{॥ ଶ୍ରୀତ୍ରିପୁରସୁନ୍ଦରୀ ଵିଜଯସ୍ତଵଃ ॥}
॥ କ॥
କଲ୍ପାନ୍ତୋଦିତ-ଚଣ୍ଡ-ଭାନୁ-ଵିଲସଦ୍-ଦେହ-ପ୍ରଭା-ମଣ୍ଡିତା
କାଲାମ୍ଭୋଦ-ସମାନ-କୁନ୍ତଲ-ଭରା କାରୁଣ୍ଯ-ଵାରାଂ ନିଧିଃ ।
କାଦ୍ଯର୍ଣାଙ୍କିତ-ମନ୍ତ୍ର-ରାଜ-ଵିଲସତ୍-କୂଟ-ତ୍ରଯୋପାସିତା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧॥

॥ ଏ॥
ଏତତ୍-ପ୍ରାଭଵ-ଶାଲିନୀତି ନିଗମୈରଦ୍ଯାପ୍ଯନାଲୋଚିତା
ହେମାମ୍ଭୋଜ-ମୁଖୀ ଚଲତ୍-କୁଵଲଯ-ପ୍ରସ୍ପର୍ଧମାନେକ୍ଷଣା ।
ଏଣାଙ୍କାଂଶ-ସମାନ-ଫାଲ-ଫଲକ-ପ୍ରୋଲ୍ଲାସି-କସ୍ତୂରିକା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୨॥

॥ ଈ॥
ଈଷତ୍-ଫୁଲ୍ଲ-କଦମ୍ବ-କୁଣ୍ଡଲ-ମହା-ଲାଵଣ୍ଯ-ଗର୍ଵାପହା
ସ୍ନିଗ୍ଧ-ସ୍ଵଚ୍ଛ-ସୁଦନ୍ତ-କାନ୍ତି-ଵିଲସନ୍ମନ୍ଦ-ସ୍ମିତାଽଲଂକୃତା ।
ଈଶିତ୍ଵାଦ୍ଯଖିଲେଷ୍ଟ-ସିଦ୍ଧି-ଫଲଦା ଭକ୍ତ୍ଯା ନତାନାଂ ସଦା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୩॥

॥ ଲ॥
ଲକ୍ଷ୍ଯାଲକ୍ଷ୍ଯାଵଲଗ୍ନ-ଦେଶ-ଵିଲସଦ୍-ରୋମାଵଲୀ-ଵଲ୍ଲରୀ
ଵୃତ୍ତ-ସ୍ନିଗ୍ଧ-ଫଲ-ଦ୍ଵଯ-ଭ୍ରମ-କରୋତ୍ତୁଙ୍ଗ-ସ୍ତନୀ ସୁନ୍ଦରୀ ।
ରକ୍ତାଶୋକ-ଶୁଭ-ପ୍ରପାଟଲ-ଦୁକୂଲାଚ୍ଛାଦିତାଙ୍ଗୀ ମୁଦା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୪॥

॥ ହ୍ରୀଂ॥
ହ୍ରୀଂଙ୍କାରୀ ସୁର-ଵାହିନୀ ଜଲ-ଗଭୀରାଵର୍ତନାଭିର୍ଧନ-
ଶ୍ରୋଣୀ-ମଣ୍ଡଲ-ଭାର-ମନ୍ଦ ଗମନା-କାଞ୍ଚୀ-କଲାପୋଜ୍ଜ୍ଵଲା ।
ଶୁଣ୍ଡାଦଣ୍ଡ-ସୁଵର୍ଣ-ଵର୍ଣ-କଦଲୀ-କାଣ୍ଡୋପମୋରୁ-ଦ୍ଵଯୀ
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୫॥

॥ ହ॥
ହସ୍ତ-ପ୍ରୋଜ୍ଜ୍ଵଲଦିକ୍ଷୁ-କାର୍ମୁକ-ଲସତ୍-ପୁଷ୍ପେଷୁ-ପାଶାଂକୁଶା
ହ୍ଯାଦ୍ଯର୍ଣାଙ୍କିତ-ମନ୍ତ୍ର-ରାଜ-ନିଲଯା ହାରାଦିଭିର୍ଭୂଷିତା ।
ହସ୍ତ-ପ୍ରାନ୍ତ-ରଣତ୍-ସୁଵର୍ଣ-ଵଲଯା ହର୍ଯକ୍ଷ-ସମ୍ପୂଜିତା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୬॥

॥ ସ॥
ସଂରକ୍ତାମ୍ବୁଜ-ପାଦ-ଯୁଗ୍ମ-ଵିଲସନ୍ମଞ୍ଜୁ-କ୍ଵଣନ୍ନୂପୁରା
ସଂସାରାର୍ଣଵ-ତାରଣୈକ-ତରଣିର୍ଲାଵଣ୍ଯ-ଵାରାଂ ନିଧିଃ ।
ଲୀଲା-ଲୋଲ-ତମଂ ଶୁକଂ ମଧୁରଯା ସଂଲାଲଯନ୍ତୀ ଗିରା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୭॥

॥ କ॥
କଲ୍ଯାଣୀ କରୁଣା-ରସାର୍ଦ୍ର-ହୃଦଯା କଲ୍ଯାଣ-ସନ୍ଦାଯିନୀ
କାଦ୍ଯର୍ଣାଙ୍କିତ-ମନ୍ତ୍ର-ଲକ୍ଷିତ-ତନୁସ୍ତନ୍ଵୀ ତମୋ-ନାଶିନୀ ।
କାମେଶାଙ୍କ-ଵିଲାସିନୀ କଲ-ଗିରାମାଵାସ-ଭୂମିଃ ଶିଵା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୮॥

॥ ହ॥
ହନ୍ତୁଂ ଦାନଵ-ପୁଙ୍ଗଵଂ ରଣ-ଭୁଵି ପ୍ରୋଚ୍ଚଣ୍ଡ-ଭନ୍ଡାଭିଧଂ
ହର୍ଯକ୍ଷାଦ୍ଯମରାର୍ଥିତା ଭଗଵତୀ ଦିଵ୍ଯାଂ ତନୂମାଶ୍ରିତା ।
ଶ୍ରୀମାତା ଲଲିତେତ୍ଯଚିନ୍ତ୍ଯ-ଵିଭଵୈର୍ନାମ୍ନାଂ ସହସ୍ରୈଃ ସ୍ତୁତା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୯॥

॥ ଲ॥
ଲକ୍ଷ୍ମୀର୍ଵାଗ-ଗଜାଦିଭିର୍ବହୁ-ଵିଧୈଃ ରୂପୈଃ ସ୍ତୁତାଽପି ସ୍ଵଯଂ
ନୀ-ରୂପା ଗୁଣ-ଵର୍ଜିତା ତ୍ରି-ଜଗତାଂ ମାତା ଚ ଚିଦ୍-ରୂପିଣୀ ।
ଭକ୍ତାନୁଗ୍ରହ-କାରଣେନ ଲଲିତଂ ରୂପଂ ସମାସାଦିତା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୦॥

॥ ହ୍ରୀଂ॥
ହ୍ରୀଙ୍କାରୈକ-ପରାଯଣାର୍ତ-ଜନତା-ସଂରକ୍ଷଣେ ଦୀକ୍ଷିତା
ହାର୍ଦାସଂ ତମସଂ ଵ୍ଯପୋହିତ-ମଲଂ ଭୂଷ୍ଣୁର୍ହର-ପ୍ରେଯସୀ
ହତ୍ଯାଦି-ପ୍ରକଟାଘ-ସଙ୍ଘ-ଦଲନେ ଦକ୍ଷା ଚ ଦାକ୍ଷାଯଣୀ
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୧॥

॥ ସ॥
ସର୍ଵାନନ୍ଦ-ମଯୀ ସମସ୍ତ-ଜଗତାମାନନ୍ଦ-ସନ୍ଦାଯିନୀ
ସର୍ଵୋତ୍ତୁଙ୍ଗ-ସୁଵର୍ଣ-ଶୈଲ-ନିଲଯା ସା ସାର-ସାକ୍ଷୀ ସତୀ ।
ସର୍ଵୈର୍ଯୋଗି-ଚଯୈଃ ସଦୈଵ ଵିଚିତା ସାମ୍ରାଜ୍ଯ-ଦାନ-କ୍ଷମା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୨॥

॥ କ॥
କନ୍ଯା-ରୂପ-ଧରା ଗଲାବ୍ଜ-ଵିଲସନ୍ମୁକ୍ତା-ଲତାଽଲଂକୃତା
କାଦି-କ୍ଷାନ୍ତମନୁ-ପ୍ରଵିଷ୍ଟ-ହୃଦଯା କଲ୍ଯାଣ-ଶୀଲାନ୍ଵିତା ।
କଲ୍ପାନ୍ତୋଦ୍ଭଟ-ତାଣ୍ଡଵ-ପ୍ରମୁଦିତା ଶ୍ରୀକାମ-ଜିତ୍-ସାକ୍ଷିଣୀ
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୩॥

॥ ଲ॥
ଲକ୍ଷ୍ଯା ଭକ୍ତି-ରସାର୍ଦ୍ର-ହୃତ୍-ସରସିଜେ ସଦ୍ଭିଃ ସଦାଽଽରାଧିତା
ସାନ୍ଦ୍ରାନନ୍ଦ-ମଯୀ ସୁଧାକର-କଲା ଖଣ୍ଡୋଜ୍ଜ୍ଵଲନ୍ମୌଲିକା ।
ଶର୍ଵାଣୀ ଶରଣାଗତାଽଽର୍ତି-ଶମିନୀ ସଚ୍ଚିନ୍ମଯୀ ସର୍ଵଦା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୪॥

॥ ହ୍ରୀଂ॥
ହ୍ରୀଙ୍କାର-ତ୍ରଯ-ସମ୍ପୁଟାଽତି-ମହତା ମନ୍ତ୍ରେଣ ସମ୍ପୂଜିତା
ହୋତ୍ରୀ ଚନ୍ଦ୍ର-ସମୀରଣାଽଗ୍ନି-ଜଲ-ଭୂ-ଭାସ୍ଵନ୍ନଭୋ-ରୂପିଣୀ ।
ହଂସଃ ସୋହମିତି ପ୍ରକୃଷ୍ଟ-ଧିଷଣୈରାରାଧିତା ଯୋଗିଭିଃ
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୫॥

॥ ଶ୍ରୀଂ॥
ଶ୍ରୀଙ୍କାରାମ୍ବୁଜ-ହଂସିକାଽଽଶ୍ରିତ-ଜନ-କ୍ଷେମଙ୍କରୀ ଶଙ୍କରୀ
ଶ୍ରୃଙ୍ଗାରୈକ-ରସାକରସ୍ଯ ମଦନସ୍ଯୋଜ୍ଜୀଵିକା-ଵଲ୍ଲରୀ ।
ଶ୍ରୀକାମେଶରହଃ-ସଖୀ ଚ ଲଲିତା ଶ୍ରୀମଦ୍-ଗୁହାଽଽରାଧିତା
ଶ୍ରୀଚକ୍ରାଧି-ନିଵାସିନୀ ଵିଜଯତେ ଶ୍ରୀରାଜ-ରାଜେଶ୍ଵରୀ ॥ ୧୬॥

ଇତି ।

Encoded and proofread by Pankaj Dubey dr.pankaj.dubey at gmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Tripura Sundari Vijaya Stavam Lyrics in Oriya PDF
% File name : tripurasundarIvijayastava.itx
% Category : stotra
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Pankaj Dubey dr.pankaj.dubey at gmail.com
% Proofread by : Pankaj Dubey dr.pankaj.dubey at gmail.com
% Latest update : April 18, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website