{॥ ശ്രീരാജരാജേശ്വരീ ചൂര്ണികാ ॥}
ശ്രീമത് കമലാപുര കനകധരാധരവര നിരുപമ പരമ പാവന
മനോഹര പ്രാന്തേ, സരസിജഭവോപമ
വിശ്വംഭരാമരവര്ഗഗനിഗ്ഗലത്സസംഭ്രമ ഗുംഭാനുഗുംഭ നിരന്തര
പഠ്യമാന നിഖില നിഗമാഗമ ശാസ്ത്ര പുരാണേതിഹാസ കഥാനിര്മല
നിനാദസമാക്രാന്തേ ॥ ൧॥

തത്ര പ്രവര്ദ്ധിത
മന്ദാര-മയൂര-ഖര്ജുര-കോവിദാര-ജംബീര-ജംബൂ-
നിംബ-കദംബോദുംബര-സാല-രസാല-തമാല-തക്കോല-ഹിന്താല-
നാളികേര-കദലീ-ക്രമുക-മാതുലുംഗ-നാരംഗ-ലവംഗ-ബാദരീ-
ചംപകാശോക-പുന്നാഗാഗരുചന്ദന-കുരുവക-മരുവക-വേലദ്രാക്ഷാ-
മല്ലികാ-മാലതീ-മാധവീലതാ-ശോഭായമാന-പുഷ്പിതഫലിത-ലലിത
വിവിധ വനതരുവാടികാ മധ്യപ്രദേശേ ॥ ൨॥

ശുകപികശാരികാ നികരമയൂര ചകോര ചക്രവാക
ഭരദ്വാജ-പിംഗല-ടിട്ടിഭ-ഗരുഢ-വിഹഗകുലായന കോലാഹലാരവ
പരിപൂരിതാശേ, തത്ര സുധാരസോപമ-പാനീയകാസാര സ്ഫുടകലിത
കുമുദേന്ദീവരഷണ്ഡ-സഞ്ചരന്മരാല ചക്രവാക കാരണ്ഡവ പ്രമുഖ
ജലാണ്ഡജമണ്ഡലീ ശോഭായമാനേ, നന്ദനവന കൃതബഹുമാനേ ॥ ൩॥

ചാരുചാമീകര പ്രാകാരഗോപുര വലയിതേ, സുലളിതേ,
സുസ്നിഗ്ധവിരാജിത വജ്രസ്തംഭ സഹസ്രപത്മരാഗപലഫലക
ജാതരൂപന്ത്രതന നിര്മിത പ്രഥമമണ്തപ-
ദ്വീതീയമണ്ടപാന്തരാളമണ്ടപ മൂലമഹാമണ്ടപസ്ഥാനേ,
ശില്പിശാസ്ത്രപ്രധാനേ,
കലിതവജ്രവൈഢൂര്യ-മാണിക്യ-ഗോമേതക-പുഷ്പരാഗ-
പത്മരാഗ-മരകത-നീല-മുക്താ-പ്രവാളാഖ്യ
നവരത്നതേജോവിരാജിത ബിന്ദുത്രികോണ ഷട്കോണവസുകോണ ശ്രീചക്രസ്വരൂപ
ഭദ്രസിംഹാസനാസീനേ, ദേവതാപ്രധാനേ ॥ ൪॥

ചരണാംഗുളിനഖമുഖരുചിനിചയ പരാഭ്രതതാരകേ, ശ്രിമന്മാണിക്യ
മംജീരമണ്ഡിത ശ്രീപദാംബുജദ്വയേ, മീനകേതനമണി
തുണീരവിലാസവിജയിജംഘായുഗളേ, കനകരംഭാസ്തംഭിതോരുദ്വയേ,
കന്ദര്പസ്വര്ണസ്യന്ദനപടുതര ശകടസന്നിഭനിതംബ ബിംബേ ॥ ൫॥

ദിനകരോദയാര്ധവികസിതാരവിന്ദനാഭിപ്രദേശേ,
രോമരാജീവിരാജിതവളിത്രയേ, ഭാസുരകരഭോദരേ,
ജംഭാസുരരിപുകുംഭികുംഭസമുജ്ജ്യംഭിത ശാതകുംഭകുംഭായമാന
സംഭാവിതപയോധരദ്വയേ, അദ്വയേ, ഗോവിത കുശകലശ
കക്ഷദ്വയാരുണിത സൂര്യ പട്ടാഭിധാനമുക്താമണിപ്രോത
കഞ്ചുകവിരാജമാനേ, കോമളതരകല്പവല്ലീസമാന
പാശാങ്കുശവരാഭയ മുദ്രാമുദ്രിതത്സന്ത്സണത്കാര വിരാജിത
ചതുര്ഭുജേ ॥ ൬॥

ത്രൈലോക്യജൈത്രയാത്രാഗമനസുരവരകര ബധമംഗളസൂത്ര
ത്രിമേഖാശോഭിതകന്ഡരേ, നവപ്രവാലവല്ലവപക്വബിംബഫലാധരേ,
നിരന്തരകര്പൂരതാംബൂലച്യര്വണാരുണിതരദനപങ്ക്തിദ്വയേ,
ചന്പകപ്രസൂനതിലപുഷ്പസമാന
നാസാപുടാഗ്രോദഞ്ചിതമൌക്തികാഭരണേ,
കര്ണാവതംസീകൃതേന്ദിവരവിരാജിതകപോലഭാഗേ,
അരവിന്ദദളദീര്ഘലോചനേ ॥ ൭॥

കുസുമശരകോഡന്ദലേഖാലങ്കാരി മനോഹാരിഭൃലതായുഗളേ,
സുലളിതാഷ്ടമീചന്ദ്രലാവണ്യലലാടഫലകേ, കസ്തൂരികാതിലകേ,
ഹരിന്മണിദ്വിരേഫാവലി പ്രകാശകേശപാശേ, കനകാംഗദഹാരകേയൂര
നാനാവിധായുധ സ്ഥിരീഭൃതസൌദാമിനീ
തുലിതലളിതന്ത്രതനതന്ത്രലതേ ॥ ൮॥

കാശ്യപാത്രി
ഭരദ്വാജവ്യാസപരാശര-മാര്കണ്ഡേയ-വിശ്വാമിത്ര-
കണ്വകപിലഗര്ഗപുലസ്ത്യാഗസ്ത്യാദി
സകലമുനിമനോധ്യബ്രഹ്മ തേജോമയേ, ചിന്മയേ ॥ ൯॥

സേവാര്ഥാഗതാംഗ-വംഗ-കലിംഗ-കാംഭോജ-സൌവീര-സൌരാഷ്ട്ര-
മഹാരഷ്ട്ര-മാഗധ-നിഷധ-ചോല-ചേര-പാണ്ഡ്യ-പാഞ്ചാല-ദ്രവിഡ-
ദ്രാവിഡ-ഘോട-ലാട-വരാട-കര്ണാടകാസ്ഡ്ര-ഭോജ-കുരു-ഗാന്ധാര-
വിദര്ഭ-വിജ്രുംഭ-ബാഹ്ലീക-ബര്ബര-കേരള-കൈകയ-കോസല-ശൂരസേന-
ച്യവന-ടങ്കണ-കോങ്കണ-മത്സ്യ-മാധ്വ-സൈന്ധവ-കാശീ-ഭദ്രാശീ-
ഐന്ദ്രാംശീ-ഉത്തരഗിരി-ഷട്പഞ്ചാശത്-ദേശാദീശാദി-ഗന്ധര്വ
ഹേഷാരവഹീത്കാരവരഥാംഗക്രൈമ്കാരഭേരീ-ഝംകാര മദുള
ധ്വനിഹുംകാരയുക്ത ചതുരംഗസമേത ജിതസുരരാജാധിരാജ
പുംഖാനുപുംഖഗമനാഗമന വിശീര്ണാഭരണാദ്യയുത പാടലീ
വാലുകായമാന പ്രഥമ മണ്ടപ സന്നിധാനേ ॥ ൧൦॥

തത്തത് പൂജജാല
ക്രിയമാനാര്ഘ്യ-പാദ്യാചമനീയ-സ്നാന-വസ്ത്രാഭരണ-
ജലഗന്ധ-പുഷ്പാക്ഷത-ധൂപദീപ-നൈവേദ്യതാമ്ബൂല-
പ്രദക്ഷിണനമസ്കാര-സ്തോത്രസ്വാന്ത
സന്തോഷിതവരപ്രദാനശീലേ, ശ്രീബാലേ ॥ ൧൧॥

രമ്ഭോര്വശീമേനകാ-തിലോത്തമാ-ഹരിണീ-ഘൃതാചീ
മഞ്ജൂഘോഷ-അലംബുസാദ്യുതാഫ്സരസ്ത്രീ-"ധിമിന്ധിമിത"
ചിത്രോപമിത്ര നര്തനോല്ലാസാവലോകനദ്വയേ, കൃത്തിവാസഃപ്രിയേ,
ബണ്ഡാസുര-പ്രേരിതാഖന്ഡദോര്ദുണ്ഡ രക്ഷോമണ്ഡലീ ഖണ്ഡനേ ॥ ൧൨॥

നിജരാംഗുളീയകാദി മത്സ്യ-കൂര്മ-വരാഹാദി നാരായണ
ദശാവതാരേ, ഹിമവത്കുലാചലരാജകന്യേ, സര്വലോകമാന്യേ ॥ ൧൩॥

ശ്രീ വിദ്യാധീശരചിത ചൂര്ണികശ്രവണപഠനാനന്ദിനാം
സമ്പ്രാര്ഥിതായുരാരോഗ്യസൌന്ദര്യ വിദ്യാബുദ്ധി പുത്രപൌത്ര
കളത്രൈശ്വര്യാദി സകലസൌഖ്യപ്രദേ ,
ശ്രീമത്കമലാമ്ബികേ ! പരാശക്തേ !
നമസ്തേ ! നമസ്തേ ! നമസ്തേ !
മുക്താവിദ്രുമ ഹേമകുണ്ഡലധരാ സിംഹാധിരൂഢാ ശിവാ ।
രക്താംഭോജസമാനകാന്തി വദനാ ശ്രീമത്കിരീടാന്വിതാ ॥

മുക്താഹേമവിചിത്രഹാരകടകൈഃ പീതാംബരാ ശങ്കരീ ।
ഭക്താഭീഷ്ടവരപ്രദാനചതുരാ മാംപാതു ഹേമാമ്ബികാ ॥

॥ ശ്രീ വിദ്യാധീശ വിരചിത ശ്രീ രാജരാജേശ്വരീ ചൂര്ണികാ

സമാപ്താ ॥


Encoded and proofread by
Antaratma antaratma at Safe-mail.net

Please send corrections to sanskrit@cheerful.com
Last updated ത്oday
http://sanskritdocuments.org

Rajarajeshwari Churnika Lyrics in Malayalam PDF
% File name : rAjarAjeshvarIchUrNikA.itx
% Location : doc\_devii
% Author : shrii vidyaadhiisha
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : September 1, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website