ॥
യാം പാര്ശ്വസ്ഥിതഹംസവര്ണവിലസദ്ബിന്ദൌ ത്രിവര്ണാത്മികാം
പ്രദ്യുമ്നീയകലാമയീം നിജസുഖോദ്ബോധപ്രസാദോദയാമ് ।
സിദ്ധാന്താര്ഥരതാ ജിതേന്ദ്രിയകണാ ധ്യായന്ത്യഭേദായ വൈ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൮ ॥
യാമര്ധേന്ദുസരോരുഹേഽര്ധശശഭൃദ്രൂപേ ഹിമാംശുപ്രഭേ
പശ്യന്ത്യാത്മസുഖായ വിസ്വനമയീം തത്തന്ത്രസംഖ്യാലവൈഃ ।
ഹൃല്ലേഖാമനുപാരഗാ നിയമിതപ്രാണാദിസര്വേന്ദ്രിയാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൯ ॥
രോധിന്യമ്ബുരുഹേ ത്രികോണരുചിരേ ജ്യോത്സ്നാനിഭേ സര്വദാ
ദ്വാത്രിംശല്ലവമാനനിസ്വനവഹാം പശ്യന്തി യാം ഖേചരീമ് ।
മായാക്രീഡനപേശലാനിജപദാനന്ദാപ്തയേഽപ്യദ്ഭുതം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൦ ॥
നാദാബ്ജേ വരപദ്മരാഗമണിയഷ്ട്യാ സ്പര്ധമാനാം പരാം
ഗച്ഛന്തീം ശിവധാമ ഷോഡശലവധ്യാനാത്മികാം സംവിദാ ।
താരാനായകഭാനുസങ്ഗരസികാഃ പശ്യന്തി മുദ്രാന്വിതാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൧ ॥
നാദാന്തേഽഷ്ടലവധ്വനിപ്രകടിതാം വിദ്യുച്ഛടാഭാസുരാം
യാം സവ്യസ്ഥിതബിന്ദുലാങ്ഗലമിവാ സ്വം രൂപമാബിഭ്രതീമ് ।
യാന്തീമൂര്ധ്വകുലം യമാദിനിരതാഃ പശ്യന്ത്യഖണ്ഡാപ്തയേ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൨ ॥
തിര്യഗ്ബിന്ദുയുഗസ്യ വാമവിചരദ്രേഖാമയേ നിര്മലേ
ശക്ത്യബ്ജേ തരുണാര്കരോചിഷി ച യാം പശ്യന്തി ലക്ഷേക്ഷണാഃ ।
സ്വാനന്ദായ ചതുര്ലവസ്വനമയീം ശ്രീപാദുകാഗാമിനീം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൩ ॥
ബിന്ദ്വാശ്ലിഷ്ടകൃശാനുകോണതനുമത്യാം വ്യാപികായാം സദാ
ബാലോഷ്ണാംശുരുചൌ പരാം ലവയുഗധ്യാനാത്മികാം സംവിദമ് ।
യാം പശ്യന്തി മനീഷിണഃ കുലവധൂപാദാബ്ജരേണൂദ്വഹാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൪ ॥
ഊര്ധ്വാധോവിലസത്സുബിന്ദുയുതരേഖാമ്ഭോരുഹേ നിര്മലേ
സൂര്യാഭേ സമനേതിനാമ്നി ലവനിസ്വാനാത്മികാം ചേതനാമ് ।
യാം പശ്യന്ത്യമനസ്കയോഗവിഭവായാന്തര്മുഖാരാധകാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൫ ॥
ഉന്മന്യമ്ബുരുഹേ ദ്വിഷഡദിനമണിജ്യോതിര്മയേ ചിന്മയീം
ബിന്ദ്വാധാരസമുല്ലസത്സരലസദ്രേഖാമയേ യോഗിനഃ ।
യാം പശ്യന്ത്യണിമാദിവിഘ്നദലനേ ധീധൈര്യവിജ്ഞാനിനഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൬ ॥
യാം ധാത്രാദിവിഹീനധാമരസികാം ജ്ഞാത്രാദിവിശ്രാന്തികാമ്
ആത്മാരാമപരായണശ്രുതിശിരോമൌനാര്ഥരൂപാം ശിവാമ് ।
നിര്ദ്വന്ദ്വാത്മപരായണാ അനുഭവന്ത്യാനന്ദസീമാതിഗാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൭ ॥
യാമാബാലബുധാജ്ഞഗോപവിദിതാഹംരൂപിണീം സര്വദാ
സര്വോപപ്ലവമുക്തധാമരമണീം സ്വാനന്ദലീലാവതീമ് ।
നിസ്ത്രൈഗുണ്യപരാപരേതരരസാഃ സ്വേനൈവ പശ്യന്ത്യഹോ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൮ ॥
യാം പ്രജ്ഞേതി വദന്തി കേചിദിതരേ സദ്രൂപിണീത്യാദിമാം
ശൂന്യം കേചിദജേതി കേചിദപരേ ജാഡ്യാത്മികേത്യദ്ഭുതമ് ।
ജാഡ്യാജാഡ്യമയീതി കേചിദിതരേ തദ്ബ്രഹ്മ സര്വാത്മകം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൯ ॥
യാ കാഷ്ഠാ പരമാ ഗതിഃ പരമഭൂദസ്പന്ദിനീ സ്പന്ദിനീ
സൃഷ്ട്വാദൌ നിഖിലം ചരാചരമിദം സ്വസ്മിന് പ്രവേശ്യേച്ഛയാ ।
ക്രീഡത്യേകരസാത്മികാപി ബഹുധാ ഭാതീവ യാ സര്വഗാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൦ ॥
യാഹംപ്രത്യയസാക്ഷിണീ ജഗദുപാദാനം ച നിഷ്കാരണം
യാവസ്ഥാത്രയവര്ജിതാപി സകലാവസ്ഥാത്മികാ സംവിദാ ।
യാ ഭോക്തൃത്വവിലക്ഷണാപി സതതം ഭോക്ത്രീ പ്രമോദാന്നിജാത്
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൧ ॥
സര്വാനുഗ്രഹധര്മിണീ സ്വയമഭൂത് സാദാഖ്യധര്മേണ യാ
ലോകാനാം പരമേശ്വരീ കില തിരോധാനേന ധര്മേണ യാ ।
യാ നാശസ്ഥിതിസൃഷ്ടിധര്മവിഭവൈ രുദ്രാദിമൂര്ത്യാത്മികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൨ ॥
യാ സോമാര്കമഹീജലാഗ്നിമരുദാകാശാത്മദേഹൈഃ സദാ
സര്വം വിശ്വമിദം ദധത്യാപി പരം നിര്ദേഹലേപാദ്ഭുതമ് ।
യാ വേദാഗമശാസ്ത്രമൂലഗുരുരപ്യവ്യാജമൌനാത്മികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൩ ॥
സൂക്ഷ്മാത് സൂക്ഷ്മതമാ വിഭോര്വിഭുതമാ യാ മധ്യമാ സര്വദാ
ശ്രോത്രാദേഃ ശ്രവണാദിരാത്മനി ചിദാഭാസോ മതൌ പ്രേരികാ ।
വിശ്വോ ജാഗ്രതി തൈജസഃ പരമഭൂത് സ്വപ്നേ സുഷുപ്തൌ സുഖം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൪ ॥
നിര്ദോഷാ സകലാന്തരങ്ഗരമണീയാപ്യദ്ഭുതം നിഷ്ക്രിയാ
യാ സര്വേന്ദ്രിയകര്മകര്ത്ര്യപി സതാം പാശാഷ്ടകച്ഛേദിനീ ।
നിര്ലോഭാ നിഖിലപ്രപഞ്ചമമതാഹംതാത്മികാപ്യദ്വയീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൫ ॥
അധ്വാതീതചരിത്രവത്യപി സതാം സന്മാര്ഗസംദര്ശിനീ
യാ പൂജാവിമുഖീ നൃണാം നിജപദാര്ചായാം നിയന്ത്രീ പരമ് ।
സര്വാഹംകൃതിരൂപിണീ നതജനാഹംകാരവിച്ഛേദിനീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൬ ॥
യാ പഞ്ചാനനമഞ്ചമധ്യവിലസത്കാമേശ്വരാങ്കസ്ഥിതാ
നിത്യാ പൂജിതപാദപദ്മയുഗലാ നിത്യോത്സവാഹ്ലാദിനീ ।
സര്വാനന്ദഗൃഹോജ്ജ്വലാ ഗുരുകൃപാപീയൂഷട്ടഗ്ഗോചരാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൭ ॥
നൈഷ്കര്മ്യാ സ്വയമപ്യഹോ നിജകൃപാപാത്രസ്യ യത് സംചിതം
പ്രാരബ്ധമ് ക്ഷപയത്യനന്യഗതികം തം യാകരോദ്ദേവതാമ് ।
നിര്ധര്മിണ്യപി സര്വദാ നിജനതായാനന്ദദായിന്യഹോ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൮ ॥
യാ ബ്രഹ്മാണ്ഡജഗത്പ്രസൂരപി സദാ താരുണ്യവത്യദ്ഭുതം
സര്വൈശ്വര്യരതാപി ഗര്വമദമാത്സര്യാദിഹീനാ പരമ് ।
ത്രൈലോക്യേശ്വരരാജ്ഞ്യപി ശ്രിതജനൈര്ദത്തം പ്രഗൃഹ്ണാത്യഹോ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൯ ॥
യാ ഭക്തോത്തമചേതസശ്ചപലതാം ഹന്ത്രീ കുരങ്ഗേക്ഷണാ
ചിത്രം കാമരിപോര്മനശ്ചപലതാം ദാത്രീ സ്വരൂപേണ ച ।
മോഹം ഹന്തി നതസ്യ മന്ദഹസിതൈര്മോഹം വിധത്തേ വിഭോഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൦ ॥
യസ്യാഃ പദ്മദലായതാക്ഷികരുണാപാത്രാണി വാണ്യാദയ-
സ്തത്തത്കാര്യപരാ ഭവന്തി കൃതിനോ ബ്രഹ്മേന്ദ്രരുദ്രാദയഃ ।
യസ്യാഃ പാദസരോജസേവനപരാ നന്ദന്ത്യഹോ സിദ്ധയഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൧ ॥
ദിവ്യശ്രീചരണാരവിന്ദവിഗലത്പീയൂഷസര്പിഃ പ്ലുതം
ജ്ഞാനാഗ്നൌ സുമനഃസ്രുചാ ജഡമിദം ദൃശ്യം തപഃസംസ്കൃതമ് ।
യസ്യൈ ഭക്തിസതീസമന്വിതബുധാ ജുഹ്വത്യജസ്രം പരം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൨ ॥
യാ ശൃങ്ഗാരരസോപദേശനഗുരുഃ ശ്രീകാമജേതുഃ സദാ
കാരുണ്യാമൃതവൃഷ്ടിപൂര്ണജലമുക് ശ്രീനീലകണ്ഠപ്രിയാ ।
പഞ്ചേഷോര്വിജയശ്രിയോ ധ്വജപടീ യാ ശാന്തിസീമാനടീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൩ ॥
വിദ്യോദ്യാനമരാലികാ പരശിവോത്സങ്ഗോല്ലസച്ഛാരികാ
മേനാപുണ്യസുപഞ്ജരാശ്രിതശുകീ കാത്യാതനീ യാമ്ബികാ ।
ശ്രീപാണ്ഡ്യേശ്വരകീര്തികല്പലതികാ കാഞ്ചീപുരീനായികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൪ ॥
ലോകാനാം പരമൌഷധം ഭഗവദധ്വംസായ വിദ്യാപ്തയേ
മൂകാനാമമൃതാബ്ധിവീചികവിതാപാണ്ഡിത്യസീമാപ്തയേ ।
നിസ്ത്രൈഗുണ്യപരാത്പരസ്യ മദനോദ്രേകായ ചിത്രം ച യാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൫ ॥
നിത്യൈശ്വര്യവതീ മഹാഗുണവതീ സത്പുത്രസംപദ്വതീ
സത്സൌഭാഗ്യവതീ പതിപ്രിയവതീ പ്രാജ്ഞേശ്വരീ പാര്വതീ ।
സത്സൌന്ദര്യവതീ ശിവവ്രതവതീ സാധ്വീ ച യാ ശാശ്വതീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൬ ॥
ഷട്ത്രിംശന്നവമല്ലികാസ്രജമിമാം ത്യാഗേശപാദാര്പിതാം
പ്രജ്ഞാസൂത്രസുഗുമ്ഭിതാം ഗുരുകൃപാനന്ദാമൃതാപ്ലാവിതാമ് ।
യോ ധത്തേ ഹൃദി മൂര്ധ്നി നിശ്ചലധിയാ ശ്രോത്രേണ വാചാഥവാ
തസ്മൈ ദാസ്യതി ദേവതാ ശിവപദം സത്പുത്രസംപത്സുഖമ് ॥ ൩൭ ॥
ഇത്യാനന്ദനാഥപാദപപദ്മോപജീവിനാ കാശ്യപഗോത്രോത്പന്നേനാന്ധ്രേണ
ത്യാഗരാജനാമ്നാ വിരചിതഃ ഷട്ത്രിംശന്നവമല്ലികാസ്തവഃ സംപൂര്ണഃ
Encoded and proofread by Sridhar Seshagiri seshagir at engineering.sdsu.edu
Please send corrections to sanskrit@cheerful.com
Last updated ത്oday
http://sanskritdocuments.org
യാ മാതാ സദസദ്വിലക്ഷണപരാസംവിത്സ്വരൂപാ സദാ
ജാഗ്രത്സ്വപ്നസുഷുപ്തിവൃത്തിവിലസത്സ്ഫൂര്തിഃ പരാ വൈഖരീ ।
ഇച്ഛാദിത്രയധര്മിണീ പരഗുഹാഹംതാപ്രകാശാത്മികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧ ॥
യാം മൂലാമ്ബുജകര്ണികാപ്രവിലസത്കാമാഖ്യപീഠേ പരാം
സോമാര്കാനലദീപ്തിമക്ഷരതനും ബാലാം വിമര്ശാത്മികാമ് ।
ധ്യായന്തഃ സഹസാ ഭജന്തി കവിതാപാണ്ഡിത്യമത്യദ്ഭുതം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨ ॥
യാമമ്ഭോജമൃണാലതന്തുസുതനും വിദ്യുത്സഹസ്രപ്രഭാം
കൂജന്തീം കുലകുണ്ഡഖേലനപരാം പ്രാണാനിലോദ്യോജനീമ് ।
ഓഡ്യാണേ പരിചിന്തയന്തി കൃതിനഃ പീയൂഷവര്ഷാപ്തയേ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩ ॥
യാം സ്മൃത്വാ മണിപൂരകേ രവിനിഭേ രൌദ്രേ കൃശാന്വാലയേ
പശ്യന്തീം പദവാക്യപദ്യരചനാപാണ്ഡിത്യസംവര്ധിനീമ് ।
വക്ത്രാമ്ഭോരുഹസൌധനര്തനനടീം പശ്യന്തി ശൈവാഃ സദാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൪ ॥
യാം ധ്യായന്തി വിധൂതപാപഹൃദയാ ഹൃത്പുണ്ഡരീകാമ്ബരേ
നിര്ദോഷാരുണരത്നദീപതുലിതാം പ്രജ്ഞാനസീമന്തിനീമ് ।
സംലബ്ധും സകലാത്മികാം പരമനഃകായപ്രവേശാക്രിയാം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൫ ॥
യാം ജാലംധരബന്ധനോര്ധ്വഗമനാം ചക്രേ വിശുദ്ധൌ ശര-
ജ്ജ്യോത്സ്നാകാശനിഭേ സ്വരാക്ഷരലസദ്ദ്വ്യഷ്ടാബ്ജപത്രാന്വിതേ ।
ധ്യായന്ത്യാത്മസുഖാനുഭൂതിമമലാം ലബ്ധും ചിരംജീവിതാം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൬ ॥
യാം പശ്യന്തി പുരാണപുണ്യലസികാഃ ശ്രീദേശികാജ്ഞാധരാ
ഭ്രൂമധ്യദ്വിദലാമ്ബുജപ്രവിലസച്ചാന്ദ്രീകലാം ശാശ്വതീമ് ।
നിത്യാനന്ദസുധാസമുദ്രലഹരീക്രീഡാനുഭൂത്യൈ സദാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൭ ॥
യാം പാര്ശ്വസ്ഥിതഹംസവര്ണവിലസദ്ബിന്ദൌ ത്രിവര്ണാത്മികാം
പ്രദ്യുമ്നീയകലാമയീം നിജസുഖോദ്ബോധപ്രസാദോദയാമ് ।
സിദ്ധാന്താര്ഥരതാ ജിതേന്ദ്രിയകണാ ധ്യായന്ത്യഭേദായ വൈ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൮ ॥
യാമര്ധേന്ദുസരോരുഹേഽര്ധശശഭൃദ്രൂപേ ഹിമാംശുപ്രഭേ
പശ്യന്ത്യാത്മസുഖായ വിസ്വനമയീം തത്തന്ത്രസംഖ്യാലവൈഃ ।
ഹൃല്ലേഖാമനുപാരഗാ നിയമിതപ്രാണാദിസര്വേന്ദ്രിയാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൯ ॥
രോധിന്യമ്ബുരുഹേ ത്രികോണരുചിരേ ജ്യോത്സ്നാനിഭേ സര്വദാ
ദ്വാത്രിംശല്ലവമാനനിസ്വനവഹാം പശ്യന്തി യാം ഖേചരീമ് ।
മായാക്രീഡനപേശലാനിജപദാനന്ദാപ്തയേഽപ്യദ്ഭുതം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൦ ॥
നാദാബ്ജേ വരപദ്മരാഗമണിയഷ്ട്യാ സ്പര്ധമാനാം പരാം
ഗച്ഛന്തീം ശിവധാമ ഷോഡശലവധ്യാനാത്മികാം സംവിദാ ।
താരാനായകഭാനുസങ്ഗരസികാഃ പശ്യന്തി മുദ്രാന്വിതാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൧ ॥
നാദാന്തേഽഷ്ടലവധ്വനിപ്രകടിതാം വിദ്യുച്ഛടാഭാസുരാം
യാം സവ്യസ്ഥിതബിന്ദുലാങ്ഗലമിവാ സ്വം രൂപമാബിഭ്രതീമ് ।
യാന്തീമൂര്ധ്വകുലം യമാദിനിരതാഃ പശ്യന്ത്യഖണ്ഡാപ്തയേ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൨ ॥
തിര്യഗ്ബിന്ദുയുഗസ്യ വാമവിചരദ്രേഖാമയേ നിര്മലേ
ശക്ത്യബ്ജേ തരുണാര്കരോചിഷി ച യാം പശ്യന്തി ലക്ഷേക്ഷണാഃ ।
സ്വാനന്ദായ ചതുര്ലവസ്വനമയീം ശ്രീപാദുകാഗാമിനീം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൩ ॥
ബിന്ദ്വാശ്ലിഷ്ടകൃശാനുകോണതനുമത്യാം വ്യാപികായാം സദാ
ബാലോഷ്ണാംശുരുചൌ പരാം ലവയുഗധ്യാനാത്മികാം സംവിദമ് ।
യാം പശ്യന്തി മനീഷിണഃ കുലവധൂപാദാബ്ജരേണൂദ്വഹാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൪ ॥
ഊര്ധ്വാധോവിലസത്സുബിന്ദുയുതരേഖാമ്ഭോരുഹേ നിര്മലേ
സൂര്യാഭേ സമനേതിനാമ്നി ലവനിസ്വാനാത്മികാം ചേതനാമ് ।
യാം പശ്യന്ത്യമനസ്കയോഗവിഭവായാന്തര്മുഖാരാധകാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൫ ॥
ഉന്മന്യമ്ബുരുഹേ ദ്വിഷഡദിനമണിജ്യോതിര്മയേ ചിന്മയീം
ബിന്ദ്വാധാരസമുല്ലസത്സരലസദ്രേഖാമയേ യോഗിനഃ ।
യാം പശ്യന്ത്യണിമാദിവിഘ്നദലനേ ധീധൈര്യവിജ്ഞാനിനഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൬ ॥
യാം ധാത്രാദിവിഹീനധാമരസികാം ജ്ഞാത്രാദിവിശ്രാന്തികാമ്
ആത്മാരാമപരായണശ്രുതിശിരോമൌനാര്ഥരൂപാം ശിവാമ് ।
നിര്ദ്വന്ദ്വാത്മപരായണാ അനുഭവന്ത്യാനന്ദസീമാതിഗാഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൭ ॥
യാമാബാലബുധാജ്ഞഗോപവിദിതാഹംരൂപിണീം സര്വദാ
സര്വോപപ്ലവമുക്തധാമരമണീം സ്വാനന്ദലീലാവതീമ് ।
നിസ്ത്രൈഗുണ്യപരാപരേതരരസാഃ സ്വേനൈവ പശ്യന്ത്യഹോ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൮ ॥
യാം പ്രജ്ഞേതി വദന്തി കേചിദിതരേ സദ്രൂപിണീത്യാദിമാം
ശൂന്യം കേചിദജേതി കേചിദപരേ ജാഡ്യാത്മികേത്യദ്ഭുതമ് ।
ജാഡ്യാജാഡ്യമയീതി കേചിദിതരേ തദ്ബ്രഹ്മ സര്വാത്മകം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൧൯ ॥
യാ കാഷ്ഠാ പരമാ ഗതിഃ പരമഭൂദസ്പന്ദിനീ സ്പന്ദിനീ
സൃഷ്ട്വാദൌ നിഖിലം ചരാചരമിദം സ്വസ്മിന് പ്രവേശ്യേച്ഛയാ ।
ക്രീഡത്യേകരസാത്മികാപി ബഹുധാ ഭാതീവ യാ സര്വഗാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൦ ॥
യാഹംപ്രത്യയസാക്ഷിണീ ജഗദുപാദാനം ച നിഷ്കാരണം
യാവസ്ഥാത്രയവര്ജിതാപി സകലാവസ്ഥാത്മികാ സംവിദാ ।
യാ ഭോക്തൃത്വവിലക്ഷണാപി സതതം ഭോക്ത്രീ പ്രമോദാന്നിജാത്
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൧ ॥
സര്വാനുഗ്രഹധര്മിണീ സ്വയമഭൂത് സാദാഖ്യധര്മേണ യാ
ലോകാനാം പരമേശ്വരീ കില തിരോധാനേന ധര്മേണ യാ ।
യാ നാശസ്ഥിതിസൃഷ്ടിധര്മവിഭവൈ രുദ്രാദിമൂര്ത്യാത്മികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൨ ॥
യാ സോമാര്കമഹീജലാഗ്നിമരുദാകാശാത്മദേഹൈഃ സദാ
സര്വം വിശ്വമിദം ദധത്യാപി പരം നിര്ദേഹലേപാദ്ഭുതമ് ।
യാ വേദാഗമശാസ്ത്രമൂലഗുരുരപ്യവ്യാജമൌനാത്മികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൩ ॥
സൂക്ഷ്മാത് സൂക്ഷ്മതമാ വിഭോര്വിഭുതമാ യാ മധ്യമാ സര്വദാ
ശ്രോത്രാദേഃ ശ്രവണാദിരാത്മനി ചിദാഭാസോ മതൌ പ്രേരികാ ।
വിശ്വോ ജാഗ്രതി തൈജസഃ പരമഭൂത് സ്വപ്നേ സുഷുപ്തൌ സുഖം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൪ ॥
നിര്ദോഷാ സകലാന്തരങ്ഗരമണീയാപ്യദ്ഭുതം നിഷ്ക്രിയാ
യാ സര്വേന്ദ്രിയകര്മകര്ത്ര്യപി സതാം പാശാഷ്ടകച്ഛേദിനീ ।
നിര്ലോഭാ നിഖിലപ്രപഞ്ചമമതാഹംതാത്മികാപ്യദ്വയീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൫ ॥
അധ്വാതീതചരിത്രവത്യപി സതാം സന്മാര്ഗസംദര്ശിനീ
യാ പൂജാവിമുഖീ നൃണാം നിജപദാര്ചായാം നിയന്ത്രീ പരമ് ।
സര്വാഹംകൃതിരൂപിണീ നതജനാഹംകാരവിച്ഛേദിനീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൬ ॥
യാ പഞ്ചാനനമഞ്ചമധ്യവിലസത്കാമേശ്വരാങ്കസ്ഥിതാ
നിത്യാ പൂജിതപാദപദ്മയുഗലാ നിത്യോത്സവാഹ്ലാദിനീ ।
സര്വാനന്ദഗൃഹോജ്ജ്വലാ ഗുരുകൃപാപീയൂഷട്ടഗ്ഗോചരാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൭ ॥
നൈഷ്കര്മ്യാ സ്വയമപ്യഹോ നിജകൃപാപാത്രസ്യ യത് സംചിതം
പ്രാരബ്ധമ് ക്ഷപയത്യനന്യഗതികം തം യാകരോദ്ദേവതാമ് ।
നിര്ധര്മിണ്യപി സര്വദാ നിജനതായാനന്ദദായിന്യഹോ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൮ ॥
യാ ബ്രഹ്മാണ്ഡജഗത്പ്രസൂരപി സദാ താരുണ്യവത്യദ്ഭുതം
സര്വൈശ്വര്യരതാപി ഗര്വമദമാത്സര്യാദിഹീനാ പരമ് ।
ത്രൈലോക്യേശ്വരരാജ്ഞ്യപി ശ്രിതജനൈര്ദത്തം പ്രഗൃഹ്ണാത്യഹോ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൨൯ ॥
യാ ഭക്തോത്തമചേതസശ്ചപലതാം ഹന്ത്രീ കുരങ്ഗേക്ഷണാ
ചിത്രം കാമരിപോര്മനശ്ചപലതാം ദാത്രീ സ്വരൂപേണ ച ।
മോഹം ഹന്തി നതസ്യ മന്ദഹസിതൈര്മോഹം വിധത്തേ വിഭോഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൦ ॥
യസ്യാഃ പദ്മദലായതാക്ഷികരുണാപാത്രാണി വാണ്യാദയ-
സ്തത്തത്കാര്യപരാ ഭവന്തി കൃതിനോ ബ്രഹ്മേന്ദ്രരുദ്രാദയഃ ।
യസ്യാഃ പാദസരോജസേവനപരാ നന്ദന്ത്യഹോ സിദ്ധയഃ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൧ ॥
ദിവ്യശ്രീചരണാരവിന്ദവിഗലത്പീയൂഷസര്പിഃ പ്ലുതം
ജ്ഞാനാഗ്നൌ സുമനഃസ്രുചാ ജഡമിദം ദൃശ്യം തപഃസംസ്കൃതമ് ।
യസ്യൈ ഭക്തിസതീസമന്വിതബുധാ ജുഹ്വത്യജസ്രം പരം
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൨ ॥
യാ ശൃങ്ഗാരരസോപദേശനഗുരുഃ ശ്രീകാമജേതുഃ സദാ
കാരുണ്യാമൃതവൃഷ്ടിപൂര്ണജലമുക് ശ്രീനീലകണ്ഠപ്രിയാ ।
പഞ്ചേഷോര്വിജയശ്രിയോ ധ്വജപടീ യാ ശാന്തിസീമാനടീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൩ ॥
വിദ്യോദ്യാനമരാലികാ പരശിവോത്സങ്ഗോല്ലസച്ഛാരികാ
മേനാപുണ്യസുപഞ്ജരാശ്രിതശുകീ കാത്യാതനീ യാമ്ബികാ ।
ശ്രീപാണ്ഡ്യേശ്വരകീര്തികല്പലതികാ കാഞ്ചീപുരീനായികാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൪ ॥
ലോകാനാം പരമൌഷധം ഭഗവദധ്വംസായ വിദ്യാപ്തയേ
മൂകാനാമമൃതാബ്ധിവീചികവിതാപാണ്ഡിത്യസീമാപ്തയേ ।
നിസ്ത്രൈഗുണ്യപരാത്പരസ്യ മദനോദ്രേകായ ചിത്രം ച യാ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൫ ॥
നിത്യൈശ്വര്യവതീ മഹാഗുണവതീ സത്പുത്രസംപദ്വതീ
സത്സൌഭാഗ്യവതീ പതിപ്രിയവതീ പ്രാജ്ഞേശ്വരീ പാര്വതീ ।
സത്സൌന്ദര്യവതീ ശിവവ്രതവതീ സാധ്വീ ച യാ ശാശ്വതീ
താം നൌമി ത്രിപുരാം പരാപരമയീം സ്വാനന്ദസംവിത്തയേ ॥ ൩൬ ॥
ഷട്ത്രിംശന്നവമല്ലികാസ്രജമിമാം ത്യാഗേശപാദാര്പിതാം
പ്രജ്ഞാസൂത്രസുഗുമ്ഭിതാം ഗുരുകൃപാനന്ദാമൃതാപ്ലാവിതാമ് ।
യോ ധത്തേ ഹൃദി മൂര്ധ്നി നിശ്ചലധിയാ ശ്രോത്രേണ വാചാഥവാ
തസ്മൈ ദാസ്യതി ദേവതാ ശിവപദം സത്പുത്രസംപത്സുഖമ് ॥ ൩൭ ॥
ഇത്യാനന്ദനാഥപാദപപദ്മോപജീവിനാ കാശ്യപഗോത്രോത്പന്നേനാന്ധ്രേണ
ത്യാഗരാജനാമ്നാ വിരചിതഃ ഷട്ത്രിംശന്നവമല്ലികാസ്തവഃ സംപൂര്ണഃ
Encoded and proofread by Sridhar Seshagiri seshagir at engineering.sdsu.edu
Please send corrections to sanskrit@cheerful.com
Last updated ത്oday
http://sanskritdocuments.org
Shattrimsha Navamallika Stavam Lyrics in Malayalam PDF
% File name : navamallika36.itx
% Location : doc\_devii
% Author : tyAgarAja
% Language : Sanskrit
% Subject : hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Description-comments : Hymn in praise of the Devi as Tripurasundari
% Latest update : March 22, 2002, June 26, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : navamallika36.itx
% Location : doc\_devii
% Author : tyAgarAja
% Language : Sanskrit
% Subject : hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Description-comments : Hymn in praise of the Devi as Tripurasundari
% Latest update : March 22, 2002, June 26, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website