{॥ শ্রীত্রিপুরসুন্দরী বিজযস্তবঃ ॥}
॥ ক॥
কল্পান্তোদিত-চণ্ড-ভানু-বিলসদ্-দেহ-প্রভা-মণ্ডিতা
কালাম্ভোদ-সমান-কুন্তল-ভরা কারুণ্য-বারাং নিধিঃ ।
কাদ্যর্ণাঙ্কিত-মন্ত্র-রাজ-বিলসত্-কূট-ত্রযোপাসিতা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১॥

॥ এ॥
এতত্-প্রাভব-শালিনীতি নিগমৈরদ্যাপ্যনালোচিতা
হেমাম্ভোজ-মুখী চলত্-কুবলয-প্রস্পর্ধমানেক্ষণা ।
এণাঙ্কাংশ-সমান-ফাল-ফলক-প্রোল্লাসি-কস্তূরিকা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ২॥

॥ ঈ॥
ঈষত্-ফুল্ল-কদম্ব-কুণ্ডল-মহা-লাবণ্য-গর্বাপহা
স্নিগ্ধ-স্বচ্ছ-সুদন্ত-কান্তি-বিলসন্মন্দ-স্মিতাঽলংকৃতা ।
ঈশিত্বাদ্যখিলেষ্ট-সিদ্ধি-ফলদা ভক্ত্যা নতানাং সদা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৩॥

॥ ল॥
লক্ষ্যালক্ষ্যাবলগ্ন-দেশ-বিলসদ্-রোমাবলী-বল্লরী
বৃত্ত-স্নিগ্ধ-ফল-দ্বয-ভ্রম-করোত্তুঙ্গ-স্তনী সুন্দরী ।
রক্তাশোক-শুভ-প্রপাটল-দুকূলাচ্ছাদিতাঙ্গী মুদা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৪॥

॥ হ্রীং॥
হ্রীংঙ্কারী সুর-বাহিনী জল-গভীরাবর্তনাভির্ধন-
শ্রোণী-মণ্ডল-ভার-মন্দ গমনা-কাঞ্চী-কলাপোজ্জ্বলা ।
শুণ্ডাদণ্ড-সুবর্ণ-বর্ণ-কদলী-কাণ্ডোপমোরু-দ্বযী
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৫॥

॥ হ॥
হস্ত-প্রোজ্জ্বলদিক্ষু-কার্মুক-লসত্-পুষ্পেষু-পাশাংকুশা
হ্যাদ্যর্ণাঙ্কিত-মন্ত্র-রাজ-নিলযা হারাদিভির্ভূষিতা ।
হস্ত-প্রান্ত-রণত্-সুবর্ণ-বলযা হর্যক্ষ-সম্পূজিতা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৬॥

॥ স॥
সংরক্তাম্বুজ-পাদ-যুগ্ম-বিলসন্মঞ্জু-ক্বণন্নূপুরা
সংসারার্ণব-তারণৈক-তরণির্লাবণ্য-বারাং নিধিঃ ।
লীলা-লোল-তমং শুকং মধুরযা সংলালযন্তী গিরা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৭॥

॥ ক॥
কল্যাণী করুণা-রসার্দ্র-হৃদযা কল্যাণ-সন্দাযিনী
কাদ্যর্ণাঙ্কিত-মন্ত্র-লক্ষিত-তনুস্তন্বী তমো-নাশিনী ।
কামেশাঙ্ক-বিলাসিনী কল-গিরামাবাস-ভূমিঃ শিবা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৮॥

॥ হ॥
হন্তুং দানব-পুঙ্গবং রণ-ভুবি প্রোচ্চণ্ড-ভন্ডাভিধং
হর্যক্ষাদ্যমরার্থিতা ভগবতী দিব্যাং তনূমাশ্রিতা ।
শ্রীমাতা ললিতেত্যচিন্ত্য-বিভবৈর্নাম্নাং সহস্রৈঃ স্তুতা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ৯॥

॥ ল॥
লক্ষ্মীর্বাগ-গজাদিভির্বহু-বিধৈঃ রূপৈঃ স্তুতাঽপি স্বযং
নী-রূপা গুণ-বর্জিতা ত্রি-জগতাং মাতা চ চিদ্-রূপিণী ।
ভক্তানুগ্রহ-কারণেন ললিতং রূপং সমাসাদিতা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১০॥

॥ হ্রীং॥
হ্রীঙ্কারৈক-পরাযণার্ত-জনতা-সংরক্ষণে দীক্ষিতা
হার্দাসং তমসং ব্যপোহিত-মলং ভূষ্ণুর্হর-প্রেযসী
হত্যাদি-প্রকটাঘ-সঙ্ঘ-দলনে দক্ষা চ দাক্ষাযণী
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১১॥

॥ স॥
সর্বানন্দ-মযী সমস্ত-জগতামানন্দ-সন্দাযিনী
সর্বোত্তুঙ্গ-সুবর্ণ-শৈল-নিলযা সা সার-সাক্ষী সতী ।
সর্বৈর্যোগি-চযৈঃ সদৈব বিচিতা সাম্রাজ্য-দান-ক্ষমা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১২॥

॥ ক॥
কন্যা-রূপ-ধরা গলাব্জ-বিলসন্মুক্তা-লতাঽলংকৃতা
কাদি-ক্ষান্তমনু-প্রবিষ্ট-হৃদযা কল্যাণ-শীলান্বিতা ।
কল্পান্তোদ্ভট-তাণ্ডব-প্রমুদিতা শ্রীকাম-জিত্-সাক্ষিণী
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১৩॥

॥ ল॥
লক্ষ্যা ভক্তি-রসার্দ্র-হৃত্-সরসিজে সদ্ভিঃ সদাঽঽরাধিতা
সান্দ্রানন্দ-মযী সুধাকর-কলা খণ্ডোজ্জ্বলন্মৌলিকা ।
শর্বাণী শরণাগতাঽঽর্তি-শমিনী সচ্চিন্মযী সর্বদা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১৪॥

॥ হ্রীং॥
হ্রীঙ্কার-ত্রয-সম্পুটাঽতি-মহতা মন্ত্রেণ সম্পূজিতা
হোত্রী চন্দ্র-সমীরণাঽগ্নি-জল-ভূ-ভাস্বন্নভো-রূপিণী ।
হংসঃ সোহমিতি প্রকৃষ্ট-ধিষণৈরারাধিতা যোগিভিঃ
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১৫॥

॥ শ্রীং॥
শ্রীঙ্কারাম্বুজ-হংসিকাঽঽশ্রিত-জন-ক্ষেমঙ্করী শঙ্করী
শ্রৃঙ্গারৈক-রসাকরস্য মদনস্যোজ্জীবিকা-বল্লরী ।
শ্রীকামেশরহঃ-সখী চ ললিতা শ্রীমদ্-গুহাঽঽরাধিতা
শ্রীচক্রাধি-নিবাসিনী বিজযতে শ্রীরাজ-রাজেশ্বরী ॥ ১৬॥

ইতি ।

Encoded and proofread by Pankaj Dubey dr.pankaj.dubey at gmail.com

Please send corrections to sanskrit@cheerful.com
Last updated ত্oday
http://sanskritdocuments.org

Tripura Sundari Vijaya Stavam Lyrics in Bengali PDF
% File name : tripurasundarIvijayastava.itx
% Category : stotra
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Pankaj Dubey dr.pankaj.dubey at gmail.com
% Proofread by : Pankaj Dubey dr.pankaj.dubey at gmail.com
% Latest update : April 18, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website