{॥ ଶ୍ରୀତ୍ରିପୁରସୁନ୍ଦରୀ ଚକ୍ରରାଜସ୍ତୋତ୍ରମ୍ ॥}
॥ କ॥
କର୍ତୁଂ ଦେଵି ! ଜଗଦ୍-ଵିଲାସ-ଵିଧିନା ସୃଷ୍ଟେନ ତେ ମାଯଯା
ସର୍ଵାନନ୍ଦ-ମଯେନ ମଧ୍ଯ-ଵିଲସଚ୍ଛ୍ରୀ-ଵିନଦୁନାଽଲଙ୍କୃତମ୍ ।
ଶ୍ରୀମଦ୍-ସଦ୍-ଗୁରୁ-ପୂଜ୍ଯ-ପାଦ-କରୁଣା-ସଂଵେଦ୍ଯ-ତତ୍ତ୍ଵାତ୍ମକଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧॥

॥ ଏ॥
ଏକସ୍ମିନ୍ନଣିମାଦିଭିର୍ଵିଲସିତଂ ଭୂମୀ-ଗୃହେ ସିଦ୍ଧିଭିଃ
ଵାହ୍ଯାଦ୍ଯାଭିରୁପାଶ୍ରିତଂ ଚ ଦଶଭିର୍ମୁଦ୍ରାଭିରୁଦ୍ଭାସିତମ୍ ।
ଚକ୍ରେଶ୍ଯା ପ୍ରକତେଡ୍ଯଯା ତ୍ରିପୁରଯା ତ୍ରୈଲୋକ୍ଯ-ସମ୍ମୋହନଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୨॥

॥ ଈ॥
ଈଡ୍ଯାଭିର୍ନଵ-ଵିଦ୍ରୁମ-ଚ୍ଛଵି-ସମାଭିଖ୍ଯାଭିରଙ୍ଗୀ-କୃତଂ
କାମାକର୍ଷିଣୀ କାଦିଭିଃ ସ୍ଵର-ଦଲେ ଗୁପ୍ତାଭିଧାଭିଃ ସଦା ।
ସର୍ଵାଶା-ପରି-ପୂରକେ ପରି-ଲସଦ୍-ଦେଵ୍ଯା ପୁରେଶ୍ଯା ଯୁତଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୩॥

॥ ଲ॥
ଲବ୍ଧ-ପ୍ରୋଜ୍ଜ୍ଵଲ-ଯୌଵନାଭିରଭିତୋଽନଙ୍ଗ-ପ୍ରସୂନାଦିଭିଃ
ସେଵ୍ଯଂ ଗୁପ୍ତ-ତରାଭିରଷ୍ଟ-କମଲେ ସଙ୍କ୍ଷୋଭକାଖ୍ଯେ ସଦା ।
ଚକ୍ରେଶ୍ଯା ପୁର-ସୁନ୍ଦରୀତି ଜଗତି ପ୍ରଖ୍ଯାତଯାସଙ୍ଗତଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୪॥

॥ ହ୍ରୀଂ॥
ହ୍ରୀଙ୍କାରାଙ୍କିତ-ମନ୍ତ୍ର-ରାଜ-ନିଲଯଂ ଶ୍ରୀସର୍ଵ-ସଙ୍କ୍ଷୋଭିଣୀ
ମୁଖ୍ଯାଭିଶ୍ଚଲ-କୁନ୍ତଲାଭିରୁଷିତଂ ମନ୍ଵସ୍ର-ଚକ୍ରେ ଶୁଭେ ।
ଯତ୍ର ଶ୍ରୀ-ପୁର-ଵାସିନୀ ଵିଜଯତେ ଶ୍ରୀ-ସର୍ଵ-ସୌଭାଗ୍ଯଦେ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୫॥

॥ ହ॥
ହସ୍ତେ ପାଶ-ଗଦାଦି-ଶସ୍ତ୍ର-ନିଚଯଂ ଦୀପ୍ତଂ ଵହନ୍ତୀଭିଃ
ଉତ୍ତୀର୍ଣାଖ୍ଯାଭିରୁପାସ୍ଯ ପାତି ଶୁଭଦେ ସର୍ଵାର୍ଥ-ସିଦ୍ଧି-ପ୍ରଦେ ।
ଚକ୍ରେ ବାହ୍ଯ-ଦଶାରକେ ଵିଲସିତଂ ଦେଵ୍ଯା ପୂର-ଶ୍ର୍ଯାଖ୍ଯଯା
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୬॥

॥ ସ॥
ସର୍ଵଜ୍ଞାଦିଭିରିନଦୁ-କାନ୍ତି-ଧଵଲା କାଲାଭିରାରକ୍ଷିତେ
ଚକ୍ରେଽନ୍ତର୍ଦଶ-କୋଣକେଽତି-ଵିମଲେ ନାମ୍ନା ଚ ରକ୍ଷା-କରେ ।
ଯତ୍ର ଶ୍ରୀତ୍ରିପୁର-ମାଲିନୀ ଵିଜଯତେ ନିତ୍ଯଂ ନିଗର୍ଭା ସ୍ତୁତା
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୭॥

॥ କ॥
କର୍ତୁଂ ମୂକମନର୍ଗଲ-ସ୍ରଵଦିତ-ଦ୍ରାକ୍ଷାଦି-ଵାଗ୍-ଵୈଭଵଂ
ଦକ୍ଷାଭିର୍ଵଶିନୀ-ମୁଖାଭିରଭିତୋ ଵାଗ୍-ଦେଵତାଭିର୍ଯୁତାମ୍ ।
ଅଷ୍ଟାରେ ପୁର-ସିଦ୍ଧଯା ଵିଲସିତଂ ରୋଗ-ପ୍ରଣାଶେ ଶୁଭେ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୮॥

॥ ହ॥
ହନ୍ତୁଂ ଦାନଵ-ସଙ୍ଘମାହଵ ଭୁଵି ସ୍ଵେଚ୍ଛା ସମାକଲ୍ପିତୈଃ
ଶସ୍ତ୍ରୈରସ୍ତ୍ର-ଚଯୈଶ୍ଚ ଚାପ-ନିଵହୈରତ୍ଯୁଗ୍ର-ତେଜୋ-ଭରୈଃ ।
ଆର୍ତ-ତ୍ରାଣ-ପରାଯଣୈରରି-କୁଲ-ପ୍ରଧ୍ଵଂସିଭିଃ ସଂଵୃତଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୯॥

॥ ଲ॥
ଲକ୍ଷ୍ମୀ-ଵାଗ-ଗଜାଦିଭିଃ କର-ଲସତ୍-ପାଶାସି-ଘଣ୍ଟାଦିଭିଃ
କାମେଶ୍ଯାଦିଭିରାଵୃତଂ ଶୁଭ~ଣ୍କରଂ ଶ୍ରୀ-ସର୍ଵ-ସିଦ୍ଧି-ପ୍ରଦମ୍ ।
ଚକ୍ରେଶୀ ଚ ପୁରାମ୍ବିକା ଵିଜଯତେ ଯତ୍ର ତ୍ରିକୋଣେ ମୁଦା
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୦॥

॥ ହ୍ରୀଂ॥
ହ୍ରୀଙ୍କାରଂ ପରମଂ ଜପଦ୍ଭିରନିଶଂ ମିତ୍ରେଶ-ନାଥାଦିଭିଃ
ଦିଵ୍ଯୌଘୈର୍ମନୁଜୌଘ-ସିଦ୍ଧ-ନିଵହୈଃ ସାରୂପ୍ଯ-ମୁକ୍ତିଂ ଗତୈଃ ।
ନାନା-ମନ୍ତ୍ର-ରହସ୍ଯ-ଵିଦ୍ଭିରଖିଲୈରନ୍ଵାସିତଂ ଯୋଗିଭିଃ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୧॥

॥ ସ॥
ସର୍ଵୋତ୍କୃଷ୍ଟ-ଵପୁର୍ଧରାଭିରଭିତୋ ଦେଵୀ ସମାଭିର୍ଜଗତ୍
ସଂରକ୍ଷାର୍ଥମୁପାଗତାଽଭିରସକୃନ୍ନିତ୍ଯାଭିଧାଭିର୍ମୁଦା ।
କାମେଶ୍ଯାଦିଭିରାଜ୍ଞଯୈଵ ଲଲିତା-ଦେଵ୍ଯାଃ ସମୁଦ୍ଭାସିତଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୨॥

॥ କ॥
କର୍ତୁଂ ଶ୍ରୀଲଲିତାଙ୍ଗ-ରକ୍ଷଣ-ଵିଧିଂ ଲାଵଣ୍ଯ-ପୂର୍ଣାଂ ତନୂଂ
ଆସ୍ଥାଯାସ୍ତ୍ର-ଵରୋଲ୍ଲସତ୍-କର-ପଯୋଜାତାଭିରଧ୍ଯାସିତମ୍ ।
ଦେଵୀଭିର୍ହୃଦଯାଦିଭିଶ୍ଚ ପରିତୋ ଵିନ୍ଦୁଂ ସଦାଽଽନନ୍ଦଦଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୩॥

॥ ଲ॥
ଲକ୍ଷ୍ମୀଶାଦି-ପଦୈର୍ଯୁତେନ ମହତା ମଞ୍ଚେନ ସଂଶୋଭିତଂ
ଷଟ୍-ତ୍ରିଂଶଦ୍ଭିରନର୍ଘ-ରତ୍ନ-ଖଚିତୈଃ ସୋପାନକୈର୍ଭୂଷିତମ୍ ।
ଚିନ୍ତା-ରତ୍ନ-ଵିନିର୍ମିତେନ ମହତା ସିଂହାସନେନୋଜ୍ଜ୍ଵଲଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୪॥

॥ ହ୍ରୀଂ॥
ହ୍ରୀଙ୍କାରୈକ-ମହା-ମନୁଂ ପ୍ରଜପତା କାମେଶ୍ଵରେଣୋଷିତଂ
ତସ୍ଯାଙ୍କେ ଚ ନିଷଣ୍ଣଯା ତ୍ରି-ଜଗତାଂ ମାତ୍ରା ଚିଦାକିରଯା ।
କାମେଶ୍ଯା କରୁଣା-ରସୈକ-ନିଧିନା କଲ୍ଯାଣ-ଦାତ୍ର୍ଯା ଯୁତଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୫॥

॥ ଶ୍ରୀଂ॥
ଶ୍ରୀମତ୍-ପଞ୍ଚ-ଦଶାକ୍ଷରୈକ-ନିଲଯଂ ଶ୍ରୀଷୋଡଶୀ-ମନ୍ଦିରଂ
ଶ୍ରୀନାଥାଦିଭିରର୍ଚିତଂ ଚ ବହୁଧା ଦେଵୈଃ ସମାରାଧିତମ୍ ।
ଶ୍ରୀକାମେଶ-ରହସ୍ସଖୀ-ନିଲଯନଂ ଶ୍ରୀମଦ୍-ଗୁହାରାଧିତଂ
ଶ୍ରୀ-ଚକ୍ରଂ ଶରଣଂ ଵ୍ରଜାମି ସତତଂ ସର୍ଵେଷ୍ଟ-ସିଦ୍ଧି-ପ୍ରଦମ୍ ॥ ୧୬॥


Encoded and proofread by Pankaj Dubey dr.pankaj.dubey at gmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Tripura Sundari Chakraraja Stotram Lyrics in Oriya PDF
% File name : tripurasundarIchakrarAjastotram.itx
% Category : stotra
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Pankaj Dubey dr.pankaj.dubey at gmail.com
% Proofread by : Pankaj Dubey dr.pankaj.dubey at gmail.com
% Latest update : April 18, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website