{॥ శ్రీత్రిపురసున్దరీ సుప్రభాతమ్ ॥}
శ్రీసేవ్య-పాదకమలే శ్రిత-చన్ద్ర-మౌలే
శ్రీచన్ద్రశేఖర-యతీశ్వర-పూజ్యమానే।
శ్రీఖణ్డ-కన్దుకకృత-స్వ-శిరోవతంసే
శ్రీమన్మహాత్రిపురసున్దరి సుప్రభాతమ్ ॥ ౧॥

ఉత్తిష్ఠ తుఙ్గ-కులపర్వత\-రాజ-కన్యే ఉత్తిష్ఠ
భక్త-జన-దుఃఖ-వినాశ-దక్షే ।
ఉత్తిష్ఠ సర్వ-జగతీ-జనని ప్రసన్నే ఉత్తిష్ఠ హే త్రిపురసున్దరి
సుప్రభాతమ్ ॥ ౨॥

ఉత్తిష్ఠ రాజత-గిరి-ద్విషతో రథాత్ త్వం ఉత్తిష్ఠ
రత్న-ఖచితత్ జ్వలితాచ్చ పీఠాత్।
ఉత్తిష్ఠ బన్ధన-సుఖం పరిధూయ శంభోః ఉత్తిష్ఠ
విఘ్నిత-తిరస్కరిణీం విపాట్య ॥ ౩॥

యత్పృష్ఠభాగమవలమ్బ్య విభాతి లక్ష్మీః
యస్యా వసన్తి నిఖిలా అమరాశ్చ దేహే ।
స్నాత్వా విశుద్ధహృదయా కపిలా సవత్సా
సిద్ధా ప్రదర్శయితుమిహ నస్తవ విశ్వరూపమ్ ॥ ౪॥

ఆకర్ణ్యతేఽద్య మదమత్త-గజేన్ద్రనాదః
త్వం బోధ్యసే ప్రతిదినం మధురేణ యేన ।
భూపాలరాగముఖరా ముఖవాద్యవీణా
భేరీధ్వనిశ్చ కురుతే భవతీం ప్రబుద్ధామ్ ॥ ౫॥

త్వాం సేవితుం వివిధ-రత్న-సువర్ణ-రూప్య-
ఖాద్యమ్బరైః కుసుమ-పత్ర-ఫలైశ్చ భక్తాః ।
శ్రద్ధాన్వితాః జనని విస్మృత-గృహ్య-బన్ధాః
ఆయాన్తి భారత-నివాసి-జనాః సవేగమ్ ॥ ౬॥

జీవాతవః సుకృతినః శ్రుతిరూపమాతుః
విప్రాః ప్రసన్న-మనసో జపితార్క-మన్త్రాః ।
శ్రీసూక్త-రుద్ర-చమకాద్యవధారణాయ
సిద్ధాః మహేశ-దయితే తవ సుప్రభాతమ్ ॥ ౭॥

ఫాలప్రకాసి-తిలకాఙ్క-సువాసినీనాం
కర్పూర-భద్ర-శిఖయా తవ దృష్టి-దోషమ్ ।
గోష్ఠీ విభాతి పరిహర్తుమనన్యభావా
హే దేవి పఙ్క్తిశ ఇయం తవ సుప్రభాతమ్ ॥ ౮॥

ఉగ్రః సహస్ర-కిరణోఽపి కరం సమర్ప్య త్వత్తేజసః పురత ఏష
విలజ్జితః సన్ ।
రక్తస్తనావుదయమేత్యగపృష్ఠలీనః పద్మం త్వదాస్యసహజం కురుతే
ప్రసన్నమ్ ॥ ౯॥

నృత్యన్తి బర్హనివహం శిఖినః ప్రసార్య
గాయన్తి పఞ్చమగతేన పికాః స్వరేణ।
ఆస్తే తరఙ్గతతి-వాద్య-మృదఙ్గ-నాదః
తౌర్యత్రికం శుభమకృత్రిమమస్తు తుభ్యమ్ ॥ ౧౦॥

సంతాప-పాప-హరణే త్వయి దీక్షితాయాం
సంతాప-హారి-శశి-పాపహరాపగాభ్యామ్ ।
కుత్రాపి ధూర్జటి-జటా-విపినే నిలీనం
ఛిన్నా సరిత్ క్షయముపైతి విధుశ్చ వక్రః ॥ ౧౧॥

భుక్త్వా కుచేల-పృతుకం నను గోపబాలః
ఆకర్ణ్య తే వ్యరచయత్ సుహృదం కుబేరమ్ ।
వ్యాజస్య నాస్తి తవ రిక్త-జనాదపేక్షా
నిర్వ్యాజమేవ కరుణాం నమతే తనోషి ॥ ౧౨॥

ప్రాప్నోతి వృద్ధిమతులాం పురుషః కటాక్షైః ద్వన్ద్వీ ధ్రువం
క్షయముపైతి న చాత్ర శఙ్కా।
మిత్రస్తవోషసి పదం పరిసేవ్య వృద్ధః
చన్ద్రస్త్వదీయ-ముఖశత్రుతయా వినష్టః ॥ ౧౩॥

సృష్టి-స్థితి-ప్రలయ-సాక్షిణి విశ్వ-మాతః
స్వర్గాపవర్గ-ఫల-దాయని శంభు-కాన్తే ।
శ్రుత్యన్తఖేలిని విపక్ష-కఠోర-వజ్రే భద్రే ప్రసన్న-హృదయే
తవ సుప్రభాతమ్ ॥ ౧౪॥

మాతః స్వరూపమనిశం హృది పశ్యతాం తే
కో వా న సిద్ధ్యతి మనశ్చిర-కాంక్షితార్థః ।
సిద్ధ్యన్తి హన్త ధరణీ-ధన-ధాన్య-ధామ-
ధీ-ధేను-ధైర్య-ధృతయః సకలాః పుమార్థాః ॥ ౧౫॥


Encoded and proofread by N.Balasubramanian bbalun@dataone.in

Please send corrections to sanskrit@cheerful.com
Last updated త్oday
http://sanskritdocuments.org

Tripura Sundari Suprabhatam 2 Lyrics in Telugu PDF
% File name : tripurasupra2.itx
% Category : suprabhAta
% Location : doc\_devii
% Language : Sanskrit
% Subject : philosophy/hinduism/religion
% Transliterated by : N.Balasubramanian bbalun at dataone.in
% Proofread by : N.Balasubramanian bbalun at dataone.in
% Latest update : March 29, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website