{॥ ଶ୍ରୀରାଜରାଜେଶ୍ଵରୀ ମନ୍ତ୍ରମାତୃକାସ୍ତଵଃ ॥}
କଲ୍ଯାଣାଯୁତପୂର୍ଣଚନ୍ଦ୍ରଵଦନାଂ ପ୍ରାଣେଶ୍ଵରାନନ୍ଦିନୀମ୍
ପୂର୍ଣାଂ ପୂର୍ଣତରାଂ ପରେଶମହିଷୀଂ ପୂର୍ଣାମୃତାସ୍ଵାଦିନୀମ୍ ।
ସମ୍ପୂର୍ଣାଂ ପରମୋତ୍ତମାମୃତକଲାଂ ଵିଦ୍ଯାଵତୀଂ ଭାରତୀମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧॥

ଏକାରାଦିସମସ୍ତଵର୍ଣଵିଵିଧାକାରୈକଚିଦ୍ରୂପିଣୀମ୍
ଚୈତନ୍ଯାତ୍ମକଚକ୍ରରାଜନିଲଯାଂ ଚନ୍ଦ୍ରାନ୍ତସଞ୍ଚାରିଣୀମ୍ ।
ଭାଵାଭାଵଵିଭାଵିନୀଂ ଭଵପରାଂ ସଦ୍ଭକ୍ତିଚିନ୍ତାମଣିମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୨॥

ଈହାଧିକ୍ପରଯୋଗିଵୃନ୍ଦଵିଦିତାଂ ସ୍ଵାନନ୍ଦଭୂତାଂ ପରାମ୍
ପଶ୍ଯନ୍ତୀଂ ତନୁମଧ୍ଯମାଂ ଵିଲସିନୀଂ ଶ୍ରୀଵୈଖରୀରୂପିଣୀମ୍ ।
ଆତ୍ମାନାତ୍ମଵିଚାରିଣୀଂ ଵିଵରଗାଂ ଵିଦ୍ଯାଂ ତ୍ରିବୀଜାତ୍ମିକାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୩॥

ଲକ୍ଷ୍ଯାଲକ୍ଷ୍ଯନିରୀକ୍ଷଣାଂ ନିରୁପମାଂ ରୁଦ୍ରାକ୍ଷମାଲାଧରାମ୍
ତ୍ର୍ଯକ୍ଷାର୍ଧାକୃତିଦକ୍ଷଵଂଶକଲିକାଂ ଦୀର୍ଘାକ୍ଷିଦୀର୍ଘସ୍ଵରାମ୍ ।
ଭଦ୍ରାଂ ଭଦ୍ରଵରପ୍ରଦାଂ ଭଗଵତୀଂ ଭଦ୍ରେଶ୍ଵରୀଂ ମୁଦ୍ରିଣୀମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୪॥

ହ୍ରୀଂବୀଜାଗତନାଦବିନ୍ଦୁଭରିତାଂ ଓଂକାରନାଦାତ୍ମିକାମ୍
ବ୍ରହ୍ମାନନ୍ଦଘନୋଦରୀଂ ଗୁଣଵତୀଂ ଜ୍ଞାନେଶ୍ଵରୀଂ ଜ୍ଞାନଦାମ୍ ।
ଜ୍ଞାନେଚ୍ଛାକ୍ରିତିନୀଂ ମହୀଂ ଗତଵତୀଂ ଗନ୍ଧର୍ଵସଂସେଵିତାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୫॥

ହର୍ଷୋନ୍ମତ୍ତସୁଵର୍ଣପାତ୍ରଭରିତାଂ ପୀନୋନ୍ନତାଘୂର୍ଣିତାମ୍
ହୁଙ୍କାରପ୍ରିଯଶବ୍ଦଜାଲନିରତାଂ ସାରସ୍ଵତୋଲ୍ଲାସିନୀମ୍ ।
ସାରାସାରଵିଚାରଚାରୁଚତୁରାଂ ଵର୍ଣାଶ୍ରମାକାରିଣୀମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୬॥

ସର୍ଵେଶାଙ୍ଗଵିହାରିଣୀଂ ସକରୁଣାଂ ସନ୍ନାଦିନୀଂ ନାଦିନୀମ୍
ସଂଯୋଗପ୍ରିଯରୂପିଣୀଂ ପ୍ରିଯଵତୀଂ ପ୍ରୀତାଂ ପ୍ରତାପୋନ୍ନତାମ୍ ।
ସର୍ଵାନ୍ତର୍ଗତଶାଲିନୀଂ ଶିଵତନୂସନ୍ଦୀପିନୀଂ ଦୀପିନୀମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୭॥

କର୍ମାକର୍ମଵିଵର୍ଜିତାଂ କୁଲଵତୀଂ କର୍ମପ୍ରଦାଂ କୌଲିନୀମ୍
କାରୁଣ୍ଯାମ୍ବୁଧିସର୍ଵକାମନିରତାଂ ସିନ୍ଧୁପ୍ରିଯୋଲ୍ଲାସିନୀମ୍ ।
ପଞ୍ଚବ୍ରହ୍ମସନାତନାସନଗତାଂ ଗେଯାଂ ସୁଯୋଗାନ୍ଵିତାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୮॥

ହସ୍ତ୍ଯୁତ୍କୁମ୍ଭନିଭସ୍ତନଦ୍ଵିତଯତଃ ପୀନୋନ୍ନତାଦାନତାମ୍
ହାରାଦ୍ଯାଭରଣାଂ ସୁରେନ୍ଦ୍ରଵିନୁତାଂ ଶୃଙ୍ଗାରପୀଠାଲଯାମ୍ ।
ଯୋନ୍ଯାକାରକଯୋନିମୁଦ୍ରିତକରାଂ ନିତ୍ଯାଂ ନଵାର୍ଣାତ୍ମିକାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୯॥

ଲକ୍ଷ୍ମୀଲକ୍ଷଣପୂର୍ଣଭକ୍ତଵରଦାଂ ଲୀଲାଵିନୋଦସ୍ଥିତାମ୍
ଲାକ୍ଷାରଞ୍ଜିତପାଦପଦ୍ମଯୁଗଲାଂ ବ୍ରହ୍ମେନ୍ଦ୍ରସଂସେଵିତାମ୍ ।
ଲୋକାଲୋକିତଲୋକକାମଜନନୀଂ ଲୋକାଶ୍ରଯାଙ୍କସ୍ଥିତାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧୦॥

ହ୍ରୀଙ୍କାରାଶ୍ରିତଶଙ୍କରପ୍ରିଯତନୁଂ ଶ୍ରୀଯୋଗପୀଠେଶ୍ଵରୀମ୍
ମାଙ୍ଗଲ୍ଯାଯୁତପଙ୍କଜାଭନଯନାଂ ମାଙ୍ଗଲ୍ଯସିଦ୍ଧିପ୍ରଦାମ୍ ।
ତାରୁଣ୍ଯେନ ଵିଶେଷିତାଙ୍ଗସୁମହାଲାଵଣ୍ଯସଂଶୋଭିତାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧୧॥

ସର୍ଵଜ୍ଞାନକଲାଵତୀଂ ସକରୁଣାଂ ସର୍ଵେଶ୍ଵରୀଂ ସର୍ଵଗାମ୍
ସତ୍ଯାଂ ସର୍ଵମଯୀଂ ସହସ୍ରଦଲଗାଂ ସତ୍ଵାର୍ଣଵୋପସ୍ଥିତାମ୍ ।
ସଙ୍ଗାସଙ୍ଗଵିଵର୍ଜିତାଂ ସୁଖକରୀଂ ବାଲାର୍କକୋଟିପ୍ରଭାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧୨॥

କାଦିକ୍ଷାନ୍ତସୁଵର୍ଣବିନ୍ଦୁସୁତନୁଂ ସର୍ଵାଙ୍ଗସଂଶୋଭିତାମ୍
ନାନାଵର୍ଣଵିଚିତ୍ରଚିତ୍ରଚରିତାଂ ଚାତୁର୍ଯଚିନ୍ତାମଣିମ୍ ।
ଚିତ୍ତାନନ୍ଦଵିଧାଯିନୀଂ ସୁଚପଲାଂ କୂଟତ୍ରଯାକାରିଣୀମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧୩॥

ଲକ୍ଷ୍ମୀଶାନଵିଧୀନ୍ଦ୍ରଚନ୍ଦ୍ରମକୁଟାଦ୍ଯଷ୍ଟାଙ୍ଗପୀଠଶ୍ରିତାମ୍
ସୂର୍ଯେନ୍ଦ୍ଵଗ୍ନିମଯୈକପୀଠନିଲଯାଂ ତ୍ରିସ୍ଥାଂ ତ୍ରିକୋଣେଶ୍ଵରୀମ୍ ।
ଗୋପ୍ତ୍ରୀଂ ଗର୍ଵନିଗର୍ଵିତାଂ ଗଗନଗାଂ ଗଙ୍ଗାଙ୍ଗେଶପ୍ରିଯାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧୪॥

ହ୍ରୀଂକୂଟତ୍ରଯରୂପିଣୀଂ ସମଯିନୀଂ ସଂସାରିଣୀଂ ହଂସିନୀମ୍
ଵାମାରାଧ୍ଯପଦାମ୍ବୁଜାଂ ସୁକୁଲଜାଂ ବୀଜାଵତୀଂ ମୁଦ୍ରିଣୀମ୍ ।
କାମାକ୍ଷୀଂ କରୁଣାର୍ଦ୍ରଚିତ୍ତସହିତାଂ ଶ୍ରୀଂ ଶ୍ରୀତ୍ରିମୂର୍ତ୍ଯମ୍ବିକାମ୍
ଶ୍ରୀଚକ୍ରପ୍ରିଯବିନ୍ଦୁତର୍ପଣପରାଂ ଶ୍ରୀରାଜରାଜେଶ୍ଵରୀମ୍ ॥ ୧୫॥

ଯା ଵିଦ୍ଯା ଶିଵକେଶଵାଦିଜନନୀ ଯା ଵୈ ଜଗନ୍ମୋହିନୀ
ଯା ବ୍ରହ୍ମାଦିପିପୀଲିକାନ୍ତଜଗଦାନନ୍ଦୈକସନ୍ଦାଯିନୀ ।
ଯା ପଞ୍ଚପ୍ରଣଵଦ୍ଵିରେଫନଲିନୀ ଯା ଚିତ୍କଲାମାଲିନୀ
ସା ପାଯାତ୍ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ ୧୬॥

॥ ଭଗଵତୀ ସର୍ଵାତ୍ମିକା ଶ୍ରୀରାଜରାଜେଶ୍ଵରୀ ପାଦାରଵିନ୍ଦାର୍ପଣମସ୍ତୁ ॥


Please send corrections to sanskrit@cheerful.com
Last updated ତ୍oday
http://sanskritdocuments.org

Rajarajeshwari Mantra Matruka Stavam Lyrics in Oriya PDF
% File name : rAjarAjeshvarImantramAtRikAstava.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Lalitha Ramani
% Proofread by : Harsha, Sridhar Seshagiri
% Description-comments : Reworked from
% Latest update : September 11, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website