{॥ ଶ୍ରୀରାଜରାଜେଶ୍ଵରୀ ଚୂର୍ଣିକା ॥}
ଶ୍ରୀମତ୍ କମଲାପୁର କନକଧରାଧରଵର ନିରୁପମ ପରମ ପାଵନ
ମନୋହର ପ୍ରାନ୍ତେ, ସରସିଜଭଵୋପମ
ଵିଶ୍ଵଂଭରାମରଵର୍ଗଗନିଗ୍ଗଲତ୍ସସଂଭ୍ରମ ଗୁଂଭାନୁଗୁଂଭ ନିରନ୍ତର
ପଠ୍ଯମାନ ନିଖିଲ ନିଗମାଗମ ଶାସ୍ତ୍ର ପୁରାଣେତିହାସ କଥାନିର୍ମଲ
ନିନାଦସମାକ୍ରାନ୍ତେ ॥ ୧॥

ତତ୍ର ପ୍ରଵର୍ଦ୍ଧିତ
ମନ୍ଦାର-ମଯୂର-ଖର୍ଜୁର-କୋଵିଦାର-ଜଂବୀର-ଜଂବୂ-
ନିଂବ-କଦଂବୋଦୁଂବର-ସାଲ-ରସାଲ-ତମାଲ-ତକ୍କୋଲ-ହିନ୍ତାଲ-
ନାଳିକେର-କଦଲୀ-କ୍ରମୁକ-ମାତୁଲୁଂଗ-ନାରଂଗ-ଲଵଂଗ-ବାଦରୀ-
ଚଂପକାଶୋକ-ପୁନ୍ନାଗାଗରୁଚନ୍ଦନ-କୁରୁଵକ-ମରୁଵକ-ଵେଲଦ୍ରାକ୍ଷା-
ମଲ୍ଲିକା-ମାଲତୀ-ମାଧଵୀଲତା-ଶୋଭାଯମାନ-ପୁଷ୍ପିତଫଲିତ-ଲଲିତ
ଵିଵିଧ ଵନତରୁଵାଟିକା ମଧ୍ଯପ୍ରଦେଶେ ॥ ୨॥

ଶୁକପିକଶାରିକା ନିକରମଯୂର ଚକୋର ଚକ୍ରଵାକ
ଭରଦ୍ଵାଜ-ପିଂଗଲ-ଟିଟ୍ଟିଭ-ଗରୁଢ-ଵିହଗକୁଲାଯନ କୋଲାହଲାରଵ
ପରିପୂରିତାଶେ, ତତ୍ର ସୁଧାରସୋପମ-ପାନୀଯକାସାର ସ୍ଫୁଟକଲିତ
କୁମୁଦେନ୍ଦୀଵରଷଣ୍ଡ-ସଞ୍ଚରନ୍ମରାଲ ଚକ୍ରଵାକ କାରଣ୍ଡଵ ପ୍ରମୁଖ
ଜଲାଣ୍ଡଜମଣ୍ଡଲୀ ଶୋଭାଯମାନେ, ନନ୍ଦନଵନ କୃତବହୁମାନେ ॥ ୩॥

ଚାରୁଚାମୀକର ପ୍ରାକାରଗୋପୁର ଵଲଯିତେ, ସୁଲଳିତେ,
ସୁସ୍ନିଗ୍ଧଵିରାଜିତ ଵଜ୍ରସ୍ତଂଭ ସହସ୍ରପତ୍ମରାଗପଲଫଲକ
ଜାତରୂପନ୍ତ୍ରତନ ନିର୍ମିତ ପ୍ରଥମମଣ୍ତପ-
ଦ୍ଵୀତୀଯମଣ୍ଟପାନ୍ତରାଳମଣ୍ଟପ ମୂଲମହାମଣ୍ଟପସ୍ଥାନେ,
ଶିଲ୍ପିଶାସ୍ତ୍ରପ୍ରଧାନେ,
କଲିତଵଜ୍ରଵୈଢୂର୍ଯ-ମାଣିକ୍ଯ-ଗୋମେତକ-ପୁଷ୍ପରାଗ-
ପତ୍ମରାଗ-ମରକତ-ନୀଲ-ମୁକ୍ତା-ପ୍ରଵାଳାଖ୍ଯ
ନଵରତ୍ନତେଜୋଵିରାଜିତ ବିନ୍ଦୁତ୍ରିକୋଣ ଷଟ୍କୋଣଵସୁକୋଣ ଶ୍ରୀଚକ୍ରସ୍ଵରୂପ
ଭଦ୍ରସିଂହାସନାସୀନେ, ଦେଵତାପ୍ରଧାନେ ॥ ୪॥

ଚରଣାଂଗୁଳିନଖମୁଖରୁଚିନିଚଯ ପରାଭ୍ରତତାରକେ, ଶ୍ରିମନ୍ମାଣିକ୍ଯ
ମଂଜୀରମଣ୍ଡିତ ଶ୍ରୀପଦାଂବୁଜଦ୍ଵଯେ, ମୀନକେତନମଣି
ତୁଣୀରଵିଲାସଵିଜଯିଜଂଘାଯୁଗଳେ, କନକରଂଭାସ୍ତଂଭିତୋରୁଦ୍ଵଯେ,
କନ୍ଦର୍ପସ୍ଵର୍ଣସ୍ଯନ୍ଦନପଟୁତର ଶକଟସନ୍ନିଭନିତଂବ ବିଂବେ ॥ ୫॥

ଦିନକରୋଦଯାର୍ଧଵିକସିତାରଵିନ୍ଦନାଭିପ୍ରଦେଶେ,
ରୋମରାଜୀଵିରାଜିତଵଳିତ୍ରଯେ, ଭାସୁରକରଭୋଦରେ,
ଜଂଭାସୁରରିପୁକୁଂଭିକୁଂଭସମୁଜ୍ଜ୍ଯଂଭିତ ଶାତକୁଂଭକୁଂଭାଯମାନ
ସଂଭାଵିତପଯୋଧରଦ୍ଵଯେ, ଅଦ୍ଵଯେ, ଗୋଵିତ କୁଶକଲଶ
କକ୍ଷଦ୍ଵଯାରୁଣିତ ସୂର୍ଯ ପଟ୍ଟାଭିଧାନମୁକ୍ତାମଣିପ୍ରୋତ
କଞ୍ଚୁକଵିରାଜମାନେ, କୋମଳତରକଲ୍ପଵଲ୍ଲୀସମାନ
ପାଶାଙ୍କୁଶଵରାଭଯ ମୁଦ୍ରାମୁଦ୍ରିତତ୍ସନ୍ତ୍ସଣତ୍କାର ଵିରାଜିତ
ଚତୁର୍ଭୁଜେ ॥ ୬॥

ତ୍ରୈଲୋକ୍ଯଜୈତ୍ରଯାତ୍ରାଗମନସୁରଵରକର ବଧମଂଗଳସୂତ୍ର
ତ୍ରିମେଖାଶୋଭିତକନ୍ଡରେ, ନଵପ୍ରଵାଲଵଲ୍ଲଵପକ୍ଵବିଂବଫଲାଧରେ,
ନିରନ୍ତରକର୍ପୂରତାଂବୂଲଚ୍ଯର୍ଵଣାରୁଣିତରଦନପଙ୍କ୍ତିଦ୍ଵଯେ,
ଚନ୍ପକପ୍ରସୂନତିଲପୁଷ୍ପସମାନ
ନାସାପୁଟାଗ୍ରୋଦଞ୍ଚିତମୌକ୍ତିକାଭରଣେ,
କର୍ଣାଵତଂସୀକୃତେନ୍ଦିଵରଵିରାଜିତକପୋଲଭାଗେ,
ଅରଵିନ୍ଦଦଳଦୀର୍ଘଲୋଚନେ ॥ ୭॥

କୁସୁମଶରକୋଡନ୍ଦଲେଖାଲଙ୍କାରି ମନୋହାରିଭୃଲତାଯୁଗଳେ,
ସୁଲଳିତାଷ୍ଟମୀଚନ୍ଦ୍ରଲାଵଣ୍ଯଲଲାଟଫଲକେ, କସ୍ତୂରିକାତିଲକେ,
ହରିନ୍ମଣିଦ୍ଵିରେଫାଵଲି ପ୍ରକାଶକେଶପାଶେ, କନକାଂଗଦହାରକେଯୂର
ନାନାଵିଧାଯୁଧ ସ୍ଥିରୀଭୃତସୌଦାମିନୀ
ତୁଲିତଲଳିତନ୍ତ୍ରତନତନ୍ତ୍ରଲତେ ॥ ୮॥

କାଶ୍ଯପାତ୍ରି
ଭରଦ୍ଵାଜଵ୍ଯାସପରାଶର-ମାର୍କଣ୍ଡେଯ-ଵିଶ୍ଵାମିତ୍ର-
କଣ୍ଵକପିଲଗର୍ଗପୁଲସ୍ତ୍ଯାଗସ୍ତ୍ଯାଦି
ସକଲମୁନିମନୋଧ୍ଯବ୍ରହ୍ମ ତେଜୋମଯେ, ଚିନ୍ମଯେ ॥ ୯॥

ସେଵାର୍ଥାଗତାଂଗ-ଵଂଗ-କଲିଂଗ-କାଂଭୋଜ-ସୌଵୀର-ସୌରାଷ୍ଟ୍ର-
ମହାରଷ୍ଟ୍ର-ମାଗଧ-ନିଷଧ-ଚୋଲ-ଚେର-ପାଣ୍ଡ୍ଯ-ପାଞ୍ଚାଲ-ଦ୍ରଵିଡ-
ଦ୍ରାଵିଡ-ଘୋଟ-ଲାଟ-ଵରାଟ-କର୍ଣାଟକାସ୍ଡ୍ର-ଭୋଜ-କୁରୁ-ଗାନ୍ଧାର-
ଵିଦର୍ଭ-ଵିଜ୍ରୁଂଭ-ବାହ୍ଲୀକ-ବର୍ବର-କେରଳ-କୈକଯ-କୋସଲ-ଶୂରସେନ-
ଚ୍ଯଵନ-ଟଙ୍କଣ-କୋଙ୍କଣ-ମତ୍ସ୍ଯ-ମାଧ୍ଵ-ସୈନ୍ଧଵ-କାଶୀ-ଭଦ୍ରାଶୀ-
ଐନ୍ଦ୍ରାଂଶୀ-ଉତ୍ତରଗିରି-ଷଟ୍ପଞ୍ଚାଶତ୍-ଦେଶାଦୀଶାଦି-ଗନ୍ଧର୍ଵ
ହେଷାରଵହୀତ୍କାରଵରଥାଂଗକ୍ରୈମ୍କାରଭେରୀ-ଝଂକାର ମଦୁଳ
ଧ୍ଵନିହୁଂକାରଯୁକ୍ତ ଚତୁରଂଗସମେତ ଜିତସୁରରାଜାଧିରାଜ
ପୁଂଖାନୁପୁଂଖଗମନାଗମନ ଵିଶୀର୍ଣାଭରଣାଦ୍ଯଯୁତ ପାଟଲୀ
ଵାଲୁକାଯମାନ ପ୍ରଥମ ମଣ୍ଟପ ସନ୍ନିଧାନେ ॥ ୧୦॥

ତତ୍ତତ୍ ପୂଜଜାଲ
କ୍ରିଯମାନାର୍ଘ୍ଯ-ପାଦ୍ଯାଚମନୀଯ-ସ୍ନାନ-ଵସ୍ତ୍ରାଭରଣ-
ଜଲଗନ୍ଧ-ପୁଷ୍ପାକ୍ଷତ-ଧୂପଦୀପ-ନୈଵେଦ୍ଯତାମ୍ବୂଲ-
ପ୍ରଦକ୍ଷିଣନମସ୍କାର-ସ୍ତୋତ୍ରସ୍ଵାନ୍ତ
ସନ୍ତୋଷିତଵରପ୍ରଦାନଶୀଲେ, ଶ୍ରୀବାଲେ ॥ ୧୧॥

ରମ୍ଭୋର୍ଵଶୀମେନକା-ତିଲୋତ୍ତମା-ହରିଣୀ-ଘୃତାଚୀ
ମଞ୍ଜୂଘୋଷ-ଅଲଂବୁସାଦ୍ଯୁତାଫ୍ସରସ୍ତ୍ରୀ-"ଧିମିନ୍ଧିମିତ"
ଚିତ୍ରୋପମିତ୍ର ନର୍ତନୋଲ୍ଲାସାଵଲୋକନଦ୍ଵଯେ, କୃତ୍ତିଵାସଃପ୍ରିଯେ,
ବଣ୍ଡାସୁର-ପ୍ରେରିତାଖନ୍ଡଦୋର୍ଦୁଣ୍ଡ ରକ୍ଷୋମଣ୍ଡଲୀ ଖଣ୍ଡନେ ॥ ୧୨॥

ନିଜରାଂଗୁଳୀଯକାଦି ମତ୍ସ୍ଯ-କୂର୍ମ-ଵରାହାଦି ନାରାଯଣ
ଦଶାଵତାରେ, ହିମଵତ୍କୁଲାଚଲରାଜକନ୍ଯେ, ସର୍ଵଲୋକମାନ୍ଯେ ॥ ୧୩॥

ଶ୍ରୀ ଵିଦ୍ଯାଧୀଶରଚିତ ଚୂର୍ଣିକଶ୍ରଵଣପଠନାନନ୍ଦିନାଂ
ସମ୍ପ୍ରାର୍ଥିତାଯୁରାରୋଗ୍ଯସୌନ୍ଦର୍ଯ ଵିଦ୍ଯାବୁଦ୍ଧି ପୁତ୍ରପୌତ୍ର
କଳତ୍ରୈଶ୍ଵର୍ଯାଦି ସକଲସୌଖ୍ଯପ୍ରଦେ ,
ଶ୍ରୀମତ୍କମଲାମ୍ବିକେ ! ପରାଶକ୍ତେ !
ନମସ୍ତେ ! ନମସ୍ତେ ! ନମସ୍ତେ !
ମୁକ୍ତାଵିଦ୍ରୁମ ହେମକୁଣ୍ଡଲଧରା ସିଂହାଧିରୂଢା ଶିଵା ।
ରକ୍ତାଂଭୋଜସମାନକାନ୍ତି ଵଦନା ଶ୍ରୀମତ୍କିରୀଟାନ୍ଵିତା ॥

ମୁକ୍ତାହେମଵିଚିତ୍ରହାରକଟକୈଃ ପୀତାଂବରା ଶଙ୍କରୀ ।
ଭକ୍ତାଭୀଷ୍ଟଵରପ୍ରଦାନଚତୁରା ମାଂପାତୁ ହେମାମ୍ବିକା ॥

॥ ଶ୍ରୀ ଵିଦ୍ଯାଧୀଶ ଵିରଚିତ ଶ୍ରୀ ରାଜରାଜେଶ୍ଵରୀ ଚୂର୍ଣିକା

ସମାପ୍ତା ॥


Encoded and proofread by
Antaratma antaratma at Safe-mail.net

Please send corrections to sanskrit@cheerful.com
Last updated ତ୍oday
http://sanskritdocuments.org

Rajarajeshwari Churnika Lyrics in Oriya PDF
% File name : rAjarAjeshvarIchUrNikA.itx
% Location : doc\_devii
% Author : shrii vidyaadhiisha
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : September 1, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website