{॥ శ్రీరాజరాజేశ్వరీ చూర్ణికా ॥}
శ్రీమత్ కమలాపుర కనకధరాధరవర నిరుపమ పరమ పావన
మనోహర ప్రాన్తే, సరసిజభవోపమ
విశ్వంభరామరవర్గగనిగ్గలత్ససంభ్రమ గుంభానుగుంభ నిరన్తర
పఠ్యమాన నిఖిల నిగమాగమ శాస్త్ర పురాణేతిహాస కథానిర్మల
నినాదసమాక్రాన్తే ॥ ౧॥

తత్ర ప్రవర్ద్ధిత
మన్దార-మయూర-ఖర్జుర-కోవిదార-జంబీర-జంబూ-
నింబ-కదంబోదుంబర-సాల-రసాల-తమాల-తక్కోల-హిన్తాల-
నాళికేర-కదలీ-క్రముక-మాతులుంగ-నారంగ-లవంగ-బాదరీ-
చంపకాశోక-పున్నాగాగరుచన్దన-కురువక-మరువక-వేలద్రాక్షా-
మల్లికా-మాలతీ-మాధవీలతా-శోభాయమాన-పుష్పితఫలిత-లలిత
వివిధ వనతరువాటికా మధ్యప్రదేశే ॥ ౨॥

శుకపికశారికా నికరమయూర చకోర చక్రవాక
భరద్వాజ-పింగల-టిట్టిభ-గరుఢ-విహగకులాయన కోలాహలారవ
పరిపూరితాశే, తత్ర సుధారసోపమ-పానీయకాసార స్ఫుటకలిత
కుముదేన్దీవరషణ్డ-సఞ్చరన్మరాల చక్రవాక కారణ్డవ ప్రముఖ
జలాణ్డజమణ్డలీ శోభాయమానే, నన్దనవన కృతబహుమానే ॥ ౩॥

చారుచామీకర ప్రాకారగోపుర వలయితే, సులళితే,
సుస్నిగ్ధవిరాజిత వజ్రస్తంభ సహస్రపత్మరాగపలఫలక
జాతరూపన్త్రతన నిర్మిత ప్రథమమణ్తప-
ద్వీతీయమణ్టపాన్తరాళమణ్టప మూలమహామణ్టపస్థానే,
శిల్పిశాస్త్రప్రధానే,
కలితవజ్రవైఢూర్య-మాణిక్య-గోమేతక-పుష్పరాగ-
పత్మరాగ-మరకత-నీల-ముక్తా-ప్రవాళాఖ్య
నవరత్నతేజోవిరాజిత బిన్దుత్రికోణ షట్కోణవసుకోణ శ్రీచక్రస్వరూప
భద్రసింహాసనాసీనే, దేవతాప్రధానే ॥ ౪॥

చరణాంగుళినఖముఖరుచినిచయ పరాభ్రతతారకే, శ్రిమన్మాణిక్య
మంజీరమణ్డిత శ్రీపదాంబుజద్వయే, మీనకేతనమణి
తుణీరవిలాసవిజయిజంఘాయుగళే, కనకరంభాస్తంభితోరుద్వయే,
కన్దర్పస్వర్ణస్యన్దనపటుతర శకటసన్నిభనితంబ బింబే ॥ ౫॥

దినకరోదయార్ధవికసితారవిన్దనాభిప్రదేశే,
రోమరాజీవిరాజితవళిత్రయే, భాసురకరభోదరే,
జంభాసురరిపుకుంభికుంభసముజ్జ్యంభిత శాతకుంభకుంభాయమాన
సంభావితపయోధరద్వయే, అద్వయే, గోవిత కుశకలశ
కక్షద్వయారుణిత సూర్య పట్టాభిధానముక్తామణిప్రోత
కఞ్చుకవిరాజమానే, కోమళతరకల్పవల్లీసమాన
పాశాఙ్కుశవరాభయ ముద్రాముద్రితత్సన్త్సణత్కార విరాజిత
చతుర్భుజే ॥ ౬॥

త్రైలోక్యజైత్రయాత్రాగమనసురవరకర బధమంగళసూత్ర
త్రిమేఖాశోభితకన్డరే, నవప్రవాలవల్లవపక్వబింబఫలాధరే,
నిరన్తరకర్పూరతాంబూలచ్యర్వణారుణితరదనపఙ్క్తిద్వయే,
చన్పకప్రసూనతిలపుష్పసమాన
నాసాపుటాగ్రోదఞ్చితమౌక్తికాభరణే,
కర్ణావతంసీకృతేన్దివరవిరాజితకపోలభాగే,
అరవిన్దదళదీర్ఘలోచనే ॥ ౭॥

కుసుమశరకోడన్దలేఖాలఙ్కారి మనోహారిభృలతాయుగళే,
సులళితాష్టమీచన్ద్రలావణ్యలలాటఫలకే, కస్తూరికాతిలకే,
హరిన్మణిద్విరేఫావలి ప్రకాశకేశపాశే, కనకాంగదహారకేయూర
నానావిధాయుధ స్థిరీభృతసౌదామినీ
తులితలళితన్త్రతనతన్త్రలతే ॥ ౮॥

కాశ్యపాత్రి
భరద్వాజవ్యాసపరాశర-మార్కణ్డేయ-విశ్వామిత్ర-
కణ్వకపిలగర్గపులస్త్యాగస్త్యాది
సకలమునిమనోధ్యబ్రహ్మ తేజోమయే, చిన్మయే ॥ ౯॥

సేవార్థాగతాంగ-వంగ-కలింగ-కాంభోజ-సౌవీర-సౌరాష్ట్ర-
మహారష్ట్ర-మాగధ-నిషధ-చోల-చేర-పాణ్డ్య-పాఞ్చాల-ద్రవిడ-
ద్రావిడ-ఘోట-లాట-వరాట-కర్ణాటకాస్డ్ర-భోజ-కురు-గాన్ధార-
విదర్భ-విజ్రుంభ-బాహ్లీక-బర్బర-కేరళ-కైకయ-కోసల-శూరసేన-
చ్యవన-టఙ్కణ-కోఙ్కణ-మత్స్య-మాధ్వ-సైన్ధవ-కాశీ-భద్రాశీ-
ఐన్ద్రాంశీ-ఉత్తరగిరి-షట్పఞ్చాశత్-దేశాదీశాది-గన్ధర్వ
హేషారవహీత్కారవరథాంగక్రైమ్కారభేరీ-ఝంకార మదుళ
ధ్వనిహుంకారయుక్త చతురంగసమేత జితసురరాజాధిరాజ
పుంఖానుపుంఖగమనాగమన విశీర్ణాభరణాద్యయుత పాటలీ
వాలుకాయమాన ప్రథమ మణ్టప సన్నిధానే ॥ ౧౦॥

తత్తత్ పూజజాల
క్రియమానార్ఘ్య-పాద్యాచమనీయ-స్నాన-వస్త్రాభరణ-
జలగన్ధ-పుష్పాక్షత-ధూపదీప-నైవేద్యతామ్బూల-
ప్రదక్షిణనమస్కార-స్తోత్రస్వాన్త
సన్తోషితవరప్రదానశీలే, శ్రీబాలే ॥ ౧౧॥

రమ్భోర్వశీమేనకా-తిలోత్తమా-హరిణీ-ఘృతాచీ
మఞ్జూఘోష-అలంబుసాద్యుతాఫ్సరస్త్రీ-"ధిమిన్ధిమిత"
చిత్రోపమిత్ర నర్తనోల్లాసావలోకనద్వయే, కృత్తివాసఃప్రియే,
బణ్డాసుర-ప్రేరితాఖన్డదోర్దుణ్డ రక్షోమణ్డలీ ఖణ్డనే ॥ ౧౨॥

నిజరాంగుళీయకాది మత్స్య-కూర్మ-వరాహాది నారాయణ
దశావతారే, హిమవత్కులాచలరాజకన్యే, సర్వలోకమాన్యే ॥ ౧౩॥

శ్రీ విద్యాధీశరచిత చూర్ణికశ్రవణపఠనానన్దినాం
సమ్ప్రార్థితాయురారోగ్యసౌన్దర్య విద్యాబుద్ధి పుత్రపౌత్ర
కళత్రైశ్వర్యాది సకలసౌఖ్యప్రదే ,
శ్రీమత్కమలామ్బికే ! పరాశక్తే !
నమస్తే ! నమస్తే ! నమస్తే !
ముక్తావిద్రుమ హేమకుణ్డలధరా సింహాధిరూఢా శివా ।
రక్తాంభోజసమానకాన్తి వదనా శ్రీమత్కిరీటాన్వితా ॥

ముక్తాహేమవిచిత్రహారకటకైః పీతాంబరా శఙ్కరీ ।
భక్తాభీష్టవరప్రదానచతురా మాంపాతు హేమామ్బికా ॥

॥ శ్రీ విద్యాధీశ విరచిత శ్రీ రాజరాజేశ్వరీ చూర్ణికా

సమాప్తా ॥


Encoded and proofread by
Antaratma antaratma at Safe-mail.net

Please send corrections to sanskrit@cheerful.com
Last updated త్oday
http://sanskritdocuments.org

Rajarajeshwari Churnika Lyrics in Telugu PDF
% File name : rAjarAjeshvarIchUrNikA.itx
% Location : doc\_devii
% Author : shrii vidyaadhiisha
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : September 1, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website