{॥ শ্রীরাজরাজেশ্বরী মন্ত্রমাতৃকাস্তবঃ ॥}
কল্যাণাযুতপূর্ণচন্দ্রবদনাং প্রাণেশ্বরানন্দিনীম্
পূর্ণাং পূর্ণতরাং পরেশমহিষীং পূর্ণামৃতাস্বাদিনীম্ ।
সম্পূর্ণাং পরমোত্তমামৃতকলাং বিদ্যাবতীং ভারতীম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১॥

একারাদিসমস্তবর্ণবিবিধাকারৈকচিদ্রূপিণীম্
চৈতন্যাত্মকচক্ররাজনিলযাং চন্দ্রান্তসঞ্চারিণীম্ ।
ভাবাভাববিভাবিনীং ভবপরাং সদ্ভক্তিচিন্তামণিম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ২॥

ঈহাধিক্পরযোগিবৃন্দবিদিতাং স্বানন্দভূতাং পরাম্
পশ্যন্তীং তনুমধ্যমাং বিলসিনীং শ্রীবৈখরীরূপিণীম্ ।
আত্মানাত্মবিচারিণীং বিবরগাং বিদ্যাং ত্রিবীজাত্মিকাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৩॥

লক্ষ্যালক্ষ্যনিরীক্ষণাং নিরুপমাং রুদ্রাক্ষমালাধরাম্
ত্র্যক্ষার্ধাকৃতিদক্ষবংশকলিকাং দীর্ঘাক্ষিদীর্ঘস্বরাম্ ।
ভদ্রাং ভদ্রবরপ্রদাং ভগবতীং ভদ্রেশ্বরীং মুদ্রিণীম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৪॥

হ্রীংবীজাগতনাদবিন্দুভরিতাং ॐকারনাদাত্মিকাম্
ব্রহ্মানন্দঘনোদরীং গুণবতীং জ্ঞানেশ্বরীং জ্ঞানদাম্ ।
জ্ঞানেচ্ছাক্রিতিনীং মহীং গতবতীং গন্ধর্বসংসেবিতাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৫॥

হর্ষোন্মত্তসুবর্ণপাত্রভরিতাং পীনোন্নতাঘূর্ণিতাম্
হুঙ্কারপ্রিযশব্দজালনিরতাং সারস্বতোল্লাসিনীম্ ।
সারাসারবিচারচারুচতুরাং বর্ণাশ্রমাকারিণীম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৬॥

সর্বেশাঙ্গবিহারিণীং সকরুণাং সন্নাদিনীং নাদিনীম্
সংযোগপ্রিযরূপিণীং প্রিযবতীং প্রীতাং প্রতাপোন্নতাম্ ।
সর্বান্তর্গতশালিনীং শিবতনূসন্দীপিনীং দীপিনীম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৭॥

কর্মাকর্মবিবর্জিতাং কুলবতীং কর্মপ্রদাং কৌলিনীম্
কারুণ্যাম্বুধিসর্বকামনিরতাং সিন্ধুপ্রিযোল্লাসিনীম্ ।
পঞ্চব্রহ্মসনাতনাসনগতাং গেযাং সুযোগান্বিতাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৮॥

হস্ত্যুত্কুম্ভনিভস্তনদ্বিতযতঃ পীনোন্নতাদানতাম্
হারাদ্যাভরণাং সুরেন্দ্রবিনুতাং শৃঙ্গারপীঠালযাম্ ।
যোন্যাকারকযোনিমুদ্রিতকরাং নিত্যাং নবার্ণাত্মিকাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ৯॥

লক্ষ্মীলক্ষণপূর্ণভক্তবরদাং লীলাবিনোদস্থিতাম্
লাক্ষারঞ্জিতপাদপদ্মযুগলাং ব্রহ্মেন্দ্রসংসেবিতাম্ ।
লোকালোকিতলোককামজননীং লোকাশ্রযাঙ্কস্থিতাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১০॥

হ্রীঙ্কারাশ্রিতশঙ্করপ্রিযতনুং শ্রীযোগপীঠেশ্বরীম্
মাঙ্গল্যাযুতপঙ্কজাভনযনাং মাঙ্গল্যসিদ্ধিপ্রদাম্ ।
তারুণ্যেন বিশেষিতাঙ্গসুমহালাবণ্যসংশোভিতাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১১॥

সর্বজ্ঞানকলাবতীং সকরুণাং সর্বেশ্বরীং সর্বগাম্
সত্যাং সর্বমযীং সহস্রদলগাং সত্বার্ণবোপস্থিতাম্ ।
সঙ্গাসঙ্গবিবর্জিতাং সুখকরীং বালার্ককোটিপ্রভাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১২॥

কাদিক্ষান্তসুবর্ণবিন্দুসুতনুং সর্বাঙ্গসংশোভিতাম্
নানাবর্ণবিচিত্রচিত্রচরিতাং চাতুর্যচিন্তামণিম্ ।
চিত্তানন্দবিধাযিনীং সুচপলাং কূটত্রযাকারিণীম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১৩॥

লক্ষ্মীশানবিধীন্দ্রচন্দ্রমকুটাদ্যষ্টাঙ্গপীঠশ্রিতাম্
সূর্যেন্দ্বগ্নিমযৈকপীঠনিলযাং ত্রিস্থাং ত্রিকোণেশ্বরীম্ ।
গোপ্ত্রীং গর্বনিগর্বিতাং গগনগাং গঙ্গাঙ্গেশপ্রিযাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১৪॥

হ্রীংকূটত্রযরূপিণীং সমযিনীং সংসারিণীং হংসিনীম্
বামারাধ্যপদাম্বুজাং সুকুলজাং বীজাবতীং মুদ্রিণীম্ ।
কামাক্ষীং করুণার্দ্রচিত্তসহিতাং শ্রীং শ্রীত্রিমূর্ত্যম্বিকাম্
শ্রীচক্রপ্রিযবিন্দুতর্পণপরাং শ্রীরাজরাজেশ্বরীম্ ॥ ১৫॥

যা বিদ্যা শিবকেশবাদিজননী যা বৈ জগন্মোহিনী
যা ব্রহ্মাদিপিপীলিকান্তজগদানন্দৈকসন্দাযিনী ।
যা পঞ্চপ্রণবদ্বিরেফনলিনী যা চিত্কলামালিনী
সা পাযাত্পরদেবতা ভগবতী শ্রীরাজরাজেশ্বরী ॥ ১৬॥

॥ ভগবতী সর্বাত্মিকা শ্রীরাজরাজেশ্বরী পাদারবিন্দার্পণমস্তু ॥


Please send corrections to sanskrit@cheerful.com
Last updated ত্oday
http://sanskritdocuments.org

Rajarajeshwari Mantra Matruka Stavam Lyrics in Bengali PDF
% File name : rAjarAjeshvarImantramAtRikAstava.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Lalitha Ramani
% Proofread by : Harsha, Sridhar Seshagiri
% Description-comments : Reworked from
% Latest update : September 11, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website